5	GEN 1:5	kɛ́yú kuwenniku kɛ dɔ̀ kuyie, nkɛ́yú dibiìnnì kɛ dɔ̀ kɛyènkɛ̀. Kɛ̀ kuyuokuu buotɛ́ kɛ̀ dikṹnweńnìi buotɛ́. Diyiè ketirì ndi.
8	GEN 1:8	Kɛ̀ kùu yú kɛĩ́nkɛ̀ kɛ dɔ̀ tiwɛtì. Kɛ̀ kuyuokuu buotɛ́ kɛ̀ dikṹnweńnìi buotɛ́. Diyiè dɛ́rì ndi.
13	GEN 1:13	Kɛ̀ kuyuokuu buotɛ́ kɛ̀ dikṹnweńnìi buotɛ́. Diyiè tɑ̃ɑ̃́nnì ndi.
19	GEN 1:19	Kɛ̀ kuyuokuu buotɛ́ kɛ̀ dikṹnweńnìi buotɛ́. Diyiè nɑɑnnì ndi.
20	GEN 1:20	Kɛ̀ Kuyie ndɔ̀: Dɛsĩ́ntɛ́kpɛrɛ dɛmɔuu buotɛ́ mɛniɛ mmiɛkɛ, kɛ̀ sinɔɔ buotɛ́ kɛ́nhɛintɛ kɛĩ́nkɛ̀, kɛ̀ dɛ̀ɛ dɔɔ̀ kù bɛ́immɛ̀.
23	GEN 1:23	Kɛ̀ kuyuokuu buotɛ́ kɛ̀ dikṹnweńnìi buotɛ́. Diyiè nummurì ndi.
31	GEN 1:31	Kɛ̀ kùu yɑ̀ kù dɔ̀ɔ̀ dɛ̀ dɛmɔu kɛ́ dɛ̀ pɛ́nsìrì. Kɛ̀ kuyuokuu buotɛ́, kɛ̀ dikṹnweńnìi buotɛ́. Diyiè kuɔ́nnì ndi.
49	GEN 2:18	Kɛ̀ ti Yiɛ̀ nKuyie mbɛ́i nkɛ dɔ̀: Dɛ̀ í wenni onìtì bo mbomɛ̀ omɑ́ɑ̀, m bo ò dɔ̀ɔ̀ wèè yó nhò dònnɛ̀ koò teénnɛ̀.
55	GEN 2:24	Dɛɛ̀ te kòo nitidɔ̀ù bo yóu o cicɛ nɛ̀ o yɔ̃, kɛ́tɑunnɛ̀ o pokù kɛ̀ bɛ̀ɛ nɑɑ́ nhonìtì omɑ́ɑ̀.
60	GEN 3:4	Kɛ̀ fɛwɑ̀ɑ̀fɛ̀ dɔ̀: Di í yóó kú bìtì.
69	GEN 3:13	Kɛ̀ ti Yiɛ̀ nKuyie mbekɛ onitipòkù kɛ dɔ̀: Dɛ̀ yĩ́mɛ kɑ̀ɑ dɔ̀ɔ̀ mɛmmɛ? Kòò dɔ̀: Fɛwɑ̀ɑ̀fɛ̀ fɛɛ̀ ǹ soutɛ́ kɛ̀ ǹ di ditebii.
91	GEN 4:11	Di mmɔ̀nnì n dɑ cɔ̃ɔ̃mu kɑ̀ɑ bo ítɛ́ kɛ́dɛ́tɛ́nɛ̀ kɛtenkɛ̀ kɛ̀ɛ̀ yɑ̃̀ ɑ nɑntɛ̀ kó mɛyĩ̀ĩ̀ nhɑ kùɔ tɛ̀.
95	GEN 4:15	Dɛ mɔ̀nnì kɛ̀ ti Yiɛ̀ nKuyie ndɔ̀: Kòò mɔù kùɔ Kɑyɛ̃ɛ̃ m bo pɛitɛ kucɛ mɛ̀yiekɛ̀. Kɛ̀ ti Yiɛ̀ nKuyie ncɑnnɛ Kɑyɛ̃ɛ̃ mɛcɑnnimɛ̀ mɑmɛ̀ mɛ̀ɛ̀ yó nte kɛ̀ wèè ò yɑ̀ ò bɑ́ɑ́ ò kùɔ.
