475	GEN 19:17	Kuyie ntɔ̃rɛ̀ bɛ̀ dènnɛ dìì mɔ̀nnì dihɛì mɑ̀nku, kɛ̀ dìmɑrì mɑ́ɑ̀ ò nɑ̀kɛ́ kɛ dɔ̀: Cokɛ́ kɛ́dɛɛtɛ́ ɑ fòmmu, ɑ bɑ́ɑ́ wɛ̃ɛ̃tɛ ɑ fɔ̃nkúò, ɑ bɑ́ɑ́ cómmú dɛ̀mɑrɛ̀ kutempɛ̃ nkuù mmiɛkɛ. Á cokɛ́ kɛ́sɔri ditɑ̃rì diì mborɛ̀ kɛ́dontɛ́ ɑ ɔ̃nnì.
544	GEN 21:30	Kɛ̀ Abɑrɑhɑmmu dɔ̀: Cɔutɛ́ yɛ, kɛ̀ dɛ̀ mbɛnkú míì keúmɛ̀ tɛbintɛ tiɛ nkɛ tɛ̀ te.
741	GEN 27:13	Kòo yɔ̃ dɔ̀: Kòò dɑ dɔ̀ɔ̀ mɛyɛi mmɛ̀ɛ do n yĩ́nkɛ̀. Cɛ̃́nkɛɛ yie n dɑ nɑ̀kɛ́ tì kɛ́pĩ́nní yɛbɔpɑ̀ɑ̀.
1971	EXO 16:23	Kɛ̀ Mɔyiisi dɔ̀: Kuyie nyɛ̃ ndí ndɔɔri mɛ̀mmɛ. Nɑnkɛ tú tɛom̀pùtɛ̀ ntɛ̀, diyiè sɑ̀ɑ̀rì Kuyie ntɑ̃ɑ̃tɛ́ dì. Ciennɛ̀ di dɔ́ kɛ́cie ndɛ̀, kɛ́bénnɛ́ di dɔ́ kɛ́bénnɛ́ dɛ̀. Kɛ̀ di di kɛ̀ dɛ̀ɛ̀ sùɔ́ ndí dɛ̀ ĩ̀ńnɛ́ kɛ́mbɑɑ̀ nɑnkɛ dikṹnweńnì.
2048	EXO 19:21	Kɛ̀ ti Yiɛ̀ nKuyie nhò nɑ̀kɛ́ kɛ dɔ̀: Cútɛ́ kɛ́nɑ́kɛ́ bɛnìtìbɛ̀ kɛ̀ bɛ̀ bɑ́ɑ́ cokɛ́ní kɛ bo n yɑ̀, kusṹkù yɑ̀ɑ̀ bo kú.
2051	EXO 19:24	Kɛ̀ ti Yiɛ̀ nKuyie ndɔ̀: Cútɛ́ kɛ́nɑ́kɛ́ ikuɔ́ nìùbɛ̀ nɛ̀ bɛnìtìbɛ̀ kɛ̀ bɛ̀ bɑ́ɑ́ dekɛní bɛ̀ yɑ̀ɑ̀ bo kú, nɛ̀ Anɔɔ kɛ̀ dí dekɛní.
2446	EXO 32:7	Kɛ̀ ti Yiɛ̀ nKuyie nnɑ́kɛ́ Mɔyiisi ditɑ̃rì ĩ́nkɛ̀ kɛ dɔ̀: Cútɛ́ mɛcɑ̃ɑ̃, bɛnìtìbɛ̀ ɑ dènnɛní bɛ̀ Esibiti bɛ̀ dɔ̀ɔ̀ mɛyɛi ndiɛmɛ̀ mmɛ.
2498	EXO 34:1	Kɛ̀ ti Yiɛ̀ nKuyie nnɑ́kɛ́ Mɔyiisi kɛ dɔ̀: Cíɛ́kɛ́ titɑ̃́píɛ̀tì tìdɛ́tì kɛ̀ tì ndònnɛ̀ tiketitì ɑ pɔ̀ntɛ tì kɛ̀ n wɑ̃ri tinɑ́ɑǹtì n do wɑ̃̀ri tì tiketitì ĩ́nkɛ̀.
2662	EXO 38:28	Cìdóòbɛ̀ tɛpíítɛ̀ nɛ̀ bɛ̀yiekɛ̀ nɛ̀ dikéè bɛɛ̀ do kpɑɑ́, kɛ̀ bɛ̀ɛ tì tùótɛ́ kɛ́dɔɔ̀nɛ̀ yɛsɑ̃ǹkɛ̀ kó yɛbɑ̀kɛ̀ kɛ́dɑri yɛ yɑtimɛ̀ timɑ́tì, kɛ́ tì ndɔ̀ɔ̀nɛ̀ ipɑ̀ɑ̀ti ìì yóó pɑ̃́nnɛ́.
3856	NUM 7:5	Cɔutɛ́ dɛ bɛ borɛ̀, kɛ́ dɛ̀ duɔ́ mmɛtɑummɛ̀ tou mí ndi Yiɛ̀ nKuyie n tɔ̃mmú kpɛ́í. Á dɛ̀ duɔ́ nDefiibɛ bɑ́ wè o tɔ̃mmú dòmmɛ̀.
4592	NUM 28:13	Cìdóò bɛ̀tɑ̃ɑ̃ti bɛ̀tɑ̃ɑ̃ti bɑ́ dìì pedɑpɑ̀nnì ĩ́nkɛ̀, kɛ̀ dí dɛ̀ tùɔ, yɛpɑ̃rɛ̀ nyɛ yɛ̀ɛ̀ kó kufɔ̃ɔ̃ku n nɑɑti.
