88	GEN 4:8	Kutupa Keinima꞉ ipika꞉ kame Eipolo pa꞉ta꞉ alota꞉ Oni e pa꞉ta꞉ pana꞉ epoe leekeme. Kutupa mo hama̱la̱꞉ oni ena꞉ pua haepe dina꞉ta꞉ Keinima꞉ la꞉ka꞉la꞉ moneao ipika꞉ hameke siki kone homena꞉ liekeme.
124	GEN 5:18	Mo Dia꞉tedi ipika꞉ bapi 162 yeketa꞉ biki Onoko leeke weki mondu wiekeme.
263	GEN 10:28	Obalo make Abima꞉elo make Siba make
264	GEN 10:29	Opa make Ha꞉pila make Dioba꞉be make koto damanu pa꞉ta꞉ haemeke wanda꞉halie. Iki paeyaota꞉ Diokotanima꞉ kini pea monduma꞉ monduma꞉ pieke wekiwandikina꞉ wekiwandikie.
360	GEN 14:23	I̱ma꞉ta꞉ neke pepeleke ala꞉ta꞉ ma꞉nda꞉ siki make ota꞉ na wia halueke laata꞉ Ota꞉ mo kodoni pu kone o anke dake pu tunkuliki kone loa꞉me. Kota꞉ mo nakana꞉ma꞉ alota꞉ I̱ma꞉ Eipola꞉ma꞉ mea hamoko yawa꞉ma꞉ pi na loelena꞉ loa꞉me.
366	GEN 15:5	Kutupa mo Tekehalima꞉ ipiki hama hatuku pua alota꞉ Oli ya nane handa꞉liao oli hombulanka꞉manu yata꞉pa꞉ handa꞉e. Nakana꞉ma꞉ monduma꞉ monduma꞉ pilipi wekiwandikina꞉ wekiwandikita꞉ oli hombulanka꞉ manuma꞉ handilimikie leekeme.
379	GEN 15:18	Kutupa koto pate koneta꞉ Tekehalima꞉ Eipola꞉ma꞉ yaapo pi la꞉ witolo alota꞉ I̱ma꞉ do yata꞉polo kenke paeyaota꞉ naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ halueke laa pi la꞉ witolome. Oni Idiepi yu tombona꞉ kini pea pua mo Yupoteitisi ikali puata꞉
430	GEN 18:5	Kutupa make mo ika꞉ pota꞉ pelimi ale pa꞉ta꞉manu honkopu hamina꞉ ne siki make mea a꞉palueke. Ikana꞉ma꞉ta꞉ yaka da pa꞉ta꞉ epeleme ekita꞉ I̱ ta꞉na꞉ homa꞉tiaasa꞉ hau pelememe. Koto ekina꞉ta꞉ I̱ma꞉ iki tamba꞉ mionoe leekeme. Kutupa ikana꞉ma꞉ hombo peaaso alota꞉ Ota꞉ a꞉pa꞉la꞉me laa keiyae lemekeme.
434	GEN 18:9	Kutupa mo haliwekima꞉ lota꞉ pitolo alota꞉ Naka꞉ wanda꞉ Setata꞉ hande pa꞉la꞉pe lemekeme. Eipoloha꞉ma꞉ma꞉ hombo peaaso alota꞉ Oni palai da pa꞉ta꞉ pila꞉me leekeme.
449	GEN 18:24	Oni daoni pa꞉ta꞉ hoke hau na pu haleme wanda꞉hali 50 haya꞉ka꞉na꞉ta꞉ kota꞉ pa hoeyalipikipe. Nakana꞉ma꞉ta꞉ koto 50 wanda꞉hali homaama꞉na꞉ ya honema꞉ta꞉ na hoeyalena꞉e hone witolome.
450	GEN 18:25	Ota꞉ mo tikitiki piki tapaketa꞉ mo hoke hau pa꞉la꞉ wanda꞉hali ame̱le̱ na lu homalipikipema. Kotota꞉ ota꞉ pea꞉peke na ya꞉la꞉ haue. Nakana꞉ma꞉ta꞉ kutupiki hau pea꞉peke na ya꞉la꞉me. Nakana꞉ma꞉ mo da hoeyaeka꞉na꞉ta꞉ kota꞉ mo tikitiki piki tapaketa꞉ mo hoke hau pa꞉la꞉ tapake ame̱le̱ ka꞉nda꞉ pealipikie. Koto ekina꞉ kotota꞉ ota꞉ ana꞉ na pa꞉la꞉ haue. Do kenke paeyaona꞉ pi yokaalu pitele halima꞉ta꞉ ota꞉ tikitiki yao kone pea꞉peke ya꞉la꞉me laa leekeme.
475	GEN 19:17	Kutupa mo enisolo ma꞉nda꞉ma꞉ alota꞉ Ota꞉ homa꞉la꞉eki weiya honkopu hao pototo laa pupe. Na handa꞉neake make mo hawetena꞉ na pua hando hapa꞉peke. Iki na lulu pa꞉la꞉ tupa꞉ oli pote pa꞉ta꞉manu pindipa pupe leekeme.
