387	GEN 16:5	Sarayi naxa a fala Iburama bɛ, «I tan nan a niyaxi yi bɔtɛ raba xa ilan n na! N tan nan n ma konyi ginɛ fixi i ma a xa findi i xa ginɛ ra. Kabi a naxa a kolon a furuxi, a fa fe kobi nan tun ilanma n na. Alatala xa won tan firinyi makiiti.»
472	GEN 19:14	Loti naxa siga a fala a xa die xa mɔrie bɛ, «Wo keli be mafuren! Alatala na fafe be kanade yakɔsi.» E naxa a maɲɔxun a na gbɛntɛnfe nɛ.
475	GEN 19:17	Malekɛe to e ramini, keren naxa a masen Loti bɛ, «I gi, alako i xa i nii ratanga. I naxa i kobe rato de! I naxa i mati yi taa yire yoe. Xa i mu wama i xa sɔntɔ, siga na geya yire.»
598	GEN 24:6	Iburahima naxa a yaabi, «I naxa n ma di ragbilen mɛnni de!
702	GEN 26:9	Abimeleki naxa a xili a xɔnyi. A naxa a fala a bɛ, «I xa ginɛ yati nan lanxi yi ma! Munfe ra i fa a fala muxu bɛ i xunya ginɛma nan a ra?» Isiyaga naxa a yaabi, «N nu gaaxuxi nɛ wo naxa fa n faxa. Na nan a to n naxa na fala.»
1117	GEN 37:33	Yaxuba naxa na donma kolon, a fa a fala, «N ma di xa donma na a ra! Wula sube xaaɲɛ nde bara n ma di Yusufu faxa! A bara a ibɔɔ!»
1362	GEN 45:3	Yusufu naxa a masen a taarae bɛ, «Yusufu nan n na! N baba man na duniɲɛ?» Kɔnɔ a taarae mu nɔ a yaabide fefe ma. E dɛ bara ixara, e gaaxu a ya ra.
1385	GEN 45:26	E naxa a fala a bɛ, «Yusufu mu faxaxi! A tan nan Misira bɔxi birin yamarima!» Yaxuba to na mɛ, a mu nɔ lade na ra.
1436	GEN 47:15	Misirakae nun Kanaankae xa kɔbiri birin to ɲɔn, Misirakae naxa fa Yusufu yire e a fala, «Donse so muxu yi ra! A lanma muxu xa faxa i ya xɔri? Muxu xa kɔbiri birin bara ɲɔn.»
1446	GEN 47:25	E naxa a fala, «I bara muxu rakisi! Muxu bara muxu xa mangɛ xa fe fanyi to a naxan nabaxi muxu bɛ. Muxu findima Misira mangɛ xa konyie nan na.»
1635	EXO 5:2	Firawuna naxa yi maxɔrinyi ti, «Nde tan na na Alatala ra, n lan n xa naxan xa yaamari rabatu Isirayila bɛɲinfe ra? N mu Alatala kolon! Na kui, n mu nɔma a lude Isirayila xa siga fefe ma!»
1649	EXO 5:16	E mu sɛxɛ yo soma muxu yi ra, kɔnɔ e a falama a muxu xa biriki bɔnbɔ! I xa mixie na muxu tan i xa konyi bɔnbɔfe, kɔnɔ e tan nan wali kanaxi.»
1651	EXO 5:18	Wo siga walide! Sɛxɛ yo mu soma wo yi ra, sese man mu bama wo xa biriki kɔnti ra.»
1806	EXO 10:28	Firawuna naxa a fala Munsa bɛ, «Keli n xun ma! I yɛtɛ ratanga tife ra n ya i sɔnɔn. Xa n i to be, n i faxama nɛ.»
1849	EXO 12:32	Wo xa wo xa xurusee xanin, alɔ wo a falaxi ki naxɛ. Wo siga! Wo xa duba n fan bɛ.»
2010	EXO 18:10	Yetiro naxa a fala, «Tantui na Alatala bɛ, naxan wo ba Misirakae nun Firawuna yi ra, naxan Isirayila ɲama raminixi e xa nɔɛ bun ma!
