| 23240 | MAT 2:2 | “यहूदीगदेला ग्ले दोसी न्हबा कोला खानङ मुला? तिग्दा भिसम ङन्से स्याररी थे न्हजी भिसी उन्बा सार म्राङ्जी। थेतबासेलमा ङनी थेदा झ्याल्बारी खबा हिन्ना” भिसी भिजी। |
| 23281 | MAT 4:3 | जमाहेन्से शैतान येशू मुबा ग्लारी खसी “ह्राङ परमेश्वरला झा हिन्सम चु युङबागदेदा गेङ दोगो भिसी सुङ्गो” भिसी भिजी। |
| 23287 | MAT 4:9 | ओच्छे “ह्राङसे ङादा फ्या लसी तेन्जी भिसम चु जम्मान य्हुल्सा ङाइ ह्राङदा पिन्ना” भिसी भिजी। |
| 23297 | MAT 4:19 | येशूसे थेनीगदेदा “ङादेन छ्याम भ्रउ, दाहेन्से ङाइ एनीगदेदा तार्ङा चुङ्बा म्हि आहिन, तर म्हिगदेदा परमेश्वर मुबा ग्लारी भबा म्हि स्होला” भिसी सुङ्जी। |
| 23416 | MAT 8:2 | थेनोन धुइरी कोरे खबा म्हि गिक येशूला ङामरी खसी येशूदा फ्या लजी। ओच्छे “प्रभु, ह्राङला सेम मुसम ह्राङसे ङादा खम्ना लखम्ला” भिसी भिजी। |
| 23417 | MAT 8:3 | जमाहेन्से येशूसे थेदा थुर्सी “ए खम्गै भिबा ङाला सेम मुला, ए खम्गो” भिसी सुङ्मैछ्याम थेला कोरे म्हाजी। |
| 23445 | MAT 8:31 | थेतबासेलमा म्हङगदेसे येशूदा “चुदे ह्राङसे ङन्दा चुरी चिआपुङ्बा हिन्सम ङन्दा ढ्वागदे न्हङरी वाङ्पुङ्गो” भिसी बिन्ती लजी। |
| 23448 | MAT 8:34 | जमाहेन्से नाम्साला मुबा जति जम्मान म्हिगदे येशूदा स्याप्बारी खजी। ओच्छे येशूदा म्राङ्सी थे म्हिगदेसे “चु ग्लाग्याम फेप्गो” भिसी बिन्ती लजी। |
| 23454 | MAT 9:6 | तर परमेश्वरसे पुइखबा म्हिदा चु जम्बुलिङरी म्हिगदेला पापला दोष मेटब लबा अधिकार मुला भिसी ङाइ एनीगदेदा उन्ना” भिसी सुङ्जी। जमाहेन्से येशूसे थे कुज्या म्हिदा “ए रेःगो, ओच्छे एला तीबा नान्बा पुइसी दिमरी निउ” भिसी सुङ्जी। |
| 23461 | MAT 9:13 | दाहेन्से एनीगदे निसी चु तामला अर्थ तिग हिन्ना घोबारी म्हाइगो, ‘च्यागो, ङाइ म्हाइबा चा बलिदान आहिन, तर एनीगदेसे स्य्हान्दोदा लबा दया हिन्ना।’ थेतबासेलमा परमेश्वरला ङाच्छा ज्यबा मुबा म्हिगदेदा आहिन, तर पापीगदेदा ङ्योइबारी ङा खबा हिन्ना” भिसी सुङ्जी। |
| 23469 | MAT 9:21 | तिग्दा भिसम “ङाइ येशूला क्वान थुर्बारी जे म्याङ्सम ङा खम्ला” भिसी थेसे सेम सेमरी म्हन्बा मुबा। |
| 23478 | MAT 9:30 | येशूसे चुह्रङ् सुङ्मैछ्याम थेन्नीसे म्राङ्जी। जमाहेन्से येशूसे थेन्नीदा “च्यागो, चु ताम खालैदान थापाङ्गो” भिसी सुङ्जी। |
