| 5 | GEN 1:5 | मिनु परमप्रभुमी छेङछेङ कली नाक्ती नु छिङछिङ कली नाक्दो, दे नें वोदा बाक्त। मिनु नां रिक्शा, नां सोव़शा, मेको ङोंइती ङा नाक्ती दुम्माक्त। |
| 8 | GEN 1:8 | परमप्रभुमी मेको फ्रातीके कली सरीङ, दे नें वोदा बाक्त। मिनु नां रिक्शा, नां सोव़शा, मेको निक्शी नाक्त दुम्माक्त। |
| 9 | GEN 1:9 | मिनु परमप्रभुमी “सरीङ आगा ङा ब्वाक्कु काथा दुमीन। सोव़शो रू ग्रूङो” देंमाक्त। मेको यो दुम्माक्त। अय्युब ३८:८-११; भजन संग्रह २४:२; २पत्रुस ३:५ |
| 10 | GEN 1:10 | मिनु परमप्रभुमी सोव़शो रू कली रागी नु ब्वाक्कु देम्शा लीशो कली समुन्द्र, दे नें वोदा बाक्त। मिनु मेको आ सेल्शो तशा “रिम्शो दुम्त” देंमाक्त। |
| 13 | GEN 1:13 | मिनु नां रिक्शा, नां सोव़शा, मेको सां नाक्ती दुम्माक्त। |
| 19 | GEN 1:19 | मिनु नां रिक्शा, नां सोव़शा, मेको ४ नाक्ती दुम्माक्त। |
| 23 | GEN 1:23 | मिनु नां रिक्शा, नां सोव़शा, मेको ५ नाक्ती दुम्माक्त। |
| 31 | GEN 1:31 | मिनु परमप्रभुमी आ सेल्शो नेल्ल तशा “शुश रिम्शो दुम्त” देंमाक्त। मिनु नां रिक्शा, नां सोव़शा, मेको ६ नाक्त दुम्माक्त। मत्ती १९:१७; १तिमोथी ४:४ |
| 35 | GEN 2:4 | एको परमप्रभुमी सरीङ नु रागी सेल्ची ना ङा लोव़ बाक्ब। परमप्रभु यावेमी रागी नु सरीङ सेलानु, |
| 36 | GEN 2:5 | मारेइ मारेइ घांस खपीम मवाशो बाक्मा बाक्त। कोव़केली यो मदाप्शो बाक्मा बाक्त। मारदे हना परमप्रभु यावेमी रागीम रेउ मयिपाइश्शो बाक्माक्त। मिनु रूम गेय पाइब मुर यो मबाक्मा बाक्त। |
| 46 | GEN 2:15 | मिनु परमप्रभु यावेमी मुर कली लाइश्शा, एदेन रू दोचा नु कोव़चा कली वोदा बाक्त। |
| 52 | GEN 2:21 | मिनु परमप्रभु यावेमी आदम कली मारेइ मतुइक्चा ङा पा निन्द्रा पपदा बाक्त। मिनु मेको के जेरी का शोला बाक्त। मिनु मेको पोव़ला कली श्येमी सुवा बाक्त। |
| 62 | GEN 3:6 | मिनु मीश मुरुम मेको रवा तशा ब्वशोनु, ब्रोव़चा ङा कोव़शोनु, दारशो, रुप्तीक थुं गेचा ङा तवा बाक्त। मोपतीके फल सेक्शा, ब्ववा बाक्त। मेको आ नेक्था बाक्ब आ वोंइश कली यो गेवा बाक्त। मेकोमी यो ब्ववा बाक्त। याकूब १:१४-१५; १तिमोथी २:१४ |
| 63 | GEN 3:7 | मिनु नोले निम्फा शिश्रा बाक्शो तुइक्तसे बाक्त। मिनु फोव़शी रवा आ सफा सेक्शा फेक्तीक सेल्से बाक्त। उत्पत्ती २:२५ |
