| 41 | GEN 2:10 | मिनु रू कली जिप्पाइक्चा, दे एदेन रे खोला का ग्रूमाक्त। मेको खोला नोले ब्राशा, ४ ओटा खोला दुम्शो बाक्मा बाक्त। इजीकीएल ४७:१-१२ |
| 42 | GEN 2:11 | ङोंइती ङा खोला आ नें पीशोन बाक्ब। मेको खोला हवीलाह रागी आ एर ओंथ रे लशो बाक्ब। मेको रागीमी सुन बाक्बाक्माक्त। |
| 43 | GEN 2:12 | मेको रागी ङा सुन रिम्शो बाक्बाक्माक्त। मेकेर गोकुल धूप नु ओनीक्स माइश्शो हीरा यो बाक्बाक्माक्त। |
| 44 | GEN 2:13 | मेको आ नोले ङा खोला आ नें गिहोन बाक्ब। मेको कूश माइश्शो रागी आ एर ओंथ हिरशो बाक्ब। |
| 54 | GEN 2:23 | मिनु आदममी “ओहो, एको रुश, आं रां ङा रुश बाक्त। एको श्ये आं रां ङा श्ये बाक्त” दे तुइक्ता बाक्त। मिनु मेकोमी “मेको आ नें मीश मुर वोइक्चा माल्ब। मारदे हना वोंइश मुर आ रां रे शोल्शो बाक्ब” देंमाक्त। |
| 80 | GEN 3:24 | परमप्रभुमी मेको आस कली खेरसी बाक्त। मेको आस कली खेरशा, एदेन रू ङा पूर्बमी आ स्वर्ग ङा करूब माइश्शो गेय पाइब वोदा बाक्त। मेकेर मी ब्रशो एर ओंथ हिरब तरवार का यो वोदा बाक्त। मेको ब्रोंइपाइक्ब रवा आ फल ब्वचा मताम्सेक्ल, दे कोव़ब वोदा बाक्त। |
| 152 | GEN 6:14 | गे चहिं खिं खोदेंशो पा शी के ठेयब डोंगा का सेलो। मिनु आगामी कोठापुकी सेलो। ब्वाक्कु मओव़चा ङा पा आगा नु लाङगा अल्कत्राम सिल्दो” दे नोआह कली देंमाक्त। |
| 156 | GEN 6:18 | तन्न गो इन कली कोव़नुङ, गे नु आं कबल पाइनुङ। मिनु गे, इ तौपुकी, इ मीश, नु इ चाइमीपुकी मेको डोंगामी ओव़चा माल्नीनी। मेको नेल्ल गे नु ब्रोंइचा माल्नीम। मेको पोथी भाले, बी ब्यफ नेल्ल निक्निक्शी बाक्चा माल्नीम। उत्पत्ती ९:९ |
| 157 | GEN 6:19 | गेपुकी नु मारेइ मारेइ सेस जन्तु निक्निक्शी ओव़चा माल्नीम। |
| 158 | GEN 6:20 | मारेइ मारेइ चिक्ब, मारेइ मारेइ जन्तु नु मारेइ मारेइ खपीम ग्रेशा गाक्ब आइक्च जन्तु निक्निक्शी ब्रोंइचा, दे गे नु डोंगामी ओव़शा, बाक्चा माल्नीम। |
| 159 | GEN 6:21 | मिनु इन कली, मार मार जचा ब्वचा ओंइशा, उप्शा वोतो। मेको इन कली नु मेको आन कली जचा थोव़क दुम्ब” दे परमप्रभुमी नोआह कली अरेवा बाक्त। |
| 161 | GEN 7:1 | मिनु परमप्रभु यावेमी नोआह कली “गे नु इ खिं ङा मुर नेल्ल शी के ठेयब डोंगामी ओव़ङीन। मारदे हना एको पाला ङा मुर आन दातेमी गे का ला ठीक पाइब बाक्नेवे। उत्पत्ती ६:८ |