98	GEN 4:18	Kɛ̀ Enɔkii pɛitɛ́ Idɑdi, kɛ̀ Idɑdi pɛitɛ́ Mɛuyɛɛdi. Kɛ̀ Mɛuyɛɛdii pɛitɛ́ Mɛtusɑyɛɛdi, kɛ̀ Mɛtusɑyɛɛdii pɛitɛ́ Demɛki.
99	GEN 4:19	Kɛ̀ Demɛkii puokɛ bɛnitipòbɛ̀ bɛ̀dɛ́bɛ̀, kòo ketiwè yètìrì ntú Adɑ, kòo dɛ́rì kpɛri ntú Sidɑ.
103	GEN 4:23	Kɛ̀ Demɛkii nɑ́kɛ́ o pobɛ̀ kɛ dɔ̀: Adɑ nɛ̀ Sidɑ, kéntɛ́nɛ̀ n kpɛti! Díndi Demɛki pobɛ̀ keènɛ̀ n tú mù! Onìtì n kɔ̀ùtɛ kɛ̀ nh ò kùɔ, odɑpɑ̀ɑ̀ nni mpotɛ́ kɛ̀ dɛ̀ mɑ̀tìnnɛ kɛ̀ nh ò kùɔ.
106	GEN 4:26	Kɛ̀ Sɛti múnkɛɛ pɛitɛ́ dɛnitidɑbirɛ, kɛ́ dɛ̀ yu kɛ dɔ̀ Enɔsi. Dɛ mɔ̀nnì ndi bɛnìtìbɛ̀ ketɛ́mɛ̀ bɛ̀ bo mbɑ́ɑ́mmɛ̀ Kuyie nkɛ kù yu kɛ tú ti Yiɛ̀.
116	GEN 5:10	Dɛ kó difɔ̃nkúò kɛ́mɔɔtɛ yɛbie nsikɔusìni nɛ̀ tɛpíítɛ̀ nɛ̀ yɛ̀nùmmù (815) kɛ́piɛ́ initidɑbí nɛ̀ initipobí.
119	GEN 5:13	Dɛ kó difɔ̃nkúò kɛ́mmɔkɛ yɛbie nsikɔusìni nɛ̀ sipísìnɑ̀ɑ̀ (840), kɛ́piɛ́ initidɑbí nɛ̀ initipobí.
131	GEN 5:25	Mɑtusɑdɛmmu do mɔkɛ yɛbie ntɛkɔ̀ùtɛ̀ nɛ̀ sipísìni nɛ̀ yɛ̀yiekɛ̀ (187) ndi kɛ́pɛitɛ́ dɛnitidɑbirɛ Demɛki.
132	GEN 5:26	Ò pɛitɛ́ Demɛki kɛ́deè kɛ́mmɔkɛ yɛbie nsikɔusìyiekɛ̀ nɛ̀ sipísìni nɛ̀ yɛ̀dɛ́ɛ̀ (782), kɛ́piɛ́ initidɑbí nɛ̀ initipobí pɛ́u.
