| 23218 | MAT 1:5 | सल्मोनला झा बोअज मुबा, थेला आमा राहाब मुबा, बोअजला झा ओबेद मुबा, थेला आमा रूथ मुबा, ओबेदला झा यिशै, |
| 23219 | MAT 1:6 | यिशैला झा दाऊद ग्ले मुबा, दाऊद ग्लेला सन्तान सोलोमन मुबा, सोलोमनला आमा चा ङाच्छा उरियाहला म्रिङ मुबा। |
| 23232 | MAT 1:19 | तर थेला ह्रेम्बो योसेफ परमेश्वरला ङाच्छा ज्यबा म्हि तबासे लमा थेदा म्हिला ओन्छाङरी पेःना थालगै भिसी खालैसे था आयाङ्ना लसी ख्लाबा सेम लजी। |
| 23235 | MAT 1:22 | परमप्रभुसे अगमवक्ताग्याम सुङ्बा बचन पूरा तगै भिसीन चु जम्मान तबा हिन्ना। |
| 23244 | MAT 2:6 | ‘यहूदिया अञ्चलरी मुबा बेथलेहेम नाम्सा जजा मुसैनोन घ्रेन तला, तिग्दा भिसम बेथलेहेमग्याम शासन लबा म्हि गिक थोन्ना, थेसे ङाला म्हि इस्राएलीगदेदा वास्ता लला’ भिसी भिजी।” |
| 23246 | MAT 2:8 | जमाहेन्से थेसे थेनीगदेदा “निउ, ओच्छे थे कोलादा ज्यना लसी म्हाइगो। थेदा स्याप्मैछ्याम ङादा पाङ्गो, ङाएनोन थेदा झ्याल्बारी निला” भिसी बेथलेहेमरी पुइजी। |
| 23247 | MAT 2:9 | ग्लेला ताम थेःसी थेनीगदे थेग्याम निजी। थेनीगदेसे ङाच्छा स्याररी म्राङ्बा सार दोःसी थेनीगदेला ङाच्छा ङाच्छा निजी, ओच्छे लैनु येशू मुबा ग्लारी धोमाहेन्से थे सार अडेब तजी। |
| 23249 | MAT 2:11 | दिम न्हङरी वाङ्मा थेनीगदेसे लैनु येशूदा थेला आमा मरियमदेन छ्याम म्राङ्जी, जमाहेन्से थेनीगदेसे येशूदा फ्या लसी ह्राङ ह्राङला बाकस ठोङ्सी म्हर, ज्यबा बास्ना खबा धूपदेन मूर्र भिबा महँगो अत्तर भसी फुल्जी। |
| 23251 | MAT 2:13 | ज्योतिषीगदे निमाहेन्से, परमप्रभुला दूत गिक म्हाङरी योसेफ मुबा ग्लारी खजी, ओच्छे थेसे योसेफदा “योसेफ, ए रेःसी लैनु कोलादेन थेला आमादा भोर्सी मिश्र य्हुल्सारी निउ। ओच्छे ङाइ एदा दोःसी खउ भिसी आपाङ्तेधोना एनीगदे थेरीन चिउ। तिग्दा भिसम हेरोदसे लैनु कोलादा साइबारी म्हाइबा मुला” भिसी भिजी। |
| 23252 | MAT 2:14 | जमाकुनु म्हुनङनोन रेःसी थेसे लैनु कोलादेन थेला आमादा भोर्सी मिश्र य्हुल्सारी निजी। |
| 23256 | MAT 2:18 | “रामा भिबा ग्लारी क्राबा क्रिङ्बा लबा थेःजी, राहेल ह्राङला कोलागदेला लागिरी क्राबान मुबा। थेदा जम्मासेन सम्झब लसैनोन क्राबा आख्लानी। तिग्दा भिसम थेला कोलागदे साइसी जिन्बा मुबा।” |
| 23258 | MAT 2:20 | “योसेफ, ए रेःसी लैनु कोलादेन थेला आमादा इस्राएल य्हुल्सारी भोर्सी निउ। तिग्दा भिसम लैनु कोलादा साइबारी म्हाइबा म्हिगदे जम्मान सिसी जिन्बा मुला” भिसी भिजी। |
