| 23295 | MAT 4:17 | थे धुइहेन्से येशूसे “एनीगदेसे ह्राङ ह्राङला पाप ख्लासी परमेश्वरपट्टि दोःगो, तिग्दा भिसम स्वर्गला य्हुल्सा खसी जिन्बा मुला” भिसी म्हिगदेदा सुङ्बारी छ्याइजी। |
| 23299 | MAT 4:21 | थेग्याम फेप्बान लमा येशूसे जब्दियाला झागदे याकूबदेन थेला आले यूहन्नादा म्राङ्जी। थेनीगदे ह्राङला आबादेन छ्याम दोँगारी घ्याङ राबान मुबा। येशूसे थेनीगदेदाएनोन ङ्योइजी। |
| 23415 | MAT 8:1 | येशू गङग्याम मार फेप्खमाहेन्से ल्हानान म्हिगदे येशूदेन छ्याम भ्रबारी छ्याइजी। |
| 23429 | MAT 8:15 | चु म्राङ्सी येशूसे थेला यारी थुर्जी, ओच्छे थेला छवा म्हाजी। जमाहेन्से थे रेःसी येशूदा क्योङ्बारी छ्याइजी। |
| 23438 | MAT 8:24 | निबान लमा तिक्खुरीन समुन्द्ररी घ्रेन लाबालुङसर खजी। ओच्छे समुन्द्ररी छाल रेःसी छालसे दोँगा प्लिङ्बारी छ्याइजी। तर थे धुइरी येशू चा स्हिम्बा मुबा। |
| 23446 | MAT 8:32 | जमाहेन्से येशूसे थेनीगदेदा “निउ” भिसी सुङ्माहेन्से थेनीगदे थोन्सी ढ्वागदे न्हङरी वाङ्जी। जमाहेन्से जम्मान ढ्वागदे गङग्याम समुन्द्ररी छ्योङ्सी सिजी। |
| 23459 | MAT 9:11 | चु म्राङ्सी फरिसीगदेसे येशूला चेलागदेदा “एनीगदेला गुरु तिग्दा तिरो दुइबा म्हिगदे ओच्छे पापीगदेदेन छ्याम चिसी चबा?” भिसी ङ्योइजी। |
| 23462 | MAT 9:14 | जमाहेन्से यूहन्नाला चेलागदे येशू मुबा ग्लारी खसी “ङन्देन फरिसीगदे फोइथान चिसी प्रार्थना लमुला, तर ह्राङला चेलागदे चा तिग्दा फोइथान चिसी प्रार्थना आलबा?” भिसी ङ्योइजी। |
| 23473 | MAT 9:25 | थेरी मुबा म्हिगदे मङग्यार थोन्माहेन्से येशू दिम न्हङरी वाङ्जी। ओच्छे थे माइला यारी चुङ्सी थीजी। थीमैछ्याम थे माइ डोङ रेःजी। |
| 23481 | MAT 9:33 | येशूसे म्हङदा ताप्मैछ्याम थे ताइ दोबा म्हिसे ताम पाङ्बारी छ्याइजी। चु म्राङ्सी थेरी मुबा म्हिगदे उदेक तसी “चुह्रङ्बाम ङन्से इस्राएल य्हुल्साला म्हिगदे न्हङरी खाइमै म्राङ्बा आरेबा” भिसी भिजी। |
| 23482 | MAT 9:34 | तर फरिसीगदेसे चा “चु म्हिसे मी म्हङगदेला ग्लेला शक्तिग्याम म्हङ ताप्बा हिन्ना” भिसी भिबारी छ्याइजी। |
| 23499 | MAT 10:13 | थे दिमला म्हिसे एनीगदेदा मान लजी भिसम थे दिमला म्हिसे शान्ति याङ्गै। चुदे थे दिमला म्हिसे एनीगदेदा मान आलनी भिसम थे दिमला म्हिसे शान्ति थायाङ्गै। |
