| 23288 | MAT 4:10 | जमाहेन्से येशूसे थेदा “शैतान, ए चुग्याम तुरुन्तन निउ! तिग्दा भिसम बचनरी ‘एसे ह्राङला परमप्रभु परमेश्वरदा फ्या लउ, ओच्छे थेदा जे तेन्गो’ भिसी भ्रिबा मुला” भिसी सुङ्जी। |
| 23379 | MAT 6:28 | “तिग्दा एनीगदेसे क्वान्ना लागिरी धन्दा सुर्दा लबा? ह्रिरी सार्बा म्हेन्दोदा च्यागो, थेसे गेएनोन आलमुला, क्वानएनोन आरामुला। तसैनोन थे खाह्रङ् लसी ल्हेमुला! |
| 23470 | MAT 9:22 | फ्लिक दोःसी च्यामा येशूसे थे म्रिङम्हेमेदा म्राङ्जी। ओच्छे येशूसे थेदा “भङ लउ, माइ! एला विश्वाससे लमा ए खम्बा मुला” भिसी सुङ्मैछ्याम थे म्रिङम्हेमे खम्जी। |
| 23547 | MAT 11:19 | परमेश्वरसे पुइखबा म्हि चा चबा थुङ्बा लसी भ्रजी। थेतबासेलमा म्हिगदेसे ङादा ‘च्यागो, ल्हानान चबा स्हेदेन ल्हानान निङगु कासी ङ्य्होइसी भ्रबा, तिरो दुइबादेन पापीगदेला ह्रो’ भिसी भिमुला! तर परमेश्वरला बुद्धिग्याम गे लबा म्हिदा थेसे लबा गेगदेग्यामसेन थे ठीक हिन्ना भिसी था याङ्ला।” |
| 23551 | MAT 11:23 | कफर्नहुमला म्हिगदे, तिग एनीगदे स्वर्गरीन धोला भिसी म्हन्मुला? आधो! एनीगदेदा मी नर्गरी भ्याङ्ला। तिग्दा भिसम एनीगदेला गुङरी लबा उदेकला गेगदे सदोमरी लबा हिन्सम थे नाम्सा तिनीधोना चिसेला मुबा। |
| 23692 | MAT 14:26 | चेलागदेसे येशू समुन्द्रथोरी भ्रसी फेप्खबान लबा म्राङ्सी “चु मी म्हङनोन हिन्ना!” भिसी थेनीगदे लोङ्सी क्रिङ्जी। |
| 23695 | MAT 14:29 | येशूसे “लु, खउ!” भिसी सुङ्माहेन्से पत्रुस दोँगाग्याम फाप्सी येशू मुबा ग्लारी निबारी समुन्द्रथोरी भ्रबारी छ्याइजी। |
| 23749 | MAT 16:8 | येशूसे चु ताम था याङ्सी, “एनीगदे खाह्रङ्बा विश्वास आरेबा म्हिगदे! एनीगदेसे ह्राङदेन छ्याम गेङ आरे भिसी तिग्दा ताम लसी चिबा? |
| 23763 | MAT 16:22 | चु ताम थेःमाहेन्से पत्रुससे येशूदा जजाकी क्याथाङ भोर्सी “प्रभु, ह्राङदा परमेश्वरसे खाइमै चुह्रङ् तआपुङ्गै, ह्राङदा चुह्रङ् खाइमै आत!” भिसी बङ्जी। |
| 23764 | MAT 16:23 | तर येशू फ्लिक दोःसी पत्रुसदा “ङादा कोल्ना लबारी म्हाइबा शैतान, ए चुग्याम थोन्सी निउ! तिग्दा भिसम एसे परमेश्वरसे सुङ्बा तामदा भन्दा म्हिगदेला तामदा सेम लमुला” भिसी सुङ्जी। |
| 23818 | MAT 18:22 | येशूसे थेदा चुह्रङ् भिसी जोहाब पिन्जी, “निसरेमधोना जे आहिन, एसे थेदा सदन माफ लउ! |
| 23891 | MAT 20:30 | ग्यामला कुनीरी चिबा मी आम्राङ्बा म्हि न्हीसे येशू थेनोन ग्याम फेप्बान लबा ताम था याङ्सी “प्रभु, दाऊद ग्लेला सन्तान! ङन्दा दया लउ” भिसी क्रिङ्बान भिजी। |
