8	GEN 1:8	Koda꞉ma꞉ koto dopu miaasa꞉ ekima꞉ handeke alena꞉ bikita꞉ Yae leekeme. Kota꞉ timba꞉ laa da kelepeeketa꞉ yaapo peao nate yeekeme.
45	GEN 2:14	Mo tepo peao ikalita꞉ Taikitisi ikalie. Ipikita꞉ mo A꞉sitia kenkena꞉ nate opa꞉la꞉ nanema꞉ yapeekeme. Kutupa mo tonko peao ikalita꞉ Yupoteitisi ikalie.
89	GEN 4:9	Mo Tekehalima꞉ Keini lota꞉ pitolo alota꞉ Naka꞉ kame Eipolota꞉ hando pa꞉ta꞉ hala꞉pe leekeme. Koto leeke Keinima꞉ hombo peaaso alota꞉ I̱ mata꞉la꞉me. Yaka kameta꞉ I̱ma꞉ handeteke hapeke ya꞉la꞉pe leekeme.
103	GEN 4:23	La꞉mekema꞉ ipika꞉ weteke yaapo pa꞉ta꞉ alota꞉ Ada pita꞉ Sila yaapoo. Yaka pi opua꞉pe. Mo panake hali ma꞉nda꞉ma꞉ta꞉ I̱ yombieke handaa I̱ma꞉ ipiki lua꞉me.
363	GEN 15:2	Pate Eipola꞉ma꞉ma꞉ alota꞉ Tekehali Koda꞉o. Mo I̱ta꞉ wekiwandiki make dia꞉me. Kota꞉ pa ekipa epeke yenki kilipikipe. Yaka anke teke mulu pa꞉la꞉ halita꞉ mo Damasikasi hali Eliesa homeke hala꞉me.
379	GEN 15:18	Kutupa koto pate koneta꞉ Tekehalima꞉ Eipola꞉ma꞉ yaapo pi la꞉ witolo alota꞉ I̱ma꞉ do yata꞉polo kenke paeyaota꞉ naka꞉ monduma꞉ monduma꞉ pilipi wekiwandikina꞉ wekiwandiki pa꞉ta꞉ halueke laa pi la꞉ witolome. Oni Idiepi yu tombona꞉ kini pea pua mo Yupoteitisi ikali puata꞉
390	GEN 16:8	Kutupa alota꞉ Sa꞉taina꞉ pa hameke e pokaaso wanda꞉ Heikao. Neketa꞉ hanema꞉ a꞉pa pelepe laata꞉ hane pulipe leekeme. Heikama꞉ hombo peaaso alota꞉ Ya handeteke hala꞉ wanda꞉ kiao pindipa pulume leekeme.
412	GEN 17:14	Koto pa꞉la꞉pate iki ma꞉nda꞉ epi sekemesaisi hau na pia꞉ka꞉na꞉ta꞉ kota꞉ Ya tapakee pi na lolueke. Pa ekipeke ipikana꞉ma꞉ta꞉ yaka pi la꞉ ulueki na wia haleke loa꞉me leekeme.
428	GEN 18:3	alota꞉ Haliwekio. Yaka da pa꞉ta꞉ hoto na pitiki pa na lombei pea꞉pa꞉peke. I̱ta꞉ iki tamba꞉ muluekema꞉ halome.
465	GEN 19:7	Kutupa ipikana꞉ma꞉ mo haliweki pa꞉ta꞉ alota꞉ Yankeke tonuo. Dupiki temokona꞉ hau na pia꞉pa꞉pee laa iki honke alome.
507	GEN 20:11	Eipoloha꞉ma꞉ma꞉ hombo peaaso alota꞉ Yaka honema꞉ta꞉ do pate Koda꞉ paala꞉piki some ma꞉nda꞉ na halieke hone wia yaka wanda꞉ muluekema꞉ I̱ limikie hone ua꞉me.
530	GEN 21:16	Heikata꞉ mo pate leke pua pitiekeme. Kutupa mo wanda꞉ ipika꞉ kone alota꞉ Yaka weki homa꞉la꞉eki handa꞉peketa꞉ I̱ ana꞉ na pa꞉la꞉me leekeme. Kutupa koto pate pitina꞉ta꞉ ipikana꞉ma꞉ e̱ leekeme.
595	GEN 24:3	Yaka hone pa꞉la꞉ ekima꞉ta꞉ nakana꞉ma꞉ mo Tekehali do kenke ya wa꞉pa꞉la꞉ Koda꞉na꞉ bikina꞉ pi la꞉ witolota꞉ yaka wekina꞉ wanda꞉ta꞉ do Keinani wanda꞉ na mealueke laa la꞉ wie.
