20	GEN 1:20	Kɛ̀ Kuyie ndɔ̀: Dɛsĩ́ntɛ́kpɛrɛ dɛmɔuu buotɛ́ mɛniɛ mmiɛkɛ, kɛ̀ sinɔɔ buotɛ́ kɛ́nhɛintɛ kɛĩ́nkɛ̀, kɛ̀ dɛ̀ɛ dɔɔ̀ kù bɛ́immɛ̀.
42	GEN 2:11	Kuketikù yètìrì tu Pisɔ̃ɔ̃ kɛ̀ kù fitɛ́ dihɛì bɛ̀ tu dì Afidɑɑ. Kɛ̀ mɛsɔɔ mbo dɛ kó dihɛì miɛkɛ,
43	GEN 2:12	mɛsɔɔ nkperímɛ̀ nɛ̀ tihúúntì fɔ̃ɔ̃ti nɛ̀ yɛtɑ̃́sɑ̀ɑ̀yɛ̀ yɛ̀ɛ̀ donku dɛu.
44	GEN 2:13	Kɛ̀ kudɛ́ríkù yètìrì tu Kiyɔ̃ɔ̃ kuù fitɛ́ dihɛì bɛ̀ tu dì Kuusi.
45	GEN 2:14	Kɛ̀ kutɑ̃ɑ̃́nkù kpɛri tú Tikidi, kuù pũɔ̃̀ ndiyiè yìɛ̀ní kɛ̀ɛ̀ bíɛ́kɛ̀ kɛ firì dihɛì bɛ̀ tu dì Asidii, kɛ̀ kunɑɑnkù kpɛri tú Efɑdɑti.
47	GEN 2:16	Kɛ̀ ti Yiɛ̀ nKuyie nhò nɑ̀kɛ́ yɛtɑnnɔ̀ kɛ dɔ̀: A bo nɑ kɛ́nyo ndɛtie ndɛmɔu dɛ̀ɛ̀ bo kupúú dɛ kó yɛbɛ.
49	GEN 2:18	Kɛ̀ ti Yiɛ̀ nKuyie mbɛ́i nkɛ dɔ̀: Dɛ̀ í wenni onìtì bo mbomɛ̀ omɑ́ɑ̀, m bo ò dɔ̀ɔ̀ wèè yó nhò dònnɛ̀ koò teénnɛ̀.
51	GEN 2:20	Kɛ̀ Adɑmmuu duɔ́ nyicɛ̃wũɔ̃ i yètɛ̀ kɛ́duɔ́ nyikpɑkpɛyi i yètɛ̀, kɛ́duɔ́ nsinɔɔ si yètɛ̀. Ò mɛ nyí mpɛ̀tɛ́ wèè bo nhò dònnɛ̀ koò teénnɛ̀.
53	GEN 2:22	kɛ́túótɛ́ dɛ kó kucĩntóo kɛ́dɔɔ̀nɛ̀ onitipòkù kóò duɔ́ nhonitidɔ̀ù.
54	GEN 2:23	Kòo ò yɑ̀ kɛ dɔ̀: ɛ̃̀hɛ̃́ɛ̃̀! Ntɛ wèè tu n kṹɔ̃̀ kó dikɔ̃́ũ̀, n kɔ̃̀ntì kó tikɔ̃̀ntì. Bɛ̀ bo nhò yu kɛ tú onitipòkù kɛ yɛ̃́ Kuyie nhò dɔ̀ɔ̀nɛ̀mɛ̀ onitidɔ̀ù kó dikɔ̃́ũ̀ ndi.
55	GEN 2:24	Dɛɛ̀ te kòo nitidɔ̀ù bo yóu o cicɛ nɛ̀ o yɔ̃, kɛ́tɑunnɛ̀ o pokù kɛ̀ bɛ̀ɛ nɑɑ́ nhonìtì omɑ́ɑ̀.
62	GEN 3:6	Kòo nitipòkùu wéntɛ́ kɛ́yɑ̀ yɛtebɛ bo nnɑɑtimɛ̀, kɛ wenni fɛnɔ̀nfɛ̀, kɛ bo nɑ kóò duɔ́ mmɛciì, kɛ́tɔ̃tɛ, kɛ́di kɛ́duɔ́ nho dɔù wèè ò bonɛ̀, kòo di.
