2	GEN 1:2	دُنِحَ مُ نُ يَءِلَنشِ، سٍسٍ مُ نُ نَ عَ مَ. دِ مِ نَن نُ نَ بَا بِرِن مَ، كْنْ عَلَ حّنفِ نَشَن لُشِ عَلْ قٌيٍ نُ عَ مَلِنتَنمَ يٍ شُن مَ.
4	GEN 1:4	عَلَ نَشَ عَ مَتٌ قَ، نَ نَءِيَلَنيِ قَنشِ. عَلَ نَشَ نَءِيَلَنيِ نُن دِ مِ عِتَشُن.
5	GEN 1:5	عَلَ نَشَ نَءِيَلَنيِ شِلِ سَ «يَنيِ.» عَ نَشَ دِ مِ شِلِ سَ «كْي.» كْي نَشَ سٌ، كُيٍ نَشَ عِبَ، لْشْي سِنفٍ نَن نُ نَ كِ.
18	GEN 1:18	عٍ شَ يَنيِ نُن كْي يَامَرِ رَبَ، عٍ شَ دِ مِ نُن نَءِيَلَنيِ رَقَتَن. عَلَ نَشَ عَ مَتٌ قَ، عَ بِرِن قَنشِ.
20	GEN 1:20	عَلَ نَشَ عَ مَسٍن، يّشّيٍ شَ يٍ رَ مَشَ. شْنِيٍ شَ حّرّ كٌورٍ مَ.
24	GEN 1:24	عَلَ نَشَ عَ مَسٍن، «نِمَسٍيٍ مْولِ بِرِن شَ لُ بْشِ مَ؛ شُرُ سٍيٍ، بُبُسٍيٍ، عَ نُن بُورُنيِ سُبٍيٍ.» عَ رَبَشِ نَ كِ نّ.
25	GEN 1:25	عَلَ نَشَ بُورُنيِ سُبٍيٍ مْولِ بِرِن دَا، عَ نَشَ شُرُ سٍيٍ مْولِ بِرِن دَا، عَ نَشَ بُبُسٍيٍ مْولِ بِرِن دَا. عَلَ نَشَ عَ مَتٌ قَ، عَ بِرِن قَنشِ.
26	GEN 1:26	عَلَ نَشَ عَ مَسٍن، «وٌن شَ عَدَ مَ دَا، وٌن شَ وٌن قْشِ لُ عَ مَ. عَ شَ يَامَرِ رَبَ يّشّيٍ شُن مَ، شْنِيٍ شُن مَ، شُرُ سٍيٍ شُن مَ، بْشِ شُن مَ، عَ نُن بُبُسٍيٍ شُن مَ.»
27	GEN 1:27	عَلَ نَشَ عَدَ مَ دَا فِنّ نُن شّمّ، عَ عَ قْشِ لُ عٍ مَ.
34	GEN 2:3	عَلَ نَشَ تِدٍ سَ نَ لْشْي سٌلٌقٍرٍ ندٍ مَ، عَ شَ قِندِ لْشْي سّنِيّنشِ رَ بَرِ مَ عَ عَ مَلَبُ نَ لْشْي نّ عَ شَ وَلِ كَمَلِشِ شَ قٍ رَ.
36	GEN 2:5	قْتْنيِ يٌ مُ نُ نَ. سَنسِ يٌ مُ نُ نَ نَشَن بُلَشِ بْشِ مَ بَرِ مَ مَرِفِ عَلَتَلَ مُ نُ تُنّ يٍ رَفٌرٌشِ سِندٍن. عَدَ مَ قَن مُ نُ نَ نَشَن بْشِ رَوَلِمَ،
38	GEN 2:7	مَرِفِ عَلَتَلَ نَشَ عَدَ مَ يَءِلَن بّندّ رَ. نَ دَنفِ شَنبِ عَ نَشَ نِي رَ سٌ عَ قَتٍ عَ حْي كُي. عَ قِندِ عَدَ مَ رَ نَ كِ نّ.
39	GEN 2:8	نَ شَنبِ مَرِفِ عَلَتَلَ نَشَ يِرٍ قَنيِ يَءِلَن سٌفٍتٍدٍ مَبِرِ. نَ يِرٍ شِلِ «عٍدٍن.» عَ نَشَ عَدَ مَ لُ مّننِ.