| 23559 | MAT 12:1 | येशूदेन थेला चेलागदे ब्लप्बा न्हबा धिनकुनु बुग्याम फेप्बान मुबा। थे धुइरी फोख्रेन्बासे लमा थेला चेलागदेसे ग्वाला नम थुसी चबारी छ्याइजी। |
| 23568 | MAT 12:10 | थेरी या गिक खर्बा म्हि मुबा। फरिसीगदेसे येशूदा दोष लबाला लागिरी “तिग ब्लप्बा न्हबा धिनकुनु खालै म्हिदा खम्ना लबा ठीक हिन्ना?” भिसी ङ्योइजी। |
| 23572 | MAT 12:14 | जमाहेन्से फरिसीगदे थेग्याम थोन्सी निजी, ओच्छे येशूदा खाह्रङ् लसी साइबा भिसी ह्राङ ह्राङ न्हङरी सल्लाह लबारी छ्याइजी। |
| 23692 | MAT 14:26 | चेलागदेसे येशू समुन्द्रथोरी भ्रसी फेप्खबान लबा म्राङ्सी “चु मी म्हङनोन हिन्ना!” भिसी थेनीगदे लोङ्सी क्रिङ्जी। |
| 23695 | MAT 14:29 | येशूसे “लु, खउ!” भिसी सुङ्माहेन्से पत्रुस दोँगाग्याम फाप्सी येशू मुबा ग्लारी निबारी समुन्द्रथोरी भ्रबारी छ्याइजी। |
| 23696 | MAT 14:30 | तर घ्रेन लाबा खबा म्राङ्सी थे लोङ्जी। लोङ्बासे लमा थे समुन्द्ररी डुबब तबारी छ्याइजी। जमाहेन्से थेसे “प्रभु, ङादा जोगब लउ” भिसी क्रिङ्जी। |
| 23748 | MAT 16:7 | तर चेलागदेसे चा “य्हाङसे गेङ भबारी म्लेःबासे लमा येशूसे चुह्रङ् सुङ्बा हिन्ना” भिसी ह्राङ ह्राङ न्हङरी ताम लबारी छ्याइजी। |
| 23777 | MAT 17:8 | जमाहेन्से थेनीगदे रेःसी च्यामा थेरी येशू बाहेक स्य्हान्दो खालैदा आम्राङ्नी। |
| 23794 | MAT 17:25 | पत्रुससे “फामुला” भिसी भिजी। जमाहेन्से पत्रुस दिम न्हङरी वाङ्सी येशूदा पाङ्बारी छ्याइमा येशूसेन, “सिमोन, एला तिग सेम मुला? जम्बुलिङला ग्लेगदेसे ह्राङलान म्हिगदेग्याम तिरो दुइमुला कि स्य्हान्दो म्हिगदेग्याम दुइमुला?” भिसी ङ्योइजी। |
| 23798 | MAT 18:2 | येशूसे कोला गिकदा ङ्योइजी। ओच्छे थेनीगदेला गुङरी राप्पुङ्सी, |
| 23826 | MAT 18:30 | तर थेसे आङ्यान्ना ह्रोदा टाङगा आपिन्तेधोना झ्याल्खानरी झाङ्जी। |
| 23828 | MAT 18:32 | थेह्रङ्बा ताम थेःसी ग्लेसे थे नोकरदा ह्राङ मुबा ग्लारी ङ्योइजी। ओच्छे थेदा ‘पापी नोकर, एला ताम थेःसी ङाइ दया लसी एसे फातोःबा जम्मान टाङगा ख्लापिन्जी। |
| 23834 | MAT 19:3 | ओच्छे कोइ कोइ फरिसीगदेसे येशूला सेम च्याबाला लागिरी, “खालै म्हिसे ह्राङला म्रिङदा तिगै दोष उन्सी छोडपत्र लबा ठीक हिन्ना कि आहिन” भिसी ङ्योइजी। |
| 23838 | MAT 19:7 | थेनीगदेसे दोःसी येशूदा “थेह्रङ् भिसम मोशासे तिग्दा छोडपत्र भ्रिसी म्रिङदा ख्लागो भिसी कुल्बा?” भिसी ङ्योइजी। |