| 23482 | MAT 9:34 | तर फरिसीगदेसे चा “चु म्हिसे मी म्हङगदेला ग्लेला शक्तिग्याम म्हङ ताप्बा हिन्ना” भिसी भिबारी छ्याइजी। |
| 23574 | MAT 12:16 | तर येशूसे थे म्हिला ल्हुइरी मुबा म्हङदा “च्यागो, ङा परमेश्वरला झा हिन्ना भिसी खालैदा थापाङ्गो” भिसी सुङ्जी। |
| 23582 | MAT 12:24 | तर चुह्रङ्बा ताम थेःसी फरिसीगदेसे येशूदा “चु म्हिसे मी म्हङगदेला ग्ले बालजिबुलला शक्तिग्याम जे म्हङगदे ताप्बा हिन्ना” भिसी भिजी। |
| 23644 | MAT 13:36 | जमाहेन्से थे म्हिला हुलदा ख्लासी येशू दिम न्हङरी फेप्जी। ओच्छे थेला चेलागदेएनोन दिम न्हङरी खसी, “बुरी फुइबा कोडोङ म्राला उखानना अर्थ घोना लसी पिन्गो” भिसी ङ्योइमा, |
| 23668 | MAT 14:2 | जमाहेन्से थेसे ह्राङला गे लबागदेदा “थे म्हि बप्तिस्मा पिन्बा यूहन्ना हिन्ना। थे सिबाग्याम सोसी खबा हिन्ना। थेतबासेलमान थेसे चुह्रङ्बा उदेकला गेगदे लबा हिन्ना” भिसी भिजी। |
| 23673 | MAT 14:7 | थेतबासेलमा हेरोदसे थेदा “एसे जे ह्रीबा थेनोन पिन्ना” भिसी कबुल लजी। |
| 23682 | MAT 14:16 | तर येशूसे थेनीगदेदा “चु म्हिगदेदा तिग्दा पुइसे? एनीगदेसेन चुगदेदा चबा स्हे पिन्गो” भिसी सुङ्जी। |
| 23693 | MAT 14:27 | तर तुरुन्तन येशूसे थेनीगदेदा “भङ लउ, ङानोन हिन्ना, थालोङ्गो” भिसी सुङ्जी। |
| 23694 | MAT 14:28 | जमाहेन्से पत्रुससे येशूदा “प्रभु, ह्राङनोन हिन्सम ङादाएनोन समुन्द्रथोरी भ्रसी ह्राङ मुबा ग्लारी खउ भिसी सुङ्गो” भिसी भिजी। |
| 23699 | MAT 14:33 | जमाहेन्से दोँगारी मुबा चेलागदेसे येशूदा फ्या लसी, “ह्राङ पक्कान परमेश्वरला झा हिन्ना” भिसी भिजी। |
| 23702 | MAT 14:36 | “चुगदेदा ह्राङला क्वान्ना जो जे भिसै थुर्पुङ्गो” भिसी बिन्ती लजी, ओच्छे येशूला क्वान थुर्बा जति जम्मान खम्जी। |
| 23717 | MAT 15:15 | जमाहेन्से पत्रुससे येशूदा “म्हिगदेदा चबा स्हेसे न्होङ्ना आलमुला भिसी ह्राङसे सुङ्बा ताम ङन्दा घोना लसी पिन्गो” भिसी भिमा, |
| 23726 | MAT 15:24 | जमाहेन्से येशूसे थे म्रिङम्हेमेदा “च्यागो, परमेश्वरसे ङादा म्हाबा ग्यु ह्रङ् तसी चिबा इस्राएलला म्हिगदेला लागिरी जे पुइखबा हिन्ना” भिसी सुङ्जी। |
| 23729 | MAT 15:27 | थे म्रिङम्हेमेसे “हिन्ना प्रभु, तर नगीसेनोन थेला दोप्तासे चमा सरी ताइबा भ्राइभ्रुइ मी चम्याङ्मुला” भिसी भिजी। |
