| 23240 | MAT 2:2 | Baꞌ bhaiꞌ ba tɨ tɨkka am na sap pa jaꞌk jax chuꞌiiꞌ, jup kaiꞌch am: ―¿Pa jaꞌk jax chuꞌiiꞌ guch Xoiꞌkam guiꞌ nat ba maaxir, guiꞌ na saak jir ja gɇꞌkam tuk kaꞌ gu yaꞌ kam dhi Israel? Maaꞌn tɨɨ chich gu gɇꞌ chiꞌɨɨꞌ na puiꞌr jum duukam nat yaꞌ paiꞌ ba maaxir guch Xoiꞌkam. Puiꞌ ku chich baꞌ aach moo bhaiꞌ xi jii na chich bhaiꞌ bha tu daañim buiñor. |
| 23268 | MAT 3:7 | Baꞌ janoꞌ muiꞌ miꞌp ba ai mɨt guiꞌ nam pariseos jum tɨɨtɨꞌndaꞌ gio baꞌ guiꞌ nam saduseos jup jum tɨɨtɨꞌndaꞌ nam puiꞌp xim bopkonamtuꞌ. Baꞌp ja tɨtda gu Juan: ―¿Jaroo jam aagiꞌñ na cham xiim jam tulhiiñchudaꞌ gu Dios ku pim baꞌ gaꞌm ba jiim na pim jix aaꞌ nañ jam bopkonaꞌ na baꞌ cham jam tulhiiñchudaꞌ? Giilhim guꞌ na pim jix bhaaꞌmnaꞌ jaꞌp na gu kookoꞌ. |
| 23316 | MAT 5:13 | ’Baꞌ aapiꞌm jaꞌp ji buan yaꞌ dhi oiꞌñgaꞌn na jax gu on. Noꞌ gu on miꞌ jotmodaꞌ cham ka onkak, ¿jax japim dui ɨlhiiꞌñ na giop ka onkalhiaꞌ? Aañ pu kaiꞌch na cham jɨꞌxkat ka onkalhiaꞌ, pu cham tuꞌ ka bhaiꞌ kaꞌ dho baꞌ, dai na mu jaꞌp xim nuꞌaaꞌ dɨɨrap. Miꞌ dho guꞌ pu kɨɨyasaꞌ am gu jaꞌtkam nam mi jaꞌp oipodaꞌ. |
| 23377 | MAT 6:26 | Guꞌ matgɨm gu tuꞌ na pim jugiaꞌ, dɨɨlh jam makiaꞌ ji guñ Gɨꞌkoraꞌ. ¿Jax japim gi ja nɨiꞌñ guꞌñi uꞌjiꞌ nam bha jaꞌp nɨnɨꞌ jix dhaam? Jaiñ nam cham paiꞌ tɨ ɨsdat tu kuaꞌ, ni nam cham paiꞌ tu baꞌpkichat mɨjɨ nammɨ ji chɨ kɨɨs gu tuꞌ nam kuaꞌ, na guꞌ tu ja maak guñ Gɨꞌkoraꞌ guiꞌ nat yaꞌ ja doꞌñcho dhi oiꞌñgaꞌn bhaan. Guꞌ gi baꞌ aapiꞌm nax ioꞌm xi jam daꞌ na pim jir jaꞌtkam, matgɨm jam makiaꞌ ji gu tuꞌ na jam aꞌm jum aaꞌndaꞌ. |
| 23379 | MAT 6:28 | ’Baꞌ chaꞌpim jax jum aaꞌndaꞌ sia ku cham ka jaiꞌch na pim tuꞌ tɨꞌyaꞌ noꞌt ma saaskɨ gu jam jajannulh, na guꞌ dɨɨlh jam makiaꞌ guñ Gɨꞌkoraꞌ. ¿Jax japim gi nɨiꞌñ guꞌñi yooxiꞌ na miꞌñi jaꞌp tuut? Dɨɨlh pɨx na joidham tuꞌm ba yootaꞌ noꞌ bar gɇꞌgɇr, cham tuꞌ nam guꞌ ka jip tu duñiaꞌ gu ja tɨꞌaa, piam kum guꞌ mu paiꞌ ka ji chu juanpuꞌ nam baꞌ joidham jix aꞌbhar ma tɨm tɨiꞌdhaꞌ. |
| 23381 | MAT 6:30 | Gu Dios dho mi jaꞌp ja ɨꞌxcha gux aꞌbhar yooxiꞌ. Baꞌ noꞌt ba yoo, jaꞌp ji buusniaꞌ na joidham jix aꞌbhar ba tu ja tɨiꞌdhaꞌ. Tɨir saiꞌ pɨx guꞌ na pim jax ba nɨiꞌñ, dai ji na guꞌ cham muiꞌ juruuxiꞌñ. Jɨꞌk gook tanoolh pɨx juruuñdhaꞌ piam jɨꞌk baik, jumai buimgidhak jix gak mi jaꞌp tuutkaꞌ. ¿Gu baꞌ aapiꞌm cham puꞌñi joidham jix aꞌbhar jup tu jam tɨiꞌdhaꞌ aa guñ Gɨꞌkoraꞌ noꞌ pim bɨɨx jam jujur kɨꞌn tɨ jɨɨgiꞌñ buiñor? |
| 23395 | MAT 7:10 | Piam ku guꞌ noꞌ tuꞌ batoop taan, ¿kaꞌ koꞌ aa pɨx muiꞌ ba daagiꞌñkaꞌ? ¿Jia na guꞌ cham jaroiꞌ jaiꞌch na puꞌñi jaꞌk tu bua? Nam guꞌ bɨɨx pɨx jix ja daꞌ gu ja maamar. |
| 23440 | MAT 8:26 | Baꞌ ñiñiak jup ja tɨtda gu Jesuus: ―¿Kux moo jaꞌp chakui bɨɨx jam jujur kɨꞌn jix biiñak japim aa aañ jiñ bui ku pim baꞌ moo jaꞌp jup bax chotdontuꞌ? Baꞌ puiꞌ xi chɨꞌɨɨk bamgɨk xi ñiok gu jɨbɨɨlh gio gu suudaiꞌ. Baꞌ miꞌ jotmodaꞌ naiꞌ ampɨx ji chu juu, pu cham paiꞌ ka jɨbɨɨr, ni gu suudaiꞌ ku ka guꞌnguk. |
| 23451 | MAT 9:3 | Baꞌ jɨꞌkchi miꞌp tuꞌiiꞌ am ɨp guiꞌ nam sap jix mat kaꞌ gu ñioꞌkiꞌñ gu Dios, baꞌp jum aaꞌ am ja jujur am bhaan: “¿Jax baꞌ ɨlhdhat jup kaiꞌch? ¿Jaꞌxbuiꞌ aa sap tɨi gɇꞌkam jup xim ɨlhiiꞌñ na jax gu Dios?” |
| 23459 | MAT 9:11 | Baꞌ guiꞌ nam pariseos jum tɨɨtɨꞌndaꞌ, am jix bhaak am na mɨt puiꞌ jɨꞌ tɨɨ gu Jesuus, baꞌp ja tɨtda am gu noonbiꞌñ: ―¿Jax ku baꞌ ja bɨɨm tu kuaꞌ dhi jam gɇꞌkam tuk dhiꞌ nam jir tuumiñ tutaandam tugiꞌñ gux ioꞌm gɇꞌkam Rooma kam, gio dhi jaiꞌ jaꞌtkam nam cham tuꞌ kaꞌm tɨ nɨiꞌñ? Giilhim nam jix uꞌuaꞌtulhdhix. |