| 72 | GEN 3:16 | मिनु मेकोमी मेको मीश मुर कली “कोव़ज कुरशा, आल थिवेनु, इ कली ठेयब श्येत गेनुङ। आल थिचा रोइ पाइनेवे। मो हना यो इ वोंइश कली माल्नेवे। मिनु मेकोमी इ कली हुकुम पाइब” देंमाक्त। एफिसी ५:२२-२३; १तिमोथी २:१२ |
| 73 | GEN 3:17 | मिनु आदम कली “मारदे हना गे इ मीश आ लोव़ नेंशा, मब्वचा देंशो रवा आ फल ब्वाप्तीवी, इ पतीके आ पर्बम इ रू नेल्लेमी सराप ताइनीम। इ जचा थोव़क श्येत पा ख्रुम्चा माल्नेवे। उत्पत्ती ८:२१-२२; अय्युब ३१:३८-३९ |
| 80 | GEN 3:24 | परमप्रभुमी मेको आस कली खेरसी बाक्त। मेको आस कली खेरशा, एदेन रू ङा पूर्बमी आ स्वर्ग ङा करूब माइश्शो गेय पाइब वोदा बाक्त। मेकेर मी ब्रशो एर ओंथ हिरब तरवार का यो वोदा बाक्त। मेको ब्रोंइपाइक्ब रवा आ फल ब्वचा मताम्सेक्ल, दे कोव़ब वोदा बाक्त। |
| 81 | GEN 4:1 | मिनु नोले आदम आ मीश हव्वा नु इम्माक्त। मिनु हव्वाम कोव़ज कुरशा, तौ का थिमाक्त। हव्वामी “परमप्रभु यावेमी आं कली वारच पा आल का गेती” देंमाक्त। मिनु आ नें काइन वोदा बाक्त। |
| 83 | GEN 4:3 | काबु काइनमी आ रू ङा सिश्शो मारेइ मारेइ थोव़क परमप्रभु यावे कली चढ़ेवा बाक्त। प्रस्थान २३:१९ |
| 84 | GEN 4:4 | हाबीलमी आ ङोंइती गिक्शो पाठा आ श्ये नु बोंसो परमप्रभु यावे कली चढ़ेवा बाक्त। मिनु परमप्रभु यावेमी हाबील आ चढ़ेशो ब्रवा बाक्त। प्रस्थान ३४:१९; लेवी ३:१६ |
| 85 | GEN 4:5 | तन्न काइन आ चढ़ेशो मब्रवा बाक्त। मिनु काइन आ कुल राव किक्पा चुरमाक्त। प्रस्थान ३३:१९; हिब्रू ११:४ |
| 97 | GEN 4:17 | मिनु काइन आ मीश नु इम्माक्त। मिनु मेकोमी कोव़ज कुरशा, हनोक थिमाक्त। मिनु काइनम सहर का सेला बाक्त। मेको सहर कली आ तौ हनोक आ नें खोदेंशो पा हनोक नें वोदा बाक्त। |
| 100 | GEN 4:20 | मिनु आदाहमी याबाल थिमाक्त। मेको ताम्बुम बाक्ब नु गोठम बाक्ब बस्तु योव़ब आन किकी पिपी बाक्माक्त। |
| 103 | GEN 4:23 | मिनु लमेकमी आ मीश निक्शी आस कली “आदाह नु चिल्लाह, आं लोव़ नेनीस, गे लमेक आ मीश निक्शी, आं सेंदा नेंशा, होस पसे। गो मुर का साइक्ता। मारदे हना मेको ठिटामी आं कली तुप्ती। |
| 106 | GEN 4:26 | मिनु सेथमी यो तौ का थिमाक्त। मिनु मेको कली एनोश नें वोदा बाक्त। मिनु मेना रे मुरपुकीमी परमप्रभु यावे कली पुंइचा नु ठेयब सेल्चा गोव़मे बाक्त। उत्पत्ती १२:८ |