134	GEN 5:28	Kɛ̀ Demɛki mmɔkɛ yɛbie ntɛkɔ̀ùtɛ̀ nɛ̀ sipísìni nɛ̀ yɛ̀dɛ́ɛ̀ (182), kɛ́pɛitɛ́ dɛnitidɑbirɛ,
149	GEN 6:11	Dɛ kó dimɔ̀nnì bɛnìtìbɛ̀ do dɔrimu, kɛ mɛ̀nkɛ dɔri mɛdiɛ̀ mbɑ́ dɛ̀ í nnɑɑti Kuyie.
155	GEN 6:17	Dɛ mɔ̀nnì m bo duɔ́ nkɛ̀ fɛtɑɑfɛ̀ɛ ni kɛ̀ mɛniɛ mpíɛ nkɛ́kuɔ dɛ̀ɛ̀ kó dimɑ̀ɑ̀ fòù kɛtenkɛ̀ ĩ́nkɛ̀.
156	GEN 6:18	Dɛ mɔ̀nnì m bo dɑ dɔɔ̀nɛ̀ mɛtɑummɛ̀ kɑ̀ɑ tɑ tɛdɑbɛɛcĩ́ɛ̃̀tɛ̀ miɛkɛ nɛ̀ ɑ pokù nɛ̀ ɑ bí nɛ̀ i pobɛ̀.
173	GEN 7:13	Dɛ mɔ̀nnì Nɔwee nɛ̀ o pokù nɛ̀ o bí Sɛmmu nɛ̀ Kɑmmu nɛ̀ Sɑfɛti nɛ̀ bɛ pobɛ̀, kɛ̀ bɛ̀ tɑ tɛdɑbɛɛcĩ́ɛ̃̀tɛ̀
175	GEN 7:15	Dɛ̀ɛ̀ kó dimɑ̀ɑ̀ weí kɛ̀ dɛ̀ nkɔrì Nɔwee borɛ̀ dɛbotí dɛbotí, dɛdɑɑrɛ̀ nɛ̀ dɛniirɛ.
182	GEN 7:22	Dɛmɔu dɛ̀ɛ̀ bo kɛtenkɛ̀ ĩ́nkɛ̀ kɛ weí kɛ̀ dɛ̀ɛ kú.
190	GEN 8:6	Diyiè sipísìnɑ̀ɑ̀ yiè kɛ̀ Nɔwee kpetɛ́ tɛbòtɛ̀ ò do ɑ̃nnɛ́ tɛ̀,
192	GEN 8:8	Dɛ kó difɔ̃nkúò kòo dennɛ tɛnɔ́nkpetɛ kɛ bo yɑ̀ kɛ̀ mɛniɛ ncɔ̀ɔ̀tɛ.
197	GEN 8:13	Dibenni pɑ̀nnì kó diyiè ketirì yiè, kɛ sɔ̃́ nNɔwee mɔ̀kɛ yɛbie nsikɔusìkuɔ̀ nɛ̀ dìmɑ́ɑ̀ (601) kɛ̀ mɛniɛ nkṹṹ, kòo dɑ́tɛ́ tipĩ́mpĩ́ntì kɛ́yɑ̀ mɛ̀ kũ̀ṹmɛ̀.
198	GEN 8:14	Dibenni pɑ̀nnì kóo tɑ̃̀nkù dɛ́ríwè, diyiè sipísìdɛ́ nɛ̀ diyiénnì kɛ̀ kɛtenkɛ̀ɛ kpeí pɑíí.
201	GEN 8:17	Dennɛ iwũɔ̃ ibotí ibotí tiwɑnwɑntì nɛ̀ tinɔ̀tì nɛ̀ dɛbɑmbɑɑ̀nnɛ̀, kɛ̀ dɛ̀ɛ pɛ̃tɛ́ kɛ́sṹṹ nkɛtenkɛ̀ ĩ́nkɛ̀.
209	GEN 9:3	Dɛ̀ɛ̀ kó dimɑ̀ɑ̀ nɑmpú kɛ weí n dɛ̀ ndi duɔ́mmu kɛ̀ dɛ̀ bo ntú di kó mudiì, n di duɔ́ mmɛ̀ɛ̀ botí titebiiti.
210	GEN 9:4	Di nɛ́ bɑ́ɑ́ cɑ́ɑ́kɛ́ fɛɔ̃̀fɛ̀ yĩ̀ĩ̀, mmufòmmu bo mɛɛ̀ miɛkɛ.
213	GEN 9:7	Di piɛ́ mɛsɑ̀ɑ̀ nkɛ́sṹṹ kɛtenkɛ̀ ĩ́nkɛ̀, kɛ́ nkɛ̀ bɑkɛ́.
238	GEN 10:3	Kɔmɛɛ kó ibí tú: Asekenɑɑsi nɛ̀ Difɑti nɛ̀ Tokɑdimɑ.
239	GEN 10:4	Yɑfɑ̃ɑ̃ kó ibí tú: Edisɑɑ nɛ̀ Tɑdisisi nɛ̀ Kitimmu nɛ̀ Dodɑnimmu.
242	GEN 10:7	Kuusi kó ibí tú: Sebɑɑ nɛ̀ Afidɑɑ nɛ̀ Sɑbitɑɑ nɛ̀ Dɑyemɑɑ nɛ̀ Sɑbitekɑɑ. Dɑyemɑɑ kó ibí tú: Sebɑɑ nɛ̀ Dedɑnni.
244	GEN 10:9	Nɛmmudoti do tú opɑɑwɑɑ̀ ndiɛwè nwe kɛ̀ ti Yiɛ̀ nKuyie nwùó. Dɛɛ̀ te kɛ̀ bɛ̀ ɔ̃ɔ̃ yĩ́ ti Yiɛ̀ nKuyie ndɑ teennɛ̀ kɑ̀ɑ ntú opɑɑwɑɑ̀ ndiɛwè Nɛmmudoti do dòmmɛ̀.
