4	GEN 1:4	Kɛ̀ kùu pɛ́nsìrì kuwenniku kɛ́ kù cɑ̃̀ńnɛ́ nɛ̀ dibiìnnì,
5	GEN 1:5	kɛ́yú kuwenniku kɛ dɔ̀ kuyie, nkɛ́yú dibiìnnì kɛ dɔ̀ kɛyènkɛ̀. Kɛ̀ kuyuokuu buotɛ́ kɛ̀ dikṹnweńnìi buotɛ́. Diyiè ketirì ndi.
8	GEN 1:8	Kɛ̀ kùu yú kɛĩ́nkɛ̀ kɛ dɔ̀ tiwɛtì. Kɛ̀ kuyuokuu buotɛ́ kɛ̀ dikṹnweńnìi buotɛ́. Diyiè dɛ́rì ndi.
13	GEN 1:13	Kɛ̀ kuyuokuu buotɛ́ kɛ̀ dikṹnweńnìi buotɛ́. Diyiè tɑ̃ɑ̃́nnì ndi.
19	GEN 1:19	Kɛ̀ kuyuokuu buotɛ́ kɛ̀ dikṹnweńnìi buotɛ́. Diyiè nɑɑnnì ndi.
23	GEN 1:23	Kɛ̀ kuyuokuu buotɛ́ kɛ̀ dikṹnweńnìi buotɛ́. Diyiè nummurì ndi.
31	GEN 1:31	Kɛ̀ kùu yɑ̀ kù dɔ̀ɔ̀ dɛ̀ dɛmɔu kɛ́ dɛ̀ pɛ́nsìrì. Kɛ̀ kuyuokuu buotɛ́, kɛ̀ dikṹnweńnìi buotɛ́. Diyiè kuɔ́nnì ndi.
34	GEN 2:3	Kù dì pɑ̃mu mɛsɑ̀ɑ̀ nkɛ dì cɑ̃̀ńnɛ́ kɛ̀ dì tu ku kpɛri, kɛ yɛ̃́ kù dèèmɛ̀ ku tɔ̃mmú mumɔu kɛ òmpɛ̀ diì yiè.
58	GEN 3:2	Kòo nitipòkùu fɛ̀ tɛ̃̀ńnɛ́ kɛ dɔ̀: Ti yommu kupúú kó yɛtebɛ.
66	GEN 3:10	Kòo kù tɛ̃̀ńnɛ́ kɛ dɔ̀: N kèè ɑ tɑmmɛ̀ mmɛ kupúú miɛkɛ kɛ̀ kufɔ̃wɑɑ́ nni mpĩ nkɛ̀ n sɔ̀ri, kɛ yɛ̃́ m bomɛ̀ difɔ̃̀kperì.
77	GEN 3:21	Kɛ̀ ti Yiɛ̀ nKuyie ńnukú tikɔ̃̀ntì kɛ́ bɛ̀ dɑ̀tínnɛ́,
130	GEN 5:24	Ò do tɑunɛ̀ Kuyie nku, kɛ̀ kùu ò tùótɛ́ kɛ́kònnɛ̀ ku ciɛ kɛ̀ bɛ̀ɛ ò mɔ̀ńtóo.
152	GEN 6:14	Á dɔɔ̀ tɛdɑbɛɛcĩ́ɛ̃̀tɛ̀ nɛ̀ idɛí ìì kpeńnì, kɛ́cíékɛ́ tidieti kɛ̀ tì nsũ, kɛ́wɑɑ́ mmumɔ̀mmu kɛ́fiɛtí mɛfíè ntɛ miɛkɛ nɛ̀ tɛ ĩ́nkɛ̀.