| 127 | GEN 5:21 | मिनु हनोक ६५ बर्स दुम्मेनु, तौ का थिमाक्त। मेको कली मेथुसेलाह नें वोदा बाक्त। हनोक कली हिब्रू लोव़मी एनोक देंनीम। |
| 140 | GEN 6:2 | मिनु परमप्रभु आ तौपुकीमी मुर आन तमी आन कली तशा “दारशो बाक्नीम” दे मिम्तमे बाक्त। मिनु मेको आन दाते रे योव़शा चाक्ग्मे बाक्त। अय्युब १:६; २पत्रुस २:४; यहूदा ६ |
| 149 | GEN 6:11 | परमप्रभुमी मुर आन कली कोव़ङानु, नेल्ल मरिम्शो बाक्मा बाक्त। रागी नेल्ल हुश ख्राक्श पोक्तीकेमी ब्रीमाक्त। अर्को मरिम्शो पाइब यो बाक्मा बाक्त। |
| 150 | GEN 6:12 | मिनु परमप्रभुमी रागीम बाक्ब मुर आन कली कोव़ङानु, शुश मरिम्शो बाक्मा बाक्त। मुर नेल्लेमी आन दला दाक्स पामे बाक्त। भजन संग्रह १४:२-३ |
| 152 | GEN 6:14 | गे चहिं खिं खोदेंशो पा शी के ठेयब डोंगा का सेलो। मिनु आगामी कोठापुकी सेलो। ब्वाक्कु मओव़चा ङा पा आगा नु लाङगा अल्कत्राम सिल्दो” दे नोआह कली देंमाक्त। |
| 156 | GEN 6:18 | तन्न गो इन कली कोव़नुङ, गे नु आं कबल पाइनुङ। मिनु गे, इ तौपुकी, इ मीश, नु इ चाइमीपुकी मेको डोंगामी ओव़चा माल्नीनी। मेको नेल्ल गे नु ब्रोंइचा माल्नीम। मेको पोथी भाले, बी ब्यफ नेल्ल निक्निक्शी बाक्चा माल्नीम। उत्पत्ती ९:९ |
| 157 | GEN 6:19 | गेपुकी नु मारेइ मारेइ सेस जन्तु निक्निक्शी ओव़चा माल्नीम। |
| 158 | GEN 6:20 | मारेइ मारेइ चिक्ब, मारेइ मारेइ जन्तु नु मारेइ मारेइ खपीम ग्रेशा गाक्ब आइक्च जन्तु निक्निक्शी ब्रोंइचा, दे गे नु डोंगामी ओव़शा, बाक्चा माल्नीम। |
| 159 | GEN 6:21 | मिनु इन कली, मार मार जचा ब्वचा ओंइशा, उप्शा वोतो। मेको इन कली नु मेको आन कली जचा थोव़क दुम्ब” दे परमप्रभुमी नोआह कली अरेवा बाक्त। |
| 161 | GEN 7:1 | मिनु परमप्रभु यावेमी नोआह कली “गे नु इ खिं ङा मुर नेल्ल शी के ठेयब डोंगामी ओव़ङीन। मारदे हना एको पाला ङा मुर आन दातेमी गे का ला ठीक पाइब बाक्नेवे। उत्पत्ती ६:८ |
| 162 | GEN 7:2 | गे चढ़ेचा दुम्ब बी ब्यफ, क्यारश बोका, भेडा सांड रे ७ जोड लतो। उत्पत्ती ८:२०; लेवी ११:- |
| 163 | GEN 7:3 | मिनु चढ़ेचा दुम्ब सरीङम बेरब चिक्ब यो ७ जोड लतो। भाले नु पोथी लतो। मारदे हना मेकोपुकी रागीमी ब्रोंइचा माल्नीम। |
| 167 | GEN 7:7 | मिनु नोआहम मार पवा बाक्त देंशा हना, ङोंइती आ तौपुकी, आ मीश, आ चाइमीपुकी ब्वाक्कु रे प्रोंइचा कली ठेयब डोंगामी ओव़पाइक्मी बाक्त। १ पत्रुस ३:२० |
