| 23236 | MAT 1:23 | “च्यागो, ब्याह आलबा म्रिङकोला गिक न्हसेला तला ओच्छे थेसे झा न्हला, थेला मिन इम्मानुएल भिसी थान्ना,” इम्मानुएल भिबा चा “परमेश्वर य्हाङदेन छ्याम” भिबा हिन्ना। |
| 23276 | MAT 3:15 | तर येशूसे थेदा “दान्देदा चुह्रङ्नोन तगै। तिग्दा भिसम परमेश्वरसे म्हन्बा ताम पूरा लबारी य्हाङसे चुह्रङ्नोन लतोःला” भिसी सुङ्जी। जमाहेन्से यूहन्नासे येशूदा बप्तिस्मा पिन्जी। |
| 23306 | MAT 5:3 | “परमेश्वरथोरी जे आश लबागदेसे परमेश्वरग्याम मोलम याङ्ला, तिग्दा भिसम स्वर्गला य्हुल्सा थेनीगदेलान हिन्ना। |
| 23330 | MAT 5:27 | “परमेश्वरसे मोशादा पिन्बा ठिमरी चुह्रङ् भिसी भ्रिबा तामएनोन एनीगदेसे थेःबा मुला, ‘ए स्य्हान्दोला म्रिङदेन छ्याम ब्रेल्सी थाभ्रउ।’ |
| 23334 | MAT 5:31 | “परमेश्वरसे मोशादा पिन्बा ठिमरी चुह्रङ् भिसी भ्रिबा तामएनोन एनीगदेसे थेःबा मुला, ‘जुन म्हिसे म्रिङ ख्लाला थे म्हिसे छोडपत्रला कागज भ्रिसी पिन्गै।’ |
| 23336 | MAT 5:33 | “परमेश्वरसे मोशादा पिन्बा ठिमरी चुह्रङ् भिसी भ्रिबा तामएनोन एनीगदेसे थेःबा मुला, ‘एसे लुसीला ताम लसी घ्रान थाफागो, ओच्छे परमेश्वरदेन छ्याम लबा कबुल पूरा लउ।’ |
| 23341 | MAT 5:38 | “परमेश्वरसे मोशादा पिन्बा ठिमरी चुह्रङ् भिसी भ्रिबा तामएनोन एनीगदेसे थेःबा मुला, ‘मीला बदला मी, ओच्छे स्वाला बदला स्वा किन्गो।’ |
| 23346 | MAT 5:43 | “परमेश्वरसे मोशादा पिन्बा ठिमरी चुह्रङ् भिसी भ्रिबा तामएनोन एनीगदेसे थेःबा मुला, ‘एसे ह्राङला खिम्जेमदा माया लउ, ओच्छे शत्रुदा हेला लउ।’ |
| 23379 | MAT 6:28 | “तिग्दा एनीगदेसे क्वान्ना लागिरी धन्दा सुर्दा लबा? ह्रिरी सार्बा म्हेन्दोदा च्यागो, थेसे गेएनोन आलमुला, क्वानएनोन आरामुला। तसैनोन थे खाह्रङ् लसी ल्हेमुला! |
| 23391 | MAT 7:6 | “परमेश्वरदा फुल्तोःबा स्हे नगीदा थापिन्गो, तिग्दा भिसम थेसे एदा ख्राप्बारी खला। ओच्छे ह्राङला मोती ढ्वला ङाच्छापट्टि थाभ्याङ्गो। तिग्दा भिसम थेसे मोती नाङ्सी भ्रला। |
| 23431 | MAT 8:17 | येशूसे चुह्रङ् लबासे लमा यशैया अगमवक्तासे पाङ्बा ताम पूरा तजी। यशैया अगमवक्तासे, “य्हाङसे नातोःबा दुख थेसेन नाजी ओच्छे य्हाङला आखम्बागदेएनोन खम्ना लजी” भिसी पाङ्बा मुबा। |
| 23432 | MAT 8:18 | येशूसे ह्राङला क्युर्सीन ल्हानान म्हिगदे म्राङ्सी “य्हाङ समुन्द्रला क्याम्सङपट्टि निइ” भिसी सुङ्जी। |
| 23443 | MAT 8:29 | थेनीगदेसे येशूदा म्राङ्सी क्रिङ्बान, “परमेश्वरला झा, ह्राङसे ङन्दा तिग लबारी म्हाइबा? ङन्ना धुइ आतमान ह्राङ ङन्दा नाश लबारी फेप्खबा हिन्ना?” भिसी भिजी। |