177	GEN 7:17	Kɛ̀ fɛtɑɑfɛ̀ nniu kɛ dɔ̀ yɛwe sipísìnɑ̀ɑ̀, kɛ̀ mɛniɛ nsṹũnko kɛ̀ tɛdɑbɛɛcĩ́ɛ̃̀tɛ̀ nɔ̀ńkɛ́ mɛ ĩ́nkɛ̀.
232	GEN 9:26	Kòo yíɛ́ kɛ́bɛ́i nkɛ dɔ̀: Ti Yiɛ̀ nKuyie ńdɔɔ̀ mɛsɑ̀ɑ̀ nSɛmmu kɛ̀ Kɑnnɑhɑ̃ɑ̃ ńtú o kó kudɑɑkù.
233	GEN 9:27	Kuyie ńdɔɔ̀ mɛsɑ̀ɑ̀ nSɑfɛti nɛ̀ Sɛmmu kɛ̀ bɛ̀ ńwɛ̃ nkɛ bo, kɛ̀ Kɑnnɑhɑ̃ɑ̃ ńtú bɛ kó kudɑɑkù.
267	GEN 10:32	Nɔwee bí kó iwuɔ nyi mɛmmɛ, bɛ̀ ì cɑ̃̀ńnɛ́mɛ̀ ibotí ibotí. Mɛniɛ ndo kùɔ bɛnìtìbɛ̀ kɛ́deè kɛ̀ bɛɛ̀ piɛ́ ibotí imɔu ìì bo kutenkù miɛkɛ.
270	GEN 11:3	kɛ́nɑ́kɛ́ bɛtɔbɛ̀ kɛ dɔ̀: Ítɛ́nɛ̀ kɛ̀ ti pííkú yɛdombiɛ, kɛ́ yɛ̀ pũ̀ńnɛ́ kɛ̀ yɛ̀ɛ kpenkɛ kɛ́ndò nyɛtɑ̃́rɛ̀, kɛ̀ tí wɑɑ́ nkùtìnɔ́ɔ̀ kɛ́nsĩɛ̃kù.
308	GEN 12:9	Kɛ̀ Abɑrɑmmu ńkɑ̀tì kɛ sɔɔti kɛ wetí Nɛkɛbu tempɛ̃ mbíɛ́kɛ̀.
328	GEN 13:9	Á wéntɛ́ kɛ́dɛitɛ ɑ dɔ́ kùù píkù kɛ̀ tí yɑtɛ. Kɑ̀ɑ kɔ̀tɛ kubɑkù yoú n kɔtɛ kucɑ̃̀nku. Kɑ̀ɑ mɛ nkɔ̀tɛ kucɑ̃̀nku ń kɔtɛ kuyoú.
342	GEN 14:5	Yɛbie ntɛpíítɛ̀ nɛ̀ dinɑɑnnì miɛkɛ kɛ̀ Kedɔɔdɑomɛɛ nɛ̀ bɛkpɑ̀ɑ̀tìbɛ̀ bɛ̀ɛ̀ ò wɛ̃ńnɛ̀ kɛ̀ bɛ̀ɛ ítɛ́ kɛ́pɔntɛ Defɑiibɛ bɛ̀ɛ̀ bo Asitɑdoti-Kɑnnɑimmu ɛì, nɛ̀ Susiibɛ bɛ̀ɛ̀ bo Ammu ɛì nɛ̀ Emiibɛ bɛ̀ɛ̀ bo Kidiyɑtɑimmu ɛì
350	GEN 14:13	Kòò mɔùu cokɛ́ kɛ́kɔtɛ kɛ́nɑ́kɛ́ Abɑrɑmmu, Ebedeebɛ botí kou, ò borɛ̀ Amɔriibɛ botí kou Mɑmmudee kó dɛtie mborɛ̀. Mɑmmudee tebìí do tú Ɛsikɔɔdi nɛ̀ Anɛɛ. Bɛtɑ̃ɑ̃ti mɛmmɛ bɛ̀ do wɛ̃ńnɛ̀ Abɑrɑmmu nwe didootitĩ̀nnì.