41	GEN 2:10	شُرٍ نَشَن يٍ رَ سٌشِ عٍدٍن كُي سَنسِيٍ بّ، عَ تٌ دَنفِشِ، عَ عِتَشُنشِ دْشْ نَانِ رَ.
46	GEN 2:15	مَرِفِ عَلَتَلَ نَشَ عَدَ مَ رَ سَبَتِ عٍدٍن، عَلَكٌ عَ شَ نْ نَ يِرٍ رَوَلِدٍ، عَ مَن شَ مّينِ نَ مَ.
47	GEN 2:16	مَرِفِ عَلَتَلَ نَشَ يَامَرِ سٌ عَدَ مَ يِ رَ، عَ نَشّ، «عِ نْمَ يِ وُرِ بٌفِ بِرِن دٌندٍ نَشَن نَ عٍدٍن كُي،
48	GEN 2:17	كْنْ عِ نَشَ ‹قٍ قَنيِ نُن قٍ حَاشِ كٌلٌن وُرِ› بٌفِ دٌن دٍ، بَرِ مَ عِ نُ نَ دٌن، عِ قَشَمَ نّ.»
50	GEN 2:19	بُورُنيِ سُبٍ بِرِن نُن شْنِ بِرِن مَرِفِ عَلَتَلَ نَشَن دَالِشِ بّندّ رَ، عَ نَشَ عٍ شَنِن عَدَ مَ شْن مَ عَ شَ عٍ شِلِ سَ. عَدَ مَ شِلِ نَشٍيٍ سَ عٍ شُن مَ، نٍيٍ نَشَ قِندِ عٍ شِلِيٍ رَ.
51	GEN 2:20	عَ نَشَ شُرُ سٍ بِرِن، شْنِ بِرِن، عَ نُن بُورُنيِ سُبٍ بِرِن شِلِ سَ. كْنْ نَ وَشَتِ عَدَ مَ مُ عَ مَلِمَ قَنيِ سْتْشِ سِندٍن.
53	GEN 2:22	نَ شَنبِ، مَرِفِ عَلَتَلَ نَشَ عَدَ مَ فَنيَنيِ شْرِ قِندِ فِنّ رَ، عَ قَ نَ فِنّ قِ عَدَ مَ مَ.
54	GEN 2:23	عَدَ مَ نَشَ عَ قَلَ، «يِ فِنّ قَتَنشِ ﭑ شْرِ نُن ﭑ سُبٍ نَن نَ. عَ شِلِ نّ ‹فِنّ›، بَرِ مَ عَ مِنِشِ شّمّ نّ عِ.»
65	GEN 3:9	مَرِفِ عَلَتَلَ نَشَ شِلِ تِ، «عَدَ مَ، عِ نَ مِندٍن؟»
66	GEN 3:10	عَدَ مَ نَشَ عَ يَابِ، «ﭑ بَرَ عِ شُي مّ عٍدٍن كُي، كْنْ ﭑ بَرَ فَاشُ، بَرِ مَ ﭑ مَفٍلِ نَ عَ رَ. نَ نَن عَ رَ، ﭑ نَن ﭑ نْشُنشِ.»
68	GEN 3:12	عَدَ مَ نَشّ، «عِ فِنّ نَشَن قِشِ ﭑ مَ، نَ نَن يِ وُرِ بٌفِ سٌ ﭑ يِ رَ، ﭑ نَشَ عَ دٌن.»
70	GEN 3:14	عَوَ، مَرِفِ عَلَتَلَ نَشَ عَ قَلَ بْشِمَسٍ بّ، «عِ تٌ بَرَ يِ رَبَ، عَوَ، ﭑ قَن ﭑ بَرَ عِ دَنكَ شُرُ سٍ نُن بُورُنيِ سُبٍ بِرِن يَ مَ. عِ قِندِ مَ بُبُسٍ نَن نَ عِ قُرِ قَرِ. عِ شُبٍ نَن دٌنمَ عِ شَ دُنِحّءِفِرِ كُي.
