23215	MAT 1:2	Abraham log ipalug Kiŋ Dawid lo man, tubun bagen san yaŋak igo iri a: Abraham, Aisak, Jakob, Juda iŋ tein muroun dida. Aria, Juda man Peres iŋ Serah da tamadi, agod uraru an tinadi Tamar. Aria, Peres, Hesron, Ram, Aminadab, Nason, Salmon, Boas (Boas tinan Rahab), Obed (iŋanen tinan Rut), agod Jesi. Aria, Jesi man Kiŋ Dawid taman.
23236	MAT 1:23	Iŋ ibol, “Pein baras ta kitek tamol ta da dutor man tia yak, tiŋaen lo nanuk tamol ak ta ilasa wa. Ago dop yaŋan Imanuel dubol a.” (Yaŋak Imanuel fun man igo: “Anut id da tumado da.”)
23264	MAT 3:3	Profet Aisaia tamol an niŋen o wagam mi igo ibol a, “Tamol ta san kilagun tan kawan ak lo iwagiŋ go ibol, Tubun en iŋanen dal akubunep itaot yen a.”
23271	MAT 3:10	Pilagis ai dabin lo yen la ya. Ai fidian a nuŋod uyan uyan ta ifu na dan, Anut itarep yai lo yabi yaup inanai yau a.
23296	MAT 4:18	Jesus You Galili gigin irig itor dugo tamol ta tein da yil a. Tamol an imug yaŋan Saimon, agod yaŋan ta dam Pita dubol da. Agod tein Andru. Uraru an iy ŋalaŋal, ago yan lo iŋaned dob you lo dubal idu dugo, Jesus ipalu ya.
23317	MAT 5:14	Aŋ tan en lo ilalaŋ oŋ amado da. Panu ta did fufo yen dan tamolpein dimiani san tia ya.
23400	MAT 7:15	“Profet sewak an niŋedi wo kagin agane wa. Iŋ tinidi sipsip suŋulon nam dubuluwi dop lo mos nam aŋsam na dupalu wa, ak man tinidi ilon lo man iŋ nek ibol goun kasik yai ided geig ak igo woŋ a.
23428	MAT 8:14	Pita raon subam ifunig tinin dam wananan go, gadab fo iŋsiganen ab lo diganeg yen se ya. Saen Jesus ab an lo iladu man, pein an yen dugo ile tag
23468	MAT 9:20	Gug saen dal durig diau man, pein ta subam anda imado se yan ŋien aban irig yau se ya. Pein an anaŋar 12 siganen dar tinin ilon lo yak ilasa se ya. Aria, iŋ Jesus patun fo yaug sumeik man banin iwateg iŋsan kulos bitiŋen isupuri a.
23488	MAT 10:2	Aposel 12 an yaŋadi igo ya, imug an Saimon, tamol an yaŋan neinta Pita dubol dan, iŋ tein Andru da. Tinin te Jems iŋ Jon da Sebedi nanun muroun.
23495	MAT 10:9	Aŋ moni dam ta asini na wa. Pat naon ibol gol boi ta silva boi ta kopa ago woŋ aŋanem let lo iyuk dan ta asini na wa.
23641	MAT 13:33	Iŋ ru faŋan taidam irupidaig ibol, “Anut san kagin panek man igo ya. Pein ta yis kabelan iŋaneg plawa tubun geig da itumanig ikubuli kisaek, agog yis an plawa ilon lo ifurak yaug iganeg plawa fidian mi ikafut isuda ya.”
23665	MAT 13:57	Fun an niŋen o naod ikafut go patud dupani a. Ago gug Jesus irupidaig ibol, “Panu fidian lo tamolpein profet ta yaŋan diabisa wa, nek iŋsiganen panu fun lo, agod iŋsiganen dar lo man tia ya.”
23667	MAT 14:1	Saen an lo Herod, provins Galili agod Perea sad tirnek tamol imado se ya. Iŋ tamolpein sad ru Jesus niŋen o dubol dugo iloŋ a.
