| 41 | GEN 2:10 | मिनु रू कली जिप्पाइक्चा, दे एदेन रे खोला का ग्रूमाक्त। मेको खोला नोले ब्राशा, ४ ओटा खोला दुम्शो बाक्मा बाक्त। इजीकीएल ४७:१-१२ |
| 45 | GEN 2:14 | मिनु मेको आ नोले ङा खोला आ नें टाइग्रीस बाक्ब। मेको खोला अस्सुर रागी आ पूर्ब गे लशो बाक्ब। मिनु नेल्ल क्येङा नोले ङा खोला आ नें युफ्रेटीस बाक्ब। |
| 103 | GEN 4:23 | मिनु लमेकमी आ मीश निक्शी आस कली “आदाह नु चिल्लाह, आं लोव़ नेनीस, गे लमेक आ मीश निक्शी, आं सेंदा नेंशा, होस पसे। गो मुर का साइक्ता। मारदे हना मेको ठिटामी आं कली तुप्ती। |
| 143 | GEN 6:5 | मिनु परमप्रभु यावेमी “रागीम बाक्शो मुर आं अरेशो मटीब नु मरिम्शो पाइब ला बाक्नीम। मार मिम्ताक्म हना यो, मरिम्शो बाक्त” दे मिम्ता बाक्त। उत्पत्ती ८:२१ |
| 153 | GEN 6:15 | मिनु परमप्रभुमी “डोंगा दोपा सेल्चा माल्नेवे देंशा हना, मेको आ लाइश्शो सहे सां कुबीत दुम्चा माल्ब। आ ब्रेम्शो ५० कुबीत दुम्चा माल्ब। आ ग्येत्थ लाइश्शो ३० कुबीत दुम्चा माल्ब। कुबीत का ०.५ मिटर खोदेंशो बाक्ब। |
| 154 | GEN 6:16 | मिनु छाना रे हात का प्रोंइशा, फश ग्रूतीक बोखा का सेल्चा माल्नेवे। मिनु का पटटीम लाप्चो का वोइक्चा माल्नेवे। आगामी खप तला का, दाते तला का नु तला तारी बाक्तीक का सेल्चा माल्नेवे। |
| 160 | GEN 6:22 | मिनु परमप्रभुमी मार मार मदा, नोआहमी नेल्ल टिशा, पवा बाक्त। हिब्रू ११:७ |
| 165 | GEN 7:5 | मिनु परमप्रभु यावेमी मार मार अरेवा, नोआहमी नेल्ल टिशा पवा बाक्त। |
| 176 | GEN 7:16 | मिनु ब्रोंइशा बाक्ब नेल्ल जोड जोड पा, भाले पोथी नेल्ल ओव़मा बाक्त। परमप्रभुमी नोआह कली दोपा अरेवा, मोपा नेल्ल टिशा पवा बाक्त। मेको नेल्ल ओव़मा नोले परमप्रभु यावेमी लाप्चो चोक्गा बाक्त। उत्पत्ती ६:१९ |
| 180 | GEN 7:20 | डांडा क्येङा यो १५ कुबीत सम्म ग्येत्थ सुमा बाक्त। कुबीत का ०.५ मिटर खोदेंशो बाक्ब। |
| 239 | GEN 10:4 | यावान आ तौपुकी एलीशाह, कित्तीम, टारशीश नु दोदानीम बाक्मा बाक्त। |
| 270 | GEN 11:3 | मिनु मुरपुकीमी “लो, इंटा सेल्य। मिनु मीमी रिम्शो पा चोय” देंमा बाक्त। मिनु फुल्लु आ पा ङा इंटा नु हिलो आ पा ङा अल्कत्रा ग्रुंइदमे बाक्त। |
| 347 | GEN 14:10 | मिनु सिददीम ङा दिंममी अल्कत्रा खाल्टा शुश बाक्मा बाक्त। मिनु सोदोम नु गोमोररा ङा पिप प्रोक्शा, खाल्टा आगा दोक्सा बाक्त। लीशो मुरपुकी चहिं पहाड गे प्रोक्मा बाक्त। |
| 379 | GEN 15:18 | मेको नाक्ती परमप्रभु यावेमी अब्राम नु कबल पशा “मेको रागी इ चच युइ आन कली गेनुङ। मेको इजीप्त ङा ठेयब खोला रे युफ्रेटीस सम्म बाक्ब। उत्पत्ती १२:७; १राजा ८:६५; १राजा ५:१ |