| 23462 | MAT 9:14 | Baꞌ miꞌ ba ai mɨt guiꞌ nam kaichgɨdaꞌ gu Juan jaꞌtkam bopkondam, baꞌ bhaiꞌ ba tɨkka am gu Jesuus na sap jax kum baꞌ cham jum saabdaꞌ gu jaꞌtkam tugiꞌñ, jup tɨtda am: ―¿Jax kum baꞌ cham jum saabdaꞌ dhim jaꞌtkam tuk? Nach baꞌ aach gammɨjɨch xaabdaꞌ, gio gu pariseos ba puiꞌ ɨp. |
| 23511 | MAT 10:25 | Guꞌ dai ji na kɇɇjidhaꞌ pɨx na jax jaꞌk tɨɨdaidhaꞌ guiꞌ na kaichgɨdaꞌ, cham tuꞌ na guꞌ miꞌ bɨɨpɨꞌ kat gɇꞌkam jup bam taat kaꞌ, gio gu tujuandam na jax jaꞌk tɨɨdaidhaꞌ pɨx ɨp gu gɇꞌkam tugiꞌñ, miꞌ puiꞌ duñiidhaꞌ. Gio puiꞌ na jax gu kiokam noꞌm jax tɨtda na jaꞌook bhaan jup tuꞌiiꞌ, ¿cham aa pim ɨlhiiꞌñ nam giilhim jix buam ja tɨtdadaꞌ guiꞌ nam jɨꞌk maap miꞌ oiꞌñkaꞌ? Baꞌ aapiꞌm puꞌñip jam tɨtdadaꞌ am gu jaꞌtkam na pim tɨ jɨɨgiꞌñ aañ jiñ bui. |
| 23535 | MAT 11:7 | Baꞌ pu jii mɨt gu jaꞌtkam tugiꞌñ gu Juan jaꞌtkam bopkondam daipuꞌ nat puꞌñi xi ja tɨɨꞌn gu Jesuus. Miꞌ dhɨr baꞌ moop ja tɨtda gu Jesuus gu jaꞌtkam guiꞌ nam jɨꞌk miꞌp tuꞌiiꞌ: ―¿Tuꞌ pimɨt mu tɨɨꞌmpuk mummɨ gampɨx jix chu gak kɨr janoꞌ na pimɨt paiꞌ dhuuk mu jimɨɨk? ¿Gu junboꞌ aa na miꞌ joidham jum bua na bhaiꞌ xi jɨbɨɨr? |
| 23536 | MAT 11:8 | ¿Kaꞌ tuꞌ ji pimɨt mu tɨɨꞌmpuk na pimɨt baꞌ moom dɨkooꞌñ na pimɨt mu jii? ¿Kaꞌ jaroiꞌ aa mi oirɨ ji chɨm tɨiꞌdhat gu jajannulh jix aꞌbhar jix dhaꞌram namkɨm? Moo chi guꞌ cham ji, na guꞌ na pim jax bax maat bo jia na guiꞌ nam pu chuꞌm tɨm tɨꞌiiꞌñkaꞌ, dai mummɨx joiꞌñdhaꞌ am nam darkaꞌ ja bui gux ioꞌm gɇꞌgɇrkam jum aaꞌndam. |
| 23544 | MAT 11:16 | ’¿Tuꞌñ gɨt bhaan ji uaꞌrgidhai tu jam aagidhaꞌ nam jax jaꞌk ji buan gu jaꞌtkam guiꞌ nam xib jix jaiꞌch? Jaꞌp ji buan am dho na jax gu aꞌaalh noꞌ mɨt muiꞌ maap xim daagɨk mu paiꞌ ma tɨtbim jax chuꞌm giotɨr. Baꞌ noꞌ mɨt jaiꞌ bha jaꞌp ji dharaibuk ma tu saas, baꞌ nam paiꞌ dhuuk xi saasbichui jup ja tɨɨdaꞌ am gu jaiꞌ ja bɨpnaꞌ aꞌaalh: |
| 23551 | MAT 11:23 | Baꞌ aapiꞌm na pim Kapernaum oiꞌdhaꞌ, ¿jaꞌp jum aaꞌ pim aa na pim aayaꞌ jix dhaam jaꞌk buiñor guñ Gɨꞌkoraꞌ? Matgɨm mu jaꞌk ji na xi jam jootsaꞌ jix ioꞌm tuukab jaꞌk na paiꞌ gɇꞌ tɨ dɨꞌ, na pimɨt guꞌ cham miꞌ puiꞌ jii na jax jix aaꞌ. Na guꞌ noꞌñ mu jaꞌk Sodooma puiꞌ joidham jix kɨɨꞌp jum duukam jup tu duñiaꞌ gɨt, moo janoꞌ gɨt nam tɨ jɨɨꞌñdhai miꞌ puiꞌ jimiaꞌ na jax jix aaꞌ guñ Gɨꞌkoraꞌ, xib dho pui miꞌr kiicham kaꞌ gɨt. |
| 23560 | MAT 12:2 | Guꞌ baꞌ nam guꞌ jaiꞌ muiꞌp jiim jia guiꞌ nam pariseos jum tɨɨtɨꞌndaꞌ, baꞌ am jix bhaaktuꞌ am nam ja nɨiꞌñ nam puiꞌ jɨꞌ tu buim gu jaꞌtkam tugiꞌñ gu Jesuus, baꞌp tɨtda am: ―¿Jax kum baꞌ tu kaipgaidhat tu koꞌiim gu tiriik dhim jaꞌtkam tuk? ¿Kux cham maat am aa na xib aagix na cham tum juandaꞌ? |
| 23561 | MAT 12:3 | Baꞌp ja tɨtda gu Jesuus: ―¿Kux aapiꞌm cham jɨꞌxkat tu jiñkuiꞌñ aa miꞌ na paiꞌ tu uaꞌñix gu ñioꞌkiꞌñ gu Dios nat jax tu duu gu Dabii gio gu jaꞌtkam tugiꞌñ janoꞌ nam paiꞌ dhuuk ba uaꞌmaim? |
| 23569 | MAT 12:11 | Guꞌ ji na guꞌp ja tɨtda gu Jesuus: ―¿Kux aapiꞌm jaroo maadɨt moo daas na miꞌ pɨx xi nɨiꞌñdhaꞌ gu soigaꞌn noꞌt miꞌ paiꞌ ba gɨi jax chuꞌm tɨ dɨꞌn kɨr, noꞌ guꞌ janoꞌ pɨk na paiꞌ dhuuk aagix na cham tum juandaꞌ? ¿Cham aa guꞌ moo janoꞌ mu jimɨi xi bhiaji ap, cham tuꞌ nap guꞌ miꞌ pɨx xi nɨiꞌñdhaꞌ? |
| 23570 | MAT 12:12 | Guꞌ gi baꞌ dhiꞌ nar maaꞌnkam, ¿cham aa guꞌx ioꞌm jum aaꞌ nañ jix bhaiꞌ dhuñiaꞌ, cham tuꞌ puiꞌ na jax gu tuꞌ soiꞌ? Jaꞌpji na moo pu cham jax bua ji noꞌñ jax jix dhuñiim gux bhaiꞌm duukam, sia ku cham tum juan. |
| 23581 | MAT 12:23 | Baꞌ gu jaꞌtkam na mɨt puiꞌ jɨꞌ tɨ tɨɨ, miꞌ puiꞌ pup tuꞌiiꞌ am, dai nam jup kaiꞌch: ―¿Dhiꞌ aa chi baꞌ saak bar diꞌ guch Xoiꞌkam guiꞌ na saak bha jimdaꞌ gɨt, nar boxiiꞌñ kaꞌ gu Dabii? |