604	GEN 24:12	Kutupa ipikana꞉ma꞉ yeni pitolo alota꞉ Tekehalio. Yaka you some Eipoloha꞉ma꞉na꞉ Koda꞉o. Yaka you some pa꞉ta꞉ la꞉ wili pi peneme yaaso hata꞉ ame I̱ma꞉ weitolo ale kie.
616	GEN 24:24	Koto leeke mo wandikima꞉ alota꞉ Yaka apa꞉ta꞉ Neiho pita꞉ weteke Milika yaapona꞉ eiyeke Bedueloe.
628	GEN 24:36	Yaka you somena꞉ weteke Setata꞉ koke ya pita꞉ kone hali weki mondu wialeke handaa yaka you somema꞉ta꞉ ipika꞉ ala꞉ta꞉ ala꞉ta꞉ paeyao mo weki hala꞉la꞉me.
629	GEN 24:37	Koto ekina꞉ yaka you somema꞉ta꞉ I̱ma꞉ Naka꞉ le pi ota꞉ pulueke laa la꞉ witolo hano loluekema꞉ ipika꞉ pi la꞉ witoloeki pia꞉peke laa dupa lea꞉me. Yaka wekina꞉ wanda꞉ta꞉ mo Keinani kenkena꞉ hala꞉ wandiki tonu na mea꞉peke.
634	GEN 24:42	Koto ekina꞉ I̱ ame mo naku ikali pa꞉ta꞉ a꞉pa hata꞉ yeni dupa pua꞉me. Yaka you hali Eipoloha꞉ma꞉na꞉ Tekehali Koda꞉o. Pilisi I̱ma꞉ do pitolo ekita꞉ pu epeano lae.
639	GEN 24:47	Kutupa I̱ma꞉ ipiki lota꞉ pitolo alota꞉ Naka꞉ apa꞉ta꞉ epipe loeke handaa ipikana꞉ma꞉ alota꞉ Yaka apa꞉ta꞉ Neiho pita꞉ weteke Milika yaapona꞉ eiyeke Bedueloe lea꞉me. Koto leeke kota꞉ I̱ma꞉ ipika꞉ minekena꞉ mo mineke kanake pankao make ipika꞉ kiki yaapona꞉ mo topa꞉ pitaowa꞉me.
646	GEN 24:54	Kutupa mo Eipoloha꞉ma꞉na꞉ e pokaasa꞉ hali make ipiki ame̱le̱ pemeke haliweki make ne ikali no pelimikime. Kutupa da ka꞉la꞉paaso tiao alota꞉ Yaka you some pa꞉ta꞉ paa la꞉ka꞉la pono lae leekeme.
702	GEN 26:9	Kutupa Abimelekema꞉ Aisa꞉ke handa꞉ mulu pena꞉ la alota꞉ Kota꞉ naka꞉ wanda꞉ ya꞉ka꞉ta꞉me. Pa ekipeke naka꞉ ana꞉e la pelepe leekeme. Aisa꞉kema꞉ hombo peaaso alota꞉ Yaka honema꞉ta꞉ Yaka wanda꞉e loa꞉ka꞉na꞉ta꞉ kota꞉ I̱ limikie hone ua꞉me leekeme.
729	GEN 27:1	Aisa꞉keta꞉ ameta꞉ koke yaa leke holu piekeme. Ipikana꞉ma꞉ ipika꞉ mupeke weki Iso wi la꞉ mea alota꞉ Yaka wekio leekeme. Mo wekima꞉ hombo peaaso alota꞉ Wae leekeme.
736	GEN 27:8	Kutupa Lepekama꞉ ombu alota꞉ Yaka wekio. Ameta꞉ I̱ma꞉ alo pi opua pie.
741	GEN 27:13	Koto leeke ipika꞉ ama꞉ma꞉ hombo peaaso alota꞉ Yaka wekio. Koto ipilia꞉ esihou pi manuta꞉ I̱ pa꞉ta꞉ epena꞉ma꞉ pa mo I̱ma꞉ aloeki pua pie. Mo nanikosi yaapo pua meawae leekeme.
748	GEN 27:20	Koto leeke Aisa꞉kema꞉ alota꞉ Yaka wekio. Ekipa a̱i̱ handa꞉ wia pelepe leekeme. Dieikopema꞉ hombo peaaso alota꞉ Mo Tekehali naka꞉ Koda꞉ma꞉ handa꞉ wiono I̱ tamba꞉ mia꞉me leekeme.
754	GEN 27:26	Kutupa mo weki pa꞉ta꞉ ipika꞉ apa꞉ma꞉ alota꞉ Yaka wekio. I̱ teke pa꞉ta꞉ a꞉pa I̱ nunu pie leekeme.
761	GEN 27:33	Aisa꞉keta꞉ tola꞉tia pominolo hata꞉ pututu liaaso alota꞉ Mo hoteke lia I̱ pa꞉ta꞉ mea epea꞉ta꞉ epi ya꞉ka꞉ta꞉pe. Neke amba꞉ do honda꞉ pambolo ipuluekema꞉ halena꞉ kone noa꞉me. Yaka paeyaaso epeaaso ekita꞉ ipiki pa꞉ta꞉ haloa꞉ma꞉ ameta꞉ ota꞉ ipika꞉eki homeke u halieke leekeme.