| 23847 | MAT 19:16 | फ्युक्पो म्हि गिक येशू मुबा ग्लारी खसी, “गुरु, जुकजुकधोनाला जुनी याङ्बारी ङाइ ज्यबा गे तिग लतोःला?” भिसी ङ्योइजी। |
| 23856 | MAT 19:25 | चुह्रङ्बा ताम थेःसी चेलागदे उदेक म्हन्बान, “थेह्रङ् भिसम खाल्से थार्बा याङ्ला?” भिसी येशूदा ङ्योइजी। |
| 23872 | MAT 20:11 | ज्याला याङ्माहेन्से थेनीगदेसे थे अङगुर वारीला दोप्ताला बिरोध लबान ताम लबारी छ्याइजी। |
| 23893 | MAT 20:32 | जमाहेन्से थेन तसी येशूसे थेनीगदेदा “ङाइ एनीगदेला लागिरी तिग लगै भिसी म्हन्बा मुला?” भिसी ङ्योइजी। |
| 23904 | MAT 21:9 | जमाहेन्से येशूला लिच्छा ङाच्छा भ्रबा जम्मान म्हिला हुलसे चुह्रङ् भिसी क्रिङ्बान जयजयकार लजी, “दाऊद ग्लेला सन्तानला जयजयकार तगै। परमप्रभुला मिनरी फेप्खबासे परमेश्वरग्याम मोलम याङ्गै। थेह्रङ् लसीन स्वर्गरी धन्छ्याबा परमेश्वरदा जयजयकार तगै।” |
| 23905 | MAT 21:10 | येशू यरूशलेमरी धोमाहेन्से शहर नाङनोन हल्ली खल्ली तजी। ओच्छे म्हिगदेसे “चु खाल हिन्ना?” भिसी ङ्योइजी। |
| 23919 | MAT 21:24 | येशूसे थेनीगदेदा चुह्रङ् भिसी सुङ्जी, “एनीगदेदाएनोन ङाइ ताम गिक ङ्योइला। थे तामला जोहाब पिन्जी भिसम ङादा चु गेगदे लबारी खाल्से अधिकार पिन्जी थे एनीगदेदा पाङ्ला। |
| 23921 | MAT 21:26 | तर म्हिगदेग्याम भिजी भिसम म्हिला हुलसे साइला भिसी य्हाङ लोङ्मुला। तिग्दा भिसम जम्मासेन यूहन्नादा अगमवक्ता हिन्ना भिसी भिमुला।” |
| 23948 | MAT 22:7 | चु ताम थेःसी ग्ले ल्हानान बोमो खजी। जमाहेन्से ग्लेसे सिपाहीगदेदा पुइसी ह्राङला नोकरगदे साइबागदेदा साइजी। ओच्छे थेनीगदेला शहरएनोन ख्राङ्जी। |
| 23964 | MAT 22:23 | म्हि सिमाहेन्से दोःसी आसो भिसी विश्वास लबा सदुकीगदे थेनोन धिनकुनु येशू मुबा ग्लारी खसी येशूदा चुह्रङ् भिसी ङ्योइबारी छ्याइजी। |
| 24014 | MAT 23:27 | “परमेश्वरग्याम सजाय याङ्तोःबा यहूदी धर्मगुरुदेन फरिसीगदे, एनीगदे मी कप्टीगदे हिन्ना। एनीगदे तार साप्रासे च्युर्सी थान्बा धुर्सा ह्रङ्बान मुला। थे धुर्साला पाखापट्टि च्यामा चा जेबा म्राङ्मुला। तर न्हङरी भिसम सिबा म्हिला नख्रुदेन नइबा स्हेगदेसे प्लिङ्बा मुला। |
| 24017 | MAT 23:30 | ओच्छे ‘ङन्ना आखे म्हेमेसे अगमवक्तागदेदा साइबा धुइरी ङनीएनोन थेनीगदेदेन छ्याम मुबा हिन्सम थेनीगदेसे ह्रङ् चा ङन्से आलसेला मुबा’ भिसी एनीगदेसे पाङ्मुला। |