23694	MAT 14:28	Agog Pita ru naon irupeig ibol, “O Tubun en, oŋse mok tap, ubol dop ŋai dam you fufo oŋsa na ŋupalu wa.”
23695	MAT 14:29	Agog Jesus ibol, “Palu!” An lo man Pita imasag wog lo yak ilasag fun iganeg you fufo mi yau se ya.
23709	MAT 15:7	Aŋ balem rararu a! Profet ru a Aisaia gubak mi aŋ niŋemi wo ibol ilasa yan rumok geig a. Iŋ igo ibol,
23717	MAT 15:15	Ak man Pita irupeig ibol, “Ru mitilaen a rupidai an fun fulale dop maloŋ a.”
23729	MAT 15:27	Pein an ibol, “Awo, Tubun en ru rumok ubol da. Ak gug goun dam iŋaned muroudi sad awad aban tan na idu man ka diani wa.”
23757	MAT 16:16	Agog Saimon Pita iŋsan ru naon irupei, “Oŋ Kristus, oŋ Anut ipiliano ama ya, oŋ Anut a kumaen imado dan Nanun mok a.”
23759	MAT 16:18	Agod ŋai ŋurupaio da, oŋ Pita, yaŋa san fun man pat. Pat tubun en fufo ŋaisag midaeŋ ŋususe wa. Agod mateŋ san dabai an ŋaineg midaeŋ ibiai dudu san tia ya.
23763	MAT 16:22	Ago ibol go Pita Jesus yabig iŋaneg ida gigin na diaug san ru an niŋen o igo ibol, “Tubun en, tia geig a, kulob ago oŋ lo ta ilasa na wa!”
23770	MAT 17:1	Nal siks itout go, Jesus iŋ Pita, Jems agod tein Jon da iŋal go imug did lak na geig ak fo disudag ate iŋsed mi dumado ya.
23773	MAT 17:4	Agog Pita imasa kisaek oŋ go Jesus irupeig ibol, “Tubun en, nek uyanan geig maŋ ente mumado da! Oŋ ilo ibol tap, lalai utol etna ŋabi wa, oŋsa kisaek, Mosen san kisaek, agod Elaijah san kisaek dam ŋususe wa.”
23793	MAT 17:24	Saen Jesus iŋanen megeloum dida Kaperniam na dupalu man, tempel san takis ŋilaŋal dupalug Pita dusumiani, “Dugo, oŋane girek maŋau tempel san takis idad o dak i?”
23794	MAT 17:25	Pita ru naon igo irupidai, “Awo.” Murnag Pita ab ilon lo ipalu dugo Jesus imug iŋiŋeŋ, “Saimon, tan en sad kiŋ, enti sad na takis moni diŋane dak i? Iŋsiganed nanud muroudi sad na, tia, tamolpein gol ak sad na, aria, oŋsa ilo sou dugo yak i?”
23795	MAT 17:26	Agog Pita ibol, “Tamol gol ak sad na ya.” Ago ibol man Jesus irupei, “Ago tap nanud muroudi sad na takis moni ta digane na da.
23817	MAT 18:21	Agog Pita Jesus san na ipalug isumiani, “O Tubun ak, saen ŋai teig ta ŋaisag na mi aupasek igane tap, saen sapta mok iŋsan aupasek ŋupare idu pani wak i? Dag sutek yaug 7 boi i?”
23851	MAT 19:20	Pinein an irupeig ibol, “Ru kubiaeŋ an fidian ŋuri ŋupani se ya. Ata mel taida niŋen o katuk ag ak i?”
23858	MAT 19:27	Agog Pita ru naon ibol, “Ule, mel fidian mibiseig ŋie aban muri se ya, an lo ata naon igo mok miŋane wak i?”
23900	MAT 21:5	“Ru en Saion san Nanun Pein naod na ubol ilasa wa. Ale, aŋanem Kiŋ gamu aŋsam na ipalu da. Tamol mos aman ak igo woŋ ipalu da, doŋki ta fufo na imasig imado da. Doŋki an foun ak fo na imasig imado dugo ipalu da.”
23937	MAT 21:42	Ago tag Jesus ago ibol isumianai, “Nag aŋ ru e girek lo yen den ta asuti na i? ‘Pat nek a ab bek tamol adi dumoi dan, nek amaiak ab tinin fidian yabi sakar da. An Anut sen ago igane ya, agod id malad lo en man siŋaokan geig a.’
24067	MAT 24:41	Pein uraru bret dukubune wo pat nam wit patun dibaltitale wa. Anut kisaek iŋane dop, turan ibiseip imado wa.