769	GEN 27:41	Atekema꞉ mo hande epeaasa꞉eki hameke pa꞉ta꞉ haleeke handaa Isoma꞉ta꞉ Dieikope honditi piekeme. Ipika꞉ honema꞉ alota꞉ Yaka apa꞉ta꞉ teke pa꞉ta꞉ homolo pa꞉la꞉ ekina꞉ ipika꞉ homa꞉ da pitulu polo ekita꞉ teke pa꞉ta꞉ ya꞉la꞉ma꞉ Dieikope homena꞉ lulueke hone wiekeme.
800	GEN 29:4	Dieikopema꞉ mo sipisipi handeteke haemeke haliweki lota꞉ pitolo alota꞉ Yaka yankeke tonuo. Ikita꞉ hane tapake ya꞉ka꞉ta꞉pe leekeme. Ikana꞉ma꞉ hombo peaaso alota꞉ Hatani nanee lemekeme.
814	GEN 29:18	Dieikopema꞉ta꞉ Leisolo hone wopu pieke handa alota꞉ Yaka hone pa꞉la꞉ yenkita꞉ nakana꞉ma꞉ I̱ Leisolo miono leka꞉na꞉ta꞉ kota꞉ I̱ma꞉ naka꞉ e bapi wataake hata꞉na꞉ pokaalueke leekeme.
829	GEN 29:33	Weki loke paa lomba hali weki ma꞉nda꞉ mondu wiekeme. Ipikana꞉ma꞉ alota꞉ Ya halikima꞉ I̱ta꞉ pukima꞉ na homa꞉la꞉eki Tekehalima꞉ opu hao do weki ka꞉la꞉ ekina꞉ ipika꞉ bikita꞉ Simiono leekeme.
834	GEN 30:3	Koto ekina꞉ mo wanda꞉ma꞉ alota꞉ Yaka weki mendialo pa꞉la꞉ tupa꞉ yaka pa hameke e pokaasa꞉ wandiki doma꞉ pelia꞉peke. Kutu pilia꞉ ekima꞉ta꞉ ipiki pa꞉ta꞉ yama꞉ ama꞉ au loluekema꞉ loa꞉me leekeme.
849	GEN 30:18	Liama꞉ alota꞉ Yaka pa hameke e pokaasa꞉ wanda꞉ yaka haliki pa꞉ta꞉ haloeke handaa Koda꞉ma꞉ yaka yenki ka꞉la꞉mee laa mo wekina꞉ bikita꞉ Isaka leekeme.
880	GEN 31:6	Yaka welema꞉ ipilika꞉ apa꞉na꞉ e pokalo ekita꞉ hone wilipime.
895	GEN 31:21	Ipikana꞉ma꞉ta꞉ ipika꞉ alemanu paeyao mea ipupulo mina꞉pa꞉laeyekeme. Kutupa mo Yupoteitisi ikali yuma pua mo yu elimanu wiki Kilia꞉de kenke nane polueke alo pemekeme.
905	GEN 31:31	Koto leeke Dieikopema꞉ hombo peaaso alota꞉ Yaka honema꞉ta꞉ nakana꞉ma꞉ naka꞉ wandiki yaapo pao milipipatema꞉ I̱ma꞉ paala꞉ma꞉ homoa꞉me.
934	GEN 32:6	I̱ma꞉ta꞉ kaomanu make donkimanu make sipisipimanu make nanikosimanu make pa hameke e pokaasa꞉ wanda꞉hali make miniki ipulume. Ya tiekeo. I̱ta꞉ ta꞉na꞉ma꞉ homa handa꞉ mina꞉lepe laa do pi tapaasome laa lapa꞉peke leekeme.
938	GEN 32:10	Kutupa Dieikopema꞉ yeni pitolo alota꞉ Yaka mei Eipoloha꞉ma꞉ pita꞉ yaka apa꞉ Aisa꞉ke yaapona꞉ Koda꞉o. Yaka pi opie. Tekehalio. Nakana꞉ma꞉ I̱ pa꞉ta꞉ta꞉ mo yaka kenke pa꞉ta꞉ make yaka tapake pa꞉ta꞉ make paa la꞉ka꞉la pue laata꞉ Nakana꞉ma꞉ta꞉ ala꞉ta꞉ ala꞉ta꞉ paeyao epealueke laa I̱ la kimee.
