23439	MAT 8:25	'Liko alué ralámuli Esusi oyérame 'ma ajchale Esusi gojchigá bo'ígichi. 'Lige anele ajchigá: ―¡Muérigo Wa'lula, asá nejkuri, 'ma bokuíchi ye barko!
23446	MAT 8:32	'Liko Esúsika anele: ―¡Yati simásigó! 'Lige buyásiga yati simíbale, 'liko pachágana gowichi mo'ile, 'liko suwábaga gowí iwégame juma mo'íbele 'légana rejchíkana. 'Ma rujsule wa'lú ba'wí ilígichi, alésíko 'ma suwile.
23549	MAT 11:21	―¡Resía 'emi ralámuli Korasini anilichi ejperégame! ¡Resía 'emi ralámuli Betsáira anilichi ejperégame! Neka 'we a'lá sa'wigéturu alé ejperégame ralámuli Onorúgame a'walílate napu tabilé 'wesi ralámuli gayéname ju alarigá sa'wá, 'lige 'emi abirigá tabilé a'réturu alué resítiri nóchali. Ralámuli 'ya ejperégame alé Tiro anilichi ejperégame 'lige Sironi anilichi ejperégame abiena asíriga 'we cha nokame ralámuli kéturu. Ne 'we a'lá sa'wasa alué ralámuli alé, 'lige o'pachátimituru alué o'pacha 'we chajótigame, 'lige mochíbimituru bilena najpisochi napurigá machimela ralámuli 'ma a'réligo alué chátiri 'nátili.
23692	MAT 14:26	Napu'lige alué Esusi 'yuga járome etesa Esusi alé ba'ichí amoba enágichi, asíriga majale. ―¡Pe chu'í káwé alué! ―anile. 'Lige bochí anile majaga.
23693	MAT 14:27	'Lige Esúsika anele: ―¡Tase majawa, pe ne ju!
23696	MAT 14:30	Napu'lige ne nílasa 'we ekao, 'ma majale. 'Lige i'kilí bokuíle alé ba'wichí, 'lige napu'lige 'ma bokuía, e'wele ra'íchaga bayele Esusi: ―¡Muérigo Wa'lula, ma'chí paki ne'chí!
23697	MAT 14:31	'Lige Esúsika yati cha'pile sekate, 'lige anele: ―¡Mueka 'we pee bijchígame ju!
23724	MAT 15:22	'Lige bilé mukí alé bejtégame napu tabilé israelita nílige, alemi sébale napu enale Esusi 'lige anile e'wele ra'íchaga: ―¡Muérigo Wa'lula, Rabí rijimala, 'la na'temápuaká ne'chí! Ne ranala iwé bilé u'tabela remónisi ajchágame ju, 'lige asíriga resí nilia ajtí.
23727	MAT 15:25	'Lige alué mukí sébale alé napu ilile Esusi, 'lige chojkóbisiga ilíbale, 'lige anele: ―¡Mué Wa'lula nulame, ne'chí gu'iri!
23730	MAT 15:28	'Liko Esusi anele: ―¡Mué mukí, mueka 'la bijchigi 'la sa'wame ko ne apiépiri nawilí! 'La sa'wimela mué ranala. 'Lige yati neraga sa'wile alué mukí ranala.
23763	MAT 16:22	'Lige Pegro a'mibemi chakena bayérale Esusi, 'lige ne'óchale, regá anele: ―¡Mué wa'lula tase alarigá ra'ichawa, tajsiné sebárimili júkuru alué rawé! ¡Onorúgame tabilé a'rémala mué alarigá ikichi!
23764	MAT 16:23	'Lige Esusi o'wé e'nele alué Pegro, 'lige anele: ―¡Mué Satanasi, se'wí, simigá 'mimi mejkami! Mueka pe nejkumega eyena ne'chí 'yuga. Mueka 'nátame ju napurigá 'nátame ju ralámuli, tase napurigá Onorúgame.