| 23259 | MAT 2:21 | जमाहेन्से थे रेःसी लैनु कोलादेन थेला आमादा इस्राएल य्हुल्सारी भोर्सी निजी। |
| 23264 | MAT 3:3 | यशैया अगमवक्तासे चुनोन यूहन्नाला बारेरी चुह्रङ् भिसी पाङ्बा मुला, “तोङतोङबा ग्लारीक्यार परमप्रभुला ग्याम तयार लउ, ओच्छे ‘परमप्रभु भ्रबाला लागिरी थेला ग्याम सोजो स्होउ,’ भिसी म्हि गिक क्रिङ्बा मुला।” |
| 23272 | MAT 3:11 | “ङाइ चा एनीगदेसे ह्राङ ह्राङला पाप ख्लासी परमेश्वरपट्टि दोःजी भिसी क्युइसे बप्तिस्मा पिन्ना। तर ङा भन्दा लिच्छा फेप्खबासे एनीगदेदा परमेश्वरला आत्मादेन मेसे बप्तिस्मा पिन्ना। थे ङा भन्दा शक्तिशाली मुला। ओच्छे ङा थेला लखम पुइबाधोनाला सुत्तै आरे। |
| 23273 | MAT 3:12 | ग्वा य्हाप्बा नाख्ले थेलान छ्यारी मुला, दाहेन्से ग्वा ज्यना लसी य्हाप्सी ग्वा जति भकारीरी थान्ना ओच्छे पोलोवा जति खाइमै आसिबा मेरी ख्राङ्ला।” |
| 23276 | MAT 3:15 | तर येशूसे थेदा “दान्देदा चुह्रङ्नोन तगै। तिग्दा भिसम परमेश्वरसे म्हन्बा ताम पूरा लबारी य्हाङसे चुह्रङ्नोन लतोःला” भिसी सुङ्जी। जमाहेन्से यूहन्नासे येशूदा बप्तिस्मा पिन्जी। |
| 23277 | MAT 3:16 | ओच्छे येशूसे बप्तिस्मा किन्सी क्युइग्याम पाखारी थोन्मैछ्याम थेसे स्वर्ग ठोङ्सी परमेश्वरला आत्मा ढुकुर ह्रङ् लसी फाप्सी ह्राङथोरी फेप्खबान लबा म्राङ्जी। |
| 23279 | MAT 4:1 | जमाहेन्से परमेश्वरला आत्मासे शैतानग्याम सेम च्याबारी येशूदा तोङतोङबा ग्लारी भोर्जी। |
| 23280 | MAT 4:2 | थेरी बोगल न्ही धिनधोना येशूसे धिन म्हुननोन तिगै आसोल्नी। थेतबासेलमा थेदा ल्हानान फोख्रेन्जी। |
| 23281 | MAT 4:3 | जमाहेन्से शैतान येशू मुबा ग्लारी खसी “ह्राङ परमेश्वरला झा हिन्सम चु युङबागदेदा गेङ दोगो भिसी सुङ्गो” भिसी भिजी। |
| 23283 | MAT 4:5 | जमाहेन्से शैतानसे येशूदा परमेश्वरला शहर यरूशलेमरी भोर्सी परमेश्वरला मन्दिरला थोबोरी राप्पुङ्जी। |
| 23284 | MAT 4:6 | ओच्छे थेसे येशूदा “ह्राङ परमेश्वरला झा हिन्सम चुग्याम मार छ्योङ्गो। तिग्दा भिसम बचनरी चुह्रङ् भिसी भ्रिबा मुला, ‘परमेश्वरसे ह्राङदा चुङ्बाला लागिरी ह्राङला स्वर्गदूतगदेदा कुल्ला। ओच्छे एला काङ युङबारी थाठोक्गै भिसी एदा थेनीगदेसे या यारीन ताला’ भिसी भिजी।” |
| 23285 | MAT 4:7 | येशूसे थेदा “बचनरी चुह्रङ् लसी भ्रिबा मुला, ‘एसे ह्राङला परमप्रभु परमेश्वरला सेम च्याबा गे तिगै थालउ’” भिसी सुङ्जी। |
| 23286 | MAT 4:8 | दोःसी शैतानसे येशूदा नोबा गङ गिकरी भोर्सी जम्बुलिङला जम्मान य्हुल्सागदेदेन जम्मान ज्यबा स्हेगदे उन्जी। |
