2	GEN 1:2	Tanoubu nige ana ao, eo aha’ahana, eo gabogabo potana eai masigiri mo; na Eaubada Earuana gabogabo wa i moimoiutawaidi.
7	GEN 1:7	To galewa tehana wa Eaubada i ginauri, eo goila tehana wa ubuna eai eo tehana wa ewana eai i tore udoiedi. Hinage doha, ie tubu.
10	GEN 1:10	Eaubada tano pitapitarina wa esana ie tore Tanoubu, eo goila se he’esegaidi wa esadi ie tore Gabogabo. Eo Eaubada ie ita i lolo.
12	GEN 1:12	Tano ginauri ini’indi i he’inidi, ma tumadi adi ao udoi udoi eai, eo oeagi uauadi se toredi, uauadi wa ma tumadi, adi ao udoi udoi se lauwataidi. Eo Eaubada ie ita i lolo.
54	GEN 2:23	Abo Adamu i ene, “Teina abotai ede siadagu siadana, eo bulumagu bulumana; ia esana abo se atai Sine, paana tau arinai se abihaiyama.”
68	GEN 3:12	Tau wa i ene, “Sine u leama ia bena maegu wa, ia oeagi wa uauana i leama, to ea ai.”
73	GEN 3:17	Adamu arinai i ene, “Paana monem arinana u ataiei, eo oeagi wa ue ai, ea lauhesom wa, ‘Tabu u ai,’ tano ea ribahebaaea ta debam eai; paisoa amamnana mo abo aiaina u ai em mauri asubenadi gamagaridi eai;
81	GEN 4:1	Adamu monena Eva i nuatui, to ie boga abo Kaina i labasi, i ene, “Tau esau GUIAU arinai ea aabi.”
91	GEN 4:11	Tano wa awana i dabari em tau osinana oa nimam eai ie abi ia ede i ribahematem ta.
95	GEN 4:15	Abo GUIAU arinai ie riba i ene, “Taba nige’e! Ena taba esau Kaina i unuhemate, ana gum abo i hearo, ma haligigi‐labui.” Abo GUIAU heiheinoina ie tore Kaina arinai, ata tau esau i lobai abo i unui.
102	GEN 4:22	Silaha abo Tubala‐kaina i labasi; ia ena aba‐paisoa poasi, iron eo bronze tauginaurina. Tubala‐kaina louna ede Naama.
108	GEN 5:2	I hetubudi tau eo sine, eo i ainauiaidi, esadi i mosedi Tau, huiana i hetubudi wa.
135	GEN 5:29	To esana wa ie tore Noa, i ene, “Tano GUIAU i ribahemate wa boeana eai te ina ta abo aba‐aiyawasina i leama, ada paisoa arinai eo nimada edi paipaisoa aridi eai.”
139	GEN 6:1	Tatao se hetubu se gamagari ariri tanoubu potana eai, eo nanatudiyao sisine se labasidi,
142	GEN 6:4	Tatao lailaidi tanoubu eai ma miadi nei asubenadi eai ne, huia ne murina eai hinage, Eaubada nanatunayao wa, huia eai ne se laulau tatao nanatudiyao sisine aridi eai, isi abo nanatudiyao se labasidi. Teina tatao ta tatao adiadidiridi ede mumuga eai, eo tatao wasadi se lai.
145	GEN 6:7	Abo GUIAU i ene, “Tau ea hetubu wa abo ea saugabaei tanoubu potana eai, tau eo suisui eo ginauri se daladalausi eo malagaibu manudi, hede nuagu i baaea ea hetubudi wa.”
149	GEN 6:11	Tanoubu Eaubada matana eai i posa ariri, eo manamanabara i monau.
153	GEN 6:15	Teina doha abo em abiabina; ake wa lohana bena kubita handere haiona; magagana bena kubita tatao‐labui‐se‐mate‐saudoudoi, eo dedeana saena kubita tau‐esega‐i‐mate saudoudoi.
