2	GEN 1:2	Tanoubu nige ana ao, eo aha’ahana, eo gabogabo potana eai masigiri mo; na Eaubada Earuana gabogabo wa i moimoiutawaidi.
3	GEN 1:3	Na Eaubada i ene, “Bena i mara;” to ie mara.
4	GEN 1:4	Eaubada mara wa ie ita i lolo; eo Eaubada masigiri arinai mara wa i torehesuara.
14	GEN 1:14	Abo Eaubada i ene, “Galewa tehana eai bena maradi, asubena eo maiona aba‐abi’udoiedi; isi abo heiheinoi, eo huia aba‐nonoidi, asubena eo borimai.
16	GEN 1:16	Eo Eaubada mara lailaidi labui i hetubudi, lailai aririna bena asubena i tanuagai, mara gagirina bena maiona i tanuagai; ipora hinage i ginauridi.
24	GEN 1:24	Eaubada i ene, “Bena tano ginauri maumauridi adi ao udoi udoi eai i hetubudi; bulumakau ginauri se daladalausi, suisui udoi udoi adi ao udoi udoi eai.” Hinage doha, ie tubu.
26	GEN 1:26	Abotai Eaubada i ene, “Bena tau ta hetubu tautauda eai, eo ada ao eai; eo isi bena gabogabo eamadi se tanuagaidi, eo eada manudi, eo bulumakau, eo tano maudoina, eo ginauri gamagaridi tano eai tau‐daladalausi.”
28	GEN 1:28	Eo Eaubada i ribahelolodi, eo Eaubada i ribalau aridi eai i ene, “Au ua, au hegamagarimiu, tanoubu au hemonau eo tanoubu tanuagaina eai au lau; gabogabo eamadi hinage au tanuagaidi, eada manudi hinage eo ginauri maumauridi gamagaridi isi ede tano potana eai se moimoiu.”
29	GEN 1:29	Eo Eaubada i ene, “Au ita, ginauri ini’inidi gamagaridi tuma se hetuhetubudi, tanoubu maudoina potana eai, isi ede ea lediwa’o, oeagi gamagaridi hinage uauadi eai tumadi; abo au abidi ami aiai.
36	GEN 2:5	Huiana ne sora nige oea ginaurina ini’inina esau tano eai i tubu, eo sora nige oea lagauna i inisaema, paana GUIAU Eaubada sora nige nabu i hetaru tano eai, eo sora nige tau esau tano i giari;
38	GEN 2:7	Abotai GUIAU Eaubada tau i hetubu tanoubu muamuana eai, mauri eahuana i eahualau isuna eai; abo tau wa i hemala doga ma earuana maumaurina.
40	GEN 2:9	Eo tano eai GUIAU Eaubada oeagi gamagaridi i hetubudi, isi ede adi ao se lolo, eo isi hinage aiaidi se lolo; mauri oeagina hinage oea duaduarina eai, eo lolo eo baaea italobaina oeagina hinage.
42	GEN 2:11	Bagubagunana esana Pisona; ia ede i lau Havila tehana maudoina i hetaiiri, temetai gold wa;
43	GEN 2:12	eanua ne ena gold i lolo dumaduma; bedelium eo onyx we’una hinage metai.
44	GEN 2:13	Saga helabuina esana Gihona; ia ede Kusa oeana maudoina i tauhetaiiri.
47	GEN 2:16	GUIAU Eaubada tau wa i lauhesom, i ene, “Oea ta oeagina gamagaridi uauadi abo au ainapaidi;
49	GEN 2:18	Abo GUIAU Eaubada i ene, “Nige i lolo tau iabom mo i mia; ana sagu abo ea ginauri abo i lau loloei.”
51	GEN 2:20	Adamu esa i mosedi suisui gamagaridi oea eai taumia; na Adamu iabom sora nige ana sagu mamohoina se lobai.
52	GEN 2:21	Arinai GUIAU Eaubada Adamu i heenomate, ia ma eno‐matena oitarina esau i abihai eo bulumana i hemauuioi;
54	GEN 2:23	Abo Adamu i ene, “Teina abotai ede siadagu siadana, eo bulumagu bulumana; ia esana abo se atai Sine, paana tau arinai se abihaiyama.”
