| 23219 | MAT 1:6 | यिशैला झा दाऊद ग्ले मुबा, दाऊद ग्लेला सन्तान सोलोमन मुबा, सोलोमनला आमा चा ङाच्छा उरियाहला म्रिङ मुबा। |
| 23221 | MAT 1:8 | आशला झा यहोशापात, यहोशापातला झा यहोराम, यहोरामला झा उज्जियाह, |
| 23222 | MAT 1:9 | उज्जियाहला झा योताम, योतामला झा आहाज, आहाजला झा हिजकिया, |
| 23226 | MAT 1:13 | यरुबाबेलला झा अबिउद, अबिउदला झा एल्याकीम, एल्याकीमला झा आजोर, |
| 23227 | MAT 1:14 | आजोरला झा सादोक, सादोकला झा आखिम, आखिमला झा एलिउद, |
| 23228 | MAT 1:15 | एलिउदला झा एलाजार, एलाजारला झा मत्तान, मत्तानला झा याकूब, |
| 23240 | MAT 2:2 | “यहूदीगदेला ग्ले दोसी न्हबा कोला खानङ मुला? तिग्दा भिसम ङन्से स्याररी थे न्हजी भिसी उन्बा सार म्राङ्जी। थेतबासेलमा ङनी थेदा झ्याल्बारी खबा हिन्ना” भिसी भिजी। |
| 23246 | MAT 2:8 | जमाहेन्से थेसे थेनीगदेदा “निउ, ओच्छे थे कोलादा ज्यना लसी म्हाइगो। थेदा स्याप्मैछ्याम ङादा पाङ्गो, ङाएनोन थेदा झ्याल्बारी निला” भिसी बेथलेहेमरी पुइजी। |
| 23250 | MAT 2:12 | ओच्छे म्हाङरी परमेश्वरसे थेनीगदेदा हेरोद मुबा ग्लारी थानिउ भिबासे लमा थेनीगदे अर्गुन ग्यामसे ह्राङला य्हुल्सारी निजी। |
| 23251 | MAT 2:13 | ज्योतिषीगदे निमाहेन्से, परमप्रभुला दूत गिक म्हाङरी योसेफ मुबा ग्लारी खजी, ओच्छे थेसे योसेफदा “योसेफ, ए रेःसी लैनु कोलादेन थेला आमादा भोर्सी मिश्र य्हुल्सारी निउ। ओच्छे ङाइ एदा दोःसी खउ भिसी आपाङ्तेधोना एनीगदे थेरीन चिउ। तिग्दा भिसम हेरोदसे लैनु कोलादा साइबारी म्हाइबा मुला” भिसी भिजी। |
| 23258 | MAT 2:20 | “योसेफ, ए रेःसी लैनु कोलादेन थेला आमादा इस्राएल य्हुल्सारी भोर्सी निउ। तिग्दा भिसम लैनु कोलादा साइबारी म्हाइबा म्हिगदे जम्मान सिसी जिन्बा मुला” भिसी भिजी। |
| 23260 | MAT 2:22 | तर यहूदियारी हेरोदला झा अर्खिलाउस ग्ले दोबा मुला भिबा थेःसी थेनीगदे थेरी निबारी लोङ्जी। थेतबासेलमा दोःसी परमेश्वरसे थेदा म्हाङरी पाङ्बा अन्छार गालील अञ्चलला नासरत भिबा नाम्सारी निसी चिजी। चुह्रङ् लसी “थेदा नासरी भिला” भिसी अगमवक्तागदेग्याम पाङ्बा ताम पूरा तजी। |
| 23264 | MAT 3:3 | यशैया अगमवक्तासे चुनोन यूहन्नाला बारेरी चुह्रङ् भिसी पाङ्बा मुला, “तोङतोङबा ग्लारीक्यार परमप्रभुला ग्याम तयार लउ, ओच्छे ‘परमप्रभु भ्रबाला लागिरी थेला ग्याम सोजो स्होउ,’ भिसी म्हि गिक क्रिङ्बा मुला।” |
| 23269 | MAT 3:8 | थेतबासेलमा ह्राङ ह्राङला पाप ख्लासी परमेश्वरपट्टि दोःबा अन्छारला गे लउ। |
