23214	MAT 1:1	Yaŋak e irig ipalu den iŋ Jesus Kristus san tubun bagen a. Jesus iŋ Dawid lo ilasa ya, agod Dawid man iŋ Abraham lo ilasa ya.
23215	MAT 1:2	Abraham log ipalug Kiŋ Dawid lo man, tubun bagen san yaŋak igo iri a: Abraham, Aisak, Jakob, Juda iŋ tein muroun dida. Aria, Juda man Peres iŋ Serah da tamadi, agod uraru an tinadi Tamar. Aria, Peres, Hesron, Ram, Aminadab, Nason, Salmon, Boas (Boas tinan Rahab), Obed (iŋanen tinan Rut), agod Jesi. Aria, Jesi man Kiŋ Dawid taman.
23219	MAT 1:6	Dawid log ipalug saen Babilon san kiŋ yu yabisag Jerusalem daoŋ ipani dugo, Juda adi ikudai go Babilon na subanek tamolpein igo woŋ diau go ante dumado na yan san saen lo man, tubun bagen sad yaŋak igo iri a: Dawid, Solomon (iŋ tinan man, pein nek a imug Uraya iŋane ya), Rehoboam, Abijah, Asa, Jehosafat, Jehoram, Usia, Jotam, Ahas, Hesekaya, Manasei, Amon, Josaya, agod Jehoyakin iŋ tein muroun dida.
23230	MAT 1:17	Aria, Abraham log ipalug Dawid ilasa yan tubun 14 lo dar igile ya. Anteg, Dawid log ipalug Juda adi Babilon na dumado yan san saen lo, tubun 14 taida lo dar igile ya. Aria, anteg tubun 14 taida lo dar igile gug Kristus ilasag malan ipuk a.
23233	MAT 1:20	Saen iŋsan ilo sou ago igane man, yen dugo Tubun ak san eŋel ŋioŋamin lo san na ilasag irupeig ibol, “Josef, Dawid nanun, Maria oŋ iwo yak ŋiŋen o ilo ta gidigidad na wa, fun dugo, nanuk Maria tiŋaen lo man Awan Urgun san dabai lo ilasa la ya.
23253	MAT 2:15	Diaug Egipta na dumado yau dugo Herod imat. Ago gug Egipta dibiseig Judea na dumul diau a. Ŋiŋeŋ nek e ru fulalek san profet wagam ibol ago mi nuŋon ilasa ya. Tubun en ibol, “Egipta ilon lo ŋaineg nanug ŋuwagiŋ go tan en ibiseig ilasa ya.”
23255	MAT 2:17	Dal an lo uloŋ tamol yaŋan Jeremaia wagam ŋiŋeŋ a ibol ilasa yan nuŋon ilasa ya. Iŋ ibol,
23291	MAT 4:13	Iŋsiŋanen panu Nasaret ibiseig, yaug Kaperniam na imado ya. Taun an you tilianek ta, you uyanan ak man, yaŋan You Galili dubol dan, siŋiren na yen da. Distrik an gugoi uraru a yaŋad Sebulun agod Naftali amaiak sad tan.
23292	MAT 4:14	Dal amaiak lo awak aban ta profet Aisaia ibol an nuŋon ilasa ya. Iŋ ibol,
23388	MAT 7:3	Dugo woŋ go metmet samun ta tei malan lo ule gug oŋsigane mala lo ai lapan yen an ta kubiani na yak i?
23392	MAT 7:7	“Sumiaeŋ dop Anut ipano wa, abaŋ ule dop ule wa. Dalawan tuti dop ipasi pano wa.
23398	MAT 7:13	“Dalawan ipipiani aman an lo mi aladu wa. Man dugo, dalawan a pitiŋinek aben lo yau an man tubun geig a, agod san dal dam nek ago mi a, agod tamolpein a dalawan amaiak lo diladu dan man wei kasik a.