24079	MAT 25:2	Pein baras nuŋod 5 man kankan ad tia ya, ago dugo 5 aenta man kankan ad da ya.
24098	MAT 25:21	“Iŋanen tubun ak igo irupei, ‘Oŋ urat tamol uyanan mok a, awag uri pani siŋaokan, oŋane urat dam kagin pani uyanan a. Oŋ melmel kititik e bani lo ŋigane emaiak kagin pidinai uyanan a, amaiak niŋen o melmel tubun geig ak wei mi tirnai san ŋupano wa. Palup, ŋai da uyasusai tigane.’
24100	MAT 25:23	“Iŋanen tubun ak igo irupei, ‘Oŋ urat tamol uyanan mok a, awag uri pani siŋaokan, oŋane urat dam kagin pani uyanan a. Oŋ melmel kititik e bani lo ŋigane emaiak kagin pidinai uyanan a, amaiak niŋen o melmel tubun geig ak wei mi tirnai san ŋupano wa. Palup, ŋai da uyasusai tigane.’
24125	MAT 26:2	“Aŋ aloŋ ak, Pasova san ad nanek idu san man nal uraru mi yen da. An lo dop Tamol Nanun ager banid lo diganep aigim fo dubali wa.”
24135	MAT 26:12	Pein iŋ ŋai tinig fufo gureŋ iwali an, nek kagin an lo man iŋ ŋaisag sisanun mutou lo diginiag amaiak san dal ikubune da.
24156	MAT 26:33	Pita ru naon igo irupei, “Gidad tamol fidian oŋ niŋe wo ilod idup dibisawo bo man, ŋai man tia ya.”
24158	MAT 26:35	Agog Pita irupei, “Gidad, ŋai oŋ da tamat bo man, ŋai oŋ niŋe wo ta ŋatot na wa, tia geig a!” Ago dugo megeloum fidian dam nek ago mi dubol se ya.
24160	MAT 26:37	Agog iŋ Pita agod Sebedi nanun uraru dida iŋal go diau a. Saen an lo iŋ fun iganeg ilon ipapao dugo ilon dam muruan idu ya.
24163	MAT 26:40	Agog iŋ iŋanen megeloum adi sad na ipalug, ŋioŋ diabi dugo yil a. An lo iŋ Pita irupeig isumiani, “En dugo, aŋ auwa kisaek ŋai da malad kumaen tumado san ta idaisuda na yak i?
24170	MAT 26:47	Saen Jesus iŋiŋeŋ se man, Judas ipalu ya. Iŋ megeloum 12 ak luluŋad lo aben anda ya. Iŋ ipalu dugo tumanek malan tubun ak dida, sabiri agod tok dam duburoug naon na dilasa ya. Pris tutubu agod Isrel sad gurman adi didinaig dupalu ya.
24181	MAT 26:58	Ak man Pita Jesus ŋien aban irig yau ak gug, iŋ kitek asau mi imado ya. Iŋ pris gurman san ar lo iladug ai katuk adi dida dumado ya. Iŋ ata mel ta Jesus niŋen o ilasa dop ile wo malan igane se ya.
24182	MAT 26:59	Pris tutubu, agod kaunsil fidian mi, tamol aenta digiaig sewak ru dubol dop, Jesus kagin saiak ta igane yak, ate dufunip imat san dal ta dile wo dukubiai se ya.
24192	MAT 26:69	Aria, saen an lo Pita kot ab patun fo imasig imado dugo, urat pein ta siŋiren na ipalug igo ibol, “Oŋ dam Jesus Galili san tamol amaiak da amado ator se ya.”
24193	MAT 26:70	Ak gug Pita tamol an fidian malad lo itot go igo ibol, “Ru oŋ ubol dan ŋai ta ŋaloŋ na ya.”
24195	MAT 26:72	Ago man fon Pita itot go ru sakar nam irupidai, “Rumok geig ŋai tamol an ta ŋaloŋ na ya!”
24196	MAT 26:73	Kitekan taidag tamolpein a dutur na yan Pita san na diaug durupeig dubol, “Rumok geig, oŋ iŋsad kisaek a. Oŋane ŋiŋeŋ lo se kuai te ibulo lasa ya.”
24198	MAT 26:75	Ago dugo Pita iŋ Jesus ru ibol an ilon isou a, “Saen kurek gamugo ibob dop, saen utol ŋai niŋeg o utot a.” Ago man iŋ kuai te ilasag tinaŋ tubun mi igane se ya.