| 168 | GEN 7:8 | मिनु चढ़ेचा दुम्ब बस्तु, चढ़ेचा मदुम्ब बस्तु नु चिक्ब नु मारेइ मारेइ खपीम ग्रेशा गाक्ब आइक्च जन्तु, |
| 169 | GEN 7:9 | निक्निक्शी बी ब्यफ, जोड जोड भाले पोथी नोआह नु ठेयब डोंगामी ओव़मा बाक्त। परमप्रभुमी दोपा नोआह कली अरेवा, मोपा पवा बाक्त। उत्पत्ती ६:१९-२० |
| 173 | GEN 7:13 | मेको रेउ यिचा आ ङोंइती नाक्ती नोआह नु आ तौ शेम, हाम, नु यफेथ सांफा, नोआह आ मीश नु आ चाइमी सांफा मेको डोंगामी ओव़मा बाक्त। |
| 175 | GEN 7:15 | जोड जोड पा नोआह नु ठेयब डोंगामी ओव़मा बाक्त। |
| 176 | GEN 7:16 | मिनु ब्रोंइशा बाक्ब नेल्ल जोड जोड पा, भाले पोथी नेल्ल ओव़मा बाक्त। परमप्रभुमी नोआह कली दोपा अरेवा, मोपा नेल्ल टिशा पवा बाक्त। मेको नेल्ल ओव़मा नोले परमप्रभु यावेमी लाप्चो चोक्गा बाक्त। उत्पत्ती ६:१९ |
| 185 | GEN 8:1 | मिनु परमप्रभुमी नोआह नु ठेयब डोंगामी बाक्ब नेल्ल ब्वाकी ङा जन्तु नु बी ब्यफ क्यारश भेडा आन कली मप्रेंदीमी बाक्त। मिनु परमप्रभुमी रागीम फश पपदा बाक्त। मिनु ब्वाक्कु सोव़माक्त। |
| 186 | GEN 8:2 | मिनु ब्वाक्कु बुक्तीके नेल्ल सोव़ना सोव़न लमा बाक्त। रेउ यो देक्माक्त। |
| 187 | GEN 8:3 | मिनु मेको ब्वाक्कु सोव़ना सोव़न लशा, सहे का ५० नाक्त नोले शुश सोव़माक्त। |
| 189 | GEN 8:5 | मिनु मेको बर्स ङा १० महिना सम्म ब्वाक्कु सोव़ना सोव़न लमाक्त। १० महिना ङा ङोंइती नाक्ती अर्को पहाड ङा डांडा तांइसमा बाक्त। |
| 191 | GEN 8:7 | मिनु मेकेर रे खद का सोइक्ता बाक्त। मेको रागी ङा ब्वाक्कु मसोव़म सम्म एर ओंथ बेरशा बाक्माक्त। |
| 192 | GEN 8:8 | मिनु नोआहमी “ब्वाक्कु नेल्ल सोव़मा कों” दे तुइक्चा कली ढुकुर का यो सोइक्ता बाक्त। |
| 195 | GEN 8:11 | मिनु नाक्नाक्दो ढुकुरमी आ ठुंडमी नक वाशो तेल रवा आ सफा का कुरशा जाक्माक्त। मिनु नोआहमी “ब्वाक्कु नेल्ल सोव़माक्त” दे तुइक्ता बाक्त। |
| 197 | GEN 8:13 | मेको नोआह ६ सहे बर्स का दुम्मे आ ङोंइती ङा महिना ङा ङोंइती ङा नाक्तीम रागीमी ब्वाक्कु सोव़माक्त। नोआहमी ठेयब डोंगा आ छाना थूशा, कोव़शा “लो, ब्वाक्कु नेल्ल सोव़माक्त” देंमाक्त। उत्पत्ती ७:११ |
| 198 | GEN 8:14 | मिनु महिना का नु २७ नाक्त नोले खप नेल्ल सोव़माक्त। |
| 204 | GEN 8:20 | मिनु नोले नोआहम परमप्रभु यावे कली चढ़ेतीक का सेला बाक्त। मिनु चढ़ेचा दुम्ब बस्तु नु चढ़ेचा दुम्ब चिक्ब नेल्ल लाइश्शा चोशा चढ़ेतीक चढ़ेवा बाक्त। उत्पत्ती ७:२ |