| 386 | GEN 16:4 | मिनु अब्राम हागार नु इम्माक्त। मिनु हागार कोव़ज कुरशो दुम्माक्त। मेको तुइश्शा, ठेयब लेश्शो दुम्शा, आ होव़पोक्म कली मटिवा बाक्त। |
| 391 | GEN 16:9 | मिनु परमप्रभु यावे आ स्वर्ग ङा गेय पाइबमी मेको कली “इ होव़पोक्म आ खिं लेतो। मिनु मेको आ अरेशो टिशा बाक्को” देंमाक्त। |
| 407 | GEN 17:9 | मिनु परमप्रभुमी अब्राहाम कली “आं कबल पशो ङा लोव़ नेल्ल टिवो। मिनु इ नोले इ चच युइपुकीमी नेल्ल पालामी यो आं कली मिम्शा, टिचा माल्नीम। |
| 431 | GEN 18:6 | मिनु अब्राहाम दोरशा, ताम्बुम लशा, सारा कली “गे रीब पा सेआह सां रिम्शो फस के शोब्ले चोवो” देंमाक्त। सेआह का ७ लिटर पुक्तीके बाक्ब। |
| 462 | GEN 19:4 | मिनु इप्चा क्येङा ङोंइती सोदोम सहर ङा वोंइश मुरपुकी खिं आ एर ओंथ खुम्सीशा बाक्मा बाक्त। खाल्पा, ठिटा सहर ङा वोंइश मुर नेल्ल खुम्सीशा बाक्मा बाक्त। |
| 512 | GEN 20:16 | मिनु सारा कली “नेनो, इ लोक्ब कली हजार का चांदी टुक्रा गेता। मेको इन कली इ मुर आन ङोंइती इ कली रिम्शो पचा कली गेता। मोपा नेल्ल आन ङोंइती इ कली ठीक पाता” देंमाक्त। |
| 529 | GEN 21:15 | मिनु ब्वाक्कु नुप्शा, आ आल कली बुटा आगाम वोदा बाक्त। |
| 542 | GEN 21:28 | अब्राहामम ७ ओटा पाठी चहिं बगाल रे ग्रुंइशा, वोदा बाक्त। |
| 543 | GEN 21:29 | मिनु अबीमेलेकम “मेको ७ ओटा पाठी मारदे वोइक्नी?” दे हिल्लो पवा बाक्त। |
| 544 | GEN 21:30 | मिनु “मेको ७ ओटा पाठी आं गुइ रे लाइक्चा माल्नीनी। गो आं दोशो इनार आ सांकछी दुम्नीनी” देंमाक्त। |
| 549 | GEN 22:1 | मिनु नोले परमप्रभुमी “अब्राहामम आं कली टीबाक्म कों, मटीबाक्म” दे मिम्शा “अब्राहाम” दे ब्रेत्ता बाक्त। अब्राहाममी “गो एक बाक्ती” दे परमप्रभु कली मदा बाक्त। प्रस्थान १५:२५; प्रस्थान १६:४; प्रस्थान २०:२०; ब्यवस्था ८:२; ब्यवस्था १३:४; न्यायाधीस २:२२; हिब्रू ११:१७; याकूब १:१३ |
| 551 | GEN 22:3 | मिनु अब्राहाम सुनी कना बोक्शा, चढ़ेतीकेम चोचा कली शी चेश्शा, आ गधा ठीक पवा बाक्त। मिनु ठिटा निक्शी नु आ तौ इसहाक कली लाइश्शा, परमप्रभुमी देंशो पहाड लमा बाक्त। |
| 560 | GEN 22:12 | मेकोमी “इ तौ कली मक्योरो। मेको कली मारेइ मपतो। मारदे हना गे परमप्रभु कली मान पा हिंबाक्ते। गो मुल तुइक्ताक्ङ। गे इ का ला बाक्शो तौ आं कली गेचा ठीक पाप्तीवी। इ का ला तौ यो आं कली गेचा टीबाक्ते” देंमाक्त। रोमी ८:३२; हिब्रू ११:१७ |