480	GEN 19:22	Ota꞉ a̱i̱ a̱i̱ la a̱i̱ya pupema. I̱ma꞉ta꞉ iki mopate a̱i̱ na opolo peke hamina꞉ta꞉ hau ma꞉nda꞉ a̱i̱ na pulueke leekeme. Lodama꞉ koto daonita꞉ hosiki alesiki leeke handaa mo daonina꞉ bikita꞉ Soa leekeme.
502	GEN 20:6	Koda꞉ma꞉ upama꞉ hombo peaaso alota꞉ Ota꞉e. Nakana꞉ma꞉ tikitiki pieke handaa pi ekina꞉ nakana꞉ma꞉ I̱ pa꞉ta꞉ hoke hau pilipiki yeke nakana꞉ma꞉ mo wanda꞉ na wataalena꞉ loa꞉me.
583	GEN 23:11	Someo. Opie. I̱ma꞉ta꞉ koto hama꞉ make koto pa꞉ta꞉ ula꞉ tikene da make paeyao neke kulueke. Do yaka da wanda꞉halina꞉ leke popelekena꞉ mo naka꞉ wanda꞉ hoiyuelena꞉ neke kulueke laa leekeme.
601	GEN 24:9	Koto ekina꞉ mo e pokaeyeke halima꞉ ipika꞉ you hali Eipoloha꞉ma꞉na꞉ paleke yaapo pa꞉ta꞉ kiki witolo hata꞉ Ota꞉ pulueke laa pi la꞉ wiekeme.
737	GEN 27:9	Oni ma꞉na꞉manu hala꞉ pa꞉ta꞉ pua panka wiki nanikosi ikiki yaapo mea epoe. Koto ekima꞉ta꞉ mo naka꞉ apa꞉na꞉ ta꞉na꞉ma꞉ homo hala꞉ ne yankaluekema꞉ loa꞉me.
765	GEN 27:37	Aisa꞉kema꞉ hombo peaaso alota꞉ I̱ma꞉ta꞉ ipikana꞉ma꞉ neke ankulao you haena꞉ laa ipika꞉ tapakemanu maketa꞉ ipika꞉ pa hameke e pokaasa꞉ tapake haena꞉ loa꞉me. I̱ma꞉ta꞉ widi make waini ikali make haloa꞉me. Ota꞉ yaka wekio. Neke pa꞉ta꞉ pulu polo ekita꞉ ma꞉nda꞉ dia꞉me leekeme.
767	GEN 27:39	Kota꞉ Aisa꞉kema꞉ ipiki pa꞉ta꞉ alota꞉ Oli ya nanema꞉ ekepipida꞉ neke ma꞉nda꞉ na kina꞉e. Kenke epeke wiki hama꞉ ma꞉nda꞉ dia꞉me.
770	GEN 27:42	Pate Lepekama꞉ Isona꞉ pulueke leeke ekimanu amba꞉ opu hao Dieikope epoa꞉ la alota꞉ Opie. Naka꞉ kame Isoma꞉ta꞉ hombo peaaso hata꞉ neke lu homalueke ala꞉me.
791	GEN 28:17	Kutupa ipikita꞉ pala꞉ haaso hata꞉ alota꞉ Dota꞉ ota꞉ paala꞉piki alena꞉e laata꞉ Koda꞉na꞉ da yalo pa꞉la꞉me. Oli hepeni nane pula꞉ pota꞉ kake lomba꞉la꞉ alena꞉ yalo pa꞉la꞉me leekeme.
810	GEN 29:14	Leibenima꞉ alota꞉ Aowe. Ota꞉e. Neketa꞉ yaka loke homeke make we homekee leekeme. Kutupa Dieikopeta꞉ sumba꞉ homeke koto pa꞉ta꞉ hayekeme.
1043	GEN 36:2	Isoma꞉ta꞉ Keinani wanda꞉weki miekeme. Ma꞉nda꞉ta꞉ Hidi hali Ilonona꞉ waneke Ada miekeme. Kutupa mo Hipi hali Sibionona꞉ eiyeke Anana꞉ waneke Oholibama make
1046	GEN 36:5	Kutupa Oholibamama꞉ta꞉ Dieusi make Dialamo make Kota make mendiaeyekeme. Do weki paeyaota꞉ mo Keinani kenke pa꞉ta꞉ hata꞉ Isona꞉ mendiaemeke weki tonue.
1052	GEN 36:11	Isona꞉ eiyeke Elipa꞉sema꞉ta꞉ weki yunki hata꞉ mendiekeme. Ika꞉ biki manuta꞉ Temani make Oma make Sepo make Ka꞉tamo make Kena꞉se makee.
1055	GEN 36:14	Isona꞉ weteke ma꞉nda꞉ Oholibamama꞉ta꞉ weki tepo mendiaeyekeme. Ika꞉ biki manuta꞉ Dieusi make Dialamo make Kota makee. Oholibamama꞉ta꞉ mo hande Sibionona꞉ eiyeke Anana꞉ wanekee.
