23439	MAT 8:25	Baꞌ gu noonbiꞌñ mu jimɨɨk ba ñiññichuꞌn am gu Jesuus, jup tɨtda am: ―¡Xi ñiñia jich jaduuñ! ¡Yaꞌ chich ba ji bhaꞌiik! ¡Iam xich palhbuiꞌñ nach baꞌ cham bhaiꞌkoꞌ!
23684	MAT 14:18	Baꞌp ja tɨtda gu Jesuus: ―Dhiiꞌ dho kɨꞌn ba kokbaꞌn am. ¡Ka gor bhañ uꞌiiꞌñ!
24041	MAT 24:15	’Gio baꞌ moo jaꞌpni jaꞌk jup tum duñiaꞌ nat jax tu uaꞌnak gu Danial guiꞌ na bɨjɨk bhaankamuꞌn tu aꞌgimɨk gu Dios nap jum kaiꞌch na sap janoꞌ na paiꞌ dhuuk pɨk ba jim tɨɨmoꞌ dhi oiꞌñgaꞌn, maaꞌn yaꞌ ba aayaꞌ gu maaꞌnkam giilhim jix bhangɨm, baꞌ mɨjɨ ji baakɨi gɇꞌ chiop pu tu doodaꞌ na jax ɨlhiiꞌñdhaꞌ. ¡Moo pim xi chɨꞌñchokat dhiꞌ puiꞌ na jɨꞌk jax tu uaꞌñix na pim jɨꞌk tu jiñkuiꞌñdhaꞌ!
24308	MRK 1:24	―¿Jax japich bhaiꞌ bach dhoodam Jesuus Nasareet kam? ¿Kaꞌp ti bhaiꞌ bach koodam aa? ¡Aañ jix maat jia nap aap jir diꞌ gu Dios gu maaxik duakam!
24309	MRK 1:25	Guꞌ ji na guꞌ maaꞌn nat jax ñiok gu Jesuus, jup tɨtda: ―¡Chaꞌp ñiokdaꞌ cham kɨɨꞌ iiꞌmdaꞌ nap naanbichuꞌn dhiñ jaduuñ! ¡Mup buusniaꞌ bhaiꞌ dhɨr bhaan! ¡Chaꞌp bhaiꞌ pu tuiꞌñgɨdaꞌ!
24430	MRK 4:38	Baꞌ gu Jesuus miꞌ dhɨr jaꞌp kuuꞌ dɨr gu kanuub kooxchuꞌ jim moꞌxdhat. Baꞌ ma ñiñiich jamɨt gu noonbiꞌñ, jup tɨtda am: ―Aapiꞌñ jaduuñ, ¡bi ñiñia! ¡Tɨɨꞌ na jax jum bua gu suudaiꞌ! ¿Chaꞌch baꞌ yaꞌ bhaiꞌkuꞌ?
24526	MRK 6:50	Giilhim jix chotdonɨt muiꞌ ba tɨ nɨiꞌñ am, guꞌ ji nat guꞌ jotmodaꞌ bha ñio, jup ja tɨtda: ―¡Chaꞌpim totdon kaꞌ! ¡Aañiꞌ pɨx jup tuiꞌdhiꞌ!
24566	MRK 7:34	Gio baꞌ nat jax jix dhaam jaꞌk xi chɨ tɨɨgɨk iiꞌmdagaꞌn xi buak jup kaiꞌch: ―¡Epaata! ―na jaꞌp kaiꞌñkam jup jum kaiꞌch: ¡Xim kukpioꞌk!
24586	MRK 8:17	Guꞌ ji na guꞌx bhaiꞌx maat gu Jesuus nam jax kaiꞌch, jup ja tɨtda ɨp gio: ―¿Jax ku pim baꞌ dai gu tuꞌ paan bhaan tu aꞌgim na pim cham uaꞌ? Nañ guꞌ aañ cham tuꞌ tuꞌ koiꞌ aagɨt jup kaiꞌchim. ¿Moo jaꞌp cham maatɨt tɇ kɇɇ pim aa? ¡Moo jaꞌp jix kaapak ji jia gu jam jujur!