| 23953 | MAT 22:12 | थेदा म्राङ्सी, ‘ओहो, ह्रो!, ए मी ब्याहरी क्वान्तोःबा क्वान आक्वान्ना चुरी खाह्रङ् लसी खजी?’ भिसी ङ्योइमा, थे म्हिसे तिगै जोहाब पिन्आखम्नी। |
| 24045 | MAT 24:19 | थे धुइरी जिउ न्हीला म्रिङम्हेमेदेन कोलादा ङ्हे ख्वाबा आमागदेदा झन गाते ल्हानान दुख तला! |
| 24111 | MAT 25:34 | “जमाहेन्से ङाइ ह्राङला दाहिनेपट्टि मुबा म्हिगदेदा चुह्रङ् भिसी भिला, ‘ङाला आबा परमेश्वरग्याम मोलम याङ्बा म्हिगदे! जम्बुलिङ छ्यामाहेन्सेन एनीगदेला लागिरी स्होसी थान्बा य्हुल्सारी खसी चिउ। |
| 24118 | MAT 25:41 | “दोःसी ङाइ ह्राङला देब्रेपट्टि मुबा म्हिगदेदा चा चुह्रङ् भिसी भिला, ‘नाश तसी निबा म्हिगदे, दाहेन्से एनीगदे शैतानदेन थेला दूतगदेला लागिरी स्होबा खाइमै आसिबा मेरी निउ! |
| 24149 | MAT 26:26 | थेनीगदे भोज चबान लबा धुइरी येशूसे गेङ थोसी परमेश्वरदा धन्यवाद पिन्जी। ओच्छे थे गेङ क्युइसी चेलागदेदा “ना! चु चउ, चु ङाला ल्हुइ हिन्ना” भिसी सुङ्जी। |
| 24150 | MAT 26:27 | जमाहेन्से येशूसे खोरेरी मुबा अङगुरला निङगु थोसी परमेश्वरदा धन्यवाद पिन्सी, चेलागदेदा चुह्रङ् भिसी सुङ्जी, “ना! एनीगदे जम्मासेन चु थुङ्गो। |
| 24169 | MAT 26:46 | रेःगो, निइ! च्यागो, ङादा स्य्हान्दोला यारी जिम्मा पिन्बा म्हि खसी जिन्बा मुला।” |
| 24220 | MAT 27:22 | जमाहेन्से पिलातससे थेनीगदेदा “थेह्रङ् भिसम थार्बा पिन्बा ख्रीष्ट भिबा येशूदा ङाइ तिग लउ?” भिसी ङ्योइमा, थेनीगदे जम्मासेन “चुदा क्रुसरी टाँगब लसी साइगो!” भिसी भिजी। |
| 24240 | MAT 27:42 | “चुसे स्य्हान्दो म्हिदा चा जोगब लजी, तर ह्राङसे ह्राङदान चा जोगब लबारी आखम्नी। चु इस्राएलीगदेला ग्ले आहिन! थे दान्देन क्रुसग्याम मार फाप्सी खगै। जमाहेन्से ङन्से थेदा विश्वास लला। |
| 24309 | MRK 1:25 | येशूसे थे म्हङदा बङ्सी, “कुटिसी चिउ! थे म्हिग्याम थोन्सी निउ!” भिसी |
| 24433 | MRK 4:41 | ओच्छे चेलागदे उदेक म्हन्सी लोङ्बान, “चु खाल? लाबालुङसरदेन समुन्द्रला छालसेएनोन थेसे कुल्बा ताम ङ्यान्बा चीम!” भिसी थेनीगदे ह्राङ ह्राङ न्हङरी ताम लबारी छ्याइजी। |
| 24602 | MRK 8:33 | तर येशू स्य्हान्दो चेलागदेपट्टि फ्लिक दोःसी थेनीगदेदा स्हीबान पत्रुसदा “शैतान ए चुग्याम थोन्सी निउ! एसे म्हन्बा ताम परमेश्वरला आहिन, म्हिला हिन्ना” भिसी बङ्जी। |
| 24632 | MRK 9:25 | म्हिला हुल ह्राङ मुबापट्टि यार्बान खबा म्राङ्सी येशूसे म्हङदा “ताइधोना लबादेन नाब्यङ थेःना आलबा म्हङ ए थे कोलाला ल्हुइग्याम थोन्सी निउ! दोःसी खाइमै चु कोलाला ल्हुइरी थावाङ्गो” भिसी बङ्जी। |
