3	GEN 1:3	मिनु परमप्रभुमी “छेङछेङ दुमो” देंमेनु, छेङछेङ दुम्‍माक्‍त। भजन संग्रह ३३:९; हिब्रू ११:३; यसैया ४५:७
7	GEN 1:7	मोपा परमप्रभुमी सरीङ आगा ङा ब्‍वाक्‍कु नु सरीङ तारी ङा ब्‍वाक्‍कु फ्रादीम्‍सी बाक्‍त। मिनु ब्‍वाक्‍कु बुक्‍शा बाक्‍मा बाक्‍त। भजन संग्रह १९:२; भजन संग्रह १३६:६; भजन संग्रह १४८:४
9	GEN 1:9	मिनु परमप्रभुमी “सरीङ आगा ङा ब्‍वाक्‍कु काथा दुमीन। सोव़शो रू ग्रूङो” देंमाक्‍त। मेको यो दुम्‍माक्‍त। अय्‍युब ३८:८-११; भजन संग्रह २४:२; २पत्रुस ३:५
14	GEN 1:14	मिनु परमप्रभुमी “नाक्‍ती नु नाक्‍दो फ्राचा कली सरीङमी छेङछेङ पा ब्राइबपुकी दुमीन। मेको ब्राइबपुकीम हिंउद नु बर्खा, नाक्‍ती नु बर्स कली फ्रातीक गेय पामेक्‍ल। ब्‍यवस्‍था ४:१९; भजन संग्रह ७४:१६; यसैया ४७:१३
21	GEN 1:21	मोपा परमप्रभुमी ब्‍वाक्‍कुम बाक्‍ब ठेयब हिंचा ङा जन्‍तु नु मारेइ मारेइ ब्रोंइशा बाक्‍ब सेल्‍मी बाक्‍त। मेको शुश दुम्‍शा, समुन्‍द्र ब्रीशा बाक्‍मा बाक्‍त। चिक्‍ब यो शुश दुम्‍मा बाक्‍त। मिनु परमप्रभुमी मेको तशा “रिम्‍शो दुम्‍त” देंमाक्‍त। भजन संग्रह ७४:१३-१४; १४८:७
26	GEN 1:26	मिनु नोले परमप्रभुमी “इं खोदेंशो पा मुर का सेल्‍य। मिनु समुन्‍द्र ङा ङांइ, सरीङम बेरब चिक्‍ब, बी ब्‍यफ, ब्‍वाकी ङा जन्‍तु नु खपीम ग्रेशा गाक्‍ब आइक्‍च जन्‍तु नेल्‍ल आन कली हुकुम पाइब दुम्‍ल” देंमाक्‍त। भजन संग्रह ८:६-९; एफिसी ४:२४; कलस्‍सी १:१५; याकूब ३:९
27	GEN 1:27	मिनु परमप्रभुमी आ खोदेंशो तांइसीशो का सेला बाक्‍त। मेकोमी वोंइश मुर का नु मीश मुर का सेला बाक्‍त। उत्‍पत्ती ९:६; मत्ती १९:४
30	GEN 1:30	मिनु गो रागीम बाक्‍ब जन्‍तु, बी ब्‍यफ, रागी ङा चिक्‍ब, खपीम ग्रेशा गाक्‍ब आइक्‍च जन्‍तु नु मारेइ मारेइ ब्रोंइशा बाक्‍ब आन कली घांस, सुवा ब्‍वचा गेतामी” देंमाक्‍त। मिनु मोदेंशो दुम्‍माक्‍त। भजन संग्रह १४५:१६
31	GEN 1:31	मिनु परमप्रभुमी आ सेल्‍शो नेल्‍ल तशा “शुश रिम्‍शो दुम्‍त” देंमाक्‍त। मिनु नां रिक्‍शा, नां सोव़शा, मेको ६ नाक्‍त दुम्‍माक्‍त। मत्ती १९:१७; १तिमोथी ४:४
33	GEN 2:2	मिनु ६ नाक्‍तीम आ गेय नेल्‍ल थुम्‍शा ङा मिन ७ नाक्‍तीम नांइसे बाक्‍त। हिब्रू ४:४
40	GEN 2:9	मिनु परमप्रभु यावेमी मेकेर मार मार दारशो तांइसीब रवा नु जचा ब्‍वचा फल सिप्‍ब रवा वापदा बाक्‍त। ब्रोंइपाइक्‍ब का नु रिम्‍शो नु मरिम्‍शो तुइक्‍पाइक्‍ब रवा का यो रू आ दातेमी वापदा बाक्‍त। उत्‍पत्ती ३:२२; प्रकाश २:७; प्रकाश २२:२
48	GEN 2:17	तन्‍न रिम्‍शो नु मरिम्‍शो तुइक्‍पाइक्‍ब रवा रे ब्‍वचा मदुम्‍ब। तेको नाक्‍त ब्‍वाइनेवे, मेको नाक्‍तीन बेक्‍नेवे” दे अरेवा बाक्‍त। रोमी ६:२३