23443	MAT 8:29	Ago dugo tubun mi disasai dugo duwagiŋ go dubol, “O Anut Nanun, oŋ mel ta maŋ lo i? Dag iŋsan saen mok gamugo ilasa wo dugo, maŋ imug madai tubun ak panama wo palu i?”
23475	MAT 9:27	Jesus aben an ibiseig yau dugo tamol uraru malad itau an ŋien aban duri se ya. Iŋ tubun mok disasai dugo duwagiŋ se, “O Dawid Nanun, gidad ilo panama wo!”
23561	MAT 12:3	Ago man Jesus ru naon irupidaig igo ibol, “Nag mel e Dawid igane yen ta asuti na ak i? Iŋ iŋanen turan muroun dida kadag san saen lo anaŋ o dumat go,
23562	MAT 12:4	Dawid Anut san ab lo iladug, bret a Anut naon na didirig dien an isinig, iŋanen yu tamol adi dida diani a. Bret an tamolpein fidian lo geg a, nek Anut san pris mi diani wa.
23572	MAT 12:14	Ak man Farisi adi dumasag ubou ab dibiseig Jesus palaŋ an dumari wo diaug dutumani a. Dal dugo man lo Jesus daoŋ dupani san niŋen o diŋiŋeŋ se ya.
23581	MAT 12:23	An niŋen o tamolpein fidian durut dugo ago dubol, “Dag tamol en man Dawid Nanun boi i?”
23587	MAT 12:29	“Agod fon, en dugo woŋ pe tamol ta tamol dababai geig ak san melmel isini wo san ab lo iladu wak i? Dal ta tia ya. Iŋ gidad imug mi tamol dababai an rasau nam isubani gup, iŋ ka tamol an san ab lo iladup melmel isinip yau a.
23650	MAT 13:42	Diabibol pe Ades san yai wananan geig an lo dudu wa. Aben ante man tamolpein tinaŋ digane dop madai lo luod dugurmi wa.
23653	MAT 13:45	“Anut san kagin panek dam igo ya. Dadeŋ tamol ta koksai siŋaokan ak idad o abaŋ an ile se ya.
23686	MAT 14:20	Fidian diani man luadi ipuk a. Diani itout man megeloum diaug samsamun disini wo ditiliani se ya. Samsamun disini an sareg 12 tutubu yak digane inawai a.
23693	MAT 14:27	Agog Jesus irupidai kisaek oŋ go ibol, “Dabai aŋane! Ŋaiseg o, asuruwor amoi!”
23712	MAT 15:10	Agog Jesus tamolpein iŋsan na dutumani wo igiai a. Dupalu dugo irupidaig ibol, “En aloŋ dop aŋane o uyanan a!
23724	MAT 15:22	Aria, gob pein ta tan Kenan dubol dan ate imado dan isusag awan tubun ak lo iwagiŋ, “O Tubun ak, Dawid Nanun, ilo imuŋanag! Ur saian ta ŋai nanug pein itirni dugo muruan ipani geig da.”
23734	MAT 15:32	Agog Jesus iŋsan megeloum san na dupalu wo igiai a. Dupalug irupidaig ibol, “Ŋai tamolpein malan tubun en ilog imuŋanai da, man dugo, gamu nal utol yau la dugo iŋ ŋai dida mumado ya, ak gug anaŋ ta diani san etna tia ya. Ak man dimatigen dop ŋidinaip diau man, ilog ta ibol na da, kabelan dal na yaes ifu dop malad itiliani banau.”
23739	MAT 15:37	Fidian anaŋ an dianig luad ipuk. Diani itout go megeloum dumasag anaŋ samsamun dutumanig sareg seven lo ditaneg awad isa ya.
23793	MAT 17:24	Saen Jesus iŋanen megeloum dida Kaperniam na dupalu man, tempel san takis ŋilaŋal dupalug Pita dusumiani, “Dugo, oŋane girek maŋau tempel san takis idad o dak i?”