71	GEN 3:15	ﭑ بَرَ دّحَاشُي رَ سٌ عِ تَن نُن فِنّ تَفِ. ﭑ بَرَ عَ رَ سٌ عِ شَ دِيٍ نُن عَ شَ دِيٍ تَفِ. فِنّ شَ دِ عِ شُنيِ بُتُشُنمَ نّ. عِ قَن عَ تِنفِلِنيِ شِنمَ نّ.»
72	GEN 3:16	مَرِفِ عَلَتَلَ نَشَ عَ قَلَ فِنّ بّ، «عِ قَن، ﭑ عِ تْورْ مَ نّ عِ شَ دِ بَرِ كُي. نَ تْورّ فبٌمَ نّ. عِ بِرَ مَ نّ عِ شَ مْرِ قْشْ رَ، عَ عِ يَمَرِ.»
73	GEN 3:17	مَرِفِ عَلَتَلَ نَشَ عَ قَلَ عَدَ مَ بّ، «عِ بَرَ بِرَ عِ شَ فِنّ قْشْ رَ. عِ بَرَ نَ وُرِ بٌفِ دٌن، ﭑ نَشَن مَ قٍ قَلَ عِ بّ، عِ نَشَ عَ دٌن. يَكْسِ ﭑ بَرَ بْشِ دَنكَ عِ شَ قٍ رَ. عِ تْورْ مَ نّ بَلٌي سْتْدٍ عِ شَ دُنِحّءِفِرِ كُي.
74	GEN 3:18	ﭑ تُنبٍ نُن بَافِ رَ مِنِمَ نّ بْشِ مَ، عِ بَلٌي سْتْمَ شّ نَن مَ.
76	GEN 3:20	عَدَ مَ نَشَ عَ شَ فِنّ شِلِ سَ «مَهَوَ،» بَرِ مَ عَ قِندِ مَ نّ مِشِ بِرِن نفَ رَ.
77	GEN 3:21	مَرِفِ عَلَتَلَ نَشَ دُفِ كِرِ دَاشِيٍ دّفّ عَدَ مَ نُن عَ شَ فِنّ بّ، عَ نَشَ عٍ رَفٌرٌ عٍ مَ.
78	GEN 3:22	مَرِفِ عَلَتَلَ نَشَ عَ مَسٍن، «عَدَ مَ بَرَ قٍ قَنيِ نُن قٍ حَاشِ تَفِ رَبَ كٌلٌن عَلْ وٌن تَن. عَ مُ دَشَ عَ شَ سِمَيَ وُرِ بٌفِ دٌن، شَ نَ مُ عَ رَ عَ مُ قَشَمَ.»
79	GEN 3:23	مَرِفِ عَلَتَلَ نَشَ عَ رَ مِنِ عٍدٍن، عَ شَ بْشِ رَوَلِ عَلَ عَ دَاشِ نَشَن نَ.
80	GEN 3:24	عَ عَدَ مَ كٍرِ شَنبِ، مَرِفِ عَلَتَلَ نَشَ مَلٍكّيٍ يَامَرِ، عٍ شَ تِ عٍدٍن سٌفٍتٍدٍ بِرِ رَ. عٍ شَ نُ سَنتِدّفّمَ تّ دَاشِ مَلِنتَن، نَ سِمَيَ وُرِ كَنتَدٍ.
81	GEN 4:1	عَدَ مَ نُن مَهَوَ تٌ كَقُ، مَهَوَ نَشَ تّيفّ. عٍ نَشَ دِ سْتْ نَشَن شِلِ كَبِلَ. مَهَوَ نَشّ، «عَلَتَلَ بَرَ ﭑ مَلِ دِ شّمّ سْتْقٍ رَ.»
82	GEN 4:2	نَ شَنبِ مَهَوَ نَشَ كَبِلَ شَنبِرَتٌي شّمّمَ سْتْ نَشَن شِلِ هَبِلَ. شُرُ سٍ دّ مَدٌنيِ نَن نُ هَبِلَ رَ. بْشِ رَوَلِ نَن نُ كَبِلَ رَ.
