| 23249 | MAT 2:11 | दिम न्हङरी वाङ्मा थेनीगदेसे लैनु येशूदा थेला आमा मरियमदेन छ्याम म्राङ्जी, जमाहेन्से थेनीगदेसे येशूदा फ्या लसी ह्राङ ह्राङला बाकस ठोङ्सी म्हर, ज्यबा बास्ना खबा धूपदेन मूर्र भिबा महँगो अत्तर भसी फुल्जी। |
| 23265 | MAT 3:4 | यूहन्नासे ऊँटला क्राला क्वान क्वान्मुबा, ओच्छे ढिला पेटी खीमुबा। थेसे तिरीदेन ह्रि सिङसोरला खुदु चमुबा। |
| 23299 | MAT 4:21 | थेग्याम फेप्बान लमा येशूसे जब्दियाला झागदे याकूबदेन थेला आले यूहन्नादा म्राङ्जी। थेनीगदे ह्राङला आबादेन छ्याम दोँगारी घ्याङ राबान मुबा। येशूसे थेनीगदेदाएनोन ङ्योइजी। |
| 23300 | MAT 4:22 | येशूसे चुह्रङ् सुङ्मैछ्याम थेनीगदे दोँगादेन आबादा ख्लासी येशूदेन छ्याम भ्रजी। |
| 23437 | MAT 8:23 | जमाहेन्से येशू दोँगारी क्रेःजी, ओच्छे थेला चेलागदेएनोन थेदेन छ्यामनोन निजी। |
| 23438 | MAT 8:24 | निबान लमा तिक्खुरीन समुन्द्ररी घ्रेन लाबालुङसर खजी। ओच्छे समुन्द्ररी छाल रेःसी छालसे दोँगा प्लिङ्बारी छ्याइजी। तर थे धुइरी येशू चा स्हिम्बा मुबा। |
| 23449 | MAT 9:1 | जमाहेन्से येशू दोँगारी क्रेःसी क्यामसङपट्टि फेप्जी, ओच्छे ह्राङलान शहररी दोःसी फेप्खजी। |
| 23471 | MAT 9:23 | येशू थे नेताला दिमरी धोखमा थेरी बाँसुरी ह्राप्बा म्हिगदेदेन हल्ली खल्ली लसी चिबा म्हिगदे म्राङ्जी। |
| 23545 | MAT 11:17 | ‘ङन्से एनीगदेला लागिरी बाँसुरी ह्राप्सी पिन्जी, तर एनीगदे आस्य्हनी। ओच्छे ङन्से दुखला व्हाइ गोजी, तर एनीगदे आक्रानी।’ |
| 23610 | MAT 13:2 | ओच्छे थेरी म्हिला हुल मुबासेलमा येशू दोँगारी धन्छ्याजी। ओच्छे म्हिला हुल चा समुन्द्रला कुनीरीक्यार राप्सी चिजी। |
| 23640 | MAT 13:32 | पच्छैला गेडा ढापढुपगदे न्हङरी जम्मान भन्दा जजा तसैनोन थे फुइसी ल्हेबान निसी दोङनोन दोला। ओच्छे थे पच्छै दोङला हाँगारी चरागदे खसी जङ स्होसी चिला।” |
| 23679 | MAT 14:13 | बप्तिस्मा पिन्बा यूहन्नादा साइजी भिबा ताम थेःमाहेन्से येशू ह्राङ गिक जे दोँगारी क्रेःसी सुनसान ग्लारी फेप्जी। तर येशू थेग्याम सुनसान ग्लारी फेप्जी भिबा ताम थेःसी शहर शहरग्याम म्हिला हुल भ्रसीन येशू मुबा ग्लारी निजी। |
| 23688 | MAT 14:22 | जमाहेन्से येशूसे तुरुन्तन ह्राङला चेलागदेदा दोँगारी क्रेःसी क्यामसङपट्टि ह्राङ भन्दा ङाच्छा पुइजी। थे धुइरी येशूसे चा म्हिला हुलदा पुइबान लजी। |