2461	EXO 32:22	Haruna naxa a yaabi, «N marigi, i naxa xɔnɔ n ma! I a kolon yi ɲama birama fe kobi fɔxɔ ra ki naxɛ.
4029	NUM 11:4	Mixi kobi ndee to wa donse mɔɔli gbɛtɛ xɔn ma, Isirayilakae man naxa e mawa, a falafe ra, «Muxu wama sube nan xɔn!
4106	NUM 13:30	Kalebi naxa ɲama masabari Munsa ya xɔri, a falafe ra, «Won xɛɛ! Won xa yi bɔxi findi won gbe ra. Won nɔma na rabade.»
4198	NUM 16:3	E naxa e malan Munsa nun Haruna xili ma, e fa a fala e bɛ, «Wo xa mangɛya bara ɲɔn! Isirayila ɲama birin sɛniyɛn, Alatala man na muxu tagi. Munfe ra wo tan gbansan wo yɛtɛ itema Alatala xa ɲama xun ma?»
4326	NUM 20:14	Munsa naxa xɛɛrae xɛɛ Edon mangɛ ma keli Kadesi, a falafe ra a bɛ, «I ngaxakerenyi Isirayilakae xui nan ya! I a kolon muxu tɔɔrɔxi ki naxɛ.
4358	NUM 21:17	Isirayilakae yi suuki ba na waxati nɛ: «Ye xa te kɔlɔnyi ra! Wo xa bɛɛti ba a xa fe ra!
4368	NUM 21:27	Na nan a ra, bɛɛtibae a falama, «Wo fa Xɛsibɔn! Sixɔn xa taa xa ti, a man xa sɛnbɛ sɔtɔ!
4375	NUM 21:34	Alatala naxa a masen Munsa bɛ, «I naxa gaaxu a ya ra! N na sama nɛ i bɛlɛxɛ, a nun a xa sɔɔrie nun a xa bɔxi birin. I xa a bɔnbɔ alɔ i Amori mangɛ Sixɔn bɔnbɔxi ki naxɛ Xɛsibɔn.»
4392	NUM 22:16	E naxa siga Balami yire, e a fala a bɛ, «Balaki xa masenyi nan ya: ‹N tan Siporo xa di xɛmɛ Balaki, n bara i mayandi, i naxa tondi talufe ra n yire!
4410	NUM 22:34	Balami naxa a fala a bɛ, «N bara yunubi raba! N mu nu a kolonxi, i tixi n ya ra. Kɔnɔ yakɔsi, xa yi biyaasi mu i kɛnɛnxi, n xa gbilen n xɔnyi.»
4424	NUM 23:7	Balami naxa a xa masenyi ti yi ki, «Balaki nan faxi n na kelife Siriya. Mowaba mangɛ nan n xilixi, kelife sogetede geyae kɔn na. ‹Fa, Yaxuba bɔnsɔɛ danka n bɛ! I xa xɔnɛ radin Isirayila ma!›
4440	NUM 23:23	Karamɔxɔ wali mu nɔma Yaxuba bɔnsɔɛ tɔɔrɔde. Sematoe mu nɔma sese rabade Isirayila xili ma. A fama falade Yaxuba nun Isirayila xa fe ra, Ala xa wali mato!
4457	NUM 24:10	Na kui Balaki naxa xɔnɔ Balami ma a ɲaaxi ra. A naxa a fala, «N i xili nɛ i xa n yaxuie danka, kɔnɔ a sanya saxan nde nan yi ki, i na dubafe e bɛ!
4458	NUM 24:11	Keli be keren na! Siga i xɔnyi! N nu bara laayidi tongo i bɛ wali sare xa fe ra, kɔnɔ Alatala mu tinxi i xa a sɔtɔ!»