| 566 | GEN 22:18 | इ चच युइ आन पर्बम रागी रागी ङा मुर नेल्ल आसीक राइनीम। मारदे हना गे आं देंशो टीब बाक्ते’ दे परमप्रभु यावेमी देंत” दे आ स्वर्ग ङा गेय पाइबम अब्राहाम कली लोव़ पवा बाक्त। उत्पत्ती १२:३; गलाती ३:१६ |
| 585 | GEN 23:13 | मिनु मुर नेल्ल आन ङोंइती अब्राहाममी एफ्रोन कली “आं लोव़ नेनीन। गो मेको रू ङा क्येट थाप्नुङ। मेको ताक्कीन। गो आं मीश मेक थिम्नुङ” देंमाक्त। |
| 602 | GEN 24:10 | मिनु नोले मेको वाइलम आ होव़प आ दलओंठ १० ओटा लाइश्शा, आ होव़प के मारेइ मारेइ रिम्शो कोसेली कुरशा लमाक्त। मेकेर रे लशा, मेसोपोटामीया रागीमी नाहोर आ बाक्तीक सहर, अराम-नहराइम मेर जाक्दीम्माक्त। उत्पत्ती ११:२२-३१ |
| 698 | GEN 26:5 | मारदे हना अब्राहामम आं देंशो टिशा, आ पचा माल्शो पाप्तु। आं शेंशो, आं फुल्लुम मुशा ब्रेक्शो लोव़ नु आं अरेशो नेल्ल पाप्तु” दे मदा बाक्त। उत्पत्ती १५:५ |
| 706 | GEN 26:13 | मिनु शुश शोंप पाइश्शो दुम्शा, दारना दारन शुश क्येट थीब दुम्माक्त। |
| 736 | GEN 27:8 | मोपतीके आं तौ, आं देंशो टिवो। दोपा अरेना, मोपा पावो। |
| 781 | GEN 28:7 | याकूबमी आम आफ आस कली टिशा, पदान-अराम गे लशो तवा बाक्त। |
| 866 | GEN 30:35 | मिनु मेको नाक्ती लाबानमी गोठ नेल्ल रे टाटे पाङग्रे क्यारश बोका नेल्ल नु पुत्ले पाङग्रे भेडा सांड ग्रुंइदा बाक्त। तेक तेको इच्का बुश नु क्येर बाक्मा, मेको योव़शा, आ तौ आन गुइमी गेवा बाक्त। |
| 868 | GEN 30:37 | मिनु याकूबमी ब्वाकीम पिपल, कटुस नु अर्को रवा आन क्येख राशी जिक्शा, बुश रेखा ग्रुंइशा खेवा बाक्त। |
| 870 | GEN 30:39 | मेको आ टाटे पाङग्रे कोक्के तशा, टाटे पाङग्रे पाठापुकी जरमेसीमा बाक्त। |
| 895 | GEN 31:21 | मोदेंशो पा याकूब आ मारेइ मारेइ कुरशा, प्रोक्माक्त। मिनु सुनी बोक्शा, युफ्रेटीस खोला शोक्समा बाक्त। मिनु गिलाद डांडा गे लमा बाक्त। |
| 943 | GEN 32:15 | मेकोमी सहे निक्शी ओटा क्यारश, २० ओटा बोका, सहे निक्शी ओटा भेडा नु २० ओटा सांड, |
| 944 | GEN 32:16 | मिनु ३० ओटा दूध तूब चाइक्ब पाइश्शो दलओंठ, ४० ओटा बी नु १० ओटा ब्यफ, २० ओटा गधैनी नु १० ओटा गधा एसाव कली योव़शा, ठीक पवा बाक्त। |
| 980 | GEN 33:19 | मिनु आ ताम्बु कीतीके रू हमोर आ तौ आन दाते शेकेम आ आफ रे सहे का केसीता थाप्शा, ग्यबा बाक्त। केसीता मेकेर ङा क्येट बाक्त। सुन के बाक्बा कों, चांदी के बाक्बा कों, गिश हेल्शो बाक्ब मतुंइसीब।यहोसु २४:३२ |
| 1000 | GEN 34:19 | मिनु मेको ठिटा मेको पचा बिस्से बाक्त। मारदे हना याकूब आ तमी कली शुश दाक्ता बाक्त। मेको आ आफ आ खिं ङा नेल्ल क्येङा मान ताइब बाक्माक्त। |