60	GEN 3:4	Mota abo i ribalau sine arinai i ene, “Mamohoi taba nige au mate;
62	GEN 3:6	Arinai sine wa ie ita oeagi wa uauana omihede i lolo, ana ao matana eai i lolo, oeagi gadolelehina, paana tau arinai i sibasiba, abo i abilau uauana arinai, to ie ai; tupona i mosei monena arinai ia hinage ie ai.
70	GEN 3:14	GUIAU Eaubada mota arinai ie riba, i ene; “Paana teina oa u ginauri, ea ribahematem ta suisui gamagaridi eo suisui manamanabaradi boeadi eai; bogam eai abo u nenene, tano muamuana abo u ai, em mauri asubenadi gamagaridi eai.
71	GEN 3:15	Hewaiununa abo ea tore oa eo sine duaduarimiu eai, eo oa tumamyao eo sine tumanayao duaduaridi eai hinage; ia abo urum i utuhegaro, eo oa abo ae gedurina u oihegaro.”
72	GEN 3:16	Sine arinai i ene, “Abi‐merumeru arinai abo em amamna ea hegamagari; amamna boeadi eai abo nanatumyao u labasidi, taiede, em gadosisi abo otana mo monem arinai, ia hinage abo i tanuagaim.”
73	GEN 3:17	Adamu arinai i ene, “Paana monem arinana u ataiei, eo oeagi wa ue ai, ea lauhesom wa, ‘Tabu u ai,’ tano ea ribahebaaea ta debam eai; paisoa amamnana mo abo aiaina u ai em mauri asubenadi gamagaridi eai;
74	GEN 3:18	nurinuri eo lagau baabaaeadi abo i he’inidiwa; eo oea wa aiaidi se ini iaede abo au aidi.
75	GEN 3:19	Debam muiasana eai aiai abo u ai, i lau e u uio tano arinai, ede tano eai se hetubum wa; oa tano ede, arinai abo u hemalatanouio.”
80	GEN 3:24	Arinai tau wa i aiduiei; to oeana tupo aruabu eai serubim esau i hetoro, eo elepa balebalelemna i he’ode tupo gamagari eai, mauri oeagina dobilana wa i taugudui.
92	GEN 4:12	Oa tano abo u giari, iamo adidirina taba nige i leawa’uioi; oa abo taudago eo tauelitata tanoubu eai ta.”
94	GEN 4:14	U ita, wau tano eai ta u aiduiegu; oa matam eai hinage abo ea tauyamui; eau abo taudago eo tauelitata tanoubu eai ta, ena esau i lobaigu abo i unuigu.”
97	GEN 4:17	Kaina ia monena i nuatui, ia abo ie boga, to Enoka i labasi; abo eanua lailai i hetubu, eanua wa natuna esana i mosei, Enoka.
98	GEN 4:18	Enoka arinai Irada se labasi; Irada ia Mehuiaele tamana; Mehuiaele ia Metusaela tamana, eo Metusaela ie Lameka tamana.
99	GEN 4:19	Lameka monenayao labui; esau esana Ada, eo esau Silaha.
101	GEN 4:21	Ena tau esana Iubala; ia huelele tauoi eo baubau tauyuhi tataodi tamadi ede.
102	GEN 4:22	Silaha abo Tubala‐kaina i labasi; ia ena aba‐paisoa poasi, iron eo bronze tauginaurina. Tubala‐kaina louna ede Naama.
110	GEN 5:4	Adamu asubenana, huia ne i hemala tama wa murina eai ede borimai handere haligigi‐haiona; nanatunayaao headi tatao eo sisine hinage i labasidi.
111	GEN 5:5	Arinai Adamu ena mauri asubenadi maudoidi ede borimai handere haligigi‐hasi eo tau‐esega‐i‐mate‐saudoudoi; abotai ie mate.
113	GEN 5:7	Inosi se labasi wa murina eai Seta ie mia borimai handere haligigi‐haiona eo haligigi‐labui; ia nanatunayao headi tatao eo sisine i abidi hinage.