205	GEN 8:21	Abo pane lolona GUIAU i ataiei, to GUIAU ia nuana eai i ene, “Taba nige huia esau tano ea ribahemateuioi tau debana eai, paana tau nuana kamanina i baaea mo, ma hewarina eai i laoma; taba nige huia esau ginauri maumauridi gamagaridi ea hebaaeauioidi, doha ea ginauriyao wa.
206	GEN 8:22	Tanoubu ma otana eai, umauma huiana eo masuri huiana, huia gogoma eo huia gigibori, huia siwaro eo borimai, taba nige se lautom.”
208	GEN 9:2	Tano suisuina eo malagaibu manuna abo matausimiu eo mae’emiu eai se laulau, ginauri gamagaridi tano eai se daladalausi hinage gabogabo eamana; nimamiu eai ede se lediwa.
210	GEN 9:4	Taiede taba nige ginauri ma maurina au ai, iaede ma osinana.
225	GEN 9:19	Teina tataodi haiona ta ede Noa nanatunayao, isi aridi eai tanoubu maudoina se tubuma.
228	GEN 9:22	To Hama wa, Kanana tamana, tamana ma kohakohana eai ie ita, to ena tataoyao labui murimuri eai i heribadi.
237	GEN 10:2	Iapeta nanatunayao tatao: Gomera, Magoga, Madai, Iavan, Tubala, Meseka eo Tirasa.
238	GEN 10:3	Gomera nanatunayao tatao: Askenasa, Ripata eo Togarama.
239	GEN 10:4	Iavan nanatunayao tatao: Elisa, Tarisiso, Kitima, eo Dodanima.
240	GEN 10:5	Teina tatao ta aridi eai geregere taumia se tadada. Isi wa Iapeta nanatunayao isibom edi tano eai, eo isibom arinadi eo adi bogao eo edi basileia se tubu.
255	GEN 10:20	Teina Hama nanatunayao ede, eo adi bogao, edi arina, edi tano eo edi basileia.
265	GEN 10:30	Tano arinai se mia wa lohana ede Mesa i lau Separa oea tupidi tupo aruabu eai wa.
266	GEN 10:31	Teina Sema ana isimurita, adi bogaoyao, arinadi, edi tano, eo edi basileia.
267	GEN 10:32	Teina Noa nanatunayao adi bogaoyao ede, ma adi isi edi basileia eai; basileia ta aridi eai se tadada tanoubu tupo gamagari eai, dibori utu’utu wa murina eai.
268	GEN 11:1	Tanoubu maudoina arinadi esega eo riba heguhegurina gonogonoana.
269	GEN 11:2	Tatoa se lauheagogo se lau tupo aruabu, nei eai gonu lailai se lobai Sinara eanuana eai to arinai se mia.
291	GEN 11:24	Nahora borimai tau‐esega‐i‐mate eo haligigi‐hasi ie mia, abotai i hemala Teraha tamana;
292	GEN 11:25	Teraha se labasi murina eai Nahora borimai handere esega eo saudoudoi‐haligigihasi‐ie‐mia, eo nanatunayao headi, tatao eo sisine, i hetubudi.
293	GEN 11:26	Teraha ena borimai tatao‐haiona‐se‐mate‐saudoudoi ie mia, abotai i hemala Aberama tamana eo Nahora, eo Harana.
294	GEN 11:27	Teraha ana isimurita ede ina. Teraha ia Aberama, Nahora, eo Harana tamadi; na Harana ia Lota tamana.
298	GEN 11:31	Teraha natuna Aberama eo tubuna Lota, Harana wa natuna, eo bosiana‐sine Sara natuna Aberama wa monena, i woeahaidi Uro, Kalidea tataodi edi eanua, se laugabaei se lau Kanana oeana eai; na Harana eai se lage abo se tarutoro eo nei eai se miahai.
299	GEN 11:32	Teraha ena asubena gamagarina ede borimai handere labui eo haligigi; abo Teraha Harana eai ie mate.
311	GEN 12:12	Aigupito tataodi se itam abo si ene, ‘Teina monena ede;’ arinai eau abo si unuigu, oa mo abo se hemiam.
328	GEN 13:9	Tano maudoina ede matam eai me, e nige’e? Besi u abihesuara’uioim. Ena tupo nima‐seuseurim eai u abi, eau abo tupo tutu eai ea lau; e ena oa bena tupo tutu u abi, eau abo ea lau tupo seuseuri eai.”