| 23460 | MAT 9:12 | चु ताम थेःसी येशूसे “खम्बा म्हिगदेदा डाक्टर आतोः, तर आखम्बा म्हिगदेदा जे डाक्टर तोःला। |
| 23462 | MAT 9:14 | जमाहेन्से यूहन्नाला चेलागदे येशू मुबा ग्लारी खसी “ङन्देन फरिसीगदे फोइथान चिसी प्रार्थना लमुला, तर ह्राङला चेलागदे चा तिग्दा फोइथान चिसी प्रार्थना आलबा?” भिसी ङ्योइजी। |
| 23463 | MAT 9:15 | येशूसे थेनीगदेदा चुह्रङ् भिसी सुङ्जी, “म्हाछार जन्तीगदेदेन छ्याम मुतेधोना थेरी मुबागदेसे सुर्दा आल। तर म्हाछार थेनीगदेग्याम फेसी भोर्माहेन्से जे थेनीगदे सुर्दा तसी फोइथान चिला। |
| 23466 | MAT 9:18 | येशूसे थेनीगदेदा चुह्रङ् सुङ्बान लबा धुइरी यहूदीगदे ह्रुप तबा दिमला नेता गिक खजी। ओच्छे येशूदा फ्या लसी “दान्दे भर्खर ङाला झामे सिजी, तर ह्राङ फेप्खसी थेदा ह्राङसे थुर्जी भिसम थे सोला” भिसी भिजी। |
| 23498 | MAT 10:12 | ओच्छे थे दिमरी वाङ्मा एनीगदेसे थे दिमला म्हिदा “परमेश्वरला शान्ति एनीगदेदेन छ्याम तगै” भिसी पाङ्गो। |
| 23530 | MAT 11:2 | थे धुइरी बप्तिस्मा पिन्बा यूहन्ना झ्याल्खानरी मुबा। थार्बा पिन्बा ख्रीष्टसे लबा गेला बारेरी थेःसी यूहन्नासे ह्राङला चेलागदेदा “ङन्से फेप्खला भिसी आश लसी चिबा थार्बा पिन्बा ग्ले ह्राङनोन हिन्ना कि स्य्हान्दो खालैदा भ्रान्तोःबा हिन्ना?” भिसी ङ्योइबारी थार्बा पिन्बा ख्रीष्ट मुबा ग्लारी पुइजी। |
| 23544 | MAT 11:16 | “दान्देला म्हिगदेदा ङाइ खाह्रङ् लसी घोना लसे? थेनीगदे मी ग्यामरीक्यार क्लाङ्बा कोलागदे ह्रङ्बान हिन्ना। थेनीगदेसे ह्राङला ह्रोगदेदा ङ्योइसी चुह्रङ् भिमुला, |
| 23587 | MAT 12:29 | “भङ्बा म्हिला दिमरी वाङ्सी ङाच्छा थे म्हिदा आखीना खालैसे थेला धन सम्पत्ति य्हो लखम्ला? थे भङ्बा म्हिदा खीमाहेन्से जे थेसे थेला धन सम्पत्ति भोर्खम्ला। |
| 23591 | MAT 12:33 | “ज्यना लसी सयार लबा दोङरी ज्यना लसीन रोला। ओच्छे ज्यना लसी सयार आलबा दोङरी ज्यना लसी आरो। थेतबासेलमा सयार लजीम कि आलजीम भिबा ताम रोग्यामसेन था तला। |
| 23601 | MAT 12:43 | “म्हङ म्हिला ल्हुइग्याम थोन्सी निमाहेन्से थेसे ब्लप्बा न्हबारी तोङतोङबा ग्लारीक्यार ग्ला म्हाइसी भ्रला। ओच्छे खानङएनोन ब्लप्बा न्हबा ग्ला आयाङ्माहेन्से, |
| 23619 | MAT 13:11 | येशूसे थेनीगदेदा चुह्रङ् भिसी जोहाब पिन्जी, “म्हिसे था आयाङ्बा स्वर्गला य्हुल्साला ताम ङाइ एनीगदेदा घोखम्बा ज्ञान बुद्धि पिन्बा मुला। तर थेनीगदेदा चु ज्ञान बुद्धि पिन्बा आरे। |