23812	MAT 18:16	Ak man awa ta iloŋ na tap, tamol kisaek boi, uraru boi, uŋal pe dida aup oŋane tei da aŋiŋeŋ a. Dal an lo ru fidian a sisem abol dan, talpein nuŋod uraru an ka dibinawo wa.
23817	MAT 18:21	Agog Pita Jesus san na ipalug isumiani, “O Tubun ak, saen ŋai teig ta ŋaisag na mi aupasek igane tap, saen sapta mok iŋsan aupasek ŋupare idu pani wak i? Dag sutek yaug 7 boi i?”
23874	MAT 20:13	“Ak man abi muroun tamol ta luluŋad lo imado yan irupeig ibol, ‘Turag, ŋai oŋ ta ŋiginio saian na da. Dugo, oŋ kina kisaek o lian lo urat gane wo awok ta ubol na yak i?
23891	MAT 20:30	Ante man tamol uraru maladi itau ak dal gigin na dumasig dumado ya. Saen Jesus iriŋanai o igane dugo duloŋ man diwagiŋ, “O Tubun ak, Dawid Nanun, ilo imuŋanama!”
23892	MAT 20:31	Agog tamolpein an dububuŋanaig durupidai, “Awam itaup atokabol pe amado!” Ago tag tamol uraru an nen maeg nam duwagiŋ dugo disasai, “O Tubun ak, Dawid Nanun, ilo imuŋanama!”
23893	MAT 20:32	Jesus awad ago iloŋ man, ipartuanig igiaig irupidai, “Dugo ŋidiraŋ o ilom ibol di?”
23896	MAT 21:1	Jesus iŋanen megeloum dida Jerusalem sumeik dupani dugo, Did Oliv siŋiren na panu ta yaŋan Betfage dubol dan ate dilasa ya. Ago man Jesus megeloum uraru panu an ilon lo diau o idinai a.
23899	MAT 21:4	Dal an lo man, awan aban ta profet ta ibol an nuŋon ilasa ya. Ru an igo ibol,
23900	MAT 21:5	“Ru en Saion san Nanun Pein naod na ubol ilasa wa. Ale, aŋanem Kiŋ gamu aŋsam na ipalu da. Tamol mos aman ak igo woŋ ipalu da, doŋki ta fufo na imasig imado da. Doŋki an foun ak fo na imasig imado dugo ipalu da.”
23902	MAT 21:7	Diaug, doŋki tinan iŋ nanun da diŋal go dupalu ya. Agog doŋki an patun fufo kulos duruwarig, Jesus fo isudag imasig imado dugo diau a.
23904	MAT 21:9	Tamolpein aenkadi, Jesus dida inug mi diau dugo, tamolpein aenta murna dupalu ya. Iŋ fidian mi igo dubol duwagiŋ se ya, “Hosana, Dawid Nanun, per mupano da! Tamol Anut yaŋan lo ipalu den bar iŋane ya! Hosana lak na geig!”
23910	MAT 21:15	Ak man pris gurman adi agod kubiaeŋ san girek maŋau dam iŋ kulob girager igane se yan dile dugo, nanuk tempel san ar ilon lo yak igo duwagiŋ, “Hosana Dawid Nanun, per mupano da!” Saen gurman adi ago dile man ilod saian dugo tiŋaed wananan a.
23920	MAT 21:25	Dugo ilom isou dak i? Jon san suguek man, dugon te kagin an iŋane yak i? An kumaen panu san mel, tia, tamol sad mi ak i?” Agog iŋsed nug lo igo diŋiŋeŋ se ya. “En kumaen panu san mel, ago tabol tap, iŋ igo ibol isumianad a, ‘En ata wo aŋ iŋ niŋen o ilom ta rumok na yak i?’