1056	GEN 36:15	Dota꞉ mo Iso pa꞉ta꞉ yama꞉ epemeke tapake you hali manue. Mo Isona꞉ mupeke weki Elipa꞉seta꞉ do tapake manuna꞉ apa꞉meie. Temani make Oma make Sepo make Kena꞉se make
1059	GEN 36:18	Dota꞉ mo hande Anana꞉ waneke Oholibamama꞉ Isona꞉ mendiaeyeke weki tonuna꞉ tapakemanue. Dieusi make Dialamo make Kota make mendiaeyekeme
1064	GEN 36:23	Soubalota꞉ mo Elipani make Manahati make Ebalo make Siepo make Onamo make paeyaona꞉ apa꞉meie.
1066	GEN 36:25	Anata꞉ mo Disionona꞉ atekee. Anama꞉ta꞉ wandiki ma꞉nda꞉ Oholibama make mondu wiekeme.
1082	GEN 36:41	Oholibama make Ela make Pinono make
1119	GEN 37:35	Kutu pieke ipika꞉ eiyeke tonuma꞉ make waneke tonuma꞉ make atekena꞉ puki epealo epemekepate pa mo ipiki epeaasa꞉ ekita꞉ kiaaso hata꞉ alota꞉ Oni homo hala꞉ kenke pa꞉ta꞉ pulu maketa꞉ yaka wekina꞉ homa꞉ pa upaleke polueke leekeme. Koto ekina꞉ eiyeke Diosepena꞉ homa꞉ pa utia peekeme.
1124	GEN 38:4	Weki loke paa lombaata꞉ hali weki ma꞉nda꞉ mondu wiata꞉ ipika꞉ bikita꞉ Onane leekeme.
1128	GEN 38:8	Koto ekina꞉ Diudama꞉ Eana꞉ hameke Onane pa꞉ta꞉ alota꞉ Naka꞉ kamena꞉ weteke kineke yaapo polu pue la alota꞉ Mo hande nika꞉ pi la꞉ uluma꞉ tupa꞉ ipika꞉ halikina꞉ hameke hata꞉ mo naka꞉ kamena꞉ monduma꞉ monduma꞉ pilia꞉ wekiwandikina꞉ wekiwandiki haena꞉ yeke loa꞉me leekeme.
1129	GEN 38:9	Pate Onanema꞉ta꞉ mo wekiwandikita꞉ ipika꞉eki dia꞉ya꞉lieke hone witolo hata꞉ta꞉ mo hamekena꞉ wanda꞉ kineke yaapo polu puluta꞉ hamekena꞉ wekiwandiki ma꞉nda꞉ na mendiaena꞉ yeketa꞉ ipika꞉ hali hapeketa꞉ kenkena꞉ pao yapena꞉ la꞉tiki piekeme.
1162	GEN 39:12	Koto ekina꞉ mo wanda꞉ma꞉ mo wekina꞉ dau hokulupeke mineke hata꞉ alota꞉ Oni da panda꞉ pa꞉ta꞉ dika꞉ polupana꞉ pana꞉ epoma leekepate mo wekita꞉ ipika꞉ dauta꞉ mo wanda꞉na꞉ kiki pa꞉ta꞉ hola꞉mea wia haena꞉ hama pindipa opolu baeyekeme.
1255	GEN 42:2	Oni Idiepi kenke pa꞉ta꞉ widi ula꞉ma꞉ aleke opitolo loa꞉ma꞉ do niki tea꞉ma꞉ homaama꞉na꞉ma꞉ koto nane pua hamba꞉pee leekeme.
1292	GEN 43:1	Oni Keinani naneta꞉ mo tea꞉ kita꞉ ota꞉ hoeyekeme.
1342	GEN 44:17	Diosepema꞉ alota꞉ O dia꞉me. I̱ma꞉ta꞉ kutupiki hau ota꞉ na pulueke. Mo yaka kapo ma꞉la꞉ some homeketa꞉ yaka pa hameke e pokaasa꞉ some halieke. Iki paeyaota꞉ epeke tupa꞉ siki hau ma꞉nda꞉ na piki ika꞉ apa꞉ pa꞉ta꞉ paa la꞉ka꞉la pelimikie leekeme.
1364	GEN 45:5	Koto ekina꞉ mo ikana꞉ma꞉ do pa꞉ta꞉ I̱ tapaaleme ekina꞉ ka꞉nda꞉ma꞉ na homa make nikana꞉ma꞉ pu hoeyaloma꞉me pi na lapa꞉peke. Ota꞉ Koda꞉ma꞉ kone mo wanda꞉hali homaapa꞉na꞉yeke. I̱ma꞉ pa꞉ta꞉lono I̱ amba꞉la tapao pa꞉la꞉me.
1397	GEN 46:10	Kutupa Simiono make ipika꞉ wekitonu Diemuelo make Diamini make Ohadi make Diakini make Soha make Siolo makee. Do weki Siolota꞉ mo Keinani wanda꞉na꞉ wekie.