| 23285 | MAT 4:7 | येशूसे थेदा “बचनरी चुह्रङ् लसी भ्रिबा मुला, ‘एसे ह्राङला परमप्रभु परमेश्वरला सेम च्याबा गे तिगै थालउ’” भिसी सुङ्जी। |
| 23286 | MAT 4:8 | दोःसी शैतानसे येशूदा नोबा गङ गिकरी भोर्सी जम्बुलिङला जम्मान य्हुल्सागदेदेन जम्मान ज्यबा स्हेगदे उन्जी। |
| 23288 | MAT 4:10 | जमाहेन्से येशूसे थेदा “शैतान, ए चुग्याम तुरुन्तन निउ! तिग्दा भिसम बचनरी ‘एसे ह्राङला परमप्रभु परमेश्वरदा फ्या लउ, ओच्छे थेदा जे तेन्गो’ भिसी भ्रिबा मुला” भिसी सुङ्जी। |
| 23297 | MAT 4:19 | येशूसे थेनीगदेदा “ङादेन छ्याम भ्रउ, दाहेन्से ङाइ एनीगदेदा तार्ङा चुङ्बा म्हि आहिन, तर म्हिगदेदा परमेश्वर मुबा ग्लारी भबा म्हि स्होला” भिसी सुङ्जी। |
| 23319 | MAT 5:16 | चुह्रङ् लसी नाङसलसे य्हाल तना लबा ह्रङ् लसी एनीगदेसे ज्यबा गे लसी उन्गो। एनीगदेला गे म्राङ्सी थेनीगदेसे स्वर्गरी धन्छ्याबा एनीगदेला परमेश्वर आबाला जयजयकार लगै। |
| 23330 | MAT 5:27 | “परमेश्वरसे मोशादा पिन्बा ठिमरी चुह्रङ् भिसी भ्रिबा तामएनोन एनीगदेसे थेःबा मुला, ‘ए स्य्हान्दोला म्रिङदेन छ्याम ब्रेल्सी थाभ्रउ।’ |
| 23336 | MAT 5:33 | “परमेश्वरसे मोशादा पिन्बा ठिमरी चुह्रङ् भिसी भ्रिबा तामएनोन एनीगदेसे थेःबा मुला, ‘एसे लुसीला ताम लसी घ्रान थाफागो, ओच्छे परमेश्वरदेन छ्याम लबा कबुल पूरा लउ।’ |
| 23344 | MAT 5:41 | चुदे खालै म्हिसे एदा कोस गिकधोना भ्रउ भिसी कर लजी भिसम थेदेन छ्याम कोस न्हीधोना निउ। |
| 23346 | MAT 5:43 | “परमेश्वरसे मोशादा पिन्बा ठिमरी चुह्रङ् भिसी भ्रिबा तामएनोन एनीगदेसे थेःबा मुला, ‘एसे ह्राङला खिम्जेमदा माया लउ, ओच्छे शत्रुदा हेला लउ।’ |
| 23347 | MAT 5:44 | तर एनीगदेसे ङाला ताम ङ्यान्गो, एनीगदेसे ह्राङला शत्रुगदेदा माया लउ, ओच्छे एनीगदेदा दुख पिन्बागदेला लागिरी प्रार्थना लउ। |
| 23352 | MAT 6:1 | “एनीगदेसे लबा ज्यबा गेगदे म्हिगदेदा उन्बाला लागिरी भिसी थालउ। थेह्रङ् लजी भिसम स्वर्गरी धन्छ्याबा एनीगदेला परमेश्वर आबासे एनीगदेदा तिगै इनाम आपिन। थेतबासेलमा होशियार तसी चिउ। |
| 23353 | MAT 6:2 | “एनीगदेसे प्राङबोगदेदा पिन्बा धुइरी कप्टीगदेसे ह्रङ् लसी म्हिगदेदा थेःना लसी थाभ्रउ। तिग्दा भिसम थेनीगदे म्हिगदेसे मान लगै भिसी यहूदीगदे ह्रुप तबा दिमगदेदेन ग्यामरीक्यार निसी स्य्हान्दोदा थेःना लसी भ्रमुला। च्यागो, एनीगदेसे ङाला ताम ङ्यान्गो, थेनीगदेसे याङ्तोःबा इनाम याङ्सी जिन्बा मुला। |
