69	GEN 3:13	GUIAU Eaubada sine wa arinai ie riba, i ene: “Saha ina u ginauri ta?” Sine i ene, “Mota i boraigu, to ea ai.”
103	GEN 4:23	Lameka i ribalau monenayao aridi eai, “Ada eo Silaha e, arinagu ta au ataiei, Omi Lameka monenayao e, hage egu riba au ataiei: tau esau ea eatu’nui paana agu gai ie tore, hewari esau paana i talaigu:
237	GEN 10:2	Iapeta nanatunayao tatao: Gomera, Magoga, Madai, Iavan, Tubala, Meseka eo Tirasa.
238	GEN 10:3	Gomera nanatunayao tatao: Askenasa, Ripata eo Togarama.
239	GEN 10:4	Iavan nanatunayao tatao: Elisa, Tarisiso, Kitima, eo Dodanima.
241	GEN 10:6	Hama nanatunayao tatao: Kusa, Aigupito, Puta eo Kanana.
242	GEN 10:7	Kusa nanatunayao tatao: Seba, Havila, Sabata, Raama eo Sabeteka. Raama nanatunayao tatao: Siba eo Dedani.
257	GEN 10:22	Sema nanatunayao tatao: Elama, Asura, Arepakasa, Luda eo Arama.
258	GEN 10:23	Arama nanatunayao tatao: Usa, Hula, Getera eo Masaha.
260	GEN 10:25	Ebera arinai tatao labui se labasidi: esau esana Pelege, paana ena mauri asubenadi eai, tanoubu se soiei, eo ena tau esana Ioketana.
522	GEN 21:8	Merumeru wa abo ie tubu, ie lau e susu se hedabu: hedabuna asubenana eai wa Aberahama mataasi lailaina i ginauri.
533	GEN 21:19	Abo Eaubada sine wa matana i helaladi to goila ipuna ie ita: abo ie lau sarai opina wa goila eai i hemonau, eo gama ana i mosei ie nom.
540	GEN 21:26	Abimeleko i ene, “Eau nige abina ea ata eai laulau ta i ginauri: oa nige u heribagu, eo wasana nige ea ataiei i laoma e asubena ta.”
564	GEN 22:16	I ene, “Eaubom enagu eai ea riba aigora, GUIAU i ribaei, paana laulau ta ue abi, to natum nige u nuahi, natueseesegam tau:
576	GEN 23:4	“Eau laolaoma tauna mo, ea miamia boeamiu eai ta: egu tano au leama bena egu aba‐toretoretau emi tupo eai, abo egu taumate edi aba‐puruyamuidi.”
582	GEN 23:10	Wau Eperona wa i babawa Hito tataodi boeadi eai, abo Eperona, Hito tauna wa, Aberahama ena riba i hemaisa Hito tataodi gamagaridi matadi eai, eo isi ena eanua dobilana aba‐lusorana matadi eai, i ene:
646	GEN 24:54	Abo ia maena tataoyao se ai eo se nom, eo nei eai maiona eai se eno: Mara‐ie‐tom, se eno toro i ene, “Au hetamarigu bena ea uio tanuagu arinai.”
652	GEN 24:60	Eo Rebeka se ribahelolo, se ribalau si ene, “Loumai e, oa abo tausani eo tausani saudoudoi sinadi ede: eo am isimurita tau hewaiunuedi edi aba‐lau se abi enadi!”
671	GEN 25:12	Isamaela ana isimurita ede ina: ia wa Aberahama natuna Saraha ena heaheari Hagara Aigupito sinena wa i labasi.
672	GEN 25:13	Isamaela nanatunayao tatao esadi ede ina, tau baguna i lau e tau murita: Nebaiota, Isamaela natu ealahouna, eo Kedare, Adebeala eo Mibasam.
680	GEN 25:21	Na Isaako GUIAU arinai i aiboda monena debana eai, paana i agari: na GUIAU ena uura i ataiei, abo Rebeka ie boga.
755	GEN 27:27	To i laoma gegesina eai i alagoiei, to ana lulu panena i ataiei, abo i ribahelolo, i ene: “Ia ede, natugu panena ede nuura panena ia ede GUIAU i he’anio!
