23282	MAT 4:4	Jises pahoi i, “Leili pepai Haeu i kak ukek, “‘Seilon ala i hana hatapo namilon hani kakai Haeu kumahe an.’”
23284	MAT 4:6	Ape Satan kakane i, “Na masin salan o tel Nati Haeu, tautit haniwa itan. Ti leili pepai Haeu i kak ukek, “‘Haeu talo tesol engelaun tengeni awaiam he minalato lehe kalak taen aem pot kum hamange.’”
23288	MAT 4:10	Jises kak pahoi i, “Nahih xaxaua Satan! Teik pepai Haeu i kak ukek, “‘Lotuiwa mewenae Haeu tel Masiwi ma ailewa mewenae puasan.’”
23360	MAT 6:9	“Na amuto lotu, amuto kak kewak: “‘Tel Tamamite Haeu, amite sameni o nake o pate tuah wanen.
23538	MAT 11:10	Jon tel seilon Haeu kakaxi leili pepaun. Haeu kakane tel Natun i ukek, “‘Nga talo tel ahutiai kakaiak imat tetam ti apeseniai seilon ti sohotuam.’
23545	MAT 11:17	“‘Amite pakui pak solian ti salasala hani amuto tuahe amuto kum amuam. Amite pakui pak ti tatahan tuahe amuto kum tang.’
23622	MAT 13:14	Tenen ien i hapoponowi hawane waliko ti Aisaia kak kilamiwen. I ukek, “‘Teka seilon laha hongohong kakai Haeu tuahe laha kum xeu, laha papaxai waliko ti Haeu ailele tuahe laha kum ningahi.
23710	MAT 15:8	“‘Teka seilon sameni nga ti tuahe awalaha a namilolaha pate xauxaun tetak.
23937	MAT 21:42	Jises hone lato, “Ala amuto tioi teik kakain ie: “‘Tehu kuku teka ataiai ing hilisa, Haeu aile ape i sohot kuku tehu pamu tuah ti kuku liai. Haeu aile ape kako amuam hawane.’
23978	MAT 22:37	Jises kak pahoi i, “‘Waheni hawanewa Haeu tel Masiwi ti amuto, xoiniwa ti amuto waheni teka seilon liai. Amukewa Haeu ti leili tiamuto, namiloi eliel hawanewa i ma aile hatapoa puasan ti hatesol kuimuto.’
23985	MAT 22:44	“‘Haeu kakane tel Masiwi tetak, toma papak tepaun manau ti neiniai seilon atengi tataen nga hanawa teka seilon laha pahoxai o hani hahitakam.’
24055	MAT 24:29	“Muhi kawatan ien, “‘al i kum kam, pangapang i kum xeu, kohot ti he maun i put, hatesol waliko ti he maun i nuea.’
24154	MAT 26:31	Jises hone lato, “Ti ipong tetehu amuto hatesol kiliwau salili nga, masin ti kakai Haeu kakawen, i ukek, “‘Nga telei tel ngahatiai sipsip ape teka sipsip kiliwau silahota!’”
24404	MRK 4:12	Masin ti leili pepai Aisaia i ukek, “‘Laha papaxai he tange pulalaha waliko ti Haeu ailele tuahe laha kum ningahi, laha hongohong kakai Haeu tuahe laha kum xeu. Na masin ala laha hong tioila kakai Haeu, laha towiahu haniwen i ape i oxoxiwen laha ti kawatan ti lialui woulaha.’”
24538	MRK 7:6	I kak pahoi lato ukek, “Amuto seilon tenen lehomuto huoka! Kakai Haeu ti Aisaia taiwen pate salan ti i kak kilami woumuto. Haeu kakane Aisaia ukek, “‘Teka seilon sameni nga ti tuahe awalaha a namilolaha pate xauxaun tetak.
24726	MRK 11:17	Ape i kakane nau laha, “Kakai Haeu ukek, “‘Tehu ingak ing ti lotu ti lawe seilon.’” Ape Jises ukek, “Tuahe amuto aile hanowi ka ing ti tone munai teka xuxuina.”
24752	MRK 12:10	Ala amuto tioi teik kakain ie: “‘Tehu kuku teka ataiai ing hilisa, Haeu aile ape i sohot kuku tehu pamu tuah ti kuku liai.
24778	MRK 12:36	Puki Holi Spirit hanamiloa David ape i kak ukek, “‘Haeu kakane tel Masiwi tetak, “Toma papak tepaun manau ti neiniai seilon atengi tataen nga hanawa teka laha pahoxai o hani hahitakam.” ’
24810	MRK 13:24	“Muhi kawatan ien, “‘al i kum kam, pangapang i kum xeu,
24850	MRK 14:27	Jises kakane tesol kahikahin ukek, “Amuto hatesol kiliwau salili nga masin ti leili pepai Haeu kakawen, “‘Nga telei tel ngahatiai sipsip ape teka sipsip kiliwau silahota.’
25140	LUK 4:8	Jises kak pahoi i, “Kakai Haeu ukek, “‘Lotuiwa mewenae Haeu tel Masiwi ma ailewa mewenae puasan.’”
25142	LUK 4:10	Pake kakai Haeu i ukek, “‘Haeu talo teka engel tetan ti awaiam ma ngahatiam.
25291	LUK 7:27	Jon i tel seilon Haeu kakaxi leili pepaun. Haeu kakane tel Natun i ukek, “‘Nga talo tel ahutiai kakaiak imat tetam ti apeseniai seilon ti sohotuam.’”
25296	LUK 7:32	Laha masin teka akaik laha toto ti tone halokoin. Laha tilol ausisini hani teka liai, “‘Amite pakui pak solian ti salasala hani amuto tuahe amuto kum amuam. Amite pakui pak ti tatahan, tuahe amuto kum tang.’