| 167 | GEN 7:7 | मिनु नोआहम मार पवा बाक्त देंशा हना, ङोंइती आ तौपुकी, आ मीश, आ चाइमीपुकी ब्वाक्कु रे प्रोंइचा कली ठेयब डोंगामी ओव़पाइक्मी बाक्त। १ पत्रुस ३:२० |
| 169 | GEN 7:9 | निक्निक्शी बी ब्यफ, जोड जोड भाले पोथी नोआह नु ठेयब डोंगामी ओव़मा बाक्त। परमप्रभुमी दोपा नोआह कली अरेवा, मोपा पवा बाक्त। उत्पत्ती ६:१९-२० |
| 173 | GEN 7:13 | मेको रेउ यिचा आ ङोंइती नाक्ती नोआह नु आ तौ शेम, हाम, नु यफेथ सांफा, नोआह आ मीश नु आ चाइमी सांफा मेको डोंगामी ओव़मा बाक्त। |
| 175 | GEN 7:15 | जोड जोड पा नोआह नु ठेयब डोंगामी ओव़मा बाक्त। |
| 176 | GEN 7:16 | मिनु ब्रोंइशा बाक्ब नेल्ल जोड जोड पा, भाले पोथी नेल्ल ओव़मा बाक्त। परमप्रभुमी नोआह कली दोपा अरेवा, मोपा नेल्ल टिशा पवा बाक्त। मेको नेल्ल ओव़मा नोले परमप्रभु यावेमी लाप्चो चोक्गा बाक्त। उत्पत्ती ६:१९ |
| 191 | GEN 8:7 | मिनु मेकेर रे खद का सोइक्ता बाक्त। मेको रागी ङा ब्वाक्कु मसोव़म सम्म एर ओंथ बेरशा बाक्माक्त। |
| 193 | GEN 8:9 | मेको ढुकुर चहिं जुक्तीक मथित्थु लेश्शा, नोआह आ बाक्तीके जाक्माक्त। मारदे हना आ लतीकेमी ब्वाक्कुम सुम्शो बाक्माक्त। मिनु नोआहम गुइ दिंशा ताक्शा, मेको कली ओंइदा बाक्त। |
| 229 | GEN 9:23 | मेको नेंशा, शेम नु यफेथम वा का सुर सुरम ग्याइश्शा लाप्शा, नोले रे ग्रेना ग्रेन लशा, आस आफ आ ताम्बु ओव़सा बाक्त। मिनु आस आफ आ भेत्रे रां सुम्से बाक्त। नोले रे ग्रेशा, आस आफ आ शिश्रा रां मताम्से बाक्त। |
| 263 | GEN 10:28 | ओबाल, अबीमा-एल, शेबा, |
| 264 | GEN 10:29 | ओफीर, हवीलाह नु योबाब आन आफ दुम्माक्त। मेको नेल्ल योकतन आ तौ बाक्मा बाक्त। |
| 310 | GEN 12:11 | मिनु इजीप्त ओव़चा क्येङा ङोंइती अब्राममी आ मीश साराइ कली “नेनो, गे दारशो मीश मुर बाक्नेवे। |
| 314 | GEN 12:15 | मिनु फाराओ माइश्शो पिप आ मुरपुकीमी साराइ कली तशा “थम दारशो मीश मुर का ताइतक” दे मदमे बाक्त। मिनु साराइ कली फाराओ आ खिं लदमे बाक्त। |
| 315 | GEN 12:16 | मिनु साराइ आ पर्बम अब्राम भेडा, ब्यफ, गधा, वाइलीम वाइल नु दलओंठ मारेइ मारेइ गेचा पुंइसे बाक्त। |
| 316 | GEN 12:17 | तन्न परमप्रभु यावेमी फाराओ नु आ खिं ङा मुर आन कली अब्राम आ मीश साराइ आ पर्बम ठेयब श्येत गेवा बाक्त। |
| 317 | GEN 12:18 | मिनु फाराओमी अब्राम कली ब्रेश्शा “गे आं कली मार पवी? मारदे ‘इ मीश बाक्ब’ मदेने? |
| 319 | GEN 12:20 | फाराओमी मेको लोव़ आ मुर आन कली माइश्शा, अब्राम, आ मीश नु आ नु बाक्ब नेल्ल आन कली मेकेर रे सोइक्तमे बाक्त। |