| 205 | GEN 8:21 | मिनु परमप्रभु यावेमी मेको ब्रोव़शो रिना नाम्शा, ग्येरसे बाक्त। आ थुंमी “मुरुम मरिम्शो पतीकेम खप कली मुल सराप गेनायो मपाइनुङ। मुर आ थुं मरिम्शो बाक्त हना यो, गेनायो सराप मपाइनुङ। गो ब्रोंइशा बाक्ब नेल्ल आन कली साइश्शा क्याम्ताक्ङ। मोदेंशो गेनायो लेंशा मपाइनुङ। उत्पत्ती ६:५; अय्युब १४:४; भजन संग्रह १४:३; मत्ती १५:१९; रोमी ३:२३ |
| 206 | GEN 8:22 | रागी बाक्म सम्म शोक्चा, ख्रुम्चा नु रिक्चा तांइसीब। ग्यू पाइब, हुप्ब, हिंउद नु बर्खा दुम्ब। नाक्दो नाक्त दुम्ब” दे लोव़ पवा बाक्त। येरमीया ३३:२०,२५ |
| 229 | GEN 9:23 | मेको नेंशा, शेम नु यफेथम वा का सुर सुरम ग्याइश्शा लाप्शा, नोले रे ग्रेना ग्रेन लशा, आस आफ आ ताम्बु ओव़सा बाक्त। मिनु आस आफ आ भेत्रे रां सुम्से बाक्त। नोले रे ग्रेशा, आस आफ आ शिश्रा रां मताम्से बाक्त। |
| 233 | GEN 9:27 | मिनु लेंशा “परमप्रभुमी यफेथ कली ‘सोशा बोशा शुश दुम्पदल। मेको शेम आ ताम्बुम बाक्चा तवल। कनान चहिं मेको आ वाइल दुम्ल’ ” दे लोव़ पवा बाक्त। |
| 240 | GEN 10:5 | मेको मुरपुकी रे समुन्द्र आ नेक्था बाक्ब जरमेशो बाक्मा बाक्त। मेकोपुकी यफेथ आ चच युइ बाक्मा बाक्त। मेकोपुकी आंम रागीम बाक्शो बाक्मा बाक्त। मिनु आंम रागी रागीमी, आंम खिं खिं ङा मुरुमी आंम लोव़ ब्वाक्मा बाक्त। |
| 255 | GEN 10:20 | मिनु हाम आ चच युइ आन खिं खिं ङा मुर आन लोव़, आन रू नु आन रागी बाक्मा बाक्त। |
| 266 | GEN 10:31 | मिनु शेम आ चच युइ आन खिं खिं ङा मुर आन लोव़, आन रू नु आन रागी बाक्मा बाक्त। |
| 268 | GEN 11:1 | ङोंइती रागी नेल्ल ङा मुर लोव़ का ब्वाक्बाक्मा बाक्त। |
| 272 | GEN 11:5 | मिनु परमप्रभु यावे मेको मुरपुकीमी सेल्शो सहर नु सरीङ थिचशो ठेयब लाइश्शो खिं कोव़थ यिमाक्त। उत्पत्ती १८:२१; भजन संग्रह १४:२ |
| 273 | GEN 11:6 | मिनु परमप्रभु यावेमी “लो, मेको नेल्ल थुं का ङा मुर नमी। मेको नेल्ल लोव़ का ब्वाक्नीम। मेको आन नक गोशो गेय ला बाक्ब। मार मार मिम्त्मे, मेको नेल्ल पने चाप्नीम। प्रेरित २:१-११ |
| 274 | GEN 11:7 | मुल उइ लय। मेको आन पशो लोव़ खाल्शा पपाइय्य। मिनु कामी अर्को आ लोव़ मरुबल” देंमाक्त। |