| 23690 | MAT 14:24 | थे धुइरी चेलागदे क्रेःसी निबा दोँगा समुन्द्रला कुनीग्याम ल्हानान थारेङ धोसी जिन्बा मुबा। तसैनोन लाबा उल्टोग्याम खबासे लमा समुन्द्ररी छाल रेःसी थेनीगदेदा क्यामसङपट्टि निबारी गाह्रो तबा मुबा। |
| 23695 | MAT 14:29 | येशूसे “लु, खउ!” भिसी सुङ्माहेन्से पत्रुस दोँगाग्याम फाप्सी येशू मुबा ग्लारी निबारी समुन्द्रथोरी भ्रबारी छ्याइजी। |
| 23698 | MAT 14:32 | येशूदेन पत्रुस दोँगारी क्रेःमाहेन्से लाबा म्हाजी। |
| 23699 | MAT 14:33 | जमाहेन्से दोँगारी मुबा चेलागदेसे येशूदा फ्या लसी, “ह्राङ पक्कान परमेश्वरला झा हिन्ना” भिसी भिजी। |
| 23741 | MAT 15:39 | जमाहेन्से येशूसे जम्मान म्हिगदेदा पुइजी। ओच्छे येशू ह्राङला चेलागदेदेन छ्याम दोँगारी क्रेःसी मगादान भिबा नाम्सारीक्यार फेप्जी। |
| 23760 | MAT 16:19 | थेतबासेलमा ङाइ एदा स्वर्गला य्हुल्साला साँचोगदे पिन्ना। एसे जम्बुलिङरी जुन स्हे ढुङ्ला, थे स्हे स्वर्गरीनोन ढुङ्ला। ओच्छे एसे जम्बुलिङरी जुन स्हे ठोङ्ला, थे स्हे स्वर्गरीनोन ठोङ्ला” भिसी सुङ्जी। |
| 23855 | MAT 19:24 | दोःसी ङाइ एनीगदेदा पाङ्ला, फ्युक्पो म्हिदा परमेश्वरला य्हुल्सारी वाङ्बारी भन्दा ऊँटदा दापला मीग्याम वाङ्बारी सजिलो मुला।” |
| 23867 | MAT 20:6 | “पाँच बजेरीक्यार दोःसी थे दोप्ता बजाररी निमा गे आयाङ्ना चिबा म्हिगदे स्याप्जी। थेतबासेलमा थेसे थे म्हिगदेदा ‘एनीगदे तिग्दा गे आलना धिन गिक य्होङ्सी चिबा?’ भिसी भिमा, |
| 23870 | MAT 20:9 | जमाहेन्से पाँच बजेरी गे लबारी खबा म्हि खजी। थेनीगदेदा धिन गिकलान ज्याला पिन्जी। |
| 23871 | MAT 20:10 | पाँच बजेरी खबागदेदा धिन गिकला ज्याला पिन्बा म्राङ्सी स्य्होरी जम्मान भन्दा ङाच्छा खसी गे लबागदेसे चा य्हाङसे मी थे भन्दा ल्हानान याङ्ला तला भिसी म्हन्जी। तर थेनीगदेसेनोन धिन गिकला ज्याला जे याङ्जी। |
| 23880 | MAT 20:19 | ओच्छे थेदा अर्गु य्हुलला म्हिगदेला यारी जिम्मा पिन्ना। जमाहेन्से थेनीगदेसे थेदा खिसी लबान कोर्रासे तोबा ग्याङ्बा लसी क्रुसरी टाँगब लसी साइला। तर थेदा सोमरेमाकुनु सिबाग्याम सोना लला।” |