338	GEN 14:1	Huiadi eai ne Amerapele ia Sinara edi wasawasa, Arioka ia Elasara edi wasawasa, Kedorolaoma ia Elama edi wasawasa, eo Tidala ia Goiima edi wasawasa,
346	GEN 14:9	bena Kedorolaoma, Elama edi wasawasa, eo Tidala, Goiima edi wasawasa, Amarapele, Sinara edi wasawasa, eo Arioka, Elasara edi wasawasa, se ialaidi, wasawasa hasi se lau wasawasa haligigi hesabadi.
362	GEN 15:1	Teina ginauridi ta muridi eai GUIAU ena riba i laoma Aberama arinai, enosuai eai, “Aberama e, tabu u matausi, eau em opea ede, em ainauia abo i lai ariri.”
365	GEN 15:4	Na hedeona, GUIAU ena riba i uioma arinai, i ene, “Teina tau ta ia taba nige em gogo tauabina; oabom natum tahunuana em gogo abo i abi.”
386	GEN 16:4	To ie lau Hagara arinai, to i heabi; ia wa huiana i italobai ie boga abo ena tanuaga i isuewaei.
388	GEN 16:6	Na Aberama Sara ena riba i heuio i ene, “Taiede, em heaheari sinena ta ede oa nimam eai; saha u henua u abi arinai abo u abi.” Abo Sara sine wa i abi‐baaeai, to ie dago.
390	GEN 16:8	I ribalau arinai i ene, “Hagara, Sara ena heaheari sinena e, haedi eai u laoma eo haedi u laulau ina?” I ene, “Tanuagagu Sara arinai ea dadago.”
412	GEN 17:14	Tau esa nige se peritome bulumana opina eai abo ena tataoyao boeadi eai se tomhai; egu aigora i utusi ede.”
430	GEN 18:5	Na aiai ami begana ea leama, amnamiu se lolo abotai emi eda eai au lau; paana au laoma’o ina emi heaheari tauna arinai.” To si ene, “Besi, doha u ribaei wa u ginauri.”
450	GEN 18:25	Oa taba nige em laulau doha nei, laulau dudurai tataodi eo laulau baaea tataodi u unuesegaidi doha tatao baaeadi se heai gonogonoaiei! Taba nige em laulau doha nei! Tanoubu maudoina Tauheduduraina abo nige ena abi i dudurai?”
453	GEN 18:28	Ena taba ta ene, wau tau laulau duduraidi tatao‐labui‐se‐mate‐hesaudoudoina wa haligigi wa nige’e? Abo eanua maudoina u hebaaea, paana haligigi wa nige’e?” I ene, “Taba nige ea hebaaea ena tatao‐labui‐se‐mate‐haligigi nei eai ea lobaidi.”
454	GEN 18:29	Abo i ribauio, i ene, “Ena taba tatao‐labui‐se‐mate mo u lobaidi nei eai?” I heuio i ene, “Tatao labui‐se‐mate mo debadi eai taba nige eo ginauri.”
455	GEN 18:30	Abo i ene, “Agutoi, tabu Guiau i ouyalayala, na egu riba ea ribaei mo. Ena tau esega‐i‐mate‐saudoudoi se lobaidi nei eai?” I heuio i ene “Taba nige ea ginauri, ena tau‐esega‐i‐mate‐saudoudoi ea lobaidi nei eai.”
456	GEN 18:31	Abo i ene, “U itagu ta, awagu ea dabariyao Guiau arinai. Ena taba tau‐esege‐i‐mate se lobaidi?” I heuio i ene, “Tau‐esega‐i‐mate debadi eai taba nige ea hebaaea.”
463	GEN 19:5	Lota arinai se eoga si ene, “Tatao wa haedi, maiona ta se laowa arim eai wa? U hepesadima arimai eai bena abidi ai ata.”