67	GEN 3:11	Kɛ̀ ti Yiɛ̀ nKuyie ndɔ̀: We ndɑ nɑ̀kɛ́ kɛ tú ɑ bo difɔ̃̀kperì, yɑ́ɑ̀ ɑ di ditebii n yɛ̃ nhɑ bɑ́ɑ́ di dì ndi?
73	GEN 3:17	Kɛ̀ ti Yiɛ̀ nKuyie nnɑ́kɛ́ onitidɔ̀ù kɛ dɔ̀: A mɛ̀ nyiemmɛ̀ ɑ pokù kpɛti kɛ di ditebii n yɛ̃ nhɑ bɑ́ɑ́ di dì. M bo cɔ̃ɔ̃ kɛtenkɛ̀, ɑ níí bo kúútí kɛ́fɛ̃́ṹtɛ́ mɛdiɛ̀ nkɛ nɛ́ nɑ kɛ́pɛ́tɛ́ kɛ́di.
80	GEN 3:24	Mɛm̀mɛ ti Yiɛ̀ nKuyie mbɛtimɛ̀ onìtì kupúú Edɛnni miɛkɛ, kɛ́cónnɛ́ bɛĩ́nkɛ̀mbɑ̀rìbɛ̀ diyiè yìɛ̀ní kɛ̀ɛ̀ bíɛ́kɛ̀ kɛ̀ bɛ̀ mbɑɑ mutie mùù duɔ̀ mmufòmmu, kɛ ɛinko yɛse kɛ̀ yɛ̀ cɔ̀ú nkɛ dò mmuhɑ̃ɑ̃́.
86	GEN 4:6	Kɛ̀ ti Yiɛ̀ nKuyie nhò bekɛ kɛ dɔ̀: Kɑyɛ̃ɛ̃ dɛ̀ dòmmɛ kɑ̀ɑ miɛkɛ pɛikɛ kɑ̀ɑ ììkɛ̀ sɔ̀ùtɛ?
87	GEN 4:7	Kɑ̀ɑ dɔ̀ɔ̀ mɛsɑ̀ɑ̀ nhɑ yɛ̀mmɛ̀ yóó nɑrikɛmu, kɑ̀ɑ mɛ ndɔ̀ɔ̀ dɛ̀ɛ̀ í wenni, mɛyɛi mbo ɑ bòrì kɛ dɑ díí, yetoo kɛ́ mɛ̀ nɑ.
88	GEN 4:8	Mɛm̀mɛ kɛ̀ Kɑyɛ̃ɛ̃ nɑ́kɛ́ o nɑntɛ̀ Abɛɛdi kɛ dɔ̀: Tí kɔ̃tɛ́. Bɛ̀ kɔ̃tɛ́ dìì mɔ̀nnì kɛ̀ Kɑyɛ̃ɛ̃ pĩ́ nho nɑntɛ̀ Abɛɛdi kɛ́kuɔ.
91	GEN 4:11	Di mmɔ̀nnì n dɑ cɔ̃ɔ̃mu kɑ̀ɑ bo ítɛ́ kɛ́dɛ́tɛ́nɛ̀ kɛtenkɛ̀ kɛ̀ɛ̀ yɑ̃̀ ɑ nɑntɛ̀ kó mɛyĩ̀ĩ̀ nhɑ kùɔ tɛ̀.
97	GEN 4:17	Kɛ̀ Kɑyɛ̃ɛ̃ duɔ́nɛ̀ o pokù, kòo púó nkɛ́pɛitɛ́ Enɔki. Kòo mɑɑ́ dihɛì kɛ́ dì yu o birɛ yètìrì kɛ dɔ̀ Enɔki.
103	GEN 4:23	Kɛ̀ Demɛkii nɑ́kɛ́ o pobɛ̀ kɛ dɔ̀: Adɑ nɛ̀ Sidɑ, kéntɛ́nɛ̀ n kpɛti! Díndi Demɛki pobɛ̀ keènɛ̀ n tú mù! Onìtì n kɔ̀ùtɛ kɛ̀ nh ò kùɔ, odɑpɑ̀ɑ̀ nni mpotɛ́ kɛ̀ dɛ̀ mɑ̀tìnnɛ kɛ̀ nh ò kùɔ.
