1	GEN 1:1	عَ قْلّ رَ، عَلَ نَشَ كٌورٍ نُن بْشِ دَا.
2	GEN 1:2	دُنِحَ مُ نُ يَءِلَنشِ، سٍسٍ مُ نُ نَ عَ مَ. دِ مِ نَن نُ نَ بَا بِرِن مَ، كْنْ عَلَ حّنفِ نَشَن لُشِ عَلْ قٌيٍ نُ عَ مَلِنتَنمَ يٍ شُن مَ.
3	GEN 1:3	عَلَ نَشَ عَ مَسٍن، «نَءِيَلَنيِ شَ مِنِ.» نَءِيَلَنيِ نَشَ مِنِ كٍرٍن نَ.
4	GEN 1:4	عَلَ نَشَ عَ مَتٌ قَ، نَ نَءِيَلَنيِ قَنشِ. عَلَ نَشَ نَءِيَلَنيِ نُن دِ مِ عِتَشُن.
5	GEN 1:5	عَلَ نَشَ نَءِيَلَنيِ شِلِ سَ «يَنيِ.» عَ نَشَ دِ مِ شِلِ سَ «كْي.» كْي نَشَ سٌ، كُيٍ نَشَ عِبَ، لْشْي سِنفٍ نَن نُ نَ كِ.
6	GEN 1:6	عَلَ نَشَ عَ مَسٍن، «كٌورٍ وَلَشّ شَ لُ بْشِ يٍ نُن كٌورٍ يٍ تَفِ.»
7	GEN 1:7	نَ بَرَ قِندِ نَانِنيِ رَ بْشِ يٍ نُن كٌورٍ يٍ تَفِ. عَ رَبَشِ نَ كِ نّ.
8	GEN 1:8	عَلَ نَشَ يِ نَانِنيِ شِلِ سَ «كٌورٍ.» كْي نَشَ سٌ، كُيٍ نَشَ عِبَ، لْشْي قِرِن ندٍ نَن نُ نَ كِ.
9	GEN 1:9	عَلَ نَشَ عَ مَسٍن، «بْشِ يٍ شَ مَلَن يِرٍ كٍرٍن. شَرٍ شَ مَبَ.» عَ رَبَشِ نَ كِ نّ.
10	GEN 1:10	عَلَ نَشَ نَ شَرٍ شِلِ سَ «بْشِ.» عَ نَشَ نَ بْشِ يٍ شِلِ سَ «بَا.» عَلَ نَشَ عَ مَتٌ قَ، نَ بِرِن قَنشِ.
11	GEN 1:11	عَلَ نَشَ عَ مَسٍن، «سَنسِيٍ شَ مِنِ بْشِ مَ. سَنسِ مْولِ بِرِن شَ بُلَ. سَنسِ شْرِ نَشَن نَ عَ بٌفِ كُي، عَ بُلَمَ نّ بِرِن نُن عَ مْولِ رَ.» عَ رَبَشِ نَ كِ نّ.
12	GEN 1:12	بْشِ نَشَ رَقٍ سَنسِ مْولِ بِرِن نَ، عَ بٌفِ نُن عَ سَنسِ شْرِ نَ عَ بِلِ مَ، نَ قَن بِرِن نُن عَ مْولِ. عَلَ نَشَ عَ مَتٌ قَ، نَ بِرِن قَنشِ.
13	GEN 1:13	كْي نَشَ سٌ، كُيٍ نَشَ عِبَ، لْشْي سَشَن ندٍ نَن نُ نَ كِ.
14	GEN 1:14	عَلَ نَشَ عَ مَسٍن، «يَنبَسٍيٍ شَ لُ كٌورٍ مَ، يَنيِ نُن كْي عِتَشُنقٍ رَ. وَشَتِ بِرِن كٌلٌنمَ يَنبَسٍيٍ سَابُي نَن نَ. شِ يٌ شِ، حّ يٌ حّ عَ كٌلٌنمَ يَنبَسٍيٍ نَن سَابُي رَ.