4608	NUM 28:29	Cìdóò bɛ̀tɑ̃ɑ̃ti bɛ̀tɑ̃ɑ̃ti bɑ́ dìì pedɑpɑ̀nnì ĩ́nkɛ̀.
4614	NUM 29:4	Cìdóò bɛ̀tɑ̃ɑ̃ti bɛ̀tɑ̃ɑ̃ti bɑ́ dìì pedɑpɑ̀nnì ĩ́nkɛ̀.
4624	NUM 29:14	Kɛ̀ di wɑɑ́ mmuyuo mmùù ɑ̃̀ntɛnɛ̀ mɛkùɔ̀ ncìdóò bɛ̀wɛi, bɑ́ dìì nɑɑdɑpɑ̀nnì ĩ́nkɛ̀. Cìdóò bɛ̀kuɔ̀ bɑ́ dìì pedɑɑ̀ ĩ́nkɛ̀.
4625	NUM 29:15	Cìdóò bɛ̀tɑ̃ɑ̃ti bɛ̀tɑ̃ɑ̃ti bɑ́ dìì pedɑpɑ̀nnì ĩ́nkɛ̀.
5189	DEU 10:1	Kɛ̀ ti Yiɛ̀ nKuyie nni nnɑ́kɛ́ kɛ dɔ̀: Cíɛ́kɛ́ titɑ̃́píɛ̀tì tìdɛ́tì kɛ̀ tì ndò tiketitì, kɑ̀ɑ dekɛní ditɑ̃rì ĩ́nkɛ̀, ɑ́ nwɑɑ̀ nyidɛí kɛ́dɔɔ̀ ditɔu.
5204	DEU 10:16	Ceetɛnɛ̀ di yɛ̀mmɛ̀ kɛ́duɔ́ ndimɑ́ɑ̀ ti Yiɛ̀ nKuyie nkɛ tɛ̃́nkɛ bɑ́ɑ́ kpénkùnnɛ di to.
5596	DEU 27:9	Mɛm̀mɛ Mɔyiisi nɛ̀ ikuɔ́ nìùbɛ̀ nɛ̀ Defiibɛ kɛ̀ bɛ̀ɛ nɑ́kɛ́ Isidɑyɛɛribɛ bɛmɔu kɛ dɔ̀: Cĩ́ɛ̃́kɛ́nɛ̀, kémmúnɛ̀! Yíe ndi nɑɑ́ nti Yiɛ̀ nKuyie nkɔbɛ mbɛ.
5859	JOS 1:6	Cómmú kɛ́tɛ̃ĩ́ nkɛ́yɑ́úkùnnɛ ɑ kɔ̃̀ntì, fɔ̃́ɔ̃̀ yóó tɑnnɛ́ bɛ nnìtìbɛ̀ dihɛì n do yɛ̃ n yóó duɔ́ ndì bɛ yɛmbɛ̀, kɛ̀ bɛ̀ɛ dì tiekɛ.
5864	JOS 1:11	Cennɛ̀ kɛ́nɑ́kɛ́ bɛnìtìbɛ̀ kɛ̀ bɛ̀ɛ bɑ́ɑ́tí, kɛ́wɑɑ́ ntidiitì. Yɛwe yɛ̀tɑ̃ɑ̃ti miɛkɛ di yóó séntɛ́mu Suditɛ̃ɛ̃ kɛ́tɑ dihɛì di Yiɛ̀ nKuyie nkùù di te kù di duɔ́ ndì.
5871	JOS 1:18	Kòò mɔù yetɛ ɑ kpɛti bɛ̀ɛ ò kùɔ. Cómmú kɛ́tɛ̃ĩ́ nkɛ́yɑ́úkùnnɛ ɑ kɔ̃̀ntì.
6720	JDG 7:24	Kɛ̀ Sedeɔ̃ɔ̃ tɔ̃ nkɛ̀ bɛ̀ɛ nɑ́kɛ́ Efɑdɑimmu tɑ̃rì kɔbɛ kɛ dɔ̀: Cútɛ́nɛ̀ní mɛcɑ̃ɑ̃ nkɛ́niitɛ́ kɛ́bɑɑ mɛniɛ ntɛpurɛ kɛ́túótɛ́ Suditɛ̃ɛ̃ kɛ́tuɔkɛnɛ̀ Bɛti-Bɑdɑɑ. Mɛm̀mɛ kɛ̀ Efɑdɑimmu kɔbɛ bɛmɔu kɔtɛ kɛ́bɑɑ kukó nSuditɛ̃ɛ̃ kɛ́tuɔkɛnɛ̀ Bɛti-Bɑdɑɑ,
6877	JDG 12:6	Bɛ̀ dɔ̀ wèe bɛ́i nkɛ dɔ̀: Sibodɛɛ. Kòò yĩ: Cibodɛɛ. Kɛ í nɑ kɛ bɛ́i ndɛ kó ditɑnnùù weti weti bɛ̀ɛ ò pĩ nkɛ́féútɛ́ kukó nSuditɛ̃ɛ̃ borɛ̀. Kɛ̀ bɛ̀ɛ kuɔ Efɑdɑimmu kɔbɛ sikɔupípísìnɑ̀ɑ̀ nɛ̀ sikɔupísìdɛ́ (42000) dɛ mɔ̀nnì.
7014	JDG 18:19	Kɛ̀ bɛ̀ dɔ̀: Cĩ́ɛ̃́kɛ́ kɛ́yĩ́ ɑ nùù cɛ̃́ũ, kɛ́ tí tũnnɛ kɛ́nɑɑ́ nti botí kuɔ́ nìùtì. A bo ntúmɛ̀ Isidɑyɛɛribɛ botí mɑkù kuɔ́ nìùtì, dɛ̀ í tɔ̃ũnɛ̀ ɑ bo ntúmɛ̀ tɛcĩ́ɛ̃̀tɛ̀ tɛ̀mɑ́ɑ̀ kouɑ̀?
7405	1SA 9:12	Kɛ̀ bɛsɑpɑ̀mbɛ̀ɛ bɛ̀ nɑ̀kɛ́ kɛ dɔ̀: Ò bo kɛ tuɔ̀kùnímu, ò kɔ̀tɛní ti ciɛ nkɛ yíe nkɛ yɛ̃́ yíe ntumɛ̀ diyiè ndi bɛnìtìbɛ̀ ɔ̃ɔ̃ fíé dì iwũɔ̃ ditɔ̀nnì ĩ́nkɛ̀. Cɑ̃rikɛnɛ̀ mɛcɑ̃ɑ̃.