24719	MRK 11:10	¡Taxchaab baꞌ guch Gɨꞌkoraꞌ guiꞌ nax dhaam jup tuꞌiiꞌ! Na guꞌ dhiꞌr diꞌ nat yaꞌ ba ai nat bha joot, dhiꞌ yaꞌ bar gɇꞌkam kaꞌ jaꞌp na jax gu Dabii. Iam gɨt baꞌ moo gammɨjɨ bhaan tɨ nɨiꞌñdhaꞌ guch Gɨꞌkoraꞌ.
24803	MRK 13:17	¡Jaꞌp moo joiꞌmdam tum duñiaꞌ ji janoꞌ, kux baꞌ guꞌ puiꞌ aa! Nam guꞌ giilhim jum tulhiiñaꞌ gu uꞌuub guiꞌ nam aꞌaalh kɨꞌn cham bhaiꞌm taat kaꞌ, gio jaiꞌ nam ɨꞌlhich ka tu maamar kaꞌ xioꞌdam.
25007	LUK 1:45	¡Jaꞌp moo joidham jix bhaiꞌm duu na pich bɨɨx jum jur kɨꞌn tɨ jɨɨꞌñ na puiꞌ tum duñiaꞌ na jax jum tɨtda guch Gɇꞌkam tuk!
25030	LUK 1:68	¡Jaꞌp moor jix bhaiꞌkam ji tuꞌ sɨlhkam kɨꞌn gu Gɇꞌkam Dios! Tɨɨꞌ nat moo bha jii yaꞌ ja bui gu jaꞌtkam tugiꞌñ Israel kam na baꞌ yaꞌ ja uañdhaꞌ gu ja uaꞌtulhdharaꞌ.
25056	LUK 2:14	¡Aach jix bhaiꞌch chaatɨt gɇꞌkamtuꞌn gu Dios nach jɨꞌk miaꞌn jup tuꞌiiꞌ buiñor! Nat guꞌx joiꞌmdak jix bhaiꞌ ba ja duu gu jaꞌtkam yaꞌ kam dhi oiꞌñgaꞌn, dai baꞌ na ja aꞌm ba tɨ nɨidhidhaꞌ guiꞌ nam jɨꞌk miꞌ puiꞌ jiimdaꞌ na jax jix aaꞌ.
25449	LUK 10:17	Baꞌ gio pɨx jaꞌx jup ji ai mɨt gu baik ooꞌm daman mambhɨɨx gook guiꞌ nam kaichuꞌ gu Jesuus na mɨt jaꞌk ba suulh na mɨt tu ja aꞌgiꞌñpuk gu jaꞌtkam. Jix bhaiꞌm taattugɨt ba aagiꞌñ am na mɨt tuꞌ joidham tu duu mu jaꞌp, jup tɨtda am: ―¡Jich jaduuñ, giilhim xich jɨɨgiꞌñ am gu cham kɨkɨɨꞌ iꞌiiꞌmdaꞌ nach jum aꞌmkam maiꞌ ja jootos ja aꞌm dɨr gu jaꞌtkam! ¡Jotmodaꞌ pu buan am!
25637	LUK 14:15	Baꞌ maadɨt gu maaꞌnkam nat kai gu Jesuus nat koiꞌ bhaan tu aꞌga gux dhaam kam, jup kaiꞌch: ―¡Jaꞌp moo joidham jix bhaiꞌ tu ja jimiaꞌ guiꞌ nam buiñor aayaꞌ gu Dios nax ioꞌm jir gɇꞌkam! ¡Bɨɨmaꞌn tu jugiaꞌ am guꞌ!
25733	LUK 17:13	Baꞌ muiꞌ ba jiiñkaiꞌñ am gu Jesuus, jup kaiꞌch am: ―¡Xich dhuduaꞌñdhak jich jaduuñ! ¡Iam jap xich joiꞌmdat xich chɨgiaꞌ!