15	GEN 1:15	يَنبَسٍ نَ كٌورٍ مَ بْشِ عِيَلَنسٍ نَن نَ.» عَ رَبَشِ نَ كِ نّ.
16	GEN 1:16	عَلَ نَشَ نَءِيَلَنسٍ شُنفبٍ قِرِن نَقَلَ. نَشَن شُنفبٌ، نَ شَ يَنيِ يَامَرِ رَبَ. نَشَن شُرُن، نَ شَ كْي يَامَرِ رَبَ. عَ نَشَ تُنبُييٍ قَن نَقَلَ.
18	GEN 1:18	عٍ شَ يَنيِ نُن كْي يَامَرِ رَبَ، عٍ شَ دِ مِ نُن نَءِيَلَنيِ رَقَتَن. عَلَ نَشَ عَ مَتٌ قَ، عَ بِرِن قَنشِ.
19	GEN 1:19	كْي نَشَ سٌ، كُيٍ نَشَ عِبَ، لْشْي نَانِ ندٍ نَن نُ نَ كِ.
20	GEN 1:20	عَلَ نَشَ عَ مَسٍن، يّشّيٍ شَ يٍ رَ مَشَ. شْنِيٍ شَ حّرّ كٌورٍ مَ.
21	GEN 1:21	عَلَ نَشَ يّشّ شُنفبٍ مْولِ بِرِن دَا عَ نُن نِمَسٍ نَشَن بِرِن نَ يٍ شْورَ. عَ نَشَ شْنِ مْولِ بِرِن قَن دَا. عَلَ نَشَ عَ مَتٌ قَ، عَ بِرِن قَنشِ.
22	GEN 1:22	عَلَ نَشَ بَرَكّ سَ عٍ شَ قٍ. عَ نَشّ، «وٌ شَ وُيَ، وٌ شَ يِرِوَ عَلَكٌ يّشّيٍ شَ وُيَ بَا مَ. شْنِيٍ قَن شَ فبٌ بْشِ مَ.»
23	GEN 1:23	كْي نَشَ سٌ، كُيٍ نَشَ عِبَ، لْشْي سُولِ ندٍ نَن نُ نَ كِ.
24	GEN 1:24	عَلَ نَشَ عَ مَسٍن، «نِمَسٍيٍ مْولِ بِرِن شَ لُ بْشِ مَ؛ شُرُ سٍيٍ، بُبُسٍيٍ، عَ نُن بُورُنيِ سُبٍيٍ.» عَ رَبَشِ نَ كِ نّ.
25	GEN 1:25	عَلَ نَشَ بُورُنيِ سُبٍيٍ مْولِ بِرِن دَا، عَ نَشَ شُرُ سٍيٍ مْولِ بِرِن دَا، عَ نَشَ بُبُسٍيٍ مْولِ بِرِن دَا. عَلَ نَشَ عَ مَتٌ قَ، عَ بِرِن قَنشِ.
26	GEN 1:26	عَلَ نَشَ عَ مَسٍن، «وٌن شَ عَدَ مَ دَا، وٌن شَ وٌن قْشِ لُ عَ مَ. عَ شَ يَامَرِ رَبَ يّشّيٍ شُن مَ، شْنِيٍ شُن مَ، شُرُ سٍيٍ شُن مَ، بْشِ شُن مَ، عَ نُن بُبُسٍيٍ شُن مَ.»
27	GEN 1:27	عَلَ نَشَ عَدَ مَ دَا فِنّ نُن شّمّ، عَ عَ قْشِ لُ عٍ مَ.
28	GEN 1:28	عَلَ نَشَ بَرَكّ سَ عٍ شَ قٍ. عَ نَشّ، «وٌ شَ وُيَ، وٌ شَ يِرِوَ عَلَكٌ بْشِ شَ رَقٍ. وٌ شَ يَامَرِ رَبَ بْشِ شُن مَ، يّشّيٍ شُن مَ، شْنِيٍ شُن مَ، بُبُسٍيٍ شُن مَ.»