| 23356 | MAT 6:5 | “थेतबासेलमा एसे प्रार्थना लबा धुइरी कप्टीगदेसे ह्रङ् लसी थालउ। तिग्दा भिसम थेह्रङ्बा म्हिगदेसे म्हिगदेदा उन्बाला लागिरी यहूदीगदे ह्रुप तबा दिमगदेदेन ग्यामला कुनीरीक्यार राप्सी प्रार्थना लबारी सेम लमुला। च्यागो, एनीगदेसे ङाला ताम ङ्यान्गो, थेह्रङ्बा म्हिगदेसे याङ्तोःबा इनाम याङ्सी जिन्बा मुला। |
| 23357 | MAT 6:6 | तर ए प्रार्थना लबा धुइरी कोठा न्हङरी वाङ्सी म्राप ढुङ्गो, ओच्छे खालैसे आम्राङ्बा ग्लारी धन्छ्याबा परमेश्वर आबादेन छ्याम प्रार्थना लउ। जमाहेन्से खालैसे आम्राङ्बा तामएनोन म्राङ्बा परमेश्वर आबासे एदा इनाम पिन्ना। |
| 23360 | MAT 6:9 | “तर एनीगदेसे चा चुह्रङ् लसी प्रार्थना लउ, ‘स्वर्गरी धन्छ्याबा ङन्ना परमेश्वर आबा, ह्राङदा जम्मासेन मान लगै। |
| 23367 | MAT 6:16 | “एनीगदेसे फोइथान चिसी प्रार्थना लबा धुइरी कप्टी म्हिगदेसे ह्रङ् लसी ली धोपधोप लसी थाभ्रउ। तिग्दा भिसम थेनीगदेसे फोइथान चिसी प्रार्थना लबा म्हिगदेसे म्राङ्गै भिसी ली धोपधोप लसी भ्रमुला। थेतबासेलमा एनीगदेसे ङाला ताम ङ्यान्गो, थेनीगदेसे याङ्तोःबा इनाम याङ्सी जिन्बा मुला। |
| 23376 | MAT 6:25 | “थेतबासेलमा एनीगदेसे ङाला ताम ङ्यान्गो, सोबाला लागिरी तिग चसे तिग थुङ्से ओच्छे तिग क्वान्से भिसी धन्दा सुर्दा थालउ। तिग्दा भिसम चबा थुङ्बादेन क्वान्बा भन्दा एनीगदेला प्राणदेन ल्हुइ घ्रेन आहिन? |
| 23382 | MAT 6:31 | थेतबासेलमा ‘तिग चसे? तिग थुङ्से? ओच्छे तिग क्वान्से?’ भिसी धन्दा सुर्दा थालउ। |
| 23384 | MAT 6:33 | थेतबासेलमा ङाच्छा एनीगदेसे परमेश्वरला य्हुल्सा म्हाइगो ओच्छे थेसे म्हन्बा अन्छार गे लउ। जमाहेन्से परमेश्वरसे एनीगदेदा चु जम्मान स्हे पिन्ना। |
| 23385 | MAT 6:34 | थेतबासेलमा न्हङगरला लागिरी धन्दा सुर्दा थालउ। तिग्दा भिसम न्हङगरदा तोःबा स्हे न्हङगरनोन याङ्ला। तिनीला लागिरी तिनीलान दुख मुला। |
| 23386 | MAT 7:1 | “स्य्हान्दोदा दोष लसी थाभ्रउ ओच्छे परमेश्वरसेनोन एनीगदेदा दोष आल। |
| 23397 | MAT 7:12 | एनीगदेदा स्य्हान्दो म्हिगदेसे जस्तो व्यवहार लगै भिसी म्हन्बा मुला एनीगदेसेनोन थेनीगदेदा थेह्रङ्बान व्यवहार लउ। तिग्दा भिसम परमेश्वरसे मोशादा पिन्बा ठिमरी मुबादेन अगमवक्तासे लोप्बा मुल ताम चुनोन हिन्ना। |
| 23400 | MAT 7:15 | “फट्टा अगमवक्तागदे म्राङ्सी होशियार तसी चिउ, थेनीगदे एनीगदे मुबा ग्लारी ग्यु ह्रङ् लसी खमुला, तर थेनीगदेला सेम चा लोङ्बा खबा फार्बा ह्रङ्बान तमुला। |
