| 23215 | MAT 1:2 | अब्राहामला झा इसहाक मुबा, इसहाकला झा याकूब, याकूबला झा यहूदादेन थेला ज्योज्यो आलेगदे मुबा। |
| 23216 | MAT 1:3 | यहूदाला झा फारेसदेन जाहेर मुबा। थेनीगदेला आमा तामार मुबा, फारेसला झा हेस्रोन, हेस्रोनला झा आराम, |
| 23217 | MAT 1:4 | आरामला झा अम्मीनादाब, अम्मीनादाबला झा नहशोन, नहशोनला झा सल्मोन, |
| 23218 | MAT 1:5 | सल्मोनला झा बोअज मुबा, थेला आमा राहाब मुबा, बोअजला झा ओबेद मुबा, थेला आमा रूथ मुबा, ओबेदला झा यिशै, |
| 23219 | MAT 1:6 | यिशैला झा दाऊद ग्ले मुबा, दाऊद ग्लेला सन्तान सोलोमन मुबा, सोलोमनला आमा चा ङाच्छा उरियाहला म्रिङ मुबा। |
| 23220 | MAT 1:7 | सोलोमनला झा रहबाम, रहबामला झा अबिया, अबियाला झा आश, |
| 23221 | MAT 1:8 | आशला झा यहोशापात, यहोशापातला झा यहोराम, यहोरामला झा उज्जियाह, |
| 23222 | MAT 1:9 | उज्जियाहला झा योताम, योतामला झा आहाज, आहाजला झा हिजकिया, |
| 23223 | MAT 1:10 | हिजकियाला झा मनश्शे, मनश्शेला झा आमोन, आमोनला झा योशियाह, |
| 23224 | MAT 1:11 | योशियाहला झा यकोनियासदेन थेला आलेगदेला आबा मुबा। थेनीगदे यहूदीगदेदा चुङ्सी बेबिलोन भिबा ग्लारी भोर्बा भन्दा ङाच्छान न्हबा मुबा। |
| 23225 | MAT 1:12 | बेबिलोनरी भोर्माहेन्से यकोनियासला झा शालतिएल न्हजी, ओच्छे शालतिएलला झा यरुबाबेल, |
| 23226 | MAT 1:13 | यरुबाबेलला झा अबिउद, अबिउदला झा एल्याकीम, एल्याकीमला झा आजोर, |
| 23227 | MAT 1:14 | आजोरला झा सादोक, सादोकला झा आखिम, आखिमला झा एलिउद, |
| 23228 | MAT 1:15 | एलिउदला झा एलाजार, एलाजारला झा मत्तान, मत्तानला झा याकूब, |
| 23229 | MAT 1:16 | याकूबला झा योसेफ मुबा, योसेफसे मरियमदा ब्याह लजी। थेनोन मरियमग्याम येशू न्हजी, थेदा जम्मासेन थार्बा पिन्बा ख्रीष्ट भिसी भिला। |
| 23234 | MAT 1:21 | थेसे झा गिक न्हला, एसे थेला मिन येशू थान्गो। तिग्दा भिसम थेसे ह्राङला म्हिगदेदा थेनीगदेला पापग्याम थार्ना लला” भिसी भिजी। |
| 23236 | MAT 1:23 | “च्यागो, ब्याह आलबा म्रिङकोला गिक न्हसेला तला ओच्छे थेसे झा न्हला, थेला मिन इम्मानुएल भिसी थान्ना,” इम्मानुएल भिबा चा “परमेश्वर य्हाङदेन छ्याम” भिबा हिन्ना। |
| 23240 | MAT 2:2 | “यहूदीगदेला ग्ले दोसी न्हबा कोला खानङ मुला? तिग्दा भिसम ङन्से स्याररी थे न्हजी भिसी उन्बा सार म्राङ्जी। थेतबासेलमा ङनी थेदा झ्याल्बारी खबा हिन्ना” भिसी भिजी। |