| 23928 | MAT 21:33 | “अर्गु उखानएनोन ङ्यान्गो, फ्युक्पो म्हि गिकसे वारीरी अङगुर सूसी क्युर्सीन पर्खाल लजी। ओच्छे अङगुर म्हर्बारी कोल स्होसी अङगुर वारी ख्रुङ्बारी नोबा छाप्रो गिक स्होजी। जमाहेन्से अधियाँरी पिन्सी थे अर्गु य्हुल्सारी निजी। |
| 23929 | MAT 21:34 | “अङगुर मिन्बा धुइ तमाहेन्से थे फ्युक्पो म्हिसे ह्राङला भो किन्बाला लागिरी अधियाँ लबागदे मुबा ग्लारी ह्राङला नोकरगदेदा पुइजी। |
| 23930 | MAT 21:35 | ओच्छे अधियाँ लबागदेसे थे फ्युक्पो म्हिला नोकर गिकदा चुङ्सी तोबा ग्याङ्बा लजी, गिकदा साइजी तर स्य्हान्दो गिकदा चा युङबासे तोजी। |
| 23933 | MAT 21:38 | तर थेदा खबान लबा म्राङ्सी अधियाँ लबागदेसे ‘चु मी य्हाङला धनीला झा हिन्ना, य्हाङसे थेदा साइगे। जमाहेन्से थेला सम्पत्ति य्हाङलान तला’ भिसी ह्राङ ह्राङ न्हङरी ताम लजी। |
| 23935 | MAT 21:40 | जमाहेन्से परमेश्वरला मन्दिररी पूजा लबा मुल म्हिगदेदेन यहूदी गन्बागदेदा येशूसे “दाहेन्से अङगुर वारीला धनी खसी थे अधियाँ लबा म्हिगदेदा तिग लला?” भिसी ङ्योइमा, |
| 23936 | MAT 21:41 | थेनीगदेसे “थे अङगुर वारीला धनीसे थेह्रङ्बा नइबा गे लबा म्हिगदेदा नाश लला। ओच्छे जुन म्हिसे अङगुर मिन्माहेन्से ह्राङला भो पिन्ना थेह्रङ्बा म्हिगदेदा अधियाँ पिन्ना” भिसी येशूदा जोहाब पिन्जी। |
| 23967 | MAT 22:26 | थेह्रङ् लसीन पाराङ साँजी लसी च्याङ्बाधोनासेन थेनोन चाङदेन छ्याम ब्याह लजी। |
| 23987 | MAT 22:46 | जमाहेन्से खालैसेन येशूदा जोहाब गिकनोन लआखम्नी। जमाकुनुहेन्से खालैसेन येशूदा तिगै ताम ङ्योइबा आँट आलनी। |
| 24010 | MAT 23:23 | “परमेश्वरग्याम सजाय याङ्तोःबा यहूदी धर्मगुरुदेन फरिसीगदे, एनीगदे मी कप्टीगदे हिन्ना। तिग्दा भिसम एनीगदेसे बाबरीदेन सोँप ओच्छे जिराला भो च्युइला भो गिक चा पिन्मुला। तर ठीक निसाफ, दयादेन विश्वासला बारेरी परमेश्वरसे मोशादा पिन्बा ठिमला मुल तामदा चा आङ्यान्मुला। तर एनीगदेसे चु गे न्हीनोन लतोःबा मुबा। |
| 24011 | MAT 23:24 | तर एनीगदेसे भुसुना ह्रङ्बा जजा स्हे चा म्राङ्बा, तर ऊँट ह्रङ्बा घ्रेन स्हेदा चा आम्राङ्बा, एनीगदे मी कानान हिन्ना। |
| 24021 | MAT 23:34 | थेतबासेलमा एनीगदेसे ङाला ताम ङ्यान्गो, दाहेन्से ङाइ अगमवक्तागदेदेन बुद्धि मुबा म्हिगदेदा ओच्छे सत्य ताम लोप्बा धर्मगुरुगदे एनीगदे मुबा ग्लारी पुइखला। थेनीगदेदा एनीगदेसे कोइदा साइला, कोइदा क्रुसरी टाँगब लसी साइला, कोइदा एनीगदे ह्रुप तबा दिमगदेरी भोर्सी कोर्रासे तोःला ओच्छे कोइदा शहर शहरग्याम ताप्ला। |
