| 2 | GEN 1:2 | मिनु खप, फश, ब्वाक्कु नेल्ल खाल्सीशा, मारेइ मवाशो बाक्माक्त। मिनु मेको तारी छिङछिङ बाक्माक्त। परमप्रभु आ सोक्त ब्वाक्कु तारी फिल फिल पा हिम्सीशा बाक्बाक्माक्त। |
| 3 | GEN 1:3 | मिनु परमप्रभुमी “छेङछेङ दुमो” देंमेनु, छेङछेङ दुम्माक्त। भजन संग्रह ३३:९; हिब्रू ११:३; यसैया ४५:७ |
| 5 | GEN 1:5 | मिनु परमप्रभुमी छेङछेङ कली नाक्ती नु छिङछिङ कली नाक्दो, दे नें वोदा बाक्त। मिनु नां रिक्शा, नां सोव़शा, मेको ङोंइती ङा नाक्ती दुम्माक्त। |
| 8 | GEN 1:8 | परमप्रभुमी मेको फ्रातीके कली सरीङ, दे नें वोदा बाक्त। मिनु नां रिक्शा, नां सोव़शा, मेको निक्शी नाक्त दुम्माक्त। |
| 11 | GEN 1:11 | मिनु परमप्रभुमी रागी ङा खप कली “घांस, फू नु रवापुकी दुम्मल। घांस नु फूपुकीम वांचेर बाक्मल। फल फुल सिप्ब रवापुकी वाशा, आंम आंम फल सिम्मल। मेको आन वांचेर चहिं आन फलपुकीम बाक्मल” देंमाक्त। मिनु मोदेंशो दुम्माक्त। |
| 12 | GEN 1:12 | रागीम घांस नु फूपुकी वाशा, आन वांचेर यो वामा बाक्त। फल फुल रवापुकी वाशा, आन वांचेर यो वामा बाक्त। मिनु परमप्रभुमी आ सेल्शो तशा “रिम्शो दुम्त” देंमाक्त। |
| 13 | GEN 1:13 | मिनु नां रिक्शा, नां सोव़शा, मेको सां नाक्ती दुम्माक्त। |
| 14 | GEN 1:14 | मिनु परमप्रभुमी “नाक्ती नु नाक्दो फ्राचा कली सरीङमी छेङछेङ पा ब्राइबपुकी दुमीन। मेको ब्राइबपुकीम हिंउद नु बर्खा, नाक्ती नु बर्स कली फ्रातीक गेय पामेक्ल। ब्यवस्था ४:१९; भजन संग्रह ७४:१६; यसैया ४७:१३ |
| 19 | GEN 1:19 | मिनु नां रिक्शा, नां सोव़शा, मेको ४ नाक्ती दुम्माक्त। |
| 22 | GEN 1:22 | परमप्रभुमी मेको नेल्ल आन कली आसीक गेशा “सोशा बोशा, शुश दुमीन, समुन्द्र ङा ब्वाक्कु ब्रीङीने” देंमाक्त। चिक्ब आन कली यो “सोशा बोशा, रागीमी शुश दुमीन” देंमाक्त। |
| 23 | GEN 1:23 | मिनु नां रिक्शा, नां सोव़शा, मेको ५ नाक्ती दुम्माक्त। |
| 26 | GEN 1:26 | मिनु नोले परमप्रभुमी “इं खोदेंशो पा मुर का सेल्य। मिनु समुन्द्र ङा ङांइ, सरीङम बेरब चिक्ब, बी ब्यफ, ब्वाकी ङा जन्तु नु खपीम ग्रेशा गाक्ब आइक्च जन्तु नेल्ल आन कली हुकुम पाइब दुम्ल” देंमाक्त। भजन संग्रह ८:६-९; एफिसी ४:२४; कलस्सी १:१५; याकूब ३:९ |