4489	NUM 25:17	«Wo xa Madiyankae gere alɔ yaxuie!
4923	DEU 1:29	«N naxa a fala wo bɛ, ‹Wo naxa siikɛ. Wo naxa gaaxu e ya ra!
5432	DEU 20:3	«Isirayila, wo wo tuli mati! To lɔxɔɛ wo faxi wo yaxuie nan gerede. Limaniya naxa ba wo yi ra de, wo naxa gaaxu, wo bɔɲɛ naxa mini a i, wo naxa sɛrɛn,
5800	DEU 32:40	N kali naxan ti, n bɛlɛxɛ tixi koore ma na nan yi ki: N ɲiɲɛ. N mu faxama abadan!
6450	JOS 22:22	«Marigi Alatala, a tan nan na Mangɛ Ala ra! A tan nan a kolon muxu yi rabaxi fe naxan ma. Isirayilaka birin fan fama a kolonde. Xa muxu bara Alatala matandi, xa muxu bara tinxintareya raba, muxu naxa kisi to lɔxɔɛ.
6492	JOS 24:14	«Yakɔsi wo xa gaaxu Alatala ya ra, wo xa a rabatu ɲanige fanyi nun tinxinyi ra. Wo xa gbilen na alae fɔxɔ ra wo babae naxee batuxi xure kiri ma nun Misira bɔxi ma. Wo xa Alatala batu!
6549	JDG 2:2	A mu lan wo tan xa saatɛ tongo yi bɔxi mixie bɛ. A nu lan nɛ wo xa e xa sɛrɛxɛbadee rabira, kɔnɔ wo mu n ma yaamari suxu! Wo yi wali mɔɔli rabaxi munfe ra?
6627	JDG 5:2	«Alatala tantu! Isirayila sɛnbɛmae bara keli. Ɲama fan bara tin na gere ra.
6634	JDG 5:9	«Alatala tantu! N bɔɲɛ na Isirayila mangɛe nun ɲama fɔxɔ ra, naxee e yɛtɛ ɲanigexi.
6637	JDG 5:12	«Debora, xunu! Xunu, i xa bɛɛti ba. Abinowami xa di Baraki, keli! I xa yaxuie xanin.
6646	JDG 5:21	Kison xure fori naxa e xanin. N bɔɲɛ xa sɛnbɛ so, n xa siga yare!
6678	JDG 6:22	Gedeyon to a to Alatala xa malekɛ yati nan a ra, a naxa a fala, «N Marigi Alatala! N bara Alatala xa malekɛ to, a tixi n ya i.»
7004	JDG 18:9	E naxa e yaabi, «Wo keli, won xɛɛ. Won xa sa mɛnnikae gere, barima bɔxi fanyi na e yi ra. Won xa won xulun. Won xa siga naa keren na, won xa na bɔxi sɔtɔ!
7187	RUT 3:13	Kɔɛ radangi be to. Gɛɛsɛgɛ, xa na mixi tin i ratangade, awa. Xa a mu tin, n tan i ratangama nɛ. N bara n kali Alatala ra! I xa xi be han kuye xa iba.»
7203	RUT 4:11	Ɲama nun kuntigie naxa a yaabi, «Muxu bara tin findide seedee ra! Muxu bara Alatala maxandi yi ginɛ bɛ naxan sofe i xɔnyi. Alatala xa a lu alɔ Raxele nun Leya naxee bara die sɔtɔ, e findi Isirayila ɲama ra. Alatala xa sɛnbɛ fi i ma Efarata xabilɛ ya ma. Alatala xa xili xungbe fi i ma Bɛtɛlɛɛmu taa kui.
7206	RUT 4:14	Na kui ginɛe naxa a fala Nowemi bɛ, «Ala tantu, barima Alatala bara xabilɛ ratangama fi i ma. Isirayilakae xa tantui rasiga Ala ma!
7474	1SA 12:12	«Wo to a to Amonikae xa mangɛ Naxasa na fafe wo gerede, wo naxa a fala n bɛ, ‹Muxu wama mangɛ xa ti muxu xun ma.› Kɔnɔ wo Marigi Alatala nan findixi wo xa mangɛ ra!
7762	1SA 20:30	Na tɛmui Sɔlu naxa xɔnɔ a xa di Yonatan ma, a a fala a bɛ, «Ginɛ matandila xa di nan i ra. I ɲɔxɔ a ma a n mu a kolon a i na Yisayi xa di nan bɛ? I xa yaagi nan na ki, a nun i nga!
7917	1SA 26:9	Kɔnɔ Dawuda naxa a fala Abisayi bɛ, «I naxa a faxa! Nde nɔma Alatala xa mixi sugandixi faxade, na yunubi mu fa lu a xun ma?