| 24087 | MAT 25:10 | “तर थेनीगदे छ्युगु ग्लुबारी निमा म्हाछार धोखजी। ओच्छे ङाच्छान ठीक तसी चिबागदे म्हाछारदेन छ्याम भोज चबारी दिम न्हङरी वाङ्जी। ओच्छे म्राप ढुङ्जी। |
| 24121 | MAT 25:44 | “जमाहेन्से थेनीगदेसेनोन ‘प्रभु, खाइमा ङन्से ह्राङ ख्रेन्बा फुइबादेन विदेशी, क्वान क्वान्आम्याङ्बा, आखम्बा ओच्छे झ्याल्खानरी परब तबा म्राङ्सीनोन ह्राङला वास्ता आलनी?’ भिसी ङ्योइला। |
| 24140 | MAT 26:17 | खमीर आयुना गेङ चसी धङ्बा चाडला शुरुला धिनकुनु चेलागदे येशू मुबा ग्लारी खसी “ह्राङला लागिरी ङन्से मिश्र य्हुल्साग्याम फेसी खबा धिनदा ढन्सी धङ्बा चाडला भोज खानङ ठीक लउ?” भिसी ङ्योइजी। |
| 24145 | MAT 26:22 | जमाहेन्से ल्हानान दुख ङ्हम्सी चेलागदे जम्मासेन येशूदा “प्रभु, थे म्हि ङानोन हिन्ना?” भिसी पालो पालो लसी ङ्योइबारी छ्याइजी। |
| 24148 | MAT 26:25 | येशूदा चुङ्सी पिन्बारी म्हाइबा यहूदासेनोन येशूदा “गुरु, थे म्हि ङानोन हिन्ना?” भिसी ङ्योइजी। जमाहेन्से येशूसे थेदा “थे ताम मी एसेन पाङ्जी” भिसी सुङ्जी। |
| 24160 | MAT 26:37 | येशूसे पत्रुसदेन जब्दियाला झा न्हीदा ह्राङदेन छ्यामनोन भोर्सी फेप्जी। ओच्छे थेदा ल्हानान सुर्दा तसी सेमरी दुख तबारी छ्याइजी। |
| 24181 | MAT 26:58 | तर पत्रुस चा थारेङग्यामसेन येशूदा च्याबान च्याबान थे पूजा लबा मुल म्हिला दिमला ख्राङगाधोनान निजी। जमाहेन्से येशूदा तिग लबा चीम भिसी पालेगदेदेन छ्याम चिसी च्याबारी छ्याइजी। |
| 24185 | MAT 26:62 | जमाहेन्से परमेश्वरला मन्दिररी पूजा लबा मुल म्हि रेःसी येशूदा “एसे तिग्दा जोहाब आपिन्बा? चु म्हिगदेसे एला बिरोधरी पाङ्बा तामला बारेरी एदा तिगै पाङ्सेला आरे?” भिसी ङ्योइजी। |
| 24192 | MAT 26:69 | थे धुइरी पत्रुस ख्राङगारी मुबा। थेदा म्राङ्सी नोकरस्या गिक थे मुबा ग्लारी खसी, “एएनोन गालीलला येशूदेन छ्यामनोन मुबा आहिन?” भिसी ङ्योइजी। |
| 24215 | MAT 27:17 | थेरी म्हिगदे पोप तमाहेन्से पिलातससे थेनीगदेदा “ङाइ खाल्दा पुइगै भिबा एनीगदेला सेम मुला? बारब्बादा पुइगो कि थार्बा पिन्बा ख्रीष्ट भिबा येशूदा पुइगो?” भिसी ङ्योइजी। |
| 24221 | MAT 27:23 | पिलातससे “तिग्दा? चुसे थेह्रङ्बा आज्यबा गे तिग लबा मुला?” भिसी ङ्योइजी। तर थेनीगदेसे झन क्रिङ्बान, “चुदा क्रुसरी टाँगब लसी साइगो” भिसी भिजी। |