354	GEN 14:17	Abɑrɑmmu nɑ dìì mɔ̀nnì okpɑ̀ɑ̀tì Kedɔɔdɑomɛɛ nɛ̀ bɛkpɑ̀ɑ̀tìbɛ̀ bɛ̀ɛ̀ ò wɛ̃ńnɛ́ kɛ́nkũnti, kɛ̀ Sodɔmmu kóo kpɑ̀ɑ̀tìi yɛ̀nní kóò co Sɑfee kó kubiriku miɛkɛ, bɛ̀ tu kù okpɑ̀ɑ̀tì biriku.
359	GEN 14:22	Kɛ̀ Abɑrɑmmuu ò tɛ̃̀ńnɛ́ kɛ dɔ̀: N youtɛ n nɔ̀ùtɛ̀ ntɛ, ti Yiɛ̀ nKuyie nkùù bɑkɛ́ kɛĩ́nkɛ̀ nɛ̀ kɛtenkɛ̀ ku ììkɛ̀,
365	GEN 15:4	Kɛ̀ ti Yiɛ̀ nKuyie nhò tɛ̃̀ńnɛ́ kɛ dɔ̀: Weè í yóó túótɛ́ ɑ kpɛrɛ. A yóó pɛitɛ́ dɛ̀ɛ̀ birɛ dɛɛ̀ yóó dɛ̀ tùótɛ́.
373	GEN 15:12	Diyiè tɑti dìì mɔ̀nnì kɛ̀ inuɔ mpĩ́ nhAbɑrɑmmu kòo duɔ́ mɛdiɛ̀, kɛ̀ dibiìnnì diɛrì mɑrìi ò sɔ̃̀ńtɛ́, kɛ̀ kufɔ̃wɑɑ́ nhò pĩ mmɛdiɛ̀.
431	GEN 18:6	Kɛ̀ Abɑrɑhɑmmuu cokɛ́ mɛcɑ̃ɑ̃ nkɛ́tɑroo kutouku Sɑrɑɑ borɛ̀, kóò nɑ̀kɛ́ kɛ dɔ̀: Wɑɑ́ mmuyuo mmù yó nsɑ̀nnɛ̀mɛ̀ kɛ́ɑ̃ntɛ kɛ́dɔɔ̀ tipɛ̃́mpɛ̃ńtì tìtɑ̃ɑ̃ti mɛcɑ̃ɑ̃.
433	GEN 18:8	Imɑɑ mbi dìì mɔ̀nnì kòo ì tùótɛ́ kɛ́wɑɑ́ mmɛnɑɑmiɛ̀ mmɛ̀ɛ̀ kɑ̃ntɛ́ nɛ̀ mɛ̀ɛ̀ ũmmú bɑ̀mbɑ̀ nkɛ́ bɛ̀ ĩ̀ńnɛ́, kɛ̀ bɛ̀ nyo nkòò còḿmú bɛ tɑkɛ́, kɛ dírí mutie.
443	GEN 18:18	O kó kubotí yóó dɛukɛ mɛdiɛ̀ mmɛ kɛ́nkpeńnì. Weè yó nte kɛ̀ ibotí imɔuu pɛ́tɛ́ mɛsɑ̀ɑ̀.
444	GEN 18:19	N we ntɑ̃ɑ̃tɛ́ kɛ bo duɔ́ nkòo bí nɛ̀ o yɑɑ̀bí kɛ̀ bɛ̀ nyíé n kuɔ́, kɛ̀ i borimɛ ńwenni kɛ̀ ì dɔ̀ɔ̀ri n dɔ́mɛ̀, kɛ̀ dɛ̀ɛ yie nkɛ̀ nh ò dɔ̀ɔ̀ mɛsɑ̀ɑ̀ n yɛ̃ n yóó ò dɔ̀ɔ̀ mɛ̀.