| 24704 | MRK 10:47 | नासरतला येशू खबा थेःसी थेसे “दाऊद ग्लेला सन्तान येशू, ङादा दया लउ!” भिसी क्रिङ्बारी छ्याइजी। |
| 24705 | MRK 10:48 | ल्हानान म्हिगदेसे थेदा “कुटिसी चिउ” भिसी बङ्जी। तर झन थेसे “दाऊद ग्लेला सन्तान येशू, ङादा दया लउ!” भिसी क्रिङ्बान भिजी। |
| 24706 | MRK 10:49 | येशू थेन तसी, “थेदा चुरी ङ्योइगो!” भिसी सुङ्जी। ओच्छे थेनीगदेसे थे मी आम्राङ्बा म्हिदा ङ्योइसी, “भङ लउ, एदा येशूसे ङ्योइबान मुला, योनान रेःसी खउ।” भिसी भिजी। |
| 24803 | MRK 13:17 | थे धुइरी जिउ न्हीला म्रिङम्हेमेदेन कोलादा ङ्हे ख्वाबा आमागदेदा झन गाते ल्हानान दुख तला! |
| 24845 | MRK 14:22 | थेनीगदेसे चबान लबा धुइरी येशूसे यारी गेङ किन्सी परमेश्वरदा धन्यवाद पिन्बान प्रार्थना लजी। ओच्छे गेङ क्युइसी चेलागदेदा पिन्बान, “ना! चु ङाला ल्हुइ हिन्ना” भिसी सुङ्जी। |
| 24865 | MRK 14:42 | रेःगो, निइ! च्यागो, ङादा स्य्हान्दोला यारी जिम्मा पिन्बा म्हि खसी जिन्बा मुला।” |
| 24906 | MRK 15:11 | तर परमेश्वरला मन्दिररी पूजा लबा मुल म्हिगदेसे स्य्हान्दो म्हिगदेदा थीसी, “येशूदा आहिन, बारब्बादा ख्लासी पिन्गो!” भिपुङ्जी। |
| 24908 | MRK 15:13 | “चुदा क्रुसरी टाँगब लसी साइगो!” भिसी यहूदीगदे क्रिङ्बारी छ्याइजी। |
| 24926 | MRK 15:31 | थेह्रङ् लसीन परमेश्वरला मन्दिररी पूजा लबा मुल म्हिगदेदेन यहूदी धर्मगुरुगदेसेएनोन थेनीगदे ह्राङ ह्राङ न्हङरी, “चुसे स्य्हान्दोदा चा जोगब लखम्जी। तर ह्राङसे ह्राङदा चा जोगब लआखम्नी। चु इस्राएलीगदेला ग्ले थार्बा पिन्बा ख्रीष्ट क्रुसग्याम मार फाप्सी खगै, ओच्छे जे य्हाङसे थेदा विश्वास लला!” भिसी ठट्टा लजी। ओच्छे येशूदेन छ्याम क्रुसरी टाँगब लबा म्हिगदेसेनोन येशूदा खिसी लजी। |
| 24948 | MRK 16:6 | तर थे भ्योन म्हिसे थेनीगदेदा “थालोङ्गो! क्रुसरी साइबा नासरतला येशूदा एनीगदेसे म्हाइबान मुला भिबा ताम ङादा था मुला। थेदा सिबाग्याम सोना लसी जिन्बा मुला। येशू चुरी आरे। एनीगदेन खसी थेदा थान्बा ग्ला च्यागो। |
| 25030 | LUK 1:68 | “इस्राएलीगदेला परमप्रभु परमेश्वरला जयजयकार तगै तिग्दा भिसम परमेश्वर फेप्खसी ह्राङला म्हिगदेदा ह्रो लसी पापग्याम फेबा मुला! |
| 25052 | LUK 2:10 | तर स्वर्गदूतसे थेनीगदेदा “थालोङ्गो! तिग्दा भिसम ङाइ एनीगदेला लागिरी थार्बा पिन्बा समाचार भसी खबा मुला। चु समाचार जम्मान म्हिगदेला लागिरी हिन्ना। |
| 25056 | LUK 2:14 | “स्वर्गरी धन्छ्याबा परमेश्वरला जयजयकार, जम्बुलिङरी जुन म्हिदा परमेश्वरसे धम्बा मुला थेनीगदेदा शान्ति तगै!” |