| 24305 | MRK 1:21 | जमाहेन्से थेनीगदे कफर्नहुम भिबा शहररी फेप्जी। ओच्छे ब्लप्बा न्हबा धिनकुनु येशू यहूदीगदे ह्रुप तबा दिमरी फेप्सी परमेश्वरला बचनग्याम लोप्बारी छ्याइजी। |
| 24315 | MRK 1:31 | थेतबासेलमा येशू सिमोनना स्युमी मुबा ग्लारी फेप्सी थेला यारी चुङ्सी थीजी। जमाहेन्से थेला छवा म्हाजी। ओच्छे थेसे थेनीगदेदा क्योङ्बारी छ्याइजी। |
| 24342 | MRK 2:13 | दोःसी तिरेम येशू समुन्द्रला कुनीरी फेप्जी। थेरी येशूदा म्राङ्सी म्हिला हुल खजी ओच्छे येशूसे थेनीगदेदा लोप्बारी छ्याइजी। |
| 24345 | MRK 2:16 | फरिसीदेन यहूदी धर्मगुरुगदेसे येशू पापीगदेदेन तिरो दुइबा म्हिगदेदेन छ्यामनोन धन्छ्यासी चबा म्राङ्सी थेनीगदेसे थेला चेलागदेदा “तिग्दा चुसे पापीगदेदेन तिरो दुइबा म्हिगदेदेन छ्याम चिसी चबा?” भिसी ङ्योइजी। |
| 24347 | MRK 2:18 | यूहन्नाला चेलागदेदेन फरिसीगदे फोइथान चिसी प्रार्थना लबान लमुबा। थेतबासेलमा कोइ कोइ म्हिगदे खसी येशूदा “यूहन्नाला चेलागदेदेन फरिसीला चेलागदे फोइथान चिसी प्रार्थना लमुला तर ह्राङला चेलागदेसे चा तिग्दा चुह्रङ् आलबा?” भिसी ङ्योइजी। |
| 24352 | MRK 2:23 | ब्लप्बा न्हबा धिनकुनु येशू बुग्याम फेप्बान मुबा। थे धुइरी थेला चेलागदेसे ग्वाला नम थुबारी छ्याइजी। |
| 24353 | MRK 2:24 | चु म्राङ्सी फरिसीगदेसे येशूदा “च्यागो, ब्लप्बा न्हबा धिनकुनु लबारी आतबा गे थेनीगदेसे तिग्दा लबा?” भिसी ङ्योइजी। |
| 24358 | MRK 3:1 | दोःसी येशू यहूदीगदे ह्रुप तबा दिमरी वाङ्जी। थेरी या खर्बा म्हि गिक मुबा। |
| 24361 | MRK 3:4 | थेसे थेनीगदेदा “ब्लप्बा न्हबा धिनकुनु ज्यबा गे लबा कि नइबा गे लबा, म्हि सोना लबा कि सिना लबा खजिबा चा ज्यबा हिन्ना?” भिसी ङ्योइजी। तर थेनीगदे कुटिसी चिजी। |
| 24393 | MRK 4:1 | येशूसे दोःसी समुन्द्रला कुनीरी फेप्सी लोप्बारी छ्याइजी। थेरी म्हिला हुल मुबासे लमा येशू समुन्द्ररी मुबा दोँगा गिकरी धन्छ्यासी लोप्बारी छ्याइजी। ओच्छे म्हिला हुल चा समुन्द्रला कुनीरीक्यार चिजी। |
| 24402 | MRK 4:10 | म्हिला हुल निमाहेन्से येशूला क्युर्नोन मुबा म्हिगदेदेन च्युक न्ही चेलागदेसे थे उखानना अर्थ ङ्योइजी। |
| 24429 | MRK 4:37 | निबान लमा समुन्द्ररी लाबालुङसर खजी। थे लाबालुङसरसे लमा समुन्द्रला छाल रेःसी दोँगा डुबब तबारी छ्याइजी। |
| 24433 | MRK 4:41 | ओच्छे चेलागदे उदेक म्हन्सी लोङ्बान, “चु खाल? लाबालुङसरदेन समुन्द्रला छालसेएनोन थेसे कुल्बा ताम ङ्यान्बा चीम!” भिसी थेनीगदे ह्राङ ह्राङ न्हङरी ताम लबारी छ्याइजी। |