23926	MAT 21:31	Dugo ilom isou dak i? Nanuk uraru en, enti mok taman san ilobol iri ak i?” Ago man iŋ dubol, “Nanuk matu ama ya.” Agog Jesus ago irupidai, “Ŋai rumok ŋurupaiaŋ da. Takis ŋilaŋal, agod dal san pein adi, iŋ aŋ diriŋanaŋ go Anut san kagin panek aben lo diladu da, ak man aŋ aladu wo amoi da.
23958	MAT 22:17	An niŋen o oŋ ka mel en niŋen o rupaiama wa. Dugo, Kaisa takis moni tupani wan uyan ak i? Tia, saian ak i? Oŋ dugo ilo isou dak i?”
23983	MAT 22:42	“Aŋ Kristus niŋen o dugo ilom isou di? Iŋ enti nanun ak i?” Ago man iŋ durupei, “En man Dawid nanun.”
23984	MAT 22:43	Ago tag iŋ irupidai, “Aria, en dugo woŋ go, Kristus niŋen o, Dawid iŋsen mi Awan Urgun san dabai lo mi iŋiŋeŋ dugo tamol an yaŋan man, Tubun ak ibol ak i? Iŋ igo ibol,
23986	MAT 22:45	Amaiak niŋen o Dawid iŋsen mi iŋ Tubun ak ago ibol tap, en dugo woŋ pe iŋ Dawid nanun ak i?”
24029	MAT 24:3	Jesus Did Oliv fo imasi dugo iŋanen megeloum mianuk lo san na dupalug dubol, “Oŋ rupaiama wa, saen dugomaiak lo melmel en dilasa wak i? Mel dugomaiak imug ilasa dop, ate maŋ maloŋ ak, oŋ umul palu o di? Agod saen gamu e tumado den itout o di?”
24041	MAT 24:15	“Saen ilasa dop, mel ta tempel san aben gun ak lo duguni dop ale wa. Mel an gubak mi profet Daniel niŋen o ibol a. Mel an Anut malan lo man iganan geig a, nek mel amaiak igane dop daoŋ panek ilasa wa. (Oŋ ru e suti den uloŋ uyan o ta pasauman na yak man, maeg gane tap ka uloŋ ak boi.)
24153	MAT 26:30	Iŋ bar diabi itout gug kuai te dilasag Did Oliv ate diau a.
24206	MAT 27:8	Ago yak niŋen o, tan titin nek an yaŋan man igo ya, “Dar san tan” ago dubol a. Gamu en dam tamolpein iŋ yaŋak nek an mi dubol da.
24224	MAT 27:26	Agog saen ante man iŋ Barabas ibiseig sad na yau dugo, Jesus ipidinaig rasau nam dufuni a. Dufuni itout go Jesus aigim fo dibali wo yu tamol tuod lo igane yau a.
24234	MAT 27:36	Dukok itout man, dumasig dititianig dumado se ya.
24242	MAT 27:44	Dal kisaek mi lo gumagam tamol uraru Jesus giraŋen na aigim fo dusuŋanai an dam ru kukok wei mi tinin fo digane se ya.
24273	MAT 28:9	Dal dirig diau dugo Jesus naod na ilasag ibol, “Tidom lom mi!” Agog pein an siŋiren na diaug ŋien diabig ubou an dile ya.
24285	MRK 1:1	Dal en bilaluŋ uyanan Jesus Kristus Anut Nanun niŋen o fun igane ya.
24338	MRK 2:9	Dugomaiak pasauman ak i? Ŋai ŋabol, ‘Oŋane aupasek ŋupasi yau o?’ Tia, ŋabol, ‘Oŋ masap kapal ŋanep utor a?’
24354	MRK 2:25	Ago man Jesus iŋsad awa biek ru naon irupidaig ibol, “Nag mel e Dawid igane yen ta asuti na i? Dawid iŋ turan muroun dida kadag san saen lo dimatigen dugo anaŋ o katuk amadi a.