467	GEN 19:9	Na isi mo si ene, “U torohihisi.” Eo si ene, “Tau ta ia taulaolaoma mo, na bena i toro doha tauhedudurai! Sora oa abo ai abi‐baaea aririem, abotai isi.” Lota se dudui aririei, se hanahanaui arinai bena dobila guduna se eatulopa.
469	GEN 19:11	Tatao numa dobilana eai se totoro wa matadi se oihegibudi, gagiridi eo lailaidi, i lau e se heoheoidada dobila se eo’oeo’oi, to se heamnabaaeauioidi.
489	GEN 19:31	Abo tau‐bagunana i ribalau taumuritana arinai i ene, “Tamada i tautaubad’o, eo tanoubu eai ta nige tau esau taba arida eai i laoma, doha tanoubu ta kamanina.
495	GEN 19:37	Taubaguna abo natuna tau i labasi, esana ie tore Moaba; ia Moaba tataodi tamadi ede, i laoma e wau ta.
496	GEN 19:38	Taumurita ia hinage natuna tau i labasi, eo esana ie tore Ben‐ami; ie Amona tataodi tamadi ede, i laoma e wau ta.
501	GEN 20:5	Ia i heribagu, e nige’e, i ene, ‘Lougu ina.’ Sine wa hinage i ene, ‘Tau ta lougu.’ Ma nua‐duduraigu eai, eo ma nima‐aagu eai laulau ta ea abi.”
509	GEN 20:13	Huiana ne Eaubada i hetamarigu bena tamagu ena numa ea laugabaei ea elielitatausi, ea ribalau sine arinai ea ene, ‘Teina em abataubigaigu ede, haedi ta lage abo u ribaegu u ene, ia lougu.’”
526	GEN 21:12	Na Eaubada Aberahama arinai ie riba i ene, “Tabu nuam i amamna gama ta debana eai, eo em heaheari sinena debana eai. Saraha saha i ribaei u ginauri, ena riba u lauwatai, paana Isaako debana eai abo oa am isimurita esadi se ataidi.
528	GEN 21:14	Arinai maratomtom eai Aberahama i toroheula ariri falawa ie abi, eo sarai opina eai goila i hegoi, Hagara i mosei, i toresae dabayarona eai, natuna hinage, eo i hetamari ie lau. To ie lau abo i laulau gaibu Biera‐siba barabarana eai.
531	GEN 21:17	Gama wa arinana Eaubada i ataiei abo Eaubada ena aneru galewa eai ie eoga Hagara arinai i ene, “Hagara e, saha i henuadubum ta? Tabu u matausi, Eaubada gama wa arinana i ataieyao em aba ota eai ne.
555	GEN 22:7	Isaako i ribalau tamana arinai i ene, “Tamagu!” Aberahama i heuio, i ene, “Natugu, eau ede ina.” I ene, “Oeagi alaalasina ina eo oeagi augogona, na mamoe bena aitalasam gabugabuna mo haedi eai?”
556	GEN 22:8	Na Aberahama i ene, “Natugu e, Eaubada iabom mamoe esau aitalasam gabugabuna enana abo i henonohai.” To taudi labui se lau labulabui se lau.
559	GEN 22:11	na GUIAU ena aneru galewa eai i eogalau, i ene, “Aberahama e! Aberahama e!” To i heuio, “Eau ede ina.”
572	GEN 22:24	Hinage ena wowosara esana Reumaha, ia Teba, Gaham, Tahasa eo Mahaka i labasidi.
578	GEN 23:6	“Ema guiau e, hage u ataiemai; oa wasawasa saesaena boeamai eai. Taba em bousa lolodumadumana u hineri, arinai enam taumate u toredi taba nige esau ena bousa i nuahi e i guduguduim bena taumate u tore.”
604	GEN 24:12	To i ene, “GUIAU e, tanuagagu Aberahama ena Eaubada e, wau ta bena egu laoma aniona i tubu, ea aibodaim ta em gadosisi otaotahaina tanuagagu Aberahama arinai wa bena u hemasaraha ina.