| 23622 | MAT 13:14 | “परमेश्वरसे यशैया अगमवक्ताग्याम सुङ्बा ताम चुह्रङ् लसी पूरा तबा मुला, ‘थेनीगदेसे ङ्यान्बाम ङ्यान्मुला तर खाइमै आघोमुला, च्याबाम च्यामुला तर खाइमै आम्राङ्मुला, |
| 23636 | MAT 13:28 | “जमाहेन्से दिमला मालिकसे थेनीगदेदा ‘खालै शत्रुसे चुह्रङ् लबा हिन्ना’ भिसी भिमा, नोकरगदेसे ‘थेह्रङ् भिसम ङनी निसी थे कोडोङ स्योइसी भ्याङ्गो?’ भिसी भिजी। |
| 23645 | MAT 13:37 | येशूसे थेनीगदेदा चुह्रङ् भिसी सुङ्जी, “ज्यबा ब्लु ढ्वबा म्हि चा परमेश्वरसे पुइखबा म्हि हिन्ना। |
| 23681 | MAT 14:15 | ओच्छे ङ्यसे तमाहेन्से येशूला चेलागदे थे मुबा ग्लारी खसी “दाहेन्से ङ्यसे तसी जिन्जी, चु सुनसान ग्लारी तिगै आरे। थेतबासेलमा चु म्हिगदेदा पुइगो। ओच्छे थेनीगदे नाम्सा नाम्सारी निसी ह्राङ ह्राङला लागिरी चबा स्हे ग्लुसी चगै” भिसी येशूदा पाङ्जी। |
| 23683 | MAT 14:17 | जमाहेन्से थेनीगदेसे येशूदा “ङन्देन छ्याम गोर ङा गेङदेन गोर न्ही तार्ङा भन्दा अर्गु तिगै आरे” भिसी भिजी। |
| 23715 | MAT 15:13 | तर येशूसे चेलागदेदा चुह्रङ् भिसी सुङ्जी, “स्वर्गरी धन्छ्याबा ङाला आबासे आसूबा दोङगदे स्योइसी भ्याङ्ला। |
| 23717 | MAT 15:15 | जमाहेन्से पत्रुससे येशूदा “म्हिगदेदा चबा स्हेसे न्होङ्ना आलमुला भिसी ह्राङसे सुङ्बा ताम ङन्दा घोना लसी पिन्गो” भिसी भिमा, |
| 23718 | MAT 15:16 | येशूसे थेनीगदेदा चुह्रङ् भिसी सुङ्जी, “दान्देधोना अझ एनीगदेसे घोबा आरे? |
| 23729 | MAT 15:27 | थे म्रिङम्हेमेसे “हिन्ना प्रभु, तर नगीसेनोन थेला दोप्तासे चमा सरी ताइबा भ्राइभ्रुइ मी चम्याङ्मुला” भिसी भिजी। |
| 23736 | MAT 15:34 | येशूसे थेनीगदेदा “एनीगदेदेन छ्याम गेङ गाते मुला?” भिसी ङ्योइमा, थेनीगदेसे “ङन्देन छ्याम गोर निस गेङदेन जजाबा तार्ङागदे जजाकी मुला” भिसी भिजी। |
| 23748 | MAT 16:7 | तर चेलागदेसे चा “य्हाङसे गेङ भबारी म्लेःबासे लमा येशूसे चुह्रङ् सुङ्बा हिन्ना” भिसी ह्राङ ह्राङ न्हङरी ताम लबारी छ्याइजी। |
| 23754 | MAT 16:13 | कैसरिया फिलिप्पी भिबा ग्लारी धोखमाहेन्से येशूसे ह्राङला चेलागदेदा “म्हिगदेसे परमेश्वरसे पुइखबा म्हिदा खाल भिसी भिमुला?” भिसी ङ्योइमा, |
| 23786 | MAT 17:17 | जमाहेन्से येशूसे थेनीगदेदा “विश्वास आलबादेन नइबा सेम थोबा म्हिगदे, खाइमाधोना ङा एनीगदेदेन छ्याम तला? खाइमाधोना ङाइ एनीगदेदा नासे? थेदा चुरी भउ” भिसी सुङ्जी। |
