88	GEN 4:8	Kaina i ribalau ena tau Abela arinai i ene, “U laoma ta lau oea eai.” Isi taudi labui se lage’o oea eai abo Kaina i toro ena tau Abela i lului abo i eatu’nui.
130	GEN 5:24	Enoka Eaubada maena se laulau esega, i lau e ia nige’e, paana Eaubada ia i abiya’o.
187	GEN 8:3	Eo huia gamagari magu tanoubu eai i hetubu i laulau. Asubena handere esega eo tatao‐labui‐se‐mate‐saudoudoi adisiga eai goila se dobi’o.
191	GEN 8:7	Ao’ao i heloi; ie loi sae, ie loi dobi i lau e goila tanoubu eai se guma’o.
197	GEN 8:13	Borimai handere hehaligigi‐esegana eai, nawalai bagubagunana asubenana bagubagunana eai, goila se guma’o tanoubu eai; Noa ake atohina abo i abihai, i italau tanoubu ana ao ie ita, i pitari’o.
209	GEN 9:3	Ginauri maumauridi moimoyudi isi abo ami aiai ede, doha hinage ginauri ini’inidi eo ginauri gamagaridi eau ea lediwa’o.
227	GEN 9:21	arinai waina i ginauri, to i nom‐eaueaure to ena numa‐lulu alona eai ie guri, ie ota tau aha’ahana.
230	GEN 9:24	Abotai Noa ena waina nomna arinai i siliata, natuna taumurita wa ena abi i nuatuiya’o.
328	GEN 13:9	Tano maudoina ede matam eai me, e nige’e? Besi u abihesuara’uioim. Ena tupo nima‐seuseurim eai u abi, eau abo tupo tutu eai ea lau; e ena oa bena tupo tutu u abi, eau abo ea lau tupo seuseuri eai.”
359	GEN 14:22	Na Aberama Sodoma edi wasawasa arinana i heuio i ene, “GUIAU Eaubada Saesaearirina galewa eo tanoubu tauginauridi, arinai ea riba aigora’o.
436	GEN 18:11	Aberahama eo Saraha se tautaubada se sinesinebada ariri, eo edi borimai se gamagari; sisine kamanidi wa Saraha arinai i lautom’o.
476	GEN 19:18	Lota abo i ribalau aridi eai, i ene, “Agu tanuagayao, taba nige’e.
483	GEN 19:25	Eanua ne i heasibuidi, eo gonuna maudoina i hebaaea, eanua wa taumiaidi gamagaridi hinage, eo saha tano eai se ini’ini.
484	GEN 19:26	Na Lota monena ia murina eai i laulau, i itasinibui, to i hemala arita we’una.
613	GEN 24:21	Tau wa i monomonou eo i aiaiewai i nuatu dadaasaeai, GUIAU ena lauwasi ta i heanio e nige’e.
757	GEN 27:29	Hari tatao abo enam se paisoa, basileia abo se taba’ohuim. Em tataoyao oa abo tanuagadi ede, eo sinam nanatunayao arim eai abo se turibono. Tau ribahebaaeam, ia abo se hebaaea aririei, eo tau ribahelolom abo se helolo aririei!”
804	GEN 29:8	Na si ene, “Taba nige’e. Sora gamagaridi se woealageedima we’u se buihai huana awana eai, abotai abo ai henomdi.”
889	GEN 31:15	I abimai doha laolaoma tataodi e nige’e? Paana i unegabaemai’o eo ema maisa monina i hepaisoa he’ohiyao.
1161	GEN 39:11	Na huia esau doha ina ie tubu, Iosepa i awasae numaalo eai ana paisoa i ginaginauridi, eo numa tataodi gamagaridi numa eai nige’e.
1269	GEN 42:16	Abo esau au hetamari i lau emi tau i woeaiyama, na omi abo se tutuguduimiu, bena emi riba se lauitadi riba mamohoi e nige’e. Ena ina ta nige au lauwatai, Parao maurina debana eai, abo ai nuatulobaimiu omi tauitaitasipo ede.”
1324	GEN 43:33	Abo se bawa matana eai, edi labasidi eai se heaigonogonoaiedi, taubaguna i lau e tau murita, abo tatao wa se haimatainoino, eo se no’o.
1509	GEN 50:2	Arinai Iosepa ena heaheari i lauhesomdi isi sinare taumuramura, bena tamana se he’eausi, arinai Isaraela se he’eausi.
1519	GEN 50:12	Hinage Iakobo nanatunayao ena lauhesom aridi eai se awa’abiei.
1587	EXO 3:7	Arinai GUIAU i ene, “Egu tatao Aigupito eai edi amamna ea itayao, eo edi lepalepa adi paisoa tanuagadiyao debadi eai ea ataiedio: edi nuadubu abina ea ata’o.
