47	GEN 2:16	GUIAU Eaubada tau wa i lauhesom, i ene, “Oea ta oeagina gamagaridi uauadi abo au ainapaidi;
58	GEN 3:2	Sine i ribalau mota arinai i ene, “Oea ta oeagina uauadi taba ai aidi,
59	GEN 3:3	na Eaubada i ribaei mo i ene, ‘Oeagi wa oea duaduarina eai i totoro, temeta mo uauana taba nige au ai, hinage taba nige au abilau arinai, ata au mate’.”
65	GEN 3:9	Na GUIAU Eaubada i eogalau Adamu arinai i ene, “Oa ede haedi?”
67	GEN 3:11	Ia i ene, “Eai i heribam u kohakoha? Oeagi uauana ue ai, wa, iaede ea gorai bena tabu u ai?”
92	GEN 4:12	Oa tano abo u giari, iamo adidirina taba nige i leawa’uioi; oa abo taudago eo tauelitata tanoubu eai ta.”
103	GEN 4:23	Lameka i ribalau monenayao aridi eai, “Ada eo Silaha e, arinagu ta au ataiei, Omi Lameka monenayao e, hage egu riba au ataiei: tau esau ea eatu’nui paana agu gai ie tore, hewari esau paana i talaigu:
152	GEN 6:14	Oa bena ake enam u ginauri, gopa oeagina eai, aroarona u biliutu’utusidi, murimurina eai eo arona eai tar arinai u aibadini.
246	GEN 10:11	Oea eai ne i torohai i lau Asiria, eo Ninive eanuana i hetoro, eo Rehobote‐iro, Kalaha,
263	GEN 10:28	Obala, Abimela, Siba.
264	GEN 10:29	Opira, Havila eo Iobaba; gamagaridi ta Ioketana nanatunayao ede.
327	GEN 13:8	Abo Aberama i ribalau Lota arinai i ene, “Oa eo eau tabu ta haiabi eo em heaheari tataodi egu heaheari tataodi hinage, paana ita boga esega.
360	GEN 14:23	Oa em ginauri taba nige maina bodibodi e ae’um aba‐auna e oa em ginauri esa enam ea abilau arinai, ata u ene, ‘Eau Aberama ana gogo lailai taumoseina.’
395	GEN 16:13	Arinai GUIAU enana tauriba wa esana i atai, “Oa tauitagu Eaubadana,” paana i ene “Mamohoi ede, wa, Eaubada ea i’ita, ea itayao na sora mamaumaurigu.”
450	GEN 18:25	Oa taba nige em laulau doha nei, laulau dudurai tataodi eo laulau baaea tataodi u unuesegaidi doha tatao baaeadi se heai gonogonoaiei! Taba nige em laulau doha nei! Tanoubu maudoina Tauheduduraina abo nige ena abi i dudurai?”
506	GEN 20:10	Abimeleko Aberahama abo i heriba i ene, “Oa em nuatu saha, na laulau ta u hetubu?”
555	GEN 22:7	Isaako i ribalau tamana arinai i ene, “Tamagu!” Aberahama i heuio, i ene, “Natugu, eau ede ina.” I ene, “Oeagi alaalasina ina eo oeagi augogona, na mamoe bena aitalasam gabugabuna mo haedi eai?”
592	GEN 23:20	Oea eo hinage duha wa se hemala Aberahama enana tahunuana bena ena aba‐toretau, Hito tataodi aridi.
639	GEN 24:47	Abo ea oimuri ea ene, ‘Oa eai natuna?’ I ene, ‘Eau Betuela natuna siu, ia Nahora natuna, Mileka i labasi wa.’ Arinai bea omo’omo ea toredi, eo arima imana eai.
760	GEN 27:32	Tamana Isaako i ene, “Oa eai?” Ia i ene, “Hede eau natum labasi bagunaegu, Isoa.”
860	GEN 30:29	Iakobo ena riba i heuio i ene, “Oabom abina u ata’o, egu abiheayayem ana ao, eo em bulumakau edi laulolo eau nimagu eai.