| 24446 | MRK 5:13 | येशूसे वाङ्पुङ्माहेन्से म्हङगदे म्हिला ल्हुइग्याम थोन्सी ढ्वागदे न्हङरी वाङ्जी। वाङ्मैछ्याम ओस्पन, हजार न्ही ढ्वला बथान गङग्याम समुन्द्ररी छ्योङ्सी सिजी। |
| 24450 | MRK 5:17 | जमाहेन्से थेनीगदेसे येशूदा “चु ग्लाग्याम फेप्गो” भिसी बिन्ती लबारी छ्याइजी। |
| 24463 | MRK 5:30 | ओच्छे येशूसे ह्राङला ल्हुइग्याम तुरुन्तन शक्ति थोन्बा था याङ्सी म्हिला हुलपट्टि दोःसी, “खाल्से ङाला क्वान थुर्जी?” भिसी ङ्योइजी। |
| 24465 | MRK 5:32 | ङादा थुर्बा खाल भिसी येशूसे क्युर्सीन च्याबारी छ्याइजी। |
| 24475 | MRK 5:42 | येशूसे चुह्रङ् सुङ्मैछ्याम थे माइ डोङ रेःसी क्यारमार भ्रबारी छ्याइजी। थे माइ च्युक न्ही दिङला मुबा। चु म्राङ्सी थेनीगदे उदेक म्हन्जी। |
| 24478 | MRK 6:2 | ब्लप्बा न्हबा धिनकुनु येशूसे यहूदीगदे ह्रुप तबा दिमरी लोप्बारी छ्याइजी। थेसे लोप्बा म्राङ्सी ल्हानान म्हिगदे उदेक तजी, “चु म्हिसे चु जम्मान खानङग्याम याङ्जी? चुदा पिन्बा चु ज्ञान बुद्धि खाह्रङ्बा हिन्ना? चुला याग्यामसे खाह्रङ्बा उदेकला गे तबा? |
| 24510 | MRK 6:34 | येशू दोँगाग्याम फाप्बा धुइरी ल्हानान म्हिला हुल म्राङ्सी थेदा दया रेःजी। तिग्दा भिसम थे म्हिगदे गोठालो आरेबा ग्युगदे ह्रङ्बा मुबा। येशूसे थे म्हिगदेदा ल्हानान ताम लोप्बारी छ्याइजी। |
| 24525 | MRK 6:49 | थेनीगदेसे येशूदा समुन्द्रथोरी भ्रबान लबा म्राङ्सी म्हङ मुनम भिसी थेनीगदे लोङ्सी क्रिङ्जी। |
| 24531 | MRK 6:55 | ओच्छे थेनीगदे क्यारमारला नाम्सारी निसी येशू फेप्खजी भिसी थेःना लजी। जमाहेन्से म्हिगदेसे आखम्बा म्हिगदेदा तीबा नान्बादेन छ्यामनोन येशू मुबा ग्लारी भबारी छ्याइजी। |
| 24537 | MRK 7:5 | ओच्छे फरिसीगदेदेन यहूदी धर्मगुरुसे येशूदा “ह्राङला चेलागदे तिग्दा आखे म्हेमेला रिमठिम अन्छार आभ्रबा? ओच्छे या आख्रुनान चबा?” भिसी ङ्योइजी। |
| 24543 | MRK 7:11 | तर एनीगदेसे चा ‘जुन म्हिसे ह्राङला आबा आमादा पिन्तोःबा स्हे परमेश्वरदा फुल्बा मुला, थेसे ह्राङला आबा आमादा मान लआतोः’ भिसी पाङ्मुला। |
| 24565 | MRK 7:33 | येशूसे थे म्हिदा म्हिला हुलग्याम जजाकी क्याथाङ भोर्सी थेला नाब्यङ न्हीरी या जुम्बी झाङ्जी। ओच्छे सरी थो स्वासी यासे थेला लेरी थुर्जी। |