| 25167 | LUK 4:35 | चुह्रङ् भिबा थेःसी येशूसे थे म्हङदा बङ्बान, “कुटिसी चिउ! थे म्हिग्याम थोन्सी निउ!” सुङ्मैछ्याम थे म्हिदा जम्मान म्हिला ओन्छाङरी लछार पछार लसी थोन्सी निजी, तर थे म्हिदा तिगै आतनी। |
| 25168 | LUK 4:36 | चु म्राङ्सी जम्मान म्हिगदे उदेक म्हन्सी, “चु म्हिला बोली बचनरी खाह्रङ्बा अधिकार चीम, थेला अधिकारदेन शक्तिसे कुल्मैछ्याम म्हङगदे थोन्सी यार्बा चीम!” भिसी भिजी। |
| 25190 | LUK 5:14 | जमाहेन्से येशूसे थेदा “च्यागो, एसे चु ताम खालैदा थापाङ्गो! बरु ए निसी परमेश्वरला मन्दिररी पूजा लबा म्हिदा उन्गो। ओच्छे एला कोरे म्हाजी भिसी म्हिगदेसे था याङ्बाला लागिरी परमेश्वरसे मोशादा पिन्बा ठिमसे कुल्बा अन्छार बलि फुल्गो” भिसी कुल्जी। |
| 25207 | LUK 5:31 | येशूसे थेनीगदेदा “खम्बा म्हिदा डाक्टर आतोः, तर आखम्बा म्हिदा जे डाक्टर तोःला! |
| 25225 | LUK 6:10 | ओच्छे येशूसे ह्राङला क्युर्सीन मुबा म्हिगदेदा स्हीसी थे या खर्बा मुबा म्हिदा “एला या तन्गब लउ!” भिसी सुङ्जी। ओच्छे थेसे या तन्गब लमैछ्याम थेला या खम्जी। |
| 25298 | LUK 7:34 | परमेश्वरसे पुइखबा म्हि चा चबा थुङ्बा लसी भ्रजी। थेतबासेलमा म्हिगदेसे ङादा ‘च्यागो, ल्हानान चबा स्हेदेन ल्हानान निङगु कासी ङ्य्होइसी भ्रबा, तिरो दुइबादेन पापीगदेला ह्रो’ भिसी भिमुला! |
| 25408 | LUK 9:38 | ओच्छे थे म्हिला हुल न्हङग्याम म्हि गिकसे क्रिङ्बान भिजी, “गुरु, ङाला झादा च्यासी पिन्गो, तिग्दा भिसम चु ङाला गिक जेन झा हिन्ना! |
| 25447 | LUK 10:15 | कफर्नहुमला म्हिगदे, तिग एनीगदे स्वर्गरीन धोला भिसी म्हन्मुला? आधो! एनीगदेदा मी नर्गरी भ्याङ्ला।” |
| 25503 | LUK 11:29 | येशूला क्युर्नोन म्हिला हुल तमाहेन्से येशूसे थेनीगदेदा चुह्रङ् भिसी सुङ्जी, “एनीगदे दान्देला म्हिगदे खाह्रङ्बा नइबा म्हि! उदेकला चिनु जे म्हाइबा। तर योना अगमवक्ताला चिनु बाहेक अर्गु चिनु आउन। |
| 25552 | LUK 12:24 | एनीगदेसे कावागदेदा च्यागो! थेनीगदेसे न्ह कमाइ लला, न्ह बाली धुइला, न्ह थेनीगदेला ढुकुटीन मुला। तसैनोन परमेश्वरसे थेनीगदेदा चबा स्हे पिन्बान मुला। एनीगदे मी चरागदे भन्दा ल्हानान घ्रेन मुला। |
| 25560 | LUK 12:32 | दोःसी येशूसे चुह्रङ् भिसी सुङ्जी, “ङाला कोलागदे, एनीगदे थालोङ्गो! तिग्दा भिसम एनीगदेला परमेश्वर आबा ल्हानान ताङ्सी एनीगदेदा थेसे ह्राङला य्हुल्सा पिन्बारी छ्याइबा मुला। |
| 25620 | LUK 13:33 | ओच्छे तिनी, न्हङगर, रेनीकुनुधोनारी ङा यरूशलेम शहररी धोनोन तोःला। तिग्दा भिसम यरूशलेम शहररी बाहेक अर्गु ग्लारी अगमवक्तादा आसाइ! |