49	GEN 2:18	मिनु परमप्रभु यावेमी “मुर का ला बाक्‍चा मरिम्‍शो दुम्‍ब। गो मेको नु बाक्‍चा कली वारच पाइब का सेल्‍नुङ” देंमाक्‍त। उपदेसक ४:३०
55	GEN 2:24	मोपतीके वोंइश मुरुमी आ आंम आफ आस कली प्रोंइशा, आ मीश नु काथा बाक्‍ब। मेको निक्‍शी रां का दुम्‍नीस। मत्ती १९:५-६; १कोरिन्‍थी ६:१६; एफिसी ५:३१
57	GEN 3:1	मिनु परमप्रभु यावे आ सेल्‍शो जन्‍तु आन दातेमी नेल्‍ल क्‍येङा निप्‍स पाइश्‍शो बुस्‍स दुम्‍माक्‍त। मिनु बुस्‍सुमी मीश मुर कली “परमप्रभुमी इस कली ‘एको रू ङा रवा आन फल मारेइ मब्‍वसे’ देंमे?” दे हिल्‍लो पवा बाक्‍त। प्रकाश १२:९; प्रकाश २०:२
58	GEN 3:2	मिनु मीश मुरुमी बुस्‍स कली “गो एको रू ङा रवा आन फल ब्‍वचा दुम्‍नस्‍कु। उत्‍पत्ती २:१६
59	GEN 3:3	तन्‍न रू आ दातेमी बाक्‍शो रवा आ फल आ पर्बम परमप्रभुमी ‘मब्‍वचा, मथिचा यो। ब्‍वाइतीसी हना, गे बेक्‍नीसी’ देंत” देंमाक्‍त। उत्‍पत्ती २:१७
60	GEN 3:4	तन्‍न बुस्‍सुमी “गे बेक्‍सीन मबेक्‍नीसी। यूहन्‍ना ८:४४
62	GEN 3:6	मिनु मीश मुरुम मेको रवा तशा ब्‍वशोनु, ब्रोव़चा ङा कोव़शोनु, दारशो, रुप्‍तीक थुं गेचा ङा तवा बाक्‍त। मोपतीके फल सेक्‍शा, ब्‍ववा बाक्‍त। मेको आ नेक्‍था बाक्‍ब आ वोंइश कली यो गेवा बाक्‍त। मेकोमी यो ब्‍ववा बाक्‍त। याकूब १:१४-१५; १तिमोथी २:१४
63	GEN 3:7	मिनु नोले निम्‍फा शिश्रा बाक्‍शो तुइक्‍तसे बाक्‍त। मिनु फोव़शी रवा आ सफा सेक्‍शा फेक्‍तीक सेल्‍से बाक्‍त। उत्‍पत्ती २:२५
64	GEN 3:8	मिनु नाक्‍नाक्‍दो मेको निक्‍शीमी परमप्रभु यावे रूमी हिरशो नेन्‍से बाक्‍त। मिनु “परमप्रभु यावेम मतचा ङा पा ख्रुइक्‍चा” दे रवा आन दातेमी लशा, ख्रुइक्‍ससा बाक्‍त। भजन संग्रह १३९:७-१०; येरमीया २३:२४
68	GEN 3:12	मिनु मुरुमी “इन गेशो मीश मुरुमी आं कली मेको रवा आ फल गेती। मिनु गो ब्‍वाता” देंमाक्‍त। २कोरिन्‍थी ११:३
69	GEN 3:13	मिनु परमप्रभु यावेमी मेको मीश मुर कली “मार पवी?” दे हिल्‍लो पवा बाक्‍त। मीश मुरुमी “बुस्‍सुमी आं कली जोल पा ब्‍वपाइक्‍ती। मिनु गो ब्‍वाता” देंमाक्‍त। २कोरिन्‍थी ११:३
72	GEN 3:16	मिनु मेकोमी मेको मीश मुर कली “कोव़ज कुरशा, आल थिवेनु, इ कली ठेयब श्‍येत गेनुङ। आल थिचा रोइ पाइनेवे। मो हना यो इ वोंइश कली माल्‍नेवे। मिनु मेकोमी इ कली हुकुम पाइब” देंमाक्‍त। एफिसी ५:२२-२३; १तिमोथी २:१२
75	GEN 3:19	इ कुप्‍फी रे गाल यिपाइश्‍शा शोब्‍ले जचा माल्‍नेवे। गे खप मदुमे सम्‍म मोदेंशो पचा माल्‍नेवे। मारदे हना गो इ कली खप रे सेल्‍शो नङ” दे परमप्रभु यावेमी आदम कली देंमाक्‍त। उत्‍पत्ती २:७; भजन संग्रह ९०:१०; भजन संग्रह १०४:२९; उपदेसक १२:७; २थिस्‍सलोनिकी ३:१०