7768	1SA 20:36	kɛ́ dɛ̀ nɑ̀kɛ́ kɛ dɔ̀: Cokɛ́ kɛ́túótɛ́ní ipie n yóó tɑ̃ũ ì. Kòo dɑpɑ̀ɑ̀ ncokɛ́ kɛ̀ Sonnɑtɑ̃ɑ̃ tɑ̃ũ kupie nkɛ̀ kùu ò sèńtɛ́.
7770	1SA 20:38	Cokɛ́ mɛcɑ̃ɑ̃ mbɑ́ cómmú! Kòo dɑpɑ̀ɑ̀ ntúótɛ́ kupie nkɛ́wɛ̃tɛní.
8340	2SA 13:20	Kòo tɑ̃ũ̀ Abusɑdɔmmuu ò bekɛ kɛ dɔ̀: Amunɔɔ dɑ duɔ́nɛ̀mɑɑ̀? Cĩ́ɛ̃́kɛ́ ɑ tɑ̃ũ̀ nwe ɑ bɑ́ ndɑkɛ dɛ kpɛti. Kɛ túótɛ́ dɛ kó diyiè kɛ̀ Tɑmɑɑ ḿbo o tɑ̃ũ̀ Abusɑdɔmmu cĩ́ɛ̃̀tɛ̀, bɑ́ òmɔù í ndɑkɛ o kpɛti.
8697	2SA 24:2	Kòo nɑ́kɛ́ bɛhɑ̃ɑ̃pɔ̀mbɛ̀ kóo kótì Soɑbu wèè ò bonɛ̀ kɛ dɔ̀: Ce nyIsidɑyɛɛribɛ tenkɛ̀ kɛmɔu kɛ́kɑɑ mbɛnitidɑɑbɛ̀ n dɔ́ kɛ́nyɛ̃́ bɛ̀ mɑ̀mɛ̀ mmɛ.
9159	1KI 12:5	Kɛ̀ Odoboɑmmuu bɛ̀ tɛ̃̀ńnɛ́ kɛ dɔ̀: Cíɛ́tɛ́nɛ̀, yɛwe yɛ̀tɑ̃ɑ̃ti kó difɔ̃nkúò kɛ́wɛ̃tɛní. Kɛ̀ bɛ̀ɛ cíɛ́tɛ́.
9378	1KI 18:34	Kɛ dɔ̀: Píɛnnɛ̀ mɛniɛ nsicee sìnɑ̀ɑ̀ kɛ̀ bɛ̀ɛ sì píɛ. Kòo dɔ̀: Cóúnnɛ̀ idɛí nɛ̀ fɛnɑ̀ɑ̀fɛ̀ dɛ ĩ́nkɛ̀. Kɛ̀ bɛ̀ɛ cóú. Kòò dɔ̀: Yíɛ́nɛ̀ kucɛ mɛdɛ́rímɛ̀. Kɛ̀ bɛ̀ɛ yíɛ́. Koò dɔ̀: Yíɛ́nɛ̀ kucɛ mɛtɑ̃ɑ̃́mmɛ̀. Kɛ̀ bɛ̀ɛ yíɛ́.
9461	1KI 21:7	Kòo pokù dɔ̀: Kɛ̀ fɔ̃́ɔ̃̀ bɑɑ tú Isidɑyɛɛribɛ kóo kpɑ̀ɑ̀tɑ̀ɑ̀? Ítɛ́ kɛ́di! Cɑ́tinnɛ ɑ yɛ̀mmɛ̀, mí n yóó kù ndɑ duɔ́mmu.
9633	2KI 4:26	Cokóo kóò co, kóò bekɛ kɛ dɔ̀: Kunɑɑtí nku bɑkɑɑ̀? A dɔù kpeńnɑ̀ɑ̀? A birɛ kpeńnɑ̀ɑ̀? Kòo nitipòkùu ò tɛ̃̀ńnɛ́ kɛ dɔ̀: Dɛ̀mɑrɛ̀ í dò.
9805	2KI 10:8	Kɛ̀ ditɔ̃nnìi tuɔkoo kɛ́nɑ́kɛ́ Yeu kɛ dɔ̀: N tɔnímu okpɑ̀ɑ̀tì bí yɔ. Kòo dɔ̀: Cóúnɛ̀ yɛ yɛcúò yɛ̀dɛ́ɛ̀ dihɛì bòrì kɛ̀ dɛ̀ɛ wentɛ́.
10000	2KI 17:13	Ti Yiɛ̀ nKuyie ndo duɔ́ nkɛ̀ ku pɑ̃ɑ̃nɑ́ɑǹtì nɑ́ɑm̀bɛ̀ bɛ̀ cɑummu weti weti bɛmbɛ Isidɑyɛɛribɛ nɛ̀ Sudɑɑ kɔbɛ kɛ́ bɛ̀ nɑ́kɛ́ kɛ dɔ̀: Ceetɛnɛ̀ kɛ́yóu di yɛi nkɛ́tũnnɛ n tɑnnɔ̀ nɛ̀ n tié nnɛ̀ n kuɔ́ n duɔ́ nkɛ̀ m pɑ̃ɑ̃nɑ́ɑǹtì nɑ́ɑm̀bɛ̀ bɛmɔu duɔ́ ndɛ̀ di yɛmbɛ̀.
10982	1CH 22:13	Kɑ̀ɑ tũ nku kuɔ́ nɛ̀ ku tié nkù duɔ́ ndɛ̀ Mɔyiisi Isidɑyɛɛribɛ kpɛ́í, ɑ tɔ̃mmú mumɔu bo nyíé! Cómmú kɛ́tɛ̃ĩ́ nkɛ́mɔɔtɛ dikɔ̃m̀bùɔ̀. Bɑ́ nyĩɛ̃̀kù, kufɔ̃wɑɑ́ mbɑ́ ndɑ bo.
12508	NEH 8:11	Kɛ̀ Defiibɛ mbɑ́ɑ́ mbɛnìtìbɛ̀ kɛ tú: Cĩ́ɛ̃́kɛ́nɛ̀, yíe nkó diyiè tu Kuyie nkpɛri ndi, bɑ́ɑ́ yóunɛ̀ kɛ̀ di yɛ̀mmɛ̀ɛ cɑɑ̀rɛ̀.
