59	GEN 3:3	na Eaubada i ribaei mo i ene, ‘Oeagi wa oea duaduarina eai i totoro, temeta mo uauana taba nige au ai, hinage taba nige au abilau arinai, ata au mate’.”
73	GEN 3:17	Adamu arinai i ene, “Paana monem arinana u ataiei, eo oeagi wa ue ai, ea lauhesom wa, ‘Tabu u ai,’ tano ea ribahebaaea ta debam eai; paisoa amamnana mo abo aiaina u ai em mauri asubenadi gamagaridi eai;
311	GEN 12:12	Aigupito tataodi se itam abo si ene, ‘Teina monena ede;’ arinai eau abo si unuigu, oa mo abo se hemiam.
318	GEN 12:19	Paana saha u ene, ‘Ia lougu’ arinai ea abi bena monegu? Ehei, monem ede ina, u woeai au lau.”
360	GEN 14:23	Oa em ginauri taba nige maina bodibodi e ae’um aba‐auna e oa em ginauri esa enam ea abilau arinai, ata u ene, ‘Eau Aberama ana gogo lailai taumoseina.’
438	GEN 18:13	GUIAU abo ie riba Aberahama arinai, i ene, “Paana saha Saraha i maruhi, eo i ene, ‘Mamohoi abo merumeru ea labasi, ea sinesinebada’o ta?’
501	GEN 20:5	Ia i heribagu, e nige’e, i ene, ‘Lougu ina.’ Sine wa hinage i ene, ‘Tau ta lougu.’ Ma nua‐duduraigu eai, eo ma nima‐aagu eai laulau ta ea abi.”
509	GEN 20:13	Huiana ne Eaubada i hetamarigu bena tamagu ena numa ea laugabaei ea elielitatausi, ea ribalau sine arinai ea ene, ‘Teina em abataubigaigu ede, haedi ta lage abo u ribaegu u ene, ia lougu.’”
521	GEN 21:7	Hinage i ene, “Eai gonoana taba Aberahama i heriba i ene, ‘Saraha ia abo merumeru tauhemadodi esau?’ Ia mo natuna ea labasiyao ia tautaubadana eai ta.”
562	GEN 22:14	Arinai dimo ne esana Aberahama ie tore ‘GUIAU enada abo i leama’, doha se ribaribaei i laoma e wauta, si ene, “GUIAU ena oea‐tupina eai enada abo se leama.”
599	GEN 24:7	GUIAU, galewa Eaubadana, ia tamagu ena numa eai eo egu eanua abalabasigu eai i woeahaiguma, i ribalaoma arigu eai ie riba aigora i ene, ‘Am isimurita aridi eai abo tano ta ea mosei’, ia abo ena aneru i hetamari mugaiem, natugu monena abo u lobai nei eai.
606	GEN 24:14	taba mo siuna arinai ea riba, ea ene, ‘Agutoi em ledu me u dobeiama bena ea nom,’ eo ia ena riba i ene, ‘U nom eo em kamela adi hinage abo ea oi,’ ia ena taba sinena ede, ia u tauribaei em heaheari Isaako enana. Teina arinai abo ea nuatui, em gadosisi otaotahaina ede u hemasaraha tanuagagu arinai.”
629	GEN 24:37	Tanuagagu i lauhesomgu gena ea riba aigora, i ene, ‘Taba nige natugu monena u eooi Kanana nanatudiyao sisinedi aridi eai, isi wa edi tano eai ea mia ta.
631	GEN 24:39	Ea ribalau tanuagagu arinai ea ene, ‘Ata bena sine wa nige i henua i hemuriwataiguma.’
632	GEN 24:40	Na i ene, ‘GUIAU, ia matana eai ea laulau ta ena aneru abo i hetamari maem, em eda eai abo i helolom, na oa abo sine u woeaiama agu bogaoyao aridi eai, eo tamagu ena asa eai abo natugu monena u abi.