79	GEN 3:23	मोपतीके परमप्रभु यावेमी खप रे सेल्‍शो मुर कली एदेन माइश्‍शो रू रे ग्रुंइ‍शा, अरु रूम गेय पथ सोइक्‍ता बाक्‍त। उत्‍पत्ती २:१५
83	GEN 4:3	काबु काइनमी आ रू ङा सिश्‍शो मारेइ मारेइ थोव़क परमप्रभु यावे कली चढ़ेवा बाक्‍त। प्रस्‍थान २३:१९
84	GEN 4:4	हाबीलमी आ ङोंइती गिक्‍शो पाठा आ श्‍ये नु बोंसो परमप्रभु यावे कली चढ़ेवा बाक्‍त। मिनु परमप्रभु यावेमी हाबील आ चढ़ेशो ब्रवा बाक्‍त। प्रस्‍थान ३४:१९; लेवी ३:१६
85	GEN 4:5	तन्‍न काइन आ चढ़ेशो मब्रवा बाक्‍त। मिनु काइन आ कुल राव किक्‍पा चुरमाक्‍त। प्रस्‍थान ३३:१९; हिब्रू ११:४
87	GEN 4:7	गे रिम्‍शो पाप्‍तीवी हना, गो इ कली मब्राइनुङा ङा? ब्राइनुङ। गे मरिम्‍शो पाप्‍तीवी हना, मुर साइक्‍ब जन्‍तु खोदेंशो पा, पाप इ लाप्‍चोमी बाक्‍ब। मिनु इ कली माल्‍ब। गे इ मरिम्‍शो थुं कली ग्राङो” देंमाक्‍त। गलाती ५:१७; रोमी ६:१२
89	GEN 4:9	मिनु परमप्रभु यावेमी काइन कली “इ लोक्‍ब ते बाक्‍म?” दे हिल्‍लो पवा बाक्‍त। मिनु काइनमी “ङाद, गो आं लोक्‍ब आ गोठला नङा ङा?” देंमाक्‍त। उत्‍पत्ती ३:९
90	GEN 4:10	मिनु मेकोमी “नेनो, मार पवी? इ लोक्‍ब आ हुशेमी आं कली खप रे ब्रेश्‍शो नेंता। भजन संग्रह ९:१३; मत्ती २३:३५; हिब्रू १२:२४
91	GEN 4:11	मुल गे सराप रशा, इ रू रे खेरचा पुंइसीनेवे। मारदे हना इ लोक्‍ब आ हुश मेकेर जारशो बाक्‍ब। गन्‍ती ३५:३३
104	GEN 4:24	काइन साइक्‍ब ७ खेयप क्‍येक्‍क लेत्‍चा पुंइसीब हना, लमेक साइक्‍ब ७७ खेयप क्‍येक्‍क लेत्‍चा पुंइसीब” देंमाक्‍त। उत्‍पत्ती ४:१५; लेवी १९:१८; ब्‍यवस्‍था ३२:३५; मत्ती १८:२२
106	GEN 4:26	मिनु सेथमी यो तौ का थि‍माक्‍त। मिनु मेको कली एनोश नें वोदा बाक्‍त। मिनु मेना रे मुरपुकीमी परमप्रभु यावे कली पुंइचा नु ठेयब सेल्‍चा गोव़मे बाक्‍त। उत्‍पत्ती १२:८
107	GEN 5:1	एको आदम आ चच, युइ बाक्‍नीम। परमप्रभुमी मुर सेलानु, आ खोदेंशो पा सेला बाक्‍त। लूका ३:३७-३८; उत्‍पत्ती १:२७
109	GEN 5:3	मिनु आदम सहे का ३० बर्स दुम्‍मेनु, आ खोदेंशो तौ का थि‍‍माक्‍त। मिनु मेको कली सेथ नें वोदा बाक्‍त। भजन संग्रह ५१:७; १कोरिन्‍थी १५:४५
128	GEN 5:22	हनोक आ थुंमी परमप्रभु आ नेक्‍था बाक्‍शो बाक्‍माक्‍त। हनोक मेथुसेलाह थिशा नोले सहे सां बर्स ब्रोंइमाक्‍त। अरु तमी तौ यो थि‍माक्‍त। उत्‍पत्ती ६:९
130	GEN 5:24	हनोक परमप्रभु नु गाक्‍बाक्‍माक्‍त। मिनु परमप्रभुमी हनोक कली आ बाक्‍तीक लदा बाक्‍त। मुरपुकीम हनोक कली माल्‍शा, मथिदमे बाक्‍त। २राजा २:११; हिब्रू ११:५
142	GEN 6:4	मेना रागीमी नेफीलीम माइश्‍शो थम लाइश्‍शो मुरपुकी बाक्‍शो बाक्‍मा बाक्‍त। मिनु नोले परमप्रभु आ तौपुकीमी रागी ङा तमी आन कली चाक्‍शा, आल थीमे बाक्‍त। मेको बोल्‍यो नु ठेयब लडाइ पाइब मुर दुम्‍मा बाक्‍त। इजीकीएल ३२:२७