| 28 | GEN 1:28 | मिनु परमप्रभुमी मुर आस कली आसीक गेशा “सोशा बोशा, तमी तौ थिशा, रागी प्रिंशा, रिम्शो पा हुकुम पस। समुन्द्र ङा ङांइ, सरीङम बेरब चिक्ब, रागीम बाक्ब जन्तु नेल्ल नु खपीम ग्रेशा गाक्ब आइक्च जन्तु नेल्ल आन कली रिम्शो पा हुकुम पसे” देंमाक्त। |
| 29 | GEN 1:29 | मिनु परमप्रभुमी “नेनीस, गो इस कली वांचेर सिप्ब, गिग खाइ, फल सिप्ब नु वांचेर सेल्ब रवा गेतन्सी। मेको इस कली जचा ब्वचा दुम्ब। मत्ती ६:२५-३४ |
| 30 | GEN 1:30 | मिनु गो रागीम बाक्ब जन्तु, बी ब्यफ, रागी ङा चिक्ब, खपीम ग्रेशा गाक्ब आइक्च जन्तु नु मारेइ मारेइ ब्रोंइशा बाक्ब आन कली घांस, सुवा ब्वचा गेतामी” देंमाक्त। मिनु मोदेंशो दुम्माक्त। भजन संग्रह १४५:१६ |
| 31 | GEN 1:31 | मिनु परमप्रभुमी आ सेल्शो नेल्ल तशा “शुश रिम्शो दुम्त” देंमाक्त। मिनु नां रिक्शा, नां सोव़शा, मेको ६ नाक्त दुम्माक्त। मत्ती १९:१७; १तिमोथी ४:४ |
| 32 | GEN 2:1 | मिनु मोपा परमप्रभुमी सरीङ, रागी नु मार मार बाक्मा, मेको नेल्ल सेल्ने थुमा बाक्त। |
| 37 | GEN 2:6 | मेना रागी रे खोला ग्रूशा, रागी नेल्ल ङा खप जिप्पाइक्बाक्माक्त। |
| 41 | GEN 2:10 | मिनु रू कली जिप्पाइक्चा, दे एदेन रे खोला का ग्रूमाक्त। मेको खोला नोले ब्राशा, ४ ओटा खोला दुम्शो बाक्मा बाक्त। इजीकीएल ४७:१-१२ |
| 50 | GEN 2:19 | मिनु परमप्रभु यावेमी आ खप के सेल्शो मार मार जन्तु नु सरीङम बेरब चिक्ब आन कली मुरुम मार मार नें वोइक्बाक्मे, दे मुर आ बाक्तीके चाक्मी बाक्त। मिनु मुरुमी ब्रोंइशा बाक्ब नेल्ल आन कली नें वोदा बाक्त। मार नें वोदा, मेको नें लीमा बाक्त। |
| 54 | GEN 2:23 | मिनु आदममी “ओहो, एको रुश, आं रां ङा रुश बाक्त। एको श्ये आं रां ङा श्ये बाक्त” दे तुइक्ता बाक्त। मिनु मेकोमी “मेको आ नें मीश मुर वोइक्चा माल्ब। मारदे हना वोंइश मुर आ रां रे शोल्शो बाक्ब” देंमाक्त। |
| 55 | GEN 2:24 | मोपतीके वोंइश मुरुमी आ आंम आफ आस कली प्रोंइशा, आ मीश नु काथा बाक्ब। मेको निक्शी रां का दुम्नीस। मत्ती १९:५-६; १कोरिन्थी ६:१६; एफिसी ५:३१ |
| 59 | GEN 3:3 | तन्न रू आ दातेमी बाक्शो रवा आ फल आ पर्बम परमप्रभुमी ‘मब्वचा, मथिचा यो। ब्वाइतीसी हना, गे बेक्नीसी’ देंत” देंमाक्त। उत्पत्ती २:१७ |
| 61 | GEN 3:5 | ब्वाइतीसी हना, इस कली रिम्शो नु मरिम्शो मार बाक्बा तुइक्पाइक्ब। मिनु गे परमप्रभु खोदेंशो दुम्नीसी। मेकोन परमप्रभुमी तुइक्ताक्व” देंमाक्त। |