1399	GEN 46:12	Diuda make ipika꞉ weki tonuta꞉ Sela make Petese make Sita makee. Diudana꞉ eiyeke yaapo Ea pita꞉ Onane yaapota꞉ Keinani haemeke toma꞉na꞉ kone amba꞉ homepekeme.
1407	GEN 46:20	Oni Idiepi kenketa꞉ mo Heliopolisi da pa꞉ta꞉ yeni peao hayeke hali Podipitana꞉ waneke A꞉sena꞉dema꞉ta꞉ Diosepena꞉ weki Ma꞉na꞉sa꞉ pita꞉ Ipoteimi yaapo mondu wiayekeme.
1408	GEN 46:21	Benisaminina꞉ eiyeke tonuta꞉ Bela make Bekea make A꞉sa꞉bele make Keta make Naamani make Ehi make Otosi make Mupimi make Hupimi make Ada makee.
1499	GEN 49:25	Mo neke tamba꞉ mina꞉la꞉ta꞉ naka꞉ apa꞉na꞉ Koda꞉ma꞉ pita꞉la꞉me. Mo Aneke Wele wopupiki Koda꞉ma꞉ neke epeaasa꞉me. Oli ya nane lakoma꞉ neke epeaasa꞉me. Kutupa oni kenke oto nane opa꞉laasa꞉ ikali manuma꞉ makee. Kaomanu wopu make wekiwandiki wopu make neke epeaasa꞉me.
23218	MAT 1:5	Sa꞉limonima꞉ta꞉ Boa꞉si mondu wiekeme. Boa꞉sina꞉ ama꞉ta꞉ Leiha꞉pe hayekeme. Boa꞉sima꞉ta꞉ Obedi mondu wiekeme. Ipika꞉ ama꞉ta꞉ Luti hayekeme. Obedima꞉ta꞉ Diesi mondu wiekeme.
23285	MAT 4:7	Koto leeke Yesuma꞉ ipika꞉ pi hombo peaaso alota꞉ Ota꞉ alepate mo Baiboloma꞉ pi ma꞉nda꞉ta꞉ dupa la꞉la꞉me. Mo Tekehali naka꞉ Koda꞉ta꞉ la handa꞉la꞉eki na pia꞉peke la꞉la꞉me leekeme.
23321	MAT 5:18	Ota꞉ pi alome. Oli hepeni do kenke yaapo a̱i̱ na paeke pa ula꞉ tomona꞉ta꞉ mo Mosesima꞉ la꞉ wieke pi ula꞉eki wape pea ula꞉ pi homeke siki make o tombo hodikali siki make ma꞉nda꞉ amba꞉la ota꞉ na alu pilieke. Kotoeki na pikita꞉ do kenke ya yaapo paelia꞉ natena꞉ mandake paeyaena꞉ pa wilieke.
23407	MAT 7:22	Mo hande wanda꞉hali paeyao momba꞉lalo pa꞉la꞉ Koda꞉na꞉ nate opolo epea꞉ka꞉na꞉ta꞉ wanda꞉hali wopuma꞉ dupiki pimanu I̱ pa꞉ta꞉ lelimikie. Tekehalio. Tekehalio. Naka꞉ biki alo hata꞉ Koda꞉na꞉ pimanu walao haloma꞉me. O Naka꞉ biki loma꞉ ekima꞉ hoke temokomanu wopu tolu lu make ta꞉ta꞉ piki na handeke haumanu tonka꞉na꞉ wopu puma꞉me lelimikie.
23412	MAT 7:27	Nate ma꞉nda꞉na꞉ lako tieke lopeeke ekima꞉ ikalimanu paeyao too make po tilipu tiekema꞉ mo dana꞉ ambula ambula pieke ekima꞉ mo data꞉ mea lombayekeme. Ota꞉ hoeya꞉hapu mea lombao hoeyaeyekeme.
23418	MAT 8:4	Kutu pieketa꞉ Yesuma꞉ mo some pa꞉ta꞉ Opie la alota꞉ Doeki ma꞉nda꞉ pa꞉ta꞉ amba꞉la na leketa꞉ pa mo yeni peao hala꞉ halima꞉ titina꞉ amba꞉la naka꞉ yeni ota꞉ paela꞉pe laa handena꞉ a̱i̱ ipiki pa꞉ta꞉ pua꞉peke. Kutaata꞉ wanda꞉halima꞉ naka꞉ yenita꞉ ota꞉ paela꞉me hone wina꞉ mo hande Mosesima꞉ la꞉ wieke tupa꞉ Koda꞉ pa꞉ta꞉ lia hala꞉la꞉ ale lia hala꞉peke leekeme.
23422	MAT 8:8	Koto leeke handaata꞉ mo somema꞉ alota꞉ O dia꞉me. Neke ya da pa꞉ta꞉ epo alota꞉ I̱ta꞉ epeke hali dia꞉ ya꞉la꞉ ekina꞉ nakana꞉ma꞉ ipika꞉ yeni pa paena꞉e pi homeke leka꞉na꞉ta꞉ kota꞉ ya e pokaasa꞉ hali tialieke.