143	GEN 6:5	मिनु परमप्रभु यावेमी “रागीम बाक्‍शो मुर आं अरेशो मटीब नु मरिम्‍शो पाइब ला बाक्‍नीम। मार मिम्‍ताक्‍म हना यो, मरिम्‍शो बाक्‍त” दे मिम्‍ता बाक्‍त। उत्‍पत्ती ८:२१
145	GEN 6:7	मिनु परमप्रभु यावेमी “आं सेल्‍शो मुर आन कली रागी रे क्‍याम्‍नुङ। मुर नु जन्‍तु नेल्‍ल क्‍याम्‍नुङ। खपीम ग्रेशा गाक्‍ब आइक्‍च जन्‍तु नु सरीङम बेरब चिक्‍ब यो क्‍याम्‍नुङ। मारदे हना गो मेको आन कली सेल्‍शा यो, आं थुं मनुङ” दे मिम्‍ता बाक्‍त। गन्‍ती २३:१९; रोमी ३:३-४; २तिमोथी २:१३
146	GEN 6:8	मिनु परमप्रभु यावेमी नोआह तवानु, मेको कली दाक्‍ता बाक्‍त। हिब्रू ११:७
147	GEN 6:9	नोआह आ तौ सां बाक्‍मा बाक्‍त। नोआह शुश रिम्‍शो मुर बाक्‍माक्‍त। मुर नेल्‍लेमी “ठीक पाइब दोस मताइब मुर बाक्‍ब” दे तुइक्‍तमे बाक्‍त। नोआह परमप्रभु नु गाक्बाक्‍माक्‍त। उत्‍पत्ती ५:२२
151	GEN 6:13	मिनु परमप्रभुमी नोआह कली “गो मुर नेल्‍ल आन कली क्‍याम्‍नुङमी। मारदे हना मेको आन पर्बम रागी हुश ख्राक्‍श पोक्‍तीकेमी ब्री‍त। मुर नु रागी नेल्‍ल आन कली क्‍याम्‍नुङ। आमोस ८:२
156	GEN 6:18	तन्‍न गो इन कली कोव़नुङ, गे नु आं कबल पाइनुङ। मिनु गे, इ तौपुकी, इ मीश, नु इ चाइमीपुकी मेको डोंगामी ओव़चा माल्‍नीनी। मेको नेल्‍ल गे नु ब्रोंइचा माल्‍नीम। मेको पोथी भाले, बी ब्‍यफ नेल्‍ल निक्‍‍निक्‍शी बाक्‍चा माल्‍नीम। उत्‍पत्ती ९:९
160	GEN 6:22	मिनु परमप्रभुमी मार मार मदा, नोआहमी नेल्‍ल टिशा, पवा बाक्‍त। हिब्रू ११:७
161	GEN 7:1	मिनु परमप्रभु यावेमी नोआह कली “गे नु इ खिं ङा मुर नेल्‍ल शी के ठेयब डोंगामी ओव़ङीन। मारदे हना एको पाला ङा मुर आन दातेमी गे का ला ठीक पाइब बाक्‍नेवे। उत्‍पत्ती ६:८
167	GEN 7:7	मिनु नोआहम मार पवा बाक्‍त देंशा हना, ङोंइती आ तौपुकी, आ मीश, आ चाइमीपुकी ब्‍वाक्‍कु रे प्रोंइचा कली ठेयब डोंगामी ओव़पाइक्‍मी बाक्‍त। १ पत्रुस ३:२०
171	GEN 7:11	मिनु रेउ यिमेनु, उइ रे यो ब्‍वाक्‍कु बारशा कुचा गोवा बाक्‍त। मेना नोआह ६ सहे बर्स, महिना निक्‍शी १७ नाक्‍त दुम नाक्‍त मोदेंशो दुम्‍माक्‍त। प्रकाश ९:१
176	GEN 7:16	मिनु ब्रोंइशा बाक्‍ब नेल्‍ल जोड जोड पा, भाले पोथी नेल्‍ल ओव़मा बाक्‍त। परमप्रभुमी नोआह कली दोपा अरेवा, मोपा नेल्‍ल टिशा पवा बाक्‍त। मेको नेल्‍ल ओव़मा नोले परमप्रभु यावेमी लाप्‍चो चोक्‍गा बाक्‍त। उत्‍पत्ती ६:१९
188	GEN 8:4	मिनु मेको बर्स ङा ७ महिना ङा १७ नाक्‍त मेको ठेयब डोंगा आरारात माइश्‍शो डांडामी जाक्‍दीश्‍शा दिक्‍माक्‍त। उत्‍पत्ती ७:११