12797	EST 5:14	Kòo pokù Sedɛsi nɛ̀ o nɛ́pobɛ̀ bɛmɔuu ò nɑ̀kɛ́ kɛ dɔ̀: Cíɛ́kɛ́ kudɔú kɛ̀ ku okùmɛ̀ mbo mɛ́tìrìbɛ̀ sipísìdɛ́ nɛ̀ bɛ̀nùmmù, kɑ̀ɑ yɛ̀ dikṹnweńnì kɛ nɑ́kɛ́ okpɑ̀ɑ̀tì kɛ̀ dí cɔ́ɔ́ mMɑɑdosee ku ĩ́nkɛ̀, kɑ̀ɑ nɑ kɛ́kɔtɛ dibɑnni nɛ̀ diwɛ̀ì. Kɛ̀ dɛ kó tinɑ́ɑǹtìi nɑrikɛ Amɑnni.
12820	EST 7:9	Bɛ miɛkɛ kɛ̀ Adibonɑ dɔ̀: Okpɑ̀ɑ̀tì Amɑnni cìɛ́kɛ́ kudɔú nku kɛ bo cɔ́ɔ́ mMɑɑdosee wèè do dɑ dɛɛtɛ́, kɛ̀ ku okùmɛ̀ bo mɛ́tìrìbɛ̀ sipísìdɛ́ nɛ̀ mɛ̀nùmmù. Kòo kpɑ̀ɑ̀tì dɔ̀: Cɔ́ɔ́nnɛ̀ Amɑnni ku ĩ́nkɛ̀.
12904	JOB 2:9	Kòo pokùu ò nɑ̀kɛ́ kɛ dɔ̀: A kpɑɑ́ wetímɑɑ̀? Cɔ̃ɔ̃ Kuyie nkɛ́kú.
13170	JOB 13:13	Cĩ́ɛ̃́kɛ́nɛ̀ bɑ̀mbɑ̀! Yóunɛ̀ kɛ̀ m bɛ́i! Kɛ̀ tìì bo n tuɔ̀kɛní tì n tuɔ̀kɛní!
14013	PSA 7:10	Cónnɛ́ bɛnitiyɛibɛ cɑɑ̀rìmɛ̀, kɛ́kpénkùnnɛ bɛsɑ̀ɑ̀bɛ̀, fɔ̃́ nwèè yɛ̃́ bɛnìtìbɛ̀ yɛ̀mmɛ̀, nɛ̀ bɛ yɛntotí, ɑ tú Kuyie nku kɛ wenni.
14196	PSA 19:15	Áú Kuyie! Cɔutɛ́ n nɑ́ɑǹtì nɛ̀ diwɛ̀ì, kɛ́cɔutɛ́ tìì bo n yɛ̀mmɛ̀. N Yiɛ̀ nKuyie nfɔ̃́ɔ̃̀ tu n kó dipèrì, n kóo donti.
14432	PSA 35:2	Ítɛ́ kɛ́túótɛ́ kudɔpìkù kusɑ́m̀pɔ́kù nɛ̀ kudiɛkù. Cómmú kɛ́ n dɛɛtɛ́.
14983	PSA 68:31	Kpɑnnɛ̀ musĩ̀mmù tipèntì kɔ̃mu, kɛ́kpɑnnɛ̀ yɛbotɛ̀ yɛ̀ɛ̀ dònnɛ̀ yɛnɑɑdɑkɛ̀ nɛ̀ tinɑɑbiiti, kɛ̀ dɛ̀ɛ nínkú ɑ ììkɛ̀ kɛ́ ndɑ pɑ̃ɑ̃ ntimɑ́tì pɛ́ítì. Cíɛ nyɛbotɛ̀ yɛ̀ɛ̀ nɔnnɛ̀ yɛkpɑ̀rɛ̀.
15027	PSA 70:2	Kuyie, nyɑ̀ n dɛɛtɛ́! Cɑ̃rikɛní kɛ́ n tee.
15316	PSA 83:15	Cɔ́útɛ́ bɛ muhɑ̃ɑ̃́ nhɔ̃ɔ̃ cɔ́útɛ́ mɛ̀ɛ̀ botí kutúúkù, dɛ́útóo bɛ fɛhɑ̃ɑ̃dɛɛ̀nfɛ̀ ɔ̃ɔ̃ dɛ́útóomɛ̀ ditɑ̃rì.
15457	PSA 90:14	Cṹũnní ɑ kó mɛsɑ̀ɑ̀ mmɛdiɛ̀ pìkɛ dikṹnweńnì, kɛ̀ ti nyɑ̃nku nɛ̀ diwɛ̀ì ti fòmmu mumɔu miɛkɛ.
16342	PSA 140:11	Cóú mbɛ yɔ yɛhɑ̃ɑ̃kũɔ̃, yeetoo bɛ muhɑ̃ɑ̃́ mmiɛkɛ, tɑnnɛ́ bɛ kudúókù kɛ̀ bɛ̀ tɛ̃́nkɛ bɑ́ɑ́ yɛ̀nní.
17660	SNG 4:8	Fɔ̃́ m pocɛ̃nnì, ítɛ́ní kutúúkù Dimɑɑ kɛ́kɔtɛní kɛ̀ tí nnɛí, ɑ itinímu Amɑnɑ kɛ̀ ti bo nnɛí, ítɛ́ní ditɑ̃rì Seii nɛ̀ Ɛdimɔnni kpɛri. Cokɛ́nɛ̀ yɛcìrícìrɛ̀ kɛ́kɔtɛní. Dɛ kó yɛtɑ̃rɛ̀ tu yɛkpɑmɑɑ̀ nkpɛyɛ nyɛ.