105	GEN 4:25	Kɛ̀ Adɑmmuu duɔ́nɛ̀ o pokù kòo púó nkɛ́pɛitɛ́ dɛnitidɑbirɛ, kòo dɛ̀ yu kɛ dɔ̀ Sɛti, dɛ̀ɛ̀ tu Kuyie nhò duɔ́ ndɛbirɛ kɛ̀ dɛ̀ còḿmú Abɛɛdi fɔ̃̀tìrì Kɑyɛ̃ɛ̃ do kùɔ wè.
109	GEN 5:3	Adɑmmu mɔ̀kɛ dìì mɔ̀nnì yɛbie ntɛkɔ̀ùtɛ̀ nɛ̀ sipísìtɑ̃ɑ̃ti (130) kɛ́pɛitɛ́ dɛnitidɑbirɛ kɛ̀ dɛ̀ nhò dònnɛ̀ sósó. Kòo dɛ̀ yu kɛ dɔ̀: Sɛti.
160	GEN 6:22	Kɛ̀ Nɔwee yie nkɛ́dɔɔ̀ Kuyie nhò nɑ̀kɛ́ tì timɔu.
165	GEN 7:5	Kɛ̀ Nɔwee yie nkɛ́dɔɔ̀ ti Yiɛ̀ nKuyie nhò nɑ̀kɛ́ tì timɔu.
219	GEN 9:13	Nh ɑ̃nnɛ́ kutɑ̃mmɛyɑ̃rí nku tiwɛtì kɛ̀ kù bo mbɛnkú mí nnɛ̀ díndi ti kó mɛtɑummɛ̀,
224	GEN 9:18	Nɔwee bí ì do yɛ̀nnímɛ̀ tɛdɑbɛɛcĩ́ɛ̃̀tɛ̀ iǹyi: Sɛmmu nɛ̀ Kɑmmu nɛ̀ Sɑfɛti. Kɑmmu weè nɑɑ́ nKɑnnɑhɑ̃ɑ̃ kɔbɛ kóo cicɛ.
228	GEN 9:22	Kɛ̀ Kɑmmu Kɑnnɑhɑ̃ɑ̃ kɔbɛ kóo cicɛɛ yɑ̀ o cicɛ Nɔwee fũ̀ɔ̃̀ feímɛ̀, kɛ́yɛ̀ kɛ́nɑ́kɛ́ o tebìí sidɛ́ ditowɑɑ̀.
231	GEN 9:25	kɛ́bɛ́i nkɛ dɔ̀: A bo yɑ̀ fɔ̃́ nKɑnnɑhɑ̃ɑ̃! A bo ntú ɑ tebìí miɛkɛ kudɑɑkù sɔnsɔnku,
232	GEN 9:26	Kòo yíɛ́ kɛ́bɛ́i nkɛ dɔ̀: Ti Yiɛ̀ nKuyie ńdɔɔ̀ mɛsɑ̀ɑ̀ nSɛmmu kɛ̀ Kɑnnɑhɑ̃ɑ̃ ńtú o kó kudɑɑkù.
233	GEN 9:27	Kuyie ńdɔɔ̀ mɛsɑ̀ɑ̀ nSɑfɛti nɛ̀ Sɛmmu kɛ̀ bɛ̀ ńwɛ̃ nkɛ bo, kɛ̀ Kɑnnɑhɑ̃ɑ̃ ńtú bɛ kó kudɑɑkù.
241	GEN 10:6	Kɑmmu kó ibí tú: Kuusi nɛ̀ Misidɑimmu nɛ̀ Puti nɛ̀ Kɑnnɑhɑ̃ɑ̃.
243	GEN 10:8	Kuusi weè do wɛ̃̀tɛ kɛ́pɛitɛ́ Nɛmmudoti wèè do nɑɑ́ nhokpɑ̀rì ketiwè kɛtenkɛ̀ ĩ́nkɛ̀.
245	GEN 10:10	Ntɛ yɛhɛkɛ̀ ketiyɛ̀ ò do bɑkɛ́ yɛ̀: Bɑbɛɛdi nɛ̀ Edɛsi nɛ̀ Akɑdi nɛ̀ Kɑdinɛɛ. Dɛ kó yɛhɛkɛ̀ do bo Sindeɑɑ miɛkɛ nkɛ.