974	GEN 33:13	Koto leeke Dieikopema꞉ hombo peaaso alota꞉ Yaka hosiki wekiwandikita꞉ soka꞉la꞉ma꞉ homa꞉la꞉ ekita꞉ naka꞉ handeleme. Kutupa mo sipisipi pita꞉ kao kemboko ankula꞉ ankula꞉ make hone wia꞉peke ya꞉la꞉me. Ikita꞉ pa mo nate homeke sikina꞉ kone mo ma꞉na꞉manu lu yombutia poma꞉ka꞉na꞉ta꞉ kota꞉ paeyao siki homilimikie.
989	GEN 34:8	Hamoma꞉ Dieikope pa꞉ta꞉ alota꞉ Yaka weki Sekemema꞉ta꞉ naka꞉ wandikina꞉ da ota꞉ homa꞉la꞉me.
1097	GEN 37:13	Dieikopema꞉ Diosepe pa꞉ta꞉ alota꞉ Yaka ta꞉na꞉ pa꞉la꞉ ekita꞉ neketa꞉ oni naka꞉ kame tonuma꞉ mo ma꞉na꞉manu handeteke haleme alena꞉ Sekeme nane poelena꞉e leekeme. Koto leeke Diosepema꞉ alota꞉ I̱ta꞉ poluekema꞉ tikitiki yalome leekeme.
1117	GEN 37:33	Mo atekema꞉ eiyekena꞉ eki ya꞉ka꞉ta꞉me laa handa꞉ u hao alota꞉ Aowe. Ipika꞉ ekie. Mandane tikene ma꞉na꞉yeti sayalema꞉ lia pia꞉ka꞉ta꞉me. Yaka weki Diosepeta꞉ sinki sinki pea wia pia꞉ka꞉ta꞉me leekeme.
1158	GEN 39:8	Koto leeke mo wekima꞉ kiaaso hata꞉ mo wanda꞉ pa꞉ta꞉ alota꞉ Handa꞉e. Yaka you halima꞉ta꞉ do I̱ halo ekina꞉ ipika꞉ da pa꞉ta꞉ ula꞉ alemanu paeyaota꞉ hone bao hala꞉me. Ipikana꞉ma꞉ta꞉ ala꞉ta꞉ ala꞉ta꞉ paeyao I̱ma꞉ handeteke hano la꞉la꞉me.
1182	GEN 40:9	Koto ekina꞉ mo kinina꞉ waini ikali handeteke hayeke somema꞉ alota꞉ Ya upama꞉ta꞉ mo yaka puki nanema꞉ta꞉ hopiki tepo hake waini pu hayekeme. Mo katakemanu duta꞉pa lopa꞉ lopa꞉ pia꞉ dina꞉ koneta꞉ mo momamanu liaata꞉ mo waini kilikimanu make koto kone potea꞉me.
1213	GEN 41:17	Mo kinima꞉ alota꞉ Yaka upama꞉ta꞉ I̱ta꞉ mo Naili ikali tea꞉na꞉ hata꞉ puekeme.
1281	GEN 42:28	A꞉pa꞉e. Yaka manita꞉ I̱ pa꞉ta꞉ paa la꞉ka꞉la a꞉pa pia꞉ka꞉ta꞉me laa penkilipa꞉tia pominolo hata꞉ ipika꞉ hameketonu pa꞉ta꞉ wi alo alota꞉ Do handa꞉pe. Yaka nu pa꞉ta꞉ menda꞉la꞉me leekeme. Kutupa mo hama̱la̱꞉ hama̱la̱꞉na꞉ puki keapa olina꞉ onina꞉ pitolo pututuma꞉ homolo hata꞉ ika꞉ ika꞉ kone lota꞉ pu alualu pitolo alota꞉ Koda꞉ma꞉ niki pa꞉ta꞉ eki hau pea pa꞉la꞉pe lemekeme.
1291	GEN 42:38	Pate Dieikopema꞉ alota꞉ Yaka wekita꞉ neke yaapo na pena꞉ lolueke. Ipika꞉ hameketa꞉ homolo hata꞉ ipiki homeke hapelia hala꞉me. Mo pota꞉na꞉ hau ma꞉nda꞉ peaapa꞉na꞉ loa꞉me. I̱ta꞉ koke hali yaalo hata꞉ mo ikana꞉ma꞉ mea ipilimi puki tandama꞉ta꞉ I̱ lu homaliekee leekeme.
1320	GEN 43:29	Kutupa Diosepema꞉ ipika꞉ hameke Benisamini hando hao alota꞉ Dota꞉ hande I̱ pa꞉ta꞉ la kimi ika꞉ wetepe nane weki ya꞉ka꞉ta꞉me. Yaka wekio. Koda꞉ma꞉ neke epeaena꞉e leekeme.
1362	GEN 45:3	Diosepema꞉ ipika꞉ hameketonu pa꞉ta꞉ alota꞉ I̱ta꞉ Diosepee. Yaka apa꞉ta꞉ pa hala꞉pe leekeme. Koto leekepate mo hama̱la̱꞉ hama̱la̱꞉ma꞉ta꞉ doeki opu hao paala꞉ma꞉ hone mamatalo hata꞉ hombo peapeke na yekeme.