| 24028 | MAT 24:2 | तर येशूसे थेनीगदेदा चुह्रङ् भिसी सुङ्जी, “एनीगदेसे चु जम्मान म्राङ्बा मुला आहिन? च्यागो, एनीगदेसे ङाला ताम ङ्यान्गो, चु मन्दिरला युङबा गिकनोन बाँकी आचिना जम्मान फुप्ला” भिसी सुङ्जी। |
| 24058 | MAT 24:32 | “एनीगदेसे अञ्जीरला दोङदा च्यासी थेग्याम तिगै ताम लोप्गो। थेला हाँगागदेरी भा भुमैछ्याम छेप्बा छबा ला वाङ्जी भिसी एनीगदेसे था याङ्मुला। |
| 24125 | MAT 26:2 | “मिश्र य्हुल्साग्याम फेसी खबा धिनदा ढन्सी धङ्बा चाड खबारी न्हीरे जे मुला भिबा ताम एनीगदेदा थानोन मुला। थेनोन धुइरी परमेश्वरसे पुइखबा म्हिदा क्रुसरी टाँगब लबारी चुङ्सी म्हिगदेदा जिम्मा पिन्ना।” |
| 24130 | MAT 26:7 | सोल छ्योइबान लबा धुइरी म्रिङम्हेमे गिक सिङ्गमरमरला ताङरी ल्हानान महँगो अत्तर भसी येशू मुबा ग्लारी खजी। ओच्छे थेसे थे अत्तर येशूला थोबोरी युजी। |
| 24131 | MAT 26:8 | चुह्रङ् लबा म्राङ्सी येशूला चेलागदे बोमो खसी “चुह्रङ्बा महँगो अत्तर तिग्दा ओह्रङ्नोन खेरो भ्याङ्बा? |
| 24198 | MAT 26:75 | जमाहेन्से येशूसे “च्यागो, नागा क्राबा भन्दा ङाच्छा सोमरेमधोना एसे ङादा ङोसेबान आरे भिला” भिसी सुङ्बा ताम पत्रुससे ढन्जी। थेतबासेलमा थे मङग्यार निसी घ्वाँ घ्वाँ क्राजी। |
| 24220 | MAT 27:22 | जमाहेन्से पिलातससे थेनीगदेदा “थेह्रङ् भिसम थार्बा पिन्बा ख्रीष्ट भिबा येशूदा ङाइ तिग लउ?” भिसी ङ्योइमा, थेनीगदे जम्मासेन “चुदा क्रुसरी टाँगब लसी साइगो!” भिसी भिजी। |
| 24221 | MAT 27:23 | पिलातससे “तिग्दा? चुसे थेह्रङ्बा आज्यबा गे तिग लबा मुला?” भिसी ङ्योइजी। तर थेनीगदेसे झन क्रिङ्बान, “चुदा क्रुसरी टाँगब लसी साइगो” भिसी भिजी। |
| 24224 | MAT 27:26 | जमाहेन्से पिलातससे बारब्बादा पुइजी। तर येशूदा चा कोर्रासे तोसी क्रुसरी टाँगब लसी साइबाला लागिरी रोमी सिपाहीगदेदा जिम्मा पिन्जी। |
| 24229 | MAT 27:31 | थेह्रङ् लसी खिसी लमाहेन्से थेनीगदेसे थे क्वान स्युसी पिन्जी। ओच्छे येशूदा थेलान क्वान क्वान्सी क्रुसरी टाँगब लसी साइबारी भोर्जी। |
| 24233 | MAT 27:35 | थेनीगदेसे येशूदा क्रुसरी टाँगब लमाहेन्से चिट्ठा युसी ह्राङ ह्राङ न्हङरी येशूला क्वान भो लजी। |