| 23585 | MAT 12:27 | Guꞌ baꞌ aapiꞌm na pim puiꞌ kaiꞌch na puiꞌ aañ jiñ aꞌm jup tuiꞌdhiꞌ gu ja gɇꞌkam tuk gu cham kɨkɨɨꞌ iꞌiiꞌmdaꞌ, ¿aapiꞌm baꞌ moo puꞌñi ɨp aa gu jam jaꞌtkam tuk guiꞌ nam jam kaichuꞌ, puꞌñi aa ja gɇꞌkam tuk gu cham kɨkɨɨꞌ iꞌiiꞌmdaꞌ ja aꞌm jup tuiꞌdhiꞌ, nam baꞌx ja jɨɨgiꞌñdhaꞌ nam puꞌñi maiꞌ ja jootosdaꞌ gu cham kɨkɨɨꞌ iꞌiiꞌmdaꞌ ja aꞌm dɨr gu jaꞌtkam? ¿Piam aa na guꞌ cham? Na guꞌ puꞌñi pɨx jaꞌk ji buusniaꞌ nañ jax ba kaiꞌch. |
| 23635 | MAT 13:27 | Baꞌ na mɨt paiꞌ dhuuk ba tɨɨ guiꞌ nam miꞌ tu juandaꞌ, mu jimɨɨk ba aagiꞌñ am guiꞌ nat miꞌ tu giiꞌ gu tiriik, jup tɨtda am: “Aapiꞌch jaduuñ, gu tiriik na pich mu tu giiꞌ, ¿saiꞌ bɨnkam aa pich miꞌ ɨi na baꞌ jaiꞌ miꞌp tuut na cham bhaiꞌ bua gu tiriik? ¿Kaꞌ jaroo ji chi miꞌ ɨi?” |
| 23659 | MAT 13:51 | Miꞌ dhɨr baꞌ moo bhaiꞌ ba ja tɨkka gu Jesuus, jup ja tɨtda: ―¿Jix maatɨt aa pimɨt kai gu dhiꞌ puiꞌ na ñich jax tu jam aꞌgi? Baꞌ guiꞌp kaiꞌch am: ―Jix maatɨt jachich dho kai. |
| 23662 | MAT 13:54 | mummɨ jaꞌk baꞌ ba ai nat paiꞌ pɨk jaꞌk gɨꞌɨɨr. Baꞌ miꞌ bhaiꞌp ji chu aꞌga miꞌ nam paiꞌ tu daandaꞌ gu Israel kam jaꞌtkam guiꞌ nam miꞌ oiꞌñkaꞌ janoꞌ na paiꞌ dhuuk aagix kaꞌ na cham tum juandaꞌ. Baꞌ miꞌ puiꞌ pup tuꞌiiꞌ am na mɨt ba kai na joidham jix bhaiꞌ xi bua na tu aꞌga, baꞌp jum tɨ tɨtda am: ―¿Paa chi baꞌ ji chum mamtuxdhak puiꞌ pɨk joidham jix bhaiꞌ xi bua na xi chu aꞌga dhich jaduuñ? ¿Jax moo duukat jix aichuꞌn nap tu bua gux bhaiꞌm duukam? |
| 23663 | MAT 13:55 | ¿Cham aa pɨn jir diꞌ nar maraaꞌn guiꞌ na uꞌuux tu jiibdat jup tu buadaꞌ gu bɨxchuꞌ, na Mariiya jir dɨꞌɨɨꞌn, nam jir jum jajaaꞌnnim gu Jakoobo, gio gu Josee, gio gu Simoon, gio baꞌ gu Juudas? |
| 23664 | MAT 13:56 | Gio gu uꞌuub jajaaꞌnniꞌñ, ¿cham ja pɨn yaꞌ tu oiꞌdhaꞌ am aach jich bui? ¿Guꞌ jax ji chi baꞌ duukat jix chu matdaꞌ dhich jaduuñ? |
| 23668 | MAT 14:2 | Baꞌp ja tɨtda guiꞌ nam maap miꞌr gɇꞌgɇrkam kaꞌ: ―¿Jir diꞌ dho bak jia gu Juan jaꞌtkam bopkondam nat duadɨk giop ba bam mu dɨr koiꞌñgaꞌn tɨr? Puiꞌ ku baꞌ puiꞌ joidham jix bhaiꞌm duukam jup tu bua. |
| 23681 | MAT 14:15 | Baꞌ jaꞌxpɨx nat paiꞌ dhuuk ba ji jur, mu jimɨɨk jup tɨtda am gu Jesuus gu noonbiꞌñ: ―Yaꞌ ba ji jur jich jaduuñ. ¿Jax jach jich dhuñiaꞌ, na guꞌ ya jaꞌp jir gampɨx? ¿Cham jir am aa nap ba ja jootsaꞌ dhi jaꞌtkam kum ba jimiaꞌ mu jaꞌp paiꞌ nar kikcham kum ba tu taañpuꞌ gu tuꞌ nam jugiaꞌ? |
| 23682 | MAT 14:16 | Baꞌ gu Jesuus jup ja tɨtda: ―Yaaꞌ pim dho ka tu ja makiaꞌ aapiꞌm, ¿tuꞌ gi pɨk ɨp? Cham jum aaꞌ nam moop jimiaꞌ. |
| 23683 | MAT 14:17 | Baꞌ guiꞌp kaiꞌch am: ―¿Tuꞌch gip ja makiaꞌ, nach guꞌ cham tuꞌ uaꞌ gu tuꞌ koiꞌ? Dai siamri jɨꞌk jix chamaam gu paan muni paiꞌ pɨx uaꞌ maadɨt, gio baꞌ gook gu boptop. |
| 23697 | MAT 14:31 | Baꞌ gu Jesuus jotmodaꞌ xi dhaa ɨp, jup tɨtda baꞌ: ―¿Jax ku pich baꞌ dai ba ji chooꞌn? ¿Moo chakui bɨɨx jum jur kɨꞌn tɨ jɨɨgiꞌñ ap aa aañ jiñ bui? |
| 23704 | MAT 15:2 | ―¿Jax kum baꞌ cham miꞌ puiꞌ ka jiim dhim jaꞌtkam tuk gu puiꞌ nam jax jaꞌk tu jimdat guch bopxi kat? Tɨɨꞌ na mɨt cham muiꞌ kim jum ikoimdhak ba ji chu juu. |
| 23711 | MAT 15:9 | ¿Tuꞌm gi miꞌp tɨgiaꞌ sia kum bɨɨx aixim tɨi tu jim? Na guꞌ dai nam jax pɨx jaꞌk ja aagiꞌñdhaꞌ gu jaꞌtkam nam baꞌ pu tu bua. |
| 23714 | MAT 15:12 | Baꞌ guiꞌ nam jɨꞌk kaichuꞌ miaꞌn xi ɇɇk jup tɨtda am gu Jesuus: ―¿Jix maat ap aa na mɨt giilhim bhaak gu pariseos na mɨt jum kai gu dhiꞌ puiꞌ jɨꞌ na pich jax tu aꞌga? |
| 23715 | MAT 15:13 | Baꞌp ja tɨtda gu Jesuus: ―¿Dho jax gip bua? Na guꞌ gu ɨꞌɨɨx guiꞌ nat cham ya ɨꞌxcha guñ Gɨꞌkoraꞌ, jix bhaaiꞌ na takbonai mu baas buaꞌ. |
| 23718 | MAT 15:16 | Baꞌp ja tɨtda gu Jesuus: ―¿Kux aapiꞌm aa puiꞌ cham maatɨt jup jiñ kɇɇ nañ jax kaiꞌñkam jup kaiꞌch? |