83	GEN 4:3	نَ تّمُي تٌ دَنفِ، كَبِلَ نَشَ قَ سَنسِ بٌفِ قَنفَدَ مَ رَ سّرّشّ بَدٍ عَلَتَلَ بّ.
84	GEN 4:4	كْنْ هَبِلَ نَشَ قَ شُرُ سٍ دِ سِنفٍيٍ رَ نُن عٍ تُرٍ. هَبِلَ نُن عَ شَ سّرّشّ نَشَ رَقَن عَلَتَلَ مَ،
91	GEN 4:11	ﭑ بَرَ عِ دَنكَ بَرِ مَ عِ بَرَ عِ شُنيَ قَشَ. ﭑ عِ كٍرِ مَ نّ يِ بْشِ مَ عِ شُنيَ وُلِ نَ دّننَشّ.
92	GEN 4:12	عِ نَ بْشِ رَوَلِ، عِ مُ بَلٌي سْتْمَ. عِ قِندِ مَ حّرّتِ نَن نَ.»
94	GEN 4:14	شَ عِ بَرَ ﭑ كٍرِ يِ بْشِ مَ تٌ، وٌن تَفِ عِكُيَمَ نّ. ﭑ قِندِ مَ حّرّتِ نَن نَ. مِشِ نَشَن نَ سَ ﭑ تٌ، عَ ﭑ قَشَمَ نّ.»
100	GEN 4:20	عَدَ نَشَ يَبَلَ سْتْ. يَبَلَ، شُرُ سٍ دّ مَدٌنيِيٍ نُن كِرِ بَنشِ كَنيِيٍ بَبَ نَ عَ رَ.
103	GEN 4:23	لَمٍكِ نَشَ عَ قَلَ عَ شَ فِنّيٍ بّ، «عَدَ نُن سِلَهِ وٌ شَ وٌ هَاكّ تٌ ﭑ بّ. لَمٍكِ شَ فِنّيٍ، وٌ شَ وٌ تُلِ مَتِ ﭑ مَ وْيّنيِ رَ. ﭑ بَرَ شّمّ ندٍ قَشَ فبٍحْشْي رَ. ﭑ بَرَ نَ سّفّتَلَ قَشَ بَرِ مَ عَ بَرَ ﭑ مَشْنْ.
105	GEN 4:25	عَدَ مَ نُن عَ شَ فِنّ نَشَ كَقُ. مَهَوَ نَشَ دِ سْتْ نَشَن شِلِ سٍتِ. عَ بَرَ نَ شِلِ سَ عَ شَ دِ شُن مَ بَرِ مَ عَلَ بَرَ عَ شَ دِ هَبِلَ حْشْي سٌ عَ يِ رَ كَبِلَ نَشَن قَشَ.
107	GEN 5:1	عَدَ مَ نُن عَ بْنسْي شَ تَرُشُي نَن يَ. عَلَ تٌ عِبُنَدَ مَ دِيٍ دَا، عَ نَشَ عَ قْشِ لُ عٍ مَ.
108	GEN 5:2	عَ نَشَ عٍ دَا شّمّ نُن فِنّ. عَ بَرَكّ سَ عٍ مَ. عَ عٍ شِلِ سَ «عَدَ مَ.»
109	GEN 5:3	عَدَ مَ تٌ بُ حّ كّمّ حّ تٌنفٌ سَشَن، عَ نَشَ دِ سْتْ عَ يّتّ مِسَالِ رَ. عَ نَشَ عَ شِلِ سَ سٍتِ.
110	GEN 5:4	سٍتِ شَ بَرِ دَنفِ شَنبِ، عَدَ مَ نَشَ بُ حّ كّمّ سٌلٌمَسَشَن. عَ نَشَ دِ شّمّ نُن دِ فِنّ فبّتّيٍ سْتْ.
111	GEN 5:5	عَدَ مَ شَ سِمَيَ نَشَ سِفَ حّ كّمّ سٌلٌمَنَانِ نُن حّ تٌنفٌ سَشَن. نَ شَنبِ عَ نَشَ قَشَ.
130	GEN 5:24	عٍنٌكِ نَشَ بِرَ عَلَ قْشْ رَ. نَ شَنبِ عَ مُ لُ نَ سْنْن، بَرِ مَ عَلَ بَرَ عَ شَنِن.
141	GEN 6:3	نَ شَنبِ، عَلَتَلَ نَشَ عَ قَلَ، «ﭑ مُ تِنمَ نِي شَ بُ عَدَ مَ قَتٍ عَبَدَن، بَرِ مَ دَالِسٍ نَ عَ رَ. عَ مُ دَنفِمَ حّ كّمّ حّ مْشْحّن نَ.»