| 24236 | MAT 27:38 | थेनीगदेसे येशूदा क्रुसरी टाँगब लबा धुइरी य्हो न्हीदाएनोन गिकदा दाहिनेपट्टि गिकदा देब्रेपट्टि क्रुसरी टाँगब लजी। |
| 24242 | MAT 27:44 | थेह्रङ् लसीन येशूदेन छ्यामनोन क्रुसरी टाँगब लबा य्होगदेसेनोन येशूदा खिसी लजी। |
| 24269 | MAT 28:5 | तर स्वर्गदूतसे थे म्रिङम्हेमेगदेदा चुह्रङ् भिसी भिजी, “एनीगदे थालोङ्गो, तिग्दा भिसम क्रुसरी टाँगब लसी साइबा येशूदा एनीगदेसे म्हाइबान मुला भिबा ताम ङादा था मुला। |
| 24290 | MRK 1:6 | यूहन्नासे ऊँटला क्राला क्वान क्वान्मुबा ओच्छे ढिला पेटी खीमुबा। थेसे तिरीदेन ह्रि सिङसोरला खुदु चमुबा। |
| 24303 | MRK 1:19 | जजाकी क्याथाङ धोमाहेन्से येशूसे जब्दियाला झा न्ही, याकूबदेन थेला आले यूहन्नादा दोँगारी चिसी घ्याङ राबान लबा म्राङ्जी। |
| 24304 | MRK 1:20 | येशूसे थेनीगदेदा म्राङ्मैछ्याम “ङादेन छ्याम खउ” भिसी ङ्योइजी, ओच्छे थेनीगदेसे ह्राङला आबा जब्दियादा दोँगारी मुबा कुल्लीगदेदेन छ्याम ख्लासी येशूदेन छ्याम भ्रजी। |
| 24366 | MRK 3:9 | थेतबासेलमा म्हिगदेसे ह्राङदा थानाङ्गै भिसी येशूसे ह्राङला चेलागदेदा दोँगा गिक ठीक लपुङ्जी। |
| 24393 | MRK 4:1 | येशूसे दोःसी समुन्द्रला कुनीरी फेप्सी लोप्बारी छ्याइजी। थेरी म्हिला हुल मुबासे लमा येशू समुन्द्ररी मुबा दोँगा गिकरी धन्छ्यासी लोप्बारी छ्याइजी। ओच्छे म्हिला हुल चा समुन्द्रला कुनीरीक्यार चिजी। |
| 24422 | MRK 4:30 | येशूसे दोःसी चुह्रङ् भिसी सुङ्जी, “ङाइ परमेश्वरला य्हुल्सादा तिगदेन छ्याम दाँजब लसे? ओच्छे एनीगदेदा खाह्रङ् लसी घोना लसे? |
| 24424 | MRK 4:32 | थे गेडा ढ्वमाहेन्से ढापढुप न्हङरी जम्मान भन्दा हाँगा मुबा घ्रेन दोङ तला। ओच्छे थे दोङला हाँगारी चरागदे खसी जङ स्होसी चिला।” |
| 24428 | MRK 4:36 | येशूसे चुह्रङ् सुङ्माहेन्से चेलागदे म्हिला हुलदा ख्लासी येशू मुबा दोँगारी क्रेःजी। ओच्छे दोँगा चलब लबान क्याम्सङपट्टि भोर्जी। थेनीगदेला दोँगादेन छ्याम छ्याम अर्गु दोँगागदेएनोन निजी। |
| 24429 | MRK 4:37 | निबान लमा समुन्द्ररी लाबालुङसर खजी। थे लाबालुङसरसे लमा समुन्द्रला छाल रेःसी दोँगा डुबब तबारी छ्याइजी। |
| 24430 | MRK 4:38 | थे धुइरी येशू दोँगाला ग्यापपट्टि खुम लसी स्हिम्बान मुबा। ओच्छे चेलागदेसे “प्रभु, य्हाङ सिबारी छ्याइजी, ह्राङदा तिगै वास्ता आरे?” भिसी छिङ्जी। |