| 338 | GEN 14:1 | मिनु शिनार ङा पिप अम्राफेल, एल्लासार ङा पिप अरयोक, एलाम ङा पिप केदोर-लाओमेर नु गोयीम रागी ङा पिप तिदालम सासन पामे ना, यहोसु १२:२३ |
| 341 | GEN 14:4 | मारदे हना मेकोपुकीमी लडाइ का ब्रुशा नोले, १२ बर्स सम्म श्येत जशा, पिप केदोर-लाओमेर कली मार मार गेचा माल्मा बाक्त। मोपतीके मेकोपुकीम १३ बर्समी “मगेय, लडाइ पय” दे सल्ला पामे बाक्त। |
| 342 | GEN 14:5 | मिनु १४ बर्समी पिप केदोर-लाओमेर नु मेको आ वारच पिपपुकी अश्तारोथ-कारनाइमम बाक्ब रेफाइमपुकी, हामम बाक्ब जूजीमपुकी, शावेह-किरयथ-थाइम बाक्ब एमीमपुकी, उत्पत्ती ३६:२०-३० |
| 346 | GEN 14:9 | सिददीम दिंममी एलाम ङा पिप केदोर-लाओमेर गोयीम रागी ङा पिप तिदाल, शिनार ङा पिप अम्राफेल नु एल्लासार ङा पिप अरयोक नु लडाइ पथ जाक्मा बाक्त। ४ जना पिपपुकीम ५ जना पिप नु लडाइ पशो बाक्मा बाक्त। |
| 348 | GEN 14:11 | मिनु केदोर-लाओमेर नु आ हुलमी सोदोम नु गोमोररा सहर ङा मुर नु आन मार मार नेल्ल रोइश्शा लदमे बाक्त। |
| 354 | GEN 14:17 | मोपा अब्राम केदोर-लाओमेर नु आ वारच पिपपुकी नु लडाइ पशा ग्राशा, लेश्शा नोले सोदोम ङा पिप शावेह माइश्शो दिंमम जाक्शा, अब्राम कली ग्रुम्थ जाक्माक्त। शावेह माइश्शो दिंम कली पिप आन दिंम यो देंनीम। हिब्रू ७:१-४ |
| 371 | GEN 15:10 | मिनु अब्राममी मेको नेल्ल चाक्शा क्योरशा, फेके पा रिक्शा, फेके का एर गे, फेके का ओंथ गे पा वोदा बाक्त। ढुकुर नु परवा चहिं फेके मसेला बाक्त, येरमीया ३४:१८-१९ |
| 373 | GEN 15:12 | मिनु नां रिक्चावानु, अब्राम मारेइ मतुइक्चा ङा पा निन्द्रा पवा बाक्त। मिनु शुश हिंचा माल्शो आ एर ओंथ नेल्ल छिङछिङ दुम्माक्त। उत्पत्ती २:२१; १सामुएल २६:१२; यसैया २९:१० |
| 378 | GEN 15:17 | मिनु नां रिक्शा, छिङछिङ दुम्शा नोले मी ब्रशो चुप्लु का ग्रूमाक्त। मिनु ब्रशो तोव़शी का मेको श्ये आ एर ओंथ गाक्माक्त। प्रस्थान १९:१८ |
| 461 | GEN 19:3 | मिनु लोतमी शुश लोव़ पवा नोले आ खिंमी बास बाक्सा बाक्त। लोतमी मेको आस कली ब्रोव़ब्रोव़शो क्येशा, बोरब ओख्ती मसुप्शो शोब्ले सेला बाक्त। मिनु जाम्से बाक्त। |
| 462 | GEN 19:4 | मिनु इप्चा क्येङा ङोंइती सोदोम सहर ङा वोंइश मुरपुकी खिं आ एर ओंथ खुम्सीशा बाक्मा बाक्त। खाल्पा, ठिटा सहर ङा वोंइश मुर नेल्ल खुम्सीशा बाक्मा बाक्त। |