| 23729 | MAT 15:27 | Baꞌp kaiꞌch ɨp gio gu ubii: ―Dho guꞌr puiꞌ dat dho jia tɨiñ jaduuñ, guꞌ pɨx ji nañ guꞌ aañ soiꞌñ ɨlhiiꞌñ. ¿Cham aa guꞌ cham jax jup bua noꞌp moo xiñ joiꞌmdaip jiñ chɨgiaꞌ gɨt? Na guꞌ jaꞌp ji buusniaꞌ na jax gu goꞌngox noꞌm miꞌ paiꞌ tɨ tɨɨtɨb gu biimñigaꞌn gu koiꞌ na iigɨsdaꞌ nam tu kuaꞌdaꞌ guiꞌ nam jaroiꞌr ja goꞌngoxiꞌ kaꞌ. |
| 23735 | MAT 15:33 | Baꞌp tɨtda am gu noonbiꞌñ: ―¿Dho tuꞌch gip ja makiaꞌ aach yaꞌ, nach guꞌ cham gɇꞌ uaꞌ gu koiꞌ? Gio guꞌ ya jaꞌp jir gampɨx, ¿paach gip tu tañiaꞌ? Gio guꞌr muiꞌ am dhi jaꞌtkam, cham tuꞌ tuꞌr gook alh am. |
| 23736 | MAT 15:34 | Baꞌp ja tɨtda gu Jesuus: ―¿Guꞌ aapiꞌm jɨꞌk pɨx uaꞌ gu paan na pim saak uaꞌ? Baꞌ guiꞌp tɨtda am: ―Dho xijum gook dho pɨx, gio baꞌ jɨꞌkchi ɨp gu boptop. |
| 23744 | MAT 16:3 | Gio baꞌ moop kaiꞌchdhaꞌ pim ɨp paiꞌjɨ jax chuꞌm kabuimuk: “Xib moo cham kɨɨꞌ oidhaꞌ jimiim. Jaiñ na guꞌx bɨꞌm maaxiꞌñ gux dhaam gio nax chɨbaaꞌ.” ¿Guꞌ baꞌ cham puꞌñix maatɨt jup jiñ ñɨiꞌñ japim aa aañ nañ jir tuꞌp tuꞌm daꞌ? Tɨɨꞌ na pim baꞌ guꞌx maatɨt nɨiꞌñdhaꞌ gu tuꞌ na jax chuꞌm oidhaꞌ jimiidhaꞌ. |
| 23749 | MAT 16:8 | Baꞌ ba ja kai gu Jesuus nam jax kaiꞌchim, baꞌp ja tɨtda: ―¿Jax ku pim baꞌ moox buam jup bam aaꞌntuꞌ gu tuꞌ paan na pim cham uaꞌ? ¿Moo chakui bɨɨx jam jujur kɨꞌn tɨ jɨɨgiꞌñ japim aa aañ jiñ bui nañ aañ jir gɇꞌkam? |
| 23750 | MAT 16:9 | ¿Chakui aa pim maatɨt jiñ ñɨiꞌñ nañ jir tuꞌp tuꞌm daꞌ? ¿Cham aa pim tɨꞌñcho na ñich aañ muiꞌdhalh gu paan gux chamaam na ñich tu ja maa gu muiꞌ jaꞌtkam aixkam jix chamaam mambhɨɨx jix chaꞌtmam ooꞌm? Na mɨt jaiꞌ cham ka jugio bo na pimɨt baꞌ aapiꞌm giop ma tu jumaap bapaalh chaꞌm. ¿Cham aa pim tɨꞌñcho na pimɨt jɨꞌk ja susduiꞌ? |
| 23751 | MAT 16:10 | Gio baꞌ gatuuk na ñich giop muiꞌdhalh gu xijum gook gu paan na ñich giop tu ja maa bo gu jaꞌtkam gu maakob mambhɨɨx jix chaꞌtmam ooꞌm aixkam, baꞌ jaiꞌ puiꞌ cham jup ka jugio mɨt, baꞌ aapiꞌm giop ma tu jumaap bapaalh chaꞌm. ¿Cham aa pim tɨꞌñcho na pimɨt jɨꞌk giop ja susduiꞌ? |
| 23752 | MAT 16:11 | ¿Guꞌ jax ji ku pim baꞌ cham maatɨt jiñ kɇɇ nañ aañ cham tuꞌ paan aagidhat jup kaiꞌchim? Guꞌ jaꞌpji guiꞌ nam pariseos jum tɨɨtɨꞌndaꞌ ji gio baꞌ guiꞌ nam saduseos jup jum tɨɨtɨꞌndaꞌ nañ ja aagɨt jup kaiꞌchim na pim cham mi ja kɇkɇɇdaꞌ, nam guꞌ joidham jix bhaiꞌ xi buadaꞌ nam paiꞌ dhuuk tu aꞌgadaꞌ, jaꞌp ji buusan na jax guiꞌ na kɨꞌn jappukar gu paan na giilhim jix chu iaꞌñdharaꞌ. |
| 23754 | MAT 16:13 | Baꞌ miꞌ dhɨr giop ba jii gu Jesuus mu jaꞌk na paiꞌ Sesarea Piliipo tɨ tɨɨgim bhaan bipioꞌ gu dɨbɨɨr. Baꞌ ba ja tɨkka gu noonbiꞌñ, jup ja tɨtda: ―¿Jax jam kaiꞌchdhaꞌ gu jaꞌtkam? ¿Jaroo sap daꞌ iñ aañ nat bhañ joot guñ Gɨꞌkoraꞌ? ¿Tuꞌñ sap jir jup tuꞌm daꞌ? |
| 23756 | MAT 16:15 | Baꞌ dɨɨlh jup xi ja tɨkka gu noonbiꞌñ gu Jesuus, jup ja tɨtda: ―¿Aapiꞌm gi, xiñ maat japim aa nañ jir tuꞌp tuꞌm daꞌ? |
| 23767 | MAT 16:26 | ¿Tuꞌ gi miꞌp tɨgiaꞌ gu jaroiꞌ sia ku tɨi bɨxchuꞌ tu biaꞌ gu tuꞌ na yaꞌ dhi oiꞌñgaꞌn jix chu jaiꞌch? Na guꞌ cham jɨꞌxkat palhbuidhaꞌ na tɨsdiaꞌ jix dhaam jaꞌk noꞌt jotmodaꞌ am xi muu. |
| 23779 | MAT 17:10 | Baꞌ moo jaꞌpni bhaiꞌp ba tɨkka am gu Jesuus gu noonbiꞌñ, jup kaiꞌch am: ―¿Jax kum baꞌp kaiꞌchdhaꞌ guiꞌ nam sap jix mat kaꞌ gu ñioꞌkiꞌñ gu Dios na gu Eliiyas bɨɨpɨꞌ yaꞌ aayaꞌ na baꞌ guch Xoiꞌkam yaꞌp ba aayaꞌ? |
| 23786 | MAT 17:17 | Baꞌp kaiꞌch gu Jesuus: ―¿Moo jaꞌp chakui bɨɨx jam jujur kɨꞌn jix biiñak japim aa buiñor gu Dios? ¿Jɨꞌx jañ baꞌ yaꞌ pu oirɨt jup jam aagiꞌñdhaꞌ? Bhaiꞌ gor jiñ baiꞌñxiꞌñbop gux koꞌkkam yaꞌni jaꞌk. |
| 23788 | MAT 17:19 | Baꞌ gatuuk mu jaꞌp dɨlhkob ba tɨkka am gu Jesuus guiꞌ nam kaichuꞌ, jup tɨtda am: ―¿Jax baꞌr jum duukam chi ku chich baꞌ aach cham jɨꞌxkat maiꞌ joot gu cham kɨɨꞌ iiꞌmdaꞌ bhaiꞌ dhɨr bhaan gu biapmaꞌ? |