117	GEN 5:11	Arinai Inosi ena mauri asubenadi maudoidi ede handere haligigi‐hasi eo haligigi; abotai ie mate.
120	GEN 5:14	Arinai Kenana ena mauri asubenadi maudoidi ede borimai handere haligigi‐hasi eo saudoudoi; abotai ie mate.
123	GEN 5:17	Arinai Mahalalela ena mauri asubenadi maudoidi ede borimai handere haligigi‐haiona eo tatao‐hasi‐se‐mate‐saudoudoihaligigi; abotai abo ie mate.
126	GEN 5:20	Arinai Iareda ena mauri asubenadi ede borimai handere haligigi‐hasi eo tatao‐haiona‐se‐mate eo labui; abotai ie mate.
133	GEN 5:27	Arinai Metusela ena mauri asubenadi maudoidi ede borimai handere haligigi‐hasi eo tatao‐haiona‐se‐mate eo haligigi‐hasi; abo ie mate.
137	GEN 5:31	Arinai Lameka ena mauri asubenadi maudoidi ede borimai handere haligigi‐labui eo tatao‐haiona‐se‐mate‐sau‐doudoi‐haligigi‐labui; abo ie mate.
140	GEN 6:2	abo Eaubada nanatunayao tatao se italau sisine wa aridi eai tatao nanatudiyao se itadi adi ao se lolo; abo headi se abidi monediyao, esa esa ena hinehineri eai.
147	GEN 6:9	Noa wa isina ede ina. Noa tau laulau duduraina, isina boeana eai iabom nige giruna; Noa maena Eaubada se laulau esega.
151	GEN 6:13	Abo Eaubada Noa arinai ie riba, i ene, “Nuagu bena buluma gamagari ea helautomdi; paana isi debadi eai manamanabara tanoubu i monau; besi, maedi tanoubu abo ea hebaaeadi.
153	GEN 6:15	Teina doha abo em abiabina; ake wa lohana bena kubita handere haiona; magagana bena kubita tatao‐labui‐se‐mate‐saudoudoi, eo dedeana saena kubita tau‐esega‐i‐mate saudoudoi.
154	GEN 6:16	Atohina eai tomlapaina abo u ginauri, kubita esega ewana eai u heohi; ake dedeana eai abo gudana u tore; eo matuna esau ubu eai, ewana eai isi helabuina eo hehaionana.
156	GEN 6:18	Na oa mo arim eai egu aigora abo ea hetoro; oa abo u awasaema ake arona eai, oa eo nanatumyao tatao wa, eo monem, eo nanatumyao monediyao maemyao.
160	GEN 6:22	Noa teina i ginauri; riba maudoina Eaubada i ribahasahasai wa, i ginauri heohidi.
162	GEN 7:2	Suisui aadi wa abo haligigi‐labui, hari ao, hari ao, tamoana eo bawesina; suisui wa nige se aa, isi labui to labui mo, tamoana eo bawesina.
164	GEN 7:4	Paana asubena haligigi‐labui eai abo nabu ea hetaru tanoubu potana eai abo asubena tatao‐labui‐se‐mate, maiona tatao‐labui‐se‐mate, i lauesegai; ginauri maumauridi ea ginauridi, gamagaridi abo ea hearugabaedi tano potana eai ta.”
177	GEN 7:17	Dibori utu’utu wa i laulau asubena tatao‐labui‐se‐mate tanoubu potana eai; goila tanoubu i laugirihai abo ake wa i lausini, i poupouli, i sae ariri tanoubu ewana eai.
181	GEN 7:21	Buluma maudoina tanoubu eai se moimoiu ede se mate ohi, manu, bulumakau, suisui, eo ginauri maumauridi eawoidi tanoubu eai se laulau; eo tatao gamagaridi.
185	GEN 8:1	Na Eaubada Noa i nuatui, eo suisui gamagaridi eo bulumakau gamagaridi ia maena ake eai wa. Abo Eaubada mana i hetoa tanoubu eai, abo goila i hetubu ie dobi;
191	GEN 8:7	Ao’ao i heloi; ie loi sae, ie loi dobi i lau e goila tanoubu eai se guma’o.
197	GEN 8:13	Borimai handere hehaligigi‐esegana eai, nawalai bagubagunana asubenana bagubagunana eai, goila se guma’o tanoubu eai; Noa ake atohina abo i abihai, i italau tanoubu ana ao ie ita, i pitari’o.