23786	MAT 17:17	'Lige Esúsika anile: ―¡Tachiti ralámuli! ¿Tabilé bijchígime ju 'emi Onorúgame a'walí nígame ko napurigá 'la umbámala sa'wá? ¿Chekí rawé asiati káréko ne 'emi 'yuga napurigá 'emi 'we a'lá benimela? ¿Chiéniko si anachamio ne 'emi 'yuga? Jeka o'tobógó 'liko alué re'malí.
23891	MAT 20:30	'Lige oká rió tabilé ma'chílime mochile alé boichimi, 'lige akisá alemi enegó Esusi, yati chojkile ra'icha, regá anea: ―¡Muérigo Wa'lula Nulame Rabí rijimala, 'we a'lá na'temápua ramué!
23892	MAT 20:31	'Lige ralámuli alemi si e'yénigime sulile alanichi alué oká rió tabilé ma'chílime, 'lige alué oká rioka aminabi abé a'wágame bayea mochile: ―¡Muérigo Wa'lula Nulame Rabí rijimala, pe rekó 'we na'temápua ramué!
23904	MAT 21:9	'Lige suwábaga ralámuli guwánami e'yénigime 'lige bajchabemi e'yénigime 'we ra'sálásia e'yénale regá anisia: ―¡Hosana (salva)! ¡'La sébakuru mué jena! ¡Mué Esusi Rabí rijimala, mueka wa'lula nímala napurigá alué wa'lula Rabí anilime 'ya ajtígame! ¡'We a'lá semáriga nulale alué, alarigá nulámala mué! ¡Hosana! ¡'Láchigo sébakuru mué jena!
23914	MAT 21:19	'Lige etele bilé chuná 'lige simile e'nemia 'lige etele tabilé pe'tá rakégame ko alué chuná, pe sawálacho, we'ká sawégame rewale, 'lige anele alué chuná: ―¡Tabilé siné go'mela ralámuli mué chuná rakala, 'máchigo ta siné rakémempá mué! ―anele. 'Lige pe yati wakíbale alué chuná.
24172	MAT 26:49	'Lige alemi sébaga Jurasi regá anele alué Esusi: ―¡Kuira mué benírame! 'Lige alarigá anesa yati chu'mile banichí.
24188	MAT 26:65	'Liko alué wa'lula balé banasuka chi'wánale bo'né o'páchala, regá anigá: ―¡Ye rió tabilé niráchine Onorúgame! Ya 'ma 'we a'lá sébali akirúke'é, tase rokáré uché bilé rió testigo. 'Émi 'we a'lá akékuru tabilé 'la niráchinio Onorúgame ye rió Esusi.
24220	MAT 27:22	'Lige Pilátoka anile: ―'Lige Esúsika, alué napu Kristo anelime ju, ¿cholámala ne? 'Lige suwábaga nejele: ―¡Alueka gulusichi ujchigá me'libógurú!
24227	MAT 27:29	'Lige aminami bilé gorona wejchégame mo'kótale mo'chí. 'Lige bilé baká wajtoná sekachí cha'pírale, alué baká napurigá bilé resó wa'lula uneme nile. 'Lige sontáloka chojkóbisiga jábele alé a'bé napu ilile alué Esusi, 'lige asíriga gawélele. Regá anele: ―¡Kuira wa'lula ralámuli jurío nuleme!
24309	MRK 1:25	A'lige alué Esúsika a'wágame ne'óchale alué chátiri alawá, anele: ―¡Kilí asá! ¡Yati ma'china ye riochi!
24368	MRK 3:11	Alemi jálechigó jaré ralámuli napu chátiri alawá ajchágame nile. Napu'lige sebasa alé a'bé napu Esusi ilile, alé napu Esusi ilile o'wemi neraga, alué chátiri alawá wijchí 'lule alué ralámuli 'lige a'wágame ra'íchale: ―¡Mué ju Onorúgame Inolá, napu re'pá rewagáchika nawale! ―anile.
