270	GEN 11:3	Abo se oiriba si ene, “Ehei, hage bricks tano eai ta ginauridi, ta gabu komakomanidi.” Wau bricks wa se wa se hepaisoaedi doha edi we’u, eo tar se hepaisoa aba hepatu guduidi.
271	GEN 11:4	Abo si ene, “Ehei, hage eda eanua lailaina ta hetoro, eo numa lailaina ewana i sae e galewa, abo esada edi aba’ataina abo tanoubu matana eai taba nige se hetatagorigorida.”
273	GEN 11:6	Abo GUIAU i ene, “Iaede, isi tatao peledi esega, eo arinadi esega; ina aba hetubuna mo, sora saha abo se ginauri; saha se nuatui bena se ginauri abo gonoadi se ginauri.
388	GEN 16:6	Na Aberama Sara ena riba i heuio i ene, “Taiede, em heaheari sinena ta ede oa nimam eai; saha u henua u abi arinai abo u abi.” Abo Sara sine wa i abi‐baaeai, to ie dago.
390	GEN 16:8	I ribalau arinai i ene, “Hagara, Sara ena heaheari sinena e, haedi eai u laoma eo haedi u laulau ina?” I ene, “Tanuagagu Sara arinai ea dadago.”
416	GEN 17:18	Abo Aberahama i riba Eaubada arinai, i ene, “Ae, taba Isamaela i mia matam eai mo!”
430	GEN 18:5	Na aiai ami begana ea leama, amnamiu se lolo abotai emi eda eai au lau; paana au laoma’o ina emi heaheari tauna arinai.” To si ene, “Besi, doha u ribaei wa u ginauri.”
455	GEN 18:30	Abo i ene, “Agutoi, tabu Guiau i ouyalayala, na egu riba ea ribaei mo. Ena tau esega‐i‐mate‐saudoudoi se lobaidi nei eai?” I heuio i ene “Taba nige ea ginauri, ena tau‐esega‐i‐mate‐saudoudoi ea lobaidi nei eai.”
457	GEN 18:32	Abo i ene, “Agutoi, tabu Guiau i ouyalayala, na ma esegana ta ea ribauio. Ena taba saudoudoi se lobaidi nei eai?” I heuio i ene, “Saudoudoi debadi eai taba nige ea hebaaea.”
472	GEN 19:14	Arinai Lota ie pesa, i ribalau tatao bosianayao aridi eai, isi bena abo nanatunayao sisine se tawasoraidi wa, i ene, “Ehei, eanua ta au torohaigabaei; paana GUIAU eanua ta abo i hebaaea.” Na bosianayao wa aridi eai riba doha talawasi mo.
479	GEN 19:21	I ribaheuio i ene, “Besi, em aiboda ta ea leawa hinage, arinai eanua u ribaei ne taba nige ea hebaaea.
502	GEN 20:6	Abo Eaubada enosuai eai i ribalau arinai i ene, “Hedeona, ea nuatuiyao oa ma nua‐duduraim eai laulau ta ue abi, eo eau ede ea abi nuahim to nige baaea u ginauri arigu eai, arinai nige ea eari ia bena u abilau arinai.
555	GEN 22:7	Isaako i ribalau tamana arinai i ene, “Tamagu!” Aberahama i heuio, i ene, “Natugu, eau ede ina.” I ene, “Oeagi alaalasina ina eo oeagi augogona, na mamoe bena aitalasam gabugabuna mo haedi eai?”
609	GEN 24:17	Heaheari tauna wa abo i taulau bena i hailobai, i ene, “Agutoi, goila begana agu u leama em ledu eai me.”
619	GEN 24:27	I ene, “GUIAU, tanuagagu Aberahama ena Eaubada ea hedebasaei, ena gadosisi ota’otahaina, eo ena abilolo tanuagagu arinai nige i nuagabaei, na eau, GUIAU egu eda eai ta i woeaigu, ea lage tanuagagu ana bogaoyao edi numa eai.”