| 23793 | MAT 17:24 | Baꞌ nat paiꞌ dhuuk mummɨ jaꞌk jup ba ai gu Jesuus na paiꞌr Kapernaum ja bɨɨm guiꞌ nam kaichuꞌ, miꞌ ba ji bubua mɨt buiñor gu Peegro guiꞌ nam tu taandaꞌ gu tuumiñ na jɨꞌk aagix nam tu maakdaꞌ bhammɨ gɇꞌ chiop. Baꞌ jaꞌpni bhaiꞌ ba tɨkka am: ―¿Tu namkiꞌñ aa guiꞌ na pim kaichuꞌ na jɨꞌk bhaan bipioꞌ gu gɇꞌ chiop? |
| 23794 | MAT 17:25 | Baꞌp ja tɨtda gu Peegro: ―Tu namkiꞌñ ji matgɨm. Baꞌ xi mɨɨ nat tɨkkam gu Jesuus na jax jaꞌk jix bhaiꞌ gu dhiꞌ puiꞌ. Baꞌ na kiaꞌpɨx muiꞌ ji baakim mɨjɨ baꞌk chɨr, bɨɨpɨꞌ kat bhaiꞌ ba ñio gu Jesuus, jup kaiꞌch: ―¿Aap jax ɨlhiiꞌñ Simoon ja bui gux ioꞌm gɇꞌgɇrkam jum aaꞌndam nam jix jaiꞌch yaꞌ dhi oiꞌñgaꞌn bhaan? ¿Jaroom aagix nam ja namkiꞌñdhaꞌ, gu dɨɨlh ja jaꞌtkam tuk aa, kaꞌ gu jaiꞌ aa momkoran kam noꞌm ja daam kɨɨk? |
| 23797 | MAT 18:1 | Baꞌ moo jaꞌpni bhaiꞌp ba tɨkka am gu Jesuus gu noonbiꞌñ, jup tɨtda am: ―¿Jaroo chi baꞌx ioꞌm jir gɇꞌkam kaꞌ jix dhaam jaꞌk buiñor gu Dios? |
| 23808 | MAT 18:12 | ’¿Jax japim ɨlhdhat jiñ kɇɇ? Puiꞌ na jax maaꞌn gu maaꞌnkam noꞌ ja biaꞌ gu kakasnir jɨꞌk maaꞌn jix chamaam ooꞌm aix kam. Guꞌ baꞌ noꞌt guꞌ jax dhuukat maaꞌn maiꞌ ma bua mu paiꞌ gampɨx noꞌ ka tu bipiaꞌ, ¿cham japim ɨlhiiꞌñ na miꞌ ka xi ja doꞌñchoi gu jaiꞌ xi dhaiꞌññiaꞌ na tu gaaꞌmɨraꞌ? |
| 23817 | MAT 18:21 | Baꞌ gu Peegro mu jimɨɨk amuub bhaiꞌ ba tɨkka gu Jesuus, jup tɨtda: ―¿Guꞌ baꞌ jɨꞌkim jix bhaiꞌ nañ pu tɨɨdaꞌ gu jax chuꞌm jiñ jaduuñ noꞌt tuꞌ jax jiñ duiñ nañ puiꞌ pɨx ka tu uañiꞌñkaꞌ, jɨꞌk xijum gookim aa? |
| 23834 | MAT 19:3 | Baꞌ moo jɨꞌkchi miꞌp ba ai mɨt guiꞌ nam pariseos jum tɨɨtɨꞌndaꞌ, baꞌ bhaiꞌ ba tɨkka am gu Jesuus nam miꞌ pɨx jix maiꞌchim noꞌ sap moo jax kaiꞌch na cham jir am nam baꞌ puiꞌ jaꞌk iattulhdhai tu chiñiaꞌ nam muꞌaaꞌ, jup tɨtda am: ―¿Jix bhaaiꞌ aa gu jaroiꞌ noꞌ cham ka joiꞌñ gu bɨngaꞌn na maiꞌ xi buaji jumai bhaiꞌp ji bhɨɨyaꞌ, kaꞌ guꞌ cham aa? |
| 23835 | MAT 19:4 | Baꞌp ja tɨtda gu Jesuus: ―¿Kux aapiꞌm aa cham jɨꞌxkat tu jiñkuiꞌñ miꞌ na mɨt paiꞌ tu uaꞌnak gu bɨjɨk dɨr kam nap jum kaiꞌch nat guñ Gɨꞌkoraꞌ pu kaiꞌñkam jup duu gu chioꞌñ gio gu ubii nam baꞌ gammɨjɨ maap tu oiꞌñkaꞌ? |
| 23838 | MAT 19:7 | Baꞌp kaiꞌch am guiꞌ nam pariseos jum tɨɨtɨꞌndaꞌ: ―¿Guꞌ jax ji nat baꞌ gu Moisees puiꞌ jaꞌk ja chianɨk gu bɨjɨk dɨr kam na sap jix bhaaiꞌ gu jaroiꞌ na palhɨɨp xi chu uaꞌnai miꞌ xi makiaꞌ gu bɨngaꞌn na baꞌ miꞌ dhɨr bhaan jix maatɨꞌ kaꞌ nam cham kar jum bɨpnagɨm kaꞌ? |
| 23848 | MAT 19:17 | Baꞌp tɨtda gu Jesuus: ―¿Guꞌ jax duukat jap jix maat jiñ jaduuñ nañ jir jix bhaiꞌkam? Na guꞌ jumaip jix jaiꞌch jia guiꞌ na puiꞌp jir jix bhaiꞌkam, guiꞌ dhoñ Gɨꞌkoraꞌ nax dhaam jup tuꞌiiꞌ. Baꞌ noꞌp jix aaꞌ nap jimiaꞌ buiñor, jum aaꞌ nap bɨɨpɨꞌ miꞌ puiꞌ jimiaꞌ na jax jum kaiꞌch gu ñioꞌkiꞌñ miꞌ na paiꞌ tu uaꞌñix. |
| 23849 | MAT 19:18 | Baꞌp kaiꞌch gu biapmaꞌ: ―¿Jax gi jaꞌk tu uaꞌñix? Baꞌ gu Jesuus jup xi aagiꞌñ jup tɨtda: ―Dho miꞌ na paiꞌ jaꞌpnim kaiꞌch: “Chaꞌp ja kooꞌndaꞌ gu jaꞌtkam. Gio nap cham maiꞌ xi buaji gum bɨɨnaꞌ jumai bhaiꞌ ji bhɨɨyaꞌ gu ubii. Gio nap cham naiꞌ tɨ ɨɨxiꞌñdhaꞌ. Gio nap cham naiꞌ ja iatgiꞌñdhaꞌ gu jaꞌtkam, ni jaroiꞌ dho moo. |
| 23851 | MAT 19:20 | Baꞌp kaiꞌch ɨp gio gu biapmaꞌ: ―Dho guꞌ aañ bɨɨx miꞌ puiꞌ tɨi duiñchuꞌ ji gu dhiꞌ puiꞌ nap jɨꞌk jax kaiꞌch jiñ jaduuñ. ¿Chi guꞌ moo cham ji jia? |
| 23858 | MAT 19:27 | Baꞌ gu Peegro miꞌ dhɨr jaꞌp muiꞌp ji ñio, jup kaiꞌch: ―¿Aach baꞌ tuꞌ maiꞌchiaꞌ jix dhaam jaꞌk, na chich guꞌ cham tuꞌ kap jich buix gu tuꞌ nach biaꞌkat janoꞌ dɨr na chich paiꞌ dhuuk jum kai? |
