| 23379 | MAT 6:28 | “तिग्दा एनीगदेसे क्वान्ना लागिरी धन्दा सुर्दा लबा? ह्रिरी सार्बा म्हेन्दोदा च्यागो, थेसे गेएनोन आलमुला, क्वानएनोन आरामुला। तसैनोन थे खाह्रङ् लसी ल्हेमुला! |
| 23749 | MAT 16:8 | येशूसे चु ताम था याङ्सी, “एनीगदे खाह्रङ्बा विश्वास आरेबा म्हिगदे! एनीगदेसे ह्राङदेन छ्याम गेङ आरे भिसी तिग्दा ताम लसी चिबा? |
| 23891 | MAT 20:30 | ग्यामला कुनीरी चिबा मी आम्राङ्बा म्हि न्हीसे येशू थेनोन ग्याम फेप्बान लबा ताम था याङ्सी “प्रभु, दाऊद ग्लेला सन्तान! ङन्दा दया लउ” भिसी क्रिङ्बान भिजी। |
| 24111 | MAT 25:34 | “जमाहेन्से ङाइ ह्राङला दाहिनेपट्टि मुबा म्हिगदेदा चुह्रङ् भिसी भिला, ‘ङाला आबा परमेश्वरग्याम मोलम याङ्बा म्हिगदे! जम्बुलिङ छ्यामाहेन्सेन एनीगदेला लागिरी स्होसी थान्बा य्हुल्सारी खसी चिउ। |
| 25190 | LUK 5:14 | जमाहेन्से येशूसे थेदा “च्यागो, एसे चु ताम खालैदा थापाङ्गो! बरु ए निसी परमेश्वरला मन्दिररी पूजा लबा म्हिदा उन्गो। ओच्छे एला कोरे म्हाजी भिसी म्हिगदेसे था याङ्बाला लागिरी परमेश्वरसे मोशादा पिन्बा ठिमसे कुल्बा अन्छार बलि फुल्गो” भिसी कुल्जी। |
| 25408 | LUK 9:38 | ओच्छे थे म्हिला हुल न्हङग्याम म्हि गिकसे क्रिङ्बान भिजी, “गुरु, ङाला झादा च्यासी पिन्गो, तिग्दा भिसम चु ङाला गिक जेन झा हिन्ना! |
| 25503 | LUK 11:29 | येशूला क्युर्नोन म्हिला हुल तमाहेन्से येशूसे थेनीगदेदा चुह्रङ् भिसी सुङ्जी, “एनीगदे दान्देला म्हिगदे खाह्रङ्बा नइबा म्हि! उदेकला चिनु जे म्हाइबा। तर योना अगमवक्ताला चिनु बाहेक अर्गु चिनु आउन। |
| 25552 | LUK 12:24 | एनीगदेसे कावागदेदा च्यागो! थेनीगदेसे न्ह कमाइ लला, न्ह बाली धुइला, न्ह थेनीगदेला ढुकुटीन मुला। तसैनोन परमेश्वरसे थेनीगदेदा चबा स्हे पिन्बान मुला। एनीगदे मी चरागदे भन्दा ल्हानान घ्रेन मुला। |
| 25560 | LUK 12:32 | दोःसी येशूसे चुह्रङ् भिसी सुङ्जी, “ङाला कोलागदे, एनीगदे थालोङ्गो! तिग्दा भिसम एनीगदेला परमेश्वर आबा ल्हानान ताङ्सी एनीगदेदा थेसे ह्राङला य्हुल्सा पिन्बारी छ्याइबा मुला। |
| 25817 | LUK 19:17 | जमाहेन्से थे म्हिसे थेदा ‘स्याबास! ए ङाला ज्यबा नोकर हिन्ना! तिग्दा भिसम एसे ङादा जजा तामरी विश्वास उन्जी। थेतबासेलमा ङाइ एदा शहर च्युइरी शासन लबा अधिकार पिन्ना’ भिसी भिजी। |
| 25886 | LUK 20:38 | परमेश्वर सिबागदेला परमेश्वर आहिन, तर सोबागदेला परमेश्वर हिन्ना! थेतबासेलमा परमेश्वरला लागिरी जम्मान सोबा मुला।” |
| 26142 | JHN 1:29 | न्हङगरदङ येशू ह्राङ मुबा ग्लारी फेप्खबान लबा म्राङ्सी यूहन्नासे चुह्रङ् भिजी, “च्यागो, जम्बुलिङरी मुबा जम्मान म्हिदा पापग्याम फेबा परमेश्वरसे पुइखबा ग्ले! |
| 27805 | ACT 23:3 | जमाहेन्से पावलसे थेदा “ह्राङसे ह्राङदान ज्यबा म्हन्बा म्हि! च्यागो, एदाएनोन परमेश्वरसे सजाय पिन्ना। ए मोशासे पिन्बा ठिम अन्छार ङाला निसाफ लबारी चिसीनोन मोशाला ठिमदा ख्लासी एसे ङादा तोउ भिसी कुल्बा?” भिसी भिजी। |
| 28310 | ROM 11:33 | ओहो, परमेश्वरला दया गाते ल्हाना! थेला ज्ञान बुद्धि गाते घ्रेन! ओच्छे थेसे पक्का लसी जिन्बा ताम खाल्से घोखम्ला? थेला ग्याम खालैसेन म्राङ्बारी आखम! |
| 28550 | 1CO 6:15 | एनीगदेला ल्हुइ ख्रीष्टला या काङ ह्रङ्बान हिन्ना भिबा ताम एनीगदेदा था आरे? थेह्रङ् भिसम तिग ङाइ ख्रीष्टला छ्यादेन स्य्हापदा भोर्सी बेश्यादेन छ्याम ब्रेल्बारी तला? आत, चु तनोन आखम्बा ताम हिन्ना! |
| 28822 | 1CO 15:36 | मूर्ख म्हि! एसे जुन स्हेला ब्लु ढ्वला थे ब्लु आनइतेधोना आफुइ। |
| 28866 | 1CO 16:22 | जुन म्हिसे प्रभुदा माया आल थेसे परमेश्वरग्याम सजाय याङ्गै। प्रभु, ह्राङ फेप्खउ! |
| 30971 | REV 12:12 | थेतबासेलमा एनीगदे स्वर्गदेन स्वर्गरी मुबागदे जम्मान ताङ्गो! तर जम्बुलिङदेन समुन्द्ररी मुबागदेदा गाते दुख तला! तिग्दा भिसम शैतानसे ह्राङ ल्हाना आसो भिबा ताम था याङ्सी थे ल्हानान बोमो खसी एनीगदे मुबा ग्लारी खबा मुला।” |
| 31082 | REV 18:20 | स्वर्गरी मुबागदे, थे नाश तबासे लमा एनीगदे ताङ्गो! परमेश्वरला म्हिगदे, मुल चेलागदेदेन अगमवक्तागदे, एनीगदे जम्मान ताङ्गो। तिग्दा भिसम थेसे एनीगदेदा अन्याय लबासे लमा परमेश्वरसे थेदा सजाय पिन्बा मुला।” |