1400	GEN 46:13	Isaka make ipika꞉ weki tonuta꞉ Tola make Pua make Yope make Simitoni makee.
1422	GEN 47:1	Kutupa Diosepema꞉ta꞉ mo ipika꞉ hameketonu paeyao yunki hata꞉ hatuku mo kini pa꞉ta꞉ peekeme. Pua mo kini pa꞉ta꞉ alota꞉ Yaka apa꞉ make yaka kametonu make mo Keinani hao ika꞉ ma꞉na꞉manu make e wae alemanu make ika꞉ wia haleme alemanu paeyaosiki make mea epelememe. Ikita꞉ ameta꞉ mo Kosene kenke pa꞉ta꞉ a꞉pa halememe.
1468	GEN 48:16	Mo hande tanda eleke eleke epea꞉ ale pa꞉ta꞉ I̱ pa꞉ta꞉la꞉ mea꞉tiki pia enisoloma꞉ ipiliki epeaena꞉e. Yaka biki make mo yaka apa꞉mei yaapo Eipoloha꞉ma꞉ pita꞉ Aisa꞉ke yaapona꞉ biki make do weki yaapo pa꞉ta꞉ yama꞉ pa u tia pu haena꞉e. Ipilikana꞉ma꞉ wekiwandiki wopu make mendia ipilika꞉ wekiwandikina꞉ wekiwandiki wopu haena꞉e laa leekeme.
1471	GEN 48:19	Koto leekepate atekema꞉ ipika꞉ pi na opitolo hata꞉ alota꞉ Yaka wekio. I̱ma꞉ hone ulume. Ma꞉na꞉sa꞉na꞉ monduma꞉ monduma꞉ pilia꞉ wekiwandikina꞉ wekiwandiki make tapake tieke halo pa꞉la꞉pate pa ipika꞉ wetepe nane hamekema꞉ta꞉ ota꞉ ankulaota꞉ ipika꞉ monduma꞉ monduma꞉ pilia꞉ wekiwandikina꞉ wekiwandikita꞉ tutu tiekemanu halieke.
1477	GEN 49:3	Lubeni neketa꞉ yaka mupeke weki make yaka honkopue. Kutupa I̱ wekihali hata꞉ mondolo mupeke wekie. Yaka weki paeyao ankulake neketa꞉ ta꞉na꞉ ta꞉na꞉ma꞉ homa honkopu wopu haleme.
1512	GEN 50:5	Yaka apa꞉ homuluekema꞉ pita꞉ta꞉ mo Keinani kenke pa꞉ta꞉ ipika꞉ amu pea ula꞉ tikene da pa꞉ta꞉ pua hoiya꞉peke laata꞉ I̱ma꞉ pi la꞉ wiono lea꞉me. Koto ekina꞉ pilisio. Yaka apa꞉ hoilu pono lae. Kutupata꞉ I̱ paa la꞉ka꞉la ipulueke laa lapa꞉peke leekeme.
23214	MAT 1:1	Dota꞉ mo hande Yesu Ketisona꞉ apa꞉meina꞉ bikimanu wape pa꞉la꞉ekie. Deipidita꞉ Yesuna꞉ meiyeke hayekeme. Kutupa Eipoloha꞉ma꞉ta꞉ Deipidina꞉ meiyeke hayekeme.
23219	MAT 1:6	Diesima꞉ta꞉ mo hande kini halo pieke hali Deipidi mondu wiekeme. Deipidima꞉ta꞉ Solomono mondu wiekeme. Koto Solomono ipika꞉ ama꞉ta꞉ titina꞉ Yutaeyama꞉ miekeme.
23229	MAT 1:16	Dieikopema꞉ta꞉ mo hande Meti mieke hali Diosepe mondu wiekeme. Metima꞉ta꞉ mo hande Yesu biki ma꞉nda꞉ Ketiso lo pieke hali mondu wiekeme.
23231	MAT 1:18	Yesu Ketisona꞉ ma꞉nda꞉la꞉ ekita꞉ dupa. Ipika꞉ ama꞉ Metita꞉ Diosepena꞉ tome wandiki hayekepate ipika꞉ da a̱i̱ na peke hata꞉ mo Holi Sipitidima꞉ pitayeke weki mendia꞉peke yekeeki hando wiekeme.
23234	MAT 1:21	Mo wekita꞉ hali weki mendilieke. Kutu pia꞉ka꞉na꞉ ipika꞉ wanda꞉hali mea da꞉taalo pa꞉la꞉ ekina꞉ yeketa꞉ ipika꞉ biki Yesue lelipipikie leekeme.