24430	MRK 4:38	Esúsika gojchigá bo'ile. Alué 'yuga járomeka ajchale alué Esusi. 'Lige e'wele ra'íchiga anele: ―¡Mué Wa'lula! ¿Tabilé chélá mué rekó ye barko ba'wichí bokuíchi?
24443	MRK 5:10	A'lige alué rió 'we tánale Esusi: ―¡Tase mejká juláwaka ramué! ―alarigá ra'ichárile alué we'ká u'kuchípala remónisi alué rió.
24450	MRK 5:17	'Lige suwábaga alué ralámuli alemi sígame ayole Esusi 'yuga, 'lige anele: ―¡Mejká simigá! ―anéleru Esusi.
24525	MRK 6:49	'Lige alué bo'né 'yuga járomeka majale alué Esusi etesa alé ba'wichí amoba enágichi. Mayele bilé mukúgame alawala ko 'lige bochí anile majaga. 'Lige Esúsika yati anele: ―¡Ne Esusi ju, tase majawa!
24704	MRK 10:47	Napu a'lige alué tabilé ma'chílime machisá Esusi Nasareta bejtégame a'bemi enegó, a'wágame ra'íchaga bayele regá anigá: ―¡Mué Esusi, Rabí rijimala, Rabí 'we 'ya ajtígame, pe rekó na'temápuaká ne'chí! ―anile.
24705	MRK 10:48	We'kaka sulile alanichi napurigá tabilé aminabi a'wágame ra'ichámala. 'Lige alué rioka tabilé e'wale. Aminabi anile rekó sulílie: ―¡Mué Esusi, Rabí rijimala, alué rabí napu 'we 'ya asale, pe rekó, na'temápogó ne! ―anele.
24868	MRK 14:45	'Lige alemi sébaga alué Jurasi regá anele alué Esusi: ―¡Mué Wa'lula ramué beníriame! 'Lige alarigá anesa, yati chu'mile banachí.
24888	MRK 14:65	Jaré ralámuli a'kachípale gawéliga alué Esusi, 'lige bulele busila 'lige a'wágame o'chole, 'lige regá anele: ―¡Machígobá chieri 'siá mué o'choa! 'Lige alué re'obachi repúmeka 'we o'chole Esusi banachí sekate.
24908	MRK 15:13	'Lige ralámuli regá anile a'wágame: ―¡Gulusichi ujchawa! ―noli bochí anile.
24909	MRK 15:14	'Lige Pilátoka uchéchigo rukele: ―¿Tachiri chu'síkame júkó ye rió? 'Lige ralámulika uchéchigo anile abé a'wágame: ―¡Gulusichi ujchawa! ―anile o'maka alué ralámuli.
24913	MRK 15:18	'Lige repórale regá anigá: ―¡Kuira mué Wa'lula Rey ralámuli jurío nuleme!
25166	LUK 4:34	―¡Wamí simigá mué! Mueka ¿chonigá nawíbaché ne'chí mué Esusi Nasareta bejtégame? ¿Mueka nawá cha olamia ramué? Neka 'la machí mué: ¡Mueka wanápurigame ju Onorúgamete!
25167	LUK 4:35	'Lige Esúsika ma'chí pale alué chátiri remónisi u'tabela alué riochi regá anegá: ―¡Tase che anigá, a'rewa ye rió! 'Liko alué remónisi u'tabela wijchí rekábale alué rió alué we'ká ralámuli jágichi, 'lige ma'chínale alé riochi tabilé ejelíriga.