485	GEN 19:27	Kɛ̀ dɛ̀ɛ wentɛ́ kɛ̀ Abɑrɑhɑmmuu yɛ̀ dikṹnweńnì sɛ̀ì, kɛ́kɔtɛ ti Yiɛ̀ nKuyie nwee ò nɑ̀ɑ́nnɛ̀ dɛ̀,
494	GEN 19:36	Mɛm̀mɛ Dɔti pòńnɛ́mɛ̀ o sɑpɑ̀mbɛ̀ bɛdɛ́.
503	GEN 20:7	Tɛ̃́nnɛ́ dɛ kóo nitipòkù o dɔù. Ò dɔù tu m pɑ̃ɑ̃nɑ́ɑǹtì nɑ́ɑǹtò nwe. Ò bo m bɑ́ntɛ̀ ɑ kpɛ́í kɑ̀ɑ nfòù. Kɑ̀ɑ mɛ nyí ò tɛ̃̀ńnɛ́, ɑ́ nyɛ̃́ kɛ tú ɑ yóó kúmu nɛ̀ ɑ kɔbɛ bɛmɔu.
504	GEN 20:8	Kɛ̀ Abimɛdɛkii entɛ dikṹnweńnì sɛ̀ì, kɛ́yú o kó bɛtũ̀mbɛ̀, kɛ́ bɛ̀ nɑ̀kɛ́ dɛ̀ɛ̀ dɔ̀ɔ̀, kɛ̀ kufɔ̃wɑɑ́ mbɛ̀ pĩ.
510	GEN 20:14	Kɛ̀ Abimɛdɛkii túótɛ́ ipe nɛ̀ sibɔɔ́ nɛ̀ inɑ̀ɑ̀kɛ nɛ̀ tidɑɑtì, bɛnitidɑɑbɛ̀ nɛ̀ bɛnitipòbɛ̀, kɛ́duɔ́ nhAbɑrɑhɑmmu, kóò tɛ̃̀ńnɛ́ o pokù Sɑrɑɑ.
528	GEN 21:14	Dikṹnweńnì sɛ̀ì kɛ̀ Abɑrɑhɑmmuu túótɛ́ pɛ̃́ɛ̃̀ kɛ́cũɔ̃́ mɛniɛ nkudɔukù miɛkɛ, kɛ́duɔ́ nhAkɑɑ, kóò duɔ́ nho birɛ, kóò bɛ̀ti, kòo kɔtɛ kɛ́nhɑ̀rì dikpɑ́ɑ̀ cuokɛ̀ bɛ̀ tu dì Bɛɛrisebɑɑ.
530	GEN 21:16	kɛ́kɔtɛ kɛ́nkɑri mɛdɛ́timɛ̀ kɛ̀ dɛ̀ mɑ̀nnɛ̀ ɑ bo tɑ̃ũmɛ̀ kupie, kɛ kuɔ̀ nkɛ tú: N yí dɔ́ ń yɑ̀ m birɛ kɔ̃ ndɛ̀!
543	GEN 21:29	Kɛ̀ Abimɛdɛki dɔ̀: Bɑ nkpɛ́í nte kɑ̀ɑ cɑ̃̀ńnɛ́ yɛpesɛrɛ̀ yɛ̀yiekɛ̀?
551	GEN 22:3	Kɛ̀ dɛ̀ɛ wentɛ́, dikṹnweńnì sɛ̀ì, kɛ̀ Abɑrɑhɑmmuu ítɛ́ kɛ́yɑrí idɛí, kɛ́ɑ̃nnɛ́ sɑ̃mmɑrímú tinɛntì, kɛ́túótɛ́ o tɔ̃mbɛ̀ bɛ̀dɛ́bɛ̀ nɛ̀ o birɛ Isɑki, kɛ̀ bɛ̀ɛ kétɛ́ kɛ́nkɔri Kuyie nhò bɛnkɛ dɛ̀.
577	GEN 23:5	Kɛ̀ Ɛti kó ibíi Itiibɛɛ ò tɛ̃̀ńnɛ́ kɛ dɔ̀:
632	GEN 24:40	Kòò n tɛ̃̀ńnɛ́ kɛ tú o Yiɛ̀ nKuyie nhò tũ nkù yó n niitɛ́mu kɛ̀ m pɛ́tɛ́ onitipòkù o kɔbɛ cuokɛ̀, o cicɛ cĩ́ɛ̃̀tɛ̀ miɛkɛ, kɛ́kònnɛ̀nko kɛ́puó nhò kóò dɑpɑ̀ɑ̀.