| 23742 | MAT 16:1 | कोइ कोइ फरिसीगदेदेन सदुकीगदे येशूला सेम च्याबाला लागिरी येशू मुबा ग्लारी खजी। ओच्छे “चुदे ह्राङ परमेश्वरग्याम फेप्खबा हिन्सम ङन्दा स्वर्गला चिनु उन्गो” भिसी पाङ्मा, |
| 23748 | MAT 16:7 | तर चेलागदेसे चा “य्हाङसे गेङ भबारी म्लेःबासे लमा येशूसे चुह्रङ् सुङ्बा हिन्ना” भिसी ह्राङ ह्राङ न्हङरी ताम लबारी छ्याइजी। |
| 23757 | MAT 16:16 | सिमोन पत्रुससे “ह्राङ परमेश्वरला झा थार्बा पिन्बा ख्रीष्ट हिन्ना” भिसी भिजी। |
| 23761 | MAT 16:20 | तर चेलागदेदा येशूसे “ङा थार्बा पिन्बा ख्रीष्ट हिन्ना भिसी खालैदा थापाङ्गो” भिसी सुङ्जी। |
| 23776 | MAT 17:7 | तर येशू थेनीगदे मुबा ग्लारी खसी थेनीगदेदा थुर्सी “रेःगो, एनीगदे थालोङ्गो” भिसी सुङ्जी। |
| 23778 | MAT 17:9 | जमाहेन्से येशू ह्राङला चेलागदेदेन छ्याम गङग्याम फाप्बान लबा धुइरी येशूसे चेलागदेदा “च्यागो, परमेश्वरसे पुइखबा म्हि सिबाग्याम आसोतेधोना एनीगदेसे तिनी म्राङ्बा चु ताम खालैदा थापाङ्गो” भिसी सुङ्जी। |
| 23785 | MAT 17:16 | थेदा खम्ना लसी पिन्गो भिसी ङाइ ह्राङला चेलागदे मुबा ग्लारी भमुबा। तर थेनीगदेसे खम्ना लबारी आखम्नी” भिसी भिजी। |
| 23788 | MAT 17:19 | ओच्छे चेलागदे सुटुक्क येशू मुबा ग्लारी खसी “तिग्दा ङन्से थे म्हङदा ताप्बारी आखम्नी” भिसी ङ्योइमा, |
| 23821 | MAT 18:25 | तर थे नोकरसे छे फाबारी आखम्बासे लमा ग्लेसे थेदा, थेला म्रिङ, झा झामेदेन थेदेन छ्याम मुबा जम्मान स्हे चूङ्सी जम्मान टाङगा किन्गो” भिसी कुल्जी। |
| 23840 | MAT 19:9 | थेतबासेलमा एनीगदेसे ङाला ताम ङ्यान्गो, जुन म्हिसे ह्राङला म्रिङ स्य्हान्दोदेन छ्याम ब्रेल्सी आभ्रसै ख्लासी स्य्हान्दो म्रिङम्हेमेदेन छ्याम ब्याह लला थेसे चा ङाच्छाला म्रिङला बिरोधरी ब्रेल्सी भ्रबा हिन्ना। ओच्छे स्य्हान्दोसे ख्लाबा म्रिङम्हेमेदेन छ्याम ब्याह लबा म्हिएनोन ब्रेल्सी भ्रबा हिन्ना” भिसी सुङ्जी। |
| 23841 | MAT 19:10 | जमाहेन्से चेलागदेसे येशूदा “म्रिङ ह्रेम्बो न्हङरी चुह्रङ् तसम ब्याह आलबान ज्यबा हिन्ना” भिसी भिजी। |
| 23845 | MAT 19:14 | तर येशूसे चेलागदेदा “कोलागदेदा ङा मुबा ग्लारी खपुङ्गो, थेनीगदेला ग्याम थाकागो। तिग्दा भिसम स्वर्गला य्हुल्सा चु कोलागदे ह्रङ्बालान हिन्ना” भिसी सुङ्जी। |