938	GEN 32:10	Abo Iakobo i ene, “Oa tamagu Aberahama ena Eaubada, eo tamagu Isaako ena Eaubada, egu GUIAU, oa u heribagu u ene, ‘U uio em eanua tahunuana, eo em tataoyao aridi eai abo hinage ea saguim’,
946	GEN 32:18	Abo bagubagunadi i lauhesomdi i ene, “Ena egu tau Isoa au hailobai, eo i hesiolaowa i ene, ‘Omi ede eai enanayao, eo haedi au laulau, eo ina suisui ta au woeadi meta eai enanayao?’
980	GEN 33:19	Oea wa, ena apa lulu aba‐hetorona i unehai Hamore nanatunayao aridi eai, ia Sekema tamana, maisana moni silver handere esega.
1014	GEN 35:2	Abotai Iakobo, ena numa taumiaidi eo isi gamagaridi maenayao se mia esega, i ribalau aridi eai i ene, “Oitau gamagaridi boeamiu eai se ota au torehesuaradi, eo au heaauioimiu, eo ami lulu aadi au luidi,
1024	GEN 35:12	Oea wa ea moseyao Aberahama eo Isaako aridi eai abo hinage oa enam, eo am isimurita hinage enadi.”
1043	GEN 36:2	Isoa monenayao Kanana hasahasaradi i abidi: Ada, Elona, Hito tauna natuna, eo Oholibama, Anaha natuna Sibiona, Hiwi tauna natuna.
1046	GEN 36:5	Oholibama Ieusa eo Iaalama eo Kora i labasidi: isi ede Isoa nanatunayao tatao ia arinai se labasidi Kanana tanona eai.
1052	GEN 36:11	Elipasi nanatunayao tatao Temani, Omara, Sepo, Gatami eo Kenasi.
1055	GEN 36:14	Isoa monena Oholibama, ia Anaha natuna, Anaha wa Sibiona natuna Isoa arinai Ieusa, Iaalama eo Kora i labasidi.
1056	GEN 36:15	Isi ede Isoa nanatunayao edi babada; Elipasi, Isoa ena ealahou tau nanatunayao tatao ena babadayao Temani, Omara, Sepo, Kenasi,
1059	GEN 36:18	Isoa monena Oholibama nanatunayao tatao ede ina: bada Ieusa, bada Ialaama, bada Kora, ina babada to Oholibama Isoa monena arinai se laoma, ia wa Anaha natuna sine.
1064	GEN 36:23	Sobale nanatunayao ede ina: Aliwani, Manahata, Ebala, Sepo eo Onami.
1066	GEN 36:25	Anaha nanatunayao ede ina: Disoni eo Oholibama, Anaha natuna sine.
1082	GEN 36:41	Bada Oholibama, bada Ela, bada Pinoni.
1124	GEN 38:4	I bogauio natuna tau i labasi esana se tore Onani.
1128	GEN 38:8	Abo Iuda i ribalau Onani arinai i ene, “Em tau ena wabu u tawasoraei, abo merumeru u hetubudi, bena em tau enanayao.”
1129	GEN 38:9	Na Onani abina ie ata merumeru taba nige ia nanatunayao tahunuadi, arinai huiana wa i lau ie eno ena tau ana wabu arinai, tuma wa i hebolili gaibui ata merumeru esau i hetubu ena tau enana.
1130	GEN 38:10	Ina ena laulau ta GUIAU nuana i hebaaea, arinai Onani hinage GUIAU i unuhemate gonogonoana doha ena tau.
1241	GEN 41:45	Abo Parao Iosepa esana ie tore Sapanata‐panea, eo monena i mosei Asenati, Potipera, Ona edi Kohena, natuna, Arinai Iosepa ie pesa ie lau Aigupito eanuana maudoina i taudadai.
1246	GEN 41:50	Sora nige huia guriam ie tubu Iosepa nanatunayao labui Asenati i labasidi, ia Potipera, Ona ena kohena, natuna sine.
1262	GEN 42:9	Abotai Iosepa ena enosuai isi enadi i enosuaiedi wa i nuanuatuidi to i ribalau aridi eai i ene, “Omi tau itasipo, nuana eanua ena guriam bena au laoma au itasipoi.”