7919	1SA 26:11	Alatala xa n natanga n bɛlɛxɛ safe ra Alatala xa mixi sugandixi ma! A xa tanbɛ nun a xa ye kundi tongo tun, won xɛɛ.»
7958	1SA 28:13	Mangɛ naxa a fala a bɛ, «Hali i mu gaaxu! I munse toxi?» Ginɛ naxa a fala Sɔlu bɛ, «A luxi alɔ malekɛ nde na kelife bɔxi ma.»
8051	2SA 1:26	Yonatan ngaxakerenyi, n sunnunxi i xa fe ra. I xa fe nu xɔrɔxɔ n ma! I xa xanunteya nu na n bɛ dangi ginɛe xa xanunteya ra.
8113	2SA 3:29	Yi faxɛ kote na Yowaba nun a bɔnsɔɛe nan xun ma! Kundi fure xa lu a bɔnsɔɛ mixi ndee ma abadan, xa na mu a ra, mabɛn fure, faxɛ ɲaaxi, ka kaamɛ.»
8118	2SA 3:34	I bɛlɛxɛe mu nu xirixi, i sanyie fan mu nu xirixi! I faxaxi nɛ, alɔ mixi tinxintare nde naxan ɲaxankatama.»
8133	2SA 4:10	Mixi nde to a fala n bɛ, a mangɛ Sɔlu bara faxa, na kanyi ɲɔxɔ nu a ma, a a xibaaru fanyi nan ibaxi n bɛ. Kɔnɔ n tan bara yaamari fi, e xa a suxu, e a faxa Sikilaga taa kui. A xa xibaaru sare nan na ki!
8209	2SA 7:26	I xili xa ite abadan! Mixie xa a fala, ‹Alatala Sɛnbɛma findixi Isirayila Marigi nan na! I xa sɛnbɛ fi i xa konyi Dawuda bɔnsɔɛ ma!›
8296	2SA 12:7	Na tɛmui Natan naxa a fala Dawuda bɛ, a naxɛ, «I tan nan na na banna ra! Isirayila Marigi Alatala yi nan masenxi, a naxɛ, ‹N bara i sugandi Isirayila mangɛ ra, n bara i ratanga Sɔlu ma,
8373	2SA 14:14	Ibunadama birin faxama nɛ. E luxi nɛ alɔ ye ifilixi naxan mu makɔma sɔnɔn! Kɔnɔ Ala mu tinma mixi xa simaya xun nakanade. A fe birin nabama alako naxan bara a makuya a ra, na man xa makɔrɛ a ra.»
8440	2SA 16:11	Dawuda naxa a fala Abisayi nun a xa mixie bɛ, «Xa n ma di barixi yati wama n faxafe, a mu findima n bɛ tɛrɛnna ra yi mixi fan xa n faxa naxan kelixi Bunyamin bɔnsɔɛ! Wo a lu na. A xa n danka alɔ Alatala a yamarixi ki naxɛ.
8445	2SA 16:16	Dawuda xanuntenyi Xusa Arika to so Abisalomi yire, a naxa a fala a bɛ, «Kisi na mangɛ bɛ! Kisi na mangɛ bɛ!»
8518	2SA 19:5	Mangɛ naxa a yatagi makoto, a nu fa gbelegbele a xui itexi ra, «N ma di Abisalomi! N ma di Abisalomi! N ma di!»
8573	2SA 20:16	Na kui ginɛ xaxilima nde naxa a fala a xui itexi ra kelife tɛtɛ kui, a naxɛ, «Wo wo tuli mati! Wo Yowaba xili n bɛ a xa fa be, muxu xa wɔyɛn.»
8609	2SA 22:4	Ala tantu! N to i xili, i bara n natanga n yaxuie ma.
8647	2SA 22:42	E e ya ragema nɛ, kɔnɔ e rakisima mu na! E Alatala xilima nɛ, kɔnɔ a mu e yaabima!
8655	2SA 22:50	Na nan a ra, n i matɔxɔma sie tagi, Alatala! N bɛɛti bama i xili ra.
