124	GEN 5:18	Iareda borimai handere esega eo tatao‐haiona‐se‐mate eo labui ie mia, abo i hemala Enoka tamana!
387	GEN 16:5	Sara abo ie ribalau Aberama arinai i ene, “Se abi‐baaeaigu ta oa hinage am giru! Egu heaheari sinena eau ea leawa nuapoum eai em haitalagado eai, i lau e i itayao ie boga abotai i isuewaigu. GUIAU abo i hegiruda, oa eo eau!”
450	GEN 18:25	Oa taba nige em laulau doha nei, laulau dudurai tataodi eo laulau baaea tataodi u unuesegaidi doha tatao baaeadi se heai gonogonoaiei! Taba nige em laulau doha nei! Tanoubu maudoina Tauheduduraina abo nige ena abi i dudurai?”
467	GEN 19:9	Na isi mo si ene, “U torohihisi.” Eo si ene, “Tau ta ia taulaolaoma mo, na bena i toro doha tauhedudurai! Sora oa abo ai abi‐baaea aririem, abotai isi.” Lota se dudui aririei, se hanahanaui arinai bena dobila guduna se eatulopa.
559	GEN 22:11	na GUIAU ena aneru galewa eai i eogalau, i ene, “Aberahama e! Aberahama e!” To i heuio, “Eau ede ina.”
764	GEN 27:36	Isoa i ene, “Esana se atai dudurai ‘Iakobo,’ paana ina malabui egu tupo i girihai. Egu ealahou ainauiana i girihai, abotai u ita egu helolo ribana i girihai hinage! Nige ribahelolo esau enagu?”
791	GEN 28:17	Abo i matausi i ene, “Dimo ta i didiga ariri! Mamohoi Eaubada ena numa ede ina ta, ina galewa aba‐lusorana!”
844	GEN 30:13	Abo Lea i ene, “Egu kode ina! Paana sisine abo esagu se ribaei ‘Kode’.” Arinai esana ie tore Asa.
865	GEN 30:34	Labana i ene, “I lolo! Em riba ta lauwatai.”
902	GEN 31:28	Egu huia nige u leama bena abo tubuguyao tatao eo sisine ea alagoiedi eo ea lauaioniedi? Laulau eaueaure u ginauri!
1092	GEN 37:8	Abo ena tataoyao si ene, “Mamohoi abo u saepoimai! Mamohoi abo u hemala ama tanuaga!” Arinai ena enosuai debana eai se hewaiunu aririei, eo ena riba debadi eai hinage.
1103	GEN 37:19	To se ribalau esau esau arinai si ene, “Au ita, tau enosuai wa i laolaoma!
1271	GEN 42:18	Asubena hehaionana eai Iosepa i heribadi i ene, “Doha ina au ginauri abo au mauri. Eau Eaubada ea matausiei!
1289	GEN 42:36	Abo tamadi Iakobo i ribalau aridi eai i ene, “Nanatuguyao au abihaidi arigu eai! Iosepa ie mate, eo Simiona inai nige’e, na abo hinage Beniamina au abihesuara. Ginauri gamagaridi se lau baaea arigu eai!”
1362	GEN 45:3	Abo Iosepa i ribalau ena tataoyao aridi eai, i ene, “Eau Iosepa! Tamagu sora ma miana?” Na ena tataoyao nige abina se ata se heuio paana se tagugu ma matausidi ia matana eai.
1478	GEN 49:4	Na oa doha goila i butubutu, arinai taba nige u sae paana u awasae tamam ena aba‐eno eai; u hebii, — u soralau eau egu aba‐eno eai!
1481	GEN 49:7	Edi ouyalayala u hebaaea paana i didiga ariri; eo edi nuayalayala paana edi heamamna ie dio! Arinai abo ea tomgorigoridi Iakobo boeana eai, eo ea hetatagorigoridi Isaraela eai,
1492	GEN 49:18	O GUIAU e, em abihemauri ea bagibagiei!
1788	EXO 10:10	Abo Parao i ene, “Mamohoi abo GUIAU maemiu ena omi eo nanatumiuyao gagiridi ea earigabaemiu! Au ita, i masaraha nuatu baaea esau au nuanuatui.
14023	PSA 8:2	GUIAU, tanuagamai e, tanoubu maudoina eai oa esam i sae ariariri! Galewa ewana eai oa namanamarim se wanai
14031	PSA 8:10	GUIAU, tanuagamai e, tanoubu maudoina eai oa esam i sae ariariri!
14099	PSA 14:7	Taba Isaraela ena abihemauri Siona eai i pesama! Huiana wa GUIAU ena tataoyao edi gogo i hemaisauioidi Iakobo abo i kodelamposi, Isaraela abo nuana i lolo.