635	GEN 24:43	U itagu goila huana gegesina eai ea totoro ta, ena taba siu esau i pesama goila bena i oi, na ea ribalau ea ene, “Agutoi, goila agu begana u leama em ledu eai me ea nom.”
709	GEN 26:16	Abimeleko i ribalau Isaako arinai i ene, “Besi, u lausuaraemai, paana u didiga ariri, nige doha ai.”
739	GEN 27:11	Na Iakobo i ribalau sinana Rebeka arinai, i ene, “Agutoi, egu tau Isoa ia tau oroorona, eau taugu i sabusabu.
759	GEN 27:31	Ia hinage aiai anihu i abinonohayao, i leama tamana arinai. I ribalau tamana arinai i ene, “Ehei, u toro, hage natum ena ailoea aiaina u ai, abo u ribahelologu!”
762	GEN 27:34	Isoa tamana ena riba i ataei abo ie dou ma arina lailaina, ena dou i kalapi ariri, i ribalau tamana arinai i ene, “Aioi, tamagu e, eau hinage u ribahelologu!”
834	GEN 30:3	Abo Rahela i ene, “Te, egu heaheari sinena Bilaha wa, u lau arinai merumeru i labasidi eau nuanuagu eai, abo nanatuguyao ea abidi ia arinai.”
1143	GEN 38:23	Iuda i ene, “Taiede, abo ginauri wa i abididinidi ata ta taumaeamaea. Mamoe ea hetamarilaei sine wa arinai na nige u lobai.”
1319	GEN 43:28	To se heuio si ene, “Tamamai, em heaheari tauna, amnana se lolo, ia sora ma miana.” Abo se duludobi ia matana eai se tabaohui.
1387	GEN 45:28	Abo Isaraela i ene, “Gonoana, natugu tau Iosepa sora ma miana. Abo ea lau ea ita, murina eai abo ea mate.”
1389	GEN 46:2	Abo maiona eai Eaubada i taumasaraha Isaraela arinai, i ribalau i ene, “Iakobo, Iakobo!” To i ene, “Eau ede ina.”
1467	GEN 48:15	Iosepa hinage i ribahelolo, i ene, “Eaubada, ia matana eai tamaguyao Aberahama eo Isaako se laulau, eo Eaubada ia i heaigu egu mauri huiana eai i laoma e ina asubena ta,
1470	GEN 48:18	Abo Iosepa i ribalau tamana arinai, i ene, “Tamagu, taba nige doha meta paana ina ealahou tau ede; nimatutum u torelaei ia uruna eai.”
1610	EXO 4:8	“Arinai, ena nige se awamamohiem eo heiheinoi bagubagunana nige se awamamohoiei, heiheinoi helabuina arinai abo se awamamohoiei.
1627	EXO 4:25	Abo Sipora sapaila ie abi, natuna tau i heperitome eo bulumana opina i gabalaei Mose aena eai, i ene, “Mamohoi, eau arigu eai, oa osinam monegu.”
15086	PSA 73:11	Eo si ene, “Mamohoi, Eaubada i nuatui? Saesae Aririna abina ie ata, e nige’e?”
23233	MAT 1:20	Na ena nuatu i nuatudadaasa, enosuai eai Guiau ena aneru i taumasaraha ia arinai i ene, “Iosepa, Davida natuna e, tabu u matausi Maria monem u bodai, na Earua Tabuna ia i heabiabi;
23256	MAT 2:18	“Rama, eanuana eai dou gurumoana ie sae, se ataiei, Rahela nanatunayao doudi ie dou, ia taba nige nuana i biga paana se tauyamui‐aririo.” (Iere 31.15)
23462	MAT 9:14	Ioane ena heaheatayao abo se laoma Iesu arinai, si ene, “Ai, eo Parisea, huia gamagamagari ai aiaiudi, oaem heaheatayao se saha nige se aiaiudi hinage?”