17978	ISA 13:2	Kɛ̀ Kuyie ndɔ̀: Cónnɛ́ mɛcɑnnimɛ̀ ditɑ̃rì timútì nɛ̀ titieti dɛ̀ í yiɛ̀ dì, kɛ́pĩɛ̃kɛ́ mɛtɑmmɛ̀ Bɑbidɔnni ɛì bɛhɑ̃ɑ̃pɔ̀mbɛ̀ bíɛ́kɛ̀ kɛ́ bɛ̀ pɑ̀sìrì kɛ̀ bɛ̀ɛ tɑ bɛ̀ ɛì kó dibòrì.
18394	ISA 35:4	Nɑ́kɛ́nɛ̀ bɛ̀ɛ̀ kɔ̃m̀bùɔ̀tì duò kɛ dɔ̀: Cɑ́tinnɛ̀ di kɔ̃̀ntì kɛ̀ di kɔ̃m̀bùɔ̀tì bɑ́ nduò, Kuyie ndi tũ nkù kèrínímu kɛ bo pɛitɛ di kpɛ́í, kɛ́yietí di dootitɔbɛ̀ di dɔ̀ɔ̀ dɛ̀, kù kèrínímu ku mɔ́mmɔnku kɛ bo di dɛɛtɛ́.
19102	JER 4:6	Cónnɛ́nɛ̀ mɛcɑnnimɛ̀ kɛ́cuó nSedisɑdɛmmu bíɛ́kɛ̀, kɛ́cokɛ́ kɛ́wɑmmú di bo sɔri dɛ̀, kɛ̀ di cokù di bɑ́ɑ́ cómmú. N yóó íinní mɛyɛi mmɛ kubɑkù yoú bíɛ́kɛ̀. Mɛyɛi ndiɛmɛ̀ mɔ́mmɔmmɛ.
19112	JER 4:16	Cɑunnɛ̀ yɛbotɛ̀, nɑ́kɛ́nɛ̀ Sedisɑdɛmmu ɛì kɔbɛ kɛ tú: Tihɑ̃ɑ̃pɔ̀ntì ìtɛ́ní yɛhɛkɛ̀ dɛ́tiyɛ̀ kɛ kéríní, kɛ úú fɛkpɑ̀rìúùfɛ̀, kɛ wetí Sudɑɑ tenkɛ̀ kó yɛhɛkɛ̀.
19128	JER 5:1	Cennɛ̀ Sedisɑdɛmmu ɛì dimɔu, kɛ́bíékɛ́ kɛ́wɑmmú yɛcɛ̃kɑ̀rɛ̀ yɛmɔu kòò mɔù bo bɑ́ omɑ́ɑ̀ wèè dɔ̀ɔ̀ri dɛ̀ɛ̀ sìɛ́ kɛ tũ ntimɔ́mmɔnti, n cĩ́ɛ̃́ nSedisɑdɛmmu.
19137	JER 5:10	Dekɛnɛ̀ dihɛì kó iduotí kɛ́tɑ kɛ́kɔ̃ṹ fínyĩ̀ tebɑkɛ, di nɛ́ bɑ́ɑ́ ì dèè pɑ́íí. Cíɛ́nɛ̀ ìì í tú mí ndi Yiɛ̀ nKuyie n kpɛyi.
19524	JER 22:1	Kɛ̀ ti Yiɛ̀ nKuyie nyíɛ́ kɛ́ m bɛ́innɛ̀ kɛ dɔ̀: Cútɛ́ kɛ́kɔtɛ Sudɑɑ kɔbɛ kóo kpɑ̀ɑ̀tì cĩ́ɛ̃̀tɛ̀ kɛ́nɑ́kɛ́ ti nnɑ́ɑǹtì.
19776	JER 31:16	Kɛ̀ ti Yiɛ̀ nKuyie nhò nɑ̀kɛ́ kɛ dɔ̀: Cĩ́ɛ̃́kɛ́, kɛ́ũtɛ́ ɑ nɔnniɛti, n yóó dɑ cúmu ɑ ɔ̀ùtì kó ticuuti, mí ndi Yiɛ̀ nKuyie mmíì bɛ́i: ɑ nìtìbɛ̀ itinímu di dootitɔbɛ̀ ciɛ kɛ kũntiní.
19789	JER 31:29	Dɛ mɔ̀nnì òmɔù tɛ̃́nkɛ bɑ́ nnɑ́ɑ́ dinɑ́ɑǹhɑ̃ntírì dìì tu: Cicɛbɛ̀ cɑ̀ɑ́kɛ́ yɛsĩɛ̃ bɛ́nyɛ̀ kɛ̀ ibí nìì nyɑ̃rikɛ.
20155	JER 48:6	Cokɛ́nɛ̀ kɛ́dɛɛtɛ́ di fòmmu, nsɔrinɛ̀ dikpɑ́ɑ̀ kó musɑ̃mmɑrímú tɛ̃mɛ̀.
20287	JER 51:6	Cokɛ́nɛ̀ kɛ́yɛ̀ Bɑbidɔnni ɛì, bɑ́ wè kòo dɛɛtɛ́ o ɔ̃nnì, kɛ̀ bɛ̀ bɑ́ɑ́ di wɛ̃nnɛ́nɛ̀ bɛ kɛ́kuɔ, dɛ̀ tùɔ̀kɛ mí ndi Yiɛ̀ nKuyie m bo pɛitɛ dɛ̀ndɛ, n yóó bɛ̀ fɔ̀ɔ́ mbɛ̀ dɔ̀ɔ̀ dɛ̀ndɛ.
20293	JER 51:12	Cónnɛ́nɛ̀ mudoò kó kuyɑ̀ɑ̀kù kɛ́wetínnɛ́ Bɑbidɔnni, yíɛ́nɛ̀ bɛbɑ̀rìbɛ̀, cónnɛ́nɛ̀ bɛ̀ɛ̀ yó mpɑkɛ́, oo nhoonnɛ̀ bɛnìtìbɛ̀, kɛ yɛ̃́ ti Yiɛ̀ nKuyie ntɑ̃ɑ̃tɛ́mɛ̀mu kù dɔ́ kɛ́dɔɔ̀ tì Bɑbidɔnni ɛì kɔbɛ kɛ ti ndɔɔri.