634	GEN 24:42	“Wauta ea lalage goila huana eai ea ene, ‘GUIAU e, tanuagagu Aberahama ena Eaubada e, taba egu lauwasi bena u heanio.
637	GEN 24:45	“Nuaboeagu eai ma ribaribagu na ne Rebeka ea ita i pesama ledu dabayarona eai i bahei, ie dobi goila huana ie oi. Ea ribalau arinai ea ene, ‘Agutoi, taba ea nom.’
638	GEN 24:46	Ena ledu dabayarona eai i laudobei heuheulai i ene, ‘U nom em kamela adi abo ea oi hinage.’ Arinai ea nonom eo egu kamela adi i mosedi se nom hinage.
639	GEN 24:47	Abo ea oimuri ea ene, ‘Oa eai natuna?’ I ene, ‘Eau Betuela natuna siu, ia Nahora natuna, Mileka i labasi wa.’ Arinai bea omo’omo ea toredi, eo arima imana eai.
702	GEN 26:9	To Abimeleko Isaako i eogai i ene, “Hedeomi monem meta, paana saha u ene ‘ia lougu’?” Isaako ena riba i heuio, “Paana ea nuatui ata ia debana eai ea mate.”
735	GEN 27:7	‘Agu sarai u abiama, agu anihu lolona u henonohai abo eai ai, to GUIAU matana eai sora nige ea mate, na abo ea ribahelolom.’
764	GEN 27:36	Isoa i ene, “Esana se atai dudurai ‘Iakobo,’ paana ina malabui egu tupo i girihai. Egu ealahou ainauiana i girihai, abotai u ita egu helolo ribana i girihai hinage! Nige ribahelolo esau enagu?”
844	GEN 30:13	Abo Lea i ene, “Egu kode ina! Paana sisine abo esagu se ribaei ‘Kode’.” Arinai esana ie tore Asa.
882	GEN 31:8	Ena i ene, ‘Em maisa ede mamoe tupodi se dubaduba, tupodi se posiposi,’ maesega gamagaridi se labalaba doha nei. Ena i ene, ‘Em maisa ede mamoe uriuridi’ abo eawoina maudoina nanatudiyao uriuridi se labasidi.
885	GEN 31:11	Abo Eaubada ena aneru i ribalaoma arigu eai enosuai eai wa, i ene, ‘Iakobo’ to ea ne, ‘Eau ede ina.’
886	GEN 31:12	To i ene, ‘Matam u helabaisini u ita goti tamoadi tau kamposisae eawoina dageladi eai isi ede uriuridi eo tupodi se dubaduba, tupodi se posiposi eo useuseadi paana Labana ena abi gamagamagari arim eai ea itadio.
903	GEN 31:29	Nimagu ena gigibori gonoana taba ea hebaaeamiu; na boni tamam ena Eaubada i ribalaoma i ene, ‘U komakomani, tabu Iakobo u ribahelolo, eo tabu hinage u ribahebaaea.’
933	GEN 32:5	Doha ina i lauhesomdi i ene, “Ina doha abo au ribalau agu tanuaga Isoa arinai, ‘Em heaheari tauna Iakobo ena riba ede ina. Huia ku’uku’una ea miamia Labana arinai, abo nei eai ea miamia i laoma e wauta.
938	GEN 32:10	Abo Iakobo i ene, “Oa tamagu Aberahama ena Eaubada, eo tamagu Isaako ena Eaubada, egu GUIAU, oa u heribagu u ene, ‘U uio em eanua tahunuana, eo em tataoyao aridi eai abo hinage ea saguim’,
941	GEN 32:13	Abo hinage oa u ribaei u ene, ‘Mamohoi abo ea ainauiaim, eo am isimurita abo ea hegamagariaririedi doha gabogabo hasarina gelegelena wa nige tau esau abina i ata i hasiri.’”