| 23288 | MAT 4:10 | जमाहेन्से येशूसे थेदा “शैतान, ए चुग्याम तुरुन्तन निउ! तिग्दा भिसम बचनरी ‘एसे ह्राङला परमप्रभु परमेश्वरदा फ्या लउ, ओच्छे थेदा जे तेन्गो’ भिसी भ्रिबा मुला” भिसी सुङ्जी। |
| 23289 | MAT 4:11 | जमाहेन्से शैतानसे येशूदा ख्लासी निजी ओच्छे स्वर्गदूतगदे खसी येशूदा क्योङ्जी। |
| 23292 | MAT 4:14 | चुह्रङ् लसी यशैया अगमवक्तासे पाङ्बा ताम पूरा तजी, |
| 23298 | MAT 4:20 | येशूसे थेह्रङ् सुङ्मैछ्याम, ह्राङला घ्याङ ख्लासी थेनीगदे येशूदेन छ्याम भ्रजी। |
| 23300 | MAT 4:22 | येशूसे चुह्रङ् सुङ्मैछ्याम थेनीगदे दोँगादेन आबादा ख्लासी येशूदेन छ्याम भ्रजी। |
| 23313 | MAT 5:10 | म्हिगदेसे दुख पिन्सैनोन परमेश्वरसे म्हन्बा अन्छार भ्रबागदेसे परमेश्वरग्याम मोलम याङ्ला, तिग्दा भिसम स्वर्गला य्हुल्सा थेनीगदेलान हिन्ना। |
| 23314 | MAT 5:11 | “ङादा विश्वास लबासे लमा म्हिगदेसे एनीगदेदा खिसी लला, दुख पिन्ना, ओच्छे लुसीला ताम पाङ्सी एनीगदेला बिरोधरी जम्मान नइबा ताम लमैनोन एनीगदेसे परमेश्वरग्याम मोलम याङ्ला। |
| 23315 | MAT 5:12 | तसैनोन एनीगदे ल्हानान ताङ्गो, तिग्दा भिसम स्वर्गरी एनीगदेसे घ्रेन इनाम याङ्ला। एनीगदे भन्दा ङाच्छाला अगमवक्तागदेदाएनोन थेनीगदेसे चुह्रङ् लसीन दुख पिन्मुबा। |
| 23318 | MAT 5:15 | म्हिगदेसे नाङसल म्रासी फामसे घप्सी आथान, तर दिमरी मुबा जम्मान म्हिगदेसे म्राङ्गै भिसी नोबा ग्लारी थान्ना। |
| 23319 | MAT 5:16 | चुह्रङ् लसी नाङसलसे य्हाल तना लबा ह्रङ् लसी एनीगदेसे ज्यबा गे लसी उन्गो। एनीगदेला गे म्राङ्सी थेनीगदेसे स्वर्गरी धन्छ्याबा एनीगदेला परमेश्वर आबाला जयजयकार लगै। |
| 23323 | MAT 5:20 | एनीगदेसे ङाला ताम ङ्यान्गो, तिग्दा भिसम एनीगदेसे यहूदी धर्मगुरुगदेदेन फरिसीगदेसे भन्दा ज्यना लसी परमेश्वरसे म्हन्बा अन्छार आलनी भिसम तिगै लसीन एनीगदे स्वर्गला य्हुल्सारी वाङ्आम्याङ्। |
| 23325 | MAT 5:22 | तर एनीगदेसे ङाला ताम ङ्यान्गो, जुन म्हिसे खालैदा बोमो लला, थे म्हिसे सजाय याङ्ला, ओच्छे खालैसे स्य्हान्दोदा हेला लजी भिसम थेदा अदालतरी भोर्ला। तर जुन म्हिसे स्य्हान्दोदा ‘ए गे आखेल्बा मूर्ख’ भिसी भिला थेदा नर्गला लोङ्बा खबा मेरी युला। |
| 23326 | MAT 5:23 | “थेतबासेलमा परमेश्वरदा भेटी फुल्बा धुइरी एदेन छ्याम खालै म्हि बोमो खबा मुला भिबा ताम एसे ढन्जी भिसम, |