| 276 | GEN 11:9 | मोपतीके मेको सहर आ नें बाबेल वोदमे बाक्त। मारदे हना मेकेर रे परमप्रभु यावेमी रागी नेल्ल ङा मुर आन लोव़ खाल्दा बाक्त। मिनु परमप्रभु यावेमी मोपा मुर नेल्ल आन कली फ्रादीमी बाक्त। |
| 277 | GEN 11:10 | शेम आ आ चच युइ सु सु बाक्मा बाक्त देंशा हना, शेम सहे का बर्स दुम्मेनु, अरपक्शाद आ आफ दुम्माक्त। मेना ब्वाक्कु बारशा सोव़शो बर्स निक्शी दुम्शो बाक्माक्त। १इतिहास १:२४-२७; लूका ३:३४-३६; उत्पत्ती १०:२१-२२ |
| 298 | GEN 11:31 | मिनु तेराहमी आ तौ अब्राम, आ चच लोत, हारान आ तौ, नु आ चाइमी, अब्राम आ मीश साराइ आन कली लाइश्शा, कल्दी रागी ङा ऊर रे कनान रागी लचा गोव़मे बाक्त। मिनु हारान माइश्शो सहर जाक्दीश्शा बाक्मा बाक्त। यहोसु २४:२; नेहेम्याह ९:७ |
| 303 | GEN 12:4 | मिनु अब्राम परमप्रभु यावे आ लोव़ नेंशा, हारान सहर रे गाक्माक्त। लोत यो अब्राम नु गाक्माक्त। हारान सहर रे गाक्मेनु, अब्राम ७५ बर्स, दुम्शो बाक्माक्त। |
| 304 | GEN 12:5 | अब्राममी आ मीश साराइ, आ लोक्ब आ तौ, लोत, आन मारेइ मारेइ, हारान सहरमी ग्याप्शो वाइलीम वाइल आन कली यो लदा बाक्त। मिनु मेको नेल्ल कनान रागी लचा गोव़मे बाक्त। मिनु लशा कनान रागी जाक्दीम्मा बाक्त। |
| 306 | GEN 12:7 | मेकेर जाक्दीम्मेनु, परमप्रभु यावे अब्राम आ ङोंइती ग्रूशा, मेको कली “एको रागी इ चच युइ आन कली गेनुङ” दे लोव़ गेवा बाक्त। मिनु अब्राममी “गो परमप्रभु यावे कली ताता” दे चढ़ेतीक का सेला बाक्त। उत्पत्ती १३:१५; उत्पत्ती १५:१८; उत्पत्ती १७:८; उत्पत्ती ३५:१२; प्रस्थान ६:४,८; प्रस्थान ३२:१३; यहोसु २१:४३; प्रेरित ७:५ |
| 307 | GEN 12:8 | मेकेर रे लशा, बेथेल सहर आ पूर्ब गे ङा डांडामी आ ताम्बु याक्शा कीङा बाक्त। बेथेल सहर पच्छिम गे नु ऐ सहर पूर्ब गे बाक्शा, मेकेर यो परमप्रभु यावे कली चढ़ेतीक का सेल्शा, परमप्रभु यावे कली लोव़ पा ठेयब सेला बाक्त। उत्पत्ती ४:२६ |
| 310 | GEN 12:11 | मिनु इजीप्त ओव़चा क्येङा ङोंइती अब्राममी आ मीश साराइ कली “नेनो, गे दारशो मीश मुर बाक्नेवे। |
| 319 | GEN 12:20 | फाराओमी मेको लोव़ आ मुर आन कली माइश्शा, अब्राम, आ मीश नु आ नु बाक्ब नेल्ल आन कली मेकेर रे सोइक्तमे बाक्त। |
| 323 | GEN 13:4 | मिनु इजीप्त लचा क्येङा ङोंइती मेकेर सेल्शो चढ़ेतीकेमी लेश्शा जाक्दीश्शा, परमप्रभु यावे कली लोव़ पा, ठेयब सेला बाक्त। उत्पत्ती १२:८ |