245	GEN 10:10	Ntɛ yɛhɛkɛ̀ ketiyɛ̀ ò do bɑkɛ́ yɛ̀: Bɑbɛɛdi nɛ̀ Edɛsi nɛ̀ Akɑdi nɛ̀ Kɑdinɛɛ. Dɛ kó yɛhɛkɛ̀ do bo Sindeɑɑ miɛkɛ nkɛ.
246	GEN 10:11	Kɛ̀ Nɛmmudotii ítɛ́ dɛ kó dihɛì kɛ́kɔtɛ Asidii kɛ́mɑɑ́ Ninifu nɛ̀ Debotidii nɛ̀ Kɑdɑɑ.
247	GEN 10:12	Kɛ̀ Desɑ̃ɑ̃ ɛì dii ḿbo Ninifu nɛ̀ Kɑdɑɑ dihɛidiɛ̀ dɛ cuokɛ̀.
248	GEN 10:13	Misidɑimmu yɑɑ̀bí tú Dudimmu nɛ̀ Anɑmimmu nɛ̀ Deɑbimmu nɛ̀ Nɑfutuyimmu
253	GEN 10:18	nɛ̀ Adifɑdiibɛ nɛ̀ Semɑdiibɛ nɛ̀ Amɑtiibɛ. Dɛ kó difɔ̃nkúò kɛ̀ Kɑnnɑhɑ̃ɑ̃ kɔbɛɛ cíɛ́tɛ́,
254	GEN 10:19	kɛ́kɑri Sidonni bɛ tenkɛ̀ dɛ nketɛ́ kɛ́cuó nKedɑɑdi nɛ̀ Kɑsɑɑ, Sodɔmmu nɛ̀ Komɔɔ bíɛ́kɛ̀, Adimɑɑ nɛ̀ Seboimmu kɛ́ntɔ kɛ́tuɔkɛ Desɑ.
257	GEN 10:22	Kɛ̀ Sɛmmu kó ibí ntú Edɑmmu nɛ̀ Asuu nɛ̀ Adipɑkisɑdi nɛ̀ Dudi nɛ̀ Arɑmu.
260	GEN 10:25	Kɛ̀ Eebɛɛ mmɔkɛ ibí ìdɛ́ì, kɛ̀ dɛketirɛ̀ yètìrì ntú Pedɛki (dɛ̀ɛ̀ tu mɛyɑtimɛ̀). Dɛ kó dimɔ̀nnì ndi ibotí do yɑ̀tɛmɛ̀, kòo nɑntɛ̀ yètìrì ntú Yokitɑ̃ɑ̃.
262	GEN 10:27	nɛ̀ Adodɑmmu nɛ̀ Usɑdi nɛ̀ Dikidɑ,
276	GEN 11:9	Dɛɛ̀ te kɛ̀ bɛ̀ yu dɛ kó didènnì kɛ tú Bɑbɛɛdi. Ti Yiɛ̀ nKuyie ndɛ nkɔkɛ́ bɛnìtìbɛ̀ nɑ́ɑǹtì, kɛ́ bɛ̀ cíɛ nkɛtenkɛ̀ kɛmɔu miɛkɛ.
278	GEN 11:11	Dɛ kó difɔ̃nkúò, kɛ́mmɔkɛ yɛbie nsikɔusìnùmmù (500) kɛ́piɛ́ bɛdɑpɑ̀mbɛ̀ nɛ̀ bɛsɑpɑ̀mbɛ̀.
280	GEN 11:13	Dɛ kó difɔ̃nkúò kɛ́mmɔkɛ yɛbie nsikɔusìnɑ̀ɑ̀ nɛ̀ yɛ̀tɑ̃ɑ̃ti (403), kɛ́piɛ́ bɛdɑpɑ̀mbɛ̀ nɛ̀ bɛsɑpɑ̀mbɛ̀.
282	GEN 11:15	Dɛ kó difɔ̃nkúò kɛ̀ Ebɛɛ mmɔkɛ yɛbie nsikɔusìnɑ̀ɑ̀ nɛ̀ yɛ̀tɑ̃ɑ̃ti (403) kɛ́piɛ́ bɛdɑpɑ̀mbɛ̀ nɛ̀ bɛsɑpɑ̀mbɛ̀.