946	GEN 32:18	Abo bagubagunadi i lauhesomdi i ene, “Ena egu tau Isoa au hailobai, eo i hesiolaowa i ene, ‘Omi ede eai enanayao, eo haedi au laulau, eo ina suisui ta au woeadi meta eai enanayao?’
947	GEN 32:19	Abo au heuioi au ene, ‘Ina suisui ta em heaheari tauna Iakobo enanayao, eo isi ede ena ainauia ena guiau Isoa arim eai. Hinage u ita ia murimai eai i laolaoma.’”
949	GEN 32:21	hinage abo au heriba, ‘U ita em heaheari tauna Iakobo murimai eai i laolaoma.’” Paana i ene, “Ainauia i bagunaegu abo arinai nuana ea helolo, murina eai abo matana ea ita, nuana doha meta ea ginauri abo nuana ea hebiga.”
1101	GEN 37:17	Tau wa i ene, “Ina tupo ta se torohaigabaeyao, paana edi riba ea ataiei si ene, ‘Hage ta torohai ta lau Dotana.’” Arinai Iosepa ena tatao i hemuriwataidi eo Dotana eai i lobaidi.
1104	GEN 37:20	Au laoma ta unui abo ta gabalaei duha lailai esau alona eai, abo ta ene, ‘Suisui manamanabalana esau ie ai,’ abo ta ita ena enosuai aniodi saha?”
1284	GEN 42:31	To ai heriba ai ene, ‘Ai riba mamohoi tataomai, ai nige tau‐itaitasipo.
1286	GEN 42:33	Abo tau wa, eanua ne guiauna i heribamai i ene, ‘Doha ina abo abina ea ata omi ribamamohoi tataomiu e nige’e, abo emi tau esega au laugabaei inai arigu eai, eo aiai au bahei emi numa tataodi guriguriamdi adi, eo au lau.
1294	GEN 43:3	Na Iuda i heriba i ene, “Tau wa i riba adidiri arimai eai, i ene ‘Taba nige agu ao au ita ena emi tau nige au woeaiyama.’”
1296	GEN 43:5	Na ena ia nige u hetamari taba nige ai dobi; paana tau wa i ribaei, i ene, ‘Taba nige agu ao au ita ena emi tau nige au woeaiama.’”
1298	GEN 43:7	To si ene, “Tau wa i hesiodudulai arimai eai ema miamia eo ama bogaoyao wasadi, i ene, ‘Tamamiu sora ma miana, eo hinage emi tau esau e nige’e?’ Arinai ena hesio wa ai heuioidi. Edohana abo abina ai ata ena riba doha ina, ‘Emi tau au dobeiyama’?”
1329	GEN 44:4	Eanua edi huia pesagabaena, na sora nige se sigilau, Iosepa i ribalau ena numa tanuagana arinai i ene, “U toro, u torohai, tatao wa u hemuriwataidi, eo ena u lagetawaidi abo u ribalau aridi eai doha ina, ‘Paana saha lolo au hemaisa baaea arinai? Paana saha egu bia silver au aiyahari?
1344	GEN 44:19	Egu guiau i hesiolaoma ena heaheari tataodi aridi eai, i ene, ‘Tamamiu e nige’e? Emi tau e nige’e?’
1345	GEN 44:20	Abo egu guiau ai heriba ai ene, ‘Mamohoi ai tamamai, i tautaubada, eo ema taumurita ena huia tautaubada eai natuna gagirina. Ena tau hinage ie mate, na iabom ie mia sinana wa enana, eo tamana i gadosisie’.
1346	GEN 44:21	Abo em heaheari tataodi u heribadi, ‘Au dobeyama arigu eai bena abo matagu eai ea ita.’
1347	GEN 44:22	To egu guiau ai heriba, ‘Gama wa taba nige tamana i laugabaei, paana ena tamana i laugabaei abo tamana i mate.’