1645	EXO 5:12	Arinai tatao se hetatagorigoridi Aigupito boeana eai bena lagau pitapitarina se tanogogoi paana lagau nonohana wa nige’e.
1926	EXO 15:5	Dibori utu’utu se saehaidi; Se dobi gabotum eai doha we’u.
1936	EXO 15:15	Edoma edi babadayao nuadi se heasiwolewoledi; Moaba edi tatao saesaedi se tabutabububu; Kanana tataodi nuadi se welo’o.
1937	EXO 15:16	Matausi lailai didigana ie beudobi potadi eai; nimam gigiborina eai isi se toreesegaidi doha we’u, i lau e em tatao se baeawa, O GUIAU e, i lau e tatao u hemauridi se baeawa’o.
1942	EXO 15:21	Abo Miriam enadi ie wana: “GUIAU enana au wana, paana ma namanamarina i saepoiya’o. Hosi eo taugeruina i heputuhaidio gabogabo arona eai.”
1952	EXO 16:4	GUIAU abo i ribalau Mose arinai i ene, “Galewa eai abo falawa ea hetarudobi potamiu eai doha nabu, abo tatao se lau asubena esega ana se tanoi asubena gamagaridi eai, bena ea lauitadi, abo egu laugagaeo boeana eai se laulau e nige’e.
2077	EXO 20:25	Ena aba‐aitalasam enagu u ginauri we’u arinai, tabu we’u pidipididi aridi eai u ginauri: paana ena aba‐paisoa esau u lausini potana eai abo u hebi’i.
2110	EXO 21:32	Ena bulumakau tauauau tau e sine ie gori bulumakau tanaugana moni silver sekela tau‐esega‐i‐mate‐saudoudoi abo i mosei tauauau tanuagana arinai, eo bulumakau wa abo se lauwe’ui.
2122	EXO 22:7	Na ena tauaiyahari wa nige se lobai, numa tanuagana wa abo i toro tauhedudulai matadi eai, bena se nuatulobai nimana i torelaei helena taumia ena gogo aridi eai, e nige’e.
2128	EXO 22:13	“Tabu tau esau ginauri esana i sagenai helena taumia tauna arinai, eo se heamamna to ie mate, tanuagana nei eai nige’e, abo i hedudulai he’ohi.
2146	EXO 23:1	“Tabu ribaborabora u bahebahe’usei. Tabu taubaaea maem nuamiu esega bena oa tauitaita borabora.
2147	EXO 23:2	Tabu moutuana u lauwataidi bena baaea u ginauri, eo hinage abahedudulai eai moutuana tabu edi tupo eai u toro bena saha eo saha i dudulai u laei’udoiei.
13947	PSA 1:4	Laulau gewagewa tataodi isi nige meta doha, isi doha sitona wenudi mana i eoho’eohoedi.
14094	PSA 14:2	GUIAU ia galewa eai i itadobi tatao nanatudiyao aridi eai, bena i itadi eai to eai se mia dudurai, eai to eai Eaubada se eo’oi.
14194	PSA 19:13	Aitea tau iabom ena baaea italobaina abina ie ata? Egu laulau baaeadi eamuyamuidi aridi eai bena oa u hea’agu.
14236	PSA 22:16	adidirigu ie ohi, doha gulewa se oigoru, memenagu ie patu gaeagaeagu eai; mate mua’a mua’ana eai u he’enogu.
14312	PSA 27:10	Taba tamagu eo sinagu se otaotaegu wa, GUIAU abo i abi’isinigu.
14360	PSA 31:11	Paana nuadubu egu mauri i abiheohi, eo egu borimai gamagaridi eai hinage ea aiai’iwala. Egu adidiri ie ohi nuadubu debana eai, siadagu hinage se meimei.
14383	PSA 32:9	Oa tabu em abi doha hosi e doha mule, isi nige edi sibasiba; arinai se paidi, eo awadi eai abawoeawoeaidi se heapudidinidi bena abo se awa’abiem.
14479	PSA 37:8	Ouyalaya u helautom, eo nuaheura i otawa! Tabu hinage u nuamodemode, ata u hebaaea’uioim.
14481	PSA 37:10	Huia ku’uku’u mo eo laulau gewagewa tauna abo i tauyamui, taba ena eanua eai se eo’oeo’oi, ia nei eai nige’e.
14709	PSA 50:9	Bulumakau tamoana emi numa eai taba nige ea nuatui, goti tamoana emi gana eai hinage nige’e.
14811	PSA 57:2	Eaubada e, u nuatoatoaegu, u nuatoatoaegu ta, paana oa arim eai earuagu abo i ailogulogu; mabem logulogudi eai abo ea ailogulogu, i lau e sabom i lau’o.