29	GEN 1:29	عَ نَشّ، «ﭑ بَرَ سَنسِ بِرِن نُن سَنسِ بٌفِ بِرِن قِ وٌ مَ بَلٌي رَ.
30	GEN 1:30	ﭑ بَرَ سَنسِ بِرِن قِ سُبٍ بِرِن مَ نَشَن نَ بْشِ مَ، عَ نُن شْنِ بِرِن مَ، عَ نُن بُبُسٍ بِرِن مَ، نِمَسٍ بِرِن مَ نَشٍيٍ حّنفِمَ. سَنسِ بِرِن بَرَ قِندِ عٍ بَلٌي رَ.» عَ رَبَشِ نَ كِ نّ.
31	GEN 1:31	عَلَ نَشَ عَ شَ دَالِسٍ بِرِن مَتٌ قَ، عَ قَنشِ هَن. كْي نَشَ سٌ، كُيٍ نَشَ عِبَ، لْشْي سٍننِ ندٍ نَن نُ نَ كِ.
32	GEN 2:1	كٌورٍ، بْشِ، نُن سٍ بِرِن دَا كِ نَن نُ نَ كِ.
33	GEN 2:2	لْشْي سٌلٌقٍرٍ ندٍ عَلَ شَ وَلِ نَشَ كَمَلِ. عَ نَشَ عَ مَلَبُ.
34	GEN 2:3	عَلَ نَشَ تِدٍ سَ نَ لْشْي سٌلٌقٍرٍ ندٍ مَ، عَ شَ قِندِ لْشْي سّنِيّنشِ رَ بَرِ مَ عَ عَ مَلَبُ نَ لْشْي نّ عَ شَ وَلِ كَمَلِشِ شَ قٍ رَ.
35	GEN 2:4	تَرُشُي نَن يَ، دُنِحَ دَاشِ كِ نَشّ. مَرِفِ عَلَتَلَ بْشِ نُن كٌورٍ دَا تّمُي نَشّ،
36	GEN 2:5	قْتْنيِ يٌ مُ نُ نَ. سَنسِ يٌ مُ نُ نَ نَشَن بُلَشِ بْشِ مَ بَرِ مَ مَرِفِ عَلَتَلَ مُ نُ تُنّ يٍ رَفٌرٌشِ سِندٍن. عَدَ مَ قَن مُ نُ نَ نَشَن بْشِ رَوَلِمَ،
37	GEN 2:6	كْنْ يٍ نُ لُمَ مِنِ رَ بْشِ بُن، عَ قَ يٍنسٍن يّ يِرٍ بِرِن مَ.
38	GEN 2:7	مَرِفِ عَلَتَلَ نَشَ عَدَ مَ يَءِلَن بّندّ رَ. نَ دَنفِ شَنبِ عَ نَشَ نِي رَ سٌ عَ قَتٍ عَ حْي كُي. عَ قِندِ عَدَ مَ رَ نَ كِ نّ.
39	GEN 2:8	نَ شَنبِ مَرِفِ عَلَتَلَ نَشَ يِرٍ قَنيِ يَءِلَن سٌفٍتٍدٍ مَبِرِ. نَ يِرٍ شِلِ «عٍدٍن.» عَ نَشَ عَدَ مَ لُ مّننِ.
40	GEN 2:9	مَرِفِ عَلَتَلَ نَشَ وُرِ مْولِ بِرِن نَبُلَ مّننِ، وُرِ تٌقَنيِيٍ، وُرِ نَشٍيٍ بٌفِ قَن عَ دٌن دَاشِ رَ. نَ يِرٍ تَفِ وُرِ قِرِن نُ نَ. كٍرٍن شِلِ «سِمَيَ وُرِ.» بٌورٍ شِلِ «قٍ قَنيِ نُن قٍ حَاشِ كٌلٌن وُرِ.»