142	GEN 6:4	نَ وَشَتِ، عَ نُن وَشَتِ نَشَن قَ نَ شَنبِ رَ، نَبِيٌرٌ بْنسْي نُ نَ دُنِحَ مَ. نَ مَلٍكّيٍ نُن نَ دِ فِنّيٍ نَن نٍيٍ بَرِشِ. فٍرٍ سٌي بٍلٍبٍلٍيٍ نُن شِلِ شُنفبٍ كَنيِيٍ نَن نُ نَبِيٌرٌ بْنسْي رَ.
143	GEN 6:5	عَلَتَلَ نَشَ عَ تٌ عَدَ مَ بَرَ كٌبِ. تّمُي بِرِن عَ شَ مَحْشُنيِيٍ قِندِشِ عَ كٌبِ نَن نَ.
144	GEN 6:6	نَ نَشَ عَلَتَلَ تْورْ هَن عَ بَرَ عَ يّتّ مَشْرِن مُنقٍ رَ عَ عَدَ مَ دَاشِ. نَ قٍ نَشَ عَ بْحّ تْورْ كِ قَنيِ.
145	GEN 6:7	عَلَتَلَ نَشَ عَ قَلَ، «عَدَ مَ بِرِن ﭑ نَشَن دَاشِ، ﭑ نَ بِرِن تٌنفٌمَ نّ دُنِحَ مَ. مِشِ يٌ، سُبٍ يٌ، بُبُسٍ يٌ، شْنِ نَشَن حّرّ مَ كٌورٍ مَ يٌ، ﭑ نَ بِرِن تٌنفٌمَ نّ دُنِحَ مَ، بَرِ مَ ﭑ بَرَ نِمِسَ عَدَ مَ دَاقٍ رَ.»
147	GEN 6:9	نُهَ شَ تَرُشُي نَن يَ. نُهَ نُ قِندِشِ تِنشِنتْي نُن سّنِيّنتْي نَن نَ نَ وَشَتِ مِشِيٍ تَفِ. عَ نُ بِرَ مَ عَلَ نَن قْشْ رَ.
151	GEN 6:13	نَ كُي عَلَ نَشَ عَ مَسٍن نُهَ بّ، «ﭑ وَ مَ عَدَ مَ بِرِن تٌنفٌقٍ دُنِحَ مَ، بَرِ مَ دُنِحَ بَرَ كٌبِ عَ حَاشِ رَ. ﭑ وَ مَ عَدَ مَ بِرِن نُن دُنِحَ بِرِن كَنَقٍ.
161	GEN 7:1	عَلَتَلَ نَشَ عَ مَسٍن نُهَ بّ، «سٌ كُنكُي كُي، عِ تَن نُن عِ شَ دٍنبَيَ بِرِن، بَرِ مَ عِ تَن تِنشِنتْي نَن عِ رَ يِ وَشَتِ مِشِيٍ تَفِ.
162	GEN 7:2	سُبٍ رَدَشَشِ بِرِن، عِ شَ شّمّ سٌلٌقٍرٍ نُن فِنّ سٌلٌقٍرٍ بَكِ. سُبٍ رَهَرَ مُشِ بِرِن، عِ شَ شّمّ كٍرٍن نُن فِنّ كٍرٍن بَكِ.
164	GEN 7:4	«شِ سٌلٌقٍرٍ نَ دَنفِ، ﭑ تُنّ رَفٌرٌ مَ بْشِ مَ. شِ تٌنفٌ نَانِ تُنّ قَمَ كْي نُن يَنيِ. نِمَسٍ بِرِن ﭑ نَشَن دَاشِ، نَ بِرِن سْنتْمَ نّ.»
168	GEN 7:8	سُبٍ رَدَشَشِيٍ، سُبٍ رَهَرَ مُشِيٍ، شْنِيٍ، نُن بُبُسٍيٍ، عٍ بِرِن
174	GEN 7:14	بُورُنيِ سُبٍ بْنسْي بِرِن، شُرُ سٍ بْنسْي بِرِن، بُبُسٍ بْنسْي بِرِن، عَ نُن شْنِ بْنسْي بِرِن، عٍ نَشَ سٌ كُنكُي كُي.