767	GEN 27:39	Abo tamana Isaako ena riba i heuio i ene: “U ita em abamia ede tanoubu masurina oa abo u miasuaraei, wabumarina galewa eai i laoma abo u miasuaraei.
783	GEN 28:9	To Isoa ie lau Isamaela eai, monena esau ie abi, ia ede Mahalate, Isamaela, Aberahama natuna tau wa, natuna siu, eo Nebaiota louna: eo monenayao headi i heesegaidi.
832	GEN 30:1	Rahela ie ita ia nige merumeru i labasidi Iakobo arinai ena doga i aiaromagigiriei, i ribalau Iakobo arinai i ene: “Merumeru u ledima, e besi ea mate!”
861	GEN 30:30	Paana sora nige ea laoma wa, em gogo i gagiri ariri, na abotai i lai ariri: aitea tupo ea lau hede GUIAU i ainauiaim. Na auiana abo eaubom nanatuguyao enadi ea paisoa?”
862	GEN 30:31	Labana i ene, “Saha bena ea leawa?” Iakobo i ene, “Taba nige saha u leama: teina mo enagu u ginauri, eau abo mamoe eawoina ea itawataiuioi eo ea heaiuioi,
871	GEN 30:40	Abo Iakobo mamoe nanatudiyao i torehesuaradi, uriuridi eawoidi i hesanalaedi dubadubadi gamagaridi Labana eawoina arinai: eo ia ena eawoi i torehesuaradi eo Labana ena mamoe eawoina aridi eai nige se heboridi.
899	GEN 31:25	Abo Labana Iakobo i lagetawai. Iakobo ena numa‐lulu i hetoro oea tupina eai: Labana hinage ma ehanayao Gileada oeana eai se mia.
934	GEN 32:6	Eau nimagu eai bulumakau, asini, mamoe eawoidi, heaheari tataodi eo sisinedi hinage: arinai riba ta ea hetamariawa egu guiau arim eai, bena nualolo ea lobai oa arim eai.’”
942	GEN 32:14	Meta maionana eai ne ie bawa nei eai: abo ginauri saha eo saha nimana eai i lobai tupona ie abi bena Isoa ena tau i ainauiai.
993	GEN 34:12	Hasara wa maisana ena au henua au helai aririei, taiede abo ea leawa: ia mo hasara wa bena au leama ea tawasorai.”
1035	GEN 35:23	Lea nanatunayao tatao ede ina: Reubena, (Iakobo ena ealahou tau) Simiona, Levi, Iuda, Isakara, eo Sebulona.
1036	GEN 35:24	Rahela nanatunayao tatao: Iosepa eo Beniamina.
1037	GEN 35:25	Bilaha, Rahela ena heaheari sinena, nanatunayao tatao: Dani, Napatali.
1038	GEN 35:26	Eo Silepa, Lea ena heaheari sinena, nanatunayao tatao: Gada eo Asa. Ina Iakobo nanatunayao tatao Padana‐arama eai se labasidi.
1043	GEN 36:2	Isoa monenayao Kanana hasahasaradi i abidi: Ada, Elona, Hito tauna natuna, eo Oholibama, Anaha natuna Sibiona, Hiwi tauna natuna.
1046	GEN 36:5	Oholibama Ieusa eo Iaalama eo Kora i labasidi: isi ede Isoa nanatunayao tatao ia arinai se labasidi Kanana tanona eai.
1054	GEN 36:13	Reuela nanatunayao tatao ede ina: Nahata, Seraha, Sama eo Misa; isi ede Basemata Isoa monena nanatunayao tatao.
1058	GEN 36:17	Isoa natuna tau Reuela nanatunayao tatao ede ina: bada Nahata, bada Seraha, bada Sama, bada Misa. Isi babada ede Reuela arinai se laoma, Edoma tanona eai, Basemata Isoa monena nanatunayao tatao.
1059	GEN 36:18	Isoa monena Oholibama nanatunayao tatao ede ina: bada Ieusa, bada Ialaama, bada Kora, ina babada to Oholibama Isoa monena arinai se laoma, ia wa Anaha natuna sine.
1064	GEN 36:23	Sobale nanatunayao ede ina: Aliwani, Manahata, Ebala, Sepo eo Onami.
1065	GEN 36:24	Sibiona nanatunayao ede ina: Aia, eo Anaha. Ina Anaha ta hosi i lobaidi barabara eai huiana wa tamana Sibiona ena asini i suidi.