41	GEN 2:10	شُرٍ نَشَن يٍ رَ سٌشِ عٍدٍن كُي سَنسِيٍ بّ، عَ تٌ دَنفِشِ، عَ عِتَشُنشِ دْشْ نَانِ رَ.
42	GEN 2:11	نَ سِنفٍ شِلِ ثِسٌن. نَ نَن دَنفِمَ هَوِلَ بْشِ بِرِن مَ، شّيمَ نَ دّننَشّ.
43	GEN 2:12	نَ شّيمَ قَن. وُرِ يٍ شِرِ حْشُنمّ قَن نَ نَ، عَ نُن فّمّ تٌقَنيِ نَشَن شِلِ عٌنِشِ.
44	GEN 2:13	نَ شُرٍ قِرِن ندٍ شِلِ فِشٌن. نَ نَن دَنفِمَ كُسِ بْشِ بِرِن مَ.
45	GEN 2:14	نَ شُرٍ سَشَن ندٍ شِلِ تِفِرِ. نَ نَن دَنفِمَ عَسُرِ بْشِ مَ عَ سٌفٍتٍدٍ بِرِ رَ. نَ شُرٍ نَانِ ندٍ شِلِ عٍقِرَتِ.
46	GEN 2:15	مَرِفِ عَلَتَلَ نَشَ عَدَ مَ رَ سَبَتِ عٍدٍن، عَلَكٌ عَ شَ نْ نَ يِرٍ رَوَلِدٍ، عَ مَن شَ مّينِ نَ مَ.
48	GEN 2:17	كْنْ عِ نَشَ ‹قٍ قَنيِ نُن قٍ حَاشِ كٌلٌن وُرِ› بٌفِ دٌن دٍ، بَرِ مَ عِ نُ نَ دٌن، عِ قَشَمَ نّ.»
49	GEN 2:18	مَرِفِ عَلَتَلَ نَشَ عَ قَلَ، «عَ مُ قَن شّمّ شَ لُ بٍ عَ كٍرٍن. ﭑ قَمَ مَلِمَ قَنيِ دَالِدٍ عَ بّ.»
50	GEN 2:19	بُورُنيِ سُبٍ بِرِن نُن شْنِ بِرِن مَرِفِ عَلَتَلَ نَشَن دَالِشِ بّندّ رَ، عَ نَشَ عٍ شَنِن عَدَ مَ شْن مَ عَ شَ عٍ شِلِ سَ. عَدَ مَ شِلِ نَشٍيٍ سَ عٍ شُن مَ، نٍيٍ نَشَ قِندِ عٍ شِلِيٍ رَ.
51	GEN 2:20	عَ نَشَ شُرُ سٍ بِرِن، شْنِ بِرِن، عَ نُن بُورُنيِ سُبٍ بِرِن شِلِ سَ. كْنْ نَ وَشَتِ عَدَ مَ مُ عَ مَلِمَ قَنيِ سْتْشِ سِندٍن.
52	GEN 2:21	مَرِفِ عَلَتَلَ نَشَ شِ شْلِ رَدَنفِ عَ مَ. عَ نَشَ عَ رَشِ عَ قَنيِ رَ. عَ تٌ شِ، مَرِفِ عَلَتَلَ نَشَ عَ فَنيَنيِ شْرِ كٍرٍن بَ، عَ قَ مّننِ رَفَلِ.
53	GEN 2:22	نَ شَنبِ، مَرِفِ عَلَتَلَ نَشَ عَدَ مَ فَنيَنيِ شْرِ قِندِ فِنّ رَ، عَ قَ نَ فِنّ قِ عَدَ مَ مَ.
54	GEN 2:23	عَدَ مَ نَشَ عَ قَلَ، «يِ فِنّ قَتَنشِ ﭑ شْرِ نُن ﭑ سُبٍ نَن نَ. عَ شِلِ نّ ‹فِنّ›، بَرِ مَ عَ مِنِشِ شّمّ نّ عِ.»
