5	GEN 1:5	Marana wa Eaubada esana ie tore Asubena, eo masigiri wa esana ie tore Maiona. Abo maimailahi, eo maratomtom, asubena bagubagunana.
60	GEN 3:4	Mota abo i ribalau sine arinai i ene, “Mamohoi taba nige au mate;
69	GEN 3:13	GUIAU Eaubada sine wa arinai ie riba, i ene: “Saha ina u ginauri ta?” Sine i ene, “Mota i boraigu, to ea ai.”
98	GEN 4:18	Enoka arinai Irada se labasi; Irada ia Mehuiaele tamana; Mehuiaele ia Metusaela tamana, eo Metusaela ie Lameka tamana.
106	GEN 4:26	Seta hinage natuna tau se labasi ia esana Inosi. Meta huia eai ne tatao se hetubu GUIAU esana se atai.
118	GEN 5:12	Kenana ie mia borimaina tatao‐haiona‐se‐mate‐saudoudoi, abo i hemala Mahalalela tamana.
119	GEN 5:13	Mahalalela se labasi murina eai Kenana ie mia borimai handere haligigi‐haiona eo tatao‐labui‐se‐mate, eo nanatunayao tatao eo sisine headi i abidi.
121	GEN 5:15	Mahalalela ie mia borimaina tatao‐haiona‐se‐matehaligigi, abo i hemala Iareda tamana.
122	GEN 5:16	Iareda se labasi wa murina eai Mahalalela borimai handere haligigi‐haiona eo tau‐esega‐i‐mate‐saudoudoi, eo nanatunayao tatao eo sisine headi i abidi.
123	GEN 5:17	Arinai Mahalalela ena mauri asubenadi maudoidi ede borimai handere haligigi‐haiona eo tatao‐hasi‐se‐mate‐saudoudoihaligigi; abotai abo ie mate.
127	GEN 5:21	Enoka borimai tatao‐haiona‐se‐mate eo haligigi ie mia, abo i hemala Metusela tamana.
128	GEN 5:22	Metusela se labasi wa murina eai Enoka Eaubada maena se laulau borimai handerehaiona, eo nanatunayao tatao eo sinine headi i abidi.
131	GEN 5:25	Metusela ie mia borimaina handere esega, eo tatao‐hasi‐se‐mate haligigi‐labui, abo i hemala Lameka tamana.
132	GEN 5:26	Lameka se labasi wa murina eai Metusela ie mia borimai handere haligigi‐labui eo tatao‐hasi‐se‐mate eo labui, eo nanatunayao tatao eo sisine headi i abidi.
133	GEN 5:27	Arinai Metusela ena mauri asubenadi maudoidi ede borimai handere haligigi‐hasi eo tatao‐haiona‐se‐mate eo haligigi‐hasi; abo ie mate.
158	GEN 6:20	Manudi hinage, adi ao udoi udoi eai, suisui adi ao udoi udoi eai, lie udoi udoi, labui to labui, abo u heawasedima, mauridi bena u sogohidi.
163	GEN 7:3	Malagaibu manudi hari ao haligigi‐labui, tamoana eo bawesina, arinai edi gorugoru maumauridi se laulau tanoubu potana eai.
195	GEN 8:11	Maimailahi eai bunebune wa i uioma arinai, to ne, awana eai olive luguluguna harihariuna ie losi arinai Noa ie ita, omihede goila se guma’o tanoubu eai.
237	GEN 10:2	Iapeta nanatunayao tatao: Gomera, Magoga, Madai, Iavan, Tubala, Meseka eo Tirasa.
258	GEN 10:23	Arama nanatunayao tatao: Usa, Hula, Getera eo Masaha.
265	GEN 10:30	Tano arinai se mia wa lohana ede Mesa i lau Separa oea tupidi tupo aruabu eai wa.
296	GEN 11:29	Aberama eo Nahora monediyao se tawasoraidi; Aberama monena wa esana Sara, eo Nahora monena esana Mileka, ia Harana natuna, Mileka eo Iseka tamadi wa.
305	GEN 12:6	Aberama eanua i baeawai i lau e ie lage teha esau Sekema eai, More aiaruna wa arinai. Nei huiana eai ne Kanana tataodi ma miadi tano eai ne.
333	GEN 13:14	Lota i abihesuara’uioi wa murina eai GUIAU i ribalau Aberama arinai, i ene, “Matam u helabaisinidi, em aba‐toro eai me u italau, tupo bauri, tupo eawana, tupo aruabu, tupo ealasi,
337	GEN 13:18	Arinai Aberama ena numa‐lulu i hesigilaei, i laoma Mamare aiarudi boeadi eai ie mia, isi ede Heberona eai wa; nei eai hinage aba‐aitalasam hatana i hetoro GUIAU enana.