| 330 | GEN 13:11 | मिनु लोत यर्दन खोला ङा दिंम योव़शा, पूर्ब गे लमाक्त। मोपा लोत नु अब्राम ब्रासा बाक्त। |
| 333 | GEN 13:14 | लोत नु अब्राम ब्रासा नोले परमप्रभु यावेमी अब्राम कली “इ बाक्तीके रे पूर्ब, पच्छिम, उत्तर, दक्खिन गे कोव़ङो। |
| 336 | GEN 13:17 | बोक्को, रागी नेल्ल हिरशा लावो। मेको नेल्ल इ कली गेनन” दे परमप्रभु यावेमी लोव़ गेवा बाक्त। |
| 337 | GEN 13:18 | मिनु अब्राममी आ ताम्बु याक्शा, हेब्रोन रागी ङा माम्रे माइश्शो ब्वाकीम कीङा बाक्त। मिनु मेकेर परमप्रभु यावे कली चढ़ेतीक का सेला बाक्त। उत्पत्ती १४:१३-२४ |
| 350 | GEN 14:13 | मिनु पहाडम प्रोक्शो मुर कामी हिब्रू अब्राम कली मेको लोव़ शेंदा बाक्त। अब्राम चहिं एमोरी माम्रे आ ब्वाकीम बाक्शो बाक्माक्त। माम्रे एश्कोल नु आनेर वोबु बाक्सा बाक्त। मेको अब्राम कली वारच पाइब बाक्मा बाक्त। |
| 355 | GEN 14:18 | मिनु सालेम ङा पिप मेल्कीसेदेकम अब्राम नु आ मुर आन कली शोब्ले नु अङगुर शांबु चाक्गा बाक्त। मेको नेल्ल क्येङा ठेयब परमप्रभु कली चढ़ेब बाक्माक्त। भजन संग्रह ११०:४; भजन संग्रह ७६:३ |
| 357 | GEN 14:20 | मिनु नेल्ल क्येङा ठेयब परमप्रभु मान ताइब बाक्ब। मारदे हना इ जोरी सत्रु इ गुइमी गेशा, इ कली ग्रापाइक्तु” दे ठेयब सेला बाक्त। मिनु अब्राममी नेल्ल थोव़क १० भाग ङा भाग का मेल्कीसेदेक कली गेवा बाक्त। उत्पत्ती २८:२२; लेवी २७:३०-३२ |
| 362 | GEN 15:1 | मिनु नोले परमप्रभु यावेमी अब्राम कली ङोमु खोदेंशो पा कोंइतीक कोंइदा बाक्त। मिनु मेकोमी अब्राम आ नें थिशा “अब्राम महिनो। गो इ कली कोव़नन। शुश आसीक गेनन” देंमाक्त। गन्ती २४:४,१६; भजन संग्रह ३:४ |
| 366 | GEN 15:5 | मिनु मेकोमी अब्राम कली ताम्बु रे ग्रुंइशा “सरीङ गे कोव़ङो, सोरुल आन कली हिक्को। मेको हिक्ने चाप्नेवे? गिश बाक्मा, इ चच युइ यो मिश दुम्नीम” देंमाक्त। उत्पत्ती २२:१७; प्रस्थान ३२:१३; ब्यवस्था १:१०; हिब्रू ११:१२ |
| 367 | GEN 15:6 | मिनु अब्राममी परमप्रभु यावे आ लोव़ थमा सुदा बाक्त। मिनु परमप्रभु यावेमी अब्राममी थमा सुइश्शो तशा “ठीक पाइब मुर का बाक्त” दे तुइक्ता बाक्त। रोमी ४:३-५; याकूब २:२३ |
| 378 | GEN 15:17 | मिनु नां रिक्शा, छिङछिङ दुम्शा नोले मी ब्रशो चुप्लु का ग्रूमाक्त। मिनु ब्रशो तोव़शी का मेको श्ये आ एर ओंथ गाक्माक्त। प्रस्थान १९:१८ |