14195	PSA 19:14	Oa em heaheari tauna ta bena nuasaesae baaeadi aridi eai u nuahi; tabu se tanuagaigu! Abotai abo ea toro dudurai, eo awayagara lailaina arinai taba nige edi abahegirugu.
14229	PSA 22:9	“Ena sunuma ie tore GUIAU arinai; besi ia i lebohai! Hage ia i saguhai, paana ena nualolo ia arinai!”
14240	PSA 22:20	Na oa, GUIAU e, tabu u mia eda lohaloha eai, oa agu sagu ede, u heurama u saguigu!
14241	PSA 22:21	Earuagu bena u saguhai elepa eai, kedewa edi gigibori eai hinage u abihemaurigu!
14242	PSA 22:22	Liona awana eai u hemaurigu, bulumakau manamanabaradi donadi eai earuagu nuanuadubuna bena u saguhai!
14244	PSA 22:24	Omi, eai to eai GUIAU au matausiei, ia au aihelahui! Omi, Iakobo nanatunayao ia au ribapasipasiei, ia matausina nuamiu eai, omi Isaraela nanatunayao!
14247	PSA 22:27	Tau gogogesagesa abo se aiai, eo abo bogadi se sese. Eai to eai ia se eo’oeo’oi abo GUIAU se hedebasaei! Bena se amna lolo i lau e nige nosina!
14265	PSA 24:7	Urumiu au lauisinidi, omi gana dobilamiu e! Omi se lauisinimiu, gudu lailaimiu beabeamiu e! Namanamari Wasawasana bena i lusorama!
14266	PSA 24:8	Wau namanamari Wasawasana wa eai? GUIAU ede, ma adidirina, ma gigiborina, GUIAU ia iala eai i gigibori wa!
14267	PSA 24:9	Urumiu au lauisinidi, omi gana dobilamiu e! Omi se lauisinimiu, gudu lailaimiu beabeamiu e! Namanamari Wasawasana bena i lusorama!
14268	PSA 24:10	Namanamari Wasawasana wa ia ede eai? Tauiala tataodi moutuadi GUIAUNA, ia ede namanamari Wasawasana!
14275	PSA 25:7	Hewarigu laulaudi baabaaeadi tabu u henuaisinidi, e egu awayagara; oa em gadosisi miatahitahina mo arinai abo u nuatuigu, em abilolo debana eai, GUIAU e!
14308	PSA 27:6	Abotai eau urugu abo se lauisini agu waiunuyao se toro hetaiirigu ea saetawatawaidi, arinai ena numa lulu eai aitalasam abo ea gabudi ma wowogu; abo ea wana, eo GUIAU abo ea aihelahui!
14309	PSA 27:7	GUIAU e, ena ea eoga lailai bena u ataatai! Em abilolo bena u hemasara arigu eai, eo u heuioegu!
14311	PSA 27:9	Tabu matam u woeoi arigu eai. Em heaheari tauna tabu u aiduiei ma ouyalayalam, tau saguigu ede oa. Tabu u gabahesuaragu, tabu u nuagabaegu, abihemaurigu Eaubadana e!
14351	PSA 31:2	GUIAU e, egu abahomo ede oa, taba nige se hetaumaeamaeagu, nige ariariri; em laulau dudurai debana eai bena u lebohaigu!
14352	PSA 31:3	U ataatailaoma arigu eai, u heurama u saguhaigu! Oa bena egu ababawayamui we’una, egu abamia adiadidirina abo arinai ea mauri!
14365	PSA 31:16	Egu mauri asubenadi gamagaridi ede oa nimam eai; agu waiunuyao, eo tauheamamnagu nimadi eai bena oa u saguhaigu!
14366	PSA 31:17	Bena am ao u hesina em heaheari tauna potana eai; em gadosisi miatahitahina arinai bena u abihemaurigu!
14369	PSA 31:20	Em abilolo i lai ariariri u nonohai isi taumatausiem enadi, eo isi eai to eai se ailogulogu oa arim eai tatao matadi eai!
14373	PSA 31:24	GUIAU au gadosisiei, omi tau miatahitahina! GUIAU tausunumaena i ganahetai’iridi na taunuasaesae ena maisa i heporohe aririei.