| 1005 | GEN 34:24 | मिनु सहर ङा मुर नेल्ल हमोर नु शेकेम आस लोव़ टिशा, ख्रोइक्तीक चिनु ख्रोइक्चा गेमे बाक्त। सहर नेल्ल ङा वोंइश मुरुम मोदेंशो पामे बाक्त। |
| 1078 | GEN 36:37 | मिनु सम्ला बेक्म नोले युफ्रेटीस खोला आ नेक्था बाक्शो रेहोबोथ ङा शावल पिप दुम्माक्त। |
| 1093 | GEN 37:9 | मिनु नोले योसेफम लेंशा अर्को ङोमु तवा बाक्त। मिनु आ लोक्ब आन कली “नेनीन, गो अर्को ङोमु का यो ताता। नां, तास्ला नु ११ ओटा सोरुलपुकीम आं कली सेउ पाइक्तीमी” देंमाक्त। |
| 1160 | GEN 39:10 | मिनु मेको मीश मुरुमी नाक्त किंत किंत योसेफ कली लोव़ पशा “पिवो, गो नु बाक्को” दे मदा बाक्त। योसेफम चहिं मेको आ लोव़ मटिवा बाक्त। |
| 1182 | GEN 40:9 | मिनु फाराओ कली तूचा गेब आन ठेयब मुरुमी “गो आं ङोमुमी आं ङोंइती अङगुर बोट का ताता। |
| 1183 | GEN 40:10 | मिनु मेको अङगुर बोटमी राशी सां बाक्तेक्म। मिनु मेको कोच्वा दाप्शा, फू यो बोइक्तेक्मे। बोइश्शा ङा मिन अङगुर गेडा सिश्शा मीतेक्म। |
| 1198 | GEN 41:2 | मिनु नील खोला रे ७ ओटा दारशो दोम्शो बी ग्रूशो तवा बाक्त। मेको बीपुकीमी बुदी मीलु घांस ब्वामे बाक्त। |
| 1199 | GEN 41:3 | मिनु नोले नील खोला रे ७ ओटा अर्को काइ मदारशो ग्येंशो बी ग्रूशो तवा बाक्त। मिनु मेकोपुकी अर्को बी नु नील खोला आ नेक्था राप्शा बाक्मा बाक्त। |
| 1201 | GEN 41:5 | मिनु फाराओ लेंशा निन्द्रा पवानु, लेंशा अर्को ङोमु तवा बाक्त। मार तवा बाक्त देंशा हना, चेरब बोट कामी शुश आख पाइश्शो ७ ओटा ग्रेल्शो बाला सिश्शो तवा बाक्त। |
| 1202 | GEN 41:6 | मिनु नोले पूर्ब ङा फशेम बुश सेल्शो ७ ओटा सोप्पीक्च आइक्च बाला तवा बाक्त। |
| 1203 | GEN 41:7 | मिनु मेको आइक्च बालामी मेको शुश आख पाइश्शो ७ ओटा बाला आन कली दाक्ग्मे बाक्त। नोले फाराओ सेंशा, आ ङोमु तशो तुइक्ता बाक्त। |
| 1208 | GEN 41:12 | मेना हिब्रू रागी ङा ठिटा का यो जेल्खानम बाक्त। मेको इन नेल्ल क्येङा ठेयब गेय पाइब आ गेय पाइब बाक्त। गो निक्शीमी तशो ङोमु मेको कली माइक्स्कुनु, योसेफमी ङोमु आ अर्थ नेल्ल आंस कली शेंताक्स्की। आं तशो ङोमु आ अर्थ शेंताक्यी। मिनु अर्को मुर आ तशो ङोमु आ अर्थ यो शेंताक्व। |
| 1214 | GEN 41:18 | मिनु नील खोला रे ७ ओटा दारशो दोम्शो बी ग्रूतेक्म। मिनु बुदी मीलु घांस ब्वाम्तेक्म। |
| 1215 | GEN 41:19 | मिनु नोले ७ ओटा मदारशो ग्येंशो बी ग्रूतेक्म। गो इजीप्त रागी नेल्लेमी मोदेंशो मदारशो बी गेनायो मतङमी। |