350	GEN 14:13	Abotai tau esau taudagogabaedi i laoma Aberama i heriba, ia Heberu tauna, Mamare ena aiaru boeadi eai i mia. Amore tauna wa, Esekola eo Anera edi tau; ina tatao ta Aberama tausaguidi ede.
355	GEN 14:18	Abo Melekisedeka Salem edi wasawasa falawa eo waina i bahema, ia Eaubada Saesae‐aririna ena kohena tauna.
361	GEN 14:24	Eau taba nige saha ea abi, egu hewari adi aiai mo se aiya’o, eo tatao maeguyao taulau wa edi tupo abo se abi, Anera, Esekola, eo Mamare isi hinage edi tupo taba se abi.”
372	GEN 15:11	Manu sinare tauaidi se loidobima eaudi wa hesabadi, na Aberama i henaudi se lau.
373	GEN 15:12	Mahana ie dui na Aberama i enomate ariri; to matausi eo masigiri lailai aririna se taru potana eai.
378	GEN 15:17	Mahana i dui’o eo i masigiri’o, abo ne gulewa ginaha aba baheina ma asuasuna, eo osiri ala‐balebalelemna se taumasaraha wau aitalasam suisui eaudi wa boeadi eai.
395	GEN 16:13	Arinai GUIAU enana tauriba wa esana i atai, “Oa tauitagu Eaubadana,” paana i ene “Mamohoi ede, wa, Eaubada ea i’ita, ea itayao na sora mamaumaurigu.”
420	GEN 17:22	Maena se ribariba lautom, Eaubada i laugabaei.
426	GEN 18:1	GUIAU i taumasaraha ia arinai, Mamare aiarudi eai, ia ena numa‐lulu dobilana eai i babawa, asuasubenalai gigiborina eai.
427	GEN 18:2	Matana i helabaisinidi ie italau, hede tatao haiona matana eai se totoro. Ie itadi abo ena numa‐lulu wa dobilana i laugabaei ie tau hesabadi bena i hailobaidi, abo tano eai i tabaohu.
434	GEN 18:9	Se ribalau ia arinai si ene, “Monem Saraha wa ia haedi?” Ia i ene, “Ia hede numa‐lulu alona eai.”
438	GEN 18:13	GUIAU abo ie riba Aberahama arinai, i ene, “Paana saha Saraha i maruhi, eo i ene, ‘Mamohoi abo merumeru ea labasi, ea sinesinebada’o ta?’
448	GEN 18:23	Aberahama i sigilaoma i ene, “Mamohoi abo tatao duduraidi u hebaaeadi maediyao tatao baaeadi wa?
478	GEN 19:20	Au italau nei, eanua esau hanahanau eai, gonoagu arinai taba ea dago hinage eanua gagirina wa. Metai bena ea dago — i gagiri, e nige’e? — abo nei eai egu mauri ea abi!”
481	GEN 19:23	Mahana i dalasaema’o tanoubu i sinai abotai Lota ie lage Soara eai.
485	GEN 19:27	Maratomtom gagirina eai Aberahama, i sae heuheula ena abatoro eai wa GUIAU matana eai;
492	GEN 19:34	Mara ie ton eai taubaguna wa abo i ribalau taumurita arinai ie ene, “U ita boni tamada maegu aie eno; hage maiona ta waina eai ta henomuioi; oa abo u lau maem au eno, abo ada isimurita se tubu, tamada debana eai.”
495	GEN 19:37	Taubaguna abo natuna tau i labasi, esana ie tore Moaba; ia Moaba tataodi tamadi ede, i laoma e wau ta.
501	GEN 20:5	Ia i heribagu, e nige’e, i ene, ‘Lougu ina.’ Sine wa hinage i ene, ‘Tau ta lougu.’ Ma nua‐duduraigu eai, eo ma nima‐aagu eai laulau ta ea abi.”
522	GEN 21:8	Merumeru wa abo ie tubu, ie lau e susu se hedabu: hedabuna asubenana eai wa Aberahama mataasi lailaina i ginauri.
530	GEN 21:16	I tausuara begana to ie bawa, edana lohana doha pidu se tu, paana i ene, “Nige ea henua bena merumeru matagu eai i mate.” Ma babawasuarana merumeru arinana i helai ie dou.