25795	LUK 18:38	Baꞌ ba jiiñak gɇꞌ kɨꞌn gu cham ñia kam, jup kaiꞌch: ―¡Jesuus, boxiiꞌñ gu Dabii! ¡Iam jap xiñ joiꞌmdai xiñ chɨɨgɨi xiñ dhuaꞌñdhai!
25796	LUK 18:39	Baꞌ gu jaꞌtkam guiꞌ nam bɨɨpɨꞌ dɨr jiim, jup tɨtda am tɨi na cham ñiokat daakaꞌ, guꞌ ji na guꞌ guiꞌx ioꞌm gɇꞌ kɨꞌn muiꞌ ba xi jiiñak, jup kaiꞌch: ―¡Boxiiꞌñ gu Dabii! ¡Iam jap xiñ joiꞌmdai xiñ chɨɨgɨi xiñ dhuaꞌñdhai!
25838	LUK 19:38	Jup kaiꞌchim am: ―¡Jix oiꞌm jir gɇꞌkam dhiꞌ na bhaankam ya oirɨ gu Dios, gam na joidham jix uañ kɨꞌn kɨɨk! ¡Jix bhaiꞌch chaatɨt jach gɇꞌkamtuꞌndaꞌ gu Dios jix dhaam nat xich joiꞌmdak bach chɨɨ!
26900	JHN 19:6	Baꞌ gu ja gɇꞌgɇrkam tuk guiꞌ nam bhaiꞌ gɇꞌ chiop ja aꞌmkam tu daandaꞌ dai gu Israel kam jaꞌtkam, gio gu oꞌrosiiris pɨx jiiñak gɨi mɨt na mɨt ba tɨɨ gu Jesuus nat muiꞌ ji buus, jup kaiꞌch am gɇꞌ kɨꞌn: ―¡Mu tu chianiñ nam sissapaꞌ kuruus taꞌm! ¡Chaꞌp miꞌ pux joiꞌgɨꞌndaꞌ! Baꞌp ja tɨtda gux kaiꞌ Pilaato: ―Dho pim mu xi bhɨikaꞌ aapiꞌm. Dɨɨlh japim baꞌx maat noꞌ pim sissapaꞌ kuruus taꞌm, noꞌ pim moo jaꞌp jix bhaamkiꞌñ. Aañ nañ guꞌx maat nat tɨi cham tuꞌ jax dhuu nar jix buam jum duukam.
26909	JHN 19:15	Gio pɨx jiiñak jup tɨm gɨi, jup kaiꞌch am: ―¡Mu gor muꞌaiñ! ¡Sissapaꞌ pim kuruus taꞌm! Baꞌ gio bhaiꞌp ji ñio gux kaiꞌ Pilaato, jup ja tɨtda: ―¿Kux moo aa nañ ba ji chu chiñiaꞌ baꞌ nam sissapaꞌ kuruus taꞌm dhi jam gɇꞌkam tuk? Baꞌp kaiꞌch am guiꞌ nam jir ja gɇꞌgɇrkam tuk guiꞌ nam bhaiꞌ gɇꞌ chiop ja aꞌmkam tu daandaꞌ dai gu Israel kam jaꞌtkam: ―Aach daipuꞌ ji gu Seesar nar jich gɇꞌkam tuk. Cham tuꞌ jumai ɨp.
27441	ACT 13:10	jup tɨtda gu jiboiñarkam: ―¡Jaꞌp moox buam tomaat ap jiñ jaduuñ, gio nap jix iatbiꞌ, gam nap cham kɨɨgalhiꞌñ guꞌx kɨɨꞌp jum duukam! ¡Jir maraaꞌn ap dho gu jaꞌook! Tɨɨꞌ nap guꞌ cham aaꞌ nam kaayaꞌ gu jaꞌtkam na jax jaꞌk jir sɨlhkam nam miꞌ puiꞌ jimiaꞌ na jax jix aaꞌ gu Dios.