205	GEN 8:21	Abo pane lolona GUIAU i ataiei, to GUIAU ia nuana eai i ene, “Taba nige huia esau tano ea ribahemateuioi tau debana eai, paana tau nuana kamanina i baaea mo, ma hewarina eai i laoma; taba nige huia esau ginauri maumauridi gamagaridi ea hebaaeauioidi, doha ea ginauriyao wa.
208	GEN 9:2	Tano suisuina eo malagaibu manuna abo matausimiu eo mae’emiu eai se laulau, ginauri gamagaridi tano eai se daladalausi hinage gabogabo eamana; nimamiu eai ede se lediwa.
211	GEN 9:5	Paana emi mauri osinana abo ea hetala suisui enana hinage abo ea nuatui eo tau enana; tau ena doga ena mauri maisana ede tau ena mauri.
212	GEN 9:6	Aitea tau, tau esau osinana i heboriri, ia osinana hinage tau abo i heboriri; paana Eaubada tau i hetubu iabom tautauna eai.
221	GEN 9:15	abo egu aigora ea henuaisini, ia ede eau eo omi eo buluma ginauridi maumauridi gamagaridi wa matada eai; ede goila taba nige se hemala abaita lailai bena buluma maudoudoina se hebaaeauioidi.
226	GEN 9:20	Noa ede tano tau giarina bagubagunana. Ia vine oeana i umai;
229	GEN 9:23	Abo Sema eo Iapeta lulu esau se abi, dabayarodi eai se wese, eo se murimuri siwasiwa se laulau e abo tamadi kohakohana se heabobo; matadi wa se laei hesuara tamadi ma kohakohana wa nige se ita.
231	GEN 9:25	I ene, “Kanana ea ribahebaaea ta; abo i hemala ena tataoyao edi tauauau edi heaheari.”
235	GEN 9:29	Noa ena asubena gamagaridi ede borimai handere haligigi‐hasi eo tatao labui‐se‐mate‐saudoudoi; abotai ie mate.
236	GEN 10:1	Noa ma nanatunayao Sema, Hama eo Iapeta, isidi ede ina; ma nanatudiyao hinage dibori utu’utu wa murina eai se labasidi.
243	GEN 10:8	Kusa i hemala Nimoroda tamana; ia taubagubagunana tanoubu eai ta i hemala tau didididigana.
244	GEN 10:9	Ia tauailoea saesaena GUIAU matana eai; arinai ede se ribaei si ene, “Doha Nimoroda, tauailoea saesaena GUIAU matana eai.”
247	GEN 10:12	eo Reseni Ninive eo Kalaha duaduaridi eai; ia eanua lailaina wa.
259	GEN 10:24	Arepakasa i hemala Sela tamana; eo Sela i hemala Ebera tamana.
264	GEN 10:29	Opira, Havila eo Iobaba; gamagaridi ta Ioketana nanatunayao ede.
267	GEN 10:32	Teina Noa nanatunayao adi bogaoyao ede, ma adi isi edi basileia eai; basileia ta aridi eai se tadada tanoubu tupo gamagari eai, dibori utu’utu wa murina eai.
273	GEN 11:6	Abo GUIAU i ene, “Iaede, isi tatao peledi esega, eo arinadi esega; ina aba hetubuna mo, sora saha abo se ginauri; saha se nuatui bena se ginauri abo gonoadi se ginauri.
279	GEN 11:12	Arepakasa borimai tau‐esega‐i‐mate‐saudoudoi‐haligigi ie mia, abo Sela i hetubu;
281	GEN 11:14	Sela borimai tau‐esega‐i‐mate‐saudoudoi ie mia, abotai i hemala Ebera tamana;
285	GEN 11:18	Pelege borimai tau‐esega‐i‐mate‐saudoudoi ie mia, abotai i hemala Reu tamana;
289	GEN 11:22	Seruga borimai tau‐esega‐i‐mate saudoudoi ie mia, abotai i hemala Nahora tamana;
291	GEN 11:24	Nahora borimai tau‐esega‐i‐mate eo haligigi‐hasi ie mia, abotai i hemala Teraha tamana;
294	GEN 11:27	Teraha ana isimurita ede ina. Teraha ia Aberama, Nahora, eo Harana tamadi; na Harana ia Lota tamana.
296	GEN 11:29	Aberama eo Nahora monediyao se tawasoraidi; Aberama monena wa esana Sara, eo Nahora monena esana Mileka, ia Harana natuna, Mileka eo Iseka tamadi wa.