25173	LUK 4:41	Jaré alué we'ká ralámuli nayume remónisi u'kuchípala mochígame nile, alué u'kuchípala remónisi abiena 'ma buyánale, 'lige ne'ole buyásiga regá: ―¡Mueka Onorúgame Inolá júkuru! 'Lige alué Esúsika tase najkile napurigá alarigá anewa, alekeri ne'óchale, tase a'rele napurigá ra'ichámala alué u'kuchípala remónisi napugiti alué u'kuchípala remónisika machime níligame Kristo ko alué Esusi.
25225	LUK 6:10	'Liko alué Esusi e'néniga a'pílipi alué ralámuli napu ekí mochile alemi tachiri nejé anirá, 'lige tabilé nejechi alué ralámuli anele alué rió sujírigame sekégame: ―¡Wajchiná mué sekala! 'Lige alué rioka yati e'wale 'lige 'ma sa'wile.
25278	LUK 7:14	'Lige alué Esusi a'bé nawile alué mukúgame, 'lige nochale alué tabali. 'Lige alué ralámuli majtoga e'yénigime ka kilí jábale. 'Lige alué Esusi anele alué mukúgame: ―¡Mué re'malí, o'weti asá!
25338	LUK 8:24	'Lige alué makué oká rió yati ajchale Esusi regá anegá: ―¡Muérigo ramué nuleme! ¡'Ma bokuíchi ye barko! ¡'Ma amulí si'lilia ramué! 'Liko alué Esusi asísale 'lige a'wágame ne'óchale alué eká 'lige alué ba'wí, 'ma kilí elábale alué eká abiena alué ba'wí a'wágame chíbachi alé bárkochi, alésíko 'ma asíbale alué eká. 'Lige anele alué makué oká rió:
25368	LUK 8:54	'Lige Esúsika bajkile napu bo'ile alué iwé, 'lige cha'pile sekala, 'lige anele e'wele ra'íchaga: ―¡Mué iwé, asísiwa!
25602	LUK 13:15	'Liko Esúsika regá anele alué nulame: ―¡Tabilé sébali olame ju 'emi napurigá aní a'bopi! ¿Tacha su'páname ju 'emi alué roló alué bulito kómá rawé resíbulichi o'tomea ba'wí bajírimia?
25733	LUK 17:13	'lige regá anele Esusi a'wágame ra'íchiga: ―¡Muérigo Wa'lula Esusi, pe rekó na'temápua ramué!
25795	LUK 18:38	'Liko e'wele ra'íchale alué rió: ―¡Muérigo Esusi, Rabí rijimala alué 'ya ajtígame, pe rekó na'temaki ne'chí!
25796	LUK 18:39	'Lige alué ralámuli bajchabemi e'yénigime sulile napurigá tajché aniá asimela alué rió, 'lige alué rioka aminacho e'wele ra'íchale: ―¡Muérigo Esusi, Rabí rijimala, pe rekó na'temaki ne'chí!
25837	LUK 19:37	'Lige alé rabó Olibo na'kolígana e'yéniga napu pe 'wechi ma'chígime nile Rusaleni, suwábaga alué we'ká ralámuli alué Esusi oyérame chojkile e'wele sinaka ra'icha ra'sálagá, abiena 'we a'lá niraga ra'icha Onorúgame. Regá anigá: ―¡Jipe 'ma seba alué Wa'lula Rey Onorúgamete julárigame, Onorúgame a'walila nígame, ramueka 'we a'lá niralia ye rió! ¡Wa'lú ra'sálalí nerú 'pa rewagachi! Regá anile alué ralámuli napugiti wa'lú a'walí nígame níligame alué Esusi, 'we sa'wame nile ralámuli tabilé ma'chílime, 'lige ajánarime nile alué suwígame. Abiena 'la o'pasárale maligi mili ralámuli 'ya bajchabé rawé maligi banite 'lige oká ro'chite. Onorúgame 'yame nile a'walí bo'né nila.