| 23788 | MAT 17:19 | ओच्छे चेलागदे सुटुक्क येशू मुबा ग्लारी खसी “तिग्दा ङन्से थे म्हङदा ताप्बारी आखम्नी” भिसी ङ्योइमा, |
| 23791 | MAT 17:22 | थेनीगदे गालील अञ्चलरी ह्रुप तबा धुइरी येशूसे चेलागदेदा “परमेश्वरसे पुइखबा म्हिदा म्हिगदेला यारी जिम्मा पिन्ना। |
| 23797 | MAT 18:1 | थे धुइरी चेलागदे येशू मुबा ग्लारी खसी, “स्वर्गला य्हुल्सारी जम्मान भन्दा घ्रेन खाल तला?” भिसी ङ्योइमा, |
| 23824 | MAT 18:28 | “जमाहेन्से थे नोकर निजी। निबान लमा थेसे ङाच्छा ग्यार्जा गिक म्हुइला डबल पिन्बा ह्रोदा स्याप्जी। जमाहेन्से थेसे ह्रोला खारेरी न्हेप्सी ‘ङाला टाङगा दान्देन भउ’ भिसी भिजी। |
| 23835 | MAT 19:4 | जमाहेन्से येशूसे थेनीगदेदा चुह्रङ् भिसी सुङ्जी, “परमेश्वरसे जम्बुलिङ छ्यामाहेन्सेन ‘ह्रेम्कोलादेन म्रिङकोला स्होबा हिन्ना’ भिबा ताम एनीगदेसे पढब लबा आरे? |
| 23849 | MAT 19:18 | थे म्हिसे येशूदा “परमेश्वरसे कुल्बा खजिबा ताम?” भिसी भिमा, येशूसे थेदा चुह्रङ् भिसी सुङ्जी, “एसे म्हि थासाइगो, स्य्हान्दोदेन छ्याम ब्रेल्सी थाभ्रउ, य्हो थालउ, लुसीला ताम पाङ्सी थाभ्रउ, |
| 23858 | MAT 19:27 | जमाहेन्से पत्रुससे येशूदा “ङन्से मी जम्मान स्हे ख्लासी ह्राङदेन छ्याम भ्रबा मुला। दाहेन्से ङन्से चा तिग याङ्ला?” भिसी भिजी। |
| 23869 | MAT 20:8 | “ङ्यसे तमाहेन्से थे अङगुर वारीला दोप्तासे नाइकेदा ‘गे लबागदे जम्मादान ङ्योइसी थेनीगदेदा ज्याला पिन्गो। ज्याला पिन्बा धुइरी जम्मान भन्दा लिच्छा गे लबारी खबा म्हिगदेदा ङाच्छा पिन्गो, ओच्छे ङाच्छा गे लबारी खबा म्हिगदेदा चा लिच्छा पिन्गो’ भिसी कुल्जी। |
| 23914 | MAT 21:19 | ग्यामरी फेप्बान लबा धुइरी येशूसे ग्यामला कुनीरी अञ्जीरला दोङ गिक म्राङ्जी। थे दोङरी अञ्जीर मुजी वा भिसी स्हीबारी फेप्मा भा जे म्राङ्सी “दाहेन्से चु दोङरी खाइमै अञ्जीर थारोगै” भिसी येशूसे सुङ्जी। थेह्रङ् सुङ्मैछ्याम थे अञ्जीर दोङ खर्जी। |
| 23915 | MAT 21:20 | अञ्जीर दोङ खर्सी निबा म्राङ्सी उदेक म्हन्बान येशूला चेलागदेसे “दान्देला दान्देन खाह्रङ् लसी चु अञ्जीर दोङ खर्जी?” भिसी भिमा, |
| 23922 | MAT 21:27 | थेतबासेलमा थेनीगदेसे “ङन्दा था आरे” भिसी येशूदा जोहाब पिन्जी। येशूसे थेनीगदेदा “थेह्रङ् भिसम ङाइएनोन चु गेगदे खाल्ला अधिकारग्याम लबा हिन्ना, थे एनीगदेदा आपाङ्” भिसी सुङ्जी। |
| 23932 | MAT 21:37 | “जमाहेन्से थे फ्युक्पो म्हिसे जम्मान भन्दा लिच्छा ‘थेनीगदेसे ङाला झादा मी मान लला तला’ भिसी थेसे ह्राङला झादान थेनीगदे मुबा ग्लारी पुइजी। |