180	GEN 7:20	يٍ نَشَ دُ سُ فٍيَ شُن هَن كَنكٍ يَ سٌلٌقٍرٍ نُن عَ تَفِ.
181	GEN 7:21	نِمَسٍ نَشَن بِرِن نُ حّرّ مَ دُنِحَ مَ، عٍ بِرِن نَشَ قَشَ؛ شْنِيٍ، شُرُ سٍيٍ، بُورُنيِ سُبٍيٍ، بُبُسٍيٍ، عَ نُن عَدَ مَدِيٍ.
183	GEN 7:23	عَلَ نَشَ نِمَسٍ بِرِن بَ دُنِحَ مَ. نِمَسٍ بِرِن نَشَ قَشَ؛ عَدَ مَدِيٍ، شُرُ سٍيٍ، بُبُسٍيٍ، عَ نُن شْنِ نَشٍيٍ حّرّ مَ كٌورٍ مَ، قٌ نُهَ كٍرٍن، عَ نُن نَشٍيٍ نُ نَ عَ شُن مَ كُنكُي كُي.
185	GEN 8:1	كْنْ عَلَ نَشَ رَتُ نُهَ مَ، عَ نُن بُورُنيِ سُبٍ نُن شُرُ سٍ نَشٍيٍ نُ نَ عَ شُن مَ كُنكُي كُي. عَلَ نَشَ قٌيٍ رَدِن دُنِحَ مَ، يٍ قَ شْرِ قْلْ.
193	GEN 8:9	كْنْ نَ فَنبّ نَشَ يِرٍ مَتٌ، سَنتِدٍ مُ نَ، بَرِ مَ يٍ دِنشِ دُنِحَ بِرِن مَ. عَ نَشَ فبِلٍن نُهَ يِرٍ. نُهَ نَشَ فَنبّ تٌنفٌ، عَ عَ رَ سٌ كُنكُي كُي.
205	GEN 8:21	نَ تُورِ تٌ تٍ، عَلَتَلَ نَشَ نَ فَن شِرِ مّ. عَ نَشَ رَقَن عَ مَ. عَ نَشَ عَ قَلَ عَ بْحّ مَ، «ﭑ مُ بْشِ دَنكَمَ سْنْن عَدَ مَ شَ قٍ رَ، بَرِ مَ ﭑ نَ كٌلٌن عَدَ مَ بْحّ مُ قَن كَقِ عَ دِ مّدِ تّمُي. ﭑ مُ نِمَسٍ بِرِن سْنتْمَ سْنْن عَلْ ﭑ نَ سِنفٍ رَبَ كِ نَشّ.
210	GEN 9:4	«كْنْ وٌ نَشَ سُبٍ دٌن، نَشَن وُلِ مُ بَشِ، بَرِ مَ عَ وُلِ قِندِشِ سُبٍ نِي نَن نَ.
211	GEN 9:5	سُبٍ يٌ نَشَن وٌ نِي بَمَ، شَ نَ مُ عَ رَ مِشِ يٌ نَشَن عَ بٌورٍ عَدَ مَدِ نِي بَمَ، نَ كَنيِ نَن فبٍ نَ نَ نِي كٌتٍ سَرٍ رَ.
212	GEN 9:6	مِشِ نَشَن عَدَ مَدِ نِي بَمَ، مِشِ نَن نَ كَنيِ قَن نِي بَمَ، بَرِ مَ عَلَ قْشِ بَرَ لُ عَدَ مَ مَ.
216	GEN 9:10	عَ نُن نِمَسٍ نَشَن بِرِن نُ نَ كُنكُي كُي؛ شْنِيٍ، شُرُ سٍيٍ، بُورُنيِ سُبٍيٍ، نِمَسٍ نَشَن بِرِن نَ دُنِحَ مَ.