1348	GEN 44:23	Abo oa em heaheari tataodi u heribadi, ‘Ena ami taumurita nige maemiu au dobima taba nige matagu au itauioi.’
1350	GEN 44:25	Abo tamamai i ene, ‘Au dobiuio aiai ada begana au uneune.’
1351	GEN 44:26	To ai ene, ‘Taba nige ai dobi. Ena ama taumurita maemai abo ai dobi, paana taba nige tau wa ana ao ai ita ena ama taumurita nige maemai.’
1352	GEN 44:27	Abo tamamai em heaheari tauna, i ribalaoma arinai eai i ene, ‘Abina au ata’o, monegu nanatuguyao labui i labasidi enaguyao;
1357	GEN 44:32	Paana eau, em heaheari tauna, gama porohena ea bahei tamagu arinai, ea heriba ea’ne, ‘Ena nige ea woeauioiyama arim eai abo giruna ea bahei tamagu matana eai i lau e nige mosina.’
1368	GEN 45:9	Au heula au sae tamagu arinai abo au heriba au ene, ‘Doha ina natum Iosepa ie riba. Eaubada i hetorogu Aigupito maudoina guiauna; u dobima arigu eai, tabu u bebeda.
1376	GEN 45:17	Abo Parao i ribalau Iosepa arinai i ene, “Doha ina abo em tatayao u heribadi. ‘Ina doha au lauwatai, emi ginauri au usaidi emi asini potadi eai, eo au torohai au lau Kanana tanona eai.
1378	GEN 45:19	Abo au lauhesomdi, ‘Ina doha au lauwatai. Aigupito eanuana ena carts au abidi au laedi, nanatumiuyao gagiridi eo monemiuyao enadi, abo tamamiu au woeaiyama eo au laoma.
1418	GEN 46:31	Abo Iosepa i ribalau ena tataoyao eo ena numa tataodi aridi eai, i ene, “Abo ea sae emi wasa ea mosei Parao arinai, doha ina abo ea heriba, ‘Egu tataoyao eo tamagu ena numa tataodi, isi nabada Kanana tanona eai wa, se laoma arigu eai.
1420	GEN 46:33	Ena Parao i eogaimiu i hesioemiu, ‘Ami paisoa saha?’
1421	GEN 46:34	Abo au ene, ‘Ai em heaheari tataomai ama paisoa ede suisui ai suidi ema hewari huiana i laoma e wauta, ai eo hinage tamamaiyao.’ Doha ina abo Gosena tanona au abi omi enamiu, paana suisui tauitawata isi ede tatao biibiidi Aigupito tataodi matadi eai.”
1456	GEN 48:4	hinage i ribalaoma arigu eai i ene, ‘Mamohoi abo uauam ea helai eo ea hegamagari, eo arim eai tatao moutuana lailai: ina eanua ta abo ea mosei am isimurita enadi i lau e nige nosina.’
1472	GEN 48:20	Nei asubenana ne i ribahelolodi i ene, “Omi esamiu eai abo Isaraela tataodi se ribahelolodi si ene, ‘Eaubada i hetoromiu doha Eparaima eo Manase’”; arinai Eparaima i hebaguna, eo Manase i hemurita.
1512	GEN 50:5	‘Tamagu i he’aigoragu i ene, “Nige baaeaona abo ea mate; egu bousa ea sara nonohaiyao Kanana tanona eai, abo nei eai au toregu.” Ea aiboda abo u abigabaegu ea sae tamagu ea tore, na abo ea uioma.’”
1524	GEN 50:17	‘Abo au ribalau Iosepa arinai doha ina, “Em tataoyao edi baaea, eo edi ponori bena u ribagigiridi, paana mamohoi se abibaaeaim.” ’ Ai awanorilaowa tamada ena Eaubada ena heaheari tataodi edi baaea bena u ribagigiridi.” Doha ina se ribalau arinai, abo Iosepa matasuluna se didi.