| 23246 | MAT 2:8 | जमाहेन्से थेसे थेनीगदेदा “निउ, ओच्छे थे कोलादा ज्यना लसी म्हाइगो। थेदा स्याप्मैछ्याम ङादा पाङ्गो, ङाएनोन थेदा झ्याल्बारी निला” भिसी बेथलेहेमरी पुइजी। |
| 23253 | MAT 2:15 | ओच्छे हेरोद आसितेधोना थेनीगदे थेरीन चिजी। चुह्रङ् लसी परमप्रभुसे अगमवक्ताग्याम “ङाइ ङाला झादा मिश्र य्हुल्साग्याम ङ्योइबा मुला” भिसी सुङ्बा बचन पूरा तबारी हिन्ना। |
| 23254 | MAT 2:16 | जमाहेन्से ह्राङदा ज्योतिषीगदेसे झुक्याब लजीम भिबा था याङ्सी हेरोद ल्हानान बोमो खजी। ओच्छे थेसे ज्योतिषीगदेग्याम था याङ्बा धुइ अन्छार बेथलेहेम नाम्सादेन क्यारक्युर मुबा न्ही दिङधोनाला जम्मान कोलागदेदा साइपुङ्जी। |
| 23256 | MAT 2:18 | “रामा भिबा ग्लारी क्राबा क्रिङ्बा लबा थेःजी, राहेल ह्राङला कोलागदेला लागिरी क्राबान मुबा। थेदा जम्मासेन सम्झब लसैनोन क्राबा आख्लानी। तिग्दा भिसम थेला कोलागदे साइसी जिन्बा मुबा।” |
| 23260 | MAT 2:22 | तर यहूदियारी हेरोदला झा अर्खिलाउस ग्ले दोबा मुला भिबा थेःसी थेनीगदे थेरी निबारी लोङ्जी। थेतबासेलमा दोःसी परमेश्वरसे थेदा म्हाङरी पाङ्बा अन्छार गालील अञ्चलला नासरत भिबा नाम्सारी निसी चिजी। चुह्रङ् लसी “थेदा नासरी भिला” भिसी अगमवक्तागदेग्याम पाङ्बा ताम पूरा तजी। |
| 23278 | MAT 3:17 | जमाहेन्से स्वर्गग्याम “चु ङाइ सेमहेन्सेन माया लबा ङाला झा हिन्ना, चुदा म्राङ्सी ङा ल्हानान ताङ्बा मुला” भिबा काइ खजी। |
| 23281 | MAT 4:3 | जमाहेन्से शैतान येशू मुबा ग्लारी खसी “ह्राङ परमेश्वरला झा हिन्सम चु युङबागदेदा गेङ दोगो भिसी सुङ्गो” भिसी भिजी। |
| 23284 | MAT 4:6 | ओच्छे थेसे येशूदा “ह्राङ परमेश्वरला झा हिन्सम चुग्याम मार छ्योङ्गो। तिग्दा भिसम बचनरी चुह्रङ् भिसी भ्रिबा मुला, ‘परमेश्वरसे ह्राङदा चुङ्बाला लागिरी ह्राङला स्वर्गदूतगदेदा कुल्ला। ओच्छे एला काङ युङबारी थाठोक्गै भिसी एदा थेनीगदेसे या यारीन ताला’ भिसी भिजी।” |
| 23290 | MAT 4:12 | यूहन्ना झ्याल्खानरी परब तजी भिबा थेःसी येशू दोःसी गालील अञ्चलरी फेप्जी। |
| 23299 | MAT 4:21 | थेग्याम फेप्बान लमा येशूसे जब्दियाला झागदे याकूबदेन थेला आले यूहन्नादा म्राङ्जी। थेनीगदे ह्राङला आबादेन छ्याम दोँगारी घ्याङ राबान मुबा। येशूसे थेनीगदेदाएनोन ङ्योइजी। |
| 23312 | MAT 5:9 | स्य्हान्दोदा ढिक्ना लबागदेसे परमेश्वरग्याम मोलम याङ्ला, तिग्दा भिसम थेनीगदे परमेश्वरला झा दोला। |
| 23328 | MAT 5:25 | “एदा मुद्दा युबा म्हिदेन छ्याम अदालतरी निबान लबा धुइरी ग्यामरीन ढिक्गो। आहिन्सम थेसे एदा न्यायाधीशला यारी जिम्मा पिन्ना, ओच्छे न्यायाधीशसे सिपाहीगदेला यारी जिम्मा पिन्ना। जमाहेन्से ए झ्याल्खानरी परब तला। |