8756	1KI 1:36	Yehoyada xa di Bɛnaya naxa mangɛ yaabi, «N ma mangɛ, a xa raba na ki! A xa findi i Marigi Alatala sagoe ra!
8796	1KI 2:23	Na kui mangɛ Sulemani naxa a kali Alatala ra, a naxɛ, «Ala xa n xun nakana xa Adoniya mu faxama a xa wɔyɛnyi xa fe ra!
8803	1KI 2:30	Bɛnaya naxa siga Alatala xa hɔrɔmɔlingira, a a fala a bɛ, «Mangɛ naxɛ i xa mini.» A naxa a yaabi, «N tondi! N xa faxa be!» Bɛnaya naxa sa Yowaba xa wɔyɛnyi dɛntɛgɛ mangɛ bɛ.
8841	1KI 3:22	Boore ginɛ naxa wɔyɛnyi tongo, a a fala, «A mu na na ki xɛ. N ma di nan baloxi, i tan nan xa di faxaxi.» Ginɛ singe naxa boore matandi a falafe ra, «I wule! N ma di xa mu faxaxi, n gbe nan baloxi.» E nu wɔyɛnma na ki nɛ mangɛ ya xɔri.
9189	1KI 13:2	Alatala xa xɛɛra naxa a xui ite sɛrɛxɛbade a xɔrɔxɔ ra a Alatala xa masenyi fala a xui itexi ra. A naxɛ, «Sɛrɛxɛbade, sɛrɛxɛbade! Alatala xa masenyi nan ya: ‹Di xɛmɛ nde barima nɛ mangɛ Dawuda bɔnsɔɛ ya ma, a xili Yosiya. A i xa sɛrɛxɛdubɛe findi sɛrɛxɛ ra i fari, naxee surayi bama sɛrɛxɛ ra salide geyae fari. Mixi xɔrie nan yati ganma i fari!›»
9380	1KI 18:36	Nunmare sɛrɛxɛ ba tɛmui, Annabi Eliya naxa a maso sɛrɛxɛbade ra, a a fala, «Iburahima, Isiyaga, nun Isirayila Marigi Alatala, birin xa a kolon to a i tan nan na Ala ra Isirayila. Birin xa a kolon a n tan nan na i xa konyi ra, naxan yi fe birin nabaxi i xui ma!
9383	1KI 18:39	Ɲama to na to, e naxa e yatagi rafelen bɔxi ma, e fa a fala, «Alatala nan Ala ra! Alatala nan Ala ra!»
9473	1KI 21:19	I xa a fala a bɛ, ‹Alatala xa masenyi nan ya: «I bara faxɛ ti, i bara mixi kɛ muɲa! Baree fama i wuli makɔnde, e Naboti wuli makɔnxi dɛnnaxɛ.»›»
9567	2KI 2:12	Elise naxa a ya ti a ra, a gbelegbele, «N baba! N baba! Isirayila xa sɛnbɛma!» Na tɛmui a mu Eliya to sɔnɔn. A naxa a xa donma ibɔɔ firin na sunnunyi kui,
9690	2KI 6:12	A xa kuntigi nde naxa a yaabi, «Mangɛ, muxu tan mu a ra! Isirayila xa namiɲɔnmɛ Elise nan i xa wɔyɛnyi birin nadangima Isirayila mangɛ ma, hali i naxan falama i xa konkoe kui.»
9772	2KI 9:12	Kɔnɔ e naxɛ, «I wule fu! A fala muxu bɛ.» A naxa na dɛntɛgɛ sa e bɛ. A naxɛ, «Alatala yi nan masenxi, ‹N bara i sugandi, i xa findi Isirayila mangɛ ra.›»
10048	2KI 18:20	I wɔyɛn fufafu nan tun falaxi! I ɲɔxɔ a ma a i bara fɛɛrɛ nun sɛnbɛ sɔtɔ n gerefe ra? I laxi nde ra, naxan a niyama i xa n matandi?
10057	2KI 18:29	‹Wo naxa tin Xesekiya xa wo madaxu, barima a mu fata wo ratangade n bɛlɛxɛ i!