197	GEN 8:13	मेको नोआह ६ सहे बर्स का दुम्‍मे आ ङोंइती ङा महिना ङा ङोंइती ङा नाक्‍तीम रागीमी ब्‍वाक्‍कु सोव़माक्‍त। नोआहमी ठेयब डोंगा आ छाना थूशा, कोव़शा “लो, ब्‍वाक्‍कु नेल्‍ल सोव़माक्‍त” देंमाक्‍त। उत्‍पत्ती ७:११
202	GEN 8:18	मिनु नोआह, आ तौपुकी, आ मीश नु आ चाइमीपुकी ग्रूमा बाक्‍त। २ पत्रुस २:५
204	GEN 8:20	मिनु नोले नोआहम परमप्रभु यावे कली चढ़ेतीक का सेला बाक्‍त। मिनु चढ़ेचा दुम्‍ब बस्‍तु नु चढ़ेचा दुम्‍ब चिक्‍ब नेल्‍ल लाइश्‍शा चोशा चढ़ेतीक चढ़ेवा बाक्‍त। उत्‍पत्ती ७:२
205	GEN 8:21	मिनु परमप्रभु यावेमी मेको ब्रोव़शो रिना नाम्‍शा, ग्‍येरसे बाक्‍त। आ थुंमी “मुरुम मरिम्‍शो पतीकेम खप कली मुल सराप गेनायो मपाइनुङ। मुर आ थुं मरिम्‍शो बाक्‍त हना यो, गेनायो सराप मपाइनुङ। गो ब्रोंइशा बाक्‍ब नेल्‍ल आन कली साइश्‍शा क्‍याम्‍ताक्‍ङ। मोदेंशो गेनायो लेंशा मपाइनुङ। उत्‍पत्ती ६:५; अय्‍युब १४:४; भजन संग्रह १४:३; मत्ती १५:१९; रोमी ३:२३
207	GEN 9:1	मिनु परमप्रभुमी नोआह नु आ तौ आन कली आसीक गेमी बाक्‍त। मेकोमी “तमी तौ थिशा, सोशा बोशा शुश दुमीन। रागी प्रिंदीने। उत्‍पत्ती १:२८
209	GEN 9:3	ङोंइती इन कली गिगी खाइ ब्‍वचा गेता। मुल गो ब्रोंइशा बाक्‍ब जन्‍तु नेल्‍ल इन कली ब्‍वचा गेतन्‍नी। उत्‍पत्ती १:२९; कलस्‍सी २:१६
211	GEN 9:5	मुरुमी मुर कली साइक्‍तु हना, जन्‍तुमी मुर कली साइक्‍तु हना, मेको यो साइक्‍चा पुंइसीब। मुरुमी आ लोक्‍ब साइक्‍तु हना, मेको यो साइक्‍चा पुंइसीब। लेवी ३:१७; लेवी १७:१०-१४; ब्‍यवस्‍था १२:२३
212	GEN 9:6	सु सुमी मुर साइश्‍शा हुश जारबा, मेको यो मोपान साइश्‍शा, हुश जारचा पुंइसीब। मारदे हना गो मुर कली आं खोदेंशो पा सेल्‍ता। प्रस्‍थान २१:१२; लेवी २४:१७; गन्‍ती ३५:३३; मत्ती २६:५२; रोमी १३:४; प्रकाश १३:१०
215	GEN 9:9	“नेनीन, गे नु इन नोले ङा चच युइ नु आं कबल पाइनुङ। उत्‍पत्ती ६:१८
216	GEN 9:10	डोंगामी ब्रोंइशा बाक्‍ब चिक्‍ब, बी ब्‍यफ, रागी ङा जन्‍तु गे नु डोंगा रे ग्रूशो नेल्‍ल नु आं कबल पाइनुङ। होसे २:२०
224	GEN 9:18	डोंगा रे ग्रूशो नोआह आ तौपुकी शेम, हाम नु यफेथ बाक्‍मा बाक्‍त। हाम चहिं कनान आ आफ बाक्‍माक्‍त। उत्‍पत्ती ५:३२
228	GEN 9:22	मिनु कनान आ आफ हाममी आ आफ शिश्रा तशा, लाङगामी बाक्‍शो आ लोक्‍ब आस कली देंमाक्‍त। प्रस्‍थान २०:१२; हितोपदेस ३०:१७
244	GEN 10:9	मेको परमप्रभु यावे आ ङोंइती सक्ति पाइश्‍शो सिखारी बाक्‍माक्‍त। मोपतीके मुरुमी बोल्‍यो मुर का तशा “परमप्रभु यावे आ ङोंइती निम्रोद खोदेंशो सक्ति पाइश्‍शो सिखारी बाक्‍बाक्‍त” दे देंतीके देंमा बाक्‍त। मत्ती ५:५