23238	MAT 1:25	Kutu piekepate mo weki pa pita꞉ paleke haena꞉ta꞉ loke na apa꞉taepekeme. Mo weki hamba꞉ mieketa꞉ Diosepema꞉ ipika꞉ bikita꞉ Yesue leekeme.
23239	MAT 2:1	Mo hande Hetodi kini hayeke dina꞉ta꞉ Yesu Diudia kenke pa꞉ta꞉ hayeke da Beteleha꞉ma꞉ nane mendiekeme. Hosiki hao hoki naneta꞉ hombulanka꞉ yata꞉pu haemeke mandane haliwekima꞉ nate opa꞉la꞉ nanema꞉ yama꞉ Diutuseleme da nane a꞉pa
23244	MAT 2:6	Diudia kenke pa꞉ta꞉ ula꞉ daoni Beteleha꞉ma꞉o. Neketa꞉ mo Diudiana꞉ biki ula꞉ daoni manuna꞉ hoki nane na haleme. Pa ekipeke. Neke pa꞉ta꞉ta꞉ mo You hali homeke ya Isulai wanda꞉hali handeteke hawaluekema꞉ ipilieke laa wape pa꞉la꞉me leekeme.
23253	MAT 2:15	Koto pa꞉ta꞉ puaata꞉ Hetodi homena꞉ yeke yu wia haemekeme. Kutu pimiki ekima꞉ta꞉ mo hande Tekehalima꞉ ipika꞉ potopede hali pa꞉ta꞉ yama꞉ pi la꞉ witolo alota꞉ Ya wekio. Idiepi kenke mina꞉pa꞉lao epoe laa la꞉ ua꞉ pi yaaluekema꞉ piekeme.
23274	MAT 3:13	Koto pita꞉ma꞉ta꞉ Yesu mo Ka꞉lili kenke mina꞉pa꞉lao Dionima꞉ ipiki bapitaisi peaena꞉ mo Diodani ikali pa꞉ta꞉ epeekeme.
23275	MAT 3:14	Kutu piekepate Yesuna꞉ hone topo pina꞉yeke Dionima꞉ ipiki pa꞉ta꞉ dupa leekeme. Nakana꞉ma꞉ I̱ bapitaisi peapekealeo. Pa neketa꞉ I̱ma꞉ bapitaisi peano I̱ pa꞉ta꞉ epeka꞉ta꞉me leekeme.
23276	MAT 3:15	Koto leekepate Yesuma꞉ ipika꞉ pi hombo peaaso hata꞉ alota꞉ Pina꞉ma꞉ hone ma꞉nda꞉ na wiki. Do pulu polopa꞉ hauta꞉ Koda꞉na꞉ hone pa꞉la꞉ hauna꞉ pitolo pitolopa꞉me. Koto leekeeki Dionima꞉ opuaata꞉ A꞉pa꞉la꞉me bapitaisi peanoe leekeme.
23277	MAT 3:16	Yesu bapitaisi peao paeyeketa꞉ koto kone mo ikali mina꞉pa꞉lao tea꞉ nane yapeekeme. Kutu pitolo haena꞉ta꞉ koto kone oli ya akolopa wiaata꞉ mo hande Koda꞉na꞉ Sipitidi melipu tupa꞉ hola꞉pa꞉niao ipika꞉ loke manda tapepeekeeki handeekeme.
23279	MAT 4:1	Koto pieke hoki naneta꞉ Sadanima꞉ Yesu la handena꞉ Koda꞉na꞉ Sipitidima꞉ Yesu mo hapu hayeke ale ma꞉nda꞉ pa꞉ta꞉ hatuku peekeme.
23280	MAT 4:2	Koto pa꞉ta꞉ hata꞉ta꞉ Yesuma꞉ hali tieke yaapo natena꞉ timba꞉ nate yaapona꞉ ne ma꞉nda꞉ na neke hayeke ekima꞉ tea꞉ma꞉ homeekeme.
23282	MAT 4:4	Koto leekepate Yesuma꞉ hombo peaaso alota꞉ Mo Baiboloma꞉ta꞉ Halima꞉ palaowa homeke naa na hapeke ya꞉la꞉pate Koda꞉na꞉ pi paeyao miniki halie ekima꞉ homeke epeke tupa꞉ halieke la꞉la꞉me leekeme.
23283	MAT 4:5	Kutaata꞉ Sadanima꞉ Yesu mo yako piki daoni Diutuseleme nane hatuku peekeme. Ipikana꞉ma꞉ Yesuta꞉ mo tembolo da holu manda mea hao hata꞉
23285	MAT 4:7	Koto leeke Yesuma꞉ ipika꞉ pi hombo peaaso alota꞉ Ota꞉ alepate mo Baiboloma꞉ pi ma꞉nda꞉ta꞉ dupa la꞉la꞉me. Mo Tekehali naka꞉ Koda꞉ta꞉ la handa꞉la꞉eki na pia꞉peke la꞉la꞉me leekeme.