| 23331 | MAT 5:28 | तर एनीगदेसे ङाला ताम ङ्यान्गो, जुन म्हिसे खालै म्रिङम्हेमेदा नइबा सेमसे च्याला थेसे सेमरी थे म्रिङम्हेमेदेन छ्याम ब्रेल्सी जिन्बा तला। |
| 23334 | MAT 5:31 | “परमेश्वरसे मोशादा पिन्बा ठिमरी चुह्रङ् भिसी भ्रिबा तामएनोन एनीगदेसे थेःबा मुला, ‘जुन म्हिसे म्रिङ ख्लाला थे म्हिसे छोडपत्रला कागज भ्रिसी पिन्गै।’ |
| 23335 | MAT 5:32 | तर एनीगदेसे ङाला ताम ङ्यान्गो, जुन म्हिसे ह्राङला म्रिङदा स्य्हान्दोदेन छ्याम ब्रेल्सी आभ्रसैनोन ख्लाला, थेसे ह्राङला म्रिङदा स्य्हान्दोदेन छ्याम ब्रेल्सी भ्रबा म्रिङम्हेमे स्होला। ओच्छे थे म्रिङम्हेमेदेन छ्याम जुन म्हिसे ब्याह लला थेएनोन ब्रेल्सी भ्रबा तला। |
| 23337 | MAT 5:34 | तर एनीगदेसे ङाला ताम ङ्यान्गो, एनीगदेसे घ्रान भिबा फानोन थाफागो, स्वर्गला मिनरी तसै, जम्बुलिङला मिनरी तसै एनीगदेसे घ्रान थाफागो। तिग्दा भिसम स्वर्ग परमेश्वर धन्छ्याबा ग्ला हिन्ना ओच्छे जम्बुलिङ परमेश्वरला स्य्हाप न्हेःबा ग्ला हिन्ना, ओच्छे यरूशलेम शहर चा जम्मालान ग्ले परमेश्वरला शहर हिन्ना। |
| 23340 | MAT 5:37 | थेतबासेलमा एनीगदेसे पाङ्बा ताम चा ‘हिन्ना’ भिसम ‘हिन्ना,’ ‘आहिन’ भिसम ‘आहिन’ जे तगै। थे भन्दा ल्हाना ताम चा शैतानग्याम खबा हिन्ना। |
| 23342 | MAT 5:39 | तर एनीगदेसे ङाला ताम ङ्यान्गो, एनीगदेदा बिरोध लबागदेदा एनीगदेसे बदला थाकिन्गो। बरु खालैसे एला दाहिने ग्रम्बारी तोजी भिसम अर्गुपट्टिला ग्रम्बाएनोन तासी पिन्गो। |
| 23343 | MAT 5:40 | खालै म्हिसे एदा बिरोध लसी मुद्दा लमा अदालतसे थेदा एला स्हुर्दम पिन्गो भिजी भिसम थेदा एसे घएनोन पिन्गो। |
| 23344 | MAT 5:41 | चुदे खालै म्हिसे एदा कोस गिकधोना भ्रउ भिसी कर लजी भिसम थेदेन छ्याम कोस न्हीधोना निउ। |
| 23345 | MAT 5:42 | खालैसे एदा ह्रीजी भिसम पिन्गो ओच्छे एदा छे ह्रीबा म्हिदाएनोन छे पिन्गो। |
| 23352 | MAT 6:1 | “एनीगदेसे लबा ज्यबा गेगदे म्हिगदेदा उन्बाला लागिरी भिसी थालउ। थेह्रङ् लजी भिसम स्वर्गरी धन्छ्याबा एनीगदेला परमेश्वर आबासे एनीगदेदा तिगै इनाम आपिन। थेतबासेलमा होशियार तसी चिउ। |
| 23353 | MAT 6:2 | “एनीगदेसे प्राङबोगदेदा पिन्बा धुइरी कप्टीगदेसे ह्रङ् लसी म्हिगदेदा थेःना लसी थाभ्रउ। तिग्दा भिसम थेनीगदे म्हिगदेसे मान लगै भिसी यहूदीगदे ह्रुप तबा दिमगदेदेन ग्यामरीक्यार निसी स्य्हान्दोदा थेःना लसी भ्रमुला। च्यागो, एनीगदेसे ङाला ताम ङ्यान्गो, थेनीगदेसे याङ्तोःबा इनाम याङ्सी जिन्बा मुला। |