23502	MAT 10:16	Opua꞉pe. Ikita꞉ mo honkopu wopu na hake sipisipimanu tupa꞉ ya꞉la꞉pate I̱ma꞉ iki mo tikene iyamanu tukiki pa꞉ta꞉ hamena꞉ tapaasome. Koto ekina꞉ mo hande ketoma꞉ kimelema꞉ pomua꞉la꞉ tupa꞉ iki make kimelema꞉ pomua꞉pa꞉peke. Kutaa make mo hande dokolo ba manuma꞉ epeke tupa꞉ momba꞉la pitu haleme tupa꞉ iki make sembepela hao hapa꞉peke.
23551	MAT 11:23	A꞉pei Kapeneamio. Naka꞉ honema꞉ neketa꞉ oli hepeni nane naka꞉ kone mea a꞉meiyalueke hone wilipe. O dia꞉me. Neketa꞉ ti to hala꞉ ale pa꞉ta꞉ mea tapaalieke. I̱ma꞉ neke pa꞉ta꞉ pua꞉ na handeke haumanu a꞉nda꞉ mo hande Sodomo daoni pa꞉ta꞉ pua꞉ka꞉na꞉ yoluta꞉ kota꞉ koto data꞉ ame pa hao halo pia꞉me.
23699	MAT 14:33	Mo kawasona꞉ pitimiki disaipolo haliwekima꞉ koto pieke hau handolo hata꞉ta꞉ ikana꞉ma꞉ Yesuna꞉ biki a꞉meiyaaso alota꞉ Ota꞉e. Neketa꞉ ota꞉ Koda꞉na꞉ Eiyekee laa lemekeme.
23778	MAT 17:9	Potena꞉ hola꞉pa꞉niaaso haena꞉ Yesuma꞉ iki hando alo hata꞉ alota꞉ Oli hande upama꞉ handeke nono pimi hauta꞉ ma꞉nda꞉ pa꞉ta꞉ na lapa꞉peke laata꞉ Wanda꞉halina꞉ Eiyeketa꞉ ota꞉ homaa paa tiao haowa꞉ka꞉na꞉ alota꞉ ana꞉ pilieke leekeme.
23858	MAT 19:27	Pidama꞉ Yesu pa꞉ta꞉ pi alo alota꞉ Opi. Nikana꞉ma꞉ ala꞉ta꞉ ala꞉ta꞉ paeyao mina꞉pa꞉lao naka꞉ hoki nane telioloma꞉me. Koto ekina꞉ta꞉ nikana꞉ma꞉ta꞉ aleke muluma꞉pe leekeme.
23874	MAT 20:13	Mo e teke halima꞉ iki homeke ma꞉nda꞉ pa꞉ta꞉ Someo laa alota꞉ Opie. I̱ma꞉ neke na makealome. Nakana꞉ma꞉ nate homekena꞉ e pokaala꞉ ekita꞉ 1 kina ana꞉ pa꞉la꞉me laa homeke hone wiki handaata꞉
23879	MAT 20:18	Opua꞉pe. Nikita꞉ ame Diutuseleme da teke nane ta opa꞉liaasoma꞉ handepe. Koto pa꞉ta꞉ta꞉ mo yeni peao haleme teke haliwekima꞉ make mo Lo Pi wape pea wala꞉tiki pu haleme haliwekima꞉ make Wanda꞉halina꞉ Eiyeke mea puata꞉ homena꞉e laa ma̱leke lilimikie. Kutaata꞉ ikana꞉ma꞉ ipiki mo Diendaili haliweki pa꞉ta꞉ mea pua halimikie.
23897	MAT 21:2	Koto pa꞉ta꞉ hata꞉ta꞉ Yesuma꞉ ipika꞉ disaipolo hali yaapo tapaaluekema꞉ hata꞉ta꞉ dupa leekeme. Oli hala꞉ da nane opolo pua꞉pa꞉peke. Kutu polo hata꞉ koto kone donki hali ma꞉na꞉ ikiki ankula꞉ endi baala꞉eki handilipipikie. Kutu pia꞉ka꞉na꞉ta꞉ kota꞉ hola꞉ tapao mea a꞉pa꞉pa꞉peke.
23911	MAT 21:16	ikana꞉ma꞉ Yesu lota꞉ pitolo alota꞉ Nakana꞉ma꞉ koto wekiwandikima꞉ aleme pita꞉ na opitelepe lemekeme. Koto lemeke Yesuma꞉ alota꞉ Aowe. Opitolome. Mo Baiboloma꞉ alota꞉ Nakana꞉ma꞉ mo pota꞉ pula꞉ o andu nala꞉ wekiwandiki sunu paeyaoma꞉ ala꞉ta꞉ ma꞉nda꞉ na taleke yeiya꞉ laasa꞉ haumanu pina꞉yeke wala꞉tiaeme laa wape pea ula꞉ pita꞉ ikana꞉ma꞉ na yata꞉pemepe laa hombo peayekeme.