639	GEN 24:47	Kɛ̀ nh ò bekɛ kɛ yĩ: We nkóo sɑpɑ̀ɑ̀ ndɑ tú? Kòò yɛ̃ nNɑɔɔ nɛ̀ Midikɑɑ bɛ birɛ Betuyɛɛdi kóo sɑpɑ̀ɑ̀ nhò tu, kɛ̀ n tɔ̃nnɛ́ o ɔ̃nnì mumɑ́mɑ́ɑ́ koò ũ̀ńnɛ́ sinɛí.
640	GEN 24:48	Dɛ mɔ̀nnì ndi n nìńkúmɛ̀ kɛ dɔunnɛ̀ mutɔ̃mmú ti Yiɛ̀ nKuyie nhAbɑrɑhɑmmu tũ nkù, kù n niitɛ́mɛ̀ weti weti kɛ̀ m bo túótɛ́ o tebitɛ kóo sɑpɑ̀ɑ̀ nkɛ́puó nho birɛ.
646	GEN 24:54	Kɛ̀ bɛ̀ɛ di kɛ́yɑ̃̀, wenwe nɛ̀ bɛ̀ɛ ò cíe, kɛ́deè kɛ́yié. Kɛ̀ dɛ̀ɛ wentɛ́ dikṹnweńnì kòò dɔ̀: Yóunɛ̀ kɛ̀ n kò n yiɛ̀ mborɛ̀.
682	GEN 25:23	Kɛ̀ kù dɔ̀: A púó nyibotí ìdɛ́ì nyi, kɛ̀ ì bo yɛ̀nní kɛ́ncɑ̃́ɑ̃́, kɛ̀ kùmɑkù nkpeńnìnɛ̀ kutɛkù. Osɑ́m̀pɔ́ù bo mbɑkɛ́ okótì.
691	GEN 25:32	Kɛ̀ Esɑyuu dɔ̀: Dikònnì yó n kuɔ kɛ̀ Mpo ɔ̃ nte dɛ̀ ń dɔɔ̀ bɑ?
724	GEN 26:31	kɛ́ítɛ́ dikṹnweńnì sɛ̀ì kɛ cɑnnɛnɛ̀ bɛtɔbɛ̀ yɛnɔ̀ kɛ dɔ̀, bɛ̀ bɑ́ɑ́ dɔɔ̀ bɛtɔbɛ̀ mɛyɛi, kɛ̀ bɛ̀ɛ cɑu nyIsɑki kɛ́kònnɛ̀ diwɛ̀ì.
745	GEN 27:17	kóò duɔ́ mmudiì ò bèńnɛ́ mù nɛ̀ pɛ̃́ɛ̃̀.
792	GEN 28:18	Kɛ̀ Sɑkɔbuu ítɛ́ dikṹnweńnì sɛ̀ì kɛ́túótɛ́ ditɑ̃́rì ò do cekɛ́ dì o yuu kɛ́fíí, nkɛ́cóú mmɛkùɔ̀ ndi ĩ́nkɛ̀ kɛ bo ndenniní,
837	GEN 30:6	Kɛ̀ Dɑsɛɛdi dɔ̀: Kuyie nni ǹ kòńnɛ́, kɛ kèè n sɑ́útìi, kɛ m pɑ̃ dɛnitidɑbirɛ. Kɛ yu dɛ kó dɛbirɛ kɛ dɔ̀ Dɑnni.