| 1218 | GEN 41:22 | मिनु लेंशा इप्ती। मिनु ङोमु तङानु, चेरब बोट का रे ७ ओटा ठेयब रिम्शो बाला पाइश्शो तातामी। |
| 1219 | GEN 41:23 | मिनु नोले अर्को बोट रे ७ ओटा पूर्ब ङा फशेम सोव़शो इम्चीली सोप्पीक्च बाला ताता। |
| 1220 | GEN 41:24 | मिनु इम्चीली सोप्पीक्च बालापुकीमी मेको ७ ओटा रिम्शो बाला आन कली दाक्तेक्म। गो एको आं ङोमु जादू पाइब आन कली माइक्तामी। मेकोपुकीम एको ङोमुमी मार दुम्बा, दे देंने मचबेम” दे योसेफ कली देंमाक्त। |
| 1222 | GEN 41:26 | मेको ७ ओटा रिम्शो बी ७ ओटा बर्स बाक्नीम। मिनु मेको ७ ओटा रिम्शो बाला यो ७ बर्स बाक्नीम। ङोमु निक्शी कांइचीक खोदेंशो बाक्नीस। |
| 1223 | GEN 41:27 | मिनु मेको आ नोले ग्रूशो ७ ओटा ग्येंशो बीपुकी ७ ओटा बर्स बाक्नीम। मिनु मेको ७ ओटा गेडा मसिश्शो, पूर्ब ङा फशेम सोव़शो सोप्पीक्च बाला यो ७ ओटा बर्स बाक्नीम। मेको ७ बर्स ङा अन्काल बाक्नीम। |
| 1236 | GEN 41:40 | इ कली आं रागी ङा मुर आन कली हुकुम पाइब सेल्नन। इ देंशो लोव़ मुर नेल्लेमी टिचा माल्नीम। गे आं सरकार ङा गेय पाइब नेल्ल आन क्येङा ठेयब मुर दुम्नीनी। गो सिरपेचम पतीके ला इ क्येङा ठेयब बाक्नुङ। भजन संग्रह ११३:७ |
| 1278 | GEN 42:25 | मिनु नोले योसेफमी आन धोक्रोम अन्न प्रिंपाइश्शा, आन गेशो क्येट यो लेंशा, आन धोक्रोम कुर पपाइश्शा, लां कली जचा थोव़क यो गेपाइक्मी बाक्त। आ लोक्ब आन कली मोदेंशो पाइक्मी बाक्त। |
| 1280 | GEN 42:27 | मिनु लांमी बास बाक्मानु, आन दाते ङा कामी आ गधा कली थुल्चा, दे आ धोक्रो रोक्गा बाक्त। मिनु आ धोक्रो आ शोव़मी आ थाप्शो क्येट थिदा बाक्त। |
| 1281 | GEN 42:28 | मिनु मेकोमी आ लोक्ब आन कली “आं क्येट लेत्मे देय मार में? आं धोक्रो आ शोव़म बाक्त, शां” दे लोव़ पवा बाक्त। मिनु नेल्लेमी सुर्ता पशा “परमप्रभुमी इं कली मार पवा” दे हिंमा बाक्त। |
| 1288 | GEN 42:35 | मिनु नोले आन धोक्रो रोक्शा, नेल्लेमी आन थाप्शो क्येट आन धोक्रोमी थित्मे बाक्त। मिनु मेकोपुकी नु आन आफ मेको क्येट तशा, हिंमा बाक्त। |
| 1303 | GEN 43:12 | मिनु इन क्येट नु ङोंइती ङा इन धोक्रोम बाक्शो क्येट यो लतीन। प्रेंशा मो दुम, कों? मार दुम्मे? उत्पत्ती ४२:२७, ३५ |
| 1306 | GEN 43:15 | मिनु आ तौपुकीमी मेको कोसेली, ङोंइती ङा क्येट, अर्को क्येट नु बेन्यामीन लाइश्शा, इजीप्त रागी लशा, योसेफ आ ङोंइती जाक्दीम्मा बाक्त। |