| 23935 | MAT 21:40 | जमाहेन्से परमेश्वरला मन्दिररी पूजा लबा मुल म्हिगदेदेन यहूदी गन्बागदेदा येशूसे “दाहेन्से अङगुर वारीला धनी खसी थे अधियाँ लबा म्हिगदेदा तिग लला?” भिसी ङ्योइमा, |
| 23943 | MAT 22:2 | “स्वर्गला य्हुल्सा चुह्रङ्बान हिन्ना, ग्ले गिकसे ह्राङला झाला ब्याहला भोज ठीक लजी। |
| 23949 | MAT 22:8 | “जमाहेन्से ग्लेसे ह्राङला नोकरगदेदा चुह्रङ् भिसी कुल्जी, ‘ब्याहला भोज ठीक लसी जिन्बा मुला। तसैनोन निम्तो याङ्बा म्हिगदे य्हाङला भोजरी खबाधोनाला आरेम। |
| 23952 | MAT 22:11 | “डोन्बोगदेदा च्याबारी भिसी ग्ले दिम न्हङरी खमा थेरी ब्याहरी खबा धुइरी क्वान्तोःबा क्वान आक्वान्ना खबा म्हि गिकदा म्राङ्जी। |
| 23955 | MAT 22:14 | “तिग्दा भिसम ङ्योइबागदे ल्हानान मुला, तर धम्बागदे चा ल्हाना आरे।” |
| 23962 | MAT 22:21 | थेनीगदेसे “रोमी ग्याल्बो कैसरला” भिसी जोहाब पिन्जी। जमाहेन्से येशूसे थेनीगदेदा “दाहेन्से एनीगदेसे रोमी ग्लेला जति रोमी ग्लेदा फागो। ओच्छे परमेश्वरला जति परमेश्वरदान फागो” भिसी सुङ्जी। |
| 24078 | MAT 25:1 | येशूसे अझ चुह्रङ् भिसी सुङ्जी, “स्वर्गला य्हुल्सा चा गोर च्युइ म्रिङकोलागदेला ताम ह्रङ्बान तला। थे गोर च्युइ म्रिङकोलागदे ह्राङ ह्राङला नाङसल थोसी म्हाछारदा ह्रुप तबारी निजी। |
| 24088 | MAT 25:11 | “छिन्नङ लिच्छा थे बुद्धि आरेबा म्रिङकोलागदे खसी ‘प्रभु, प्रभु ङन्दाएनोन म्राप ठोङ्सी पिन्गो’ भिसी भिमा, |
| 24093 | MAT 25:16 | “जमाहेन्से म्हरला डबल ङा याङ्बा चा तुरुन्तन निजी। ओच्छे व्यापार लसी अर्गु म्हरला डबल ङा स्होजी। |
| 24096 | MAT 25:19 | “ल्हानान धिन लिच्छा थे नोकरगदेला मालिक खसी थेनीगदेदेन छ्याम हिसाब किताब म्हाइजी। |
| 24099 | MAT 25:22 | “जमाहेन्से म्हरला डबल न्ही याङ्बा नोकरएनोन खसी ‘मालिक, ह्राङसे ङादा पिन्बा म्हरला डबल न्हीग्याम ङाइ अर्गु म्हरला डबल न्ही स्होबा मुला, चु किन्गो’ भिसी भिमा, |
| 24103 | MAT 25:26 | “जमाहेन्से मालिकसे थेदा ‘ब्लेगु गे आखेल्बा नोकर, ङाइ तिगै आढ्वना बाली दुइबारी म्हाइबादेन तिगै आय्हाप्बा ग्लाग्याम पोप लबारी म्हाइमुला भिबा ताम एदा था मुबा हिन्सम, |
| 24105 | MAT 25:28 | “जमाहेन्से मालिकसे ‘थे म्हरला डबल थेग्याम ब्यन्सी डबल च्युइ मुबा म्हिदा पिन्गो। |
| 24108 | MAT 25:31 | “परमेश्वरसे पुइखबा म्हि य्हाल य्हाल्बा शक्तिरी स्वर्गदूतगदेदेन छ्याम खसी ह्राङला ठिरी शक्तिशाली ग्ले दोसी धन्छ्याला। |