| 25645 | LUK 14:23 | मालिकसे ‘ए शहरला मुल ग्यामदेन गल्ली गल्लीरी निसी म्हिगदेदा कर लसी भसी खउ। तिग्दा भिसम ङाला दिम नाङनोन म्हिगदे तगै! |
| 25723 | LUK 17:3 | थेतबासेलमा ह्राङला लागिरी होशियार तसी चिउ! एला आलेसे पाप लजी भिसम थेदा बङ्गो। ओच्छे थेसे ङाइ लबा पाप ख्लाला भिजी भिसम थेदा माफ लउ। |
| 25805 | LUK 19:5 | थेरी धोखमाहेन्से येशूसे तोरपट्टि स्हीसी जखायसदा “जखायस, ए योना मार फाप्सी खउ! तिग्दा भिसम तिनी ङा एला दिमरी चितोःबा मुला” भिसी सुङ्जी। |
| 25817 | LUK 19:17 | जमाहेन्से थे म्हिसे थेदा ‘स्याबास! ए ङाला ज्यबा नोकर हिन्ना! तिग्दा भिसम एसे ङादा जजा तामरी विश्वास उन्जी। थेतबासेलमा ङाइ एदा शहर च्युइरी शासन लबा अधिकार पिन्ना’ भिसी भिजी। |
| 25822 | LUK 19:22 | थे शासन लबा म्हिसे थेदा ‘गे आखेल्बा नोकर! एला तामग्यामसेन ङाइ ए गे आखेल्बा चीम भिसी निसाफ लला। ङाइ व्यापार आलबा ग्लारी नाफा म्हाइमुला ओच्छे तिगै आढ्वबा ग्लारी बाली दुइबारी म्हाइबा खरो म्हि भिसी एदा थानोन चीम। |
| 25842 | LUK 19:42 | “यरूशलेमला म्हिगदे, तिनी शान्तिला लागिरी तिग तोःला भिसी था याङ्बा हिन्सम तसेला, तर एनीगदेसे था आयाङ्नी! |
| 25886 | LUK 20:38 | परमेश्वर सिबागदेला परमेश्वर आहिन, तर सोबागदेला परमेश्वर हिन्ना! थेतबासेलमा परमेश्वरला लागिरी जम्मान सोबा मुला।” |
| 25900 | LUK 21:5 | तिरेकुनु चेलागदेसे, “ज्यबा ज्यबा युङबादेन म्हिगदेसे फुल्बा भेटीगदेग्याम जेना लसी स्होबा चु परमेश्वरला मन्दिर गाते जेबा!” भिसी ताम लबान मुबा। तर येशूसे थेनीगदेदा, |
| 25918 | LUK 21:23 | थे धुइरी जिउ न्हीला म्रिङम्हेमेदेन कोलादा ङ्हे ख्वाबा आमागदेदा झन गाते ल्हानान दुख तला! ओच्छे य्हुल्सा नाङनोन ल्हानान दुख तला। चु य्हुलला म्हिगदेदा परमेश्वरसे ल्हानान सजाय पिन्ना। |
| 26025 | LUK 23:21 | तर थेनीगदे जम्मासेन, “चुदा क्रुसरी टाँगब लसी साइगो, क्रुसरी साइगो!” भिसी क्रिङ्बाला क्रिङ्बान लजी। |
| 26066 | LUK 24:6 | येशू चुरी आरे। थेदा सिबाग्याम सोना लसी जिन्बा मुला! येशू गालीलरी मुबा धुइरी एनीगदेदा तिग भिसी सुङ्बा मुबा थे ताम एनीगदेसे ढन्गो। |
| 26142 | JHN 1:29 | न्हङगरदङ येशू ह्राङ मुबा ग्लारी फेप्खबान लबा म्राङ्सी यूहन्नासे चुह्रङ् भिजी, “च्यागो, जम्बुलिङरी मुबा जम्मान म्हिदा पापग्याम फेबा परमेश्वरसे पुइखबा ग्ले! |
| 26149 | JHN 1:36 | येशू फेप्बान लबा म्राङ्सी यूहन्नासे, “च्यागो, परमेश्वरसे पुइखबा ग्ले!” भिसी पाङ्जी। |