55	GEN 2:24	نَ قٍ نَ عَ تٌشِ، شّمّ قَمَ نّ كٍلِدٍ عَ بَبَ نُن عَ نفَ شُن مَ، عَ مَسٌ عَ شَ فِنّ رَ، عٍ قِندِ كٍرٍن نَ.
56	GEN 2:25	شّمّ نُن عَ شَ فِنّ مَفٍلِ نَن نُ عَ رَ، كْنْ نَ قٍ يَافِ مُ نُ عٍ مَ.
57	GEN 3:1	بْشِمَسٍ نَن نُ كْوتَ مَرِفِ عَلَتَلَ شَ دَالِسٍ بِرِن بّ. عَ نَشَ فِنّ مَشْرِن، «عَلَ عَ قَلَ نّ وٌ بّ عَ وُرِ بٌفِ نَشَن بِرِن نَ عٍدٍن كُي، عَ وٌ نَشَ عَ سٍسٍ دٌن؟ نْندِ نَ عَ رَ؟»
59	GEN 3:3	كْنْ وُرِ نَشَن نَ عٍدٍن تَفِ، مُشُ مُ نْمَ نَ تَن بٌفِ دٌندٍ، مُشُ مُ نْمَ مَكْرّدٍ عَ رَ يّتّ يَتِ، شَ نَ مُ عَ رَ مُشُ قَشَمَ نّ.»
60	GEN 3:4	بْشِمَسٍ نَشَ عَ قَلَ فِنّ بّ، «عَدٍ، وٌ مُ قَشَمَ.
61	GEN 3:5	عَلَ عَ كٌلٌن، وٌ نَ عَ دٌن، وٌ يَ رَبِمَ نّ. وٌ قَمَ قٍ قَنيِ نُن قٍ حَاشِ كٌلٌندٍ عَلْ عَلَ يّتّ.»
62	GEN 3:6	فِنّ تٌ وُرِ بٌفِ تٌ، عَ تٌقَن، عَ قَن دٌنسٍ رَ، عَ قَن شَشِلِ سْتْسٍ رَ، عَ نَشَ كٍرٍن بَ، عَ دٌن، عَ ندٍ سٌ عَ شَ مْرِ يِ، عٍ نُن نَشَن نُ عَ رَ. نَ قَن نَشَ عَ دٌن.
63	GEN 3:7	نَ وَشَتِ عٍ يَيٍ نَشَ رَبِ. عٍ نَشَ عَ كٌلٌن، عٍ مَفٍلِ نَن نُ عَ رَ. عٍ نَشَ شْرّ بُرّشّيٍ دّنبّ عٍ بٌورٍ رَ، عٍ عٍ يّتّ سُتُرَ عَ رَ.
64	GEN 3:8	نَ شَنبِ، شّمّ نُن عَ شَ فِنّ نَشَ مَرِفِ عَلَتَلَ حّرّ شُي مّ نُنمَرٍ رَ. عٍ نَشَ عٍ نْشُن وُرِيٍ شَنبِ رَ.
66	GEN 3:10	عَدَ مَ نَشَ عَ يَابِ، «ﭑ بَرَ عِ شُي مّ عٍدٍن كُي، كْنْ ﭑ بَرَ فَاشُ، بَرِ مَ ﭑ مَفٍلِ نَ عَ رَ. نَ نَن عَ رَ، ﭑ نَن ﭑ نْشُنشِ.»
68	GEN 3:12	عَدَ مَ نَشّ، «عِ فِنّ نَشَن قِشِ ﭑ مَ، نَ نَن يِ وُرِ بٌفِ سٌ ﭑ يِ رَ، ﭑ نَشَ عَ دٌن.»
69	GEN 3:13	نَ شَنبِ، مَرِفِ عَلَتَلَ نَشَ فِنّ مَشْرِن، «عِ يِ رَبَشِ مُنقٍ رَ؟» فِنّ نَشَ عَ يَابِ، «بْشِمَسٍ بَرَ ﭑ مَدَشُ هَن ﭑ بَرَ نَ وُرِ بٌفِ دٌن.»
70	GEN 3:14	عَوَ، مَرِفِ عَلَتَلَ نَشَ عَ قَلَ بْشِمَسٍ بّ، «عِ تٌ بَرَ يِ رَبَ، عَوَ، ﭑ قَن ﭑ بَرَ عِ دَنكَ شُرُ سٍ نُن بُورُنيِ سُبٍ بِرِن يَ مَ. عِ قِندِ مَ بُبُسٍ نَن نَ عِ قُرِ قَرِ. عِ شُبٍ نَن دٌنمَ عِ شَ دُنِحّءِفِرِ كُي.