| 24111 | MAT 25:34 | “जमाहेन्से ङाइ ह्राङला दाहिनेपट्टि मुबा म्हिगदेदा चुह्रङ् भिसी भिला, ‘ङाला आबा परमेश्वरग्याम मोलम याङ्बा म्हिगदे! जम्बुलिङ छ्यामाहेन्सेन एनीगदेला लागिरी स्होसी थान्बा य्हुल्सारी खसी चिउ। |
| 24117 | MAT 25:40 | “जमाहेन्से ङाइ थेनीगदेदा ‘एनीगदेसे ङाला ताम ङ्यान्गो, चु ङाला आलेगदे न्हङला जम्मान भन्दा जजा आले गिकदा एनीगदेसे जे लबा मुबा थे ङालान लागिरी लबा हिन्ना’ भिसी भिला। |
| 24121 | MAT 25:44 | “जमाहेन्से थेनीगदेसेनोन ‘प्रभु, खाइमा ङन्से ह्राङ ख्रेन्बा फुइबादेन विदेशी, क्वान क्वान्आम्याङ्बा, आखम्बा ओच्छे झ्याल्खानरी परब तबा म्राङ्सीनोन ह्राङला वास्ता आलनी?’ भिसी ङ्योइला। |
| 24122 | MAT 25:45 | “जमाहेन्से ङाइ थेनीगदेदा ‘एनीगदेसे ङाला ताम ङ्यान्गो, चु ङाला आलेगदे न्हङला जम्मान भन्दा जजा आलेदा एनीगदेसे वास्ता आलबान ङादा वास्ता आलबा हिन्ना’ भिसी भिला। |
| 24128 | MAT 26:5 | तर थेनीगदेसे “य्हाङला चाडला धुइरी चा चुङ्बारी आत। चाडला धुइरी चुङ्जी भिसम म्हिगदेसे हुल दङगा लला” भिसी भिजी। |
| 24186 | MAT 26:63 | तर येशूसे तिगै जोहाब आलमाहेन्से परमेश्वरला मन्दिररी पूजा लबा मुल म्हिसे दोःसीनोन येशूदा “छोन्बो परमेश्वरला मिनरी घ्रान फासी ङन्दा पाङ्गो। तिग ए परमेश्वरला झा थार्बा पिन्बा ख्रीष्टनोन हिन्ना?” भिसी पाङ्मा, |
| 24196 | MAT 26:73 | जजाकी लिच्छा थेरी मुबा म्हिगदे पत्रुसला ङामरी खसी थेदा “पक्कान एएनोन थेनीगदे न्हङला गिक हिन्ना भिबा एला तामग्यामनोन था तजी” भिसी भिजी। |
| 24202 | MAT 27:4 | ओच्छे यहूदासे थेनीगदेदा “तिगै दोष आरेबा म्हिदा साइबाला लागिरी चुङ्सी पिन्सी ङाइ पाप गे लबा मुला” भिसी भिमा, थेनीगदेसे यहूदादा “ङन्दा तिग मतलब? एनोन सेला” भिसी भिजी। |
| 24219 | MAT 27:21 | थेतबासेलमा दोःसी अञ्चलाधीशसे थेनीगदेदा “ङाइ चु न्ही न्हङरी खजिबादा पुइगै भिबा एनीगदेला सेम मुला?” भिसी ङ्योइमा, थेनीगदेसे “बारब्बादा पुइगो” भिसी भिजी। |
| 24227 | MAT 27:29 | थेनीगदेसे पुजुला फेटा स्होसी येशूदा थोइसी पिन्जी। ओच्छे येशूदा दाहिने छ्यारी माला कडी पिन्सी “लास्सो यहूदीगदेला ग्ले, फ्याफुल्ला” भिसी फ्या लबा स्होसी येशूदा खिसी लजी। |
| 24231 | MAT 27:33 | ओच्छे थेनीगदे गलगथा भिबा ग्लारी धोखजी। गलगथा भिबा चा “खप्परला ग्ला” हिन्ना। |
| 24252 | MAT 27:54 | सङगुल खबादेन थेरी तबा जम्मान ताम म्राङ्सी येशूदा ख्रुङ्सी चिबा रोमी सिपाहीगदेदेन कप्तान ल्हानान लोङ्सी “पक्कान चु मी परमेश्वरला झानोन चीम” भिसी भिजी। |