| 26181 | JHN 2:17 | थे धुइरी येशूला चेलागदेसे परमेश्वरला बचनरी, “परमेश्वर! ह्राङला दिमला लागिरी ङाइ लबा मायासे लमा ङा सिबा तेबान तबा मुला” भिसी भ्रिबा ताम ढन्जी। |
| 26239 | JHN 4:14 | तर जुन जुन म्हिसे ङाइ पिन्बा क्युइ थुङ्ला थे म्हिदा दोःसी क्युइ आफुइ। ङाइ थेदा जुन क्युइ पिन्ना, थे क्युइ चा थेला लागिरी जुकजुकधोनाला जुनी पिन्बा क्युइला मुहान दोला!” भिसी सुङ्जी। |
| 26325 | JHN 5:46 | च्यागो, एनीगदेसे मोशादा विश्वास लबा हिन्सम दान्दे ङादाएनोन विश्वास लसेला मुबा। तिग्दा भिसम थेसे ङालान बारेरी भ्रिबा मुबा! |
| 26359 | JHN 6:33 | तिग्दा भिसम परमेश्वरसे पिन्बा गेङ चा चुनोन हिन्ना, थे स्वर्गग्याम खसी जम्बुलिङला म्हिगदेदा जुनी पिन्मुला!” |
| 26402 | JHN 7:5 | तिग्दा भिसम येशूला आलेगदेसेनोन येशूदा विश्वास आलमुबा! |
| 26423 | JHN 7:26 | च्यागो, आलोङ्नान चुसे जम्मादान लोप्बान मुला, तर चुदा थेनीगदेसे तिगै आपाङ्नी! ङन्ना नेतागदेसेनोन चुनोन थार्बा पिन्बा ख्रीष्ट हिन्ना भिसी पक्कान था याङ्जी कि तिग? |
| 26539 | JHN 9:30 | जमाहेन्से थेसे थेनीगदेदा चुह्रङ् भिसी भिजी, “चु खाह्रङ्बा उदेकला ताम! येशूसे ङाला मी खम्ना लजी। तर ह्राङनीसे चा येशू खानङग्याम फेप्खजी भिबा ताम ङन्दा था आरे। |
| 26571 | JHN 10:21 | तर स्य्हान्दो म्हिगदेसे चा “म्हङसे स्याप्बा म्हिसे चुह्रङ्बा ताम लबारी आखम! तिग म्हङसे स्याप्बा म्हिसेनोन काना म्हिला मी खम्ना लबारी खम्ला?” भिसी पाङ्बान मुबा। |
| 26899 | JHN 19:5 | येशू पुजुला फेटादेन वाला वाला पिङगै छोनना क्वान क्वान्सीन मङग्यार फेप्खजी। जमाहेन्से पिलातससे थेनीगदेदा “लु, च्यागो, चु म्हिदा!” भिसी भिजी। |
| 26900 | JHN 19:6 | परमेश्वरला मन्दिररी पूजा लबा मुल म्हिगदेदेन सिपाहीगदेसे येशूदा म्राङ्मैछ्याम “चुदा क्रुसरी टाँगब लसी साइगो, क्रुसरी साइगो!” भिसी क्रिङ्बाला क्रिङ्बान लजी। जमाहेन्से पिलातससे थेनीगदेदा “चु म्हिदा एनीगदेसेन भोर्सी क्रुसरी टाँगब लउ, तिग्दा भिसम चु म्हिदा सजाय पिन्तोःबा तिगै दोष ङाइ आस्याप्नी” भिसी भिजी। |
| 26938 | JHN 20:2 | जमाहेन्से थे थेग्याम यार्बान सिमोन पत्रुसदेन येशूसे माया लबा चेला मुबा ग्लारी निसी, “थेनीगदेसे य्हाङला प्रभुदा धुर्साग्याम भोर्जीम! तर खानङ भोर्सी थान्जी भिबा ङन्दा था आरे” भिसी भिजी। |
| 26952 | JHN 20:16 | येशूसे थेदा “मरियम!” भिसी ङ्योइमा, फ्लिक दोःसी थेसे येशूदा, हिब्रू ग्योइरी “रब्बोनी” भिसी भिजी। “रब्बोनी” भिबा चा “ङाला गुरु” भिबा हिन्ना। |