| 474 | GEN 19:16 | मिनु लोत कली ओंखां बोक्शो तशा, मेको कली आ तमी निक्शी नु आ मीशे आन कली गुइ रे कीशा, सहर रे ग्रुंइदसे बाक्त। मोपा परमप्रभु यावेमी लोत नु आ खिं ङा मुर आन कली दाक्शा प्रोंइमी बाक्त। |
| 481 | GEN 19:23 | मिनु लोत सोआर सहर ओव़ची ना रागीमी नां दाप्ने थुम्शो बाक्माक्त। |
| 505 | GEN 20:9 | मिनु अबीमेलेकम अब्राहाम कली यो ब्रेत्ता बाक्त। मिनु मेको कली “मारदे आंइ कली ओदेंशो पवी? गो नु आं रागी कली ओदेंशो मरिम्शो पपाइक्चा कली गो इ कली मार मरिम्शो पाइक्ना? गे मपचा ङा गेय पाप्तीवी। |
| 506 | GEN 20:10 | गे मारदे ओदेंशो पचा मिम्ती?” देंमाक्त। |
| 542 | GEN 21:28 | अब्राहामम ७ ओटा पाठी चहिं बगाल रे ग्रुंइशा, वोदा बाक्त। |
| 543 | GEN 21:29 | मिनु अबीमेलेकम “मेको ७ ओटा पाठी मारदे वोइक्नी?” दे हिल्लो पवा बाक्त। |
| 544 | GEN 21:30 | मिनु “मेको ७ ओटा पाठी आं गुइ रे लाइक्चा माल्नीनी। गो आं दोशो इनार आ सांकछी दुम्नीनी” देंमाक्त। |
| 589 | GEN 23:17 | माक-पेलामी बाक्शो एफ्रोन आ रू माम्रे आ पूर्ब गे बाक्शो बाक्माक्त। मोपा रू नु पुक्खी, रूमी बाक्शो रवा नेल्ल नु एर ओंथ सुरम ख्रुम्शो रवा यो |
| 602 | GEN 24:10 | मिनु नोले मेको वाइलम आ होव़प आ दलओंठ १० ओटा लाइश्शा, आ होव़प के मारेइ मारेइ रिम्शो कोसेली कुरशा लमाक्त। मेकेर रे लशा, मेसोपोटामीया रागीमी नाहोर आ बाक्तीक सहर, अराम-नहराइम मेर जाक्दीम्माक्त। उत्पत्ती ११:२२-३१ |
| 603 | GEN 24:11 | मिनु मेकेर जाक्दीश्शा, नाक्नाक्दो मीश मुरपुकी ब्वाक्कु दिथ जाक्ची ना, सहर मओव़थु, दलओंठपुकी इनार आ नेक्था नाइक्पदा बाक्त। |
| 606 | GEN 24:14 | गो मीश आल कली ‘इ गाग्री ङा ब्वाक्कु इच्का तूचा गेयी’ देंनुङ। मेको मीश आलमी ‘तूङो। गो इ दलओंठ आन कली यो ब्वाक्कु तुंइनुङ’ देंत हना, मेको मीश आल इन गेय पाइब इसहाक कली योव़शो बाक्ल। मोदेंशो दुम्त हना, गे आं होव़प कली इन गेना हना यो दाक्तीके कोंइताक्नी, दे गो तुइक्नुङ” दे परमप्रभु कली लोव़ पवा बाक्त। |
| 611 | GEN 24:19 | मिनु तूचा गेने थुम्शा “गो इन दलओंठ आन कली यो ब्वाक्कु चाक्शा, मरूमा सम्म तुंइनुङ” देंमाक्त। |
| 612 | GEN 24:20 | मिनु आ गाग्री ङा ब्वाक्कु मेकेर बाक्शो शुंगुमी मोइश्शा, दोरशा ब्वाक्कु ब्रथ लमाक्त। दलओंठ नेल्ल आन कली मरूमा सम्म ब्वाक्कु तुंइदा बाक्त। |
| 614 | GEN 24:22 | मिनु दलओंठ रूथ्री ब्वाक्कु तूङमे नोले वाइलम आधी शेकेल सुन के मुन्द्री नु १० शेकेल सुन के चुरा निक्शी शोल्शा, रेबेका कली गेवा बाक्त। शेकेल का ११.५ ग्राम बाक्ब। |