284	GEN 11:17	Dɛ kó difɔ̃nkúò kɛ̀ Ebɛɛ mmɔkɛ yɛbie nsikɔusìnɑ̀ɑ̀, nɛ̀ sipísìtɑ̃ɑ̃ti (430) kɛ́piɛ́ bɛdɑpɑ̀mbɛ̀ nɛ̀ bɛsɑpɑ̀mbɛ̀.
285	GEN 11:18	Kɛ̀ Pedɛki mmɔkɛ yɛbie nsipísìtɑ̃ɑ̃ti kɛ́pɛitɛ́ Deyuu.
286	GEN 11:19	Dɛ kó difɔ̃nkúò kɛ́mmɔkɛ yɛbie nsikɔusìdɛ́ nɛ̀ yɛ̀wɛi (209), kɛ́piɛ́ bɛdɑpɑ̀mbɛ̀ nɛ̀ bɛsɑpɑ̀mbɛ̀.
287	GEN 11:20	Kɛ̀ Deyuu mmɔkɛ yɛbie nsipísìtɑ̃ɑ̃ti nɛ̀ yɛ̀dɛ́ɛ̀ kɛ́pɛitɛ́ Seduki.
288	GEN 11:21	Dɛ kó difɔ̃nkúò kɛ́mmɔkɛ yɛbie nsikɔusìdɛ́ nɛ̀ yɛ̀yiekɛ̀ (207) kɛ́piɛ́ bɛdɑpɑ̀mbɛ̀ nɛ̀ bɛsɑpɑ̀mbɛ̀.
290	GEN 11:23	Dɛ kó difɔ̃nkúò kɛ́mmɔkɛ yɛbie nsikɔusìdɛ́ (200) kɛ́piɛ́ bɛdɑpɑ̀mbɛ̀ nɛ̀ bɛsɑpɑ̀mbɛ̀.
292	GEN 11:25	Dɛ kó difɔ̃nkúò kɛ́mmɔkɛ yɛbie ntɛkɔ̀ùtɛ̀ nɛ̀ tɛpíítɛ̀ nɛ̀ yɛ̀wɛi (119), kɛ́piɛ́ bɛdɑpɑ̀mbɛ̀ nɛ̀ bɛsɑpɑ̀mbɛ̀.
294	GEN 11:27	Tedɑɑ kó kufuku nku, weè pɛitɛ́ Abɑrɑmmu nɛ̀ Nɑɔɔ nɛ̀ Atɑ̃ɑ̃. Kɛ̀ Atɑ̃ɑ̃ pɛitɛ́ dɛnitidɑbirɛ Dɔti,
298	GEN 11:31	Kɛ̀ Tedɑɑ túótɛ́ o kóo dɑpɑ̀ɑ̀ nhAbɑrɑmmu nɛ̀ o yɑɑ̀birɛ Dɔti Atɑ̃ɑ̃ birɛ nɛ̀ o cɔ̀kù Sɑrɑii o kóo dɑpɑ̀ɑ̀ nhAbɑrɑmmu pokù. Kɛ̀ bɛ̀ɛ ítɛ́ Uudi ɛì Bɑbidɔnni tenkɛ̀ kɛ́kɔtɛ Kɑnnɑhɑ̃ɑ̃ tenkɛ̀, kɛ́tuɔkɛ Anɑɑ ɛì kɛ́ nkɛ mbo.
303	GEN 12:4	Dɛ mɔ̀nnì kɛ sɔ̃́ nhAbɑrɑmmu mɔ̀kɛ yɛbie nsipísìyiekɛ̀ nɛ̀ yɛ̀nùmmù. Kɛ̀ ti Yiɛ̀ nKuyie nhò nɑ̀kɛ́ kɛ dɔ̀: Ítɛ́ Anɑɑ ɛì.
304	GEN 12:5	Kòo yie nkɛ́ítɛ́ kɛ́nnɛínɛ̀ o pokù Sɑrɑii nɛ̀ o nɑntɛ̀ birɛ Dɔti kɛ́ntɔ o kpɛrɛ dɛmɔu nɛ̀ o dɑɑtì ò do dontɛ́ tì Anɑɑ ɛì, kɛ́kétɛ́ kɛ́cuó nKɑnnɑhɑ̃ɑ̃ bíɛ́kɛ̀, kɛ́tuɔkɛ Kɑnnɑhɑ̃ɑ̃.