71	GEN 3:15	ﭑ بَرَ دّحَاشُي رَ سٌ عِ تَن نُن فِنّ تَفِ. ﭑ بَرَ عَ رَ سٌ عِ شَ دِيٍ نُن عَ شَ دِيٍ تَفِ. فِنّ شَ دِ عِ شُنيِ بُتُشُنمَ نّ. عِ قَن عَ تِنفِلِنيِ شِنمَ نّ.»
72	GEN 3:16	مَرِفِ عَلَتَلَ نَشَ عَ قَلَ فِنّ بّ، «عِ قَن، ﭑ عِ تْورْ مَ نّ عِ شَ دِ بَرِ كُي. نَ تْورّ فبٌمَ نّ. عِ بِرَ مَ نّ عِ شَ مْرِ قْشْ رَ، عَ عِ يَمَرِ.»
73	GEN 3:17	مَرِفِ عَلَتَلَ نَشَ عَ قَلَ عَدَ مَ بّ، «عِ بَرَ بِرَ عِ شَ فِنّ قْشْ رَ. عِ بَرَ نَ وُرِ بٌفِ دٌن، ﭑ نَشَن مَ قٍ قَلَ عِ بّ، عِ نَشَ عَ دٌن. يَكْسِ ﭑ بَرَ بْشِ دَنكَ عِ شَ قٍ رَ. عِ تْورْ مَ نّ بَلٌي سْتْدٍ عِ شَ دُنِحّءِفِرِ كُي.
74	GEN 3:18	ﭑ تُنبٍ نُن بَافِ رَ مِنِمَ نّ بْشِ مَ، عِ بَلٌي سْتْمَ شّ نَن مَ.
75	GEN 3:19	عِ بَلٌي سْتْمَ عِ يِلٍنقُرٍ نَن نَ هَن عِ فبِلٍنمَ بّندّ تّمُي نَشّ عِ رَقَلَشِ نَشَن نَ. بّندّ نَن عِ رَ، عِ مَن فبِلٍنمَ نَ بّندّ نّ.»
76	GEN 3:20	عَدَ مَ نَشَ عَ شَ فِنّ شِلِ سَ «مَهَوَ،» بَرِ مَ عَ قِندِ مَ نّ مِشِ بِرِن نفَ رَ.
77	GEN 3:21	مَرِفِ عَلَتَلَ نَشَ دُفِ كِرِ دَاشِيٍ دّفّ عَدَ مَ نُن عَ شَ فِنّ بّ، عَ نَشَ عٍ رَفٌرٌ عٍ مَ.
78	GEN 3:22	مَرِفِ عَلَتَلَ نَشَ عَ مَسٍن، «عَدَ مَ بَرَ قٍ قَنيِ نُن قٍ حَاشِ تَفِ رَبَ كٌلٌن عَلْ وٌن تَن. عَ مُ دَشَ عَ شَ سِمَيَ وُرِ بٌفِ دٌن، شَ نَ مُ عَ رَ عَ مُ قَشَمَ.»
79	GEN 3:23	مَرِفِ عَلَتَلَ نَشَ عَ رَ مِنِ عٍدٍن، عَ شَ بْشِ رَوَلِ عَلَ عَ دَاشِ نَشَن نَ.
80	GEN 3:24	عَ عَدَ مَ كٍرِ شَنبِ، مَرِفِ عَلَتَلَ نَشَ مَلٍكّيٍ يَامَرِ، عٍ شَ تِ عٍدٍن سٌفٍتٍدٍ بِرِ رَ. عٍ شَ نُ سَنتِدّفّمَ تّ دَاشِ مَلِنتَن، نَ سِمَيَ وُرِ كَنتَدٍ.
81	GEN 4:1	عَدَ مَ نُن مَهَوَ تٌ كَقُ، مَهَوَ نَشَ تّيفّ. عٍ نَشَ دِ سْتْ نَشَن شِلِ كَبِلَ. مَهَوَ نَشّ، «عَلَتَلَ بَرَ ﭑ مَلِ دِ شّمّ سْتْقٍ رَ.»