20308	JER 51:27	Cónnɛ́nɛ̀ mudoò kó kuyɑ̀ɑ̀kù dihɛì miɛkɛ, eénɛ̀ ditɑ̃tɛheù yɛbotɛ̀ cuokɛ̀, kɛ̀ yɛbotɛ̀ɛ tíí mBɑbidɔnni ɛì kpɛ́í, yúnɛ̀ yɛkpɑ̀ɑ̀tìyɔ Adɑdɑti nɛ̀ Minni nɛ̀ Asekenɑɑsi, wɑɑ́nnɛ̀ ohɑ̃ɑ̃pɔ̀ntì wèè yó mpĩĩ mbɛnìtìbɛ̀ tihɑ̃ɑ̃pɔ̀ntì, tíínnɛ̀ sisɛ̃ĩ́ kɛ̀ sì nsũ kɛ dò nfɛcofɛ kɛ́ bɛ̀ do.
20504	LAM 4:15	Bɛ̀ do ɔ̃ɔ̃ bɛ nyɑ̀ kɛ́pĩɛ̃kɛ́ kɛ dɔ̀: Cíɛ́tɛ́nɛ̀ bɛsĩ̀mbɛ̀ mbɛ, cíɛ́tɛ́nɛ̀ kɛ́fũtɛ kɛ bɑ́ɑ́ bɛ̀ kɑ̀ɑ́kɛ́, kɛ̀ bɛ̀ nhɑ̃́ɑ̃ntɛ bɑ́ bɛ̀ í mɔkɛ bɛ̀ bo cuó nkɛ̀, kɛ̀ ibotí tɛì kɔbɛ tú: Di bɑ́ɑ́ kɑri diɛ nti ciɛ.
20643	EZK 6:11	Mɛirɛ ɑ nɔ̀ùtɛ̀ kɛ́cɑtìrɛ̀! Cɑtìrɛ̀ kɛ̀ dɛ̀ dɑ pĩ nyisíɛ́ Isidɑyɛɛribɛ dɔ̀ɔ̀ ìì sɔkɛ kpɛ́í. Mudoò nɛ̀ dikònnì nɛ̀ mutenkṹṹ dɛɛ̀ yóó bɛ̀ dèè.
20695	EZK 9:4	Kɛ̀ ti Yiɛ̀ nKuyie nhò nɑ̀kɛ́ kɛ dɔ̀: Ce nkɛ́fitɛ́ Sedisɑdɛmmu ɛì dimɔu miɛkɛ kɛ́cɑnnɛ bɛnìtìbɛ̀ bɛ̀ɛ̀ wùó nyisɔkɛ ìì dɔ̀ɔ̀ri bɛ cuokɛ̀ kɛ̀ dɛ̀ bɛ̀ yóù. A cɑnnɛ kudɑpɑ̃ɑ̃tí bɛ tĩ́ĩ̀.
20948	EZK 18:30	Dɛɛ̀ te kɛ̀ n yóó di bekɛ́nɛ̀ díndi Isidɑyɛɛribɛ bɑ́ wè o dɔɔ̀rìmɛ̀ dòmmɛ̀. Mí ndi Yiɛ̀ nKuyie mmíì bɛ́i. Ceetɛnɛ̀ kɛ́yóu mɛyɛi nkɛ tɛ̃́nkɛ bɑ́ ndɔɔri dɛ̀ɛ̀ bo di bɔ.
21360	EZK 33:11	Nɑ́kɛ́ bɛ kɛ tú: Mí ndi Yiɛ̀ nKuyie m bomu! N yí dɔ́ onitiyɛiwe bo kúmɛ̀. N dɔ́ wèe yóu mɛyɛi mmɛ kɛ́nfòù. Ceetɛnɛ̀ kɛ́yóu mɛyɛi. Díndi Isidɑyɛɛribɛ di dɔ́ kɛ́kúmɑɑ̀?
21920	DAN 4:11	kɛ́pĩɛ̃kɛ́ kɛ dɔ̀: Kɔ̃ṹnɛ̀ dɛ kó mutie! Cíɛ́nɛ̀ mu bɑkɛ kɛ́yuo mmu fɑ̃ɑ̃̀tì kɛ́yɑɑ́ mu bɛ kɛ̀ tikpɑsĩ̀ntìi cíɛ́tɛ́ kɛ̀ tinɔ̀tìi ítɛ́ kɛ́yuo mmu bɑkɛ,
22393	JOL 2:13	Ceetɛnɛ̀ di yɛ̀mmɛ̀ mmɛ kɛ́mbúútí di bo kɛ̃rímɛ̀ di yɑ̀ɑ̀tì, wɛ̃tɛnɛ̀ní mí ndi Yiɛ̀ nKuyie m borɛ̀. N sɑ̀ɑ̀ ndɛumu kɛ̀ m mɔ̀kɛ mɛsémmɛ̀, kɛ̀ m miɛkɛ boo kɛ̀ n dɔ̀ɔ̀ri m bɛ́i ntì, kɛ̀ n dɔ́ kɛ́dɔɔ̀ onìtì mɛyɛi n wɛ̃tɛ kɛ́yóu.
22484	AMO 4:5	Cɔ́unnɛ̀ disɑ̃nni kó yɛpɑ̃rɛ̀ yɛ̀ɛ̀ kɔkɛ́nɛ̀ mutie mùù muuti, ikúnɛ̀ yɛpɑ̃rɛ̀ kó dikɑ̃̀tìrì kɛ yɛ̃́ díndi Isidɑyɛɛribɛ di mɛ ndɔ́mɛ̀. Mí ndi Yiɛ̀ nKuyie mmíì bɛ́i.
22747	MIC 7:14	Kuyie, cɛ̃mmú ɑ nìtìbɛ̀ nɛ̀ ɑ pɑ̀ɑ̀ti, bɛ̀ tu ɑ kɔbɛ mbɛ, bɛ̀ bo tɛdɔntɛ̀ miɛkɛ nkɛ, kɛ̀ dɛpɑɑ mbɛ̀ fitɛ́. Cɛ̃mmú bɛ ɑ do ɔ̃ mbɛ̀ cɛ̃mmúmɛ̀ Bɑsɑ̃ɑ̃ nɛ̀ Kɑdɑɑdi kpɑ́ɑ̀ timúsũ̀ũ̀tì borɛ̀.