25864	LUK 20:16	Alemi simela 'lige 'ma me'limela alué ralámuli owítigime i'wilí jawárigame repúniliga, 'lige uché jaré 'yámala alué i'wilí jawárigame repúniliga. 'Lige akisá alué ralámuli alanichi Esusi, 'lige regá anile: ―¡Tase siné alarigá nokisuga 'la képá! ―anile majaga.
25984	LUK 22:51	'Lige Esúsika anele: ―¡Tase che olawa, a'rewa 'emi! 'Liko Esusi ku na'chúchale alué rió najkala.
25991	LUK 22:58	'Lige pe nujubapi bilé rió etele alué Pegro, 'lige anele: ―Ne abiena eté mué Esusi 'yuga eyénachi. 'Lige Pégroka nejele: ―¡Mué rió, neka tase 'yuga eyene alué rió!
25993	LUK 22:60	'Lige alué Pégroka regá anele: ―¡Mué rió, neka tase machí tachiri olagá aniá mué! Pe aba'lige yati bijí ra'icha ajtígachi alué Pegro, sinale bilé o'tolí.
26022	LUK 23:18	Iligá alué we'ká ralámuli tase elale, 'lige chojkile ne'oa regá anegá: ―¡Tase pe wejpisosa a'rewa alué rió! ¡Barabasi 'nalina ma'chí pápua!
26025	LUK 23:21	'lige alué ralámulika abéchigo a'wágame ne'ole 'liko regá anigá: ―¡Gulusichi ujchawa! ¡Gulusichi ujchawa!
26043	LUK 23:39	Abiena alué bilé rió cha 'sime alé chujkúgame 'we gawélele, regá anegá: ―¡Mué níriká Onorúgamete julárigame, bo'né neyúsiwa, abiena gu'íriwa ramué napurigá neyúsiwa!
26635	JHN 11:43	'Lige abé i'libeko ye ra'ichasa, e'wele ra'íchale: ―¡Mué Lasro, yati ma'china!
26662	JHN 12:13	rajkú sawala o'ká simíbale najtepamia, 'lige a'wágame ra'íchaga regá anile: ―¡Hosana (salva)! ¡'We a'lá ju Onorúgame! ¡'We a'lá ju alué Onorúgamete julárigame! ¡'We a'lá júkuru alué Wa'lula alué ralámuli Israeli ejperégame nuleme!
26668	JHN 12:19	'Lige alekeri alué bariseo anile a'boi ra'íchiga pe Esusi ayóniga, regá anile: ―¡Alué rioka 'ma neyúraguru! ¡Suwábaga ralámuli 'ma alué rió oyéraguru!
26894	JHN 18:40	A'lígeko suwábaga alué ralámuli jurío anile: ―¡Ye rioka tabilé supanawa! ¡Barabasi 'lina su'panawa! Barabásika geriyero nile, napu galírale bajcháriga ajtile.
26897	JHN 19:3	A'liko alué sontalo alé a'bé jábale Esusi ilígichi 'lige regá anele, chibi anigá gawéliga: ―¡Mué rió jurío Wa'lula Rey, we'ká bamí bejtélasa 'la ju! 'Lige banachí wejpigá nokigá anile alué ralámuli sontalo.
26900	JHN 19:6	'Lige alué balé e'wélala 'lige alué sontalo napu repume ju alué wa'lú re'obá, Esusi etesa, a'wágame ra'íchaga anile: ―¡Bilé gulusichi ujchugá me'libóguru alué rió! A'lige Pilato regá anile: ―'Emi a'bopi o'togágó. 'Lige bilé gulusichi ujchugá me'liboa. Neka tabilé machí tachiri chu'síkame ka ye rió napurigá me'liboa.
26908	JHN 19:14	Bilé rawé bajchabé nile napu newame nile wa'lú piesta Páskua anilime. Amulí rawilí nile. A'lígeko Pilato regá anele alué ralámuli jurío: ―¡Jena ilí wa'lula rey 'emi nuleme!