| 24567 | MRK 7:35 | चुह्रङ् भिमैछ्याम थे म्हिला नाब्यङ थेःजी ओच्छे थेसे ज्यना लसी ताम पाङ्बारी छ्याइजी। |
| 24569 | MRK 7:37 | चु ताम थेःबागदेसे उदेक म्हन्सी, “येशूसे लबा जम्मान गे ज्यबा मुला। थेसे नाब्यङ आथेःबा खाग्ले म्हिदाएनोन खम्ना लमुला” भिसी भिबारी छ्याइजी। |
| 24580 | MRK 8:11 | फरिसीगदे येशू मुबा ग्लारी खसी चुह्रङ् भिसी ताम लबारी छ्याइजी। ओच्छे येशूला सेम च्याबान, “ङन्दा स्वर्गला चिनु गिक उन्गो” भिसी भिजी। |
| 24585 | MRK 8:16 | तर चेलागदेसे चा “य्हाङदेन छ्याम गेङ आरेबासे लमा येशूसे चुह्रङ् भिसी सुङ्बा हिन्ना” भिसी ह्राङ ह्राङ न्हङरी ताम लबारी छ्याइजी। |
| 24596 | MRK 8:27 | जमाहेन्से येशू ह्राङला चेलागदेदेन छ्याम कैसरिया फिलिप्पी भिबा ग्लाला नाम्सारीक्यार फेप्जी। थेनीगदे ग्यामरी फेप्बान लमा येशूसे ह्राङला चेलागदेदा “म्हिगदेसे ङादा खाल भिमुला?” भिसी ङ्योइजी। |
| 24615 | MRK 9:8 | चुह्रङ् भिबा थेःसी थेनीगदेसे क्यारमार च्यामा थेरी येशू बाहेक खालैदा आम्राङ्नी। |
| 24618 | MRK 9:11 | थेनीगदेसे येशूदा “यहूदी धर्मगुरुगदेसे तिग्दा एलिया अगमवक्ता ङाच्छा खतोःला भिबा?” भिसी ङ्योइजी। |
| 24628 | MRK 9:21 | ओच्छे येशूसे थे म्हङसे स्याप्बा कोलाला आबादा “खाइमाहेन्से चुह्रङ् तबा?” भिसी ङ्योइजी। थेला आबासे येशूदा चुह्रङ् भिसी भिजी, “चुदा जजाहेन्सेन चुह्रङ् तबा हिन्ना। |
| 24635 | MRK 9:28 | दिम न्हङरी वाङ्माहेन्से खालै आरेबा धुइरी येशूदा चेलागदेसे “तिग्दा ङन्से थे म्हङदा ताप्बारी आखम्नी” भिसी ङ्योइजी। |
| 24640 | MRK 9:33 | थेनीगदे कफर्नहुम नाम्सारी धोमाहेन्से जम्मान दिमरी मुबा धुइरी येशूसे चेलागदेदा “दोलो एनीगदे ग्यामरी तिग ताम लबान मुबा?” भिसी ङ्योइजी। |
| 24659 | MRK 10:2 | फरिसीगदेसे येशूला सेम च्याबाला लागिरी येशूदा “खालै म्हिसे ह्राङला म्रिङदेन छोडपत्र लबारी तला कि आत?” भिसी ङ्योइजी। |
| 24667 | MRK 10:10 | येशू ह्राङला चेलागदेदेन छ्याम दिमरी धन्छ्याबा धुइरी चेलागदेसे येशूदा थे तामला बारेरी ङ्योइजी। |
| 24674 | MRK 10:17 | येशू ग्यामरी फेप्बान लबा धुइरी म्हि गिक यार्बान खसी पुइ जूबान येशूदा “ज्यबा गुरु, जुकजुकधोनाला जुनी याङ्बाला लागिरी ङाइ तिग लतोःला?” भिसी ङ्योइजी। |
| 24693 | MRK 10:36 | “ङाइ एनीगदेला लागिरी तिग लतोःजी?” भिसी येशूसे थेनीगदेदा ङ्योइजी। |