22776	NAM 2:9	Kɛ̀ bɛnìtìbɛ̀ cokù Ninifu kɛ yiɛ̀ kubinku ɔ̃ɔ̃ kpɛ̃́tɛ́, kɛ̀ mɛniɛ nní nhorì mɛ̀ɛ̀ botí, kɛ̀ bɛ̀ pɛ́inko kɛ tú: Cómmúnɛ̀! Cómmúnɛ̀! Òmɔù mɛ nyí wɛ̃ɛ̃ri.
22972	ZEC 2:8	Kɛ̀ dìi dì nɑ̀kɛ́ kɛ dɔ̀: Cokɛ́ kɛ́nɑ́kɛ́ odɑpɑ̀ɑ̀ nwèè mɛ ntɔ kuhɔ̃ũ kùù beúnɛ̀ kɛ dɔ̀: Sedisɑdɛmmu ɛì yó nfeíomu, iduotí bɑ́ɑ́ dì fitɛ́ bɛnìtìbɛ̀ bɛ̀ɛ̀ yó mbo di miɛkɛ nɛ̀ iwũɔ̃ dɛ̀ í sénní.
23101	ZEC 11:4	Kɛ̀ Kuyie nní mbɛ́innɛ̀ kɛ dɔ̀: Cɛ̃mmú m pe ìì bo mukɔ̀ù kpɛ́í.
23263	MAT 3:2	Ceetɛnɛ̀ di borimɛ, kɛ yɛ̃́ Kuyie ntɔ̀ɔ́tɛ́mɛ̀ kɛ bo kɑnnɛ ku kó dikpɑ̀ɑ̀tìyuu.
23295	MAT 4:17	Diì mɔ̀nnì ndi Yesu ketɛ́mɛ̀ kɛ́nnɑ́ɑ́ nKuyie nnɑ́ɑǹtì kɛ tú: Ceetɛnɛ̀ di borimɛ kɛ yɛ̃́ Kuyie ntɔ̀ɔ́tɛ́mɛ̀ kɛ bo kɑnnɛ ku kó dikpɑ̀ɑ̀tìyuu.
23875	MAT 20:14	Cɔutɛ́ ɑ díítí kɛ́ítɛ́, n dɔ́ kɛ́yietí wèè dèntɛní kɛ̀ ì mmɑnnɛ̀ ɑ kpɛyi nyi.
24149	MAT 26:26	Bɛ̀ yo ndìì mɔ̀nnì kɛ̀ Yesu túótɛ́ pɛ̃́ɛ̃̀ kɛ́sɑ̃ntɛ Kuyie nkóò wɛ̀rí kɛ́duɔ́ nho tɑncɔ́ùmbɛ̀ kɛ dɔ̀: Cɑ́ɑ́kɛ́nɛ̀, diɛ ndɛ̀ɛ̀ bɛnkú kɛ dò m pɑ̃ n kɔ̃̀ntì di kpɛ́í.
24283	MAT 28:19	Kɔtɛnɛ̀ kutenkù kumɔu, kɛ́wɑɑ́ nyibotí imɔu miɛkɛ n kó bɛtũ̀mbɛ̀, kɛ́ m bɛ̀ ɑ̃ɑ̃̀ bɑ̀tɛ́mmù Cicɛ nɛ̀ dɛbirɛ nɛ̀ Muyɑɑ́nsɑ̀ɑ̀mù bɛ yètìrì,
24309	MRK 1:25	Kɛ̀ Yesu di pɛ́i nkɛ dɔ̀: Cĩ́ɛ̃́kɛ́ kɛ́yɛ̀ onìtì yiè mmiɛkɛ!
24431	MRK 4:39	Kɛ̀ Yesu ítɛ́ kɛ́pɛ́i nkuyɑɑkù kɛ dɔ̀: Cómmú! Kɛ́bɛ́innɛ̀ mɛniɛ nkɛ dɔ̀: Yĩ́ só! Dɛndɛ bɑ̀mbɑ̀ nkɛ̀ kuyɑɑkùu cómmú kɛ̀ mɛniɛ ndɔ̀ bɛ́u.
24512	MRK 6:36	Cíɛ mbɛ kɛ̀ bɛ̀ɛ kɔtɛ dɛpɑɑ nkó sicɛ̃́ĩ nɛ̀ sihɛkɛsí sìì dɛ̀ tɔ̀kɛ́ kɛ́dontɛ́ kɛ́di.
24845	MRK 14:22	Bɛ̀ yo ndìì mɔ̀nnì kɛ̀ Yesu túótɛ́ pɛ̃́ɛ̃̀ kɛ́sɑ̃ntɛ Kuyie nkɛ́deè kóò wɛ́rí kɛ́duɔ́ nho tɑncɔ́ùmbɛ̀ kɛ dɔ̀: Cɑ́ɑ́kɛ́nɛ̀, diɛ ndɛɛ̀ bɛnkú kɛ dò m pɑ̃ n kɔ̃̀ntì di kpɛ́í.
24925	MRK 15:30	dɛɛtɛ́ ɑmɑ́ɑ̀! Cútɛ́ní kudɑpɑ̃ɑ̃tí ĩ́nkɛ̀.
25167	LUK 4:35	Kɛ̀ Yesu pɛ́i ndibɔɔ̀ kɛ dɔ̀: Cĩ́ɛ̃́kɛ́ kɛ́yɛ̀ onìtì yie mmiɛkɛ! Kɛ̀ dìì ò bɔ mbɛnìtìbɛ̀ cuokɛ̀, kɛ́yɛ̀, bɑ́ dì í ò dɔ̀ɔ̀ mɛyɛi mmɑmɛ̀.