23463	MAT 9:15	Iesu i heribadi i ene, “Wa, tautawasora harihariu ena heriam se nuadubu tautawasora maedi sora se miaesega? Na huiana abo i lagema, tautawasora harihariu abo se laesuara, nei asubenadi eai abo se aiaiudi.”
23502	MAT 10:16	“Na, ea hetamarimiu ta omi doha mamoe luko boeadi eai; arinai abo au sonoga doha mota, au taubiga doha bunebune.
23553	MAT 11:25	Nei huiana ne Iesu riba i heuio, i ene, “Tamagu, galewa eo tanoubu Guiauna e, ea lautoiem ta, paana teina ginauridi tatao sonoga, eo tatao sibasiba matadi eai u toreyamuidi: na kaimou aridi eai u hemasarahadi.
23699	MAT 14:33	Isi waga taugeruina ia se aihelahui, si ene, “Mamohoi, oa Eaubada Natuna ede.”
23754	MAT 16:13	Iesu Kaisaria Pilipi ana siga eai i laoma, i oimurilau ena heaheatayao aridi eai, i ene, “Eau, Tau Natuna, tatao si ene eau eai?”
23780	MAT 17:11	Iesu i ribalau isi aridi eai i ene, “Mamohoi, Elia abo i lagebagunama, abo hinage ginauri gamagamagari i heharihariudi.
23795	MAT 17:26	Petero i ene, “Hari dodoga aridi eai.” Iesu ia i heriba i ene, “Mamohoi, nanatudiyao mo nige’e.
23799	MAT 18:3	I ene, “Mamohoi, ea heribamiu ta, ena nuamiu nige au buidi, eo ena nige au hemala merumeru gagiridi hinage, galewa basileiana taba nige au lusora arinai.
23854	MAT 19:23	Iesu abo i ribalau ena heaheatayao aridi eai i ene, “Mamohoi, ea heribamiu ta, taumonamonaune bena i lusora Eaubada ena basileia eai, i hetahetalaahi.
23900	MAT 21:5	“Omi, Siona natuna siu au heriba, au ene, Hage u ita, em Wasawasa i lagema arim eai, i bulobulou, asini potana eai ie bawa, iaede asini natuna.” (Is. 62.11; Zech. 9.9).
23904	MAT 21:9	Moutuadi wa se bagubaguna, eo se murimurita, se eogayoga si ene, “Hosana, Davida Natuna arinai. Ia Guiau esana eai i lagema i lolo! Hosana galewa iniinipuripurina eai.” (Psa. 118.25, 26).
23910	MAT 21:15	Kohena lailaidi eo tauuriuri ena laulau gigiboridi se itadi eo, merumeru numa tabuna eai se eogayoga si ene, “Hosana, Davida Natuna arinai;” arinai nuadi se baaea ariri.
23926	MAT 21:31	Taudi labui aitea tamana ena nuatu i lauwatai?” Si ene, “Taubaguna.” Iesu ie ribalau isi aridi eai i ene, “Mamohoi, ea heribamiu ta ea ene, telona tataodi, eo laulau‐baaea sisinedi Eaubada ena basileia abo se lusorabagunaemiu.
23937	MAT 21:42	Iesu i ribalau aridi eai, i ene, “Omi, uriuri eai nige au hasiri wa, si ene, ‘We’u numa tauabidi se otaotaei, ia abo we’u tubeina eai ie lau: Guiau teina ie abi, ta itaitai, eo ta noonooei?’
24202	MAT 27:4	I ene, “Eau ea baaea, tau ne ea moruhaiyawa nige ena baaea.” Si ene, “Taiede, ai nige’e, oabom.”
24227	MAT 27:29	Oeagi nurinuridi arinai korona se haturi se heousaei ia uruna potana eai, eo didiari se tore ia nimatutuna eai: se turituribono ia matana eai, se liuliuaei, si ene, “Eauedo, Iudea edi Wasawasa e!”