24200	MAT 27:2	Agog iŋ Jesus rasau nam dusubanig dida diaug Rom san gurman Pailat tuon lo digane ya.
24204	MAT 27:6	Pris tutubu adi moni an diŋaneg igo dubol, “Moni en man tamol dufuni imat ak san naon, an dar idad a. An lo id moni en tempel san moni da tutumani san niŋen o idsad kubiaeŋ ipadau a.”
24211	MAT 27:13	Ago yak niŋen o Pailat irupeig isumiani, “Oŋ ru fidian dupano den kududo lo ta uloŋ na yak i?”
24212	MAT 27:14	Ak man Jesus ru naon ta Pailat irupei man tia ya, gidad ru wei mi dupani bo man ru naon ta irupidai na ya. An niŋen o Pailat irut go ilo sou wei mi igane se ya.
24213	MAT 27:15	Aria, anaŋar fidian, Pasova san saen lo, gabman gurman subanek tamol kisaek o lian yaŋan dupate dop, ipasip kawan imado wa. Kagin nek an san nal idu ya.
24215	MAT 27:17	Amaiak niŋen o saen tamolpein dutumani itout man, Pailat igo ibol isumianai, “En dugo woŋ ilom isou di? Enti ŋubuseip aŋsam na imul o? Ŋai Barabas ŋubusei wo, tia, Jesus e Kristus dubol damaiak ŋubuseip imul o?”
24217	MAT 27:19	Mel taida mi, saen Pailat iŋ tulek tamol san kalik fo imasig imado dugo, iŋsan pein san na ru igane ipalug igo ibol, “Oŋ mel ta tamol e itaot aman en niŋen o ta gane na wa. Man ata wo? Gamu na ŋai ŋioŋamin ta lo ŋile dugo iŋ niŋen o madai wei mi ifunag na ya.”
24218	MAT 27:20	Ak gug pris tutubu agod Juda sad tamol gurman adi, tamolpein malan an ilod diŋane ya. Iŋ tamolpein an dududuwaig Pailat dusumianig Barabas ipasi pidinai dop, Jesus daoŋ ipani wo ago dubol se ya.
24219	MAT 27:21	An niŋen o Pailat fon ibol isumianai, “Aŋ tamol uraru en luluŋad lo enti ŋupasi wo amat di?” Ago man duwagiŋ dugo igo dubol, “Nek Barabas mi a.”
24220	MAT 27:22	Agog Pailat ibol isumianai, “Aŋsam ilo sou lo, Jesus e Kristus dubol den niŋen o ŋai dugo ŋigane wak i?” Ago man fidian mi duwagiŋ dugo dubol, “Aigim fo bali wa!”
24222	MAT 27:24	Pailat iŋ sen ikubiani man, iŋsan ru ta idaisuda na dugo, ager tubun ak ilasa wo da. Amaiak niŋen o iŋ you iŋaneg, tamolpein malad lo banin ifulani a. Ago dugo iŋ igo ibol, “Tamol en imat dop man ŋaisag muruan tia ya. An man aŋsiganem mel mi a.”
24225	MAT 27:27	Agog gabman gurman san yu tamol adi, Jesus diŋaneg gabman san ab lo diau a. Ante man iŋ Pailat san yu tamol fidian mi dupalu wo digiai a. Aria, dupalug naon na dutumani a.
24227	MAT 27:29	Ago dugo iŋ kam dudurun aman da yak, kiŋ san kitikat igo woŋ ditiladeg, Jesus kabuŋan fo na digane ya. Makud ta diŋaneg tuon won ak ate diganeg kiŋ igo woŋ yabi a. Ago dugo naon na turud disoluwig, kukok an digane dugo igo dubol, “Per o, Juda sad Kiŋ!”
24253	MAT 27:55	Pein wei mi dumado na yan dam, asau mi dutur dugo leil digane se ya. Pein amaiak saen Jesus Galili ibiseig tureŋ yabi dugo dubunawi wo ŋien aban diri se ya.
24256	MAT 27:58	Iŋ Pailat san na yaug Jesus san sisanun iŋane wo isumiani. Iŋanen yu tamol adi ru dabai anda yak ipidinaig diaug Jesus san sisanun diŋaneg Josef dupani a.
24260	MAT 27:62	Nal a Soubul Kubunek San dubol dan itout la gug, nal tinin te yak lo, pris tutubu adi agod Farisi adi diaug Pailat naon na dutumani a.