28310	ROM 11:33	¡Jaꞌp moo joidham bɨxchuꞌx aichuꞌn gu Dios na jax jaꞌk tu duñiaꞌ gu tuꞌ! Jix ioꞌm jix chu matdaꞌ. Cham jaroiꞌ mat kaꞌ na jax jaꞌk ji chu buusniaꞌ puiꞌ na jax ɨlhiiꞌñdhaꞌ, ni ku cham jaroiꞌ mat kaꞌ na jax kaiꞌñkam puiꞌ tu duñiidhaꞌ, sia kum tɨix mat kaꞌ gu jaꞌtkam gu tuꞌ na jax buadaꞌ.
29129	GAL 1:5	Baꞌ dai guiꞌch pɨx gɇꞌkamtuꞌndaꞌ gammɨjɨ sia nar paiꞌ dhuuk kaꞌ gɨt. ¡Iam gɨt jach moo bɨɨx puiꞌ duiñchuꞌndaꞌ!
29170	GAL 3:1	¡Jaꞌp moo cham am buatuꞌ pim aapiꞌm na pim Galaasia oiꞌdhaꞌ na pim tɨi buiñor tɨ jɨɨgiꞌñ guch Xoiꞌkam! ¿Jaroo bɨɨx aixim jam tɨtdaimɨk maakam jam iatgi na jax cham jir sɨlhkam? Maaxik jam aaꞌñ jachich guꞌ nat jax jaꞌk jum duu guch Xoiꞌkam nat muu bhaan gu uꞌuux na gai bɨɨt. ¡Jaꞌp cham jam jur biaꞌ pim panaas!
29172	GAL 3:3	¡Jaꞌp cham jɨꞌx jam jur biaꞌ pim panaas ku pim baꞌ puiꞌm bua! Tɨɨꞌ na pim guꞌ bɨɨpɨꞌ dɨr ka xix aaꞌndaꞌ na jam aꞌm jup tuiꞌñgɨt jam palhbuiꞌñchuꞌndaꞌ gux Dhuuduꞌ kam jix Uañ Iiꞌmdaꞌ na pim jax jaꞌk miꞌ puiꞌ jiimdaꞌ, guꞌ ji na pimɨt guꞌ xib jaꞌp xi dhuuk, dɨɨlh japim pɨx miꞌ puiꞌ ba tu duiñchuꞌ na pim jax pɨx ɨlhiiꞌñ. Yaꞌ pɨx jup jir ja duiñ guꞌ gu jaꞌtkam dhiꞌ na pim jax chuꞌm bhaan ba tu daaꞌñchuꞌ.
29645	1TH 2:8	Puꞌñich jup jam ɨlhiiꞌñ aach na pim panaas jir jich maamar. Joidham xi jam daꞌdat xi jam joiꞌgɨꞌn ich, cham tuꞌ na chich dai gu ñioꞌkiꞌñ gu Dios pɨx xi chu jam aꞌgidhak, guꞌ jaꞌpji sia guch iꞌiiꞌmdaꞌ na jam aꞌm jup tuꞌiiꞌ. ¡Joidham tuꞌ sɨlhkam kɨꞌn xi jam daꞌ ich guꞌ!
30231	HEB 10:31	¡Jaꞌp moox ɨɨbhidham ji na tu ja doodaꞌ jɨꞌk noꞌm jaaxmam pɨx ɨlhiiꞌñ gu Dios na gammɨjɨ pur gɇꞌkam!
30888	REV 7:10	Baꞌp kaiꞌch am gɇꞌ kɨꞌn: ¡Jaꞌp moo gɇꞌkam kɨꞌn jix bhaiꞌ duu ji dhi Dios jich Gɨꞌkoraꞌ na bhaiꞌ dhaa atooxkor taꞌm nat jich uañ guch uaꞌtulhdharaꞌ, nat guꞌ mu joot dhiꞌ na jaꞌp ji buusan na gux kɨɨꞌ kasnir na baꞌ puꞌñich aꞌmkam jum makgɨrtaꞌ na baꞌ kɨꞌn tu namkix kaꞌ guch uaꞌtulhdharaꞌ! Gammɨjɨch jix bhaiꞌch chaatɨt tu daandaꞌ buiñor, na guꞌr jix bhaiꞌkam.