| 23381 | MAT 6:30 | तिनी ल्हेबान निसी न्हङगर खर्माहेन्से मेरी फर्बा छेदा मी परमेश्वरसे चुह्रङ् लसी जेना लमुला भिसम झन एनीगदेदा परमेश्वरसे जेना आल? खाइ एनीगदेला विश्वास? |
| 23443 | MAT 8:29 | थेनीगदेसे येशूदा म्राङ्सी क्रिङ्बान, “परमेश्वरला झा, ह्राङसे ङन्दा तिग लबारी म्हाइबा? ङन्ना धुइ आतमान ह्राङ ङन्दा नाश लबारी फेप्खबा हिन्ना?” भिसी भिजी। |
| 23464 | MAT 9:16 | खालैसे बोक्टो क्वानरी छार क्वानगेनसे आख्या, छार क्वानगेनसे बोक्टो क्वान ख्याजी भिसम बोक्टो क्वान झन ढेला। |
| 23466 | MAT 9:18 | येशूसे थेनीगदेदा चुह्रङ् सुङ्बान लबा धुइरी यहूदीगदे ह्रुप तबा दिमला नेता गिक खजी। ओच्छे येशूदा फ्या लसी “दान्दे भर्खर ङाला झामे सिजी, तर ह्राङ फेप्खसी थेदा ह्राङसे थुर्जी भिसम थे सोला” भिसी भिजी। |
| 23488 | MAT 10:2 | येशूला मुल चेलागदे चुनोन हिन्ना, जम्मान भन्दा ङाच्छा पत्रुस भिबा सिमोनदेन थेला आले अन्द्रियास, जब्दियाला झा याकूबदेन याकूबला आले यूहन्ना, |
| 23489 | MAT 10:3 | ओच्छे फिलिपदेन बारथोलोमाइ, थोमादेन तिरो दुइबा मत्ती, अल्फयसला झा याकूबदेन थेदियस, |
| 23496 | MAT 10:10 | ओच्छे एनीगदेसे ग्यामला लागिरी पोबा क्वानदेन झोला ओच्छे लखमदेन कडी तिगै थाभोर्गो। तिग्दा भिसम गे लबा म्हिसे ज्याला याङ्तोःमुला। |
| 23511 | MAT 10:25 | चेला ह्राङला गुरु ह्रङ्बा दोबादेन नोकर ह्राङला मालिक ह्रङ्बा दोबान ठीक मुला। तिग्दा भिसम थेनीगदेसे ङा दिमला मुल म्हिदाम म्हङला ग्ले बालजिबुल भिला भिसम झन ङाला म्हेमेगदेदा मी तिग भिला? |
| 23521 | MAT 10:35 | तिग्दा भिसम ‘ङा आबाला बिरोधरी झा, आमाला बिरोधरी झामे ओच्छे स्युमीला बिरोधरी चाङ रेःना लबारी खबा हिन्ना। |
| 23530 | MAT 11:2 | थे धुइरी बप्तिस्मा पिन्बा यूहन्ना झ्याल्खानरी मुबा। थार्बा पिन्बा ख्रीष्टसे लबा गेला बारेरी थेःसी यूहन्नासे ह्राङला चेलागदेदा “ङन्से फेप्खला भिसी आश लसी चिबा थार्बा पिन्बा ग्ले ह्राङनोन हिन्ना कि स्य्हान्दो खालैदा भ्रान्तोःबा हिन्ना?” भिसी ङ्योइबारी थार्बा पिन्बा ख्रीष्ट मुबा ग्लारी पुइजी। |
| 23555 | MAT 11:27 | “ङाला आबासे ङादा जम्मान स्हे जिम्मा पिन्बा मुला। थेतबासेलमा झा खाल हिन्ना भिसी आबादा बाहेक स्य्हान्दो खालैदान था आरे। थेह्रङ् लसीन आबा खाल भिसी झादेन झासे आबादा ङोसेना लबा म्हिगदेसे बाहेक स्य्हान्दो खालैदान आबा खाल हिन्ना भिसी था आरे। |