| 23354 | MAT 6:3 | तर एसे प्राङबोगदेदा पिन्बा धुइरी एला दाहिने यासे तिग लबान मुला थे ताम एला देब्रे यासेनोन था थायाङ्गै। |
| 23355 | MAT 6:4 | थेतबासेलमा एसे प्राङबोगदेदा पिन्बा स्हे खालैदा था आतगै। थेह्रङ् लजी भिसम खालैसे था आयाङ्बा तामएनोन था याङ्बा परमेश्वर आबासे एदा इनाम पिन्ना। |
| 23357 | MAT 6:6 | तर ए प्रार्थना लबा धुइरी कोठा न्हङरी वाङ्सी म्राप ढुङ्गो, ओच्छे खालैसे आम्राङ्बा ग्लारी धन्छ्याबा परमेश्वर आबादेन छ्याम प्रार्थना लउ। जमाहेन्से खालैसे आम्राङ्बा तामएनोन म्राङ्बा परमेश्वर आबासे एदा इनाम पिन्ना। |
| 23360 | MAT 6:9 | “तर एनीगदेसे चा चुह्रङ् लसी प्रार्थना लउ, ‘स्वर्गरी धन्छ्याबा ङन्ना परमेश्वर आबा, ह्राङदा जम्मासेन मान लगै। |
| 23361 | MAT 6:10 | ओच्छे जम्मानथोरी ह्राङला शासन खगै, ओच्छे ह्राङसे म्हन्बा ताम स्वर्गरी पूरा तबा ह्रङ्नोन चु जम्बुलिङरीनोन पूरा तगै। |
| 23364 | MAT 6:13 | ओच्छे ङन्दा पापरी फसब तबा ग्यामरी भ्रआपुङ्गो, तर शैतानग्याम फेसी थान्गो। ह्राङला य्हुल्सादेन शक्ति ओच्छे ह्राङला मान सदनना लागिरी ह्राङलान हिन्ना, आमेन।’ |
| 23367 | MAT 6:16 | “एनीगदेसे फोइथान चिसी प्रार्थना लबा धुइरी कप्टी म्हिगदेसे ह्रङ् लसी ली धोपधोप लसी थाभ्रउ। तिग्दा भिसम थेनीगदेसे फोइथान चिसी प्रार्थना लबा म्हिगदेसे म्राङ्गै भिसी ली धोपधोप लसी भ्रमुला। थेतबासेलमा एनीगदेसे ङाला ताम ङ्यान्गो, थेनीगदेसे याङ्तोःबा इनाम याङ्सी जिन्बा मुला। |
| 23369 | MAT 6:18 | ओच्छे ए फोइथान चिसी प्रार्थना लबा म्हिगदेसे आहिन, तर खालैसे आम्राङ्बा ग्लारी धन्छ्याबा परमेश्वर आबासे म्राङ्गै। ओच्छे खालैसे आम्राङ्बा तामएनोन म्राङ्बा परमेश्वर आबासे एदा इनाम पिन्ना। |
| 23374 | MAT 6:23 | तर एला मी न्होङ्जी भिसम एसे तिगै आम्राङ्। थेह्रङ् लसीन एला सेमला नाङसल सिजी भिसम एला लागिरी जम्मान धोपधोप तला। |
| 23375 | MAT 6:24 | “खालैसेनोन मालिक न्हीला गे लबारी आखम। तिग्दा भिसम थेसे गिकदा हेला लला, ओच्छे स्य्हान्दोदा माया लला। अथवा थेसे गिकसे भिबा ताम ङ्यान्ना, ओच्छे स्य्हान्दोदा वास्तान आल। थेह्रङ् लसीन एनीगदेसेनोन परमेश्वरदेन धन सम्पत्ति न्हीलान गे लबारी आखम। |
| 23378 | MAT 6:27 | एनीगदे न्हङला खालैसे धन्दा सुर्दा लसी छिन्नङला लागिरी आयू काप्खम्ला? |
| 23379 | MAT 6:28 | “तिग्दा एनीगदेसे क्वान्ना लागिरी धन्दा सुर्दा लबा? ह्रिरी सार्बा म्हेन्दोदा च्यागो, थेसे गेएनोन आलमुला, क्वानएनोन आरामुला। तसैनोन थे खाह्रङ् लसी ल्हेमुला! |