1066	GEN 36:25	Anaha nanatunayao ede ina: Disoni eo Oholibama, Anaha natuna sine.
1067	GEN 36:26	Disoni nanatunayao ede ina: Hemidani, Esibani, Itirani eo Kerani.
1068	GEN 36:27	Esera nanatunayao ede ina: Bilihani, Saavani, eo Eikani.
1069	GEN 36:28	Disani nanatunayao ede ina: Usa eo Arana.
1070	GEN 36:29	Hori tataodi edi babadayao ede ina: bada Lotana, bada Sobale, bada Sibiona, bada Anaha.
1080	GEN 36:39	Baal‐hanana, Akebore natuna tau i lautom, abo Hadara i helaudamai i hemala wasawasa: ena eanua esana Pau, monena esana Mehetabele, ia Matareda natuna sine, Matareda wa Mesahaba natuna sine.
1185	GEN 40:12	Abo Iosepa i heriba doha ina, “Ina aniona ede: vine laganayao haiona abo asubena haiona.
1201	GEN 41:5	Abo i enouio abo i enosuaiuio: na sitona aiaidi haligigi‐labui se ini pa’a esega arinai, lolodi eo lailaidi.
1224	GEN 41:28	Ina aniona ede gonogonoana doha Parao ea heriba: saha Eaubada abo i ginauri meta i heitayao Parao arinai.
1255	GEN 42:2	Eo i ene, “Ea ataiei sitona Aigupito eai ie ota: au dobi nei eai ada au uneune, abo ta mauri eo taba nige ta mate.”
1259	GEN 42:6	Na Iosepa ia eanua ana tanuaga, eo hinage ia tauuneune eanua tataodi gamagaridi aridi eai: abo Iosepa ena tataoyao se laoma se tabaohu ia matana eai, adi ao se dobi tano eai.
1277	GEN 42:24	Abo Iosepa i lausuaraedi ie dou: ie uio aridi eai maenayao se ribariba, abo Simiona i abihai boeadi eai, abo matadi eai ie au.
1291	GEN 42:38	Na i ene, “Taba nige natugu maemiu au dobi, paana ena tau ie mate, na iabom: ena saha i hearo emi abalau eai abo ma hougu eo ma dougu au woeadobegu mate dimona eai.”
1300	GEN 43:9	Abo u tore nimagu eai, eau egu porohe: ena nige ea woeauioi arim eai eo ea hetoro matam eai abo i lolo giluna ea bahei i lau e nige nosina.
1302	GEN 43:11	Abo tamadi Isaraela i ribalau aridi eai, enaba, “Ena nige dobila esau, taiede, doha ina au lauwatai: eda eanua uauadi saesaedi emi baeki eai au usaidi, eo gamagarimiu tau wa ena ainauia au baheidi, eausi, eo amoamo, eo muramura panepanedi, eo badila adi ao labui.
1374	GEN 45:15	Abo hinage ena tataoyao gamagaridi i alagoiedi eo matasuluna ie didi potadi eai: abo murina eai ena tataoyao maena se ribariba.
1383	GEN 45:24	Arinai ena tataoyao i hetamaridi se lau: abo doha ina i heribadi, “Au komakomanimiu, tabu dobila eai au lulu.”
1395	GEN 46:8	Isaraela ana isimurita, isi wa se lau Aigupito eai, esadi ede ina, Iakobo ma nanatunayao tatao: Reubena, Iakobo ena ealahou tau.
1396	GEN 46:9	Reubena nanatunayao tatao: Hanoka eo Palu, Heserona eo Kami.
1397	GEN 46:10	Simiona nanatunayao tatao: Iemuela, Iamina, Ohada, Iakina, Sohara eo Saulo ia Kanana sinena esau natuna tau.
1398	GEN 46:11	Levi nanatunayao tatao: Geresona, Kohata eo Merari.
1399	GEN 46:12	Abo Iuda nanatunayao tatao: Era eo Onani, Sela, Paresi eo Seraha, na Era eo Onani Kanana tanona eai se lautom. Eo Paresi nanatunayao tatao ede: Heserona eo Hamula.