| 23857 | MAT 19:26 | जमाहेन्से येशूसे थेनीगदेदा स्हीबान, “चु गे म्हिसे लबारीन आखम्बा गे हिन्ना। तर परमेश्वरसे चु जम्मान गे लखम्ला” भिसी सुङ्जी। |
| 23882 | MAT 20:21 | जमाहेन्से येशूसे थेदा “एदा तिग तोःबा?” भिसी सुङ्मा, थेसे येशूदा “ह्राङसे शासन लबा धुइरी ङाला झा न्हीदा गिकदा ह्राङला दाहिनेपट्टि गिकदा देब्रेपट्टि चिपुङ्ला भिसी सुङ्गो” भिसी भिजी। |
| 23884 | MAT 20:23 | जमाहेन्से येशूसे थेनीगदेदा “एनीगदेसे ङाइ नाबा दुख मी नाला। तर ङाला दाहिने देब्रे चिपुङ्बा अधिकार ङाला यारी आरे। चु ग्ला ङाला आबासे जुन म्हिला लागिरी स्होबा हिन्ना थे जे चिम्याङ्ला” भिसी सुङ्जी। |
| 23894 | MAT 20:33 | थेनीगदेसे येशूदा “प्रभु ह्राङसे ङन्ना मी म्राङ्ना लपिन्गो” भिसी भिजी। |
| 23906 | MAT 21:11 | येशूदेन छ्याम खबा म्हिला हुलसे “चु गालीलला नासरत भिबा नाम्साग्याम फेप्खबा अगमवक्ता येशू हिन्ना” भिसी भिजी। |
| 23936 | MAT 21:41 | थेनीगदेसे “थे अङगुर वारीला धनीसे थेह्रङ्बा नइबा गे लबा म्हिगदेदा नाश लला। ओच्छे जुन म्हिसे अङगुर मिन्माहेन्से ह्राङला भो पिन्ना थेह्रङ्बा म्हिगदेदा अधियाँ पिन्ना” भिसी येशूदा जोहाब पिन्जी। |
| 23940 | MAT 21:45 | येशूसे सुङ्बा उखान थेःमाहेन्से परमेश्वरला मन्दिररी पूजा लबा मुल म्हिगदेदेन फरिसीगदेसे “चु ताम येशूसे य्हाङलान बारेरी पाङ्बा ताम हिन्ना” भिसी घोजी। |
| 23960 | MAT 22:19 | एनीगदेसे तिरो फाबा डबल ङादा उन्गो” भिसी सुङ्मा, थेनीगदेसे डबल गिक भसी येशूदा पिन्जी। |
| 23983 | MAT 22:42 | “थार्बा पिन्बा ख्रीष्टला बारेरी एनीगदेसे तिग म्हन्बा मुला? थे खाल्ला झा हिन्ना?” थेनीगदेसे येशूदा “दाऊद ग्लेला सन्तान हिन्ना” भिसी जोहाब पिन्जी। |
| 24028 | MAT 24:2 | तर येशूसे थेनीगदेदा चुह्रङ् भिसी सुङ्जी, “एनीगदेसे चु जम्मान म्राङ्बा मुला आहिन? च्यागो, एनीगदेसे ङाला ताम ङ्यान्गो, चु मन्दिरला युङबा गिकनोन बाँकी आचिना जम्मान फुप्ला” भिसी सुङ्जी। |
| 24029 | MAT 24:3 | जमाहेन्से येशू जैतून भिबा गङरी धन्छ्याबा धुइरी, थेला चेलागदे सुटुक्क खसी “ह्राङसे सुङ्बा चु तामगदे खाइमा तला? ओच्छे ह्राङ फेप्खबा धुइदेन परमेश्वरसे जम्बुलिङला जम्मान म्हिगदेला निसाफ लबा धुइरी खाह्रङ्बा चिनु म्राङ्ला? ङन्दा सुङ्गो” भिसी भिजी। |