| 23380 | MAT 6:29 | एनीगदेसे ङाला ताम ङ्यान्गो, सोलोमन ग्लेदेन ल्हानान धन सम्पत्ति मुसैनोन थेसे क्वान्बा क्वान थे म्हेन्दोगदे न्हङला गिक तेबै जेबा आरेमुबा। |
| 23394 | MAT 7:9 | “एनीगदे न्हङला खालैसे ह्राङला कोलासे गेङ ह्रीमा थेदा युङबा पिन्ना? |
| 23395 | MAT 7:10 | खाइमै तार्ङा ह्रीमा थेदा पुख्री पिन्ना? |
| 23397 | MAT 7:12 | एनीगदेदा स्य्हान्दो म्हिगदेसे जस्तो व्यवहार लगै भिसी म्हन्बा मुला एनीगदेसेनोन थेनीगदेदा थेह्रङ्बान व्यवहार लउ। तिग्दा भिसम परमेश्वरसे मोशादा पिन्बा ठिमरी मुबादेन अगमवक्तासे लोप्बा मुल ताम चुनोन हिन्ना। |
| 23398 | MAT 7:13 | “एनीगदे साङरो म्रापग्याम वाङ्गो। तिग्दा भिसम घ्रेन म्रापग्याम वाङ्बारी सजिलो मी मुला तसैनोन थे म्रापग्याम नाश तबा ग्लारी धोमुला। चु म्रापग्याम वाङ्बा म्हिगदे चा ल्हानान मुला। |
| 23399 | MAT 7:14 | तर साङरो म्रापदेन जजाबा ग्यामसे भ्रमा जुकजुकधोनाला जुनी याङ्मुला। तसैनोन चु ग्यामरी भ्रबा म्हिगदे ल्हाना आरे। |
| 23408 | MAT 7:23 | जमा ङाइ थेनीगदेदा ‘एनीगदेदा ङाइ खाइमै ङोसेबा आरे। पाप गे लबा म्हिगदे, एनीगदे ङा मुबा ग्लाग्याम निउ’ भिसी पाङ्ला। |
| 23410 | MAT 7:25 | बुद्धि मुबा म्हिसे दिम स्होमा नुप्ना जग ख्वसी स्होबासे लमा लाबालुङसरदेन भाल बाढी खसी थे दिमरी टसैनोन थे दिम आफुप्नी। |
| 23417 | MAT 8:3 | जमाहेन्से येशूसे थेदा थुर्सी “ए खम्गै भिबा ङाला सेम मुला, ए खम्गो” भिसी सुङ्मैछ्याम थेला कोरे म्हाजी। |
| 23418 | MAT 8:4 | ओच्छे येशूसे थेदा “एसे चु ताम खालैदा थापाङ्गो। बरु ए निसी परमेश्वरला मन्दिररी पूजा लबा म्हिदा उन्गो। ओच्छे मोशासे कुल्बा अन्छार बलि फुल्गो। थेह्रङ् लजी भिसम म्हिगदेसे ए खम्जी भिसी था याङ्ला” भिसी सुङ्जी। |
| 23422 | MAT 8:8 | तर कप्तानसे येशूदा “प्रभु, ह्राङ ङाला दिमरी फेप्खबाधोनाला ङा आरे। थेतबासेलमा ह्राङसे चुग्यामसेन खम्गै भिसी सुङ्जे सुङ्सैनोन ङाला नोकर खम्ला। |
| 23427 | MAT 8:13 | जमाहेन्से येशूसे थे कप्तानदा “ए निउ, एसे विश्वास लबा ह्रङ्नोन तगै” भिसी सुङ्जी। चुह्रङ् सुङ्बा धुइरीन थे नोकर खम्जी। |
| 23431 | MAT 8:17 | येशूसे चुह्रङ् लबासे लमा यशैया अगमवक्तासे पाङ्बा ताम पूरा तजी। यशैया अगमवक्तासे, “य्हाङसे नातोःबा दुख थेसेन नाजी ओच्छे य्हाङला आखम्बागदेएनोन खम्ना लजी” भिसी पाङ्बा मुबा। |