24355	MRK 2:26	Mel en wagam mi saen Abiatar iŋ pris gurman imado dugo ilasa ya. Aria, Dawid Anut san ab lo iladug, bret a Anut naon na didirig dien an iŋaneg yani a. Ak man bret an iŋ lo geg a, nek Anut san pris iŋ mi ka diani wa. Ago bo man iŋ dam iŋanen yu tamol adi bret aenta iwae pidinaig diani a.”
24457	MRK 5:24	An lo Jesus imasag iŋ da diau a. Diau oŋ dugo tamolpein malan tubun an Jesus ŋien aban diri dugo Jesus dusupini se ya.
24471	MRK 5:38	Diaug, ubou ab gurman san ab ate dilasa dugo Jesus malan yaug tamolpein tinaŋ muguruŋ tubun kasik diganeg dumado dugo yil a.
24483	MRK 6:7	Agog Jesus iŋanen megeloum 12 iŋsan na dupalu wo igiai a. Dususag Jesus tamol adi emaiak iŋ wagen lo ur saiak adi tamolpein tinidi ilon lo yak dukudaip diau san dabai ipidinai a. Agog itarpasaig fun iganeg uraru uraru mi idinaig diau a.
24526	MRK 6:50	Man dugo, iŋ fidian Jesus ago dile an lo tubun mi direr dugo dusuruwor se ya. Ak man Jesus irupidaig ibol, “Dabai aŋane, en ŋaiseg, arer amoi!”
24535	MRK 7:3	(Man dugo, iŋaned kagin igo ya. Farisi adi, agod Juda adi fidian mi dam, iŋ imug mi banid dufulani gup anaŋ diani wa. Iŋ ta dufulani na tap, iŋ dida anaŋ ta diani na wa. Dal an lo iŋ tubud baged sad tamol kagin diri dupani na yan ago mi iŋ dam duri da.
24545	MRK 7:13	Dal emaiak lo, aŋanem tamol kagin tamolpein duri dupani wo abol den lo mi, aŋ aganeg Anut san ru an nuŋon tia ya. Agod mel wei mi taidam naok nek ago yak agane da.”
24546	MRK 7:14	Agog Jesus iŋ fon tamolpein fidian siŋiren na dupalu wo igiai a. Dupalug, ru ago ibol irupidai, “Aŋ fidian kududom agurep, ru en ŋabol dop, aloŋ fufei wa.
24570	MRK 8:1	Saen an lo tamolpein malan tubun mok fon Jesus san na dutumani a. Dumado dugo iŋaned anaŋ latamad diani pasik a. Ago tag, Jesus iŋanen megeloum adi dupalu wo igiai a. Agog dupalug dilasa dugo Jesus irupidai,
24577	MRK 8:8	Aria, tamolpein anaŋ an dianig idaisuda geig a. Diani itout gug megeloum adi dumasag anaŋ samsamun dutumanig sareg seven lo ditaneg awad isa ya.
24579	MRK 8:10	Agog Jesus megeloum adi dida wog lo disidag, Dalmanuta distrik ante diau a.
24596	MRK 8:27	Agog Jesus iŋsan megeloum adi dida panu an dibiseig dal diŋaneg panu kititik taun Sisaria Filipai lubanek lo dien dan ate diau a. Dal te tureŋ diabi dugo iŋsan megeloum isumianai, “Tamol adi iŋ ŋai enti mok ago dubol di?”
24640	MRK 9:33	Iŋ Kaperniam na dilasa ya. Saen iŋ ab ilon lo dumado dugo, Jesus isumianai, “Dal na aŋsem ata mel niŋen o nug lo akubiai yau imul se yak i?”
24699	MRK 10:42	Ago tag Jesus megeloum igiaig iŋsan na dupalu ya. Dutumani dugo ibol, “Aŋ aloŋ ak gob adi luluŋad lo tamol a iŋsed gurman dubol dan, sad dabai tamolpein a paed na dumado dan dukubiai pidinai da. Ago dugo iŋ luluŋad lo tamol a yaŋad ad da yan diganep tamolpein kawan ak iŋaned tuod paen na dumado wa.