256	GEN 10:21	शेम यफेथ आ लोक्‍बमी यो तौपुकी थि‍माक्‍त। शेम एबेर आ आल आन किकी पिपी बाक्‍माक्‍त। उत्‍पत्ती ११:१०
258	GEN 10:23	अराम आ तौपुकी ऊज, हुल, गेथेर नु माश बाक्‍मा बाक्‍त। उत्‍पत्ती २२:२१
260	GEN 10:25	एबेरमी तौ निक्‍शी थि‍माक्‍त। का आ नें पेलेग बाक्‍माक्‍त। मारदे हना मेना रागी योक्‍शो बाक्‍माक्‍त। पेलेग नें आ अर्थ भाग का बाक्‍माक्‍त। अर्को आ नें योकतन बाक्‍माक्‍त। उत्‍पत्ती ११:८-९; ब्‍यवस्‍था ३२:८
272	GEN 11:5	मिनु परमप्रभु यावे मेको मुरपुकीमी सेल्‍शो सहर नु सरीङ थिचशो ठेयब लाइश्‍शो खिं कोव़थ यिमाक्‍त। उत्‍पत्ती १८:२१; भजन संग्रह १४:२
275	GEN 11:8	मोपा परमप्रभु यावेमी मुर आन कली नेल्‍ल रागीम फ्रादीमी बाक्‍त। मिनु मेकोपुकीमी सहर सेल्‍चा प्रोन्‍मे बाक्‍त। ब्‍यवस्‍था ३२:८; लूका १:५१
296	GEN 11:29	मिनु अब्राम नु नाहोर निम्‍फामी ग्‍युंबे पाम्‍से बाक्‍त। अब्राम आ मीश आ नें साराइ बाक्‍माक्‍त। नाहोर आ मीश आ नें मिल्‍का बाक्‍माक्‍त। मिल्‍का हारान आ तमी बाक्‍माक्‍त। हारान मिल्‍का नु यिस्‍का आस आफ बाक्‍माक्‍त। उत्‍पत्ती २२:२०
298	GEN 11:31	मिनु तेराहमी आ तौ अब्राम, आ चच लोत, हारान आ तौ, नु आ चाइमी, अब्राम आ मीश साराइ आन कली लाइश्‍शा, कल्‍दी रागी ङा ऊर रे कनान रागी लचा गोव़मे बाक्‍त। मिनु हारान माइश्‍शो सहर जाक्‍दीश्‍शा बाक्‍मा बाक्‍त। यहोसु २४:२; नेहेम्‍याह ९:७
300	GEN 12:1	मिनु परमप्रभु यावेमी अब्राम कली “इ रागी, इ खिं खिं ङा मुर नु इ आफ आ खिं रे लावो। तेको रागी लचा माल्‍नेवे, गो इ कली कोंइ‍नन। गन्‍ती २३:९; प्रेरित ७:३; हिब्रू ११:८
301	GEN 12:2	गो इ रे पा ठेयब जात ङा मुर सेल्‍नुङमी। गो इ कली आसीक गेनन। इ नें ठेयब सेल्‍नुङ। गे अर्को आन कली आसीक दुम्‍नेवे। उत्‍पत्ती २४:१,३५; भजन संग्रह ७२:१७
302	GEN 12:3	सुमी इ कली आसीक गेवा, गो मेको कली आसीक गेनुङ। सुम इ कली सराप पाइबा, गो मेको कली सराप पाइनुङ। इ पर्बम रागी ङा मुर नेल्‍ल आसीक ताइनीम” देंमाक्‍त। उत्‍पत्ती १८:१८; उत्‍पत्ती २२:१८; उत्‍पत्ती २६:४; उत्‍पत्ती २८:१४; प्रस्‍थान २३:२२; प्रेरित ३:२५; गलाती ३:८
306	GEN 12:7	मेकेर जाक्‍दीम्‍मेनु, परमप्रभु यावे अब्राम आ ङोंइती ग्रूशा, मेको कली “एको रागी इ चच युइ आन कली गेनुङ” दे लोव़ गेवा बाक्‍त। मिनु अब्राममी “गो परमप्रभु यावे कली ताता” दे चढ़ेतीक का सेला बाक्‍त। उत्‍पत्ती १३:१५; उत्‍पत्ती १५:१८; उत्‍पत्ती १७:८; उत्‍पत्ती ३५:१२; प्रस्‍थान ६:४,८; प्रस्‍थान ३२:१३; यहोसु २१:४३; प्रेरित ७:५
307	GEN 12:8	मेकेर रे लशा, बेथेल सहर आ पूर्ब गे ङा डांडामी आ ताम्‍बु याक्‍शा कीङा बाक्‍त। बेथेल सहर पच्‍छिम गे नु ऐ सहर पूर्ब गे बाक्‍शा, मेकेर यो परमप्रभु यावे कली चढ़ेतीक का सेल्‍शा, परमप्रभु यावे कली लोव़ पा ठेयब सेला बाक्‍त। उत्‍पत्ती ४:२६