| 23867 | MAT 20:6 | Mɨkkat baꞌ nat jix ioꞌm ba ji jur, jaiꞌ giop ma ja umuaꞌñdham mu jaꞌp ɨrban gu gɇꞌ kiicham. Baꞌ ba ja tɨɨ ɨp jaiꞌ nam miꞌ pɨx jaꞌp daraa nam cham tuꞌ jax bua. Baꞌ ba ja tɨkkaꞌ na sap jax kum baꞌ cham tu juan, jup ja tɨtda: “¿Jax ku pim baꞌ cham tu juan jiñ jaaduñ? Yaꞌ pɨx pu daraa japim bɨx chanoolh.” |
| 23873 | MAT 20:12 | jup tɨtda am: “¿Jax ku pich baꞌ dhiꞌ jaꞌkbuiꞌ pɨx jup ja namki na pich jɨꞌk jich ñamki aach? ¿Cham bhaaiꞌ aa nap muiꞌ paꞌch ñamkidhaꞌ gɨt aach, na chich guꞌ bɨx chanoolh jich chulhii na chich tu jua, gio na bhax chatoiñ? Guꞌ dhiꞌ tɨi palhɨɨp pɨx tu jua mɨt, na mɨt guꞌ jurnɨk yaꞌ ka ai.” |
| 23883 | MAT 20:22 | Baꞌp ja tɨtda gu Jesuus: ―Matgɨm giilhim jix xijai ji na baꞌ puiꞌ tu tuiꞌkaꞌ gu dhiꞌ puiꞌ na pim jax ɨlhiiꞌñ, na guꞌ bɨɨpɨꞌm aaꞌ na pim giilhim jum tulhiiñaꞌ, jaꞌp na jax aañ. ¿Kaꞌ pim jix ñakooꞌ aa na pim jum tulhiiñaꞌ? Baꞌ guiꞌp kaiꞌch am: ―Jix ñakooꞌ ich ji matgɨm. |
| 23893 | MAT 20:32 | Baꞌ gu Jesuus miꞌ gan ji kɨkbo, dai na muiꞌ pup tɨ nɨiꞌñ mu nam paiꞌ dhɨr bha jiiñak gu jaꞌtkam guiꞌ nam cham ñiññia kaꞌ, baꞌ xi ja bai nam mu jimiaꞌ. Baꞌ na mɨt paiꞌ dhuuk miꞌ ba ai, jup ja tɨtda: ―¿Tuꞌni aa jam duuk jiñ jaaduñ na pim baꞌ bhañ jiñkuiꞌñ? |
| 23905 | MAT 21:10 | Baꞌ jaꞌxpɨx nat paiꞌ dhuuk bhammɨ ba ai gu Jesuus na paiꞌr Jerusaleen, cham maat am gu bhaiꞌ oiꞌñkam nar jaroiꞌ dhaꞌ. Naiꞌ tɨim tɨ tɨkka am, jup kaiꞌch am: ―¿Jaroo chi baꞌ daꞌ dhi maaꞌnkam? |
| 23911 | MAT 21:16 | Baꞌp tɨtda am gu Jesuus gu gɇꞌgɇrkam jum aaꞌndam: ―Jaꞌp xi ja tɨɨꞌn nam cham ñiokdaꞌ dhi aꞌaalh. Moo jaꞌp ja kɇɇ ap pɨx nam jax kaiꞌch. Baꞌp ja tɨtda gu Jesuus: ―Dho jax gip bua siam jax kaiꞌch, na guꞌ puiꞌm kaiꞌch gu ñioꞌkiꞌñ guñ Gɨꞌkoraꞌ miꞌ na paiꞌ tu uaꞌñix na saak siax bhaaiꞌ gu aꞌaalh nam tu daandaꞌ buiñor gu Dios, sia guiꞌ nam ka xioꞌdaꞌ. ¿Cham aa pim jɨꞌxkat tu jiñkuiꞌñ miꞌ na paiꞌ puꞌñim kaiꞌch? |
| 23915 | MAT 21:20 | Baꞌ miꞌ puiꞌ pup tuꞌiiꞌ am gu noonbiꞌñ na mɨt puiꞌ jɨꞌ tɨ tɨɨ, jaꞌxpɨx baꞌ ba tɨkka am gu Jesuus nat jax dhuukat naiꞌ ji gaa gu iigɨx nat jax pu tɨɨꞌn na cham ka iibhaiꞌñchaꞌ, jup tɨtda am: ―¿Jax chi kut baꞌ moo jotmodaꞌ naiꞌ ji gaa dhi iigɨx na pich jax pu tɨɨꞌn na cham ka iibhaiꞌñchaꞌ? |
| 23918 | MAT 21:23 | Baꞌ gio miꞌp ba ai gu Jesuus na paiꞌr gɇꞌ chiop. Baꞌ na miꞌ ka tu ja aꞌgiꞌñ gu jaꞌtkam, miꞌ ba ai mɨt gu ja gɇꞌgɇrkam tuk guiꞌ nam bhaiꞌ gɇꞌ chiop ja palhbuiꞌñdhaꞌ gu Israel kam jaꞌtkam nam tu daandaꞌ buiñor gu Dios, gio baꞌ guiꞌ nam jir ja gɇꞌgɇrkam tuk kaꞌ gu Israel kam jaꞌtkam. Baꞌ bhaiꞌ ba tɨkka am, jup tɨtda am: ―¿Jax jap baꞌ kaiꞌñkam yaꞌ pu tu bua? ¿Jaroom chianɨk bham joot nap yaꞌ pu tu duñiaꞌ nap dɨɨlh jax ɨlhiiꞌñ? |
| 23919 | MAT 21:24 | Baꞌ gu Jesuus jup ja tɨtda: ―Dho ea nañ aañ maaꞌn jup xi jam tɨkkaꞌ gu tuꞌx buadam na jax jir jum duukam. ¿Jaroo bha joot saak gu Juan na ja bopkonaꞌ gu jaꞌtkam? ¿Dios aa, kaꞌ dɨɨlh aa mɨt chia gu jaꞌtkam na ja bopkonaꞌ? Ea gor xiñ aagiꞌñ nañ baꞌ aañ jup jam aagiꞌñdhaꞌ. Baꞌ guiꞌ dai na mɨt ba jim tɨ tɨkka dɨɨlh, jup kaiꞌch am: ―¿Jax jach jaꞌk tɨɨdaꞌ? Na guꞌ noꞌch jax kaiꞌch nat gu Dios bha joot gu Juan, puiꞌ dho ji chɨꞌyaꞌ: “¿Guꞌ jax ji ku pimɨt baꞌ cham miꞌ puiꞌ jii na jax tɨi pup tu jam aꞌgidhimɨk?” |
| 23923 | MAT 21:28 | Baꞌ moo miꞌ dhɨr jaꞌpni bhaiꞌp ba ja tɨkka gu Jesuus, jup kaiꞌch: ―¿Aapiꞌm jax ɨlhdhat kɇɇ? Puiꞌ na jax maaꞌn gu maaꞌnkam noꞌ gook tu maamar, baꞌ noꞌ maaꞌn jax tɨtda: “Ea nap mu jimiaꞌ mu gaa tɨr nap tu juanmɨraꞌ.” |