| 62 | GEN 3:6 | मिनु मीश मुरुम मेको रवा तशा ब्वशोनु, ब्रोव़चा ङा कोव़शोनु, दारशो, रुप्तीक थुं गेचा ङा तवा बाक्त। मोपतीके फल सेक्शा, ब्ववा बाक्त। मेको आ नेक्था बाक्ब आ वोंइश कली यो गेवा बाक्त। मेकोमी यो ब्ववा बाक्त। याकूब १:१४-१५; १तिमोथी २:१४ |
| 64 | GEN 3:8 | मिनु नाक्नाक्दो मेको निक्शीमी परमप्रभु यावे रूमी हिरशो नेन्से बाक्त। मिनु “परमप्रभु यावेम मतचा ङा पा ख्रुइक्चा” दे रवा आन दातेमी लशा, ख्रुइक्ससा बाक्त। भजन संग्रह १३९:७-१०; येरमीया २३:२४ |
| 70 | GEN 3:14 | मिनु परमप्रभु यावेमी बुस्स कली “बी ब्यफ नु ब्वाकी ङा जन्तु नेल्ल आन दातेम गे सराप राइनेवे। मारदे हना मोदेंशो मरिम्शो पाप्तीवी। इ रांमी ग्रेशा गाक्चा माल्नेवे। इ ब्रोंइतीक नाक्त सम्म खप जशा, बाक्चा माल्नेवे। |
| 71 | GEN 3:15 | गे नु मेको मीश मुर जिशा, बाक्चा मलीसे। मेको आ युइ नु इ युइ जिशा बाक्नीमी। मीश मुर आ युइ कामी इ पिया दिम्शा प्रोल्ब। गे चहिं मेको आ गेंग्रेम कोक्नेवे” दे सराप पदा बाक्त। प्रकाश १२:४-५,१५-१७ |
| 72 | GEN 3:16 | मिनु मेकोमी मेको मीश मुर कली “कोव़ज कुरशा, आल थिवेनु, इ कली ठेयब श्येत गेनुङ। आल थिचा रोइ पाइनेवे। मो हना यो इ वोंइश कली माल्नेवे। मिनु मेकोमी इ कली हुकुम पाइब” देंमाक्त। एफिसी ५:२२-२३; १तिमोथी २:१२ |
| 73 | GEN 3:17 | मिनु आदम कली “मारदे हना गे इ मीश आ लोव़ नेंशा, मब्वचा देंशो रवा आ फल ब्वाप्तीवी, इ पतीके आ पर्बम इ रू नेल्लेमी सराप ताइनीम। इ जचा थोव़क श्येत पा ख्रुम्चा माल्नेवे। उत्पत्ती ८:२१-२२; अय्युब ३१:३८-३९ |
| 78 | GEN 3:22 | मिनु परमप्रभु यावेमी “मुर इं खोदेंशो दुम्त। रिम्शो नु मरिम्शो तुइक्ब दुम्त। मेको ब्रोंइपाइक्ब रवा आ फल यो सेक्शा, ब्वाप्तु हना, गेना हना यो ब्रोंइब, गेनायो मबेक्ब दुम्ब” देंमाक्त। |
| 80 | GEN 3:24 | परमप्रभुमी मेको आस कली खेरसी बाक्त। मेको आस कली खेरशा, एदेन रू ङा पूर्बमी आ स्वर्ग ङा करूब माइश्शो गेय पाइब वोदा बाक्त। मेकेर मी ब्रशो एर ओंथ हिरब तरवार का यो वोदा बाक्त। मेको ब्रोंइपाइक्ब रवा आ फल ब्वचा मताम्सेक्ल, दे कोव़ब वोदा बाक्त। |
| 81 | GEN 4:1 | मिनु नोले आदम आ मीश हव्वा नु इम्माक्त। मिनु हव्वाम कोव़ज कुरशा, तौ का थिमाक्त। हव्वामी “परमप्रभु यावेमी आं कली वारच पा आल का गेती” देंमाक्त। मिनु आ नें काइन वोदा बाक्त। |