246	GEN 10:11	Kɛ̀ Nɛmmudotii ítɛ́ dɛ kó dihɛì kɛ́kɔtɛ Asidii kɛ́mɑɑ́ Ninifu nɛ̀ Debotidii nɛ̀ Kɑdɑɑ.
247	GEN 10:12	Kɛ̀ Desɑ̃ɑ̃ ɛì dii ḿbo Ninifu nɛ̀ Kɑdɑɑ dihɛidiɛ̀ dɛ cuokɛ̀.
250	GEN 10:15	Kɛ̀ Kɑnnɑhɑ̃ɑ̃ pɛitɛ́ Sidonni o kóò Po nɛ̀ Ɛti.
251	GEN 10:16	Kɛ̀ Kɑnnɑhɑ̃ɑ̃ yɑɑ̀bí ntú: Yebusiibɛ nɛ̀ Amɔriibɛ nɛ̀ Kidikɑsiibɛ
253	GEN 10:18	nɛ̀ Adifɑdiibɛ nɛ̀ Semɑdiibɛ nɛ̀ Amɑtiibɛ. Dɛ kó difɔ̃nkúò kɛ̀ Kɑnnɑhɑ̃ɑ̃ kɔbɛɛ cíɛ́tɛ́,
255	GEN 10:20	Kɑmmu kó ibí nyi ìì do yɑ̀tɛ tinɑɑ̀mùntì, kɛ́kɑri yɛhɛkɛ̀ bɛ nɑ́ɑǹtì cɑ̃̀ɑ̃́ ncɑ̃́ɑ̃́mmɛ̀ nɛ̀ bɛ botí.
266	GEN 10:31	Kɛ̀ Sɛmmu kɔbɛ múnkɛɛ yɛ̀ kɛ́cɑ̃́nnɛ́ yɛhɛkɛ̀, yɛhɛkɛ̀ bɛ nɑ́ɑǹtì dò mmɛ̀ɛ̀ botí.
269	GEN 11:2	Kɛ̀ bɛ̀ɛ kɔtɛ diyiè yìɛ̀ní kɛ̀ɛ̀ bíɛ́kɛ̀ kɛ́yɑ̀ kubiriku mɑkù, dihɛì bɛ̀ tu dì Sindeɑɑ kɛ bo mɑɑ́,
271	GEN 11:4	Kɛ̀ tí mɑɑ́ dihɛì, kɛ́mɑɑ́ didènnì kɛ̀ dìi kɑ́ɑ́kɛ́ tiwɛtì, kɛ̀ ti yètìrìi feitɛ́, kɛ̀ ti bɑ́ɑ́ cíɛ́tɛ́ kɛtenkɛ̀ kɛmɔu.
275	GEN 11:8	Kɛ̀ ti Yiɛ̀ nKuyie mbɛ̀ cíɛ nkɛtenkɛ̀ kɛmɔu, bɑ́ bɛ̀ í mmɑɑ́ dɛ kó dihɛì.
297	GEN 11:30	Sɑrɑii do tú tɛhɑ̃ũntɛ ntɛ kɛ́nkpɑ dɛbirɛ.
298	GEN 11:31	Kɛ̀ Tedɑɑ túótɛ́ o kóo dɑpɑ̀ɑ̀ nhAbɑrɑmmu nɛ̀ o yɑɑ̀birɛ Dɔti Atɑ̃ɑ̃ birɛ nɛ̀ o cɔ̀kù Sɑrɑii o kóo dɑpɑ̀ɑ̀ nhAbɑrɑmmu pokù. Kɛ̀ bɛ̀ɛ ítɛ́ Uudi ɛì Bɑbidɔnni tenkɛ̀ kɛ́kɔtɛ Kɑnnɑhɑ̃ɑ̃ tenkɛ̀, kɛ́tuɔkɛ Anɑɑ ɛì kɛ́ nkɛ mbo.
303	GEN 12:4	Dɛ mɔ̀nnì kɛ sɔ̃́ nhAbɑrɑmmu mɔ̀kɛ yɛbie nsipísìyiekɛ̀ nɛ̀ yɛ̀nùmmù. Kɛ̀ ti Yiɛ̀ nKuyie nhò nɑ̀kɛ́ kɛ dɔ̀: Ítɛ́ Anɑɑ ɛì.