237	GEN 10:2	يٍقٍتِ شَ دِيٍ شِلِيٍ نَن يَ؛ فٌمٍرِ، مَفٌفٌ، مَدَيِ، يَوَنِ، تُبَلِ، مٍسٍكِ، تِرَ سِ.
238	GEN 10:3	فٌمٍرِ شَ دِيٍ شِلِيٍ نَن يَ؛ عَسِكٍنَسِ، رِقَتِ، تٌفَرَ مَ.
239	GEN 10:4	يَوَنِ شَ دِيٍ شِلِيٍ نَن يَ؛ عٍلِسَهَ، تَرَ سِسِ، كِتِمِ، رٌدَنِمِ.
243	GEN 10:8	نِمِرٌدِ فٍرٍ سٌي بٍلٍبٍلٍ نَن نُ عَ رَ. عَ بَبَ شِلِ كُسِ.
247	GEN 10:12	نُن رٍ سٍن، تَا بٍلٍبٍلٍ نَشَن نَ نِنٍوٍ نُن كَلَ تَفِ.
249	GEN 10:14	ثَتِرُ سُكَيٍ، كَسَلُشُكَيٍ، (قِلِسِتَكَيٍ كٍلِ دّننَشّ)، عَ نُن كَقَتٌرٌكَيٍ بٍنبَ رَ.
254	GEN 10:19	كَنَان شَ نَانِنيِ نَشَ كٍلِ سِدْن سِفَقٍ فٍرَرَ، عَ نَشَ سِفَ هَن فَسَ، عَ دَنفِ سٌدٌ مَ، فٌمٌرَ، عَدَ مَهَ، نُن سٍبٌيِمِ رَ، عَ سِفَ هَن لَسَ.
257	GEN 10:22	سٍمِ شَ دِيٍ شِلِيٍ نَن يَ؛ عٍلَمَ، عَسُرِ، عَرَقَشَدِ، لُدُ، نُن عَرَ مِ.
258	GEN 10:23	عَرَ مِ شَ دِيٍ شِلِيٍ نَن يَ؛ عُسِ، شُلُ، فٍتٍرِ، نُن مٍسٍكِ.
260	GEN 10:25	عٍبٍرِ نَشَ دِ قِرِن سْتْ. كٍرٍن شِلِ ثٍلٍفِ. نَ نَن قَلَشِ «مَءِتَشُنيِ،» بَرِ مَ عَلَ دُنِحَ مِشِيٍ عِتَشُن نَ وَشَتِ نّ. عَ شُنيَ شِلِ يٌكَتَن.
261	GEN 10:26	يٌكَتَن شَ دِيٍ شِلِيٍ نَن يَ؛ عَلٌمٌدَدِ، سٍلٍقَ، هَسَرَ مَوٍتٍ، يٍرَ،
262	GEN 10:27	هَدٌرَ مِ، عُسَلِ، دِكِلَ،
273	GEN 11:6	عَلَتَلَ نَشَ عَ مَسٍن، «شَ يِ مِشِيٍ بَرَ كَقُ عٍ بٌورٍ مَ يِ وَلِ رَبَدٍ، عٍ نَ شُي كٍرٍن قَلَ، وَلِ بِرِن عٍ وَ مَ نَشَن نَبَقٍ، عَ سْونّيَمَ نّ.
276	GEN 11:9	نَ يِرٍ شِلِ نَشَ سَ بَبٍلِ، بَرِ مَ عَلَتَلَ دُنِحَ مِشِيٍ شُييٍ رَوُيَ مّننِ نّ، عَ قَ عٍ رَيٍنسٍن يّ دُنِحَ بِرِن مَ.
293	GEN 11:26	تٍرَ تٌ حّ تٌنفٌ سٌلٌقٍرٍ سْتْ، عَ نَشَ قِندِ عِبُرَ مَ، نَشٌرِ، نُن شَرَنِ بَبَ رَ.
294	GEN 11:27	تٍرَ شَ تَرُشُي نَن يَ. تٍرَ نَشَ قِندِ عِبُرَ مَ، نَشٌرِ، نُن شَرَنِ بَبَ رَ. شَرَنِ نَشَ قِندِ لٌتِ بَبَ رَ.
296	GEN 11:29	عِبُرَ مَ نُن نَشٌرِ نَشَ فِنّيٍ قٍن، عٍ نَشَ قُتِ شِرِ. عِبُرَ مَ شَ فِنّ شِلِ سَرَيِ. نَشٌرِ شَ فِنّ شِلِ مِلِكَ. مِلِكَ شَرَنِ شَ دِ نَ عَ رَ. دِ قِرِن نُ نَ شَرَنِ يِ رَ، مِلِكَ نُن عِسِكَ.