| 23574 | MAT 12:16 | तर येशूसे थे म्हिला ल्हुइरी मुबा म्हङदा “च्यागो, ङा परमेश्वरला झा हिन्ना भिसी खालैदा थापाङ्गो” भिसी सुङ्जी। |
| 23603 | MAT 12:45 | जमाहेन्से थे म्हङ निसी ह्राङ भन्दा नइबा अर्गु गोर निस म्हङगदे भसी थे म्हि न्हङरी वाङ्सी चिमुला। थेतबासेलमा थे म्हिला गति ङाच्छाला भन्दा लिच्छाला गति झन नइबा तला। दान्देला म्हिगदेदाएनोन थेह्रङ्बान तला।” |
| 23615 | MAT 13:7 | कोइ ब्लु चा पुजु झाङरी परब तजी, ओच्छे थे ब्लुदेन पुजु दोङ छ्याम छ्यामनोन फुइजी। तर पुजु दोङ ल्हेबान निबासे लमा थे दोङदा हाप तजी। |
| 23620 | MAT 13:12 | तिग्दा भिसम जुन म्हिसे ङाइ लोप्बा तामदा सेम लसी ङ्यान्ना, थेदा ङाइ अझन घोना लला। तर ङाइ लोप्बा ताम आङ्यान्बादा चा थेसे जुन घोबा मुला थे तामएनोन म्हाना लला। |
| 23630 | MAT 13:22 | पुजु झाङ न्हङरी परब तबा ब्लुला अर्थ चा जुन म्हिसे परमेश्वरला बचन ङ्यान्ना, तर चु जम्बुलिङला धन्दा सुर्दादेन धन सम्पत्तिला लोभसे लमा परमेश्वरला बचनदा गे लआपुङ्। थेतबासेलमा थेला विश्वासग्याम तिगै आरो। |
| 23663 | MAT 13:55 | चु सिकर्मीला झा आहिन? चुला आमा मरियम ओच्छे आलेगदे याकूब, योसेफ, सिमोनदेन यहूदा आहिन? |
| 23669 | MAT 14:3 | हेरोदसे ह्राङला आले फिलिपला म्रिङ हेरोदियाससे लमा ङाच्छा यूहन्नादा झ्याल्खानरी झाङ्मुबा। |
| 23672 | MAT 14:6 | हेरोदसे ह्राङ न्हबा धिनदा ढन्सी घ्रेन भोज लजी। जमाकुनु हेरोदियासला झामे जम्मान म्हिगदेला ङाच्छापट्टि स्य्हसी हेरोददा ल्हानान ताङ्ना लजी। |
| 23676 | MAT 14:10 | ओच्छे थेनीगदे झ्याल्खानरी निसी यूहन्नाला थोबो थाजी। |
| 23699 | MAT 14:33 | जमाहेन्से दोँगारी मुबा चेलागदेसे येशूदा फ्या लसी, “ह्राङ पक्कान परमेश्वरला झा हिन्ना” भिसी भिजी। |
| 23718 | MAT 15:16 | येशूसे थेनीगदेदा चुह्रङ् भिसी सुङ्जी, “दान्देधोना अझ एनीगदेसे घोबा आरे? |
| 23724 | MAT 15:22 | थे शहरला अर्गु य्हुलला कनानी म्रिङम्हेमे गिक क्रिङ्बान खसी येशूदा “प्रभु, दाऊद ग्लेला सन्तान, ङादा दया लउ। ङाला झामेदा म्हङसे ल्हानान दुख पिन्बा मुला” भिसी भिजी। |
| 23730 | MAT 15:28 | जमाहेन्से येशूसे थे म्रिङम्हेमेदा “माइ, एला विश्वास घ्रेन चीम। एला विश्वाससे लमा एसे म्हन्बा ह्रङ्नोन तबा मुला” भिसी सुङ्जी। थेनोन धुइरी थेला झामे खम्जी। |
| 23750 | MAT 16:9 | एनीगदेसे अझ घोबा आरे? ङाइ गोर ङा गेङसे हजार ङा म्हिगदेदा ख्वामा एनीगदेसे गाते सोली गेङ दुइबा मुबा? थे ताम म्लेःसी जिन्जी? |