| 24288 | MRK 1:4 | चु म्हि बप्तिस्मा पिन्बा यूहन्ना हिन्ना। थेसे तोङतोङबा ग्लारीक्यार खसी म्हिगदेदा “दाहेन्से एनीगदे ह्राङ ह्राङला पाप ख्लासी परमेश्वरपट्टि दोःसी बप्तिस्मा किन्गो। परमेश्वरसे एनीगदेला पापला दोष मेटब लला।” भिबान थार्बा पिन्बा समाचार थेःना लजी। |
| 24299 | MRK 1:15 | “दाहेन्से धुइ योसी जिन्बा मुला, ओच्छे परमेश्वरला य्हुल्सा खबा धुइ तसी जिन्बा मुला। थेतबासेलमा एनीगदे ह्राङ ह्राङला पाप ख्लासी परमेश्वरपट्टि दोःगो। ओच्छे थार्बा पिन्बा समाचाररी विश्वास लउ” भिसी येशूसे सुङ्जी। |
| 24335 | MRK 2:6 | येशूसे चुह्रङ् सुङ्बा म्राङ्सी थेरी मुबा यहूदी धर्मगुरुगदेसे “तिग्दा चु म्हिसे चुह्रङ्बा ताम लबा? चुसे मी ह्राङसे ह्राङदान परमेश्वर स्होसी गा ताम लबा चीम, म्हिगदेला पापला दोष परमेश्वरसे जे मेटब लखम्मुला” भिसी सेम न्हङ न्हङरी म्हन्जी। |
| 24345 | MRK 2:16 | फरिसीदेन यहूदी धर्मगुरुगदेसे येशू पापीगदेदेन तिरो दुइबा म्हिगदेदेन छ्यामनोन धन्छ्यासी चबा म्राङ्सी थेनीगदेसे थेला चेलागदेदा “तिग्दा चुसे पापीगदेदेन तिरो दुइबा म्हिगदेदेन छ्याम चिसी चबा?” भिसी ङ्योइजी। |
| 24346 | MRK 2:17 | चुह्रङ् भिबा ताम थेःसी येशूसे थेनीगदेदा “खम्बा म्हिगदेला लागिरी डाक्टर आतोः, तर आखम्बा म्हिगदेला लागिरी जे तोःला। थेतबासेलमा परमेश्वरला ङाच्छा ज्यबा मुबा म्हिगदेदा आहिन तर पापीगदेदा ङ्योइबारी ङा खबा हिन्ना” भिसी सुङ्जी। |
| 24347 | MRK 2:18 | यूहन्नाला चेलागदेदेन फरिसीगदे फोइथान चिसी प्रार्थना लबान लमुबा। थेतबासेलमा कोइ कोइ म्हिगदे खसी येशूदा “यूहन्नाला चेलागदेदेन फरिसीला चेलागदे फोइथान चिसी प्रार्थना लमुला तर ह्राङला चेलागदेसे चा तिग्दा चुह्रङ् आलबा?” भिसी ङ्योइजी। |
| 24348 | MRK 2:19 | येशूसे थेनीगदेदा चुह्रङ् भिसी सुङ्जी, “म्हाछार जन्तीगदेदेन छ्याम मुतेधोना खाह्रङ् लसी थेनीगदे फोइथान चिला? दान्देधोना म्हाछार थेनीगदेदेन छ्याम मुला, थेतबासेलमा थेनीगदे फोइथान आचि। |
| 24360 | MRK 3:3 | येशूसे थे या खर्बा मुबा म्हिदा “जम्मालान ङाच्छापट्टि राप्गो” भिसी सुङ्जी। |
| 24389 | MRK 3:32 | येशूला क्युर्नोन म्हिला हुल मुबा ओच्छे थेनीगदेसे येशूदा “मङग्यार ह्राङला आमादेन आलेगदे ह्राङदा म्हाइबान मुला” भिसी भिजी। |
| 24418 | MRK 4:26 | येशूसे चुह्रङ् भिसी सुङ्जी, “परमेश्वरला य्हुल्सा चा म्हि गिकसे बुरी ढ्वबा ब्लु ह्रङ्बान हिन्ना। |
| 24440 | MRK 5:7 | ओच्छे थेसे “जम्मान भन्दा घ्रेन परमेश्वरला झा येशू, ह्राङसे ङादा तिग लबारी छ्याइबा? ङाइ ह्राङदा परमेश्वरला मिनरी घ्रान फासी भिला, ङादा दुख थापिन्गो” भिसी क्रिङ्बान भिजी। |