| 24144 | MAT 26:21 | जमाहेन्से भोज छ्योइबान लबा धुइरी येशूसे चेलागदेदा “च्यागो, एनीगदेसे ङाला ताम ङ्यान्गो, एनीगदे न्हङलान गिकसे ङादा म्हिगदेला यारी जिम्मा पिन्ना” भिसी सुङ्जी। |
| 24149 | MAT 26:26 | थेनीगदे भोज चबान लबा धुइरी येशूसे गेङ थोसी परमेश्वरदा धन्यवाद पिन्जी। ओच्छे थे गेङ क्युइसी चेलागदेदा “ना! चु चउ, चु ङाला ल्हुइ हिन्ना” भिसी सुङ्जी। |
| 24156 | MAT 26:33 | थेनोन धुइरी पत्रुससे येशूदा “ह्राङदा थेह्रङ् लमा जम्मासेन ख्लासी यार्सैनोन ङाइ ह्राङदा खाइमै आख्ला” भिसी भिजी। |
| 24158 | MAT 26:35 | दोःसी पत्रुससे येशूदा “ङा ह्राङदेन छ्याम सितोःसैनोन ङाइ ह्राङदा आख्ला” भिसी भिजी। ओच्छे स्य्हान्दो चेलागदेसेनोन थेह्रङ्नोन भिजी। |
| 24171 | MAT 26:48 | येशूदा चुङ्बारी खबा म्हिगदेदा यहूदासे “जुन म्हिदा ङाइ च्योक लला थेनोन येशू हिन्ना, थेदान चुङ्गो” भिसी ङाच्छान पाङ्बा मुबा। |
| 24189 | MAT 26:66 | दाहेन्से ह्राङनीला तिग बिचार मुला?” भिसी ङ्योइमा, स्य्हान्दोगदेसे “चु म्हि साइनोन तोःबा म्हि हिन्ना” भिसी भिजी। |
| 24204 | MAT 27:6 | तर परमेश्वरला मन्दिररी पूजा लबा मुल म्हिगदेसे चा थे डबल दुइसी “चु डबल परमेश्वरला मन्दिरला ढुकुटीरी थान्बा ठीक आत। तिग्दा भिसम चु काला सय हिन्ना” भिसी भिजी। |
| 24231 | MAT 27:33 | ओच्छे थेनीगदे गलगथा भिबा ग्लारी धोखजी। गलगथा भिबा चा “खप्परला ग्ला” हिन्ना। |
| 24235 | MAT 27:37 | ओच्छे थेनीगदेसे “येशू यहूदीगदेला ग्ले” भिसी दोष उन्बा ताम भ्रिसी येशूला थोबोथोरी क्रुसरी थान्जी। |
| 24238 | MAT 27:40 | “लु, परमेश्वरला मन्दिर फुप्सी दोःसी सोमरेरीन स्होला भिबा म्हि दान्दे एसे ह्राङसे ह्राङदान जोगब लउ। ए परमेश्वरलान झा हिन्सम क्रुसग्याम मार फाप्गो” भिसी भिजी। |
| 24247 | MAT 27:49 | तर स्य्हान्दोगदेसे चा “भ्रान्गो, भ्रान्गो, चुदा एलिया खसी जोगब लला वा? च्यागे” भिसी भिजी। |
| 24263 | MAT 27:65 | लु, थेह्रङ् भिसम “सिपाहीगदे भोर्सी ज्यना लसी धुर्सा ख्रुङ्पुङ्गो” भिसी पिलातससे थेनीगदेदा भिजी। |
| 24274 | MAT 28:10 | जमाहेन्से येशूसे थेनीगदेदा “एनीगदे थालोङ्गो, ङाला आलेगदे मुबा ग्लारी निसी थेनीगदेदा गालील अञ्चलरी निउ भिउ, थेनीगदेसे ङादा थेरीन स्याप्ला भिसी पाङ्सी पिन्गो” भिसी सुङ्जी। |
| 24301 | MRK 1:17 | येशूसे थेनीगदेदा “ङादेन छ्याम भ्रउ, दाहेन्से ङाइ एनीगदेदा तार्ङा चुङ्बा म्हि आहिन, तर म्हिगदेदा परमेश्वर मुबा ग्लारी भबा म्हि स्होला” भिसी सुङ्जी। |