872	GEN 30:41	Iwũɔ̃ ìì kpeńnì kɛ̀ ì dɔ́ kɛ́dekɛ dìì mɔ̀nnì wèe mɛ́ú ndɛ kó idɛí ì yɔ̃̀ ndɛ̀ kɛ̀ ì ndekù kɛ ì wùó.
889	GEN 31:15	Ò ti wèńtɛ́ bɛpɔ̀ɔ̀bɛ̀ mbɛ, kɛ tì fìtɛ́ kɛ di ti díítí, bɑ́ wè í ti duɔ́ nwe do dò nkɛ́ ti duɔ́ nyì.
899	GEN 31:25	Wè ò nìntɛ mɛmmɛ kɛ sɔ̃́ nSɑkɔbu còńnɛ́ o touku Kɑdɑɑdi tɑ̃rì ĩ́nkɛ̀, kɛ̀ Dɑmɑɑ múnkɛɛ cónnɛ́ o kɔku,
917	GEN 31:43	Dɛ mɔ̀nnì kɛ̀ Dɑmɑɑ ò tɛ̃̀ńnɛ́ kɛ dɔ̀: N kó bɛsɑpɑ̀mbɛ̀ tu biɛ, bɛ bí tú n kpɛyi nyi, kɛ̀ iwũɔ̃ ii ntú n kpɛyi, dɛmɔu ɑ mɛ̀ nwùó ndɛ̀ tu n kpɛrɛ ndɛ. M mɛ nyí yóó nɑ kɛ́dɔɔ̀nɛ̀ mùmɑmù n kó bɛsɑpɑ̀mbɛ̀ nɛ̀ bɛ bí.
929	GEN 32:1	Kɛ̀ dɛ̀ɛ wentɛ́ dikṹnweńnì, kɛ̀ Dɑmɑɑ ɔrí o kó bɛsɑpɑ̀mbɛ̀ nɛ̀ bɛ bí, kɛ́ ì pɑ̃ mɛsɑ̀ɑ̀ nkɛ́kò.
970	GEN 33:9	Kɛ̀ Esɑyuu dɔ̀: M mɔkɛ kɛ̀ dɛ̀ sũmu n nɑntɛ̀, ńte ɑ kpɛrɛ.
982	GEN 34:1	Diyiè mɑrì kɛ̀ Dinɑ, Deɑ kóo sɑpɑ̀ɑ̀ ńyɛ̀ kɛ bo dɔu ndihɛì kó bɛsɑpɑ̀mbɛ̀.
997	GEN 34:16	Dɛ mɔ̀nnì ndi ti bo di duɔ́mmɛ̀ ti kó bɛsɑpɑ̀mbɛ̀, kɛ́túókɛ́ di kɔbɛ, kɛ̀ ti ńwɛ̃ nkɛ bo, kɛ́nɑɑ́ nkubotí kumɑ́ɑ̀.
1002	GEN 34:21	Bɛnìtìbɛ̀ biɛ ntu diwɛ̀ì kɔbɛ mbɛ, yóunɛ̀ kɛ̀ bɛ̀ mbo ti ɛì, kɛ dɔɔri kupotɑɑ́, dihɛì í kɛ̃ńnì, kɛ̀ ti ḿpuokú bɛ kó bɛsɑpɑ̀mbɛ̀, kɛ̀ bɛ̀ puokú ti kɔbɛ.
1023	GEN 35:11	Kɛ̀ kùu ò nɑ̀kɛ́ kɛ dɔ̀: Míì tu Kuyie nkɛ kpeńnì. A bo piɛ́ kɑ̀ɑ botíi sṹṹ nkɑ̀ɑ nɑɑ́ nyibotí pɛ́u cicɛ, kɛ̀ bɛkpɑ̀ɑ̀tìbɛ̀ɛ yɛ̀nní i miɛkɛ.
1093	GEN 37:9	Kòo yíɛ́ duɔ́ tidɔuǹtì tɛtì, kɛ́ bɛ̀ nɑ̀kɛ́ kɛ dɔ̀: N yɑ̀ tidɔuǹtì tɛtì nti. Diyiè nɛ̀ otɑ̃̀nkù nɛ̀ siwɑ̃̀ɑ̃ tɛpíítɛ̀ nɛ̀ tɛmɑ́ɑ̀ kɛ̀ dɛ̀ nìńkú n yììkɛ̀.