| 26957 | JHN 20:21 | जमाहेन्से येशूसे दोःसीनोन थेनीगदेदा “एनीगदेदा शान्ति तगै! ङाला आबासे ङादा पुइखबा ह्रङ् लसी ङाइएनोन एनीगदेदा पुइबान मुला” भिसी सुङ्जी। |
| 26962 | JHN 20:26 | साता गिक लिच्छाएनोन चेलागदे दिमरीन म्राप ढुङ्सी चिबा मुबा। जमा चा थोमाएनोन थेनीगदेदेन छ्यामनोन मुबा। तर येशू थेनीगदे मुबा ग्लारी फेप्खसी थेनीगदेला गुङरी राप्सी धन्छ्याजी, ओच्छे “एनीगदेदा शान्ति तगै!” भिसी सुङ्जी। |
| 26964 | JHN 20:28 | थेनोन धुइरी थोमासे येशूदा “ङाला प्रभुदेन परमेश्वर!” भिसी भिजी। |
| 27026 | ACT 2:8 | तर चुगदेसे खाह्रङ् लसी य्हाङ ह्राङ ह्राङला ग्योइ पाङ्खम्जी! |
| 27071 | ACT 3:6 | जमाहेन्से पत्रुससे “ङादेन छ्याम म्हरदेन म्हुइ आरे। तर ङादेन छ्याम तिग मुला थे ङाइ एदा पिन्ना। नासरतला येशू ख्रीष्टला मिनरी ए रेःसी भ्रउ!” भिसी भिजी। |
| 27331 | ACT 10:3 | तिरेकुनु थेसे धिनना तीन बजेरीक्यार प्रार्थना लबा धुइरी परमेश्वरला स्वर्गदूत गिक ह्राङ मुबा ग्लारी खबा म्राङ्जी। ओच्छे स्वर्गदूतसे थेदा “कर्नेलियस!” भिसी ङ्योइबा थेःजी। |
| 27428 | ACT 12:22 | जमाहेन्से म्हिगदेसे “चु काइ मी लला काइ हिन्ना, म्हिला आहिन!” भिसी क्रिङ्जी। |
| 27472 | ACT 13:41 | अगमवक्तागदेसे चुह्रङ् भिसी पाङ्बा मुबा, ‘परमेश्वरसे सुङ्बा तामदा हेला लबागदे, उदेक तसी सिउ! एनीगदेला धुइरी ङाइ गे गिक लला, थे गेला बारेरी खालैसे पाङ्सी पिन्सैनोन एनीगदेसे खाइमै विश्वास आल।’” |
| 27498 | ACT 14:15 | “म्हिगदे! ह्राङनीसे तिग्दा चुह्रङ्बा गे लबा? ङनीएनोन ह्राङनी ह्रङ्बान दुख सुख नासी भ्रबा म्हिगदे हिन्ना, ओच्छे चुह्रङ्बा नइबा गेगदे ख्लासी स्वर्गदेन जम्बुलिङ ओच्छे समुन्द्रदेन थेरी मुबा जम्मान स्हेगदे स्होबा छोन्बो परमेश्वरपट्टि दोःगै भिसी ह्राङनीदा सत्य ताम पाङ्बारी ङनी थार्बा पिन्बा समाचार भसी खबा हिन्ना। |
| 27805 | ACT 23:3 | जमाहेन्से पावलसे थेदा “ह्राङसे ह्राङदान ज्यबा म्हन्बा म्हि! च्यागो, एदाएनोन परमेश्वरसे सजाय पिन्ना। ए मोशासे पिन्बा ठिम अन्छार ङाला निसाफ लबारी चिसीनोन मोशाला ठिमदा ख्लासी एसे ङादा तोउ भिसी कुल्बा?” भिसी भिजी। |
| 27828 | ACT 23:26 | “माननीय अञ्चलाधीश फेलिक्सदा क्लौडियस लुसियसग्याम फ्याफुल्ला! |
| 28237 | ROM 9:14 | थेह्रङ् भिसम य्हाङसे तिग पाङ्तोःबा? तिग परमेश्वरसेनोन अन्याय लला? पक्कान आल! |
| 28278 | ROM 11:1 | थेह्रङ् भिसम ङाइ एनीगदेदा ङ्योइला, “तिग परमेश्वरसे ह्राङला म्हिगदेदा ख्लाबा हिन्ना?” पक्कान आहिन! तिग्दा भिसम ख्रीष्टदा विश्वास लबा ङाएनोन अब्राहामला वंशरी न्हबा बेन्यामीनला सन्तान इस्राएली हिन्ना। |