24704	MRK 10:47	Saen iŋ Jesus Nasaret san tamol dal ante ipalu dan ago iloŋ man, awan tubun mi iwagiŋ go ibol, “Jesus, Dawid Nanun, ilo imuŋanag!”
24705	MRK 10:48	Tamolpein wei mi dububuŋanig, dubol, “Awa itaup tokubol mado!” Ak man iŋ nen tubun mi isasai, “Dawid Nanun, ilo imuŋanag!”
24710	MRK 11:1	Jesus iŋsan megeloum dida Jerusalem sumeik dupanig, Did Oliv siŋiren na panu uraru ta yaŋad Betfage iŋ Betani da dubol dan ate disusa ya. Ago man Jesus iŋanen megeloum uraru ta idinaig
24711	MRK 11:2	irupidaig ibol, “Aŋ urarum panu o malad yaug tile dan ate au. Aup aladu dop doŋki foun ak ta dususeg imado dak ale wa. Doŋki an fufo talpein ta imasi man tia ya. Kam apasip aŋanep ŋaisag na apalu wa.
24712	MRK 11:3	Tamol ta irupaiaŋ, ‘Aŋ ata wo ago agane dak i?’ ago ibol tap, aŋ igo arupei wa, ‘Doŋki en Tubun ak ibunawi san urat aman da ya. Milaen tiap iŋ ririan fon iganep imul ipalu wa.’”
24716	MRK 11:7	Diaug, Jesus san na dilasag, iŋsad yamel milaen ak diragalig, doŋki patun fufo duruwari a. An itout go Jesus fufo imasig dida diau a.
24719	MRK 11:10	Maŋ tubuma bagema Dawid san kagin panek gamu ipalu dan, bar iŋane wa! Aben lak na geig an lo per dupano wa!”
24721	MRK 11:12	Dien go tidom lom saen Betani dibisei man, Jesus imatigen.
24729	MRK 11:20	Dien go tidom lom mi fon tureŋ diabi dugo ai gurab a nor Jesus ipei funi an dile ya. Ai an dabin ateg yaug ulun na man ibun idu ya.
24777	MRK 12:35	Jesus tempel san tumanek aben ilon lo tamolpein ipiteŋanai dugo sumianek ta ipidinai a. “En dugo woŋ go kubiaeŋ san girek maŋau adi, Kristus iŋ Dawid nanun an dubol na yak i?
24778	MRK 12:36	Dawid iŋsen mi, Awan Urgun iduduwi dugo igo ibol: ‘Tubun en ŋaisag Tubun ak igo irupei, “Oŋ ŋai tuog won ak ate masip mado, murna gup ŋai oŋsa ager adi ŋidiraip, oŋ ŋie pae na dumado dop ŋie nam partuanai a.” ’
24779	MRK 12:37	Amaiak niŋen o Dawid iŋsen mi tamol an Tubun ak ibol tap, en dugo woŋ pe iŋ Dawid nanun ak i?” Tamolpein malan tubun ante dumado dan iŋsan ru duloŋ dugo ilod bulbal se ya.
24789	MRK 13:3	Jesus Did Oliv fo imasig imado se ya. Did a ate imado yan did tempel fufo itur dan san turan, titiŋaem tan ikilokan ak yen da. Agog Pita, Jems, Jon di Andru da ago mianuk lo san na dupalug dusumianig igo dubol.
24800	MRK 13:14	“Saen ilasa dop, mel ta tempel san aben gun ak lo dugunip, mel an ate itur san tia yak ate itur dop ale wa. Mel an gubak mi profet Daniel niŋen o ibol a. Mel an Anut malan lo man iganan geig a, nek mel amaiak igane dop daoŋ panek ilasa wa. (Oŋ ru e suti den uloŋ uyan o ta pasauman na yak man, maeg gane tap ka uloŋ ak boi.) Nal an lo dop, tamolpein a Judea na dumado dan, dusol diaup did luluŋad lo sed imianai a.