24244	MAT 27:46	Awa haligigi‐hasi eai Iesu i eaba lailai, i ene, “Eli, Eli, lama sabatani?” heaheasonina ede, “Egu Eaubada, egu Eaubada, ue saha u nuagabaegu ta?”
24389	MRK 3:32	Moutuana ia se bawahetaiiri, se ribalau ia arinai, si ene, “Sinam, eo em tataoyao murimuri eai se eooim.”
24431	MRK 4:39	Ie toro, mana abo i ribahetaru, eo ie ribalau butubutu arinai, i ene, “Besi, u lautom!” Mana abo ie motu; i daumori ariri.
24514	MRK 6:38	Ia ie ribalau isi aridi eai, i ene, “Ami falawa wa hisa? Au lau au hasiridi.” Isi se hasiridi, abo si ene, “Haligigi, eo eama labui.”
24541	MRK 7:9	Ia i ribalau isi aridi eai, i ene, “Taiede, Eaubada ena laugagaeo au otaotaedi bena urutubumiu edi laugagaeo au sogohidi.
24598	MRK 8:29	Ia ie ribalau isi aridi eai, i ene, “Na, omi au ene eau ede eai?” Petero ia i heuio, i ene, “Oa Keriso ede.”
24659	MRK 10:2	Parisea tataodi se laoma ia arinai, se hesiolau, si ene, “Tau, ia laugagaeo ta i lauwatai ia monena taba i inawasei wa?”
24714	MRK 11:5	Headi nei eai se totoro se ribalau aridi eai, si ene, “Iei, asini natuna sahana au eairi?”
24934	MRK 15:39	Kenturion esau, Iesu nuanuana eai i totoro, ie ita i eaba lailai, eo Iesu i tubahaio, i ene, “Mamohoi, tau ta Eaubada Natuna ede.”
24990	LUK 1:28	Aneru wa i laoma ia arinai i ene, “Eauedo, oa se hedebasaem, Guiau maem: sisine aridi eai oabom u sae!”
25110	LUK 3:16	Arinai Ioane gamagaridi arinadi i heuioidi, i ene, “Mamohoi, eau goila eai ea hebapatisoimiu, na esau abo i laoma i saetawatawaigu, ia aena umna mainana nige ea lolo bena ea eaiyairihai; ia Earua Tabuna arinai abo i hebapatisoimiu, eo ma alaalasina.
25156	LUK 4:24	I ene, “Mamohoi, ea heribamiu ta, nige peroveta esau ena eanua mamohoi eai se hemataei.
25390	LUK 9:20	I ribalau aridi eai, i ene, “Na, omi au ene eau ede eai wa?” Petero ia arinana i heuio, i ene, “Eaubada ena Keriso.”
25479	LUK 11:5	Iesu i ribalau aridi eai i ene, “Eai, omi arimiu eai, bulinuana eai i lau ena heriam arinai, i ene, ‘Egu heriam e, falawa haiona u sagenaidima;
25569	LUK 12:41	Petero abo i ribalau ia arinai, i ene “Guiau, e, wau parabole ta u ribaeyama enamai, e tatao gamagaridi enadi?”
25588	LUK 13:1	Nei huiana ne, tatao headi metai ia se heriba, si ene, “Pilato, Galilaia tataodi osinadi i heboririesegaidi, edi aitalasam.”
25779	LUK 18:22	Na Iesu teina riba ta i ataiedi, i ribalau ia arinai, i ene, “Taiede, ginauri esega mo u hedeha, em gogo gamagaridi me u uneunedi, tatao gogogesagesa aridi eai u soiedi, em gogo ede abo u abi galewa eai: eo u laoma, u hemuriwataiguma.”
25786	LUK 18:29	Iesu i ribalau aridi eai, i ene, “Mamohoi, ea heribamiu ta nige tau esau numa, e tamana, e sinana, e ena dodogayao, e monena, e nanatunayao i laugabaedi Eaubada ena basileia debana eai.