| 24443 | MRK 5:10 | थे म्हङसे येशूदा “ङन्दा चु ग्लाग्याम थातेःगो।” भिसी बिन्ती लजी। |
| 24445 | MRK 5:12 | ओच्छे म्हङगदेसे येशूदा “ङन्दा ढ्वागदे न्हङरी वाङ्पुङ्गो” भिसी बिन्ती लजी |
| 24463 | MRK 5:30 | ओच्छे येशूसे ह्राङला ल्हुइग्याम तुरुन्तन शक्ति थोन्बा था याङ्सी म्हिला हुलपट्टि दोःसी, “खाल्से ङाला क्वान थुर्जी?” भिसी ङ्योइजी। |
| 24472 | MRK 5:39 | येशू दिम न्हङरी वाङ्सी, थेनीगदेदा “तिग्दा एनीगदे चुह्रङ् लसी क्राबा क्रिङ्बादेन हल्ली खल्ली लसी चिबा? माइ सिबा आरे, म्हेर्सी चिबा मुला” भिसी सुङ्जी। |
| 24501 | MRK 6:25 | चुह्रङ् भिमैछ्याम थे माइ ग्ले मुबा ग्लारी निसी, “दान्दे ङादा ह्राङसे बप्तिस्मा पिन्बा यूहन्नाला थोबो खार्बारी भउ” भिसी भिजी। |
| 24511 | MRK 6:35 | ङ्यसे तमाहेन्से थेला चेलागदे थे मुबा ग्लारी खसी थेदा “दाहेन्से ङ्यसे तसी जिन्जी, चु सुनसान ग्लारी तिगै आरे। |
| 24513 | MRK 6:37 | तर येशूसे थेनीगदेदा “एनीगदेसेन चुगदेदा चबा स्हे पिन्गो” भिसी सुङ्जी। तर थेनीगदेसे येशूदा “ङन्से ग्यार्जा न्ही म्हुइला डबलसे गेङ ग्लुसी थेनीगदेदा चबारी छ्योला?” भिसी भिजी। |
| 24550 | MRK 7:18 | जमाहेन्से येशूसे ह्राङला चेलागदेदा चुह्रङ् भिसी सुङ्जी, “दान्देधोना अझ एनीगदेसे घोबा आरे? एनीगदेदा था आरे? म्हिला सुङग्याम न्हङरी वाङ्बा स्हेसे म्हिदा न्होङ्ना आल। |
| 24552 | MRK 7:20 | येशूसे दोःसी चुह्रङ् भिसी सुङ्जी, “म्हिला सेम न्हङग्याम मङग्यार थोन्बा तामसे म्हिदा न्होङ्ना लमुला। |
| 24559 | MRK 7:27 | तर येशूसे “ङाच्छा ह्राङला कोलागदेदा म्रेन्ना लतोःला, ह्राङला कोलागदेला गेङ ब्यन्सी नगीदा पिन्बा ठीक आहिन” भिसी सुङ्जी। |
| 24560 | MRK 7:28 | ओच्छे थे म्रिङम्हेमेसे “हिन्ना प्रभु, तसैनोन कोलागदेसे चबान लमा ताइबा भ्राइभ्रुइ नगीसेनोन चम्याङ्मुला” भिसी भिजी। |
| 24574 | MRK 8:5 | येशूसे थेनीगदेदा “एनीगदेदेन छ्याम गेङ गाते मुला?” भिसी ङ्योइमा, थेनीगदेसे “ङन्देन छ्याम गोर निस गेङ मुला” भिसी भिजी। |
| 24580 | MRK 8:11 | फरिसीगदे येशू मुबा ग्लारी खसी चुह्रङ् भिसी ताम लबारी छ्याइजी। ओच्छे येशूला सेम च्याबान, “ङन्दा स्वर्गला चिनु गिक उन्गो” भिसी भिजी। |
| 24585 | MRK 8:16 | तर चेलागदेसे चा “य्हाङदेन छ्याम गेङ आरेबासे लमा येशूसे चुह्रङ् भिसी सुङ्बा हिन्ना” भिसी ह्राङ ह्राङ न्हङरी ताम लबारी छ्याइजी। |