| 24704 | MRK 10:47 | नासरतला येशू खबा थेःसी थेसे “दाऊद ग्लेला सन्तान येशू, ङादा दया लउ!” भिसी क्रिङ्बारी छ्याइजी। |
| 24714 | MRK 11:5 | थेरी राप्सी चिबा म्हिगदेसे “एनीसे थे गधाला कोलादा ब्लसी तिग लबारी छ्याइबा?” भिसी ङ्योइजी। |
| 24718 | MRK 11:9 | येशूला लिच्छा ङाच्छा भ्रबा म्हिगदेसे चुह्रङ् भिसी क्रिङ्बारी छ्याइजी “परमेश्वरदा जयजयकार तगै, परमप्रभुला मिनरी फेप्खबासे परमेश्वरग्याम मोलम याङ्गै। |
| 24720 | MRK 11:11 | यरूशलेमरी धोखमाहेन्से येशू परमेश्वरला मन्दिर न्हङरी वाङ्जी। ओच्छे थेसे परमेश्वरला मन्दिरला क्युर्सीन स्हीजी। तर घइबासे लमा येशू ह्राङला च्युक न्ही चेलागदेदेन छ्याम बेथानिया नाम्सारी फेप्जी। |
| 24727 | MRK 11:18 | चु ताम परमेश्वरला मन्दिररी पूजा लबा मुल म्हिगदेदेन यहूदी धर्मगुरुगदेसे थेःसी येशूदा खाह्रङ् लसी साइबा भिसी दाउ च्यासी भ्रबारी छ्याइजी। तिग्दा भिसम येशूसे लोप्बा तामरी जम्मान म्हिगदे उदेक म्हन्मुबा। थेतबासेलमा थेनीगदे येशूदेन छ्याम लोङ्मुबा। |
| 24737 | MRK 11:28 | “ह्राङसे खानङग्याम अधिकार याङ्सी चु गे लबा हिन्ना? ह्राङदा चु अधिकार खाल्से पिन्बा हिन्ना?” भिसी ङ्योइजी। |
| 24738 | MRK 11:29 | येशूसे थेनीगदेदा चुह्रङ् भिसी ङ्योइजी, “एनीगदेदाएनोन ङाइ ताम गिक ङ्योइला। थे तामला जोहाब पिन्जी भिसम ङादा चु गेगदे लबारी खाल्से अधिकार पिन्जी थे एनीगदेदा पाङ्ला। |
| 24770 | MRK 12:28 | येशूसे म्हिगदेदा ज्यना लसी जोहाब पिन्बा म्राङ्सी यहूदी धर्मगुरुगदे न्हङला गिकसे, “गुरु, परमेश्वरसे मोशादा पिन्बा ठिमरी जम्मान भन्दा मुल ताम चा खजिबा हिन्ना?” भिसी ङ्योइजी। |
| 24835 | MRK 14:12 | खमीर आयुना गेङ चसी धङ्बा चाडला शुरुला धिनकुनु यहूदीगदेसे ग्यु बोगो फुल्तोःमुबा। येशूला चेलागदेसे येशूदा “ह्राङला लागिरी ङन्से मिश्र य्हुल्साग्याम फेसी खबा धिनदा ढन्सी धङ्बा चाडला भोज खानङ ठीक लउ?” भिसी ङ्योइजी। |
| 24842 | MRK 14:19 | चु ताम थेःमाहेन्से चेलागदेदा दुख ङ्हम्सी, “थे म्हि ङानोन हिन्ना?” भिसी पालो पालो लसी येशूदा ङ्योइजी। |
| 24846 | MRK 14:23 | जमाहेन्से येशूसे खोरेरी मुबा अङगुरला निङगु थोसी परमेश्वरदा धन्यवाद पिन्सी चेलागदेदा पिन्जी। ओच्छे थेनीगदेसे थे खोरेग्याम थुङ्जी। |
| 24856 | MRK 14:33 | येशूसे पत्रुस, याकूबदेन यूहन्नादा ह्राङदेन छ्याम भोर्जी। ओच्छे येशूला सेम भोल्सी ल्हानान दुख तबारी छ्याइजी। |