| 23752 | MAT 16:11 | एनीगदेसे अझ तिग्दा आघोबा? ङाइ एनीगदेदा गेङला बारेरी पाङ्बा आहिन। तर फरिसीदेन सदुकीगदेला खमीर ह्रङ्बान तामग्याम होशियार तसी चिउ” भिसी पाङ्बा हिन्ना। |
| 23757 | MAT 16:16 | सिमोन पत्रुससे “ह्राङ परमेश्वरला झा थार्बा पिन्बा ख्रीष्ट हिन्ना” भिसी भिजी। |
| 23758 | MAT 16:17 | जमाहेन्से येशूसे थेदा “योनाला झा सिमोन, एसे परमेश्वरग्याम मोलम याङ्बा मुला। तिग्दा भिसम चु ताम एदा म्हिगदेसे पाङ्सी था तबा आहिन। तर स्वर्गरी धन्छ्याबा ङाला आबासे सुङ्सी था याङ्बा हिन्ना। |
| 23774 | MAT 17:5 | थेसे थेह्रङ् पाङ्ना पाङ्नान तार तार्बा खसु खसी थेनीगदेदा घप्जी। थे खसु न्हङग्याम “चु ङाइ सेमहेन्से माया लबा ङाला झा हिन्ना, थेदा म्राङ्सी ङा ल्हानान ताङ्बा मुला। थेतबासेलमा एनीगदेसे चुसे भिबा ताम ङ्यान्गो” भिबा काइ थेःजी। |
| 23784 | MAT 17:15 | “प्रभु, ङाला झादा दया लउ, तिग्दा भिसम थेदा स्ह म्हङसे ल्हानान दुख पिन्बा मुला। थेदा खाइमाम मेरी, खाइमाम क्युइरी भ्याङ्मुला। |
| 23821 | MAT 18:25 | तर थे नोकरसे छे फाबारी आखम्बासे लमा ग्लेसे थेदा, थेला म्रिङ, झा झामेदेन थेदेन छ्याम मुबा जम्मान स्हे चूङ्सी जम्मान टाङगा किन्गो” भिसी कुल्जी। |
| 23826 | MAT 18:30 | तर थेसे आङ्यान्ना ह्रोदा टाङगा आपिन्तेधोना झ्याल्खानरी झाङ्जी। |
| 23860 | MAT 19:29 | थेह्रङ् लसीन जुन म्हिसे ङाला लागिरी ह्राङला दिमनाम, ज्योज्यो आले, नाना आङा, आबा आमादेन झा झामे ख्लाला, थेसे थे भन्दा दोब्बर, तेब्बर, चौबरधोना याङ्ला। ओच्छे जुकजुकधोनाला जुनी याङ्बा अधिकार याङ्ला” भिसी सुङ्जी। |
| 23881 | MAT 20:20 | जमाहेन्से जब्दियाला म्रिङसे ह्राङला झा न्हीदा छ्यामनोन येशू मुबा ग्लारी भसी खजी। ओच्छे थेसे येशूदा फ्या लबान बिन्ती लजी। |
| 23882 | MAT 20:21 | जमाहेन्से येशूसे थेदा “एदा तिग तोःबा?” भिसी सुङ्मा, थेसे येशूदा “ह्राङसे शासन लबा धुइरी ङाला झा न्हीदा गिकदा ह्राङला दाहिनेपट्टि गिकदा देब्रेपट्टि चिपुङ्ला भिसी सुङ्गो” भिसी भिजी। |
| 23892 | MAT 20:31 | थे म्हि न्हीदा येशूदेन छ्यामनोन खबा म्हिगदेसे “कुटिसी चिउ” भिसी बङ्जी। तर थेन्नी झन क्रिङ्बान, “प्रभु, दाऊद ग्लेला सन्तान ङन्दा दया लउ” भिसी भिजी। |
| 23923 | MAT 21:28 | येशूसे अझ चुह्रङ् भिसी सुङ्जी, “ङाइ एनीगदेदा झा न्ही मुबा म्हिला उखान पाङ्ला। एनीगदेसे चुग्याम तिग घोला? थे म्हि थेबा झा मुबा ग्लारी निसी ‘ए तिनी अङगुर वारीरी निसी गे लउ झा’ भिसी कुल्मा, |