1400	GEN 46:13	Isakara nanatunayao tatao: Tola eo Puwa, Iobu eo Simirona.
1401	GEN 46:14	Sebulona nanatunayao tatao: Seredi, Elona eo Ialele.
1403	GEN 46:16	Gada nanatunayao tatao: Sipioni eo Hagi, Suni, Esiboni, Eri, Arodi eo Areli.
1404	GEN 46:17	Asa nanatunayao tatao: Imina eo Isua, Isui, eo Beria, eo loudi Sera. Eo Beria nanatunayao Hebera eo Malikiela.
1408	GEN 46:21	Abo Beniamina nanatunayao tatao: Bela eo Besa, Asabela, Gera, Neamani, Eli eo Rosa, Mupima eo Hupima eo Ade.
1411	GEN 46:24	Napatali nanatunayao tatao: Iasele, Guni, Iesera, eo Silema.
1412	GEN 46:25	Bilaha hinage nanatunayao tatao: Labana wa i mosei natuna sine Rahela arinai. Iakobo arinai i labasidi, tatao gamagaridi haligigi‐labui.
1427	GEN 47:6	Aigupito tanona maudoina oa matam eai, haedi tano lolo aririna nei eai abo tamam eo em tataoyao se mia: Gosena tanona eai abo se mia eo hinage ena boeadi eai tatao sibasibadi, isi abo u hetorodi egu suisui tauitawataidi.”
1436	GEN 47:15	Huiana ne arinai moni ie ohi ariri Aigupito eo Kanana eanuadi eai, Aigupito tataodi se laoma Iosepa arinai si ene, “Aiai u leama: paana saha oa matam eai abo ai mate? Ema moni i ohi ariri.”
1440	GEN 47:19	Paana saha abo ai mate oa matam eai, ai eo ema tano hinage? Ai, eo ema tano u unehaimai aiai helaudamaidi, abo ai eo ema tano ai hemala Parao ena heaheari: eo lie hinage u leama, arinai abo ai mauri, taba nige ai mate, eo tano taba nige i hemala barabara.”
1450	GEN 47:29	Eo Isaraela ena mate huiana i hanahanaui to natuna Iosepa i eogai, i ribalau arinai enaba, “Ena nuam i lolo arigu eai ea aibodaim bena nimam u torelaei gotugu ubuna eai, eo em abiabi arigu eai bena mamohoina eo i lolo: tabu Aigupito eai u toregu.
1451	GEN 47:30	Tamaguyao boeadi eai abo ea eno: Aigupito eai abo u bahelaegu, isi ede aba toredi eai abo u toregu.” To i heuio, “Em riba abo ea lauwatai.”
1456	GEN 48:4	hinage i ribalaoma arigu eai i ene, ‘Mamohoi abo uauam ea helai eo ea hegamagari, eo arim eai tatao moutuana lailai: ina eanua ta abo ea mosei am isimurita enadi i lau e nige nosina.’
1511	GEN 50:4	Ena dou asubenadi se ohi, Iosepa i ribalau Parao ena numa tataodi aridi eai, i ene, “Ena nuamiu se lolo arigu eai doha ina abo Parao au heriba au ene:
1515	GEN 50:8	Eo Iosepa ana bogaoyao, eo ena tataoyao, eo tamana ena numa tataodi: nanatudiyao gagiridi isibom, eo edi mamoe, eo edi bulumakau se laugabaedi Gosena tanona eai.
1528	GEN 50:21	Tabu au matausi: omi ma nanatumiuyao abo ea he’aimiu.” Ina riba ta aridi eai nuadi i headidiridi eo nuadi i hebigadi.
1534	EXO 1:1	Isaraela nanatunayao tatao isi se laoma Aigupito eai Iakobo maedi, edi numa tataodi hinage maediyao, esadi ede ina:
1544	EXO 1:11	Arinai edi paisoa tauitawataidi se hetorodi abo se haemamnadi paisoa poroporohedi aridi eai: eo Parao ana aiai abapeigogo eanuadi se hetorodi, Pitomi eo Ramese.
1547	EXO 1:14	Edi mauri se hekarapi paisoa pilipilina arinai, poahu eo brick paisoana, eo oea paisoadi udoi udoi aridi eai hinage: adi paisoa gamagaridi aridi eai wa se heporohe aririedi.