| 87 | GEN 4:7 | गे रिम्शो पाप्तीवी हना, गो इ कली मब्राइनुङा ङा? ब्राइनुङ। गे मरिम्शो पाप्तीवी हना, मुर साइक्ब जन्तु खोदेंशो पा, पाप इ लाप्चोमी बाक्ब। मिनु इ कली माल्ब। गे इ मरिम्शो थुं कली ग्राङो” देंमाक्त। गलाती ५:१७; रोमी ६:१२ |
| 91 | GEN 4:11 | मुल गे सराप रशा, इ रू रे खेरचा पुंइसीनेवे। मारदे हना इ लोक्ब आ हुश मेकेर जारशो बाक्ब। गन्ती ३५:३३ |
| 92 | GEN 4:12 | मुल रे गे रू ङा गेय पवीनु, मारेइ मग्रेल्ब। रागी प्रोंइशा, गाक्ब मुर दुम्चा माल्नेवे” दे परमप्रभु यावेमी देंमाक्त। |
| 93 | GEN 4:13 | मिनु काइनम परमप्रभु यावे कली “इन गेशो सजाइ ठेयब बाक्ब। मोमो श्येत गेतीनी हना, फाल्ने मचाप्नुङ। |
| 94 | GEN 4:14 | मुलाक्ती आं कली आं रू रे ग्रुंइताक्यीनी। मिनु इन नेक्था बाक्चा मताइनुङ। गो मुल रागी प्रोंइशा, गाक्ब मुर दुम्नुङ। आं कली सुम थित्तेक्म हना यो, साइक्नीम” देंमाक्त। अय्युब १५:२०-२४ |
| 95 | GEN 4:15 | मिनु परमप्रभु यावेमी “ममाइ, सुइमी इ कली साइक्तेमी हना, इ तशो सराप मेको कली ७ खेयप रचा माल्ब” देंमाक्त। मिनु परमप्रभु यावेमी “काइन कली सुइमी मसदमेक्ल” दे आ रांम चिनु वोदा बाक्त। इजीकीएल ९:६; प्रकाश ७:३-४ |
| 96 | GEN 4:16 | मिनु नोले काइन परमप्रभु यावे आ ङोंइती रे लमाक्त। मिनु एदेन आ पूर्ब गे, नोद माइश्शो रागीम जाक्दीश्शा बाक्माक्त। |
| 97 | GEN 4:17 | मिनु काइन आ मीश नु इम्माक्त। मिनु मेकोमी कोव़ज कुरशा, हनोक थिमाक्त। मिनु काइनम सहर का सेला बाक्त। मेको सहर कली आ तौ हनोक आ नें खोदेंशो पा हनोक नें वोदा बाक्त। |
| 103 | GEN 4:23 | मिनु लमेकमी आ मीश निक्शी आस कली “आदाह नु चिल्लाह, आं लोव़ नेनीस, गे लमेक आ मीश निक्शी, आं सेंदा नेंशा, होस पसे। गो मुर का साइक्ता। मारदे हना मेको ठिटामी आं कली तुप्ती। |
| 104 | GEN 4:24 | काइन साइक्ब ७ खेयप क्येक्क लेत्चा पुंइसीब हना, लमेक साइक्ब ७७ खेयप क्येक्क लेत्चा पुंइसीब” देंमाक्त। उत्पत्ती ४:१५; लेवी १९:१८; ब्यवस्था ३२:३५; मत्ती १८:२२ |
| 107 | GEN 5:1 | एको आदम आ चच, युइ बाक्नीम। परमप्रभुमी मुर सेलानु, आ खोदेंशो पा सेला बाक्त। लूका ३:३७-३८; उत्पत्ती १:२७ |
| 108 | GEN 5:2 | वोंइश मुर का नु मीश मुर का सेला बाक्त। मिनु मेको आस कली आसीक गेशा, आस नें मुर वोंइसी बाक्त। |
| 143 | GEN 6:5 | मिनु परमप्रभु यावेमी “रागीम बाक्शो मुर आं अरेशो मटीब नु मरिम्शो पाइब ला बाक्नीम। मार मिम्ताक्म हना यो, मरिम्शो बाक्त” दे मिम्ता बाक्त। उत्पत्ती ८:२१ |