25382	LUK 9:12	Diyiè yùnnɛ́ dìì mɔ̀nnì kɛ̀ Yesu tɑncɔ́ùmbɛ̀ tɛpíítɛ̀ nɛ̀ bɛ̀dɛ́bɛ̀ɛ tɔ́ɔ́nní o borɛ̀ kóò nɑ̀kɛ́ kɛ dɔ̀: Cíɛ mbɛnìtìbɛ̀ kɛ̀ bɛ̀ɛ kɔtɛ kɛ́wɑmmú mudiì, nɛ̀ yɛdúɔ̀, kɛ yɛ̃́ ti bomɛ̀ diɛ ndikpɑ́ɑ̀ miɛkɛ bɑ́ dɛ̀mɑrɛ̀ í bo.
25454	LUK 10:22	Ò dèè mɛmmɛ kɛ dɔ̀: N Cicɛ n duɔ́mmu dɛmɔu, òmɔù í yɛ̃́ dɛbirɛ kɛ̀ dɛ̀ í tú dɛ Cicɛ, òmɔù mɛ nyí yɛ̃́ dɛbirɛ Cicɛ kɛ̀ dɛ̀ í tú dɛbirɛ nɛ̀ dɛbirɛ dɔ́ kɛ́bɛnkɛ bɛ̀ dɛ Cicɛ.
25487	LUK 11:13	Díndi bɛnitiyɛibɛ kɛ̀ di yɛ̃́ kɛ duɔ̀ ndɛsɑ̀ɑ̀rɛ̀ di bí, dɛ̀ bo yĩ́mɛ̀ di Cicɛ wèè bo kɛĩ́nkɛ̀ kòo bɑ́ɑ́ duɔ́ mMuyɑɑ́nsɑ̀ɑ̀mù bɛ̀ɛ̀ mù nhò mɔɔ.
25558	LUK 12:30	Bɛ̀ɛ̀ í tũ nKuyie mbɛɛ̀ mɔ̀kɛ dɛ kó iyɛǹtotí sɑ̃́ɑ̃̀, díndi biɛ, di mɔkɛmu di Cicɛ kòò yɛ̃́ dɛ̀ di békú dɛ̀.
25679	LUK 15:22	Kòo cicɛ nɛ́ nɑ́kɛ́ bɛtɔ̃mbɛ̀ kɛ dɔ̀: Cokɛ́nɛ̀ mɛcɑ̃ɑ̃ nkɛ́túótɛ́ní diyɑɑ̀bòrì sɑ̀ɑ̀rì, kóò dɑ̀tínnɛ́, kóò ṹnnɛ́ mumɑ́mɑ́ɑ́, kóò ɑ̃nnɛ́ tinɛùtì.
26300	JHN 5:21	Cicɛ Kuyie nduɔ̀ mmɛ̀ɛ̀ botí kɛ̀ bɛcíríbɛ̀ yɑ̃́nnì, mɛɛ̀ botí nku dɛbirɛ duɔ̀mmɛ̀ mufòmmu dɛ̀ mù dɔ́nɛ̀ wè.
26301	JHN 5:22	Cicɛ Kuyie nyí bekùnɛ̀ òmɔù, kù duɔ̀ nku Birɛ ndɛ muwɛ̃rímú mumɔu, kɛ̀ dɛ̀ bo bekɛ́nɛ̀ bɛnìtìbɛ̀.
26305	JHN 5:26	Cicɛ Kuyie mmɔ̀kɛ mɛ̀ɛ̀ botí mufòmmu, mɛɛ̀ botí nku kù duɔ́mmɛ̀ ku Birɛ mufòmmu kɛ̀ dɛ̀ mù mɔ̀kɛ.
26371	JHN 6:45	Kuyie mpɑ̃ɑ̃nɑ́ɑǹtì nɑ́ɑm̀bɛ̀ pɑ́tɛ miɛkɛ tì wɑ̃̀ri kɛ tú Kuyie mbo bɛ̀ duɔ́ nyitié. Wèè kèè Cicɛ tié nkɛ ì yie nweè kɔ̀riní m borɛ̀.
26372	JHN 6:46	Dɛ̀ í tú n yɛ̃ nhòmɔù yɑ̀ Cicɛ Kuyie, wèè ìtɛ́ní Cicɛ Kuyie mborɛ̀ weè kù yɑ̀.
26391	JHN 6:65	Kɛ̀ Yesu yíɛ́ kɛ́bɛ́i nkɛ dɔ̀: Dɛɛ̀ kpɛ́í nte kɛ̀ n di nɑ̀kɛ́ kɛ tú òmɔù í yóó nɑ kɛ́kɔtɛní m borɛ̀ kɛ̀ n Cicɛ í ò yũ̀ɔ̃́nní.
26958	JHN 20:22	Ò bɛ́i mmɛmmɛ kɛ́deè kɛ́fuutɛ bɛ ĩ́nkɛ̀ kɛ dɔ̀: Cɔutɛ́nɛ̀ Muyɑɑ́nsɑ̀ɑ̀mù.
26982	JHN 21:15	Bɛ̀ di dìì mɔ̀nnì kɛ́deè kɛ̀ Yesu bekɛ Simɔɔ Piɛri kɛ dɔ̀: Simɔɔ Isɑ̃ɑ̃ kó dɛbirɛ ɑ n dɔ́ kɛ̀ dɛ̀ pɛ̃ɛ̃tɛ́ bɛtɔbɑ̀ɑ̀? Kòò dɔ̀: Ɛ̃ɛ̃ n Yiɛ̀ ɑ yɛ̃́mu n dɑ dɔ́mɛ̀. Kɛ̀ Yesu ò nɑ̀kɛ́ kɛ dɔ̀: Cɛ̃mmú m pebí.
26983	JHN 21:16	Kɛ yíɛ́ kóò bekɛ kucɛ mɛdɛ́rímɛ̀ kɛ dɔ̀: Simɔɔ Isɑ̃ɑ̃ kó dɛbirɛ ɑ mɛ̀nkɛ n dɔ́ɑ̀ɑ̀? Kòò dɔ̀: Ɛ̃ɛ̃ n Yiɛ̀ ɑ yɛ̃́mu n dɑ dɔ́mɛ̀. Kɛ̀ Yesu ò nɑ̀kɛ́ kɛ dɔ̀: Cɛ̃mmú m pe.