606	GEN 24:14	taba mo siuna arinai ea riba, ea ene, ‘Agutoi em ledu me u dobeiama bena ea nom,’ eo ia ena riba i ene, ‘U nom eo em kamela adi hinage abo ea oi,’ ia ena taba sinena ede, ia u tauribaei em heaheari Isaako enana. Teina arinai abo ea nuatui, em gadosisi otaotahaina ede u hemasaraha tanuagagu arinai.”
610	GEN 24:18	Sine wa i ene, “Taubada e, u nom” — abo ena ledu nimana eai i laudobei heulai i mosei ie nom.
613	GEN 24:21	Tau wa i monomonou eo i aiaiewai i nuatu dadaasaeai, GUIAU ena lauwasi ta i heanio e nige’e.
615	GEN 24:23	to i ene, “Ea aibodaim bena u heribagu, oa eai natuna? Tamam ena numa eai susuana arinai taba ai mia?”
618	GEN 24:26	Tau wa i dulu dobi, GUIAU i aihelahui,
622	GEN 24:30	Nima’au ie ita, eo arima louna nimana eai, eo louna Rebeka ena riba i ataiei i ene, “Tau ta ena ribariba arigu eai doha ina” abo ie lau tau wa arinai; tau wa ie ita ena kamela hasaridi eai i totoro goila huana eai.
625	GEN 24:33	Abo aiai se tore matana eai bena abo i aiai, na i ene, “Taba nige ea aiai, na sora egu laoma mata paana ea riba bagunai.” I ene, “U ribariba.”
629	GEN 24:37	Tanuagagu i lauhesomgu gena ea riba aigora, i ene, ‘Taba nige natugu monena u eooi Kanana nanatudiyao sisinedi aridi eai, isi wa edi tano eai ea mia ta.
648	GEN 24:56	Na heaheari ia wa i ribalau aridi eai i ene, “Tabu au heboneawagu, GUIAU egu laoma ta i heanio, besi au buigabaegu, ea uio tanuagagu arinai.”
650	GEN 24:58	To Rebeka se eogai se ribalau arinai si ene, “Abo ina tau ta maem au lau wa?” Ia i ene, “Abo ea lau.”
657	GEN 24:65	eo iribalau heaheari tauna wa arinai i ene, “Tau ne eai, oea eai i laolaoma bena i hailobaida?” Heaheari tauna wa i ene, “Meta agu tanuaga.” Arinai ena abobo ie abi to matana i umui.
669	GEN 25:10	tano Aberahama ie une Hito tataodi aridi eai. Temetai Aberahama se tore monena Saraha hasarina eai.
674	GEN 25:15	Hadadi, Tema, Ietura, Napisi, eo Kedema.
675	GEN 25:16	Teina Isamaela nanatunayao tatao esadi ede, edi asa, eo edi gougou esadi hinage, edi wasawasa saudoudoi‐labui boga hasihasirina ede.
681	GEN 25:22	Merumeru tauna boeana eai se haiabi, to i ene, “Paana saha doha ina ea hearo?” To ie lau GUIAU arinai i oimuri.
695	GEN 26:2	GUIAU i hemasarahauioi ia arinai i ene, “Tabu u dobi Aigupito eai, eanua enam ea ribaei mo arinai u mia.
696	GEN 26:3	Teina eanua eai ta u miahai eau abo maem, abo ea ainauiaim paana tano gamagaridi ta abo ea lediwa oa arim eai, eo am isimurita hinage, eo egu aigora tamam Aberahama arinai abo ea hemamohoieidi.
702	GEN 26:9	To Abimeleko Isaako i eogai i ene, “Hedeomi monem meta, paana saha u ene ‘ia lougu’?” Isaako ena riba i heuio, “Paana ea nuatui ata ia debana eai ea mate.”
734	GEN 27:6	Rebeka i ribalau natuna Iakobo arinai i ene, “Tamam ena riba Isoa arinai ea ataiei, i ene,
746	GEN 27:18	I awasae tamana arinai i ene, “Tamagu,” to i ene, “Eau ede ina; oa natugu aisega?”