| 24322 | MRK 1:38 | येशूसे थेनीगदेदा “लु, य्हाङ अर्गु नाम्सारीक्यार निइ, थेरीनोन ङाइ थार्बा पिन्बा समाचार थेःना लतोःबा मुला। तिग्दा भिसम ङा चुलान लागिरी खबा हिन्ना” भिसी सुङ्जी। |
| 24324 | MRK 1:40 | ओच्छे कोरे खबा म्हि गिक येशू मुबा ग्लारी खसी पुइ जूबान, “ह्राङला सेम मुसम ह्राङसे ङादा खम्ना लखम्ला” भिसी भिजी। |
| 24325 | MRK 1:41 | चु ताम थेःमाहेन्से येशूदा दया रेःसी ह्राङला यासे थेदा थुर्बान, “ए खम्गै भिबा ङाला सेम मुला, ए खम्गो” भिसी सुङ्जी। |
| 24327 | MRK 1:43 | ओच्छे येशूसे थेदा “एसे चु ताम खालैदा थापाङ्गो, बरु निसी परमेश्वरला मन्दिररी पूजा लबा म्हिदा उन्गो। ओच्छे ए खम्जी भिसी म्हिगदेदा उन्बाला लागिरी मोशासे कुल्बा अन्छार परमेश्वरदा बलि फुल्गो” भिसी कुल्जी। |
| 24335 | MRK 2:6 | येशूसे चुह्रङ् सुङ्बा म्राङ्सी थेरी मुबा यहूदी धर्मगुरुगदेसे “तिग्दा चु म्हिसे चुह्रङ्बा ताम लबा? चुसे मी ह्राङसे ह्राङदान परमेश्वर स्होसी गा ताम लबा चीम, म्हिगदेला पापला दोष परमेश्वरसे जे मेटब लखम्मुला” भिसी सेम न्हङ न्हङरी म्हन्जी। |
| 24346 | MRK 2:17 | चुह्रङ् भिबा ताम थेःसी येशूसे थेनीगदेदा “खम्बा म्हिगदेला लागिरी डाक्टर आतोः, तर आखम्बा म्हिगदेला लागिरी जे तोःला। थेतबासेलमा परमेश्वरला ङाच्छा ज्यबा मुबा म्हिगदेदा आहिन तर पापीगदेदा ङ्योइबारी ङा खबा हिन्ना” भिसी सुङ्जी। |
| 24357 | MRK 2:28 | थेतबासेलमा परमेश्वरसे पुइखबा म्हि ब्लप्बा न्हबा धिननाएनोन प्रभु हिन्ना” भिसी सुङ्जी। |
| 24360 | MRK 3:3 | येशूसे थे या खर्बा मुबा म्हिदा “जम्मालान ङाच्छापट्टि राप्गो” भिसी सुङ्जी। |
| 24368 | MRK 3:11 | ओच्छे म्हङसे स्याप्बा म्हिगदेसे येशूदा म्राङ्मैछ्याम ख्लुप तसी, “ह्राङ परमेश्वरला झा हिन्ना” भिसी क्रिङ्मुबा। |
| 24369 | MRK 3:12 | तर येशूसे थे म्हिला ल्हुइरी मुबा म्हङदा “च्यागो, ङा परमेश्वरला झा हिन्ना भिसी खालैदा थापाङ्गो” भिसी बङ्जी। |
| 24379 | MRK 3:22 | यरूशलेमग्याम खबा यहूदी धर्मगुरुगदेसे, “चुला ल्हुइरी म्हङगदेला ग्ले बालजिबुल मुला, चु म्हिसे मी म्हङगदेला ग्लेला शक्तिग्याम म्हङ ताप्बा हिन्ना” भिसी भिजी। |
| 24392 | MRK 3:35 | तिग्दा भिसम जुन म्हि परमेश्वरसे म्हन्बा अन्छार भ्रला थेनोन ङाला आमा, ङाला आङा ओच्छे ङाला आले हिन्ना” भिसी सुङ्जी। |