| 23925 | MAT 21:30 | “थेह्रङ् लसीन थे झा च्याङ्बा मुबा ग्लारी निसी थेदाएनोन थेह्रङ्नोन भिसी कुल्मा, थेसे ‘तला आबा ङा निला’ भिसी भिजी। तर थे आनिनी।” |
| 23926 | MAT 21:31 | जमाहेन्से येशूसे परमेश्वरला मन्दिररी पूजा लबा मुल म्हिगदेदेन यहूदी गन्बागदेदा “चु न्ही न्हङरी खजिबासे चा आबासे कुल्बा ताम ङ्यान्जी” भिसी ङ्योइमा, थेनीगदेसे “थेबा झासे” भिसी जोहाब पिन्जी। ओच्छे येशूसे थेनीगदेदा चुह्रङ् भिसी सुङ्जी, “च्यागो, एनीगदेसे ङाला ताम ङ्यान्गो, एनीगदे भन्दा ङाच्छा तिरो दुइबा म्हिगदेदेन बेश्यागदे परमेश्वरला य्हुल्सारी निला। |
| 23932 | MAT 21:37 | “जमाहेन्से थे फ्युक्पो म्हिसे जम्मान भन्दा लिच्छा ‘थेनीगदेसे ङाला झादा मी मान लला तला’ भिसी थेसे ह्राङला झादान थेनीगदे मुबा ग्लारी पुइजी। |
| 23933 | MAT 21:38 | तर थेदा खबान लबा म्राङ्सी अधियाँ लबागदेसे ‘चु मी य्हाङला धनीला झा हिन्ना, य्हाङसे थेदा साइगे। जमाहेन्से थेला सम्पत्ति य्हाङलान तला’ भिसी ह्राङ ह्राङ न्हङरी ताम लजी। |
| 23934 | MAT 21:39 | जमाहेन्से थेनीगदेसे थे फ्युक्पो म्हिला झादा चुङ्सी अङगुर वारीग्याम क्याथाङ भोर्सी साइजी। |
| 23943 | MAT 22:2 | “स्वर्गला य्हुल्सा चुह्रङ्बान हिन्ना, ग्ले गिकसे ह्राङला झाला ब्याहला भोज ठीक लजी। |
| 23983 | MAT 22:42 | “थार्बा पिन्बा ख्रीष्टला बारेरी एनीगदेसे तिग म्हन्बा मुला? थे खाल्ला झा हिन्ना?” थेनीगदेसे येशूदा “दाऊद ग्लेला सन्तान हिन्ना” भिसी जोहाब पिन्जी। |
| 24022 | MAT 23:35 | थेतबासेलमा परमेश्वरला ङाच्छा ज्यबा म्हि हाबिलदा साइबा धुइहेन्से बेरेक्याहला झा जकरियादा साइबा धुइधोना जम्बुलिङरी मुबा जम्मान ज्यबा म्हिगदेदा साइबा पापला दोष एनीगदेसेन नातोःला। एनीगदेसे बेरेक्याहला झा जकरियादाएनोन परमेश्वरला मन्दिरदेन बलि फुल्बा ग्लाला गुङरी साइजी। |
| 24030 | MAT 24:4 | येशूसे थेनीगदेदा चुह्रङ् भिसी सुङ्जी, “एनीगदे होशियार तसी चिउ, एनीगदेदा खालैसेन झुक्याब थालगै। |
| 24031 | MAT 24:5 | तिग्दा भिसम ल्हानान म्हिगदे ङाला मिन किन्सी ‘ङानोन थार्बा पिन्बा ख्रीष्ट हिन्ना’ भिसी खला। ओच्छे ल्हानान म्हिदा झुक्याब लला। |
| 24037 | MAT 24:11 | थे धुइरी ल्हानान फट्टा अगमवक्तागदे थोन्सी ल्हानान म्हिगदेदा झुक्याब लला। |
| 24045 | MAT 24:19 | थे धुइरी जिउ न्हीला म्रिङम्हेमेदेन कोलादा ङ्हे ख्वाबा आमागदेदा झन गाते ल्हानान दुख तला! |
| 24050 | MAT 24:24 | तिग्दा भिसम फट्टा ख्रीष्टगदेदेन फट्टा अगमवक्तागदे थोन्ना। ओच्छे थेनीगदेसे खम्तेधोना परमेश्वरसे धम्बा म्हिगदेदा झुक्याब लबाला लागिरी उदेकला घ्रेन चिनुगदेदेन उदेकला गेगदे लसी उन्ना। |