| 622 | GEN 24:30 | मारदे हना मेकोमी आ समी आ मुन्द्री नु चुरा तशा “मेको मुरुम आं कली मोदेंशो लोव़ पाप्तु” देंशो नेंशा, लाबान मेको मुर कली ग्रुम्थ लमाक्त। मेको मुर आ दलओंठ नु इनारम बाक्शो बाक्माक्त। |
| 623 | GEN 24:31 | मिनु लाबानम मेको कली “परमप्रभु यावे आ आसीक राइब, गे मारदे मेकेर बाक्नीनी? आंइ खिं पिने। गे नु इन दलओंठ आन कली मारेइ मारेइ ठीक पाता” देंमाक्त। |
| 624 | GEN 24:32 | मिनु वाइल खिं ओव़माक्त। लाबानमी दलओंठ तार वोइश्शो नेल्ल शोल्शा, थुल्चा कली नल लाप्ता बाक्त। मिनु मेको मुर नु आ गेय पाइब आन कली खोइल चिक्चा कली ब्वाक्कु यो गेवा बाक्त। |
| 627 | GEN 24:35 | मिनु परमप्रभु यावेमी आं होव़प कली शुश आसीक गेप्तु। मिनु शुश शोंप पाइश्शो दुम्त। मेकोमी मेको कली क्यारश भेडा, सुन चांदी, वाइलीम वाइल, दलओंठ नु गधा शुश गेप्तु। |
| 636 | GEN 24:44 | मिनु मेको मीश आलमी तूङीन, गो इन दलओंठ आन कली यो ब्वाक्कु तुंइनुङ, देंत हना, मेको मीश आल आं होव़प आ तौ कली परमप्रभु यावेमी योव़शो बाक्ल’ देंती। |
| 638 | GEN 24:46 | मिनु मेकोमी आ गाग्री रीब पा नाइश्शा ‘तूङो। गो इन दलओंठ आन कली यो तुंइनुङ’ देंत। मिनु गो तूता। मेकोमी आं दलओंठ आन कली ब्वाक्कु तुंइताक्व। |
| 653 | GEN 24:61 | मिनु नोले रेबेका नु आ वारच पाइब बोक्शा, दलओंठ ङोइश्शा, मेको मुर नु लसा बाक्त। मोपा वाइलमी रेबेका कली लाइश्शा, आ होव़प आ खिं लेम्माक्त। |
| 655 | GEN 24:63 | मिनु नाक्नाक्दो रूमी हिरथ लमाक्त। मिनु कोव़ङानु, ङोन रे दलओंठपुकी पिशो तवा बाक्त। |
| 656 | GEN 24:64 | मिनु रेबेकामी इसहाक कली तशा, दलओंठ रे फ्रु तोंइसे बाक्त। |
| 659 | GEN 24:67 | मिनु इसहाकम रेबेका कली आ ममा सारा आ ताम्बुम ओंइदा बाक्त। मिनु नोले ग्युंबे पाम्से बाक्त। मिनु इसहाकम आ मीश कली दाक्ता बाक्त। मोपा इसहाक आ ममा बेक्शो प्रेंदा बाक्त। उत्पत्ती २३:१-२ |
| 681 | GEN 25:22 | मिनु आल निक्शी आ कोव़जम राम्शी पाम्से बाक्त। मिनु रेबेकामी “मुल ओदेंशो दुम्ती हना, मार दुम ङा? दोपा ब्रोंइनुङा ङा?” दे मिम्ता बाक्त। मिनु परमप्रभु यावे कली “मार दुम्नुङा?” दे हिल्लो पवा बाक्त। |
| 874 | GEN 30:43 | मिनु याकूब शुश शोंप पाइश्शो दुम्शा, क्यारश भेडा, वाइलीम वाइल, दलओंठपुकी नु गधा शुश पाइश्शो दुम्माक्त। |