23286	MAT 4:8	Koto leeketa꞉ mo Sadanima꞉ Yesu pa hatuku pote tieke ma꞉nda꞉ manda hatuku puaata꞉ koto pa꞉ta꞉ hata꞉ta꞉ mo kenke paeyaona꞉ ta꞉ta꞉ ta꞉ta꞉ piki kilu tombuao hala꞉eki make ika꞉ ta꞉ta꞉ ta꞉ta꞉ piki au epeke epeke make waleekeme.
23288	MAT 4:10	Koto leeke Yesuma꞉ hombo peaaso alota꞉ Sadani neke puma. Mo Baiboloma꞉ alota꞉ Koda꞉ pa꞉ta꞉ homeke panda꞉puniao yeiya꞉ laaso hata꞉ ipika꞉ kakena꞉ homeke homo hapa꞉peke la꞉la꞉me leekeme.
23289	MAT 4:11	Koto pi leeketa꞉ mo Sadanima꞉ Yesu mina꞉pa꞉lao pulu haena꞉ta꞉ enisolo tonuma꞉ ipiki tamba꞉ muluekema꞉ epemekeme.
23290	MAT 4:12	Dioni dipula mea pitaeyekeeki opuaata꞉ Yesuma꞉ koto pa꞉ta꞉ mina꞉pa꞉lao Ka꞉lili nane peekeme.
23295	MAT 4:17	Koto tomona꞉ta꞉ Yesuma꞉ ipika꞉ pi walolota꞉ dupa Koda꞉na꞉ Kilu Tombuao Hala꞉ ekita꞉ teke pa꞉ta꞉ ya꞉la꞉ma꞉ ika꞉ hoke haumanu hoki walaa la꞉ka꞉la꞉pa꞉peke lo hayekeme.
23296	MAT 4:18	Yesuma꞉ mo hande Ka꞉lili ikali leke houna꞉ pulu hata꞉ta꞉ ta꞉peli mu haepeke hama̱la̱꞉ yaapo Saimono biki ma꞉nda꞉ta꞉ Pida make hameke A꞉ndutu yaapoma꞉ mo hande ikali leke pa꞉ta꞉ tenki nuna꞉ ta꞉peli minolo haepekeeki handeekeme.
23297	MAT 4:19	Yesuma꞉ ipiliki pa꞉ta꞉ alota꞉ Ipilikana꞉ma꞉ta꞉ wanda꞉hali mu hapena꞉ I̱ma꞉ wala꞉tialuekema꞉ ya hoki nane teli mea ipupe leekeme.
23299	MAT 4:21	Mo pate leke pulu hata꞉ hama̱la̱꞉ ma꞉nda꞉ Dia꞉mesi Dioni yaapo handeekeme. Ipilika꞉ apa꞉ta꞉ Sepedie. Ipilikita꞉ ipilika꞉ apa꞉ ame̱le̱ kawaso manda pita꞉ ika꞉ tenki numanu epeaaso pitimikime. Kutu polo pitina꞉ta꞉ Yesuma꞉ ipiliki wi leekeme.
23300	MAT 4:22	Kutu pieketa꞉ koto kone ipilika꞉ apa꞉ make mo kawaso make mina꞉pa꞉lao Yesu teli mea pepekeme.
23301	MAT 4:23	Yesuma꞉ mo Ka꞉lili kenke paeyao pa꞉ta꞉ pominolo hata꞉ ika꞉ pi hotu haemeke damanu pa꞉ta꞉ pi waleekeme. Ipikana꞉ma꞉ mo Koda꞉na꞉ Kilu Tombuao Hala꞉ ekina꞉ Pi Seliapomanu walolo hata꞉ mo wanda꞉halina꞉ ta꞉ta꞉ ta꞉ta꞉ piki yeni ki paeyao wamo peayekeme.
23303	MAT 4:25	Wanda꞉hali wopu Yesu pa꞉ta꞉ teli mea pemekeme. Koto wanda꞉halita꞉ Ka꞉lili kenke nanema꞉ wanda꞉hali make Diudia kenke nanema꞉ wanda꞉hali make mo Diodani mone tea꞉ nanema꞉ wanda꞉hali make iki paeyaoma꞉ ipiki teli mea pemekeme.
23304	MAT 5:1	Yesuma꞉ mo mombelemeke wanda꞉hali handaata꞉ oli peiyene a꞉meiya pua pitiekeme. Kutu pina꞉ ipika꞉ hoki nane tolu haemeke haliweki a꞉pa ipiki hopa꞉liao haemeketa꞉
23306	MAT 5:3	Mandane wanda꞉hali epi ikana꞉ma꞉ ika꞉ pukima꞉ Ya temoko teketa꞉ natehali halome hone u haemeka꞉na꞉ta꞉ kota꞉ koto wanda꞉halita꞉ ta꞉na꞉ma꞉ homo halememe. Mo hepenina꞉ Kilu Tombuao Hala꞉ ekita꞉ ika꞉ ekie.