1552	EXO 1:19	Helabalaba sisinedi wa se ribalau Parao arinai si ene, “Paana Heberu sisinedi isi nige doha Aigupito sisinedi: paana se adidiri ariri, na sora nige tauabihelabalaba ie lage, na nanatudiyao se abidio.”
1576	EXO 2:21	Abo Mose nuana ie taru bena tau wa arinai i mia: abo natuna Sipora i mosei Mose arinai.
1581	EXO 3:1	Mose bosiana Ietero, Midiani edi kohena wa ena mamoe i itawataidi: to mamoe wa i woealaedi barabara tupo ealasi eai, eo i laoma Horeba eai, Eaubada ena oea tupina wa.
1587	EXO 3:7	Arinai GUIAU i ene, “Egu tatao Aigupito eai edi amamna ea itayao, eo edi lepalepa adi paisoa tanuagadiyao debadi eai ea ataiedio: edi nuadubu abina ea ata’o.
1592	EXO 3:12	Eaubada i ene, “Mamohoi Eau abo maem; na ina ta abo em heiheinoi ia ede eai ea hetamarim: ena tatao wa Aigupito eai u woeahaidi, ina oea tupina ta arinai abo Eaubada au heayaiyei.”
1596	EXO 3:16	U lau Isaraela tataodi edi babadayao u heoigogoidi u ribalau aridi eai, u ene, ‘GUIAU tamamiuyao edi Eaubada eo Aberahama ena Eaubada, Isaako ena Eaubada, eo Iakobo ena Eaubada, i taumasaraha arigu eai, i ene, “Ea nuanuatuimiu eo saha eo saha se ginauri arimiu eai Aigupito eai ea itayao:
1603	EXO 4:1	Abo Mose i heuoi i ene, “Na u ita, taba nige se awamamohoiegu, eo arinagu taba nige se ataiei: paana abo si ene, ‘GUIAU nige i taumasaraha arim eai.’”
1611	EXO 4:9	Ena ina heiheinoi labui ta nige se awamamohoiedi, eo em riba nige se ataiei, abo goila saga eai u abi, eo u hegoilaei tano pitapitalina potana eai: abo goila wa saga eai ue abi wa abo i hemala osina tano pitapitalina potana eai.”
1616	EXO 4:14	Abo GUIAU ena ouyalayala i lai ariri Mose arinai eo i ene, “Em tau Arona, Levi tauna, metai e nige: e? Abina ea ata i riba lolo. U ita, i laolaoma i hailobaim eo ena i itam abo i kode ariri.
1622	EXO 4:20	Arinai Mose monena ea nanatunayao tatao i abidi i hebawadi asini potadi eai, eo ie uio Aigupito tanona eai: eo Eaubada ena tu’e Mose ie abi nimana eai.
1623	EXO 4:21	GUIAU hinage i ribalau Mose arinai i ene, “Ena u uio Aigupito eai abo laulau gigiboridi gamagaridi nimam eai ea toredi wa abo u ginauridi Parao matana eai: na nuana abo ea heoiura, taba nige tatao wa i eairigabaedi.
1633	EXO 4:31	Tatao hinage se awamamohoiei: huiana wa se ataiei GUIAU Isaraela tataodi i nuatuidi, eo edi amamna ie ita, se dulu dobi eo se aihelahui.
1636	EXO 5:3	Abo si ene, “Heberu edi Eaubada i hailobaimai: ai aibodalaowa bena u abigabaemai ai lau asubena haiona lauwasina barabara eai, abo GUIAU ema Eaubada ena aitalasam ai ginauri, ata asiebo, eo elepa aridi eai i pidilimai.”
1639	EXO 5:6	Abo nei asubenana eai ne paisoa tauitawata eo adi tanutanuaga i lauhesomdi i ene:
1641	EXO 5:8	Na bricks gamagarina se ginauridi wa bena gonogonoana se ginauri: tabu ena gamagari au hegagiri, paana se miamiagaibui, arinai se doulaoma si ene, ‘U abigabaemai abo ai lau ema Eaubada ena aitalasam ai gubu.’
1657	EXO 6:1	GUIAU abo i ribalau Mose arinai i ene, “Sora abo u ita saha abo ea ginauri Parao arinai: paana nimana adidirina eai abo i hetamari hepesadi, mamohoi ma nima adidirina abo ena eanua eai i aiduiedi.”