82	GEN 4:2	نَ شَنبِ مَهَوَ نَشَ كَبِلَ شَنبِرَتٌي شّمّمَ سْتْ نَشَن شِلِ هَبِلَ. شُرُ سٍ دّ مَدٌنيِ نَن نُ هَبِلَ رَ. بْشِ رَوَلِ نَن نُ كَبِلَ رَ.
83	GEN 4:3	نَ تّمُي تٌ دَنفِ، كَبِلَ نَشَ قَ سَنسِ بٌفِ قَنفَدَ مَ رَ سّرّشّ بَدٍ عَلَتَلَ بّ.
84	GEN 4:4	كْنْ هَبِلَ نَشَ قَ شُرُ سٍ دِ سِنفٍيٍ رَ نُن عٍ تُرٍ. هَبِلَ نُن عَ شَ سّرّشّ نَشَ رَقَن عَلَتَلَ مَ،
85	GEN 4:5	كْنْ كَبِلَ نُن عَ شَ سّرّشّ مُ نُ رَقَن عَلَتَلَ مَ. عَلَتَلَ مُ عَ يَ تِ كَبِلَ شَ سّرّشّ رَ. نَ نَ عَ رَ، كَبِلَ نَشَ شْنْ، عَ يَتَفِ نَشَ مَسَرَ.
87	GEN 4:7	شَ عِ قٍ قَنيِ رَبَ، ﭑ نَ تٌنفٌمَ نّ، كْنْ شَ عِ قٍ حَاشِ رَبَ، سٍنتَنّ عِ رَتَنتَنمَ نّ. عِ كَتَ، عِ شَ عِ يّتّ بَ عَ يِ رَ.»
88	GEN 4:8	كَبِلَ نَشَ عَ قَلَ عَ شُنيَ بّ، «وٌن شّي شّ مَ.» عٍ تٌ سٌ شّ مَ، كَبِلَ نَشَ عَ شُنيَ هَبِلَ سُشُ، عَ نَشَ عَ قَشَ.
89	GEN 4:9	نَ شَنبِ عَلَتَلَ نَشَ كَبِلَ مَشْرِن، «عِ شُنيَ هَبِلَ نَ مِندٍن؟» عَ نَشَ عَ يَابِ، «ﭑ مُ عَ كٌلٌن. قٌ ﭑ شَ مّينِ ﭑ شُنيَ مَ؟»
90	GEN 4:10	عَلَتَلَ نَشَ عَ قَلَ، «عِ مُنسٍ رَبَشِ؟ ﭑ نَ عِ شُنيَ وُلِ فبٍلٍفبٍلٍ شُي مّقٍ كٍلِ بْشِ مَ.
91	GEN 4:11	ﭑ بَرَ عِ دَنكَ بَرِ مَ عِ بَرَ عِ شُنيَ قَشَ. ﭑ عِ كٍرِ مَ نّ يِ بْشِ مَ عِ شُنيَ وُلِ نَ دّننَشّ.
92	GEN 4:12	عِ نَ بْشِ رَوَلِ، عِ مُ بَلٌي سْتْمَ. عِ قِندِ مَ حّرّتِ نَن نَ.»
93	GEN 4:13	كَبِلَ نَشَ عَلَتَلَ يَابِ، «نَ حَشَنكَتّ فبٌ ﭑ تَن بّ.
94	GEN 4:14	شَ عِ بَرَ ﭑ كٍرِ يِ بْشِ مَ تٌ، وٌن تَفِ عِكُيَمَ نّ. ﭑ قِندِ مَ حّرّتِ نَن نَ. مِشِ نَشَن نَ سَ ﭑ تٌ، عَ ﭑ قَشَمَ نّ.»
95	GEN 4:15	عَلَتَلَ نَشَ عَ يَابِ، «عَدٍ، شَ مِشِ يٌ عِ قَشَ، ﭑ عِ فبٍحْشْمَ نّ دْشْ سٌلٌقٍرٍ.» عَلَتَلَ نَشَ تْنشُمَ سَ كَبِلَ مَ عَلَكٌ شَ نَشَن سَ عَ تٌ عَ نَشَ نْ عَ فٍرٍدٍ.