24263	MAT 27:65	An niŋen o Pailat irupidai, “Aŋ yu tamol aŋal dop, arupidaip mutou fun na tawaŋ digane wo uyanan a. Mutou kagin apani dop dugo agane wo ilom ibol tap ago ka agane wa.”
24272	MAT 28:8	Pein uraru an direr geig ak gug, iŋ uyasusai tubun mi digane ya. Ago man iŋ ririan mi mutou dubuseig dumaspalu oŋ iŋsan megeloum durupidai o diau se ya.
24275	MAT 28:11	Pein uraru an tureŋ diabi dugo, yu tamol adi mutou kagin dupani se yan, taun ilon lo diaug diladug melmel ilasa yan, niŋen o pris tutubu yan durupidai a.
24314	MRK 1:30	Pita raon subam ifunig tinin wananan go, gadab fo iŋsiganen ab lo diganeg yen a. Man niŋen o pein an niŋen o Jesus durupeig iloŋ a.
24317	MRK 1:33	Panu tubun an san tamolpein wei kasik ab san dalawan siŋiren na dutumanig dumado se ya.
24361	MRK 3:4	Agog Jesus tamol en isumianai, “Kubiaeŋ dugo ibol ak i? Ubou nal lo, id ka kagin uyan ak tigane wo? Tia, kagin saian ak tigane wak i? Patu pasek tupani wo? Tia, tufuni imat ak i?” Ago man iŋ fidian tok dubol go dumado ya.
24373	MRK 3:16	Aria, megeloum 12 e itarpasai en yaŋadi igo ya. Ta Saimon, iŋ Jesus yaŋan foun ak Pita ipate. Ta Jems, iŋ tein Jon da, nuŋod urarum Sebedi nanun muroun, uraru en Jesus yaŋadi foun ak Boargenes ipate ya, (yaŋak an fun man weil fufu tamol.) Ta Andru, ta Filip, ta Bartolomiu, ta Matyu, ta Tomas, ta Jems iŋ Alfeus nanun, ta Tadeus, ta Saimon iŋ ru wagai san tamol, agod Judas iŋ man panu Keriot san tamol, emaiak murnag iŋ Jesus niŋen o palaŋ imarig ager tamol banid lo igane ya.
24470	MRK 5:37	Agog Jesus tamolpein fidian ŋien aban diri wan o imoi a, nek Pita, Jems agod iŋ tein Jon, nuŋod utol anami iŋ dida diau a.
24474	MRK 5:41	Jesus pein bakan an banin te yabig, Arameik ru lo igo ibol, “Talita koum!” Ru an fun man “Pein bakan ŋurupaio da, masa!”
24480	MRK 6:4	Gug Jesus igo ibol irupidai, “Profet ta tamolpein aenta sad malad lo yaŋan aman tia yak ago ta itor na da. Tia geig a. Ak gug nek iŋsinan panu lo, iŋsinan muroun muroun luluŋad lo, agod iŋsinan ab lo dam, atna mi iŋ yaŋan aman tia ya.”
24557	MRK 7:25	Pein ta iŋanen nanun pein ur saiak anda yak iŋ ru tim Jesus ante imado dan iloŋ a. Ririan imasag Jesus san na ipalug, naon na turun isoluwi a.
24558	MRK 7:26	Pein en man Grik, agod distrik tubun ate imado dan Siria provins, agod titin ta dugon te tinan igansi an aben ta loŋ siŋiren na yaŋan Fonesia dubol da. Aria, Jesus naon na turun isoluwig, Jesus iŋ nanun pein tinin lo ur saiak ikudip yau wo ilo muŋanek ru lo isumiani a.
24598	MRK 8:29	Iŋ isumianai, “Ak man aŋsem ŋai enti mok ago abol di?” Pita awan yabig ibol, “Oŋ Kristus.”
24601	MRK 8:32	Jesus ru an kuai te ibol irupidai a. Ago tag Pita iŋaneg ida gigin na diaug ru dabai nam Jesus ipei a.
24602	MRK 8:33	Ak gug Jesus idaŋsag Pita patun ipani dugo naon megeloum aenta ipidinai dugo Pita ipeig ibol, “Satan, oŋ patug fo lasa wau! Man dugo, oŋ Anut san ilo girek ta uri pani na da, tia, oŋ tamol adi sad ilo girek an mi uri pani da.”