305	GEN 12:6	Mɛm̀mɛ kɛ̀ Abɑrɑmmuu pɛ̃ɛ̃tɛ́ Sisɛmmu ɛì kɛ́tuɔkɛ dibòrì mɑrì bɛ̀ tu dì Mɔdee mutie mɑmù borɛ̀. Dɛ kó dimɔ̀nnì Kɑnnɑhɑ̃ɑ̃ kɔbɛ bɛɛ̀ do dɛ̀ bo.
317	GEN 12:18	Kɛ̀ Esibiti kóo kpɑ̀ɑ̀tìi yú Abɑrɑmmu kóò bekɛ kɛ dɔ̀: Dɛ̀ yĩ́mɛ kɑ̀ɑ n dɔ̀ɔ̀ miɛ? Dɛ̀ dòmmɛ̀ kɑ̀ɑ í n nɑ̀kɛ́ kɛ tú ɑ pokù nwe?
318	GEN 12:19	Dɛ̀ dòmmɛ̀ kɑ̀ɑ n nɑ̀kɛ́ kɛ yɛ̃ nhɑ tɑ̃ũ̀ nwe kɛ̀ nh ò tùótɛ́ kɛ bo puokɛ? Nto ɑ pokù kɛ́pɛ̃ɛ̃tɛ́.
320	GEN 13:1	Mɛm̀mɛ kɛ̀ Abɑrɑmmuu túótɛ́ o pokù nɛ̀ o kpɛrɛ ò mɔ̀kɛ dɛ̀, kɛ̀ Dɔti nwe nɛínɛ̀ kɛ̀ bɛ̀ɛ wɛ̃tɛ Nɛkɛbu tempɛ̃ mbíɛ́kɛ̀.
324	GEN 13:5	Dɔti wèè do nɛínɛ̀ Abɑrɑmmu ò múnkɛ do mɔkɛmu ipe nɛ̀ sibɔɔ́ nɛ̀ inɑ̀ɑ̀kɛ. Kɛ mɔkɛ tiyɑ̀ɑ̀tì bɛ̀ dɔ̀ɔ̀rinɛ̀ tì titouti.
326	GEN 13:7	Kɛ̀ Abɑrɑmmu kó bɛnɑɑcɛ̃mbɛ nɛ̀ Dɔti kɔbɛ kɛ̀ bɛ̀ɛ kpɑ. Kɑnnɑhɑ̃ɑ̃ kɔbɛ nɛ̀ Pedisiibɛ do dɛ mbo.
327	GEN 13:8	Kɛ̀ Abɑrɑmmuu nɑ́kɛ́ Dɔti kɛ dɔ̀: Mí nnɛ̀ fɔ̃́ ti í dò nkɛ́kpɑ, ti nɑɑcɛ̃mbɛ mɛ nyí dò nkɛ́kpɑ, kɛ yɛ̃́ ti wɛ̃ḿmɛ̀ tɛcĩ́ɛ̃̀tɛ̀.
329	GEN 13:10	Kɛ̀ Dɔtii wéntɛ́ kɛ́yɑ̀ Suditɛ̃ɛ̃ kó kɛtenkɛ̀ kɛ̀ kɛ̀ boo bɑ̀mmùù kɛ́tuɔkɛnɛ̀ Soɑɑ ɛì. Ti Yiɛ̀ nKuyie mu ndo í cɔ́u ndìì mɔ̀nnì Sodɔmmu ɛì nɛ̀ Komɔɔ ɛì kɛ̀ dɛ kó kɛtenkɛ̀ nɛ̀ Soɑɑ ɛì kɛ̀ dɛ̀ boomu, kɛ wenni kɛ dò nti Yiɛ̀ nKuyie ndo dɔ̀ɔ̀ kùù púú, kɛ nɑɑti kɛ dònnɛ̀ Esibiti kó kɛtenkɛ̀.
330	GEN 13:11	Kɛ̀ Dɔtii tɑ̃ɑ̃tɛ́ Suditɛ̃ɛ̃ kó kubiriku bíɛ́kɛ̀, kɛ́ kɛ nkɔtɛ. Mɛm̀mɛ bɛ̀ yɑ̀tɛmɛ̀.
331	GEN 13:12	Kɛ̀ Abɑrɑmmu ḿbo Kɑnnɑhɑ̃ɑ̃ kó dihɛì, kɛ̀ Dɔti ḿbo kubiriku kó yɛhɛkɛ̀, kɛ cónnɛ́ tiyɑ̀ɑ̀tì kó titouti kɛ́tuɔkɛnɛ̀ Sodɔmmu.