| 23926 | MAT 21:31 | Baꞌ miꞌ dhɨr jup ja tɨtda gu Jesuus: ―¿Jax chuꞌm gu gook jii mu nat paiꞌ joot gu taataꞌn nam tu juanpuꞌ? Baꞌ guiꞌp kaiꞌch am: ―Dho guiꞌ nat jax bɨɨpɨꞌ dɨr pu tɨɨꞌn dho. Baꞌp ja tɨtda ɨp gio gu Jesuus: ―Dho aapiꞌm puꞌñip ji buusan na jax guiꞌ nat pu cham jii mu nat paiꞌ joot gu taataꞌn. Guꞌ baꞌ dhiꞌ jaꞌp jir jum duukam nam bɨɨpɨꞌ jimiaꞌ jix dhaam jaꞌk buiñor gu Dios guiꞌ nam jir tuumiñ tutaandam tugiꞌñ gux ioꞌm gɇꞌkam Rooma kam, gio gu uꞌuub guiꞌ nam jir ganaiꞌ pɨx kaꞌ. Guꞌ baꞌ aapiꞌm cham, sia ku pim puiꞌ tɨi xi ɨlhiiꞌñ na pim aapiꞌm bɨɨpɨꞌ jimiaꞌ gɨt jix dhaam jaꞌk, |
| 23935 | MAT 21:40 | ’¿Guꞌ baꞌ aapiꞌm jax ɨlhiiꞌñ na ja doodaꞌ dhiꞌ dhi tujuandam na mɨt buam pɨx tu dooda na paiꞌ dhuuk miꞌ aayaꞌ guiꞌ nat miꞌ tu darsak gu uubas? |
| 23937 | MAT 21:42 | Baꞌp ja tɨtda ɨp gio gu Jesuus: ―¿Cham aa pim jɨꞌxkat tu jiñkuiꞌñ gu ñioꞌkiꞌñ gu Dios miꞌ na paiꞌ tu uaꞌñix na jaꞌpnim kaiꞌch: Gu jodai na mɨt maiꞌ xi buak gu bhibhiꞌñbakchadam, guꞌ ji nat guꞌ gio miꞌp dai guch Gɨꞌkoraꞌ na baꞌ bhaan darkaꞌ gu jaiꞌ joodai, na guꞌ puiꞌ jaꞌk jix aaꞌ, baꞌ aañ joidham jix bhaiꞌñ chaat buiñor gu dhiꞌ puiꞌ nat jax tu duu? |
| 23953 | MAT 22:12 | Baꞌp tɨtda: “¿Jax japich dhuuk ya baañ jaduuñ? Nap moo cham pu chuꞌm tɨ tɨiꞌchuꞌ na jax chuꞌm tɨm tɨtɨꞌ na baꞌx bhaaiꞌn kaꞌ nañ mu bakiaꞌ miꞌ paiꞌ noꞌ puꞌñir koiꞌcham kaꞌ.” Baꞌ cham ñiok guiꞌ na miꞌ puiꞌ tɨtda. |
| 23958 | MAT 22:17 | Baꞌ aach jaꞌp tuꞌm bham tɨkkam jich jaduuñ, ¿jir am aa nach namkiꞌñdhaꞌ gux ioꞌm gɇꞌkam Rooma kam Seesar tɨɨgim na jɨꞌk aagix nach namkiꞌñdhaꞌ, kaꞌ cham aa? |
| 23959 | MAT 22:18 | Guꞌ ji na guꞌx bhaiꞌx maat gu Jesuus nam jax kaiꞌñkam jup tɨtda, baꞌp ja tɨtda: ―¿Jax ku pim baꞌ moo jaꞌp tɨi xiñ maiꞌchim jiñ jaaduñ? |
| 23961 | MAT 22:20 | Baꞌ gu Jesuus xi dhaagɨk miꞌ xi chɨɨgɨk jup ja tɨtda: ―¿Jaroo daꞌ dhiꞌ na yaꞌ jupñix bhaan dhi tuumiñ, gio na jaroiꞌ miꞌ uaꞌñix na jax chɨɨꞌ? |
| 23969 | MAT 22:28 | Guꞌ baꞌ gu xijum gook gu jaꞌtkam nam tɨi pup bhɨbhɨɨjimɨk gu ubii, ¿jax chuꞌm baꞌ pɨk gio bhaiꞌp ji bhɨɨyaꞌ janoꞌ nam paiꞌ dhuuk saak gio mu paiꞌp ba oipodaꞌ sia ku mɨt tɨi ba koi gu ja tutkuꞌ am bhaan? |
| 23972 | MAT 22:31 | Gio guꞌx bhaiꞌx maatɨꞌ nam bhaiꞌ paiꞌ aajim maaꞌn kap guiꞌ nam jɨꞌk koꞌiim gu ja tutkuꞌ am bhaan, na guꞌ puiꞌm kaiꞌch bo gu ñioꞌkiꞌñ gu Dios miꞌ na paiꞌ tu uaꞌñix bhaan gu uꞌuan. ¿Cham aa pim jɨꞌxkat tu jiñkuiꞌñ? Na jaꞌpnim kaiꞌch bo: |
| 23977 | MAT 22:36 | ―¿Jax chuꞌm pɨk jix ioꞌm jum aaꞌ nañ miꞌ puiꞌ duiñchuꞌndaꞌ na jɨꞌk jax tu uaꞌñix gu ñioꞌkiꞌñ gu Dios? |
| 23983 | MAT 22:42 | ba ja tɨkka gu Jesuus na sap jaroiꞌr boxiiꞌñ guch Xoiꞌkam, jup ja tɨtda: ―¿Aapiꞌm jaroo ɨlhiiꞌñ jiñ jaaduñ nar boxiiꞌñ guch Xoiꞌkam? Baꞌ guiꞌp kaiꞌch am: ―Dho saak gu Dabii dho. |
| 23984 | MAT 22:43 | Baꞌp ja tɨtda ɨp gio gu Jesuus: ―¿Guꞌ jax ji na baꞌ guꞌ dɨɨlh gu Dabii nat puiꞌ jaꞌk jurtuda gux Dhuuduꞌ kam jix Uañ Iiꞌmdaꞌ puiꞌ jaꞌk iim guch Xoiꞌkam nar gɇꞌkam tugiꞌñ? Miꞌ paiꞌ na tu uaꞌñix bhaan gu uꞌuan na jaꞌpni kaiꞌch gu Dabii: |
| 23986 | MAT 22:45 | ¿Guꞌ baꞌ jax dhuukat puiꞌ Dabii jir boxiiꞌñ ji guch Xoiꞌkam na baꞌ guꞌ dɨɨlh gu Dabii puiꞌ jaꞌk iim nar gɇꞌkam tugiꞌñ guch Xoiꞌkam? |
| 24020 | MAT 23:33 | ’¿Jax japim dui ɨlhiiꞌñ na pim cham mu jaꞌk bhɨɨyaꞌ na paiꞌ gammɨjɨ cham tutkɨ gu tai na pim miꞌ pup jum tulhiiñdhaꞌ gammɨjɨ? Na pim guꞌ giilhim jix bhaaꞌmnaꞌ jaꞌp na kookoꞌ. |
| 24028 | MAT 24:2 | Baꞌp ja tɨtda gu Jesuus: ―¿Jia na joidham jix abhaar na pim jax ba nɨiꞌñ? Ku baꞌ guꞌ kam aayaꞌ ji na paiꞌ dhuuk am xim iaraꞌ, pu nip paiꞌ maaꞌn kap ku tukdhixim biꞌyaꞌ dhi joodai, aañ moo yaꞌ pu jam tɨtda. |