| 23407 | MAT 7:22 | जमा धुइरी ल्हानान म्हिसे ङादा ‘प्रभु, ङन्से ह्राङला अधिकारग्याम परमेश्वरला ताम पाङ्बा आहिन? ओच्छे ह्राङला अधिकारग्याम ङन्से म्हङगदे ताप्बा आहिन? थेह्रङ् लसीन ङन्से ह्राङला अधिकारग्याम ल्हानान उदेकला गेगदे लबा आहिन?’ भिसी भिला। |
| 23408 | MAT 7:23 | जमा ङाइ थेनीगदेदा ‘एनीगदेदा ङाइ खाइमै ङोसेबा आरे। पाप गे लबा म्हिगदे, एनीगदे ङा मुबा ग्लाग्याम निउ’ भिसी पाङ्ला। |
| 23413 | MAT 7:28 | येशूसे चु ताम सुङ्सी जिन्माहेन्से थेरी मुबा म्हिगदे येशूसे लोप्बा म्राङ्सी उदेक तजी। |
| 23418 | MAT 8:4 | ओच्छे येशूसे थेदा “एसे चु ताम खालैदा थापाङ्गो। बरु ए निसी परमेश्वरला मन्दिररी पूजा लबा म्हिदा उन्गो। ओच्छे मोशासे कुल्बा अन्छार बलि फुल्गो। थेह्रङ् लजी भिसम म्हिगदेसे ए खम्जी भिसी था याङ्ला” भिसी सुङ्जी। |
| 23423 | MAT 8:9 | तिग्दा भिसम ङाएनोन ङाला हाकिमला तहरी चिबा म्हि हिन्ना। ङाला तहरीनोन सिपाहीगदे मुला। ङाइ कोइदा निउ भिमा निमुला, कोइदा खउ भिमा खमुला। ओच्छे ङाला नोकरदा ङाइ चुह्रङ् लउ भिमा थेसे थेह्रङ्नोन लमुला” भिसी भिजी। |
| 23424 | MAT 8:10 | चु ताम थेःसी येशू उदेक तसी ह्राङदेन छ्याम भ्रबा म्हिगदेदा चुह्रङ् भिसी सुङ्जी, “च्यागो, एनीगदेसे ङाला ताम ङ्यान्गो, इस्राएल य्हुल्साला म्हिगदे न्हङरीनोन ङाइ चुह्रङ्बा घ्रेन विश्वास मुबा म्हि आस्याप्नी। |
| 23427 | MAT 8:13 | जमाहेन्से येशूसे थे कप्तानदा “ए निउ, एसे विश्वास लबा ह्रङ्नोन तगै” भिसी सुङ्जी। चुह्रङ् सुङ्बा धुइरीन थे नोकर खम्जी। |
| 23436 | MAT 8:22 | येशूसे थेदा “सिबागदेदा सिबागदे ह्रङ्बासेन ल्हुगै, तर ए चा ङादेन छ्याम भ्रउ” भिसी सुङ्जी। |
| 23439 | MAT 8:25 | जमाहेन्से चेलागदे खसी “प्रभु, य्हाङ सिबारी छ्याइजी, जोगब लउ” भिसी येशूदा छिङ्जी। |
| 23441 | MAT 8:27 | चुह्रङ् तबा म्राङ्सी थेनीगदे उदेक तजी। ओच्छे थेनीगदेसे “चु खाह्रङ्बा म्हि? चुसे कुल्बा ताम मी लाबालुङसरदेन समुन्द्रला छालसेनोन ङ्यान्बा चीम” भिसी ह्राङ ह्राङ न्हङरी ताम लजी। |
| 23446 | MAT 8:32 | जमाहेन्से येशूसे थेनीगदेदा “निउ” भिसी सुङ्माहेन्से थेनीगदे थोन्सी ढ्वागदे न्हङरी वाङ्जी। जमाहेन्से जम्मान ढ्वागदे गङग्याम समुन्द्ररी छ्योङ्सी सिजी। |
| 23450 | MAT 9:2 | म्हिगदेसे काङ या चलब आतबा कुज्या तसी म्हेर्सी चिबा म्हि गिकदा येशू मुबा ग्लारी भजी। येशूसे थेनीगदेला विश्वास म्राङ्सी थे कुज्या म्हिदा “कोला, भङ लउ, ङाइ एला पाप माफ लबा मुला” भिसी सुङ्जी। |