25324	LUK 8:10	Ape i ukek, “Haeu haxewa hani amuto teka kahikahik sale nenein tetan kumahe hani seilon liai. Teka seilon kumahe kahikahik nga kaxi meng ti hanaualaha lehe waliko ti Aisaia kaxiwen i sohot poponowi. I ukek, “‘Teka seilon papaxai waliko tenen ti nga ailele, tuahe laha kum ningahi, laha hongohong kakaiak tuahe laha kum xeu.’”
25476	LUK 11:2	Jises hone lato, “Na amuto lotu, amuto kak kewak: “‘Tel Tamamite Haeu, amite sameni o nake o pate tuah wanen. Pahamite o neiniwa ma ngahatiwa amite. Hualima amite usiam hanowi tetesol lato kapim leili tonam.
25865	LUK 20:17	Jises paxaiwa laha ape i ukek, “Na masin ien, salangawan la teik kakai Haeu ti i ukek, “‘Tehu kuku teka ataiai ing hilisa, Haeu aile ape i sohot kuku tehu pamu tuah ti kuku liai.’”
25890	LUK 20:42	Puki David i kakaxi leili kakai Haeu ti he pepai Salm, “‘Haeu kakane tel Masiwi tetak, “Toma papak tepaun manau ti neiniai seilon atengi tataen nga hanawa teka seilon laha pahoxai o hani hahitakam.” ’
27043	ACT 2:25	Kako tioi ka salan wanen nake David tel masiwi kakawen sale Jises. I ukek, “‘Nga niningahi tel Masiwi kapik lawe ngain. Lawe i huali nga ape nga kum mamata kawatan na i tunahi nga.
27052	ACT 2:34	Haeu tai waxi David tel masiwi hani tonan, i waxi Jises masin ti puki David kakawen. I ukek, “‘Haeu kakane tel Masiwi tetak, “Toma papak tepaun manau ti neiniai seilon atengi tataen nga hanawa teka seilon laha pahoxai o hani hahitakam.” ’
27102	ACT 4:11	Jises se tel seilon ti pepai Haeu kakak, “‘Tehu kuku teka ataiai ing hilisa, Haeu aile hasohotu i kuku pamu tuah ti kuku liai!’
27116	ACT 4:25	O hapuasa Holi Spirit kakanei tel unauam David, tel tame tesol tamamite, i kak ukek, “‘Kalahai teka seilon laha kum tioi Haeu lolaha lialu? Kalahai teka seilon tua namiloi pahoxai Haeu?
27227	ACT 7:42	Aile ape Haeu hani lioi lato lotui hatapo waliko ti he maun aheah. I hapoponowi waliko ti Haeu kaxiwen leili pepai teka kuluiai kakaian. I ukek, “‘Teka seilon ti Israel, ti amuto he lohong leili 40 ahang, salan amuto telei ma lelei manihuh tuahe kumahe amuto aile hahani nga.
27234	ACT 7:49	I ukek, “‘Nga Masiwi ti lawe waliko ti patul ma tehu pon itan ie. Nakon amuto sokok i tapai na amuto atai hani nga tehu ing? Nakon amuto sokok i tapai na amuto atai hani nga tehu ing lehe nga to hanau?
27464	ACT 13:33	Waliko ti Haeu kakanewen tesol tamakako ti matahaun i hapoponowi hani kako tesol kahi natulato ti i hamoiha aliake Jises. Masin ti Haeu kakawen leili pepai Salm, i ukek, “‘O se Natuk. Nga kilamiwen o ailei puasak.’
27465	ACT 13:34	Haeu hamoiha Jises ti matean lehe i kum mat ulea, masin ti Haeu kakawen leili pepai tel kuluiai kakaian i ukek, “‘Nga aile hasolia hani amuto masin ti nga kakanewen tel masiwi David.’
27466	ACT 13:35	Masin ti David kakak kapi Haeu ti i ukek, “‘O kum hani tel unauam solian koha leili amal.’
27478	ACT 13:47	Masin ti Haeu kakanewen tel Natun, i ukek, “‘Nga kilami o hanowi xewan ti hani lawe seilon ti xux tesol tesol lehe o awai laha ti kawatan ti saun lialun ti laha.’”
27527	ACT 15:16	I ukek, “‘Imuh nga aliama haxoxo aliakei tehu nenein ti David. Laha aile halialuawen tuahe nga aile hasolia aliake.
27993	ACT 28:26	“‘Nahiwa ape honewa teka Israel, “Amuto hongohong kakaiak tuahe amuto kum hong tioi, amuto papaxai waliko ti nga ailele tuahe amuto kum xeu.”
31072	REV 18:10	Lato tu siasia nake sale lalape moloan ti teka Babilon uke, i hamatau lato. Lato eseini ukek, “‘Malehe ape lialui teka Babilon! I tehu taon axan lalap tuahe ti teik taun pate kukunun ape lato kewen kawatan.’
31078	REV 18:16	“‘Malehe ape lialui teka Babilon! Kemuk i tehu taon axan lalap. Soliai tanoman masin tel hehin i pupuxui maia wexowexon tenen kahun lalap ma pis tenen i kamakam ma hat pate tuah.
31081	REV 18:19	Laha towi pekeun hani he patulaha kolai lalape tatahan. Laha tang kakak tutuen ukek, “‘Malehe ape lialui teka Babilon! Kemuk i tehu taon axan lalap. Teka huniwai waian lawe uke halapa moni ti hangaini hanialato soxi. Tuahe ti teik taun kukunun laha hamanana kalutini hatehu taon.’”