23312	MAT 5:9	A꞉nda꞉ ape kakeneli homao hala꞉ wanda꞉halima꞉ta꞉ ta꞉na꞉ma꞉ homo halememe. Koto wanda꞉halita꞉ Koda꞉ma꞉ Ya wekiwandikie lelieke.
23326	MAT 5:23	Koto ekina꞉ta꞉ nakana꞉ma꞉ naka꞉ pa hameke hala꞉pekeeki Koda꞉na꞉ oloda pa꞉ta꞉ mea ipulu hata꞉ naka꞉ honema꞉ Ya kamema꞉ta꞉ I̱ pa꞉ta꞉ ka꞉nda꞉ piki pi ma꞉nda꞉ ala꞉me hone wika꞉na꞉ta꞉
23356	MAT 6:5	Yeni pimika꞉na꞉ta꞉ mo hande yayapiki hau pu haleme haliwekina꞉ hau na honda꞉pa꞉peke. Wanda꞉halima꞉ iki handena꞉ hone hone witolo hata꞉ mandane pota꞉ hopiki nina꞉ make yeni da pa꞉ta꞉manu make tialiao hata꞉ Koda꞉ pa꞉ta꞉ yeni pu halememe. I̱ma꞉ iki pa꞉ta꞉ ota꞉ pi alome. Ikana꞉ma꞉ ika꞉ pimi hauna꞉ yenki manuta꞉ ame do hata꞉ mu paeyaasememe.
23360	MAT 6:9	Yeni pimika꞉na꞉ta꞉ kota꞉ do tupa꞉ pea꞉pa꞉peke. Nika꞉ hepeni hala꞉ Apa꞉o. Naka꞉ yako piki bikita꞉ ota꞉ manda wia haena꞉e.
23382	MAT 6:31	Kutu piliekema꞉ ikana꞉ma꞉ta꞉ Ya nolo polo ne ikali make aka꞉ peaata꞉ hanema꞉ epea꞉ka꞉na꞉ mulua꞉pe laa ka꞉nda꞉ma꞉ na homo hapa꞉peke.
23413	MAT 7:28	Yesuma꞉ do koto pimanu walo paeyaeyeketa꞉ mo hande mombelemeke wanda꞉hali paeyaoma꞉ta꞉ leke opo handaake wimikime.
23415	MAT 8:1	Yesuma꞉ oli hande pote pa꞉ta꞉ hao hola꞉pa꞉niao epeeke handaata꞉ wanda꞉hali tieke ipika꞉ hoki nane teli mea epemekeme.
23416	MAT 8:2	Kutupa Yesu opolo ipulu haena꞉ta꞉ kindi yeni hake hali homeke ipiki pa꞉ta꞉ a꞉pa panda꞉ puniaaso hata꞉ alota꞉ Tekehalio. Neke hone pia꞉ka꞉na꞉ta꞉ kota꞉ nakana꞉ma꞉ ya yeni epeawalena꞉e leekeme.
23417	MAT 8:3	Koto leeke Yesuma꞉ ipika꞉ kiki tindipao wataaso hata꞉ alota꞉ Aowe. I̱ hone pa꞉la꞉me. Naka꞉ kindi yenita꞉ epeao epeke loke halena꞉ alome leekeme. Koto leeke tomona꞉ kota꞉ mo somena꞉ kindi yenita꞉ hapua mateekeme.
23418	MAT 8:4	Kutu pieketa꞉ Yesuma꞉ mo some pa꞉ta꞉ Opie la alota꞉ Doeki ma꞉nda꞉ pa꞉ta꞉ amba꞉la na leketa꞉ pa mo yeni peao hala꞉ halima꞉ titina꞉ amba꞉la naka꞉ yeni ota꞉ paela꞉pe laa handena꞉ a̱i̱ ipiki pa꞉ta꞉ pua꞉peke. Kutaata꞉ wanda꞉halima꞉ naka꞉ yenita꞉ ota꞉ paela꞉me hone wina꞉ mo hande Mosesima꞉ la꞉ wieke tupa꞉ Koda꞉ pa꞉ta꞉ lia hala꞉la꞉ ale lia hala꞉peke leekeme.
23419	MAT 8:5	Yesu mo hande Kapeneami daoni pa꞉ta꞉ opolo pua haena꞉ mo hande Loma꞉ wanda꞉halina꞉ ami haliwekina꞉ you halima꞉ Yesu manda꞉ hande pitolo honke alo alota꞉
23420	MAT 8:6	Tekehalio. Ya e pokaasa꞉ halita꞉ kiki anke lupa wiki yeni mea pota꞉ pomua꞉peke na yaalo tanda tieke mea ya da pa꞉ta꞉ u peli pelia hala꞉me leekeme.