| 1309 | GEN 43:18 | मेकोपुकी चहिं हिंमा बाक्त, मारदे हना योसेफ आ खिं आगा ओंइदीमी बाक्त। मिनु मेकोपुकीमी “मारदे हना इं ङोंइती ङा क्येट इं धोक्रोम थित्तय। मिनु इं कली वाइल सेल्चा नु इं गधा रोइक्चा कली इं कली एके ओंइताक्मे” देंमुमा बाक्त। उत्पत्ती ४२:२८ |
| 1312 | GEN 43:21 | मिनु गोपुकी बास बाक्तीके जाक्दीश्शा, आंइ धोक्रो रोक्शा, कोव़कानु, आंइ क्येट नेल्ल आंइ धोक्रो धोक्रोम थित्तक। |
| 1313 | GEN 43:22 | मुल गो लेंशा चाक्तक। अर्को जचा थोव़क ग्याप्चा कली यो क्येट चाक्तक। सुम आंइ क्येट आंइ धोक्रोम कुर पवा, गो मतुइक्नीकी” दे ठेयब गेय पाइब कली देंमा बाक्त। |
| 1314 | GEN 43:23 | मिनु मेकोमी “इन थुं नाइक्तीने, महिनीने। इन परमप्रभु, इन आफ आ परमप्रभुमी इन क्येट इन धोक्रोम कुर पवा माइ। गो इन क्येट ताक्ता” देंमाक्त। मिनु मेकोमी सिमियोन कली चाक्गा बाक्त। उत्पत्ती ४२:२४ |
| 1326 | GEN 44:1 | मिनु योसेफमी आ खिं ङा ठेयब गेय पाइब कली “मेको मुर आन धोक्रो प्रिंपतो। गिश कुरने चाप्नीमी, मिश प्रिंपतो। मिनु आन क्येट अन्न आ शोव़म वोतो। |
| 1327 | GEN 44:2 | मिनु आं चांदी के कचौरा, आ क्येट नु मेको नेल्ल क्येङा ठिटा आ धोक्रो आ शोव़म वोतो” दे मदा बाक्त। मिनु मेकोमी योसेफ आ देंशो खोदेंशो पा पवा बाक्त। |
| 1333 | GEN 44:8 | नेनीन, आंइ धोक्रोमी थिश्शो क्येट कनान रागी रे लेंशा चाक्तक। गो दोपा इन प्रभु आ खिं रे सुन चांदी खुइ पाइनीकी? उत्पत्ती ४३:२१ |
| 1382 | GEN 45:23 | मिनु आ आफ कली १० ओटा गधैनीमी इजीप्त रागी ङा नेल्ल क्येङा ब्रोव़शो जचा थोव़क नु लांम जचा कली १० ओटा गधाम अन्न, शोब्ले नु श्ये कुर पा सोइक्ता बाक्त। |
| 1435 | GEN 47:14 | मिनु योसेफमी इजीप्त नु कनान रागी ङा अन्न ग्याप्थ जाक्ब आन गुइ रे क्येट ताक्शा, फाराओ आ खिंमी वोदा बाक्त। |
| 1436 | GEN 47:15 | मिनु इजीप्त नु कनान ङा मुर आन क्येट नुप्शा, योसेफ आ बाक्तीकेमी जाक्शा, मेकोपुकीमी “जचा थोव़क गेकी। आंइ के क्येट नुप्त। गे जचा थोव़क मगेतीनी हना, गो इन ङोंइती बेक्चा माल्नीकी” दे मदमे बाक्त। |
| 1437 | GEN 47:16 | मिनु योसेफमी “इन के क्येट मबाक्त हना, इन बस्तु भाव चाक्कीन। मेको रे पा जचा थोव़क ताइनीनी” देंमाक्त। |
| 1439 | GEN 47:18 | मिनु मेको बर्स नुप्शा ङा मिन, अर्को बर्स लेंशा जाक्शा योसेफ कली मेकोपुकीमी “गो आंइ प्रभु आ ङोंइती आंइ क्येट नुप्त, आंइ क्यारश भेडा, बी ब्यफ नेल्ल आंइ प्रभु केन दुम्तेक्म। मुल आंइ के रूपुकी नु आंम रां ला लीब। |
| 1445 | GEN 47:24 | मिनु रिक्ची ना ५ भाग ङा भाग १ फाराओ कली गेचा माल्नीनी। अर्को ४ भाग वांचेर कली नु इन कली, इन खिं ङा मुर नु आइक्च आल नेल्ल आन कली थुल्चा कली लीब” दे माइक्मी बाक्त। एफाह का २२ लिटर खोदेंशो बाक्ब। |