1593	EXO 3:13	Abo Mose i ribalau Eaubada arinai i ene, “U ita ena ea laoma Isaraela tataodi aridi eai ea ribalau aridi eai ea’ne, ‘Tamamiuyao edi Eaubada i hetamariguma arimiu eai,’ abo se ribalaoma si ene, ‘Esana ede eai?’ abo saha ea heribadi?”
1595	EXO 3:15	Eaubada hinage i ribalau Mose arinai i ene, “Doha ina abo u ribalau Isaraela tataodi aridi eai, ‘GUIAU, tamamiuyao edi Eaubada, Aberahama ena Eaubada, Isaako ena Eaubada eo Iakobo ena Eaubada, ia i hetamariguma arimiu eai.’ Ina abo esagu i lau e nige nosina, eo ina esa ta arinai abo isi gamagamagari se nuanuatuigu.
1596	EXO 3:16	U lau Isaraela tataodi edi babadayao u heoigogoidi u ribalau aridi eai, u ene, ‘GUIAU tamamiuyao edi Eaubada eo Aberahama ena Eaubada, Isaako ena Eaubada, eo Iakobo ena Eaubada, i taumasaraha arigu eai, i ene, “Ea nuanuatuimiu eo saha eo saha se ginauri arimiu eai Aigupito eai ea itayao:
1598	EXO 3:18	Abo arinam se ataiei, oa eo Isaraela babadadi abo au lau Aigupito ena wasawasa arinai doha ina abo au heriba au ene, ‘GUIAU, Heberu tataodi edi Eaubada, maemai ai hailobai; arinai ai aibodalaowa bena u eairigabaemai abo ai lau asubena haiona lauwasina barabara eai, abo aitalasam ai gabudi GUIAU ema Eaubada arinai.’
1603	EXO 4:1	Abo Mose i heuoi i ene, “Na u ita, taba nige se awamamohoiegu, eo arinagu taba nige se ataiei: paana abo si ene, ‘GUIAU nige i taumasaraha arim eai.’”
1624	EXO 4:22	Abo Parao u heriba, ‘GUIAU i ribaei i ene, Isaraela ede egu ealahou tau.
1634	EXO 5:1	Murina eai Mose eo Arona se laoma se ribalau Parao arinai si ene, “Doha ina GUIAU, Isaraela ena Eaubada i ribaei, ‘Egu tatao u abigabaedi abo barabara eai mataasi si ginauri enagu’”
1641	EXO 5:8	Na bricks gamagarina se ginauridi wa bena gonogonoana se ginauri: tabu ena gamagari au hegagiri, paana se miamiagaibui, arinai se doulaoma si ene, ‘U abigabaemai abo ai lau ema Eaubada ena aitalasam ai gubu.’
1643	EXO 5:10	Abo tatao edi paisoa tauitawataidi maedi tanutanuaga se pesa se ribalau tatao aridi eai, si ene, “Doha ina Parao ie riba, ‘Taba nige lagau pitapitarina ea leawa.
1649	EXO 5:16	Lagau nige se mosei em heaheari tataodi aridi eai, na se ribalaoma si ene, ‘Bricks au ginauridi,’ eo u ita em heaheari tataodi se pidilidi; na giluna ede oa eo em tatao tahunuadi aridi eai.”
1650	EXO 5:17	Na i ene, “Au miamiagaibu, au miamiagaibu; arinai au ene, ‘U abigabaemai ai lau ema GUIAU ena aitalasam ai ginauri.’
1662	EXO 6:6	Arinai abo u ribalau Isaraela tataodi aridi eai, abo u ene, ‘Eau Iehowa ede, eo Aigupito edi bahebahe poroporohedi eai abo ea lebohaimiu, edi auau aridi eai abo ea eairihaimiu, nimagu gigiborina eai, eo hinage pidipidili lailaidi aridi eai abo ea hemaurimiu.