298	GEN 11:31	تٍرَ نَشَ عَ شَ دِ عِبُرَ مَ، عَ شَ مَمَدِ لٌتِ، نَشَن قِندِشِ شَرَنِ شَ دِ رَ، نُن عِبُرَ مَ شَ فِنّ سَرَيِ تٌنفٌ، عٍ نَشَ كٍلِ عُرُ كَلِدِ بْشِ مَ سِفَقٍ رَ كَنَان بْشِ مَ. كْنْ عٍ تٌ شَرَنِ لِ، عٍ نَشَ سَبَتِ مّننِ.
300	GEN 12:1	عَلَتَلَ نَشَ عَ مَسٍن عِبُرَ مَ بّ، «عِ شَ بْشِ بّحِن، عِ شَ مِشِيٍ بّحِن، عِ شَبِلّ بّحِن. عِ شَ سِفَ بْشِ مَ ﭑ دّننَشّ مَسٍنمَ عِ بّ.
301	GEN 12:2	ﭑ عِ قِندِ مَ نّ سِ بٍلٍبٍلٍ رَ. ﭑ بَرَكّ سَمَ نّ عِ شَ قٍ. ﭑ عِ شِلِ فبٌمَ نّ. مِشِيٍ قَن بَرَكّ سْتْمَ عِ تَن نَن سَابُي رَ.
303	GEN 12:4	نَ تّمُي عِبُرَ مَ نَشَ كٍلِ شَرَنِ عَلْ عَلَتَلَ عَ مَسٍنشِ عَ بّ كِ نَشّ. لٌتِ قَن نَشَ بِرَ عَ قْشْ رَ.
304	GEN 12:5	عِبُرَ مَ تٌ كٍلِ شَرَنِ، عَ شَ سِمَيَ نُ بَرَ حّ تٌنفٌ سٌلٌقٍرٍ نُن سُولِ لِ. عَ نَشَ عَ شَ فِنّ سَرَيِ، عَ شُنيَ شَ دِ لٌتِ، عَ هَرِفٍ بِرِن، نُن مِشِيٍ عَ نَشٍيٍ سْتْ شَرَنِ، عَ نَشَ عٍ بِرِن شَنِن كَنَان بْشِ مَ.
305	GEN 12:6	عِبُرَ مَ نَشَ حّرّ هَن عَ نَشَ وُرِ بِلِ بٍلٍبٍلٍ ندٍ لِ دّننَشّ شِلِ مٌرٍ، سِكٍمِ مَبِرِ. كَنَانكَيٍ نُ سَبَتِشِ مّننِ نّ.
306	GEN 12:7	عَلَتَلَ نَشَ عَ يّتّ مَسٍن عِبُرَ مَ بّ. عَ نَشَ عَ قَلَ، «ﭑ يِ بْشِ نَن قِمَ عِ بْنسْي مَ.» نَ كُي عِبُرَ مَ نَشَ سّرّشّبَدٍ يَءِلَن عَلَتَلَ بّ نَشَن مِنِشِ عَ مَ.
309	GEN 12:10	نَ تّمُي، كَامّ نُ بَرَ دِن كَنَان بْشِ رَ. عِبُرَ مَ نَشَ سِفَ مِسِرَ.
310	GEN 12:11	بٍينُ عٍ شَ سٌ مِسِرَ بْشِ مَ، عِبُرَ مَ نَشَ عَ قَلَ عَ شَ فِنّ سَرَيِ بّ، «ﭑ عَ كٌلٌن، فِنّ تٌقَنيِ نَن عِ رَ.
313	GEN 12:14	عِبُرَ مَ تٌ مِسِرَ لِ، مِسِرَكَيٍ نَشَ عَ تٌ، سَرَيِ فِنّ تٌقَنيِ نَن عَ رَ.
315	GEN 12:16	مَنفّ نَشَ مّينِ عِبُرَ مَ مَ سَرَيِ سَابُي رَ. عَ نَشَ شُرُ سٍ لَنمَيٍ، شُرُ سٍ شُنفبٍيٍ، سٌقَلٍيٍ، كٌنيِيٍ، نُن حْشْمّيٍ قِ عَ مَ.