| 144 | GEN 6:6 | मिनु परमप्रभु यावेमी आंम सेल्शो मुर आन कली तशा, शुश आ थुं मनुथु बाक्शो बाक्माक्त। १सामुएल १५:११-३५; येरमीया १८:७-१० |
| 145 | GEN 6:7 | मिनु परमप्रभु यावेमी “आं सेल्शो मुर आन कली रागी रे क्याम्नुङ। मुर नु जन्तु नेल्ल क्याम्नुङ। खपीम ग्रेशा गाक्ब आइक्च जन्तु नु सरीङम बेरब चिक्ब यो क्याम्नुङ। मारदे हना गो मेको आन कली सेल्शा यो, आं थुं मनुङ” दे मिम्ता बाक्त। गन्ती २३:१९; रोमी ३:३-४; २तिमोथी २:१३ |
| 146 | GEN 6:8 | मिनु परमप्रभु यावेमी नोआह तवानु, मेको कली दाक्ता बाक्त। हिब्रू ११:७ |
| 148 | GEN 6:10 | मिनु नोआह आ तौ सां आन नें शेम, हाम नु यफेथ बाक्मा बाक्त। |
| 149 | GEN 6:11 | परमप्रभुमी मुर आन कली कोव़ङानु, नेल्ल मरिम्शो बाक्मा बाक्त। रागी नेल्ल हुश ख्राक्श पोक्तीकेमी ब्रीमाक्त। अर्को मरिम्शो पाइब यो बाक्मा बाक्त। |
| 150 | GEN 6:12 | मिनु परमप्रभुमी रागीम बाक्ब मुर आन कली कोव़ङानु, शुश मरिम्शो बाक्मा बाक्त। मुर नेल्लेमी आन दला दाक्स पामे बाक्त। भजन संग्रह १४:२-३ |
| 153 | GEN 6:15 | मिनु परमप्रभुमी “डोंगा दोपा सेल्चा माल्नेवे देंशा हना, मेको आ लाइश्शो सहे सां कुबीत दुम्चा माल्ब। आ ब्रेम्शो ५० कुबीत दुम्चा माल्ब। आ ग्येत्थ लाइश्शो ३० कुबीत दुम्चा माल्ब। कुबीत का ०.५ मिटर खोदेंशो बाक्ब। |
| 154 | GEN 6:16 | मिनु छाना रे हात का प्रोंइशा, फश ग्रूतीक बोखा का सेल्चा माल्नेवे। मिनु का पटटीम लाप्चो का वोइक्चा माल्नेवे। आगामी खप तला का, दाते तला का नु तला तारी बाक्तीक का सेल्चा माल्नेवे। |
| 156 | GEN 6:18 | तन्न गो इन कली कोव़नुङ, गे नु आं कबल पाइनुङ। मिनु गे, इ तौपुकी, इ मीश, नु इ चाइमीपुकी मेको डोंगामी ओव़चा माल्नीनी। मेको नेल्ल गे नु ब्रोंइचा माल्नीम। मेको पोथी भाले, बी ब्यफ नेल्ल निक्निक्शी बाक्चा माल्नीम। उत्पत्ती ९:९ |
| 158 | GEN 6:20 | मारेइ मारेइ चिक्ब, मारेइ मारेइ जन्तु नु मारेइ मारेइ खपीम ग्रेशा गाक्ब आइक्च जन्तु निक्निक्शी ब्रोंइचा, दे गे नु डोंगामी ओव़शा, बाक्चा माल्नीम। |
| 159 | GEN 6:21 | मिनु इन कली, मार मार जचा ब्वचा ओंइशा, उप्शा वोतो। मेको इन कली नु मेको आन कली जचा थोव़क दुम्ब” दे परमप्रभुमी नोआह कली अरेवा बाक्त। |
| 160 | GEN 6:22 | मिनु परमप्रभुमी मार मार मदा, नोआहमी नेल्ल टिशा, पवा बाक्त। हिब्रू ११:७ |