304	GEN 12:5	Kòo yie nkɛ́ítɛ́ kɛ́nnɛínɛ̀ o pokù Sɑrɑii nɛ̀ o nɑntɛ̀ birɛ Dɔti kɛ́ntɔ o kpɛrɛ dɛmɔu nɛ̀ o dɑɑtì ò do dontɛ́ tì Anɑɑ ɛì, kɛ́kétɛ́ kɛ́cuó nKɑnnɑhɑ̃ɑ̃ bíɛ́kɛ̀, kɛ́tuɔkɛ Kɑnnɑhɑ̃ɑ̃.
305	GEN 12:6	Mɛm̀mɛ kɛ̀ Abɑrɑmmuu pɛ̃ɛ̃tɛ́ Sisɛmmu ɛì kɛ́tuɔkɛ dibòrì mɑrì bɛ̀ tu dì Mɔdee mutie mɑmù borɛ̀. Dɛ kó dimɔ̀nnì Kɑnnɑhɑ̃ɑ̃ kɔbɛ bɛɛ̀ do dɛ̀ bo.
307	GEN 12:8	Ò dɛ nyìtɛ́ kɛ́kɔtɛ yɛtɑ̃rɛ̀ kó dihɛì Betɛɛdi diyiè yìɛ̀ní kɛ̀ɛ̀ bíɛ́kɛ̀, kɛ́kɑri Betɛɛdi nɛ̀ Aii dɛ cuokɛ̀ kɛ tó mɑɑ́ ti Yiɛ̀ nKuyie ndiwũɔ̃tɔ̀nnì tɛrì kɛ́bɑ́ntɛ̀ ti Yiɛ̀ nKuyie nkɛ́ kù yu kɛ dɔ̀ o Yiɛ̀.
309	GEN 12:10	Kɛ̀ dikònnì diɛrìi tɑnní dihɛì kɛ̀ Abɑrɑmmuu ítɛ́, kɛ́kɔtɛ Esibiti tenkɛ̀ kɛ́mbo kɛ dɔ̀ yɛmɔ̀rɛ̀ mɑyɛ̀.
310	GEN 12:11	Bɛ̀ tùɔ̀kɛ dìì mɔ̀nnì Esibiti kɛ́ntɑti dihɛì, kɛ̀ Abɑrɑmmuu nɑ́kɛ́ o pokù Sɑrɑii kɛ dɔ̀: N yɛ̃́mu ɑ túmɛ̀ oposɑ́ɑ́tì,
312	GEN 12:13	Á bɛ̀ nɑ̀kɛ́ kɛ dɔ̀ n tú ɑ tɑ̃ũ̀ nwe kɛ̀ bɛ̀ nni ndɔɔri mɛsɑ̀ɑ̀ nhɑ kpɛ́í, kɛ̀ nní nfòù.
314	GEN 12:15	Kɛ̀ Esibiti kóo kpɑ̀ɑ̀tì kó bɛtɔ̃mbɛ̀ɛ kɔtɛ kɛ́ nhò sɑ̃ntí okpɑ̀ɑ̀tì ììkɛ̀, kóò tùótɛ́ kɛ́kɔtɛnɛ̀ okpɑ̀ɑ̀tì cĩ́ɛ̃̀tɛ̀.
315	GEN 12:16	Nɛ̀ o kpɛ́í nkòo kpɑ̀ɑ̀tìi dɔ̀ɔ̀ mɛsɑ̀ɑ̀ nhAbɑrɑmmu kóò pɑ̃mmú ipe nɛ̀ sibɔɔ́ nɛ̀ inɑ̀ɑ̀kɛ nɛ̀ tidɑɑtì bɛnitipòbɛ̀ nɛ̀ bɛnitidɑɑbɛ̀ nɛ̀ sɑ̃mmɑrímúbɛ̀ nɛ̀ yòyóbɛ̀.