25795	LUK 18:38	Ia abo ie eoga i ene, “Iesu, Davida natuna e, u nuatoatoaigu.”
25842	LUK 19:42	I ene, “Oa, ena oa u nuatui, teina em asubena ta ginauri se patulaoma em loni arinai! wau ta matam eai se tauyamiu.
25954	LUK 22:21	“Na, ia abo i moruigu, maegu nimana ie tore hatahata potana eai ta.
26047	LUK 23:43	Iesu i ribalau ia arinai, i ene, “Mamohoi, ea ribalaowa arim eai, wau ta oa abo maegu paradaiso eai.”
26079	LUK 24:19	Ia ie ribalau aridi eai, i ene, “Ginauridi saha?” Isi se heriba si ene, “Iesu, Nasareta tauna, ribana, ia ede peroveta tauna Eaubada matana eai, eo tatao gamagaridi matadi eai, ena laulau eo ena riba se gigibori ariri.
26094	LUK 24:34	Si ene, “Mamohoi, Guiau i toroo i taumasaraha Simona arinai.”
26164	JHN 1:51	Ia i ribalau ia arinai, i ene, “Mamohoi, mamohoi, ea heribam ta, sora abo u ita galewa i taigari, Eaubada ena aneru se sae eo se dobima Tau Natuna potana eai.”
26192	JHN 3:3	Iesu i ribalau ia arinai i ene, “Mamohoi, mamohoi, ea heribam ta, ena tau nige se labasiuioi, Eaubada ena basileia taba nige i ita.”
26194	JHN 3:5	Iesu i ribalau i ene, “Mamohoi, mamohoi, ea heribam ta, ena nige se laba goila eai, eo Earua arinai, taba nige i lusora Eaubada ena basileia eai.
26234	JHN 4:9	Samaria sinena wa abo i ribalau ia arinai i ene, “Edoham, oa Iudea tauna, goila u aiboda arigu eai, eau Samaria sinena? Iudea tataodi eo Samaria tataodi se heiheisugara.”
26298	JHN 5:19	Arinai Iesu i ribalau aridi eai i ene, “Mamohoi, mamohoi, ea heribamiu ta, Natuna iabom taba nige saha abina i ata i ginauri, Tamana ana paisoa ie ita meta mo abina i ata: eo ginauri gamagaridi Tamana i ginauridi doha ede Natuna i ginauridi hinage.
26304	JHN 5:25	“Mamohoi, mamohoi, ea heribamiu ta, huiana i lagema, hinage i lagemao, taumatemate tataodi Eaubada Natuna arinana abo se ataiei; isi hinage tauataiena abo se mauri.
26316	JHN 5:37	“Tamana, tauhetamariguma, i ribahemasarahagu hinage. Nige huia esau ia arinana au ataiei, eo ana ao hinage nige au ita.
26340	JHN 6:14	Teina tatao ta heiheinoi gigibori wa Iesu i ginauri se ita, si ene, “Mamohoi, Peroveta se ribaei wa ia ede ina: i lagemao tanoubu eai ta.”
26352	JHN 6:26	Iesu ie ribalau isi aridi eai i ene, “Mamohoi, mamohoi, ea heribamiu ta, omi au eooigu ta heiheinoidi au itadi wa nige au nuatuidi, na paana ede falawa au aidi wa, eo bogamiu se sese hinage.
26358	JHN 6:32	Iesu abo i ribalau isi aridi eai, i ene, dobima wa, Mose nige i leawa: areto tahunuana Tamagu “Mamohoi, mamohoi, ea heribamiu ta, areto galewa eai i ami i leawa, galewa eai i laoma,
26379	JHN 6:53	Iesu abo i ribalau isi aridi eai i ene, “Mamohoi, mamohoi, ea heribamiu ta, taba Tau Natuna bulumana nige au ai, eo osinana nige au nom, taba nige mauri nuaboeamiu eai.