| 162 | GEN 7:2 | गे चढ़ेचा दुम्ब बी ब्यफ, क्यारश बोका, भेडा सांड रे ७ जोड लतो। उत्पत्ती ८:२०; लेवी ११:- |
| 165 | GEN 7:5 | मिनु परमप्रभु यावेमी मार मार अरेवा, नोआहमी नेल्ल टिशा पवा बाक्त। |
| 166 | GEN 7:6 | रागीमी रेउ यिचा गोवानु, नोआह ६ सहे बर्स दुम्शो बाक्माक्त। |
| 167 | GEN 7:7 | मिनु नोआहम मार पवा बाक्त देंशा हना, ङोंइती आ तौपुकी, आ मीश, आ चाइमीपुकी ब्वाक्कु रे प्रोंइचा कली ठेयब डोंगामी ओव़पाइक्मी बाक्त। १ पत्रुस ३:२० |
| 169 | GEN 7:9 | निक्निक्शी बी ब्यफ, जोड जोड भाले पोथी नोआह नु ठेयब डोंगामी ओव़मा बाक्त। परमप्रभुमी दोपा नोआह कली अरेवा, मोपा पवा बाक्त। उत्पत्ती ६:१९-२० |
| 171 | GEN 7:11 | मिनु रेउ यिमेनु, उइ रे यो ब्वाक्कु बारशा कुचा गोवा बाक्त। मेना नोआह ६ सहे बर्स, महिना निक्शी १७ नाक्त दुम नाक्त मोदेंशो दुम्माक्त। प्रकाश ९:१ |
| 173 | GEN 7:13 | मेको रेउ यिचा आ ङोंइती नाक्ती नोआह नु आ तौ शेम, हाम, नु यफेथ सांफा, नोआह आ मीश नु आ चाइमी सांफा मेको डोंगामी ओव़मा बाक्त। |
| 174 | GEN 7:14 | मिनु मारेइ मारेइ जन्तु, मारेइ मारेइ बी ब्यफ, क्यारश भेडा, मारेइ मारेइ खपीम ग्रेशा गाक्ब आइक्च जन्तु नु मारेइ मारेइ फ्रां पाइश्शो, ब्रोंइशा बाक्ब जन्तु |
| 176 | GEN 7:16 | मिनु ब्रोंइशा बाक्ब नेल्ल जोड जोड पा, भाले पोथी नेल्ल ओव़मा बाक्त। परमप्रभुमी नोआह कली दोपा अरेवा, मोपा नेल्ल टिशा पवा बाक्त। मेको नेल्ल ओव़मा नोले परमप्रभु यावेमी लाप्चो चोक्गा बाक्त। उत्पत्ती ६:१९ |
| 177 | GEN 7:17 | मिनु ब्वाक्कु ४० नाक्त सम्म रागीम ब्रीना ब्रीन बाक्माक्त। ब्वाक्कु शुश बारशा, ब्वाक्कुमी ठेयब डोंगा कली कुरा बाक्त। ब्वाक्कु रागीम शुश बारमाक्त। |
| 178 | GEN 7:18 | मिनु रेउ यिना यिन, ब्वाक्कु बारना बारन लमेनु, मेको डोंगा ब्वाक्कु तारी गाक्चा गोवा बाक्त। |
| 181 | GEN 7:21 | मिनु रागीम मार मार ब्रोंइशो बाक्मा, बी ब्यफ, क्यारश भेडा, ब्वाकी ङा जन्तु, रागीम फोंइब, खपीम ग्रेशा गाक्ब आइक्च जन्तु नु मुर नेल्ल बेक्मा बाक्त। २पत्रुस ३:५-६ |
| 183 | GEN 7:23 | मोपा मेकोमी रागीम ब्रोंइशा बाक्ब मार मार बाक्मा, मुर, जन्तु खपीम ग्रेशा गाक्ब आइक्च जन्तु नु सरीङम बेरब चिक्ब नेल्ल क्याम्दा बाक्त। नोआह नु आ खिं ङा मुर ला प्रोंइमी बाक्त। |
| 187 | GEN 8:3 | मिनु मेको ब्वाक्कु सोव़ना सोव़न लशा, सहे का ५० नाक्त नोले शुश सोव़माक्त। |