| 23453 | MAT 9:5 | ‘एला पाप माफ तबा मुला’ भिबादेन ‘रेःसी भ्रउ’ भिबारी खजिबा चा सजिलो मुला? |
| 23454 | MAT 9:6 | तर परमेश्वरसे पुइखबा म्हिदा चु जम्बुलिङरी म्हिगदेला पापला दोष मेटब लबा अधिकार मुला भिसी ङाइ एनीगदेदा उन्ना” भिसी सुङ्जी। जमाहेन्से येशूसे थे कुज्या म्हिदा “ए रेःगो, ओच्छे एला तीबा नान्बा पुइसी दिमरी निउ” भिसी सुङ्जी। |
| 23456 | MAT 9:8 | चु म्राङ्सी थेरी मुबा म्हिगदे उदेक तजी। ओच्छे थेनीगदेसे म्हिगदेदा चुह्रङ्बा शक्ति पिन्बा परमेश्वरला जयजयकार लजी। |
| 23457 | MAT 9:9 | येशू थेग्याम फेप्बान लबा धुइरी मत्ती भिबा म्हिदा तिरो दुइबा ग्लारी चिबान लबा म्राङ्जी, ओच्छे येशूसे थेदा “ङादेन छ्याम भ्रउ” भिसी सुङ्जी। जमाहेन्से थे रेःसी येशूदेन छ्याम भ्रजी। |
| 23470 | MAT 9:22 | फ्लिक दोःसी च्यामा येशूसे थे म्रिङम्हेमेदा म्राङ्जी। ओच्छे येशूसे थेदा “भङ लउ, माइ! एला विश्वाससे लमा ए खम्बा मुला” भिसी सुङ्मैछ्याम थे म्रिङम्हेमे खम्जी। |
| 23475 | MAT 9:27 | येशू थेग्याम फेप्बान लबा धुइरी मी आम्राङ्बा म्हि न्हीसे “दाऊद ग्लेला सन्तान, ङन्दा दया लउ” भिसी क्रिङ्बान येशूला लिच्छा लिच्छा खजी। |
| 23481 | MAT 9:33 | येशूसे म्हङदा ताप्मैछ्याम थे ताइ दोबा म्हिसे ताम पाङ्बारी छ्याइजी। चु म्राङ्सी थेरी मुबा म्हिगदे उदेक तसी “चुह्रङ्बाम ङन्से इस्राएल य्हुल्साला म्हिगदे न्हङरी खाइमै म्राङ्बा आरेबा” भिसी भिजी। |
| 23486 | MAT 9:38 | थेतबासेलमा बाली दुइबा म्हिगदे पुइखउ भिसी बालीला दोप्ता प्रभुदेन छ्याम प्रार्थना लउ” भिसी सुङ्जी। |
| 23491 | MAT 10:5 | येशूसे ह्राङला च्युक न्ही मुल चेलागदेदा चुह्रङ् भिसी कुल्सी पुइजी, “एनीगदे अर्गु य्हुलला म्हिगदेदेन सामरीगदेला शहररी थानिउ। |
| 23492 | MAT 10:6 | बरु एनीगदे गोठालो आरेबा ग्युगदे ह्रङ् तसी भ्रबा इस्राएलीगदे मुबा ग्लारी निउ। |
| 23494 | MAT 10:8 | ओच्छे आखम्बा म्हिगदेदा खम्ना लबादेन सिबा म्हिगदेदा सोना लउ। थेह्रङ् लसीन कोरे खबागदेदा खम्ना लबादेन म्हङगदे ताप्गो। एनीगदेसे ओह्रङ्नोन याङ्बा स्हे एनीगदेसेएनोन ओह्रङ्नोन पिन्गो। |
| 23497 | MAT 10:11 | “एनीगदे शहररी निसै नाम्सारी निसै ङाच्छा थेरी एनीगदेदा मान लबा म्हि खाल चीम थे म्हाइगो। ओच्छे एनीगदे थेग्याम आनितेधोना थेरीन चिउ। |
| 23502 | MAT 10:16 | “च्यागो, ङाइ एनीगदेदा फार्बागदेला गुङरी ग्युदा पुइबा ह्रङ् लसी पुइला। थेतबासेलमा एनीगदे पुख्री ह्रङ्बा चलाक ओच्छे ढुकुर ह्रङ् सोजो तसी भ्रउ। |