26964	JHN 20:28	'Lige Romásika regá anele: ―¡Mué ju Wa'lula ne nuleme 'lige aminami Onorúgamechigó!
26974	JHN 21:7	'Lige alué rió napu Esusi 'we najkílige anele Pegro: ―¡Alué rió ju Wa'lula Esusi! Simoni Pegro akisá Wa'lula ko Esusi, alué bo'né o'páchala umuchipo bulisá, ba'wichí o'pochile.
27157	ACT 5:29	'Lige anile Pegro: ―¡Ramueka Onorúgame 'nalina e'wériguru, tase pe ralámuli ra'ichálila!
27265	ACT 8:20	'Lige alué Pegro anele 'we a'wágame ra'íchaga: ―¡Pe injierno simela mué alué enomite, mueka raliame koláleké Onorúgame Alawala! ¡Tabilé chérigá raliboa napu Onorúgame nejí tabilé gobláliga!
27331	ACT 10:3	'Lige siné alí alé nasípagana ajtígachi alué rayénali, pe yati niraga Onorúgame etérale alué Kornelio bilé santo ánjeli, alué napu júlilige Onorúgame alé rewagáchika. Alé a'bé sébale alué santo ánjeli napu ajtile alué Kornelio. 'Lige anele alué santo ánjeli alé sébaga: ―¡Kuira ganili Kornelio! ―anele alé sébaga alué santo ánjeli.
27394	ACT 11:18	'Lige alué ralámuli alé Rusaleni mochígame, alué ra'íchali akisá, tabilé che anigá mochíbale. Tabilé ne'óchale alué Pegro. Pe iligá cheliera 'yale 'nalina Onorúgame. Anile: ―¡Onorúgame 'la elile alué ralámuli tabilé jurío napurigá 'la a'rémala alué ralámuli alué resiti 'nátili, napurigá 'la bi'ígame alawega mochímala 'pa rewagachi nabí Onorúgame 'yuga!
27423	ACT 12:17	'Lige alué Pegro sekate sulile alué ralámuli. 'Lige anele: ―¡Kilí jasi 'emi ralámuli! ―anele. 'Lige ruwile alué Pegro Onorúgame ma'chí páliga alé galírale bajcháriga ajtígichi. 'Lige anile: ―Ruyesi Santiago alué napu Esusi nasípasi bonila ju, chukíligo ne, 'lige abiena alué uché jaré ralámuli Esukristo oyérame. 'Lige pe u'kabi ra'ichasa, simile chíbamia uché bilénami.
27428	ACT 12:22	'Lige alué ralámuli anile alué ra'íchali akisá, e'wele ra'íchaga anile: ―¡Tabilé ralámuli ju alué 'sika aniá, pe bilé Onorúgame ju 'sika aniá alué! ―anile alué ralámuli.
27682	ACT 19:28	'Lige alué ralámuli alué ra'íchili akisá, 'lige 'la iwégame ayole alué ralámuli alué Páulo 'yuga. 'Lige a'wágame sináká ne'ole: ―¡Ye Riana wa'lula ju napu ramué ralámuli oyérame niru jena we'ká riógichi Ebeso mochígame! ―sinale alué ralámuli.
27688	ACT 19:34	'Lige alué ralámuli machisá jurío ko, 'lige abéchigo bochí anile alué ralámuli. 'Lige oká 'ora jale alué ralámuli ne'oa alé. 'Lige sinale alué ralámuli: ―¡Ye Riana wa'lula ju napu ramué ralámuli jena we'ká riógichi Ebeso mochígame oyérame niru! ―sinale alué ralámuli alé jaga.
27744	ACT 21:12	'Lige ramué Páulo gompaniérola 'lige alué ralámuli alé abajá mochígame, napu'lige alué ra'íchali akisuga, 'we a'wágame anéruturu Páulo: ―¡Tase simiboa mué alé Rusaleni! ―anéruturu ramué alué rió Páulo.