| 197 | GEN 8:13 | मेको नोआह ६ सहे बर्स का दुम्मे आ ङोंइती ङा महिना ङा ङोंइती ङा नाक्तीम रागीमी ब्वाक्कु सोव़माक्त। नोआहमी ठेयब डोंगा आ छाना थूशा, कोव़शा “लो, ब्वाक्कु नेल्ल सोव़माक्त” देंमाक्त। उत्पत्ती ७:११ |
| 200 | GEN 8:16 | “गे, इ मीश, इ तौपुकी नु इ चाइमीपुकी डोंगा रे ग्रूङीन” देंमाक्त। |
| 202 | GEN 8:18 | मिनु नोआह, आ तौपुकी, आ मीश नु आ चाइमीपुकी ग्रूमा बाक्त। २ पत्रुस २:५ |
| 205 | GEN 8:21 | मिनु परमप्रभु यावेमी मेको ब्रोव़शो रिना नाम्शा, ग्येरसे बाक्त। आ थुंमी “मुरुम मरिम्शो पतीकेम खप कली मुल सराप गेनायो मपाइनुङ। मुर आ थुं मरिम्शो बाक्त हना यो, गेनायो सराप मपाइनुङ। गो ब्रोंइशा बाक्ब नेल्ल आन कली साइश्शा क्याम्ताक्ङ। मोदेंशो गेनायो लेंशा मपाइनुङ। उत्पत्ती ६:५; अय्युब १४:४; भजन संग्रह १४:३; मत्ती १५:१९; रोमी ३:२३ |
| 206 | GEN 8:22 | रागी बाक्म सम्म शोक्चा, ख्रुम्चा नु रिक्चा तांइसीब। ग्यू पाइब, हुप्ब, हिंउद नु बर्खा दुम्ब। नाक्दो नाक्त दुम्ब” दे लोव़ पवा बाक्त। येरमीया ३३:२०,२५ |
| 207 | GEN 9:1 | मिनु परमप्रभुमी नोआह नु आ तौ आन कली आसीक गेमी बाक्त। मेकोमी “तमी तौ थिशा, सोशा बोशा शुश दुमीन। रागी प्रिंदीने। उत्पत्ती १:२८ |
| 208 | GEN 9:2 | रागी ङा जन्तु नेल्ल, सरीङम बेरब चिक्ब, खपीम ग्रेशा गाक्ब आइक्च जन्तु नु समुन्द्र ङा ङांइ नेल्ल, इन कली तशा, हिंचा माल्नीम। मेको आन कली इन गुइमी गेता। |
| 211 | GEN 9:5 | मुरुमी मुर कली साइक्तु हना, जन्तुमी मुर कली साइक्तु हना, मेको यो साइक्चा पुंइसीब। मुरुमी आ लोक्ब साइक्तु हना, मेको यो साइक्चा पुंइसीब। लेवी ३:१७; लेवी १७:१०-१४; ब्यवस्था १२:२३ |
| 212 | GEN 9:6 | सु सुमी मुर साइश्शा हुश जारबा, मेको यो मोपान साइश्शा, हुश जारचा पुंइसीब। मारदे हना गो मुर कली आं खोदेंशो पा सेल्ता। प्रस्थान २१:१२; लेवी २४:१७; गन्ती ३५:३३; मत्ती २६:५२; रोमी १३:४; प्रकाश १३:१० |
| 217 | GEN 9:11 | गो मार कबल पाइनुङ देंशा हना, ब्रोंइशा बाक्ब नेल्ल आन कली ब्वाक्कुम मसाइक्नुङ। रागी बिग्रेचा कली गेनायो ब्वाक्कु मबारपाइक्नुङ” देंमाक्त। |
| 221 | GEN 9:15 | मिनु गो गे नु मारेइ मारेइ ब्रोंइशा बाक्ब नु कबल पाता, दे मिम्नुङ। गो गेनायो ब्रोंइशा बाक्ब नेल्ल आन कली ब्वाक्कुमी मसाइक्नुङमी। यसैया ५४:७-१० |