| 1478 | GEN 49:4 | समुन्द्र ङा छाल खोदेंशो पा गे हिम्सीशो थुं पाइश्शो मुर दुम्नेवे। मारदे हना गे इ आफ आ खाट ङोइश्शा, बिथोलो पाप्तीवी। आं इप्तीकेम बाक्ते। गे मान मताइब दुम्नेवे। उत्पत्ती ३५:२२ |
| 1485 | GEN 49:11 | मेकोमी आ गधा अङगुर आ बोटम पाइक्ब, आ गधा आ चाइक्ब नेल्ल क्येङा रिम्शो अङगुर बोटम पाइक्ब। आ फेक्तीक वा अङगुर शांबुम मुरब। आ वा अङगुर आ रसम ख्रुम्ब। योएल ४:१८ |
| 1507 | GEN 49:33 | याकूबमी आ तौ आन कली मोदें लोव़ पशा नोले, खाटमी आ खोइल दिंशा, बेक्माक्त। मिनु आ किकी पिपी आन बाक्तीक लमाक्त। |
| 1509 | GEN 50:2 | मिनु आ गेय पाइब नु डाक्टर आन कली “आं आफ आ रां कली ख्रेक्तीन” दे माइक्मी बाक्त। मिनु मेकोपुकीमी बेक्शो मुर आ रां ख्रेक्तमे बाक्त। |
| 1547 | EXO 1:14 | शुश श्येत गेशा, शुश गेय पपदमे बाक्त। मार गेय पपदमे बाक्त देंशा हना, हिलो निपदमे बाक्त, इंटा सेल्पदमे बाक्त, रू ङा गेय यो पपदमे बाक्त। तेको गेय गेमे, मेको शुश श्येत ङा गेय बाक्माक्त। |
| 1564 | EXO 2:9 | मिनु फाराओ आ तमीमी मेको मीश मुर कली “एको आल आं कली थुलो। एको आल थुल्शो ङा, इ कली क्येट गेनुङ” दे लोव़ पवा बाक्त। मिनु मीश मुरुमी आल लाइश्शा, थुला बाक्त। |
| 1582 | EXO 3:2 | मेकेर परमप्रभु यावे आ स्वर्ग ङा गेय पाइब मी ब्रशो बुटा रे ग्रूत। ङोंइती दोदेंशो बाक्त देंशा हना, मोसामी ङोन रे कोव़ङानु, ब्रशो बुटा का कली मीम काइ मनेक्शो ताप्तु। ब्यवस्था ३३:१६ |
| 1583 | EXO 3:3 | मिनु मोसामी “गो मेकेर लशा कोव़चा माल्नुङ। छक लाक्चा ङा बाक्त। मारदे मीम मेरे बुटा कली मनेक्गा?” दे आंमा लोव़ पाप्तु। |
| 1584 | EXO 3:4 | मिनु परमप्रभु यावेमी मोसा कली ब्रशो बुटा कोव़थ पिशो तशा, परमप्रभुमी बुटा रे “मोसा, मोसा” दे ब्रेत्ताक्व। मिनु मोसामी “गो एक बाक्ती” दे लोव़ लेत्ताक्व। |
| 1598 | EXO 3:18 | इ देंशो लोव़ नेंशा, टिम्तेक्म हना, गे नु इस्राएल ङा मुर आन खाल्पापुकी इजीप्त रागी ङा पिप आ बाक्तीक लशा, मेको कली लोव़ पचा माल्नीनी। गेमी इजीप्त रागी ङा पिप कली ‘परमप्रभु यावे हिब्रू आन परमप्रभुमी आंइ कली ग्रुम्तीकी। आंइ कली नाक्त सां गोरशो रागीम लचा गेकी। मेकेर परमप्रभु यावे आंइ परमप्रभु कली चढ़ेथ लाइनीकी’ दे पिप कली देनीन। प्रस्थान ५:१,३ |
| 1603 | EXO 4:1 | मिनु मोसामी परमप्रभु कली “मेकोपुकीमी आं देंशो थमा मसुइक्थु, मटीनीमी कों? ‘परमप्रभु यावेमी इ कली मग्रुम’ देंनीमी कों” देंत। |