323	GEN 13:4	मिनु इजीप्‍त लचा क्‍येङा ङोंइती मेकेर सेल्‍शो चढ़ेतीकेमी लेश्‍शा जाक्‍दीश्‍शा, परमप्रभु यावे कली लोव़ पा, ठेयब सेला बाक्‍त। उत्‍पत्ती १२:८
334	GEN 13:15	गे तेको तेको रागी ताइनेवे, मेकोन इ कली नु इ चच युइ आन कली गेना हना यो कली गेनुङ। उत्‍पत्ती १२:७
335	GEN 13:16	गो इ चच युइ खप ङा फुरक खोदेंशो पा शुश सेल्‍नुङ। मुरुम फुरक हिक्‍ने चाप्‍तेक्‍म हना ला, इ चच युइ आन कली यो हिक्‍ने चाप्‍नीम। तन्‍न मचाप्‍नीम। उत्‍पत्ती २८:१४; गन्‍ती २३:१०; १राजा ४:२०
338	GEN 14:1	मिनु शिनार ङा पिप अम्राफेल, एल्‍लासार ङा पिप अरयोक, एलाम ङा पिप केदोर-लाओमेर नु गोयीम रागी ङा पिप तिदालम सासन पामे ना, यहोसु १२:२३
339	GEN 14:2	सोदोम ङा पिप बेरा, गोमोररा ङा पिप बिरशा, अदमाह ङा पिप शिनाब नु सेबोयीम ङा पिप शेमेबेर, बेला सहर ङा पिप नु लडाइ पामे बाक्‍त। बेला सहर कली सोआर यो देंनीम। उत्‍पत्ती १९:२४
351	GEN 14:14	मिनु अब्राममी आ लोक्‍ब आ तौ ग्‍याइश्‍शो नेंशा, आ खिंमी जरमेशो सहे सां १८ जना लडाइ पचा कली शेंसीशो मुर कली या गेशा, ठीक पवा बाक्‍त। मिनु मेकोपुकीमी रोइक्‍ब आन कली दान सहर सम्म खेदा पामे बाक्‍त। यहोसु १९:४७; न्‍यायाधीस १८:२९
355	GEN 14:18	मिनु सालेम ङा पिप मेल्‍कीसेदेकम अब्राम नु आ मुर आन कली शोब्‍ले नु अङगुर शांबु चाक्‍गा बाक्‍त। मेको नेल्‍ल क्‍येङा ठेयब परमप्रभु कली चढ़ेब बाक्‍माक्‍त। भजन संग्रह ११०:४; भजन संग्रह ७६:३
362	GEN 15:1	मिनु नोले परमप्रभु यावेमी अब्राम कली ङोमु खोदेंशो पा कोंइतीक कोंइदा बाक्‍त। मिनु मेकोमी अब्राम आ नें थिशा “अब्राम महिनो। गो इ कली कोव़नन। शुश आसीक गेनन” देंमाक्‍त। गन्‍ती २४:४,१६; भजन संग्रह ३:४
366	GEN 15:5	मिनु मेकोमी अब्राम कली ताम्‍बु रे ग्रुंइशा “सरीङ गे कोव़ङो, सोरुल आन कली हिक्‍को। मेको हिक्‍ने चाप्‍नेवे? गिश बाक्‍मा, इ चच युइ यो मिश दुम्‍नीम” देंमाक्‍त। उत्‍पत्ती २२:१७; प्रस्‍थान ३२:१३; ब्‍यवस्‍था १:१०; हिब्रू ११:१२
367	GEN 15:6	मिनु अब्राममी परमप्रभु यावे आ लोव़ थमा सुदा बाक्‍त। मिनु परमप्रभु यावेमी अब्राममी थमा सुइश्‍शो तशा “ठीक पाइब मुर का बाक्‍त” दे तुइक्‍ता बाक्‍त। रोमी ४:३-५; याकूब २:२३
373	GEN 15:12	मिनु नां रिक्चावानु, अब्राम मारेइ मतुइक्‍चा ङा पा निन्‍द्रा पवा बाक्‍त। मिनु शुश हिंचा माल्‍शो आ एर ओंथ नेल्‍ल छिङछिङ दुम्‍माक्‍त। उत्‍पत्ती २:२१; १सामुएल २६:१२; यसैया २९:१०