23916	MAT 21:21	Yesuma꞉ hombo peaaso alota꞉ I̱ma꞉ iki pa꞉ta꞉ ota꞉ ota꞉ pi alome. Ikana꞉ma꞉ hone tulaaso hata꞉ hone ma꞉nda꞉ na wimika꞉na꞉ta꞉ kota꞉ I̱ma꞉ mo nose ti pa꞉ta꞉ pua꞉ tupa꞉ kone ikana꞉ma꞉ make ana꞉na꞉ pea꞉peke yelieke. Kota꞉ koto hau homeke dia꞉ ya꞉la꞉pate ikana꞉ma꞉ ika꞉ kone do pote pa꞉ta꞉ alo hata꞉ Oni ikali pa꞉ta꞉ pua lopee lemeka꞉na꞉ta꞉ kota꞉ mo potema꞉ ota꞉ pilieke.
23928	MAT 21:33	Yesuma꞉ alota꞉ Onkoluma꞉ pi ma꞉nda꞉ doma꞉ ikana꞉ma꞉ opua꞉pe. Hali homeke ma꞉nda꞉ ipika꞉ kenke tieke wiekeme. Koto kenke pa꞉ta꞉ta꞉ waini pu e pokeekeme. Kutaata꞉ mo eta꞉ pape piekeme. Kutupa mo waini kiliki yombu tombua bepi pia꞉peke naku awaata꞉ mo ena꞉ pake nala꞉ hali handeteke pitepeke da hokulupeke a꞉eliayekeme. Kutaata꞉ mo hande eta꞉ mandane haliwekima꞉ handeteke haena꞉ yenki tieketa꞉ ika꞉ minolo hata꞉ hosikima꞉ta꞉ ipiki pa꞉ta꞉ hala꞉tiki pina꞉yeke iki pa꞉ta꞉ halaa ipikita꞉ papate peekeme.
24029	MAT 24:3	Koto hoki naneta꞉ Yesuma꞉ mo Olipi pote manda pitina꞉ta꞉ ipika꞉ disaipolo haliwekima꞉ a꞉mbao lota꞉ pitolo alota꞉ Nakana꞉ma꞉ mo hande le pita꞉ handima꞉ opolo ipilia꞉pe. Kutaa mo naka꞉ paa la꞉ka꞉la epolo peleeki pita꞉ do yu ya paelo pa꞉la꞉eki yaapo telipina꞉ teke pa꞉ta꞉ ya꞉lia꞉ ekita꞉ eki patehau pilia꞉ ekima꞉ niki walia꞉pe lemekeme.
24052	MAT 24:26	Pa mandane wanda꞉halima꞉ make iki pa꞉ta꞉ alo hata꞉ Ei. Ipikita꞉ oli hapu hala꞉ alena꞉ hala꞉me lemeka꞉na꞉ make koto pa꞉ta꞉ na pua꞉peke. O pa ma꞉nda꞉ma꞉ alota꞉ Ipikita꞉ do pa꞉ta꞉ panka꞉ pila꞉me lemeka꞉na꞉ make ika꞉ pi ota꞉ na opua꞉pa꞉peke.
24061	MAT 24:35	Oli ya do kenke yaapota꞉ paelo pa꞉la꞉pate yaka pi lo haloeki manuta꞉ na paelieke laa leekeme.
24062	MAT 24:36	Kutu piliepate hande loa꞉ nate epolo pa꞉la꞉ ekita꞉ ma꞉nda꞉ma꞉ na handa꞉la꞉me. Nate handopa꞉ta꞉ haena꞉ epolo pa꞉la꞉ ekita꞉ make ma꞉nda꞉ma꞉ na handa꞉la꞉me. Oli ya nane haleme enisolomanu make Eiyekema꞉ make na handoloma꞉pate Atekema꞉ homeke handa꞉la꞉me leekeme.
24098	MAT 25:21	Koto leeke mo you halima꞉ alota꞉ O neketa꞉ ota꞉ epeke somee. Nakana꞉ma꞉ ota꞉ epeke e tieke pokeka꞉ta꞉me. Do hosiki kua꞉eki kone epeke tupa꞉ handeteke haleketa꞉ ameta꞉ nakana꞉ma꞉ ya e tieke handeteke hawalena꞉ mea halueke la alota꞉ I̱ yaapo mandake pa꞉ta꞉ hata꞉ ta꞉na꞉ma꞉ homopana꞉ epoe leekeme.
24100	MAT 25:23	Koto leeke mo you halima꞉ alota꞉ O neketa꞉ ota꞉ epeke somee. Nakana꞉ma꞉ ota꞉ epeke e tieke pokeka꞉ta꞉me. Do hosiki kua꞉eki kone epeke tupa꞉ handeteke haleketa꞉ ameta꞉ nakana꞉ma꞉ ya e tieke handeteke hawalena꞉ mea halueke la alota꞉ I̱ yaapo mandake pa꞉ta꞉ hata꞉ ta꞉na꞉ma꞉ homopana꞉ epoe leekeme.