24842	MRK 14:19	Ru an duloŋ go ilod muruan idu ya. Agog iŋsed kisaek kisaek Jesus dusumianig dubol se, “Dugo ŋai tia i?” Ago ago dubol yau se ya.
24849	MRK 14:26	Agog iŋ Isrel san bar ta diabig itout go galuŋ an dibiseig Did Oliv fo na disuda diau a.
24850	MRK 14:27	Diau dugo Jesus iŋanen megeloum adi ru igo irupidai, “Gamu tidom nek en lo, aŋ fidian mi ŋai niŋeg o ilom idu yaup abisawag a. Man dugo, Anut san girek lo ru igo ibol, ‘Ŋai titianek tamol ŋufuni wa, agop iŋsan sipsip adi dusol gidigidad diau a.’
24884	MRK 14:61	Ak man Jesus ru ta ibol man tia ya, itokubol itur se ya. Agog pris gurman fon Jesus isumiani, “Dugo, oŋ Kristus, Anut Nanun i?”
24885	MRK 14:62	Ago man Jesus igo ibol irupei, “Awo, ŋai mi Kristus. Aŋ murna gup Tamol Nanun iŋ Dabai Tubun Geig ak san banin won ak ate imasi dop ale wa. Agod Tamol Nanun keit san timtaen fufo na imado dop ipalu wa, mel amaiak dam ale wa.”
24910	MRK 15:15	Man niŋen o Pailat doup tubun an ilo uyan ipidinai o ilon ago ibol ak niŋen o, iŋ Barabas iŋsad na ipasi a. Agog ru iganeg Jesus diabig rasau nam dufuni a. Dufunig itout go iŋanen yu tamol adi banid lo aigim fo dibali wo igane ya.
24911	MRK 15:16	Agog gabman malan te yan san yu tamol adi, Jesus diŋaneg gabman san ab lo diau a. Ante man iŋ Pailat san yu sawar fidian mi dupalu wo digiai a. Dupalug Jesus san na dutumanig dubuluwi a.
24927	MRK 15:32	En man Kristus, Isrel sad Kiŋ. An niŋen o iŋ aigim ibiseip idu dop, an lo id tile dop ka ilod lo rumok a.” Dal kisaek mi lo tamol uraru a Jesus dida aigim fo dusuŋanai an dam nao futek ru wei mi tinin fo dukulmaek se ya.
24939	MRK 15:44	Saen Pailat Jesus imat la yan iloŋ man, irut saian. Yu tamol sad gurman ipalu wo iwagi a. Iŋ ilasa dugo Pailat isumiani, “Dugo, Jesus imat la yak i? Tia, gamugo di?”
24947	MRK 16:5	Saen pat gubaran ilon lo diladu man, malad yaug pinein ta yamel milkouk di milaen ak igane yan dile ya. Iŋ pat gubaran titin won ak lo imasig imado se ya. Dile man durut go direr saian geig a.
24954	MRK 16:12	Murnag tamol uraru gubak mi Jesus ŋien aban diri na yan, Jerusalem lubanek ilon lo tureŋ diabi se ya. Dal im diau dugo, Jesus naod na ilasa man naon tinin sen geig, agog dida diau se ya.
24980	LUK 1:18	Ago tag Sakaraia eŋel an isumiani, “Ŋai iwog da mel saiak migane ya. Dugo woŋ pe ru ubol an nuŋon ŋaloŋ ak i?”
24989	LUK 1:27	Iŋ pein baras itaot ak ta san na yau a. Pein an yaŋan Maria. King Dawid malan kubulan ta yaŋan Josef dubol dan ŋien dupani a.
24994	LUK 1:32	Iŋ tamol tubun ak imado dop, Anut lak na geig an Nanun dubol a. Agop, Anut iganep iŋ kiŋ ilasap, tubun bagen Dawid imado yak ago mi imado wa.