316	GEN 12:17	Kɛ̀ ti Yiɛ̀ nKuyie mpotɛ́ okpɑ̀ɑ̀tì nɛ̀ o cĩ́ɛ̃̀tɛ̀ kɔbɛ mɛdiɛ̀ nhAbɑrɑmmu pokù Sɑrɑii kpɛ́í.
318	GEN 12:19	Dɛ̀ dòmmɛ̀ kɑ̀ɑ n nɑ̀kɛ́ kɛ yɛ̃ nhɑ tɑ̃ũ̀ nwe kɛ̀ nh ò tùótɛ́ kɛ bo puokɛ? Nto ɑ pokù kɛ́pɛ̃ɛ̃tɛ́.
319	GEN 12:20	Kòo kpɑ̀ɑ̀tìi duɔ́ nkòo tɔ̃mbɛ̀ɛ bɛti Abɑrɑmmu nɛ̀ o kpɛrɛ dɛmɔu dihɛì.
326	GEN 13:7	Kɛ̀ Abɑrɑmmu kó bɛnɑɑcɛ̃mbɛ nɛ̀ Dɔti kɔbɛ kɛ̀ bɛ̀ɛ kpɑ. Kɑnnɑhɑ̃ɑ̃ kɔbɛ nɛ̀ Pedisiibɛ do dɛ mbo.
331	GEN 13:12	Kɛ̀ Abɑrɑmmu ḿbo Kɑnnɑhɑ̃ɑ̃ kó dihɛì, kɛ̀ Dɔti ḿbo kubiriku kó yɛhɛkɛ̀, kɛ cónnɛ́ tiyɑ̀ɑ̀tì kó titouti kɛ́tuɔkɛnɛ̀ Sodɔmmu.
335	GEN 13:16	M bo duɔ́ nkɑ̀ɑ yɑɑ̀bíi sṹṹ mmɛsɑ̀ɑ̀ mmubirímú kɔ̃mɛ. Wèè bo nɑ kɛ́kɑɑ mmubirímú, weè bo nɑ kɛ́kɑɑ nhɑ yɑɑ̀bí.
343	GEN 14:6	nɛ̀ Oriibɛ bɛ̀ɛ̀ bo Seii kó yɛtɑ̃rɛ̀ miɛkɛ, kɛ́ bɛ̀ bɛ̀ti kɛ́tuɔkɛnɛ̀ Edi-Pɑdɑnni kó dihɛì dìì tɔ̀kɛ́nɛ̀ tɛdɔntɛ̀,
352	GEN 14:15	Kɛ̀ Abɑrɑmmu bɛ̀ totí yɛtĩ̀rɛ̀ yɛtĩ̀rɛ̀ pɛ́u, kɛ̀ bɛ̀ɛ cɛ̃tìnnɛ bɛ dootitɔbɛ̀ kɛ́ bɛ̀ nɑ, kɛ́ bɛ̀ bɛ̀ti kɛ́tuɔkɛnɛ̀ Obɑɑ, dihɛì dìì bo Dɑmɑɑsi bɑkù yoú bíɛ́kɛ̀,
356	GEN 14:19	kɛ́mɔɔ Kuyie nkó mɛsɑ̀ɑ̀ nhAbɑrɑmmu kpɛ́í nkɛ dɔ̀: Kuyie nkùù bɑkɛ́ kɛĩ́nkɛ̀ nɛ̀ kɛtenkɛ̀ kù dɑ dɔɔ̀ mɛsɑ̀ɑ̀.
360	GEN 14:23	kɛ pɑ̀rìkɛ̀ kɛ tú n yí yóó túótɛ́ ɑ kpɛrɛ mɑrɛ̀ bɑ́ fɛpɑ̀ɑ̀konyĩɛ̃̀fɛ̀ yoo kunɛùkù kó kuhɔ̃ũ, ɑ yɑ̀ɑ̀ bo yĩ́ fɔ̃́ɔ̃̀ te mí nhAbɑrɑmmu kɛ̀ n nɑɑ́ nhokpɑ̀ɑ̀tì.
363	GEN 15:2	Kɛ̀ Abɑrɑmmu dɔ̀: Ti Yiɛ̀ nKuyie nhɑ bo n duɔ́ mbɑ? N yí mɔkɛ dɛbirɛ, kɛ̀ n kóo tɔ̃ntì Ediesɛɛ Dɑmɑɑsi ɛì kou, wèè bo n cĩ́ɛ̃̀tɛ̀, weè yóó túótɛ́ n kpɛrɛ.
365	GEN 15:4	Kɛ̀ ti Yiɛ̀ nKuyie nhò tɛ̃̀ńnɛ́ kɛ dɔ̀: Weè í yóó túótɛ́ ɑ kpɛrɛ. A yóó pɛitɛ́ dɛ̀ɛ̀ birɛ dɛɛ̀ yóó dɛ̀ tùótɛ́.