| 24440 | MRK 5:7 | ओच्छे थेसे “जम्मान भन्दा घ्रेन परमेश्वरला झा येशू, ह्राङसे ङादा तिग लबारी छ्याइबा? ङाइ ह्राङदा परमेश्वरला मिनरी घ्रान फासी भिला, ङादा दुख थापिन्गो” भिसी क्रिङ्बान भिजी। |
| 24445 | MRK 5:12 | ओच्छे म्हङगदेसे येशूदा “ङन्दा ढ्वागदे न्हङरी वाङ्पुङ्गो” भिसी बिन्ती लजी |
| 24450 | MRK 5:17 | जमाहेन्से थेनीगदेसे येशूदा “चु ग्लाग्याम फेप्गो” भिसी बिन्ती लबारी छ्याइजी। |
| 24456 | MRK 5:23 | “ङाला झामे आखम्ना सिबारी छ्याइबा मुला, ह्राङ फेप्खसी थेदा थुर्सी पिन्गो। ओच्छे थे खम्गै” भिसी बिन्ती लजी। |
| 24461 | MRK 5:28 | तिग्दा भिसम थेसे “ङाइ येशूला क्वान थुर्बारी जे म्याङ्सम ङा खम्ला” भिसी म्हन्बा मुबा। |
| 24467 | MRK 5:34 | येशूसे थेदा “झामे, एला विश्वाससे लमा ए खम्बा मुला। दाहेन्से ए ढुक्क तसी निउ, एला रोग म्हाजी” भिसी सुङ्जी। |
| 24468 | MRK 5:35 | येशूसे ताम लबान लबा धुइरी याइरसला दिमग्याम म्हिगदे खसी, “ह्राङला झामे सिजी, दाहेन्से गुरुदा दुख थापिन्गो” भिसी भिजी। |
| 24476 | MRK 5:43 | येशूसे थेनीगदेदा “च्यागो, चु ताम खालैसे था थायाङ्गै।” ओच्छे थे माइदा चा “तिगै चबा स्हे पिन्गो” भिसी सुङ्जी। |
| 24490 | MRK 6:14 | येशूसे लबा उदेकला गेला बारेरी हेरोद ग्लेसे थेःजी, तिग्दा भिसम जम्मान ग्लारी येशूला मिन थेःमुबा। गाते म्हिसे मी “बप्तिस्मा पिन्बा यूहन्ना सिबाग्याम सोसी खजीम, थेतबासेलमान थेसे चुह्रङ्बा उदेकला गेगदे लबा हिन्ना” भिसी भिमुबा। |
| 24491 | MRK 6:15 | तर स्य्हान्दोगदेसे, “चु एलिया हिन्ना” भिसी भिजी। ओच्छे अझ स्य्हान्दोगदेसे, “चु म्हि मी ओन्माला अगमवक्तागदे ह्रङ्बान अगमवक्ता गिक हिन्ना” भिसी भिजी। |
| 24498 | MRK 6:22 | थे धुइरी हेरोदियासला ह्राङलान झामे थेरी खसी स्य्हजी। थे स्य्हबा म्राङ्सी हेरोद ग्लेदेन थेला डोन्बोगदे ल्हानान ताङ्जी। हेरोद ग्लेसे थे माइदा “एदा तिग तोःबा ङादा ह्रीगो, थे ङाइ एदा पिन्ना” भिसी भिजी। |
| 24499 | MRK 6:23 | ओच्छे हेरोद ग्लेसे घ्रान फासी, “एदा ङाला गङसल य्हुल्सा भिसै पिन्ना” भिसी भिजी। |
| 24500 | MRK 6:24 | ओच्छे थे मङग्यार थोन्सी ह्राङला आमादा ङाइ तिग ह्रीगो भिसी, ङ्योइमा, “बप्तिस्मा पिन्बा यूहन्नाला थोबो ह्रीगो” भिसी थेला आमासे भिजी। |