14374	PSA 31:25	Au adidiri, eo hinage au nuakipikipi, Omi gamagarimiu, GUIAU taulaubagibagiena!
14375	PSA 32:1	Tau wa ena awayagara se ribagigiri, ena baaea se bubulitawai, ia ie kode!
14376	PSA 32:2	Tau wa nige ana giru GUIAU matana eai, earuana eai nige abiborabora, ia ie kode hinage!
14385	PSA 32:11	Au kode GUIAU arinai, eo nuamiu se lolo, omi dudurai tataomiu e, au eoga lailai, omi nuamiu se dudurai e!
14386	PSA 33:1	Au kode ariri GUIAU arinai, omi taulaulau dudurai! Tau dudurai i lolo i aiaihelahui.
14387	PSA 33:2	Huelele arinai GUIAU au aihelahui, huelele mainadi saudoudoi aridi eai enana au oioini!
14388	PSA 33:3	Wana harihariuna enana au wanai, au oi‐huelele komakomani ma arina lailaimiu!
14393	PSA 33:8	Tanoubu maudoina bena GUIAU se matausiei, tanoubu taumiaina ia bena se tabutabubuei!
14411	PSA 34:4	Omi maeguyao GUIAU ta ribahelai, eo esana ta hedebasae gogo!
14416	PSA 34:9	Omi hage au ai’ita, abo au italobai GUIAU i lolo ede! Tausunusunumaena abo nuana i kode!
14472	PSA 37:1	Tabu nuam eai u hemodeuioim laulau baaea tataodi debadi eai, laulau ponori tataodi hinage tabu u aiaromagigiriedi!
14479	PSA 37:8	Ouyalaya u helautom, eo nuaheura i otawa! Tabu hinage u nuamodemode, ata u hebaaea’uioim.
14593	PSA 43:1	Egu laulau dudurai u hemasaraha, Eaubada e, eo enagu u toro ganamuri tataodi matadi eai; ao borabora eo laulau gewagewa tataodi nimadi eai u lebohaigu!
14595	PSA 43:3	Em mara eo em riba mamohoina bena u hetamaridima bena abo se woeaigu, abo se woeaigu em oea tupi tabuna eo em abamia arinai!
14650	PSA 46:8	Tauiala moutuana GUIAUNA ia maeda, Iakobo ena Eaubada ita eda aba homo!
14652	PSA 46:10	Iala i helautomdi i lau e tanoubu sigana; welolo gigidi i hetagodudi, eo alahia i godudi, kariota oeagi eai i gabudi!
14654	PSA 46:12	Tauiala moutuana GUIAUNA ia maeda, Iakobo ena Eaubada ita eda abahomo ede!
14706	PSA 50:6	Galewa ia ena laulau dudurai se hemasaraha paana Eaubada iabom tauheduhedudurai ede!
14707	PSA 50:7	“Egu tataoyao e, au ataatai abo ea ribariba, Isaraela e, emi baaea abo ea ribahemasaraha! Eau Eaubada ede, emi Eaubada.
14722	PSA 50:22	“Ina ta au nuanuatui, omi aidobu Eaubada au nuahuiei, ata ea purisimiu, na nige esau bena i toro i saguhaimiu!
14813	PSA 57:4	Galewa eai abasaguigu ia abo i hetamariama eo abo i hemaurigu, aidobu bena se ututawaigu abo i hetaumaeamaeadi. Eaubada ena gadosisi miatahitahina, eo ena riba hemamohoiena abo i hetamarilaei!
14815	PSA 57:6	Eaubada e, oa abo u sae ariariri galewa ewana eai! Em namanamari tanoubu bena i hemonau!
14817	PSA 57:8	Eaubada e, nuagu i otaesegai, nuagu i ota esegai. Abo ea wana eo salamo aridi eai abo ea hedebasaei!
14818	PSA 57:9	Earuagu, u enotoro! Baubau eo huelele, au enotoro! Mara i uiari abo ea hanoi!
14821	PSA 57:12	Eaubada e, oa abo u sae ariariri galewa ewana eai! Em namanamari tanoubu bena i hemonau!
14913	PSA 65:3	Oa uura tau ataiena! Oa arim eai tatao gamagaridi abo se laoma,
14915	PSA 65:5	Aisega tau oa u abihineri, u woeaieama em numa tabuna gegesina eai, ia i kode ariri! Em abamia ena lolo i hegonoahimai, oa em dubu tabuna!
14924	PSA 65:14	Oea abaaibai hinage mamoe eawoidi se hemonau, gonu hinage tuma arinai se hepasauioidi, se wowo eo se wanagogo kode debana eai!