24153	MAT 26:30	Kutaata꞉ ikana꞉ma꞉ emeli ma꞉nda꞉ laata꞉ mo Olipi Pote pa꞉ta꞉ pemekeme.
24189	MAT 26:66	Koto ekina꞉ta꞉ eki hau pulumeke hone witelemepe leekeme. Mo haliweki paeyaoma꞉ alota꞉ Ota꞉ hau tieke pu hoeyaala꞉ma꞉ lu homaena꞉ lape lemekeme.
24195	MAT 26:72	Pidama꞉ a꞉mbaaso hata꞉ ipika꞉ pima꞉ Ota꞉ dia꞉me la alota꞉ I̱ta꞉ koto some ota꞉ na handolome leekeme.
24196	MAT 26:73	Hosiki hao hoki nanema꞉ mo pa꞉ta꞉ haemeke haliwekima꞉ Pida pa꞉ta꞉ alota꞉ Neketa꞉ ota꞉ ipika꞉ tapake halie. Ota꞉ alome. Mo naka꞉ ale pi makema꞉ kone niki pa꞉ta꞉ peneme yaasa꞉me lemekeme.
24245	MAT 27:47	Ipiki teke pa꞉ta꞉ haemeke mandane wanda꞉halima꞉ koto leekeeki opua alota꞉ Opua꞉pee. Elaidia wi ala꞉me lemekeme.
24274	MAT 28:10	Yesuma꞉ ipiliki pa꞉ta꞉ alota꞉ Paala꞉ma꞉ na homeke pua mo hande ya kame tonu pa꞉ta꞉ta꞉ Oli Ka꞉lili nane puaata꞉ I̱ta꞉ koto pa꞉ta꞉ handilimikie lea꞉me laa lawapa꞉peke leekeme.
24286	MRK 1:2	Do pita꞉ hande potopede Aisayama꞉ wape pea ula꞉ ekita꞉ dupa. Koda꞉ma꞉ alota꞉ Opua꞉pe. Ya pi mea puaasa꞉ hali amba꞉la tapaalueke. Naka꞉ pota꞉ epeaena꞉yeke tapaalueke leekeme.
24395	MRK 4:3	Opua꞉pe. Hali ma꞉nda꞉ma꞉ wae alemanu tandeloluekema꞉ peekeme.
24404	MRK 4:12	Handena꞉yeke onkoluma꞉manu la꞉la꞉pate handa꞉ wina꞉yeke na la꞉la꞉me. Opina꞉yeke onkoluma꞉ pimanu la꞉la꞉pate ota꞉ hone wina꞉yeke na la꞉la꞉me. Opimika꞉na꞉ yoluta꞉ hone ma꞉nda꞉ la꞉ka꞉la꞉ mina wimika꞉na꞉ta꞉ ika꞉ hoke hau paeyaalo pia꞉me leekeme.
24413	MRK 4:21	Kutupa Yesuma꞉ iki pa꞉ta꞉ lota꞉ pitolo alota꞉ Ola꞉pake mea epemeka꞉na꞉ta꞉ disi tieke oto pa꞉ta꞉ wilimikipe o bedi tokele pa꞉ta꞉ wilimikipe. Dia꞉me. Manda keo u halememe leekeme.
24419	MRK 4:27	Kutupa timba꞉ leeke pelia꞉tiki da ka꞉la꞉peeke tiatiki piekeme. Kutupa hande wae alemanu patela opa꞉liaeyekeme. Opa꞉liao pieke ekita꞉ ekipa opa꞉la꞉pe mo halita꞉ mateekeme.
24426	MRK 4:34	Onkoluma꞉manu pi waleekepate pi ma꞉nda꞉ na waleke ipika꞉ disaipolo haliweki pa꞉ta꞉ homeke pi tekemanu la haleekeme.
24560	MRK 7:28	Koto leekepate koto wanda꞉ma꞉ alota꞉ Tekehalio. Ota꞉ alepate weki wandiki sunuma꞉ pindipu lopa꞉ lopa꞉ piteleme ekimanu tokele pa꞉ta꞉ kika sunuma꞉ no halememe leekeme.
24616	MRK 9:9	Potena꞉ hola꞉pa꞉niaaso hata꞉ Yesuma꞉ iki hando alo hata꞉ alota꞉ Oli handemeeki ma꞉nda꞉ pa꞉ta꞉ na lapa꞉peke. Wanda꞉halina꞉ Eiyeketa꞉ ota꞉ homa paa tiao haya꞉ka꞉na꞉ alota꞉ Ana꞉ pilieke leekeme.
24685	MRK 10:28	Pidama꞉ Yesu pa꞉ta꞉ pi loluekema꞉ alota꞉ Opie. Nikana꞉ma꞉ ala꞉ta꞉ ala꞉ta꞉ paeyao mina꞉pa꞉lao naka꞉ hoki nane telioloma꞉me leekeme.