1695	EXO 7:9	“Ena Parao i ribalaowa i ene, ‘Em laulau gigibori esau bena ea ita’: Abo Arona u heriba u ene, ‘Em tu’e u abi eo u gabadobei Parao matana eai bena abo i hemala mota.’”
1702	EXO 7:16	Abo u heriba u ene, ‘GUIAU, Heberu edi Eaubada i hetamarigu arim eai, i ene, “Egu tatao u abigabaedi abo barabara eai se heayaiyegu; eo mamohoi, nei huiana ne i laoma e wauta nige u ataiei.”
1705	EXO 7:19	Abo GUIAU Mose i heriba i ene, “Abo Arona u heriba ‘Em tu’e u abi eo nimam u helelelaei Aigupito goiladi gamagaridi potadi, eai, goila lailaidi eo goila ipudi gamagaridi potadi eai, bena abo se hemala osina: Aigupito eanuana maudoina eai abo hinage osina, ledu oeagi alodi eai, eo ledu we’u alodi eai.’”
1712	EXO 7:26	GUIAU i ribalau Mose arinai i ene, “U awasae Parao arinai eo u ribalau arinai, ‘GUIAU i ribaei doha ina, “Egu tatao u abigabaedi bena se heayaiyegu.
1716	EXO 8:1	Abo GUIAU i ribalau Mose arinai, i ene, “Arona u heriba, ‘Nimam eai em tu’e u helelelaei goila lailaidi eo gagiridi eo ipu hinage potadi eai, eo so’u u hesomdi se laoma Aigupito eanuana potana eai.’”
1727	EXO 8:12	Abo GUIAU Mose i heriba, i ene, “Arona u heriba ‘Em tu’e u helelelaei tano mu’amu’ana u oi’ita abo i hemala ni’ini’iri Aigupito eanuana boeana eai.’”
1731	EXO 8:16	Arinai GUIAU i ribalau Mose arinai i ene, “Maratomtom eai u enotoro heura abo u lau Parao matana eai u toro, ia i pesama i lau goila eai wa, eo abo u ribalau arinai u ene, ‘Doha ina GUIAU i ribaei, “Egu tatao u abigabaedi bena abo se heayaiyegu.
1744	EXO 9:1	Abo GUIAU i ribalau Mose arinai i ene, ‘U awasae Parao arinai doha ina abo u heriba, ‘GUIAU, Heberu tataodi edi Eaubada, doha ina i ribaei, “Egu tatao u abigabaedi bena abo se heayaiyegu.
1756	EXO 9:13	Abotai GUIAU i ribalau Mose arinai i ene, “Maratomtom eai u enotoro heura, abo u torolau Parao matana eai, abo u ribalau arinai, u ene, ‘Doha ina GUIAU Heberu tataodi edi Eaubada i ribaei, “Egu tatao u abigabaedi bena se heayaiyegu.
1781	EXO 10:3	Arinai Mose eo Arona se lau Parao arinai se heriba si ene, “Doha ina GUIAU, Heberu edi Eaubada i ribaei, ‘Abo ma hisa u awaeagalaegu, nige u nuatudobidobiuioim matagu eai? Egu tatao u abigabaedi bena se heayaiyegu.
1811	EXO 11:4	Abo Mose i ene, “Doha ina GUIAU i ribaei, ‘Bulinuana eai abo ea pesa ea lau Aigupito duaduarina eai,
1820	EXO 12:3	Isaraela tataodi au heoigogoidi au heribadi, ‘Ina nawarai ta asubena hesaudoudoina eai tatao gamagaridi abo mamoe natuna se abi, tamadi ena numa ena boga laina gonoana, numa esau esau ena mamoe.
1831	EXO 12:14	“‘Ina asubena ta abo i hemala emi abahenuaisini, abo au heasisiei GUIAU ena mataasi. Ami isi gamagaridi aridi eai abo au heasisiei emi laugagaeo i lau e nige nosina.