| 24062 | MAT 24:36 | “थे दुखला धिनदेन धुइ खाइमा खला भिसी स्वर्गदूतदाएनोन था आरे ओच्छे ङा परमेश्वरला झादाएनोन था आरे। थे ताम परमेश्वर आबादा जे था मुला। |
| 24078 | MAT 25:1 | येशूसे अझ चुह्रङ् भिसी सुङ्जी, “स्वर्गला य्हुल्सा चा गोर च्युइ म्रिङकोलागदेला ताम ह्रङ्बान तला। थे गोर च्युइ म्रिङकोलागदे ह्राङ ह्राङला नाङसल थोसी म्हाछारदा ह्रुप तबारी निजी। |
| 24106 | MAT 25:29 | तिग्दा भिसम जुन म्हिदेन छ्याम मुला थेदा अर्गुएनोन पिन्ना। जमाहेन्से थेदेन छ्याम झन ल्हानान तला। तर जुन म्हिदेन छ्याम आरे थेदेन छ्याम मुबा जजाकीएनोन थेग्याम ब्यन्ना। |
| 24113 | MAT 25:36 | ओच्छे ङाइ क्वान क्वान्आम्याङ्बा धुइरी एनीगदेसे ङादा क्वान पिन्जी। ङा आखम्बा धुइरी एनीगदेसे ङादा च्याजी, ङा झ्याल्खानरी परब तमा एनीगदे ङादा स्याप्बारी खजी।’ |
| 24116 | MAT 25:39 | ह्राङ आखम्बा खाइमा म्राङ्सी ङन्से ह्राङदा च्याजी? खाइमा ह्राङ झ्याल्खानरी परब तबा म्राङ्सी ङनी ह्राङदा स्याप्बारी खजी?’ |
| 24120 | MAT 25:43 | ङा विदेशी मुमा एनीगदेसे ङादा एनीगदेला दिमरी चिआपुङ्नी। ङाइ क्वान क्वान्आम्याङ्मा एनीगदेसे ङादा क्वान आपिन्नी। ङा आखम्बा धुइरी एनीगदेसे ङादा आच्यानी। ओच्छे ङा झ्याल्खानरी परब तबा धुइरी एनीगदे ङादा स्याप्बारी आखनी।’ |
| 24121 | MAT 25:44 | “जमाहेन्से थेनीगदेसेनोन ‘प्रभु, खाइमा ङन्से ह्राङ ख्रेन्बा फुइबादेन विदेशी, क्वान क्वान्आम्याङ्बा, आखम्बा ओच्छे झ्याल्खानरी परब तबा म्राङ्सीनोन ह्राङला वास्ता आलनी?’ भिसी ङ्योइला। |
| 24160 | MAT 26:37 | येशूसे पत्रुसदेन जब्दियाला झा न्हीदा ह्राङदेन छ्यामनोन भोर्सी फेप्जी। ओच्छे थेदा ल्हानान सुर्दा तसी सेमरी दुख तबारी छ्याइजी। |
| 24168 | MAT 26:45 | जमाहेन्से येशू चेलागदे मुबा ग्लारी फेप्खसी थेनीगदेदा चुह्रङ् भिसी सुङ्जी, “अझन एनीगदे म्हेर्सी ब्लप्बा न्हबान मुला? च्यागो, परमेश्वरसे पुइखबा म्हिदा चुङ्सी पापीगदेला यारी जिम्मा पिन्बा धुइ खसी जिन्बा मुला। |
| 24175 | MAT 26:52 | थे चेलादा येशूसे चुह्रङ् भिसी सुङ्जी, “एला तरवार स्युबारी झाङ्गो। तिग्दा भिसम तरवार थोबा जम्मान म्हिदा तरवारसेन ताम्सी नाश लला। |
| 24186 | MAT 26:63 | तर येशूसे तिगै जोहाब आलमाहेन्से परमेश्वरला मन्दिररी पूजा लबा मुल म्हिसे दोःसीनोन येशूदा “छोन्बो परमेश्वरला मिनरी घ्रान फासी ङन्दा पाङ्गो। तिग ए परमेश्वरला झा थार्बा पिन्बा ख्रीष्टनोन हिन्ना?” भिसी पाङ्मा, |