27915	ACT 26:24	'Lige alué ye ra'íchili ruwichi alué Páulo, 'lige alué rió Besto o'weti ilísiga anile: ―¡Pe lo'ígame rió káwé mué Páulo! Mué Páulo cha we'ká e'karúgame benime kame, alekeri lo'írile mué ―anile alué rió Besto.
30862	REV 6:1	'Lige etiáturu ne alué Bo'á Ranala, gojínaturu bilé alué selá alué apeli kabítigame na'chuchárigame, 'lige akéturu ne bilé alué naó ajágame, alé a'bé noligá uchúkame, a'wágame ra'íchame napuyeri u'kí re'ome, regá anime: ―¡Jeka simí!
30864	REV 6:3	'Lige pe nujubapi etiáturu ne alué Bo'á Ranala gojínachi uché bilé selá alué apeli kabítigame na'chuchárigame, 'lige alué uché bilé ajágame napu uchuke alé noligá alé nasipa ajtígame sía ilígichi, regá aniéturu: ―¡Jeka simí!
30866	REV 6:5	'Lige pe nujubapi etiáturu ne alué Bo'á Ranala gojínachi uché bilé selá alué apeli kabítigame na'chuchárigame, 'lige alué uché bilé ajágame napu uchuke alé noligá alé nasipa ajtígame sía ilígichi, regá aniéturu: ―¡Jeka simí! 'Lige neka e'nénaturu 'lige uché bilé gawé etéturu ne. Alué gaweka chókame kéturu, 'lige bilé rió napu gawé aségame ke o'kame kéturu ri'ligó 'lige senteno pesárala.
30868	REV 6:7	'Lige pe nujubapi etiáturu ne alué Bo'á Ranala gojínachi uché bilé selá alué apeli kabítigame na'chuchárigame, 'lige alué uché bilé ajágame napu uchuke alé noligá alé nasipa ajtígame sía ilígichi regá aniéturu: ―¡Jeka simí!
30908	REV 8:13	'Lige yati neraga, etéturu ne 'pa rewagáchimi 'mame i'nisia bilé a'wé, 'lige regá aniéturu alué a'wé: ―¡Asíriga enáriga resí ikimela ralámuli jena wijchimoba mochígame, alué napu ekí 'we cha nokame ju, bakiá gastigo narémala ralámuli 'we cha nokame! ¡Napu'lige alué uché jaré bakiá santo ánjeli buchesa trompeta, a'lige resí ikimela alué ralámuli jena wijchimoba mochígame, alué napu 'we cha nokame ju!
31090	REV 19:4	'Lige alué bilé liá na naó e'wélala 'lige alué naó ajágame i'kilí chojkóbaka uchúpaturu wijchí, 'lige regá aniéturu: ―¡Alarigá ju! ¡Onorúgame bi'neli Wa'lula ju, napu bi'neli neyúriga wa'lú a'walí nígame ju!
31096	REV 19:10	'Liko chojkóbisiga ilíbaturu ne alé o'wemi 'we 'la niraga napurigá bilé wa'lula. 'Lige alué santo ánjelika anéturu ne'chí: ―¡Tase chojkóbapua o'weka ne ilígichi napugiti neka pe nóchame kame Onorúgame nochálilachi pe a'chigóriga napurigá mué 'lige napurigá uché jaré 'la oyérame Onorúgame 'lige napu 'la e'wame ju napu nulale Esusi! 'Mi a'minami 'nalina 'la chojkóbaka iliboa napu ajtí Onorúgame. Alué Esukristo ra'ichálila 'we 'la gu'írime kame ralámuli. Ne ra'ichálila tabilé najté.
31169	REV 22:20	Alué Esusi napu ruwí suwábaga ye ra'íchali, regá aní: ―Pe yati ku nawama olá ne. 'Lige ne Juánika aní: ―¡Alarigá júpá, yati ku nawawa mué Wa'lula Esusi!