| 23503 | MAT 10:17 | तर एनीगदे म्हिगदे म्राङ्सी होशियार तउ, तिग्दा भिसम थेनीगदेसे एनीगदेदा चुङ्सी अदालतरी भोर्ला। ओच्छे यहूदीगदे ह्रुप तबा दिमरी भोर्सी एनीगदेदा कोर्रासे तोबा ग्याङ्बा लला। |
| 23513 | MAT 10:27 | जुन ताम ङाइ एनीगदेदा धोपधोपरी पाङ्बा मुला, थे ताम एनीगदेसे य्हालरी पाङ्गो, ओच्छे जुन ताम एनीगदेसे थेःला, थे ताम एनीगदेसे दिमला धुरीग्याम थेःना लउ। |
| 23543 | MAT 11:15 | जुन म्हिदा ङ्यान्बा सेम मुला, थेसे ङ्यान्सी घोउ। |
| 23548 | MAT 11:20 | जमाहेन्से जुन जुन नाम्सारी येशूसे ल्हानान उदेकला गेगदे लबा मुबा, थे नाम्साला म्हिगदेदा दाहेन्से ज्यबा तसेला आरे भिसी सुङ्बारी छ्याइजी, तिग्दा भिसम थेनीगदेसे ह्राङ ह्राङला पाप ख्लासी परमेश्वरपट्टि आदोःनी। |
| 23549 | MAT 11:21 | “खोराजीनदेन बेथसेदाला म्हिगदे, एनीगदेसे परमेश्वरग्याम सजाय याङ्ला। तिग्दा भिसम एनीगदेला नाम्सारी लबा ह्रङ्बा उदेकला गेगदे टुरोसदेन सीदोन शहररी लबा हिन्सम ओन्मान थेनीगदेसे बोरा क्वान्सी मेफ्रा फोर्सी ह्राङ ह्राङला पाप ख्लासी परमेश्वरपट्टि दोःसेला मुबा। |
| 23551 | MAT 11:23 | कफर्नहुमला म्हिगदे, तिग एनीगदे स्वर्गरीन धोला भिसी म्हन्मुला? आधो! एनीगदेदा मी नर्गरी भ्याङ्ला। तिग्दा भिसम एनीगदेला गुङरी लबा उदेकला गेगदे सदोमरी लबा हिन्सम थे नाम्सा तिनीधोना चिसेला मुबा। |
| 23553 | MAT 11:25 | थे धुइरी येशूसे चुह्रङ् भिसी प्रार्थना लजी, “मुदेन जम्बुलिङला प्रभु आबा, ह्राङदा धन्यवाद मुला, तिग्दा भिसम ह्राङसे ज्ञान बुद्धि मुबा म्हिगदेदेन सेबा घोबा म्हिगदेग्याम छुम्सी थान्बा ताम तिगै आसेबा म्हिगदेदा उन्सी पिन्जी। |
| 23556 | MAT 11:28 | “धोइ पुइसी ब्लप्बा म्हिगदे, ङा मुबा ग्लारी खउ, ङाइ एनीगदेला ब्लप्बा साल्ना लला। |
| 23571 | MAT 12:13 | जमाहेन्से येशूसे थे म्हिदा “एला या तन्गब लउ” भिसी सुङ्माहेन्से थेसे या तन्गब लजी। तन्गब लमैछ्याम थेला या अर्गु या ह्रङ्बान ज्यबा तजी। |
| 23581 | MAT 12:23 | चु म्राङ्सी थेरी मुबा जम्मान म्हिगदे उदेक तसी “चु दाऊद ग्लेला सन्ताननोन हिन्ना?” भिसी भिजी। |
| 23585 | MAT 12:27 | ङाइ बालजिबुलला शक्तिग्याम म्हङ ताप्मुला भिसम एनीगदेला चेलागदेसे चा खाल्ला शक्तिग्याम म्हङ ताप्बा हिन्ना? थेतबासेलमा एनीगदेला गल्ती थेनीगदेसेन उन्ना। |