547	GEN 21:33	Aberahama oeagi tabuna esau i umai Biera‐siba eai abo nei eai GUIAU esana i atai, Mauri Nige Nosina Eaubadana.
550	GEN 22:2	Eaubada i ene, “Natum u woeai, natu‐ese’esegam u gadosisie wa, Isaako, abo au lau tupo Moria eai, nei eai ia abo u moselaei em aitalasam gabugabuna oea tupina esau potana eai, sora abo ea heitam.”
565	GEN 22:17	Mamohoi ariri abo ea ainauiaim, am isimurita abo ea hegamagaridi doha galewa iporadi, eo doha gelegele gabogabo hasarina eai wa. Am isimurita hinage abo adi waiunuyao edi dobila abo se tanuagaidi.
568	GEN 22:20	Ina ginauri ta muridi eai Aberahama se heriba, “Mileka hinage merumeru i labasidi em tau Nahora enana.”
571	GEN 22:23	Betuela abotai Rebeka tamana ede, tataodi haligigi haiona Mileka i labasidi Nahora enana, Aberahama ena tau.
572	GEN 22:24	Hinage ena wowosara esana Reumaha, ia Teba, Gaham, Tahasa eo Mahaka i labasidi.
581	GEN 23:9	Makepela duhana, ia enana wa, i leama arigu eai; iaede ena oea sigasigana eai, maisana maudoina debana eai i leama omi matamiu eai, abo ea abi enagu, egu aba‐toretoretau.”
589	GEN 23:17	Arinai, Makepela, Eperona ena tano wa Mamare tupo aruabu eai, oea eo hinage duha, eo oeagi gamagaridi tehana maudoina eai se mosegabaei
591	GEN 23:19	Inata murina eai Aberahama monena Sahara ie tore duha alona eai Makepela ena oea eai Mamare matana eai; ia ede Heberona, Kanana eanuana eai.
602	GEN 24:10	Abotai heaheari tauna wa tanuagana ena kamela saudoudoi i abidi i torohai, ainauia lolololodi gamagaridi tanuagana i mosedi, bena i laedi nimana eai; na i torohai ie lau Mesapotamia eai, Nahora ena eanua eai.
607	GEN 24:15	Na Rebeka ie ita, sora ma ribaribana, Betuela natuna, ia Mileka natuna, Nahora Aberahama ena tau wa monena. Siu wa i pesama dabayarona eai goila leduna i bahei, i laolaoma.
616	GEN 24:24	Siuna i ribaheuio i ene, “Eau Betuela natuna sine, ia Mileka natuna tau, Nahora arinai i labasi.”
639	GEN 24:47	Abo ea oimuri ea ene, ‘Oa eai natuna?’ I ene, ‘Eau Betuela natuna siu, ia Nahora natuna, Mileka i labasi wa.’ Arinai bea omo’omo ea toredi, eo arima imana eai.
646	GEN 24:54	Abo ia maena tataoyao se ai eo se nom, eo nei eai maiona eai se eno: Mara‐ie‐tom, se eno toro i ene, “Au hetamarigu bena ea uio tanuagu arinai.”
655	GEN 24:63	Maimailahi eai Isaako ie pesa oea eai i laulauwayo bena nuana i hedosiuioi eo i nuanuatuadidiri; abo matana i helabaisinidi to nei kamela i itadi se laolaoma.
657	GEN 24:65	eo iribalau heaheari tauna wa arinai i ene, “Tau ne eai, oea eai i laolaoma bena i hailobaida?” Heaheari tauna wa i ene, “Meta agu tanuaga.” Arinai ena abobo ie abi to matana i umui.
661	GEN 25:2	Nanatunayao Simarana, Iokosan, Medana, Midiani, Isabaka, eo Sua i labasidi.
663	GEN 25:4	Midiani nanatunayao tatao ede Epaha, Epera, Hanoka, Abida, Eladaa, gamagaridi ta Ketura tubutubunayao.
668	GEN 25:9	Nanatunayao Isaako eo Isamaela tamadi se tore duha esau Makepela eai, Eperona Sohara natuna ena oea eai, ia Hito tauna wa, Mamare tupo aruabu eai,
672	GEN 25:13	Isamaela nanatunayao tatao esadi ede ina, tau baguna i lau e tau murita: Nebaiota, Isamaela natu ealahouna, eo Kedare, Adebeala eo Mibasam.
673	GEN 25:14	Misima, Dumaha, Masa.
681	GEN 25:22	Merumeru tauna boeana eai se haiabi, to i ene, “Paana saha doha ina ea hearo?” To ie lau GUIAU arinai i oimuri.