14948	PSA 67:4	Eaubada e, tanoubu tataodi taba oa se hedebasaem, tanoubu tataodi gamagaridi taba se hedebasaem!
14950	PSA 67:6	Eaubada e, tanoubu tataodi taba oa se hedebasaem, tanoubu tataodi gamagaridi taba se hedebasaem!
14952	PSA 67:8	Eaubada i helolodao; tanoubu sigana gamagamagaridi ia abo se heasisiei!
15032	PSA 71:1	GUIAU e, abo ea ailogulogu oa arim eai; taba nige se hetaumaeamaeagu, nige ariariri!
15033	PSA 71:2	Em laulau dudurai debana eai bena u saguhaigu eo u hemaurigu; beam eai u ataiegu, eo u hemaurigu!
15043	PSA 71:12	Eaubada e, tabu u lausuara aririegu; egu Eaubada e, u heurama u saguigu!
15094	PSA 73:19	Maesega se hebaaea heohidi, matausi lailai arinai se ueagabaedi!
15258	PSA 80:2	Isaraela taumiataunina e, u ataatai, oa Iosepa u woeai doha mamoe eawoina! Oa ue bawa serubim potadi eai, maram u hesinalaei
15259	PSA 80:3	Eparanaime, Beniamina eo Manase eai! Em gigibori u healabalebalelem eo u laoma u hemaurimai!
15260	PSA 80:4	Eaubada e, u hetorouioimai; matam u hesina potamai eai arinai abo ai mauri!
15264	PSA 80:8	Tauiala moutuana Eaubadana e, u hetorouioimai; matam u hesina potamai eai arinai abo ai mauri!
15271	PSA 80:15	Tauiala moutuana Eaubadana e, u sinibuiuioma! Galewa eai u itadobima, eo u ita; vine ta oa u itawatai,
15273	PSA 80:17	Se gabuyao oeagi alaalasina arinai, se oiheguriyao; i lolo am ao u hebaaea aridi eai, abo arinai se mate!
15274	PSA 80:18	Na bena oa nimam u torelaei nimatutum tauna wa potana eai; tau natuna oa u headidiri bena oabom enam!
15275	PSA 80:19	Abotai taba nige ai sinibui ai lausuaraem; Mauri u leama, abo oa esam eai ai aiaiboda!
15276	PSA 80:20	Bena u hetorouioimai, tauiala moutuana edi GUIAU Eaubadana e! matam u hesina potamai eai arinai abo ai mauri!
15322	PSA 84:2	Oa em abamia, i lolo ariariri tauiala moutuana GUIAUNA e!
15325	PSA 84:5	Aidimo em numa eai se mia wa nuadi se kode, huia gamagari em aihelahui se wanaidi!
15326	PSA 84:6	Tatao wa edi adidiri se abi oa arim eai abo se kode ariri, isi nuadi eai Siona ena dobila saesaedi!
15329	PSA 84:9	Tauiala moutuana edi GUIAU Eaubadana e, egu uura u ataiei, beam bena i tasoe, Iakobo ena Eaubada e!
15330	PSA 84:10	Eaubada e, ema guiau wasawasa bena u italau arinai; bena u italau em heyausi tauna ana ao arinai!
15333	PSA 84:13	Tauiala moutuana GUIAUNA e, aitea tau i sunusunumaem ia tau kode mamohoina ede!
15338	PSA 85:5	Ema mauri Eaubadana e, bena u helolouioimai, em nuabaaea arimai eai hinage bena u torehesuara!
15456	PSA 90:13	GUIAU e, u uioma! Tabu u boneawa! Em heaheari tataodi u nuatoataedi!
15496	PSA 93:4	GUIAU ini puripurina eai i gigibori ariri, ena gigibori dibori utu’utudi gamagaridi dagugudi i saetawatawaidi, gabogabo bagodudi edi gigibori i saetawatawaidi!
15521	PSA 95:1	Ehei, au laoma ta wana GUIAU arinai, ta wowo ma kodeda eda mauri we’utauna arinai!
15522	PSA 95:2	Ta laoma ia matana eai ma lautoida, ta wowo ma kodeda ia arinai, ta wana ia ta aihelahui!
15526	PSA 95:6	Ehei, au laoma ta aihelahui eo ta tabaohui, ta turibono GUIAU matana eai, ia Tauhetubuda ede!
15527	PSA 95:7	Paana ia eda Eaubada, ita ena ganaalo tataoda eo ia nimana mamoedi. I lolo wauta arinana au ataiei!