333	GEN 13:14	Dɔti nɛ̀ Abɑrɑmmu bɛ̀ yɑ̀tɛ dìì mɔ̀nnì, kɛ̀ ti Yiɛ̀ nKuyie nnɑ́kɛ́ Abɑrɑmmu kɛ dɔ̀: Wéntɛ́ ɑ cómmú dɛ̀, kɛ́wéntɛ́ diyiè yìɛ̀ní kɛ̀ɛ̀ bíɛ́kɛ̀, kɛ́wéntɛ́ ɑ bɑkù yoú nɛ̀ kucɑ̃̀nku.
338	GEN 14:1	Dɛ kó dimɔ̀nnì kɛ̀ Amudɑfɛɛdi Sindeɑɑ ɛì kóo kpɑ̀ɑ̀tì nɛ̀ Adiyɔki Edɑsɑɑ ɛì kóo kpɑ̀ɑ̀tì nɛ̀ Kedɔɔdɑomɛɛ Edɑmmu ɛì kóo kpɑ̀ɑ̀tì nɛ̀ Tideɑdi Koyimmu ɛì kóo kpɑ̀ɑ̀tì.
342	GEN 14:5	Yɛbie ntɛpíítɛ̀ nɛ̀ dinɑɑnnì miɛkɛ kɛ̀ Kedɔɔdɑomɛɛ nɛ̀ bɛkpɑ̀ɑ̀tìbɛ̀ bɛ̀ɛ̀ ò wɛ̃ńnɛ̀ kɛ̀ bɛ̀ɛ ítɛ́ kɛ́pɔntɛ Defɑiibɛ bɛ̀ɛ̀ bo Asitɑdoti-Kɑnnɑimmu ɛì, nɛ̀ Susiibɛ bɛ̀ɛ̀ bo Ammu ɛì nɛ̀ Emiibɛ bɛ̀ɛ̀ bo Kidiyɑtɑimmu ɛì
349	GEN 14:12	Kɛ múnkɛɛ túótɛ́nɛ̀ Dɔti Abɑrɑmmu nɑntɛ̀ birɛ nɛ̀ o kpɑ̀tì timɔu kɛ́kònnɛ̀.
351	GEN 14:14	Abɑrɑmmu kèè dìì mɔ̀nnì bɛ̀ kònnɛ̀mɛ̀ Dɔti koò kpetí, kɛ́duɔ́ nkòo tɔ̃mbɛ̀ bɛ̀ piɛ́ bɛ̀ o cĩ́ɛ̃̀tɛ̀ kɛ̀ bɛ̀ɛ bɑ́ɑ́tí, sikɔusìtɑ̃ɑ̃ti nɛ̀ tɛpíítɛ̀ nɛ̀ bɛ̀ni (318), kɛ̀ bɛ̀ɛ tũnnɛ kɛ́tuɔkɛ Dɑnni tenkɛ̀.
352	GEN 14:15	Kɛ̀ Abɑrɑmmu bɛ̀ totí yɛtĩ̀rɛ̀ yɛtĩ̀rɛ̀ pɛ́u, kɛ̀ bɛ̀ɛ cɛ̃tìnnɛ bɛ dootitɔbɛ̀ kɛ́ bɛ̀ nɑ, kɛ́ bɛ̀ bɛ̀ti kɛ́tuɔkɛnɛ̀ Obɑɑ, dihɛì dìì bo Dɑmɑɑsi bɑkù yoú bíɛ́kɛ̀,
353	GEN 14:16	kɛ́fietɛ bɛ̀ do tùótɛ́ dɛ̀ɛ̀ kó dimɑ̀ɑ̀ nɛ̀ Dɔti nɛ̀ o kpɛrɛ dɛmɔu nɛ̀ bɛnitipòbɛ̀ nɛ̀ bɛnitidɑɑbɛ̀.
363	GEN 15:2	Kɛ̀ Abɑrɑmmu dɔ̀: Ti Yiɛ̀ nKuyie nhɑ bo n duɔ́ mbɑ? N yí mɔkɛ dɛbirɛ, kɛ̀ n kóo tɔ̃ntì Ediesɛɛ Dɑmɑɑsi ɛì kou, wèè bo n cĩ́ɛ̃̀tɛ̀, weè yóó túótɛ́ n kpɛrɛ.