15078	PSA 73:3	Paana ede tau nuasaesae ea aiaromagigiriedi, huiana wa tau laulau gewagewa ena gogo ea i’ita.
15466	PSA 91:6	baaea lailai masigiri eai ie sae ie dobi taba nige u matausiei, asubenalai eai sabom i hebaaea hinage taba nige’e.
16121	PSA 119:155	Laulau gewagewa tataodi taba nige se mauri, paana oa em laugagaeo nige se eo’o eo’oidi.
16155	PSA 121:6	Mahana gigiborina taba nige i talaim asubena eai, eo nawarai hinage maiona eai taba nige’e.
16166	PSA 122:9	GUIAU ema Eaubada ena numa debana eai, oa em lolo abo ea eo’o eo’oi.
16393	PSA 145:3	GUIAU ia i sae ariri, ia hedebasaena ie lai, eo saesaena nige tau esau gonoana i eo’oi.
23568	MAT 12:10	Na, tau esau nei eai nimana esau i tubu ea’eyaelua. Ia se oimurini si ene, “Huia sabate eai taba ta hemauri abo i lolo?” ia bena abo se hegiru.
23795	MAT 17:26	Petero i ene, “Hari dodoga aridi eai.” Iesu ia i heriba i ene, “Mamohoi, nanatudiyao mo nige’e.
23930	MAT 21:35	Tatao paisoa ena heaheari tataodi se toaidi, esau se pidiri, eo esau se unui, eo esau se lauwe’ui.
24046	MAT 24:20	Au uura, bena emi huia dagodago eai ania nige se baaea, hinage asubena sabate nige’e.
25274	LUK 7:10	Isi se hetamaridi wa se uio numa eai, tau asiebo wa se lobai i lolo’o.
25551	LUK 12:23	Mauri mo i sae ariri ede, aiai nige’e, taumiu hinage se sae, lulu nige’e.
25729	LUK 17:9	Heaheari wa riba u lauhesom wa i abiwataidi, ia abo au lautoiei? Nuana nige’e.
25930	LUK 21:35	Paana abo i laoma tatao gamagaridi tanoubu maudoudoina taumiaidi abo i sa’idi.
26246	JHN 4:21	Iesu i ribalau ia arinai i ene, “Sine e, mamohoi, huiana abo i lagema omi ina oea tupina eai ta, Tamana abo nige au tabaohui, eo Ierusalema eai nige’e.
26581	JHN 10:31	Arinai abo Iudea tataodi we’u se abidi ia bena se lauwe’ui.
26844	JHN 17:16	Isi tanoubu enana nige’e, doha hinage eau tanoubu enana nige’e.
26970	JHN 21:3	Simona Petero i heribadi, i ene, “Ea lau ea eama.” Isi ia se heriba si ene, “Ai hinage maem ta lau.” Se lau se gerusae waga eai: maionana eai ne se eamaasa, se bo’au.
27102	ACT 4:11	We’una ede ina omi tauabinuma au otaotaei, abo i hemala numa ewa isuna we’una.
27154	ACT 5:26	Kapenana eo tauitaitawata se lau aposotolo se woeakomakomanidima: na eanua tataodi se matausiedi si ene ata tatao se lauwe’uidi.
27332	ACT 10:4	Ia i italaei abo i matausi, i ene, “Guiau e, saha wa hede?” Ia i ribalau ia arinai, i ene, “Em uura, eo em ainauia se saema Eaubada matana eai, oa se henuaisinim’o.
27777	ACT 22:5	Kohena lailai hinage, eo babada gamagamagari egu riba se awamamohoiei: uriuri ea abidi ehadayao enadi, abo ea lau Damaseko eai tatao paipaiauridi nei eai bena ea laedi Ierusalema eai, abo se hemata’iladi.
27879	ACT 25:15	eau Ierusalema eai, kohena lailaidi eo Iudea babadadi se heribagu, eo se awanorigu ia bena ea hemata’ila.
28087	ROM 3:28	Paana ta nuatui ta ’ne tau esau abo i dudurai sunumana eai mo, laugagaeo abiwataina eai nige’e.
28092	ROM 4:2	Ena Aberahama ena laulau debadi eai ia se hedudurai, ena aba ribatausaeuioi ede meta; na Eaubada matana eai nige’e.
28105	ROM 4:15	Paana ede laugagaeona wa ouyalayala aba‐hetubuna ede: na haedi eai laugagaeona nige’e, laugagaeo utusina nige’e.
28584	1CO 7:29	Egu tataoyao e, egu riba ede teina, huia wa i kuu ariri, isi monediyao tauabidi nige baeaona abo doha monediyao nige’e.
28684	1CO 11:16	Taba esau riba ta bena i buiama, ai nige laulau esau ai nuatui, Eaubada ena ekalesia boeadi eai hinage nige’e.
28765	1CO 14:19	Ia mo dubu eai eau riba haligigi mo taba ea ribaedi tatao bena ea heatadi, meta i lolo ariri, riba tausani saudoudoi arina udoi eai nige’e.