374	GEN 15:13	मिनु मेकोमी अब्राम कली “इ तौ चच युइ अर्को रागीमी अर्को रागी ङा मुर दुम्‍नीम। मेकेर बाक्‍मानु, वाइलीम वाइल यो दुम्‍नीम। मेकेर ४ सहे बर्स सम्‍म श्‍येत जाइनीम। प्रस्‍थान १:१३; प्रस्‍थान १२:४०; प्रेरित ७:६
375	GEN 15:14	गो चहिं मेको आन बाक्‍शो रागी ङा मुर आन कली निसाफ पा सजाइ गेनुङ। मारदे हना इ मुर आन कली वाइलीम वाइल सेल्‍नीम। मिनु नोले इ मुरपुकीम मेको आन मारेइ मारेइ लाइश्‍शा, मेको रागी रे ग्रूशा लाइनीम। प्रस्‍थान ३:२१-२२; प्रेरित ७:७
377	GEN 15:16	इ मुरपुकी ४ पाला नोले ला एकेर लेश्‍शा जाक्‍नीम। मारदे हना एमोरी आन मरिम्‍शो पशो मनुप्‍शो बाक्‍त” दे परमप्रभु यावेमी देंमाक्‍त। प्रेरित ७:७
378	GEN 15:17	मिनु नां रिक्‍शा, छिङछिङ दुम्‍शा नोले मी ब्रशो चुप्‍लु का ग्रूमाक्‍त। मिनु ब्रशो तोव़शी का मेको श्‍ये आ एर ओंथ गाक्‍माक्‍त। प्रस्‍थान १९:१८
379	GEN 15:18	मेको नाक्‍ती परमप्रभु यावेमी अब्राम नु कबल पशा “मेको रागी इ चच युइ आन कली गेनुङ। मेको इजीप्‍त ङा ठेयब खोला रे युफ्रेटीस सम्‍म बाक्‍ब। उत्‍पत्ती १२:७; १राजा ८:६५; १राजा ५:१
389	GEN 16:7	मिनु परमप्रभु यावे आ स्‍वर्ग ङा गेय पाइबमी हागार कली गोरशो रागी शुर लतीक लां ङा ब्‍वाक्‍कु बुक्‍तीके आ नेक्‍था थिदा बाक्‍त। प्रस्‍थान १४:१९; प्रस्‍थान २३:२०; गन्‍ती २२:२२; १राजा १९:७; १राजा १९:७; २राजा १९:३५
392	GEN 16:10	मिनु परमप्रभु यावे आ स्‍वर्ग ङा गेय पाइबमी लेंशा “इ चच युइ आन कली शुश दुम्‍पाइक्‍नुङ। इ मुरपुकी सुइमी हिक्‍ने मचाप्‍चा ङा पा शुश दुम्‍नीम” देंमाक्‍त। उत्‍पत्ती १७:२०
393	GEN 16:11	मिनु परमप्रभु यावे आ स्‍वर्ग ङा गेय पाइबमी लेंशा “नेनो, गे कोव़ज कुरशो बाक्‍नेवे। तौ का थीनेवे। मेको कली इश्‍माएल नें वोइक्‍चा माल्‍नेवे। मारदे हना परमप्रभु यावेमी इ श्‍येत ताप्‍तु। प्रस्‍थान २:२३; अय्‍युब ३४:२८; भजन संग्रह ९:१३; यसैया ४१:१७; याकूब ५:४
394	GEN 16:12	इ तौ जीब दुम्‍ब। मुर नेल्‍ल नु जीब। मुरपुकी यो मेको नु जीनीम। मेको आ लोक्‍बपुकी नु यो जीब दुम्‍ब” देंमाक्‍त। उत्‍पत्ती २५:१८
395	GEN 16:13	मिनु हागारमी आ नु लोव़ पाइब परमप्रभु यावे कली “गे आं कली ताइब परमप्रभु ननी। गो थमा पा आं कली ताइब कली ताता” देंमाक्‍त। उत्‍पत्ती २२:१४; प्रस्‍थान ३:७; २राजा १३:४
396	GEN 16:14	मोपतीके मेको ब्‍वाक्‍कु बुक्‍तीक आ नें बेयर-लहाइ-रोइ वोदमे बाक्‍त। मेको कादेश नु बेरेद आस दातेम बाक्‍ब। उत्‍पत्ती २४:६२; उत्‍पत्ती २५:११
399	GEN 17:1	मिनु अब्राम ९९ बर्स दुम्‍मेनु, परमप्रभु यावे अब्राम आ ङोंइती ग्रूशा, मेको कली “गो नेल्‍ल क्‍येङा सक्ति पाइश्‍शो परमप्रभु नङ। गे, गो नु बाक्‍शा, ठीक पाइब दुमो। उत्‍पत्ती ३५:११; प्रस्‍थान ६:३; ब्‍यवस्‍था १०:१२