24609	MRK 9:2	Aria, nal 6 yau la gug Jesus iŋ megeloum utol, Pita, Jems iŋ tein Jon ago iŋal go dida did tubun ak ta ate disida diaug sed dumado se ya. Ante dumado dugo Jesus iŋ malad lo tinin ibilisag ilalaŋ idu dugo dile ya.
24612	MRK 9:5	Agog Pita Jesus irupeig ibol, “Girek maŋau, nek uyanan geig maŋ dam e mumado da! Oŋ ubol tap, lalai utol ente mabi wa, oŋane kisaek, Moses anen kisaek, agod Elaija anen kisaek dam mususe wa.”
24613	MRK 9:6	(Iŋ fidian tubun mi direr dugo dusuruwor se yan lo, Pita ru dugo ibol an ta iloŋ uyan na ya.)
24633	MRK 9:26	Agog ur saiak an isasai saian dugo nanuk an tan fo itarfuni saian geig a, ago gug ibiseig yau a. Pinein an tan fo tubabun igo woŋ yen, ago tag tamolpein wei mi dubol, “Iŋ imat mok a.”
24685	MRK 10:28	Agog Pita ibol irupei, “Ule maŋ oŋ ŋie aban muri wo mel fidian mibisei a!”
24727	MRK 11:18	Pris gurman adi agod kubiaeŋ san girek maŋau adi ru an duloŋ a. Ago tag dal ta ate Jesus daoŋ dupani san niŋen o abaŋ diabi se ya. Iŋ itaot dufuni imat san tia ya, man dugo, iŋ niŋen o direr. Iŋ duloŋ ak tamolpein malan tubun iŋsan piteŋanek duloŋ dugo an niŋen o fidian durut saian a.
24730	MRK 11:21	Pita ru a Jesus nor ibol an ilon isoug irupei, “Tubun en, ule. Ai gurab oŋ misilani an ibun idu ya!”
24752	MRK 12:10	Nag aŋ ru e girek lo yen den ta asuti na i? ‘Pat nek a ab bek tamol adi dumoi dan, nek amaiak ab tinin fidian yabi sakar da.
24789	MRK 13:3	Jesus Did Oliv fo imasig imado se ya. Did a ate imado yan did tempel fufo itur dan san turan, titiŋaem tan ikilokan ak yen da. Agog Pita, Jems, Jon di Andru da ago mianuk lo san na dupalug dusumianig igo dubol.
24824	MRK 14:1	Tumanek tubun ak yaŋan Pasova dubol dan san saen idu san, nal uraru o lian yen da. An itout gup, tumanek aenta yaŋan Bret Yis Aman Tia ak San Soubul dubol dan ilasa wa. Pris gurman adi agod kubiaeŋ san girek maŋau adi iŋ dal ta pasak nam ate Jesus diabip dufuni imat san niŋen o abaŋ diabi se ya.
24835	MRK 14:12	Bret yis aman tia yak san soubul gun, iŋsan nal malmalan lo, megeloum adi Jesus san na dupalu ya. Nal an san saen lo man Isrel adi Pasova san sipsip nanun dufu dumat san a. Megeloum Jesus san na dilasag dusumianig dubol, “Oŋsa ilo lo, dugon te maup melmel mukubinep oŋ ate Pasova san anaŋ wani wo ubol dak i?”
24837	MRK 14:14	Ab dugon te iladu wan, aŋ dam ilon lo asudap, ab taman igo abol arupei, ‘Girek Maŋau igo isumiaeŋ a, galuŋ dugomaiak lo, ate ŋaineg megeloum dida Pasova anaŋ mani wak i?’
24839	MRK 14:16	Megeloum uraru an dal diabig taun tubun ak lo diau a. Ante mel fidian Jesus ibol ago mi dile ya, agog Pasova san anaŋ dukubune ya.
24852	MRK 14:29	Pita irupeig ibol, “Tamol fidian iŋ bo oŋ niŋe wo ilod idup dubusawo wak gug, ŋai man tia wa!”
24854	MRK 14:31	Ak man Pita ru dabai ak nam irupei, “Gidad, ŋai oŋ da tamat bo man, ŋai oŋ niŋe wo ta ŋatot na wa, tia geig a!” Ago dugo megeloum fidian mi nek ago mi dubol se ya.
24856	MRK 14:33	Agog iŋ Pita, Jems agod Jon dida iŋal go diau a. Saen an lo iŋ fun iganeg ilon ipapao dugo ilon dam muruan idu se ya.