28792	1CO 15:6	Abotai i taumasaraha eda boda tataodi aridi eai, isi taudi handere haligigi i dioi, edi huia itana esega, isi maudoudoidi mamiadi wau ta, headi mo se eno’o.
28886	2CO 1:18	Agutoi, doha Eaubada ia mamohoina, ema riba arimiu eai nige E, to Nige’e.
28957	2CO 5:12	Nige bena ai hetorouioimai omi matamiu eai ina, na ai bena emi aba nualolo, abo abina au ata tatao edi riba au heuio, isi pota ana ao mo se nuatui, nuaboeana ana ao nige’e.
28961	2CO 5:16	Arinai huia ta taba nige tau esau ai nuatui, buluma nuanuatuina eai; Keriso mamohoi nabada eai ai nuatui doha ina, na huia ta nige’e.
29051	2CO 10:12	Ai taba nige ai toreuioimai, e ai lauitauioimai, tauribahetausaeuioidi peledi aridi eai. Isi isibom mo aridi eai se nonononoiuioidi, isibom mo aridi eai se laulauitauioidi, edi nuasibasiba nige’e.
29082	2CO 11:25	Ma‐haiona tue eai se pidirigu; ma esega se lauwe’uigu. Ma‐haiona waga eai ea sariri; maiona esega eo asubena esega gabogabo eai ea alealelei;
29117	2CO 13:6	Ea sunusunuma, taba nige nuamiu se labulabui ai debamai eai, au ene ai uio e nige’e.
29118	2CO 13:7	Ai uura Eaubada arinai bena tabu baaea au hetubu, nige bena ai wasamai se lolo mo, na omi, bena emi abiabi gamagari se dudurai, ena ai baaea e nige’e.
29173	GAL 3:4	Amamna gamagaridi au hearogaibuidi, wa? — ena mamohoi aniodi nige’e.
29693	1TH 5:5	Omi gamagarimiu mara nanatunayao eo asubenana nanatunayao: ita maiona enana nige’e, eo masigiri enana nige’e.
29747	2TH 3:2	Ai, tatao eauyauredi eo tatao laulau baaeadi nimadi eai bena abo se abihemaurimai; paana ede tatao gamagaridi edi sunuma nige’e.
29832	1TI 5:2	Sinesinebada doha isi sinamyao, hasahasara doha isi louloumyao, ma nua’aam.
30244	HEB 11:5	Sunuma debana eai Enoka se abiisini galewa eai, arinai ia mate nige i ita; ia nige se lobai paana Eaubada i abi’siniyao. Paana ia sora nige se abi’sini, wasana ede ina: Eaubada nuana i helolo.
30279	HEB 11:40	Eaubada dobila lolo‐aririna esau enadi i abinonohaiyao, arinai isi helolo‐dumadumana taba nige se hearo, ena ita maediyao nige’e.
30386	JAS 2:26	Doha tauda abo se mate, ena earuada se tausuaraedi, gonoana sunuma hinage, ie mate ena paipaisoana nige’e.
30414	JAS 4:10	Au hedobidobiuioimiu Guiau matana eai, ia abo i lau’sinimiu.
30538	1PE 5:6	Au nuatu‐hedobidobiuioimiu, Eaubada nimana gigigiborina ubuna eai, ia ena huia eai abo i abi’sinimiu.
30589	2PE 2:22	Riba sanapu wa i patu‐mamohoi aridi eai, si ene, Kedewa ie uio iabom maliwena ie ai, eo salaibawesina se hedui wa, ie uio monomono eai ie i’o.
30615	1JN 1:8	Ena ta ene nige eda baaea, ta borauioida meta, eo mamohoina boeada eai nige’e.
30617	1JN 1:10	Ena ta ene ita nige ta baaea, ia ta awa‐boraboraei, eo ena riba arida eai nige’e.
30621	1JN 2:4	Ena esau i ene, “Ia abina ea ata,” na ena lauhesom ribadi mo nige i awaabiedi, ia tauborabora, mamohoina ia boeana eai nige’e.
30625	1JN 2:8	Taiede lauhesom harihariuna ea uriyawa hinage, mamohoina ia arinai eo omi arimiu eai, paana masigiri i tautauyamui ina eo mara mamohoina ede i sina’o.
30632	1JN 2:15	Tabu tanoubu ta au gadosisiei, eo tanoubu eai ta ginaurina. Ena taba tau esau tanoubu i gadosisiei, Tamana gadosisina ia boeana eai nige’e.
30656	1JN 3:10	Eaubada nanatunayao eo diabolo nanatunayao aba‐italobaidi ina: eai to eai ena laulau nige se dudurai, ia nige Eaubada enana, eo eai ena tau nige i gadosisiei, ia hinage nige’e.