370	GEN 15:9	Kɛ̀ ti Yiɛ̀ nKuyie nhò nɑ̀kɛ́ kɛ dɔ̀: Wɑɑnní dinɑɑsɛrì nɛ̀ dibɔsɛrì nɛ̀ dipedɑɑ̀, dɛ̀ɛ̀ mɔ̀kɛ yɛbie nyɛ̀tɑ̃ɑ̃ti nɛ̀ tɛnɔ́nkpetɛ nɛ̀ dikpɛtìnɔ́nkperi.
373	GEN 15:12	Diyiè tɑti dìì mɔ̀nnì kɛ̀ inuɔ mpĩ́ nhAbɑrɑmmu kòo duɔ́ mɛdiɛ̀, kɛ̀ dibiìnnì diɛrì mɑrìi ò sɔ̃̀ńtɛ́, kɛ̀ kufɔ̃wɑɑ́ nhò pĩ mmɛdiɛ̀.
374	GEN 15:13	Kɛ̀ ti Yiɛ̀ nKuyie nhò nɑ̀kɛ́ kɛ dɔ̀: A nyɛ̃́ kɛ tú ɑ yɑɑ̀bí bo kɔtɛ dihɛì mɑrì dìì í tú i kpɛri, kɛ́ nkɛ̀ bo kɛ dɔ̀ yɛbie nsikɔusìnɑ̀ɑ̀ (400), kɛ tú tidɑɑtì kɛ̀ bɛ̀ ì fɛ̃́ũnko.
376	GEN 15:15	Fɔ̃́ nhɑ yó mbonɛ̀ diwɛ̀ì ndi kɛ yɑ̀ɑ kótɛ́ kɛ́kú, kɛ̀ bɛ̀ dɑ kũnnɛ́ ɑ yɛmbɛ̀ borɛ̀.
378	GEN 15:17	Diyiè tɑ dìì mɔ̀nnì kɛ̀ dɛ̀ɛ biitɛ sɑ̃̀ṹ, kɛ̀ Kuyie nkɔtɛní kɛ́ndò mmuhɑ̃ɑ̃́ nnɛ̀ kuyukú nɛ̀ fɛhɑ̃ɑ̃dɛɛ̀nfɛ̀, kɛ pɛ̃nkù iwũɔ̃ bɛ̀ kèkɛ́ ì sɑ̀ku.
382	GEN 15:21	nɛ̀ Amɔriibɛ nɛ̀ Kɑnnɑhɑ̃ɑ̃ kɔbɛ nɛ̀ Kidikɑsiibɛ nɛ̀ Yebusiibɛ, bɛɛ̀ te dɛ kó kɛtenkɛ̀.
385	GEN 16:3	Kɛ̀ Sɑrɑii túótɛ́ o kó kudɑɑkù Esibiti tenkɛ̀ kɔku Akɑɑ kɛ́puó nho dɔù Abɑrɑmmu. Dɛ̀ do sɔ̃́ nhò mɔ̀kɛ yɛbie ntɛpíítɛ̀ ntɛ Kɑnnɑhɑ̃ɑ̃ miɛkɛ.
388	GEN 16:6	Kɛ̀ Abɑrɑmmuu nɑ́kɛ́ Sɑrɑii kɛ dɔ̀: A kó kudɑɑkù nku, kɛ̀ fɔ̃́ɔ̃̀ kù te, dɔɔ̀ ku ɑ dɔ́mɛ̀. Mɛm̀mɛ kɛ̀ Sɑrɑii fɛ̃́ũ nhAkɑɑ mmɛdiɛ̀, kòo cokɛ́ kɛ́tɑ dikpɑ́ɑ̀ cuokɛ̀.