1343	GEN 44:18	Abo Iuda i hanahanau ia arinai, i ene, “O egu guiau e, em heaheari tauna i aiboda bena riba esau ea ribaei egu guiau beana eai, eo tabu nuam i alasi em heaheari tauna arinai; paana oa gonogonoana doha Parao.
1397	GEN 46:10	Simiona nanatunayao tatao: Iemuela, Iamina, Ohada, Iakina, Sohara eo Saulo ia Kanana sinena esau natuna tau.
1399	GEN 46:12	Abo Iuda nanatunayao tatao: Era eo Onani, Sela, Paresi eo Seraha, na Era eo Onani Kanana tanona eai se lautom. Eo Paresi nanatunayao tatao ede: Heserona eo Hamula.
1407	GEN 46:20	Iosepa arinai, ia Aigupito eai, nanatunayao tatao labui, Manase eo Eparaima, Asenati i labasidi, ia Potipera, Ona ena kohena, natuna sine.
1472	GEN 48:20	Nei asubenana ne i ribahelolodi i ene, “Omi esamiu eai abo Isaraela tataodi se ribahelolodi si ene, ‘Eaubada i hetoromiu doha Eparaima eo Manase’”; arinai Eparaima i hebaguna, eo Manase i hemurita.
1480	GEN 49:6	O nuagu e, tabu u soralau edi aba‐riba eamueamui eai; O nuagu dudulaina e, tabu u patulau edi oigogo aridi eai; paana edi ouyalayala eai tatao se unuidi, eo edi nuatuuioidi eai bulumakau se hebaaeadi.
1492	GEN 49:18	O GUIAU e, em abihemauri ea bagibagiei!
1569	EXO 2:14	Ia i heuio i ene, “Eai i heterom ama tanuaga, e tau hedudulaimai? Em nuatu bena u unuigu doha Aigupito tauna ue unui, wa?” Abo Mose i matausi, eo i nuanuatu, “Omihede ginauri wa abina se ata’o.”
1612	EXO 4:10	Mose i ribalau GUIAU arinai i ene, “O Guiau e, eau nige tauribasibasiba, huia bagubagunana eai nige’e eo huiana wa u ribalaoma em heaheari arinai nige’e, na eau ea bebeda ribariba arinai eo memenagu i porohe.”
1615	EXO 4:13	Na i ene, “O Guiau e, ea aibodaim, taba doga esau u hetamari.”
1628	EXO 4:26	Arinai Eaubada Mose i abigabaei, na Sipora i ene, “Oa osinam monegu, heperitome debana eai.”
1664	EXO 6:8	Abo ea woeaimiu eanua esau arinai ia ede ea ribahesunuma wa Aberahama, Isaako, eo Iakobo aridi eai, bena abo ea mosedi. Omi hinage arimiu eai abo ea leawa enamiu: eau Iehowa ede.”
1671	EXO 6:15	Simiona nanatunayao tatao; Iemuela, Iamina, Ohada, Iakina, Sohara, eo Saulo Kanana sinena natuna; isi ede Simiona boganayao.
1830	EXO 12:13	Osina abo heiheinoi omi arimiu eai, eo numa wa, emi aba‐mia potadi eai: ena osina wa ea ita, abo ea hemurimiu eo taba nige iwala i oi’itamiu bena i unuimiu, huiana eai ne Aigupito eanuana abo ea hebaaea.
1838	EXO 12:21	Mose Isaraela tataodi abo i eogaidi, i ribalau aridi eai, i ene, “Omibom emi mamoe au hineridi emi boga gonogonoadi eai, pasova ena mamoe abo au unui.
1906	EXO 14:16	Oa em tu’e u lausini nimam u helelelaei gabogabo potana eai, abo u soiei, eo Isaraela tataodi tano pitapitalina potana eai abo se laulau gabogabo boeana eai.
1927	EXO 15:6	Nima tutum, O GUIAU e, ma gigibori namanamarina, nima tutum, O GUIAU e, waiunu i hetamogorugorudi.
1932	EXO 15:11	O GUIAU e, eaubada udoi udoi boeadi eai, Eai doha oa tabuna ma namanamarina, em hewau gigigigiboridi nuamatausidi?