| 24435 | MRK 5:2 | येशू दोँगाग्याम फप्मैछ्याम म्हङसे स्याप्बा म्हि गिक धुर्साग्याम यार्बान खसी येशूदा स्याप्जी। |
| 24451 | MRK 5:18 | येशू दोँगारी क्रेःबारी छ्याइमा थे म्हङसे स्याप्बा म्हिसे “ङाएनोन ह्राङदेन छ्याम निसे” भिसी बिन्ती लजी। |
| 24454 | MRK 5:21 | दोःसी येशू दोँगारी क्रेःसी समुन्द्रला क्याम्सङपट्टि फेप्जी। ओच्छे थेला क्युर्सीन म्हिला हुल पोप तजी। |
| 24508 | MRK 6:32 | थेतबासेलमा थेनीगदे दोँगारी क्रेःसी सुटुक्क सुनसान ग्लारी फेप्जी। |
| 24510 | MRK 6:34 | येशू दोँगाग्याम फाप्बा धुइरी ल्हानान म्हिला हुल म्राङ्सी थेदा दया रेःजी। तिग्दा भिसम थे म्हिगदे गोठालो आरेबा ग्युगदे ह्रङ्बा मुबा। येशूसे थे म्हिगदेदा ल्हानान ताम लोप्बारी छ्याइजी। |
| 24521 | MRK 6:45 | ओच्छे येशूसे तुरुन्तन ह्राङला चेलागदेदा दोँगारी क्रेःसी क्यामसङ बेथसेदा नाम्सारी ह्राङ भन्दा ङाच्छा पुइजी। थे धुइरी येशूसे चा म्हिला हुलदा पुइबान लजी। |
| 24523 | MRK 6:47 | ङ्यसे तमा दोँगा समुन्द्रला गुङरी मुबा, ओच्छे येशू चा गिकजेन समुन्द्रला कुनीरी मुबा। |
| 24524 | MRK 6:48 | थेसे चेलागदेदा दोँगा चलब लबारी गाह्रो तबा म्राङ्जी। तिग्दा भिसम लाबा उल्टोग्यामसे खबा मुबा। स्य्होला तीन बजेरीक्यार येशू समुन्द्रथोरी भ्रबान थेनीगदेपट्टि फेप्खजी, ओच्छे थेनीगदेदा ख्लासी ङाच्छा फेप्गे लमा, |
| 24527 | MRK 6:51 | ओच्छे ह्राङला चेलागदेदेन छ्याम दोँगारी क्रेःजी। जमाहेन्से लाबालुङसर म्हाजी। ओच्छे थेनीगदे ल्हानान उदेक तजी। |
| 24529 | MRK 6:53 | थेनीगदे समुन्द्र थासी गनेसरेत भिबा ग्लारी धोखमाहेन्से दोँगा समुन्द्रला कुनीरी थान्सी, |
| 24530 | MRK 6:54 | दोँगाग्याम फाप्मैछ्याम म्हिगदेसे येशूदा ङोसेजी। |
| 24536 | MRK 7:4 | चुदे जे आहिन बजारग्याम खमाहेन्से नुहाब आलतेधोना आचमुबा। आखे म्हेमेला चु भन्दा ल्हानान रिमठिम तेन्मुबा ओच्छे खोरेगदे, ताङगदेदेन काँसला ताङगदे म्याप्बा रिमठिम मुबा। |
| 24579 | MRK 8:10 | ह्राङला चेलागदेदेन छ्याम दोँगारी क्रेःसी दलमनुथा भिबा ग्लारीक्यार फेप्जी। |
| 24582 | MRK 8:13 | ओच्छे थेनीगदेदा ख्लासी दोँगारी क्रेःसी येशू क्याम्सङपट्टि फेप्जी। |