24690	MRK 10:33	Opua꞉pe. Nikita꞉ ameta꞉ Diutuseleme nane opa꞉liaasoma꞉me. Mo yeni peao haleme you haliwekima꞉ make mo wape pea wala꞉tiki pu haleme haliwekima꞉ make Wanda꞉halina꞉ Eiyeke mea dupa lelimikie. Neketa꞉ homoelena꞉ lumeke lelimikie laata꞉ ikana꞉ma꞉ta꞉ ipikita꞉ mo Diendaili haliweki pa꞉ta꞉ mea halimikie laata꞉
24704	MRK 10:47	Wanda꞉halima꞉ Na꞉sa꞉tete hali Yesuta꞉ yopula꞉me lemeke pi opuaata꞉ ipikana꞉ma꞉ wi alo hata꞉ alota꞉ Oe. Yesuo. Deipidina꞉ tapake halio. Nakana꞉ma꞉ I̱ pa꞉ta꞉ a꞉ta꞉ma꞉ homa꞉e leekeme.
24710	MRK 11:1	Diutuseleme da teke pa꞉ta꞉ pulu hata꞉ Betepeisi Bedani da yaapo pa꞉ta꞉ opolo pemekeme. Mo da yaapota꞉ mo Olipi ti polu haemeke peiyenena꞉ hayekeme. Kutupa Yesuma꞉ ipika꞉ disaipolo hali yaapo tapaaso hata꞉ alota꞉
24771	MRK 12:29	Yesuma꞉ ipika꞉ pi hombo peaaso alota꞉ Titina꞉eki doe. Isulai wanda꞉halio. Opua꞉pe la꞉la꞉me. Tekehali Koda꞉ta꞉ nika꞉ Tekehali homeke hala꞉me.
24774	MRK 12:32	Kutupa mo wape pea wala꞉tiki pu hayeke halima꞉ Yesu pa꞉ta꞉ alota꞉ Wala꞉la꞉ Halio. Ota꞉ aleme. Koda꞉ homeke hala꞉ ekita꞉ ota꞉ leme. Ma꞉nda꞉ dia꞉me ipiki homekee.
24789	MRK 13:3	Yesuta꞉ oli Olipi ti polu peiyene pa꞉ta꞉ mo tembolo da handa꞉moneao pitina꞉ Pida Dia꞉mesi Dioni A꞉ndutu make ika꞉ honumake sikima꞉ Yesu pa꞉ta꞉ lota꞉ pea alota꞉
24811	MRK 13:25	Oli hombulanka꞉manu make ya nane hao honda꞉ pa pa pu lopa꞉tiki pilieke. Kutupa oli ya nane wele peaasa꞉ ekimanu la꞉ma꞉la꞉ma꞉ pupa wilimikie.
24817	MRK 13:31	Oli ya do kenke yaapota꞉ paelo pa꞉la꞉pate yaka pi lo haloeki manuta꞉ na paelieke leekeme.
24818	MRK 13:32	Kutu piliepate hande loa꞉ nate epolo pa꞉la꞉ ekita꞉ ma꞉nda꞉ma꞉ na handa꞉la꞉me. Nate handopa꞉ta꞉ haena꞉ epolo pa꞉la꞉eki make ma꞉nda꞉ma꞉ na handa꞉la꞉me. Oli hepeni nane haleme enisolo tapakema꞉ make Eiyekema꞉ make na handelema꞉pate Atekema꞉ homeke handa꞉la꞉me leekeme.
24849	MRK 14:26	Ikana꞉ma꞉ emeli ma꞉nda꞉ laata꞉ mo Olipi Pote pa꞉ta꞉ pemekeme.
24930	MRK 15:35	Ipiki teke pa꞉ta꞉ haemeke wanda꞉hali mandaneeki manuma꞉ opua alota꞉ Opua꞉pe. Elaidia wi ala꞉me lemekeme.
24994	LUK 1:32	Kutupa ipiki daeyaata꞉ hali tieke halieke. Kutupa ipikita꞉ Ota꞉ Manda Hala꞉ Koda꞉na꞉ Eiyeke lelimikie leekeme. Kutupa mo hande Tekehali Koda꞉ma꞉ ipika꞉ amba꞉ titina꞉ kini hali Deipidina꞉ kilu tombuao hayekeeki ipikana꞉ma꞉ mina꞉ lelieke.
24997	LUK 1:35	Mo hande enisoloma꞉ ipika꞉ pi hombo peaaso alota꞉ Mo Holi Sipitidi neke pa꞉ta꞉ ipilieke. Kutupa make Ota꞉ Manda Hala꞉ Koda꞉ ipika꞉ wele pita꞉la꞉eki neke pa꞉ta꞉ a꞉pa pitilieke. Kutu pita꞉la꞉ ekima꞉ta꞉ mo hande nakana꞉ma꞉ mondulu pele yako piki weki ipikita꞉ Koda꞉na꞉ Eiyekee lelimikie.