| 24029 | MAT 24:3 | Baꞌ nam miꞌ puiꞌ xi chu aꞌgimɨk, moo sɨlh bhɨi mɨt baasɨꞌn dɨr jaꞌk oidhaꞌ taꞌm bhaiꞌ nam paiꞌ Oliibus kɨꞌn jix chu mat kaꞌ gu jaꞌtkam. Baꞌ jimdat bha jaꞌp ji dhaibu gu Jesuus, baꞌ gu noonbiꞌñ muiꞌ ji ai mɨt nam dɨɨlh jix chɨkkam, jup tɨtda am: ―¿Paa baꞌ pɨk duuk puiꞌ ba jim iaraꞌ gu gɇꞌ chiop, gio na jax ba tum buidhaꞌ na paiꞌ dhuuk bar miaꞌn kaꞌ nam tɨɨmoꞌ dhi oiꞌñgaꞌn, gio nap paiꞌ dhuuk aap saak gio bhaiꞌp ba jimdaꞌ? |
| 24088 | MAT 25:11 | Baꞌ jaꞌxpɨx miꞌ tɨi ba ai mɨt gu tɨtɨɨya guiꞌ na mɨt tu taañpuk guiꞌ nam mi ja toiꞌdhaꞌ guiꞌ nam kɨꞌn tɨ bɨꞌñdhatuꞌ, guꞌ ji nat guꞌ pux bhaiꞌ bhaiꞌ bam kuu gu kiꞌñgob. ¿Jax gi dhui muiꞌ ka baapkiaꞌ am? Baꞌ tɨi muiꞌ ba tu soon am jup xi kaiꞌchɨt: “¡Xich kupioꞌkiꞌñ jich jaduuñ kuch aach muiꞌp xi baapkiaꞌ!” |
| 24103 | MAT 25:26 | Baꞌp tɨtda gu gɇꞌkam tugiꞌñ na miꞌ puiꞌ tɨtda: “Dho bak cham jir kɨɨꞌ tujuandam ap aañ nañ paiꞌ jax kaiꞌch. ¿Moo cham bhaiꞌ aa nap muñ dhoꞌñchidhaꞌ gɨt nam paiꞌ mumuiꞌdhalhiꞌñ gu tuumiñ, na baꞌ miꞌ muiꞌdhidhaꞌ gɨt nap baꞌ miꞌ dhɨr giop xi uaꞌrai yaꞌ bañ doꞌñxidhaꞌ gɨt muiꞌ paꞌ iam? Jaiñ nap guꞌ moo puiꞌ tɨix maat nañ puiꞌ giilhim jix bhanaaꞌ sia palhɨɨp pɨx tuꞌ, gio nañ pu tu duñiaꞌ nañ jax ɨlhiiꞌñdhaꞌ, sia kum tɨi cham pu kaiꞌch gu jaꞌtkam.” |
| 24131 | MAT 26:8 | Baꞌ gu noonbiꞌñ am bhaak jamɨt na mɨt puiꞌ jɨꞌ tɨɨ, jup kaiꞌch am: ―¿Cham jir tuꞌ kub aa dhiꞌ na joidham uub nat yaꞌ ba nua dhi ubii? |
| 24138 | MAT 26:15 | jup ja tɨtda mu ji ɇɇk: ―¿Jɨꞌk japim jiñ ñamkidhaꞌ noꞌ ñich jam aaꞌñ na paiꞌr am kaꞌ na pim dagiaꞌ gu Jesuus? Baꞌ guiꞌ miꞌ xi aagiꞌñ am nam makiaꞌ maaꞌn ooꞌm daman mambhɨɨx gu bapaiñum tuumiñ jix chooto totbikdam. |
| 24140 | MAT 26:17 | Baꞌ nat paiꞌ dhuuk kiaꞌpɨx muiꞌ ba jim bhɨi na paiꞌ dhuuk jir piasta kaꞌ, janoꞌ na paiꞌ dhuuk jum kuaꞌdaꞌ gu paan guiꞌ na cham bɨnkaꞌ guiꞌ na kɨꞌn jappukar, ba tɨkka am gu Jesuus gu noonbiꞌñ na sap pa jaꞌk jix aaꞌ nam tu bhaidhaꞌ gu koiꞌ, jup tɨtda am: ―¿Paap jaꞌk jix aaꞌch jaduuñ nach tu bhaidhaꞌ gu koiꞌ nach baꞌ tu jugiaꞌ xib nat kapbhaiꞌ yaꞌ bam ai gu piasta bhaan Paaskua taꞌm? |
| 24145 | MAT 26:22 | Baꞌ naiꞌ soiꞌ jim duu mɨt gu noonbiꞌñ nat puiꞌ jɨꞌ xi ja tɨɨꞌn gu Jesuus. Baꞌ gatuuk jix bhaiꞌ bhaiꞌ ba tɨkka am na sap jaroiꞌ pɨk jir diꞌ na maaxik kɨɨsaꞌ, jup tɨtda am: ―¿Jaroo chi baꞌ moo puiꞌ pɨk maaxik jum kɨɨsaꞌñ jaduuñ? ¿Kaꞌ baꞌ moo aañiꞌ aa chi? Gio gu jumai puiꞌp kaiꞌch ɨp: ―¿Kaꞌ moo aañiꞌ aa chi? Gio gu jaiꞌ bɨɨx nam jɨꞌk jir noonbiꞌñ maaꞌn nam jax kaiꞌch. |
| 24148 | MAT 26:25 | Baꞌ gu Juudas guiꞌ na maaxik kɨɨsaꞌ gu Jesuus, jaiꞌ puiꞌ xi kaiꞌch nam jax kaiꞌch gu jaiꞌ noonbiꞌñ gu Jesuus na sap baꞌ jax dhui bhaan cham xi maatɨꞌ kaꞌ gɨt na tuꞌ jax dhuñiaꞌ, jup tɨtda gu Jesuus: ―¿Kaꞌ moo aañiꞌ aa chi puiꞌ pɨk maaxik jum kɨɨsaꞌñ jaduuñ? Baꞌp tɨtda gu Jesuus: ―Dho aapiꞌ dhor diꞌ nap jax ba kaiꞌch jiñ jaduuñ. |
| 24156 | MAT 26:33 | Baꞌp kaiꞌch gu Peegro: ―¿Cham aa guꞌ aañ moo chakui pɨk jup jimiññolhiaꞌñ jaduuñ? ¿Dai chi dhi jaiꞌ jia noꞌm jiboiꞌñgiaꞌ? Aañ dho gi guꞌ cham ji. |
| 24163 | MAT 26:40 | Baꞌ daipuꞌ puꞌñi jaꞌk xi chu daanɨk ba jii ɨp gio gu Jesuus mu jaꞌk nam paiꞌ pup dar gu noonbiꞌñ. Baꞌ nat mu ba ai, kookos am. Baꞌp tɨtda gu Peegro: ―¿Moo cham bhaaiꞌ aa na pim tɨ nɨiꞌñdhaꞌ sia jɨꞌx juugɨt na ñich jam chianɨk na pim jaiꞌ xi chu daandaꞌ jaꞌp na jax aañ? |
| 24168 | MAT 26:45 | Miꞌ dhɨr baꞌ giop ba jii mu jaꞌk na paiꞌ gu noonbiꞌñ, baꞌp ja tɨtda mu ji ɇɇk: ―¿Jir maaꞌn aa na pim jax kookos? ¿Moo jaꞌp jix momgon japim aa? Aañ nañ xib bhaankam yaꞌ oirɨ guñ Gɨꞌkoraꞌ, yaꞌ bam ai nam paiꞌ dhuuk jiñ muꞌaaꞌ guiꞌ nam cham tuꞌ kaꞌm nɨiꞌñ. |
| 24173 | MAT 26:50 | Baꞌp tɨtda gu Jesuus: ―¿Puꞌñi jaꞌk japich maaxik bañ kɨiñ jaduuñ? Baꞌ guiꞌ na ja baiꞌñchuꞌ gu Juudas miꞌ pu daa mɨt gu Jesuus. |