10059	2KI 18:31	Wo naxa wo tuli mati Xesekiya ra de! Asiriya mangɛ yi nan falaxi, «Xa wo tin lude n ma yaamari bun ma, kankan fama a xa xɛɛ bogisee donde, kankan a xa kɔlɔnyi ye min,
10098	2KI 19:33	A gbilenma a fa kira nan na, a mu soma yi taa kui! Alatala xa masenyi nan na ki.
10885	1CH 17:17	N Marigi Ala, i naxan falaxi i xa konyi xa denbaya xa fe ra, fe xuri mu a ra de! N Marigi Alatala i bara hinnɛ n na alɔ mixi xungbe.
10985	1CH 22:16	Xɛɛma, gbeti, yɔxui, nun wure na i yi ra han a bara dangi a i. Keli, i xa wali suxu keren na! Alatala xa i mali.»
12315	NEH 2:3	N naxa a yaabi, «Ala xa simaya gbegbe fi i ma! N sunnunxi nɛ barima n benbae ragataxi taa naxan kui, a birin bara kana, a naadɛe fan bara gan.»
12329	NEH 2:17	Na tɛmui n naxa a masen e bɛ, «Wo won ma tɔɔrɛ toxi! Darisalamu bara gɛ kanade. Tɛ bara a naadɛe gan. Wo fa, won xa Darisalamu tɛtɛ yailan. Na nan a toma won mu luma yaagi kui sɔnɔn.»
12396	NEH 5:9	N man naxa a fala e bɛ, «Wo naxan nabaxi a mu fan feo! Wo mu gaaxuma Ala ya ra alako kaafirie naxa won nayaagi?
13189	JOB 14:4	Nde nɔma sɛniyɛnyi raminide sɛniyɛntareɲa kui? Mixi yo!
14023	PSA 8:2	Muxu Marigi Alatala! Xili xungbe kanyi nan lanxi i ma duniɲa bɛndɛ fuɲi fari, i tan naxan ma nɔrɛ na koore ma.
14031	PSA 8:10	Muxu Marigi Alatala! Xili Xungbe Kanyi nan lanxi i ma duniɲa bɛndɛ fuɲi fari!»
14038	PSA 9:7	I bara e xa taae sɔntɔ, na taa sɔntɔxie luma nɛ na ki han, e xa fe nɛɛmu mixie ra!
14056	PSA 10:4	Mixi ɲaaxi yɛtɛ igboe naxɛ, «Ala mu na! A mu nɔma sese rabade n na!» A xa maɲɔxunyi birin nan ya.
14064	PSA 10:12	Alatala keli! I naxa nɛɛmu setare ma.
14067	PSA 10:15	Mixi ɲaaxi sɛnbɛ kana! E ɲaxankata e xa fe ɲaaxi xa fe ra! E ralɔɛ yi duniɲa ma!
14079	PSA 12:2	Alatala, muxu rakisi! Lanlanteya mu na sɔnɔn, nɔndi falɛe bara ɲɔn adamadie tagi.
14099	PSA 14:7	Nde fama kisi ra Isirayila bɛ kelife Siyon? Alatala nan fama a xa ɲama raminide konyiya kui. Yaxuba bɔnsɔɛ sɛɛwama nɛ, Isirayila ɲɛlɛxinma nɛ!
14105	PSA 16:1	Dawuda xa suuki Ala, i xa n kanta! N ma kantari na i yi ra.
14128	PSA 17:13	Alatala, keli! N yaxuie gere, i xa nɔ e ra. N natanga mixi ɲaaxie ma i xa santidɛgɛma ra.
14129	PSA 17:14	N natanga na duniɲa mixi mɔɔlie ma, naxee e masundi sɔtɔma yi duniɲɛigiri gbansan kui. E raluga na masundi ra, i naxan nagataxi e bɛ. E xa die fan xa wasa na ra, a dɔnxɔɛ xa lu e xa mamadie bɛ!
14134	PSA 18:4	N xa a fala n xui itexi ra: Ala tantu! Ala bara n nakisi n yaxuie ma.
14240	PSA 22:20	Alatala, i naxa i makuya n na! N ma sɛnbɛma nan i ra. I xa i xulun n malide.
14416	PSA 34:9	Wo a mato, Alatala fan de! Ɲɛlɛxinyi na adama bɛ naxan xaxili tixi a ra.