26437	JHN 7:40	Tatao gamagaridi teina riba ta se ataiei, si ene, “Mamohoi, Peroveta wa ina.”
26484	JHN 8:34	Iesu i heuioidi i ene, “Mamohoi, mamohoi ea heribamiu ta, eai to eai baaea i abi, ia abo baaea ena heaheari eai i lau.
26508	JHN 8:58	Iesu i heribadi i ene, “Mamohoi, mamohoi, ea heribamiu ta, ea ’ne, Aberahama sora, na Eau miagu.”
26521	JHN 9:12	Ia se heriba, si ene, “Ia ede haedi?” I ene, “Ibai, nige ea nuatui.”
26551	JHN 10:1	“Mamohoi, mamohoi, ea heribamiu ta, ia mamoe ganadi ena nige i lusora dobilana sorasorana eai, na hari tupo eai ie dio, meta tauaiyahari eo tauaigirihai.
26557	JHN 10:7	Iesu abo i heribauioidi i ene, “Mamohoi, mamohoi, ea heribamiu ta, Eau mamoe dobiladi ede.
26720	JHN 13:21	Iesu nei riba ne ie ribanonohai, earuana abo i nuadubu, i ribamasaraha, i ene, “Mamohoi, mamohoi, ea heribamiu ta, ami sagu esau abo i moruigu.”
26749	JHN 14:12	“Mamohoi, mamohoi, ea heribamiu ta, ia i awamamohoiegu egu abi wa ea ginauridi ia hinage abo i ginauridi: ena abi hinage abo se sae ariri; paana ede ea lau Tamagu arinai.
26802	JHN 16:7	“Taiede, riba‐mamohoina ea heribamiu; i lolo debamiu eai ea lausuara; ena nige ea lausuara, Tauhenuabigamiu taba nige i lagema arimiu eai; ena ea lau, ia abo ea hetamariawa arimiu eai.
26893	JHN 18:39	“Taiede, emi laulau esau pasova huiana eai, tau esau abo ea eairigabaei: Iudea edi Wasawasa au ene bena ea eairigabaei wa?”
26897	JHN 19:3	Si ene, “Iei, Iudea edi Wasawasa e!” nimadi eai se lubilubini.
26982	JHN 21:15	Se aiai lautom, Iesu abo i ribalau Simona Petero arinai i ene, “Simona, Ioane natuna e, oa u gadosisiaririegu, nige doha ina headi ta?” Petero i ene, “E Guiau, u nuatuiyao ea gadosisiem.” Ia i heriba i ene. “Egu arenio u suidi.”
26983	JHN 21:16	Ma labui hinage i heriba, i ene, “Simona, Ioane natuna e, u gadosisiegu wa?” Ie ribalau ia arinai i ene, “E Guiau, u nuatuiyao ea gadosisiem.” Ie ribalau ia arinai i ene, “Egu mamoe u suidi.”
26984	JHN 21:17	Ma haiona hinage i ribalau ia arinai, i ene, “Simona, Ioane natuna e, u gadosisiegu wa?” Petero abo nuana i baaea paana ma haiona Iesu i oimurini i ene, “U gadosisiegu wa?” Arinai abo ia i heriba i ene, “Guiau e, nuatudi gamagaridi u nuatuidio: u nuatuiyao ea gadosisiem.” Iesu ia i heriba, i ene, “Egu mamoe u suidi.
27136	ACT 5:8	Petero i ribalau ia arinai, i ene, “Enagu u ribama oea au uneunei wa maisana ede ina?” Ia abo i ene, “E, iaede.”
27350	ACT 10:22	Isi si ene, “Konelio, senturion, ia Eaubada tauaiaihelahuina, Eaubada matausina tau matausi, Iudea eanuadi tataodi gamagamagari si ene ia wasa‐lolona tauna, aneru tabuna Eaubada arinai i laoma ia i ribahesanapulaei, i ene ai laowa hesabam, bena u laoma ema numa eai em riba abo ai ataiedi.”