| 891 | GEN 31:17 | मिनु याकूब सुनी कना बोक्शा, आ आलपुकी नु आ मीशपुकी दलओंठ तारी ङोइक्पदा बाक्त। |
| 907 | GEN 31:33 | मिनु लाबानमी याकूब आ ताम्बु, लेआ आ ताम्बु, गेय पाइब निक्शी आस ताम्बु ओव़शा, माल्शा मथिदा बाक्त। लेआ आ ताम्बु रे ग्रूशा, राहेल आ ताम्बु ओव़माक्त। |
| 908 | GEN 31:34 | मिनु राहेलम मेको खिं ङा मूर्ति आन कली दलओंठ आ तारी ङा नित्तीकेमी ख्रुइश्शा, मेको आ तारी निस्से बाक्त। मिनु लाबानमी ताम्बु नेल्लेमी माल्शा मथिदा बाक्त। |
| 936 | GEN 32:8 | मिनु याकूब शुश हिंशा, सुर्ता पवा बाक्त। मेको नु बाक्ब मुर क्यारश भेडा, बी ब्यफ नु दलओंठ आन कली हुल निक्शी पा योक्गा बाक्त। |
| 943 | GEN 32:15 | मेकोमी सहे निक्शी ओटा क्यारश, २० ओटा बोका, सहे निक्शी ओटा भेडा नु २० ओटा सांड, |
| 944 | GEN 32:16 | मिनु ३० ओटा दूध तूब चाइक्ब पाइश्शो दलओंठ, ४० ओटा बी नु १० ओटा ब्यफ, २० ओटा गधैनी नु १० ओटा गधा एसाव कली योव़शा, ठीक पवा बाक्त। |
| 1001 | GEN 34:20 | मिनु हमोर नु आ तौ शेकेम आस सहर ङा लाप्चो ओव़शा, मेको निक्शीमी मुर आन कली |
| 1006 | GEN 34:25 | मिनु नाक्त सां नोले आन ख्रोइक्तीके नेल्ल क्येङा खाइक्मानु, याकूब आ तौ निक्शी, दीना आ लोक्ब, सिमियोन नु लेवी, आस तरवार लाइश्शा, सुइ आन मतुइक्थु, सहर ओव़शा, सहर ङा वोंइश मुर नेल्ल सदसे बाक्त। उत्पत्ती ४९:५-७ |
| 1008 | GEN 34:27 | मिनु याकूब आ अर्को तौपुकी यो सहर ओव़मा बाक्त। मेकोपुकीमी सहर ङा मारेइ मारेइ लदमे बाक्त। मारदे हना शेकेममी आन समी कली बिथोलो पवा बाक्त। |
| 1017 | GEN 35:5 | मिनु मेकोपुकी लचा गोव़मे बाक्त। परमप्रभुमी एर ओंथ ङा सहर ङा मुर आन कली हिंब सेल्मी बाक्त। मोपतीके मेकोपुकीमी मेको आन कली खेदा मपामे बाक्त। प्रस्थान २३:२७; यहोसु १०:१० |
| 1030 | GEN 35:18 | मिनु मेको मबेक्थु, आ सोक्त लची ना आ तौ आ नें बेन-ओनी वोदा बाक्त। आ आफोम चहिं आ नें बेन्यामीन वोदा बाक्त। मेको आ अर्थ आं श्येत ङा तौ बाक्ब। |
| 1043 | GEN 36:2 | एसावमी कनान रागी ङा मीश निक्शी चाक्गा बाक्त। का हित्ती ङा एलोन आ तमी आदाह, अर्को होर ङा हिव्वी सिबोन आ तौ अनाह आ तमी ओहोली-बामा बाक्माक्त। उत्पत्ती २६:३४ |
| 1046 | GEN 36:5 | ओहोली-बामामी येऊश, यालाम नु कोराह थिमाक्त। मेकोपुकी कनान रागीम जरमेशो एसाव आ तौ बाक्मा बाक्त। |
| 1052 | GEN 36:11 | मिनु एलीफाज आ तौपुकी तेमान, ओमार, सेफो, गाताम नु केनाज बाक्मा बाक्त। |