| 24583 | MRK 8:14 | दोँगारी क्रेःसी समुन्द्रला क्यामसङपट्टि निबा धुइरी चेलागदेसे गेङ भोर्बारी म्लेःबा मुबा। थेनीगदेदेन छ्याम गेङ गिक जे मुबा। |
| 24682 | MRK 10:25 | फ्युक्पो म्हिदा परमेश्वरला य्हुल्सारी वाङ्बारी भन्दा बरु ऊँटदा दापला मीग्याम वाङ्बारी सजिलो तला।” |
| 24743 | MRK 12:1 | येशूसे थेनीगदेदा उखानग्याम चुह्रङ् भिसी सुङ्बारी छ्याइजी, “म्हि गिकसे वारीरी अङगुर सूसी क्युर्सीन पर्खाल लजी। ओच्छे अङगुर म्हर्बारी कोल स्होसी अङगुर वारी ख्रुङ्बारी नोबा छाप्रो गिक स्होजी। जमाहेन्से अधियाँरी पिन्सी थे अर्गु य्हुल्सारी निजी। |
| 24744 | MRK 12:2 | अङगुर मिन्बा धुइ तमाहेन्से थे फ्युक्पो म्हिसे ह्राङला भो किन्बाला लागिरी अधियाँ लबागदे मुबा ग्लारी ह्राङला नोकरगदेदा पुइजी। |
| 24745 | MRK 12:3 | तर थे अधियाँ लबागदेसे थेदा चुङ्सी तोबा ग्याङ्बा लसी तिगै आपिन्ना पुइजी। |
| 24748 | MRK 12:6 | “दाहेन्से थेदेन छ्याम थेसे सेमहेन्सेन माया लबा झा गिक जे बाँकी मुबा। जम्मादान पुइसी जिन्माहेन्से ‘थेनीगदेसे ङाला झादा मी मान लला तला’ भिसी थेसे ह्राङला झादा थेनीगदे मुबा ग्लारी पुइजी। |
| 24749 | MRK 12:7 | तर अधियाँ लबागदेसे ‘चु मी य्हाङला धनीला झा हिन्ना, य्हाङसे थेदा साइगे। जमाहेन्से थेला सम्पत्ति य्हाङलान तला’ भिसी ह्राङ ह्राङ न्हङरी ताम लजी। |
| 24751 | MRK 12:9 | “दाहेन्से थे अङगुर वारीला धनीसे तिग लला? थे खसी अधियाँ लबा म्हिगदेदा साइला ओच्छे थे अङगुरला वारी स्य्हान्दोगदेदा स्होबारी पिन्ना। |
| 24763 | MRK 12:21 | ओच्छे पाराङसे चाङदा ब्याह लजी थेएनोन कोलागदे आतनान सिजी, साँजीएनोन थेह्रङ् तसीन सिजी। |
| 24776 | MRK 12:34 | थेसे होशियार तसी जोहाब पिन्बा म्राङ्सी येशूसे थेदा “ए परमेश्वरला य्हुल्साग्याम थारेङ आरे” भिसी सुङ्जी। जमाकुनुहेन्से खालैसे येशूदा तिगै ताम ङ्योइबारी आँट आलनी। |
| 24788 | MRK 13:2 | येशूसे थेदा “चु घ्रेन दिमगदेला युङबा गिकनोन बाँकी आचिना जम्मान फुप्ला” भिसी सुङ्जी। |
| 24814 | MRK 13:28 | येशूसे थेनीगदेदा दोःसी चुह्रङ् भिसी सुङ्जी, “एनीगदेसे अञ्जीरला दोङदा च्यासी थेग्याम तिगै ताम लोप्गो। थेला हाँगागदेरी भा भुमैछ्याम छेप्बा छबा ला वाङ्जी भिसी एनीगदेसे था याङ्मुला। |