| 28310 | ROM 11:33 | ओहो, परमेश्वरला दया गाते ल्हाना! थेला ज्ञान बुद्धि गाते घ्रेन! ओच्छे थेसे पक्का लसी जिन्बा ताम खाल्से घोखम्ला? थेला ग्याम खालैसेन म्राङ्बारी आखम! |
| 28432 | 1CO 1:1 | लास्सो, परमेश्वरसे म्हन्बा अन्छार ख्रीष्ट येशूला मुल चेला दोबारी धम्बा ङा पावलदेन य्हाङला आले सोस्थेनेसग्याम फ्याफुल्ला! |
| 28550 | 1CO 6:15 | एनीगदेला ल्हुइ ख्रीष्टला या काङ ह्रङ्बान हिन्ना भिबा ताम एनीगदेदा था आरे? थेह्रङ् भिसम तिग ङाइ ख्रीष्टला छ्यादेन स्य्हापदा भोर्सी बेश्यादेन छ्याम ब्रेल्बारी तला? आत, चु तनोन आखम्बा ताम हिन्ना! |
| 28818 | 1CO 15:32 | म्हिसे म्हन्बा अन्छार जे एफिसस शहररी ङा ह्रि जन्तुदेन छ्याम छेबा तामसे ङादा तिग फाइदा तला? चुदे सिबागदे दोःसी आसो भिसम म्हिगदेसे पाङ्बा ह्रङ्नोन “य्हाङएनोन चबा थुङ्बा लइ, तिग्दा भिसम न्हङगर मी य्हाङ सिनोन सिला!” |
| 28822 | 1CO 15:36 | मूर्ख म्हि! एसे जुन स्हेला ब्लु ढ्वला थे ब्लु आनइतेधोना आफुइ। |
| 28866 | 1CO 16:22 | जुन म्हिसे प्रभुदा माया आल थेसे परमेश्वरग्याम सजाय याङ्गै। प्रभु, ह्राङ फेप्खउ! |
| 29126 | GAL 1:2 | चुरी ङादेन छ्याम मुबा जम्मान ज्योज्यो आलेगदेदेन ङाग्याम गलातिया अञ्चलरी मुबा मण्डलीगदेदा फ्याफुल्ला! |
| 29274 | EPH 1:1 | लास्सो, एफिससरी मुबा जम्मान परमेश्वरला म्हिगदेदा ङा पावलग्याम फ्याफुल्ला! ङा परमेश्वरसे ख्रीष्ट येशूला गे लबाला लागिरी धम्बा मुल चेला हिन्ना। एनीगदे, ख्रीष्ट येशूदा सदन विश्वास लसी चिबागदेदा, |
| 29385 | EPH 5:14 | थेतबासेलमा चुह्रङ् भिसी पाङ्बा मुला, “म्हेर्बागदे छोर्गो, ओच्छे सिबाग्याम रेःगो! ख्रीष्टसे एनीगदेदा य्हाल तना लला।” |
| 29429 | PHP 1:1 | लास्सो, ख्रीष्ट येशूदा तेन्बा ङा पावलदेन तिमोथीग्याम फिलिप्पीरी मुबा ख्रीष्ट येशूदा विश्वास लबा परमेश्वरला म्हिगदेदेन मण्डलीदा च्याबा म्हि ओच्छे मण्डलीरी ह्रो लबागदेदा फ्याफुल्ला! |
| 29533 | COL 1:1 | लास्सो, कलस्सेरी मुबा परमेश्वरला म्हिगदेदा परमेश्वरसे ह्राङला समाचार थेःना लबारी धम्बा ङा ख्रीष्ट येशूला मुल चेला पावलदेन य्हाङला आले तिमोथीग्याम फ्याफुल्ला! थेरी मुबा परमेश्वरला म्हिगदे ख्रीष्टदेन छ्याम गिक तबा विश्वासी ज्योज्यो आले नाना आङागदेदा य्हाङला परमेश्वर आबादेन ख्रीष्ट प्रभुग्याम दयामायादेन शान्ति तगै। |
| 29628 | 1TH 1:1 | लास्सो थेसलोनिकेरी मुबा जम्मान विश्वासीगदेदा ङा पावलदेन सिलास ओच्छे तिमोथीग्याम फ्याफुल्ला! एनीगदे जम्मासेन परमेश्वर आबादेन प्रभु येशू ख्रीष्टग्याम दयामायादेन शान्ति याङ्गै। |