| 23433 | MAT 8:19 | थे धुइरी यहूदी धर्मगुरु गिक खसी येशूदा “गुरु, ह्राङ खानङदमान फेप्सै ङाएनोन ह्राङदेन छ्याम निला” भिसी भिजी। |
| 23434 | MAT 8:20 | जमाहेन्से येशूसे थेदा “च्यागो, ल्हुन्दीगदे चिबारी ऊ मुला, ओच्छे चरागदे चिबारीनोन जङ मुला। तर परमेश्वरसे पुइखबा म्हिला मी ब्लप्बा न्हबा ग्ला सुत्तै आरे” भिसी सुङ्जी। |
| 23436 | MAT 8:22 | येशूसे थेदा “सिबागदेदा सिबागदे ह्रङ्बासेन ल्हुगै, तर ए चा ङादेन छ्याम भ्रउ” भिसी सुङ्जी। |
| 23442 | MAT 8:28 | येशू समुन्द्रला क्याम्सङपट्टि गदरा भिबा ग्लारी धोखमा म्हङसे स्याप्बा म्हि न्ही धुर्साग्याम खबान लबा स्याप्जी। थे म्हि न्ही ल्हानान लोङ्बा खबा खाल्ला मुबासे लमा थे ग्याम खालै म्हि आभ्रमुबा। |
| 23464 | MAT 9:16 | खालैसे बोक्टो क्वानरी छार क्वानगेनसे आख्या, छार क्वानगेनसे बोक्टो क्वान ख्याजी भिसम बोक्टो क्वान झन ढेला। |
| 23465 | MAT 9:17 | ओच्छे खालै म्हिसेनोन ढिला बोक्टो ताङरी अङगुरला कलिलो निङगु आयु, चुदे युजी भिसम थे ताङ ढेसी अङगुरला निङगु ङेला। ओच्छे थे ताङएनोन गे आखेल्बा तला। तर अङगुरला कलिलो निङगु ढिला छार ताङरी युला ओच्छे न्हीनोन जोगब तला।” |
| 23470 | MAT 9:22 | फ्लिक दोःसी च्यामा येशूसे थे म्रिङम्हेमेदा म्राङ्जी। ओच्छे येशूसे थेदा “भङ लउ, माइ! एला विश्वाससे लमा ए खम्बा मुला” भिसी सुङ्मैछ्याम थे म्रिङम्हेमे खम्जी। |
| 23473 | MAT 9:25 | थेरी मुबा म्हिगदे मङग्यार थोन्माहेन्से येशू दिम न्हङरी वाङ्जी। ओच्छे थे माइला यारी चुङ्सी थीजी। थीमैछ्याम थे माइ डोङ रेःजी। |
| 23478 | MAT 9:30 | येशूसे चुह्रङ् सुङ्मैछ्याम थेन्नीसे म्राङ्जी। जमाहेन्से येशूसे थेन्नीदा “च्यागो, चु ताम खालैदान थापाङ्गो” भिसी सुङ्जी। |
| 23479 | MAT 9:31 | तसैनोन थेनीगदे निसी जम्मान ग्लारी येशूला बारेरी थेःना लजी। |
| 23481 | MAT 9:33 | येशूसे म्हङदा ताप्मैछ्याम थे ताइ दोबा म्हिसे ताम पाङ्बारी छ्याइजी। चु म्राङ्सी थेरी मुबा म्हिगदे उदेक तसी “चुह्रङ्बाम ङन्से इस्राएल य्हुल्साला म्हिगदे न्हङरी खाइमै म्राङ्बा आरेबा” भिसी भिजी। |
| 23484 | MAT 9:36 | म्हिला हुल म्राङ्सी येशूदा ल्हानान दया रेःजी, तिग्दा भिसम थेनीगदे खालैसे आच्याना दुख याङ्बा गोठालो आरेबा ग्युगदे ह्रङ्बान मुबा। |
| 23495 | MAT 10:9 | एनीगदेसे म्हर म्हुइदेन टाङगा तिगै थाभोर्गो। |
| 23496 | MAT 10:10 | ओच्छे एनीगदेसे ग्यामला लागिरी पोबा क्वानदेन झोला ओच्छे लखमदेन कडी तिगै थाभोर्गो। तिग्दा भिसम गे लबा म्हिसे ज्याला याङ्तोःमुला। |