| 24507 | MRK 6:31 | येशूसे थेनीगदेदा “एनीगदेएनोन सुनसान ग्लारी खसी ब्लप्बा न्हउ” भिसी सुङ्जी। तिग्दा भिसम थेरी खबा निबा म्हिगदे ल्हानान मुबासे लमा थेनीगदेदा चबारी सुत्तै फुर्सत आरेबा। |
| 24513 | MRK 6:37 | तर येशूसे थेनीगदेदा “एनीगदेसेन चुगदेदा चबा स्हे पिन्गो” भिसी सुङ्जी। तर थेनीगदेसे येशूदा “ङन्से ग्यार्जा न्ही म्हुइला डबलसे गेङ ग्लुसी थेनीगदेदा चबारी छ्योला?” भिसी भिजी। |
| 24514 | MRK 6:38 | येशूसे थेनीगदेदा “एनीगदेदेन छ्याम गेङ गाते मुला? निसी च्यागो” भिसी सुङ्जी। जमाहेन्से थेनीगदेसे च्यासी, “गोर ङा गेङदेन गोर न्ही तार्ङा मुला” भिसी भिजी। |
| 24526 | MRK 6:50 | तिग्दा भिसम येशूदा म्राङ्सी जम्मान लोङ्बा मुबा। तर तुरुन्तन येशूसे थेनीगदेदा “भङ लउ, ङानोन हिन्ना, थालोङ्गो” भिसी सुङ्जी। |
| 24549 | MRK 7:17 | येशू म्हिगदेदा ख्लासी दिम न्हङरी वाङ्माहेन्से थेला चेलागदेसे “ह्राङसे सुङ्बा ताम ङन्दा घोना लसी पिन्गो” भिसी भिजी। |
| 24558 | MRK 7:26 | थे म्रिङम्हेमे सिरिया य्हुल्साला फोनिके भिबा नाम्सारी न्हबा मुबा। थे अर्गु य्हुलला म्रिङम्हेमे मुबा। थेसे “ङाला झामेला ल्हुइग्यामसे म्हङ ताप्सी पिन्गो” भिसी येशूदा बिन्ती लजी। |
| 24560 | MRK 7:28 | ओच्छे थे म्रिङम्हेमेसे “हिन्ना प्रभु, तसैनोन कोलागदेसे चबान लमा ताइबा भ्राइभ्रुइ नगीसेनोन चम्याङ्मुला” भिसी भिजी। |
| 24564 | MRK 7:32 | थेरी म्हिगदेसे नाब्यङ आथेःबा खाग्ले म्हिदा येशू मुबा ग्लारी भसी, “थेदा थुर्सी खम्ना लपिन्गो” भिसी बिन्ती लजी। |
| 24568 | MRK 7:36 | येशूसे थेनीगदे जम्मादान “चु ताम खालैदा थापाङ्गो” भिसी कुल्जी। तर जति जति चु ताम खालैदा थापाङ्गो भिसी कुल्जी, झन ओतेन म्हिगदेसे पाङ्बान भ्रजी। |
| 24580 | MRK 8:11 | फरिसीगदे येशू मुबा ग्लारी खसी चुह्रङ् भिसी ताम लबारी छ्याइजी। ओच्छे येशूला सेम च्याबान, “ङन्दा स्वर्गला चिनु गिक उन्गो” भिसी भिजी। |
| 24585 | MRK 8:16 | तर चेलागदेसे चा “य्हाङदेन छ्याम गेङ आरेबासे लमा येशूसे चुह्रङ् भिसी सुङ्बा हिन्ना” भिसी ह्राङ ह्राङ न्हङरी ताम लबारी छ्याइजी। |
| 24591 | MRK 8:22 | येशू ह्राङला चेलागदेदेन छ्याम बेथसेदा भिबा ग्लारी धोखमा म्हिगदेसे मी आम्राङ्बा म्हि गिकदा येशू मुबा ग्लारी भसी, “चुदा थुर्सी पिन्गो” भिसी बिन्ती लजी। |