685	GEN 25:26	Murina eai ena tau se labasi nimana eai ae gedurina i abididini, arinai esana se tore Iakobo. Isaako ena borimai tatao‐haiona‐se‐mate huiana eai ne monena i labasidi.
686	GEN 25:27	Merumeru wa se taulailai abo Isoa ia tauailoea saesaena na Iakobo ia tau manabiga, numaalo tau miamiaina.
691	GEN 25:32	Isoa i ene, “Mate i hanahanauigu ta ealahou ainauiana ena lolo saha abo i helologu?”
700	GEN 26:7	Huiana ne eanua tataodi monena se hetala, i ene, “Lougu ede,” i matausi ena i ene, “Monegu ede,” ena nuatu “Eanua tataodi ata se unuigu Rebeka debana eai,” paana sine wa ana ao i lolo ariri.
717	GEN 26:24	Maionana eai ne GUIAU i taumasaraha ia arinai i ene, “Eau tamam Aberahama ena Eaubada, tabu u matausi, eau maem abo ea ainauiaim, eo am isimurita abo ea hegamagaridi egu heaheari tauna Aberahama debana eai.”
724	GEN 26:31	Maraietom se toro heuheula esa esa maediyao se riba aigora, abo Isaako i healatudi to se laugabaei ma nua tarudi.
752	GEN 27:24	Na i ene, “Mamohoi oa natugu Isoa wa?” I ene, “Eau ede.”
761	GEN 27:33	Isaako abo i tabutabubu ariariri, i ene, “Eai meta sarai i ailoea to i leama, oa soram, na ea aihe’ohiyao eo hinage ea ribaheloloyao? Mamohoi, ia hinage abo se helolo!”
783	GEN 28:9	To Isoa ie lau Isamaela eai, monena esau ie abi, ia ede Mahalate, Isamaela, Aberahama natuna tau wa, natuna siu, eo Nebaiota louna: eo monenayao headi i heesegaidi.
790	GEN 28:16	Iakobo i eno siliata, i ene, “Mamohoi GUIAU ia ina dimo eai ta, na nige ea nuatui.”
791	GEN 28:17	Abo i matausi i ene, “Dimo ta i didiga ariri! Mamohoi Eaubada ena numa ede ina ta, ina galewa aba‐lusorana!”
799	GEN 29:3	Mamoe eawoidi nei eai se henau gogoidi, abo tau itawataidi we’u se buihesuara, mamoe se henomdi, abo we’una se toreuioi huana awana eai.
805	GEN 29:9	Ma’ediyao sora ma ribaribadi, na Rahela ie lage tamana ena mamoe ma’enayao, paana ia tautitawataidi ede.
810	GEN 29:14	Labana abo i ribalau ia arinai i ene, “Mamohoi ariri, oa siadagu eo bulumagu!” Abo nawalai esega sorasorana arinai ie mia.
817	GEN 29:21	Abo Iakobo i ribalau Labana arinai i ene, “Monegu ne u leama bena ea lau arinai paana egu huia ea he’ohidio.”
821	GEN 29:25	Mara ie tom abo Iakobo ie ita, omi hede Lea, to i ribalau Labana arinai i ene, “Saha ue abi arigu eai ta? Rahela debana eai enam ea paisoa, e nige’e? Paana saha u boraegu ina?”
832	GEN 30:1	Rahela ie ita ia nige merumeru i labasidi Iakobo arinai ena doga i aiaromagigiriei, i ribalau Iakobo arinai i ene: “Merumeru u ledima, e besi ea mate!”
852	GEN 30:21	Murina eai natuna siu i labasi esana ie tore Daina.
857	GEN 30:26	Moneguyao eo nanatuguyao, debadi eai ea heayaiyem ta u ledima, to u buigabaegu, paana egu heaheari paisoana enam abina u ata’o.”
886	GEN 31:12	To i ene, ‘Matam u helabaisini u ita goti tamoadi tau kamposisae eawoina dageladi eai isi ede uriuridi eo tupodi se dubaduba, tupodi se posiposi eo useuseadi paana Labana ena abi gamagamagari arim eai ea itadio.
904	GEN 31:30	Mamohoi em gadosisi bena u torohai paana tamam ena numa u nuatu aririei, na paana saha egu oitau u aiyaharidi?”
905	GEN 31:31	Abo Iakobo Labana i heuioi i ene, “Mata paana ede ea matausi, ea ene ata nanatumyao sisine u girihaidi nimagu eai.