| 23594 | MAT 12:36 | थेतबासेलमा एनीगदेसे ङाला ताम ङ्यान्गो, परमेश्वरसे निसाफ लबा धिनकुनु आतोःबा ताम पाङ्बा म्हिगदेसे ह्राङ ह्राङला हिसाब उन्तोःला। |
| 23596 | MAT 12:38 | जमाहेन्से यहूदी धर्मगुरुगदेदेन फरिसीगदे न्हङला कोइ कोइसे येशूदा “गुरु, ङन्दा ह्राङसे लबा उदेकला गे च्याबा सेम मुला” भिसी पाङ्मा, |
| 23597 | MAT 12:39 | येशूसे थेनीगदेदा चुह्रङ् भिसी जोहाब पिन्जी, “नइबा बानिबेहोर थोसी स्य्हान्दोदेन छ्याम ब्रेल्सी भ्रबा म्हिगदेसे उदेकला चिनु जे म्हाइमुला। तर दान्देला म्हिगदेदा चा योना अगमवक्ताला चिनु बाहेक अर्गु चिनु आउन। |
| 23599 | MAT 12:41 | च्यागो, परमेश्वरसे निसाफ लबा धुइरी निनवे शहरला म्हिगदे रेःसी दान्देला म्हिगदेला दोष उन्ना। तिग्दा भिसम योना अगमवक्तासे पाङ्बा परमेश्वरला य्हुल्सा समाचार थेःसी, थेनीगदे ह्राङ ह्राङला पाप ख्लासी परमेश्वरपट्टि दोःबा मुबा। तर चुरी योना अगमवक्ता भन्दा घ्रेन म्हि गिक मुला। तसैनोन एनीगदेसे थेला ताम आङ्यान्नी। |
| 23600 | MAT 12:42 | निसाफ लबा धुइरी ल्होग्याम खबा ग्लेस्यासे दान्देला म्हिगदेला दोष उन्ना, तिग्दा भिसम थे सोलोमन ग्लेला ज्ञान बुद्धिला ताम ङ्यान्बारी ल्हानान थारेङग्याम खबा मुबा। तर च्यागो, चुरी सोलोमन ग्ले भन्दा घ्रेन म्हि मुसैनोन थेला ताम आङ्यान्नी। |
| 23607 | MAT 12:49 | ओच्छे येशूसे ह्राङला चेलागदेदा उन्बान चुह्रङ् भिसी सुङ्जी, “च्यागो, चुरी मुबा जम्मान ङाला आमादेन आलेगदे हिन्ना। |
| 23611 | MAT 13:3 | जमाहेन्से थेरी मुबा म्हिगदेदा येशूसे उखानग्याम ल्हानान ताम लोप्बान चुह्रङ् भिसी सुङ्जी, “च्यागो, ब्लु ढ्वबा म्हि गिक ब्लु ढ्वबारी भ्रजी। |
| 23617 | MAT 13:9 | जुन म्हिदा ङ्यान्बा सेम मुला थेसे ङ्यान्सी घोउ।” |
| 23618 | MAT 13:10 | जमाहेन्से चेलागदेसे येशूदा “ह्राङसे थेनीगदेदा तिग्दा उखानग्यामसे जे लोप्बा?” भिसी ङ्योइमा, |
| 23621 | MAT 13:13 | थेनीगदेसे ङाइ लबा गे च्याबाम च्यामुला तर आम्राङ्मुला, ओच्छे ङाइ पाङ्बा ताम ङ्यान्बाम ङ्यान्मुला तर आघोमुला। थेतबासेलमान ङाइ थेनीगदेदा उखानग्याम पाङ्बा हिन्ना। |
| 23626 | MAT 13:18 | “लु, ब्लु ढ्वबा उखानना अर्थ ङ्यान्गो। |
| 23632 | MAT 13:24 | दोःसी येशूसे थेनीगदेदा उखान गिक सुङ्जी, “च्यागो, स्वर्गला य्हुल्सा ह्राङला बुरी ज्यबा ब्लु ढ्वबा म्हि ह्रङ्बान हिन्ना। |
| 23639 | MAT 13:31 | दोःसी येशूसे थेनीगदेदा अर्गु उखान गिक सुङ्जी, “च्यागो, स्वर्गला य्हुल्सा म्हि गिकसे घुर्यानरी ढ्वबा पच्छै ब्लुला गेडा गिक ह्रङ्बान हिन्ना। |