391	GEN 16:9	Kɛ̀ ti Yiɛ̀ nKuyie ntɔ̃nnìi ò nɑ̀kɛ́ kɛ dɔ̀: Wɛ̃tɛ o borɛ̀ kɛ́nyíé nhò yɛ̃ mmù.
398	GEN 16:16	Akɑɑ do yóó pɛitɛ́ Abɑrɑmmu dɛbirɛ kɛ sɔ̃́ nhò mɔ̀kɛ yɛbie nsipísìni nɛ̀ yɛkuɔ̀ ndi.
399	GEN 17:1	Abɑrɑmmu mɔ̀kɛ dìì mɔ̀nnì yɛbie nsipísìwɛi nɛ̀ yɛ̀wɛi, kɛ̀ ti Yiɛ̀ nKuyie nhò bɛnkɛ kumɑ́ɑ̀, kóò nɑ̀kɛ́ kɛ dɔ̀: Míì tu Kuyie mmuwɛ̃rímú mumɔu yiɛ̀. A ndɔɔri n dɔ́mɛ̀ sɑ̃́ɑ̃̀.
401	GEN 17:3	Kɛ̀ Abɑrɑmmuu nínkú kɛ́sĩ́nnɛ́ kɛtenkɛ̀, kɛ̀ Kuyie nhò nɑ̀kɛ́ kɛ dɔ̀:
403	GEN 17:5	A yètìrì tɛ̃́nkɛ í yó ntú Abɑrɑmmu, bɛ̀ yó ndɑ yu kɛ tú Abɑrɑhɑmmu nwe, kɛ yɛ̃́ fɔ̃́ɔ̃̀ yóó nɑɑ́mmɛ̀ ibotí pɛ́u cicɛ.
406	GEN 17:8	Fɔ̃́ nnɛ̀ ɑ yɑɑ̀bí m bo di duɔ́ nkɛtenkɛ̀ ɑ mɛ̀ mbo kɛ̀ kupɔ̀ɔ̀kù, di bo tiekɛ Kɑnnɑhɑ̃ɑ̃ omɔu sɑ̃́ɑ̃̀, mí nKuyie nkɛ̀ nní ndi te.
407	GEN 17:9	Kɛ̀ Kuyie nyíɛ́ kɛ́nɑ́kɛ́ Abɑrɑhɑmmu kɛ dɔ̀: Fɔ̃́ nnɛ̀ ɑ yɑɑ̀bí nɛ̀ di bo mbomɛ̀, di mpĩ́ n kó mɛtɑummɛ̀.
410	GEN 17:12	kɛ́ncɑ̃mmù nɛ̀ tidɑɑtì bɛ̀ piɛ́ tì di cɛ̃́ĩ nɛ̀ di do ntì, nɛ̀ bɛpɔ̀ɔ̀bɛ̀ bɛ̀ɛ̀ di bonɛ̀. Kɛ̀ di níí pɛitɛ́ dɛnitidɑbirɛ, dɛ̀ mmɔkɛ yɛwe yɛ̀ni kɛ dí dɛ̀ cɑ̃ntɛ́. Di yó mmɛ nhɔ̃ nkɛ̀ dɛ̀ ntú ti kó mɛtɑummɛ̀ kó mɛcɑnnimɛ̀ mí nnɛ̀ díndi sɑ̃́ɑ̃̀.
413	GEN 17:15	Kɛ̀ Kuyie nnɑ́kɛ́ Abɑrɑhɑmmu kɛ dɔ̀: A tɛ̃́nkɛ bɑ́ nyu ɑ pokù kɛ tú Sɑrɑii, o yètìrì yó ntú Sɑrɑɑ nwe.
415	GEN 17:17	Kɛ̀ Abɑrɑhɑmmuu nínkú kɛ́sĩ́nnɛ́ kɛtenkɛ̀, kɛ́dɑɑ́, kɛ́bɛ́i nnɛ̀ o yɛ̀mmɛ̀ miɛkɛ kɛ dɔ̀: M bo yĩ́mɛ kɛ́pɛitɛ́ dɛbirɛ mí nwèè mɔ̀kɛ yɛbie ntɛkɔ̀ùtɛ̀ (100), kɛ̀ Sɑrɑɑ mɔ̀kɛ yɛbie n sipísìwɛi, ò bo yĩ́mɛ kɛ́pɛitɛ́?
416	GEN 17:18	Kɛ̀ Abɑrɑhɑmmuu nɑ́kɛ́ Kuyie nkɛ dɔ̀: Kɛ̀ Isimɑyɛɛri cɛ̃́nkɛ fòù, kɑ̀ɑ ò dɔ̀ɔ̀ mɛsɑ̀ɑ̀, m bɑ́ɑ́ bekɛ òmɔù tɛ̃́nkɛ!