| 1055 | GEN 36:14 | मिनु सिबोन आ तौ अनाह आ तमी, एसाव आ मीश ओहोली-बामा आ तौपुकी येऊश, यालाम नु कोराह बाक्मा बाक्त। |
| 1056 | GEN 36:15 | मिनु एसाव आ तौ आन दाते ङा ठेयब मुर सु सु बाक्मा बाक्त देंशा हना, आ ङोंइती जरमेशो तौ एलीफाज आ तौ तेमान, ओमार, सेफो नु केनाज, |
| 1059 | GEN 36:18 | मिनु एसाव आ मीश ओहोली-बामा आ तौ आन दाते ङा ठेयब मुर येऊश, यालाम नु कोराह बाक्मा बाक्त। मेकोपुकी अनाह आ तमी, एसाव आ मीश ओहोली-बामाम, जरमेशो बाक्मा बाक्त। |
| 1064 | GEN 36:23 | शोबाल आ तौपुकी अल्वान, मानाहाथ, एबाल, शेफो नु ओनाम बाक्मा बाक्त। |
| 1066 | GEN 36:25 | अनह आ आल दीशोन नु आ तमी ओहोली-बामा बाक्सा बाक्त। |
| 1073 | GEN 36:32 | मिनु बेओर आ तौ बेलामी एदोम रागीमी सासन पवा बाक्त। मिनु मेको आ सहर आ नें दिनहाबा बाक्माक्त। |
| 1082 | GEN 36:41 | ओहोली-बामा, एलाह, पिनोन, |
| 1091 | GEN 37:7 | गो नेल्ल रूमी चेरब मुठा फ्रेंशा बाक्तय। मिनु आं मुठा बोक्शा राप्त। मिनु इन मुठापुकी एर ओंथ बाक्शा, आं मुठा कली सेउ पाम्तेक्मे” देंमाक्त। |
| 1093 | GEN 37:9 | मिनु नोले योसेफम लेंशा अर्को ङोमु तवा बाक्त। मिनु आ लोक्ब आन कली “नेनीन, गो अर्को ङोमु का यो ताता। नां, तास्ला नु ११ ओटा सोरुलपुकीम आं कली सेउ पाइक्तीमी” देंमाक्त। |
| 1109 | GEN 37:25 | मिनु शोब्ले जथ निस्सीमा बाक्त। मिनु कोव़ङमेनु, गिलाद सहर रे इश्माएल जात ङा ग्याप्ब लेयब मुर नु आन दलओंठपुकी पिशो तामे बाक्त। मेको आन दलओंठपुकीमी मस्लापुकी, ख्रेक्तीकपुकी नु धूप इजीप्तमी लेयचा कली लाइक्बाक्मा बाक्त। |
| 1120 | GEN 37:36 | मिनु मेको मिदयान ङा मुरपुकीमी योसेफ कली इजीप्त रागी ङा फाराओ आ नेल्ल क्येङा ठेयब गेय पाइब पोतीफर कली लेयङमे बाक्त। |
| 1124 | GEN 38:4 | मिनु लेंशा कोव़ज कुरशा, अर्को तौ का नु थिमाक्त। मेको आ नें ओनान वोदा बाक्त। |
| 1128 | GEN 38:8 | मिनु यहूदामी ओनान कली “रिउम पतीक गेय पा इ लोक्ब आ मीश नु बाक्को। इ लोक्ब कली आल सेलो” दे मदा बाक्त। ब्यवस्था २५:५-१० |
| 1129 | GEN 38:9 | मिनु ओनानमी आ आल मदुम्ब, दे तुइश्शा, आ लोक्ब आ मीश नु बाक्ची ना आ लोक्ब आ आल मसेल्चा, दे आ वांचेर खपीम ताइक्बाक्माक्त। |
| 1136 | GEN 38:16 | मिनु मेको कली “आं कली ओव़चा गेयी” देंमाक्त। मारदे हना आ चाइमी बाक्ब, दे मतुइक्ता बाक्त। मिनु तामारमी “गे गो नु बाक्शो ङा आं कली मार गेनीनी?” दे हिल्लो पवा बाक्त। लेवी १८:१५ |