373	GEN 15:12	Diyiè tɑti dìì mɔ̀nnì kɛ̀ inuɔ mpĩ́ nhAbɑrɑmmu kòo duɔ́ mɛdiɛ̀, kɛ̀ dibiìnnì diɛrì mɑrìi ò sɔ̃̀ńtɛ́, kɛ̀ kufɔ̃wɑɑ́ nhò pĩ mmɛdiɛ̀.
378	GEN 15:17	Diyiè tɑ dìì mɔ̀nnì kɛ̀ dɛ̀ɛ biitɛ sɑ̃̀ṹ, kɛ̀ Kuyie nkɔtɛní kɛ́ndò mmuhɑ̃ɑ̃́ nnɛ̀ kuyukú nɛ̀ fɛhɑ̃ɑ̃dɛɛ̀nfɛ̀, kɛ pɛ̃nkù iwũɔ̃ bɛ̀ kèkɛ́ ì sɑ̀ku.
379	GEN 15:18	Dɛ yiè ndi ti Yiɛ̀ nKuyie ntɑ̀unnɛ̀mɛ̀ kumɑ́ɑ̀ Abɑrɑmmu kɛ dɔ̀: N yóó duɔ́ ndɛ kó kɛtenkɛ̀ ɑ yɑɑ̀bí nyi kɛ̀ ì nkɛ̀ te, kɛ́túótɛ́ kukó kùù bo Esibiti mɑ̀nku, kɛ́kɑ̃́ɑ̃́ kukó ndiɛkù Efɑdɑti.
381	GEN 15:20	nɛ̀ Itiibɛ nɛ̀ Pedisiibɛ nɛ̀ Defɑiibɛ,
384	GEN 16:2	Kɛ̀ Sɑrɑii nɑ́kɛ́ o dɔù kɛ dɔ̀: A wúómmu ti Yiɛ̀ nKuyie nyí m pɑ̃mɛ̀ ibí. Duɔ́nɛ̀ n kó kudɑɑkù, kɛ̀ dɛ yɛ̀mmɛ̀ ò bo m pɛitɛ́ dɛbirɛ. Kɛ̀ Abɑrɑmmuu yie ndɛ kó tinɑ́ɑǹtì.
385	GEN 16:3	Kɛ̀ Sɑrɑii túótɛ́ o kó kudɑɑkù Esibiti tenkɛ̀ kɔku Akɑɑ kɛ́puó nho dɔù Abɑrɑmmu. Dɛ̀ do sɔ̃́ nhò mɔ̀kɛ yɛbie ntɛpíítɛ̀ ntɛ Kɑnnɑhɑ̃ɑ̃ miɛkɛ.
394	GEN 16:12	Dɛ kó dɛbirɛ yó ndò ndikpɑ́ɑ̀ kóo sɑ̃mmɑrímú nwe, kɛ́nkpɑnnɛ̀ bɛnìtìbɛ̀ bɛmɔu, kɛ̀ bɛ̀ ndɛ kpɑ̀nnɛ̀, kɛ̀ dɛ̀ ncɑ̃́ɑ̃́ nkɛ ɑ̃ dɛmɑ́ɑ̀, kɛ dɛ́tirinɛ̀ dɛ kɔbɛ.
395	GEN 16:13	Kɛ̀ Akɑɑ yú Kuyie nkùù o bɛ́innɛ̀ kɛ dɔ̀ Atɑ-Edii-Doyii (dɛ̀ɛ̀ tu: Ti Yiɛ̀ nKuyie nkùù n wùó). Kɛ dɔ̀: M mɛ̀nkɛ yɑ̀mu Kuyie nkɛ kpɑɑ́ fòùɑ̀?
396	GEN 16:14	Dɛɛ̀ te kɛ̀ bɛ̀ yu tɛbintɛ tɛ̀ɛ̀ bo Kɑdɛɛsi, nɛ̀ Bedɛdi dɛ cuokɛ̀ kɛ tú: Dɑɑyii-Doyii (dɛ̀ɛ̀ tu: Kuyie kùù ǹ wùó nku kó tɛbintɛ).
408	GEN 17:10	Ntɛ di dò nkɛ́ndɔɔrimɛ̀ ti kó mɛtɑummɛ̀ miɛkɛ: Di fuku miɛkɛ bɛ̀ɛ̀ kó dimɑ̀ɑ̀ tu bɛnitidɑɑbɛ̀ bɛ̀ ncɑ̃mmù.
409	GEN 17:11	Di kó mucɑ̃mmù muù yó mbɛnkú mí nnɛ̀ díndi ti tɑumɛ̀,