1937	EXO 15:16	Matausi lailai didigana ie beudobi potadi eai; nimam gigiborina eai isi se toreesegaidi doha we’u, i lau e em tatao se baeawa, O GUIAU e, i lau e tatao u hemauridi se baeawa’o.
1938	EXO 15:17	Oa abo u woealageedi em oea tupi tahunuana eai abo u umaidi, tupo wa O GUIAU e, oa u ginauri em aba‐mia, em aba‐mia tabuna, O GUIAU e, oa nimam eai u hetoro.
1980	EXO 16:32	Mose i ene, “Doha ina GUIAU i lauhesom, ‘Omer esega abo au abididini ami isi gamagaridi aridi eai falawa arinai ea heaimiu bena se ita, huiana eai wa Aigupito tanona arinai ea woeahaimiu.’”
1984	EXO 16:36	Omer ia ede epaha lausoisoina hesaudoudoina.
2018	EXO 18:18	Oa eo tatao maemyao, abo emi adidiri au heohi, paana ginauri ta i porohe ariri arimiu eai, nige gonoana oabom u bahei.
2019	EXO 18:19	Wauta arinagu u ataiei, abo ea riba hasahasaim, eo Eaubada abo maem. Oa abo u torolau Eaubada matana eai tatao enadi, eo edi aba‐haiabi wa abo u toredi Eaubada matana eai.
2033	EXO 19:6	Omi abo kohena basileiana, eo boda tabuna. Riba wa ede ina bena u ribaei Isaraela nanatunayao aridi eai.”
2050	EXO 19:23	Mose GUIAU i heriba i ene, “Tatao taba nige se saema Sinai oeana tupina eai, paana oa u lauhesomdi, u ene, ‘Oea tupina au ganai, eo au hetabuei.’”
2064	EXO 20:12	Oa tamam eo sinam u eogoeogoidi, em huia abo ie loha em oea eai GUIAU em Eaubada i leawa wa.
2071	EXO 20:19	Eo se ribalau Mose arinai, si ene, “Oa u ribalaoma arimai eai abo hinage ai ataiei na tabu Eaubada i ribalaoma arimai eai ata ai mate.”
2074	EXO 20:22	GUIAU i ribalau Mose arinai i ene, “Doha ina abo u ribalau Isaraela tataodi aridi eai. ‘Omi omibom aue ita galewa eai ea ribalaowa arimiu eai.
2145	EXO 22:30	“Omi abo hetabu tataomiu eau arigu eai: arinai suisui bulumana oea eai se purisi tabu au ai. Abo au gabalaei kedewa aridi eai.
5860	JOS 1:7	Oa mo u adidiri abo, eo u nuakipikipi ariri, bena laugagaeo ohina egu heaheari Mose i lauhesom abo u abivataidi: laugagaeo va teha tutu, eo teha seuseuri tabu u lausuaraei, em aba lau gamagamagaridi eai abo u tubu bena.
5881	JOS 2:10	Vasa va ai ataieao doha Guiau Gabogabo Buiabuiana i hepitari matamiu eai, omi Aigupito eai au laoma va: emi laulau hinage Amoraiti edi vasavasa labui, Sihona eo Oga aridi eai, Ioridano hari teha eai, au hebaaeaaririedi va.
5954	JOS 6:3	Omi tauiala gamagarimiu eanua va abo au hetaiiri. Asubena haligigi‐esega hinage eanua abo u hetaiiri.
6011	JOS 8:7	Omi emi aba vesei eai abo au torohai, eanua au girihai, paana Guiau emi Eaubada nimamiu eai eanua abo i reava.
6047	JOS 9:8	Se ribalau Iosua arinai, si ene, Em heaheari ai. Iosua aridi eai i ene, Omi haedi eai au laoma?
6049	JOS 9:10	Ena abiabi gamagaridi hinage Amoraiti edi Vasavasa labui aridi eai, Ioridano hari tupo eai Sihona, Hesebona edi Vasavasa, eo Oga, Basana edi Vasavasa, Asatarota eai.
6061	JOS 9:22	Iosua i eogaidi i ribalau aridi eai, i ene, Omi saha au boraimai ta, au ene, ema eanua edadi se roha ariri, emi aba‐mia momohoi gegesimai eai?