31018	REV 15:3	Baꞌ miꞌ ji guꞌkat laalaꞌn am maaꞌn gu alabaaꞌn guiꞌ na jax chuꞌm laalaꞌndaꞌ bɨjɨk gu Moisees guiꞌ na bhaankamuꞌn tu aꞌgimɨk gu Dios, gio na jax chuꞌm jup laalaꞌndaꞌ guiꞌ na jaꞌp ji buusan na gux kɨɨꞌ kasnir janoꞌ na yaꞌ xi oilhimɨk, nap jum kaiꞌch: ¡Jaꞌp moo tuꞌ sɨlhkam jix ioꞌm jir gɇꞌkam ap ji bak jich Gɨꞌkoraꞌ, gio nap bɨxchuꞌx aichuꞌn nap pu tu duñiaꞌ jix bhaiꞌm duukam gio gɇꞌgɇr jup jum duuꞌnkam! Bɨɨx kap jir gɇꞌkam ap na jɨꞌx oiꞌñgaꞌn, gio nap bɨɨx kap ja sɨlhkaꞌn gu jaꞌtkam nap jax pɨx jix aaꞌ aap dɨɨlh.
31087	REV 19:1	Baꞌ miꞌ dhɨr muiꞌ dhɨt bhaiꞌ ji chum ñio gɇꞌ kɨꞌn bhammɨ dɨr jix dhaam, jup tum kaiꞌch: ¡Jaꞌp moor gɇꞌkam ji dhi Dios jich Gɨꞌkoraꞌ! Gammɨjɨch tu daandaꞌ buiñor tuꞌ kaꞌm nɨiꞌdhat, na guꞌr gɇꞌkam kat jir jix bhaiꞌkam. Tɨɨꞌ nat jix bhaiꞌ duu nat tu ja uañ gu ja uaꞌtulhdharaꞌ gu jaꞌtkam mu jaꞌp oiꞌñgaꞌn bhaan, puiꞌ kuch baꞌ dai dhiꞌ tuꞌ kaꞌm nɨidhat gɇꞌkamtuꞌndaꞌ gammɨjɨ.
31113	REV 20:6	¡Jaꞌp moo joidham jix bhaiꞌ tu ja jimiaꞌ guiꞌ nam jɨꞌk bɨɨpɨꞌ duduadɨi baapmigiaꞌ, cham tuꞌ gatuuk noꞌt bam ai gu mambhɨɨx jix chaꞌtmam ooꞌm oidhaꞌ! Nam guꞌ miꞌ dhɨr jaꞌp jaꞌk gammɨjɨx jɨjɨkgɨm bap tuiꞌkaꞌ, nam guꞌ bar maamraꞌn kaꞌ gu Dios. Cham paiꞌ dhuuk mu jaꞌk bhɨɨyaꞌ am nam paiꞌ gammɨjɨ miꞌ pup jum tulhiiñdhaꞌ gɨt, nam guꞌ bhammɨ jaꞌk bap tuiꞌkaꞌ buiñor, jaꞌp ji buusniaꞌ nam bhammɨ tu juandaꞌ na paiꞌ tu chiopiꞌ gu Dios gio guch Xoiꞌkam, nam guꞌ bɨɨmaꞌn jir gɇꞌgɇrkam kaꞌ bɨɨx kap na jɨꞌx oiꞌñgaꞌn nam ja aagiꞌñdhaꞌ gu jaiꞌ jaꞌtkam na jax jaꞌk jix aaꞌ gu Dios nam tuiꞌñgɨdaꞌ mambhɨɨx jix chaꞌtmam ooꞌm oidhaꞌ juugɨt.