| 24826 | MRK 14:3 | येशू बेथानिया भिबा नाम्साला कोरे खबा सिमोनला दिमरी सोल छ्योइबान लबा धुइरी म्रिङम्हेमे गिकसे सिङ्गमरमरला ताङरी ल्हानान महँगो खाल्ला अत्तर भसी खजी। थे अत्तर जटामसी भिबा दोङला टाग्याम स्होबा मुबा। थेसे थे ताङनोन थिसी येशूला थोबोरी युजी। |
| 24827 | MRK 14:4 | थेसे चुह्रङ् लबा म्राङ्सी स्य्हान्दो म्हिगदेसे नाआखम्ना “चुदे महँगो अत्तर ओह्रङ्नोन तिग्दा खेरो भ्याङ्बा” भिसी ह्राङ ह्राङ न्हङरी ताम लजी। |
| 24895 | MRK 14:72 | पत्रुससे थेह्रङ् भिमैछ्याम दोःसी नागा क्राजी। “न्हीरेम नागा क्राबा भन्दा ङाच्छा सोमरेमधोना एसे ङादा ङोसेबान आरे भिला” भिसी येशूसे सुङ्बा ताम ढन्सी पत्रुस घ्वाँ घ्वाँ क्राजी। |
| 24908 | MRK 15:13 | “चुदा क्रुसरी टाँगब लसी साइगो!” भिसी यहूदीगदे क्रिङ्बारी छ्याइजी। |
| 24909 | MRK 15:14 | पिलातससे “तिग्दा? चुसे थेह्रङ्बा आज्यबा गे तिग लबा मुला?” भिसी ङ्योइजी। तर थेनीगदेसे झन क्रिङ्बान, “चुदा क्रुसरी टाँगब लसी साइगो” भिसी भिजी। |
| 24910 | MRK 15:15 | पिलातसदा थे म्हिला हुलदा ताङ्ना लबा सेम मुबा। थेतबासेलमा थेसे बारब्बादा पुइजी। तर येशूदा चा कोर्रासे तोसी क्रुसरी टाँगब लसी साइबाला लागिरी रोमी सिपाहीगदेदा जिम्मा पिन्जी। |
| 24915 | MRK 15:20 | थेह्रङ् लसी येशूदा खिसी लमाहेन्से थेनीगदेसे थे वाला वाला पिङगै छोनना क्वान स्युसी पिन्जी। ओच्छे येशूदा थेलान क्वान क्वान्सी क्रुसरी टाँगब लसी साइबारी भोर्जी। |
| 24919 | MRK 15:24 | जमाहेन्से थेनीगदेसे येशूदा क्रुसरी टाँगब लजी। ओच्छे थेनीगदेसे येशूला क्वान भो लसी खाल्दा खजिबा परब तबा चीम भिसी ह्राङ ह्राङ न्हङरी चिट्ठा युजी। |
| 24920 | MRK 15:25 | येशूदा क्रुसरी टाँगब लबा धुइरी स्य्होला नौ बजब तमुबा। |
| 24922 | MRK 15:27 | थेनीगदेसे येशूदा क्रुसरी टाँगब लबा धुइरी य्हो न्हीदाएनोन गिकदा दाहिनेपट्टि गिकदा देब्रेपट्टि क्रुसरी टाँगब लजी। |
| 24926 | MRK 15:31 | थेह्रङ् लसीन परमेश्वरला मन्दिररी पूजा लबा मुल म्हिगदेदेन यहूदी धर्मगुरुगदेसेएनोन थेनीगदे ह्राङ ह्राङ न्हङरी, “चुसे स्य्हान्दोदा चा जोगब लखम्जी। तर ह्राङसे ह्राङदा चा जोगब लआखम्नी। चु इस्राएलीगदेला ग्ले थार्बा पिन्बा ख्रीष्ट क्रुसग्याम मार फाप्सी खगै, ओच्छे जे य्हाङसे थेदा विश्वास लला!” भिसी ठट्टा लजी। ओच्छे येशूदेन छ्याम क्रुसरी टाँगब लबा म्हिगदेसेनोन येशूदा खिसी लजी। |