6085	JOS 10:19	Omi tabu au bava inai, ami vaiunu au henaudi murina eai se dago au lubidi: edi eanua tabu se lagedi paana Guiau emi Eaubada nimamiu eai i lediva.
6133	JOS 12:1	Teina peina eai Vasavasa gamagaridi va Isaraela se unuidi, eo edi tano se girihaidi va esadi se uridi. Ioridano hari tupo eai, Sihona, Amoraiti edi Vasavasa, eo Oga, Basana edi Vasavasa.
6221	JOS 15:17	Otinielu, Kinasa natuna, eanua abo i girihai, abo Akesa i mosei ia monena.
6222	JOS 15:18	Se tavasorao abo Akesa Otinielu i heriba bena tamana arinai oea gagirina esau i aiboda: ena asina eai i pesa: Kaleba i ribalau ia arinai i ene, saha bena u abi?
6295	JOS 17:18	Oea tupina abo enam: oeagi metai se gamagari abo u oidi, aniona abo enam: Kanana tataodi va edi kariota poasi se abidi va eo se adidiri, abo u henaudi, eo u hetatagorigoriohidi hinage.
6296	JOS 18:1	Isaraela nanatunaeao moutuadi lailai maudoudoina Siloa eai se oigogo, numa bahebaheusi edi aba oigogo se hetoro. Oea va tataodi matadi eai se heiluedi.
6301	JOS 18:6	Oea va abo au soi, haligigi‐labui, sigasigadi va abo au heribagu, Guiau emi Eaubada matana eai, enamiu abo ta hekelero.
6374	JOS 19:51	Tano ede teina se soi va: tausoina Eleasa kohena tauna, eo Iosua, Nuna natuna, eo Isaraela nanatunaeao, hari boga, hari boga, edi babada hinage, Siloa eai, Guiau matana eai se hekelero, se soi numa bahebaheusi dobilana eai. Oea va abo se soi lautom.
6446	JOS 22:18	Omi teina asubena eai ta au lau suara, Guiau nige au hemurivatai? Vau ta Guiau au avaeagaraei, maraitom Isaraela moutuadi maudoudoidi abo i ouealaealaedi.
6491	JOS 24:13	Oea va ea reava arinai nige au paipaisoai, eo eanua nige au ginauridi ea lediva, boeadi eai aue mia: oea va nige au umaidi hinage aridi eai ami aiai au abi au ai.
13956	PSA 2:7	GUIAU ena laugagaeo ribana abo ea heribamiu: I ribalaoma i ene, “Oa natugu ede, wauta ea hemala oa tamam.
13958	PSA 2:9	Oa abo u hetamogorugorudi poasi tu’ena arinai, abo u oigorugoru hegahegagiridi doha gulewa.”
13959	PSA 2:10	Omi wasawasa e, bena au sibasiba; omi tanoubu tanutanuagamiu bena se ribahesanapumiu.
14028	PSA 8:7	Oa nimam eai ginauri gamagaridi u ginauridi wa u mosedio ia tanuagadi eai ie lau; ginauri gamagaridi ia aena ubudi eai ue toredi,
14106	PSA 16:2	Ea ribalau GUIAU arinai ea ene, “Oa egu Guiau ede; egu lolo ede oabom mo arim eai.”
14107	PSA 16:3	Oa em hetabu tataodi isi heasisi tataodi ede, egu nualolo maudoina isi wa aridi eai.
14195	PSA 19:14	Oa em heaheari tauna ta bena nuasaesae baaeadi aridi eai u nuahi; tabu se tanuagaigu! Abotai abo ea toro dudurai, eo awayagara lailaina arinai taba nige edi abahegirugu.
14230	PSA 22:10	Omihede oa ede sinagu bogana eai u abihaigu; sinagu susuna eai oa u itawataigu.
14243	PSA 22:23	Oa esam abo ea wasawasaei egu tataoyao aridi eai, tatao peledi boeadi eai abo ea aihelahuim:
14244	PSA 22:24	Omi, eai to eai GUIAU au matausiei, ia au aihelahui! Omi, Iakobo nanatunayao ia au ribapasipasiei, ia matausina nuamiu eai, omi Isaraela nanatunayao!