96	GEN 4:16	نَ تّمُي كَبِلَ نَشَ عَ مَكُيَ عَلَتَلَ رَ. عَ نَشَ سَبَتِ نٌدِ بْشِ مَ عٍدٍن قُفٍ رَ.
97	GEN 4:17	كَبِلَ نُن عَ شَ فِنّ نَشَ كَقُ. عَ شَ فِنّ نَشَ تّيفّ، عَ نَشَ دِ سْتْ نَشَن شِلِ عٍنٌكِ. كَبِلَ نُ نَ تَا تِقٍ. عَ نَشَ عَ شَ دِ شِلِ سَ نَ تَا شُن مَ.
98	GEN 4:18	عٍنٌكِ نَشَ عِرَدِ سْتْ. عِرَدِ، مٍشُيَيٍلِ بَبَ نَ عَ رَ. مٍشُيَيٍلِ، مٍتُسَيٍلِ بَبَ نَ عَ رَ. مٍتُسَيٍلِ، لَمٍكِ بَبَ نَ عَ رَ.
99	GEN 4:19	لَمٍكِ نَشَ فِنّ قِرِن سْتْ، كٍرٍن شِلِ عَدَ، بٌورٍ شِلِ سِلَهِ.
100	GEN 4:20	عَدَ نَشَ يَبَلَ سْتْ. يَبَلَ، شُرُ سٍ دّ مَدٌنيِيٍ نُن كِرِ بَنشِ كَنيِيٍ بَبَ نَ عَ رَ.
101	GEN 4:21	يَبَلَ شُنيَ شِلِ يُبَلِ. يُبَلِ، كْرَ بْنبْييٍ نُن شُلٍ قٍيٍ بَبَ نَ عَ رَ.
102	GEN 4:22	سِلَهِ قَن نَشَ دِ سْتْ. عَ شِلِ تُبَلِ كَبِلَ. شَبُي نَن نُ عَ تَن نَ. وَلِسٍ وُرٍ فبٍيلِ نُن وُرٍ دَاشِ مْولِ بِرِن شَبُي نَن نُ عَ رَ. تُبَلِ كَيِنِ شُنيَ فِنّمَ شِلِ نَمَ.
103	GEN 4:23	لَمٍكِ نَشَ عَ قَلَ عَ شَ فِنّيٍ بّ، «عَدَ نُن سِلَهِ وٌ شَ وٌ هَاكّ تٌ ﭑ بّ. لَمٍكِ شَ فِنّيٍ، وٌ شَ وٌ تُلِ مَتِ ﭑ مَ وْيّنيِ رَ. ﭑ بَرَ شّمّ ندٍ قَشَ فبٍحْشْي رَ. ﭑ بَرَ نَ سّفّتَلَ قَشَ بَرِ مَ عَ بَرَ ﭑ مَشْنْ.
104	GEN 4:24	شَ مِشِ سٌلٌقٍرٍ نَن قَشَمَ كَبِلَ فبٍحْشْقٍ رَ، مِشِ تٌنفٌ سٌلٌقٍرٍ نُن سٌلٌقٍرٍ نَن قَشَمَ ﭑ تَن لَمٍكِ فبٍحْشْقٍ رَ.»
105	GEN 4:25	عَدَ مَ نُن عَ شَ فِنّ نَشَ كَقُ. مَهَوَ نَشَ دِ سْتْ نَشَن شِلِ سٍتِ. عَ بَرَ نَ شِلِ سَ عَ شَ دِ شُن مَ بَرِ مَ عَلَ بَرَ عَ شَ دِ هَبِلَ حْشْي سٌ عَ يِ رَ كَبِلَ نَشَن قَشَ.
106	GEN 4:26	سٍتِ قَن نَشَ دِ سْتْ نَشَن شِلِ عٍنٌسِ. نَ وَشَتِ مِشِيٍ نَشَ عَلَتَلَ مَشَندِ قْلْ.