297	GEN 11:30	Na Sara mo i agari; ia nige natuna.
298	GEN 11:31	Teraha natuna Aberama eo tubuna Lota, Harana wa natuna, eo bosiana‐sine Sara natuna Aberama wa monena, i woeahaidi Uro, Kalidea tataodi edi eanua, se laugabaei se lau Kanana oeana eai; na Harana eai se lage abo se tarutoro eo nei eai se miahai.
299	GEN 11:32	Teraha ena asubena gamagarina ede borimai handere labui eo haligigi; abo Teraha Harana eai ie mate.
302	GEN 12:3	Isi tauainauiaim abo hinage ea ainauiaidi, eo ia tauribahematem abo hinage ea ribahemate; na oa debam eai boga gamagari tanoubu eai helolona abo se lobai.”
303	GEN 12:4	Arinai Aberama i torohai, doha GUIAU i heriba wa; Lota hinage maena se lau. Aberama ena borimai tatao‐haiona‐se‐mate saudoudoi‐haligigi, huiana ne Harana i torohaigabaei.
304	GEN 12:5	Aberama monena Sara i woeai, eo Lota ena tau natuna wa, eo edi gogo gamagari se lauheagogo, eo edi tataoyao Harana eai se abidi; eo se torohai bena se lau Kanana tanona eai. Se lage’o Kanana tanona eai.
311	GEN 12:12	Aigupito tataodi se itam abo si ene, ‘Teina monena ede;’ arinai eau abo si unuigu, oa mo abo se hemiam.
315	GEN 12:16	Sine wa debana eai Aberama i abi komakomani; ena mamoe, ena bulumakau, ena asini tamoadi, ena tatao‐paisoa, ena sisine‐paisoa, ena asini bawesinadi eo ena kamela, enana se mosedi.
319	GEN 12:20	Parao tatao abo i lauhesomdi Aberama debana eai; abo dobila eai se woeai se woeai se hetamari, ma monena eo maena ginauri maudoidi.
323	GEN 13:4	Eanua wa arinai aba‐aitalasam ena aba‐hetorona wa; temetai Aberama GUIAU esana i atai.
328	GEN 13:9	Tano maudoina ede matam eai me, e nige’e? Besi u abihesuara’uioim. Ena tupo nima‐seuseurim eai u abi, eau abo tupo tutu eai ea lau; e ena oa bena tupo tutu u abi, eau abo ea lau tupo seuseuri eai.”
330	GEN 13:11	Arinai Lota Ioridana gonuna iabom enana i hineri, eo Lota ie lau tupo aruabu; arinai se hai‐tausuaraedi.
335	GEN 13:16	Am isimurita abo ea hetubudi doha tano muaridi; ena gonoana tano muaridi se hasiridi abo gonoana hinage am isimurita se hasiridi.
337	GEN 13:18	Arinai Aberama ena numa‐lulu i hesigilaei, i laoma Mamare aiarudi boeadi eai ie mia, isi ede Heberona eai wa; nei eai hinage aba‐aitalasam hatana i hetoro GUIAU enana.
347	GEN 14:10	Na Sidima gonuna tar ipudi se monau; Sodoma eo Gomara edi wasawasa se dagodago, na isi headi wau ipudi aridi eai se beu maudoidi se dago se sae oea tupidi eai.
350	GEN 14:13	Abotai tau esau taudagogabaedi i laoma Aberama i heriba, ia Heberu tauna, Mamare ena aiaru boeadi eai i mia. Amore tauna wa, Esekola eo Anera edi tau; ina tatao ta Aberama tausaguidi ede.
356	GEN 14:19	Eo i ribaheloloei i ene, “Eaubada Saesae‐aririna Aberama i ribahewoiwoinaei, ia wa galewa eo tanoubu tauginauridi;