| 222 | GEN 9:16 | मेको वाक्श गोस्सुम बाक्मेनु, गो मेको कली ताइनुङ। मिनु गो रागीम बाक्ब मुर नु ब्रोंइशा बाक्ब नेल्ल नु गेना हना यो लीब कबल पाता, दे मिम्नुङ” देंमाक्त। |
| 224 | GEN 9:18 | डोंगा रे ग्रूशो नोआह आ तौपुकी शेम, हाम नु यफेथ बाक्मा बाक्त। हाम चहिं कनान आ आफ बाक्माक्त। उत्पत्ती ५:३२ |
| 228 | GEN 9:22 | मिनु कनान आ आफ हाममी आ आफ शिश्रा तशा, लाङगामी बाक्शो आ लोक्ब आस कली देंमाक्त। प्रस्थान २०:१२; हितोपदेस ३०:१७ |
| 229 | GEN 9:23 | मेको नेंशा, शेम नु यफेथम वा का सुर सुरम ग्याइश्शा लाप्शा, नोले रे ग्रेना ग्रेन लशा, आस आफ आ ताम्बु ओव़सा बाक्त। मिनु आस आफ आ भेत्रे रां सुम्से बाक्त। नोले रे ग्रेशा, आस आफ आ शिश्रा रां मताम्से बाक्त। |
| 230 | GEN 9:24 | मिनु नोले नोआह आ दुक्शो रे सेंसे बाक्त। आ चचमी आ कली मार पवा, नेल्ल तुइक्ता बाक्त। |
| 234 | GEN 9:28 | मिनु ठेयब ब्वाक्कु बारशा नोले, नोआह सहे सां ५० बर्स ब्रोंइमाक्त। |
| 236 | GEN 10:1 | ब्वाक्कु बारम नोले नोआह आ तौपुकी शेम, हाम नु यफेथमी तौपुकी थीमा बाक्त। नोआह आ तौ आन चच युइ सु सु बाक्मा बाक्त देंशा हना, |
| 237 | GEN 10:2 | यफेथ आ तौ गोमेर, मागोग, मादै, यावान, तूबल, मेशेक नु तिरास बाक्मा बाक्त। इजीकीएल २७:१३-२२; इजीकीएल ३८:२; इजीकीएल ३९:१,६ |
| 239 | GEN 10:4 | यावान आ तौपुकी एलीशाह, कित्तीम, टारशीश नु दोदानीम बाक्मा बाक्त। |
| 240 | GEN 10:5 | मेको मुरपुकी रे समुन्द्र आ नेक्था बाक्ब जरमेशो बाक्मा बाक्त। मेकोपुकी यफेथ आ चच युइ बाक्मा बाक्त। मेकोपुकी आंम रागीम बाक्शो बाक्मा बाक्त। मिनु आंम रागी रागीमी, आंम खिं खिं ङा मुरुमी आंम लोव़ ब्वाक्मा बाक्त। |
| 241 | GEN 10:6 | हाम आ तौपुकी कूश, इजीप्त, पूत नु कनान बाक्मा बाक्त। |
| 242 | GEN 10:7 | कूश आ तौपुकी शेबा, हवीलाह, साब्ताह, रामाह नु साब्तेका बाक्मा बाक्त। रामाह आ तौ निक्शी शेबा नु देदान बाक्सा बाक्त। |
| 246 | GEN 10:11 | निम्रोद मेको रागी रे अस्सुर जाक्शा, निनवे, रेहोबोथ-इर नु कालाह सहर सेला बाक्त। |
| 248 | GEN 10:13 | इजीप्त, लूदीम, अनामीम, लेहाबीम, नफ्तुहीम, |
| 249 | GEN 10:14 | पथ्रुसीम, कस्लुहीम नु काफ्तोरीम आन आफ दुम्माक्त। मेकोपुकी रे पलिस्ती ग्रूमा बाक्त। |
| 251 | GEN 10:16 | मिनु नोले यबुसी, एमोरी, गिरगाशी, |
| 252 | GEN 10:17 | हिव्वी, अरकी, सिनी, |