1843	EXO 12:26	Huiana wa arinai nanatumiuyao se ribalaoa arimiu eai si ene, ‘Ina abiabi ta aniona saha?’
1844	EXO 12:27	Abo au ene, ‘Ina aitalasam ta ia ede GUIAU ena pasova, paana Isaraela tataodi edi numa Aigupito eai i hemuridi, huiana wa Aigupito tataodi i unuidi, na ai ema numa mo i hemuridi.’” Eo tatao wa se tabaohu eo se aihelahui.
1876	EXO 13:8	Abo nei asubena eai ne abo natum tau u heriba u ene, ‘Matapaana ede saha GUIAU i ginauri enagu huiana wa Aigupito ea torohaigabaei.’
1882	EXO 13:14	Abo huia matamiu eai ena natum i hesiolaowa i ene, “Ina ta aniona saha?’ abo u heriba, ‘GUIAU nimana adidirina eai Aigupito eai i woeahaimai auau numana eai.
1893	EXO 14:3	Eo Parao Isaraela enadi abo i ribaei, ‘Isi se gege se sae se dobi eanua boeana eai, barabara abo i guduguduidi.’
1902	EXO 14:12	Aigupito eai ai heribam, e nige’e ai ene, ‘Tabu u hemodemai Aigupito tataodi abo ai heayaiyedi.’ I lolo mo Aigupito tataodi abo ai heayaiyedi, abotai barabara eai ai mate.”
1930	EXO 15:9	Waiunu i ribaei, i ene, ‘Abo ea lauwataidi, abo ea lagewataidi, gogo abo ea soiei; egu henua aridi eai abo ea abiheohi. Egu elepa sumana eai abo ea niusi nimagu abo i unuhematedi.’
1957	EXO 16:9	Mose abo i ribalau Arona arinai, i ene, “Isaraela moutuana u heribadi, ‘Au hanahanauma GUIAU arinai paana emi gadigadigugu i ataiedio.’”
1960	EXO 16:12	“Isaraela edi gadigadigugu ea ataiedio; u ribalau aridi eai u ene, ‘Mahana ena bulumtaru eai abo anihu au ai, eo maratomtom eai falawa arinai abo bogamiu se sese, bena abina au ata eau GUIAU emi Eaubada ede.’”
1964	EXO 16:16	Ina ginauri ta ede GUIAU enana i lauhesom i ene, ‘Gamagarimiu au tanoi abo ami gonogonoamiu, esega esega omer esega, gamagarimiu gonoamiu, abo au tanoi tatao gamagarimiu ami numa‐lulu eai gonogonoamiu.’”
1971	EXO 16:23	I ribalau aridi eai i ene, “GUIAU i ene, ‘Maraitom huia aiyawasi tabuna ede, GUIAU ena sabati tabuna; wauta saha au henua bena au gabu, eo otahaina maudoina abo au aitore au abididini i lau e maraitom.’”
1980	EXO 16:32	Mose i ene, “Doha ina GUIAU i lauhesom, ‘Omer esega abo au abididini ami isi gamagaridi aridi eai falawa arinai ea heaimiu bena se ita, huiana eai wa Aigupito tanona arinai ea woeahaimiu.’”
1999	EXO 17:15	Mose aba‐aitalasam abo i hetoro, eo esana i atai, ‘GUIAU egu gora ede.’
2039	EXO 19:12	Abo gana u hetorohetaiiri tatao enadi, hinage abo u heribadi, ‘Au komakomanimiu, tabu au sae oea tupina eai, eo tabu dedeana au abi’ita: eai ena oea i abi’ita abo se unuhemate.
2050	EXO 19:23	Mose GUIAU i heriba i ene, “Tatao taba nige se saema Sinai oeana tupina eai, paana oa u lauhesomdi, u ene, ‘Oea tupina au ganai, eo au hetabuei.’”