1119	GEN 37:35	Kòo kó bɛdɑpɑ̀mbɛ̀ nɛ̀ o kó bɛsɑpɑ̀mbɛ̀ kɛ̀ bɛ̀ɛ ò bɑ̀ḿmú kòo yetɛ kɛ dɔ̀: N yó n kuɔ̀mmu m birɛ kɛ yɑ̀ɑ dɛ̀ sɔ̃̀ńtɛ́nko kudɔnkù, kɛ́nkuɔ̀.
1143	GEN 38:23	Kɛ̀ Sudɑɑ dɔ̀: Wèe kɔtɛnɛ̀ tinɛntì, ti bɑ́ɑ́ yóu kɛ̀ bɛ̀ ti dɑɑ́, n dɑ duɔ́mmu tɛbuɔtɛ̀ kɑ̀ɑ kɔ̀tɛ koò mɔ̀ńtɛ́.
1145	GEN 38:25	Kɛ̀ bɛ̀ɛ ò dènnɛnní, kòo tɔ̃ nkɛ̀ bɛ̀ɛ nɑ́kɛ́ o cɔ̀kù Sudɑɑ kɛ dɔ̀: N dɑ bɑ́ɑ́mmu, bɑntɛ́ wèè te mɛcɑnnimɛ̀ miɛ nnɛ̀ kuhɔ̃ũ nɛ̀ ku mpɑ̀ɑ̀ti, weè m̀ pòńnɛ́.
1148	GEN 38:28	Kɛ̀ dɛketirɛ̀ɛ dennɛní dɛ bɑkù, wèè pɛinko kòo dɛ̀ ũ̀ńnɛ́ mupɑ̀ɑ̀konwũɔ̃́ nkɛ dɔ̀: Diɛ ndɛɛ̀ tu dɛketirɛ̀.
1150	GEN 38:30	Dɛ kó difɔ̃nkúò kɛ̀ bɛ̀ do ũ̀ńnɛ́ dɛ̀ mupɑ̀ɑ̀konwũɔ̃́ nkɛ̀ dɛ̀ɛ yɛ̀nní, kɛ̀ bɛ̀ɛ dɛ̀ yu kɛ dɔ̀ Sedɑɑ.
1253	GEN 41:57	Kɛ̀ yɛhɛkɛ̀ yɛmɔu kɔbɛ ńkɔrìní Esibiti Sosɛfu borɛ̀ kɛ do ntidiitì, kɛ yɛ̃́ dikònnì do tɑmɛ̀ titentì timɔu ndi.
1278	GEN 42:25	Kɛ̀ Sosɛfu dɔ̀: Bɛ̀ɛ píɛ ntidiitì bɛ yɔ̀tì, kɛ́wɛ̃tɛ kɛ́ bɛ̀ tɛ̃̀ńnɛ́ bɛ díítí bɛ yɔ̀tì miɛkɛ, kɛ́ bɛ̀ duɔ́ mmudiì kucɛ kpɛ́í. Kɛ̀ bɛ̀ɛ mɛ̀ ndɔ̀ɔ̀.
1281	GEN 42:28	kɛ́nɑ́kɛ́ o tebìí kɛ dɔ̀: Bɛ̀ ǹ tɛ̃̀ńnɛ́ idíítí! Ntɛ i kuyɔ̀rìkù miɛkɛ. Kɛ̀ kufɔ̃wɑɑ́ mbɛ̀ pĩ nkɛ̀ bɛ kɔ̃̀ntì nhɑu. Kɛ̀ bɛ̀ dɔ̀: Kuyie nti dɔ̀ɔ̀ bɑ!
1298	GEN 43:7	Kɛ̀ bɛ̀ dɔ̀: Weè ti bìékɛ́ tinɑ́ɑǹtì pɛ́u ti cĩ́ɛ̃̀tɛ̀ kpɛti kɛ tú: Di cicɛ kpɑɑ́ boɑ̀? Di yɔ̃fũ̀ɔ̃̀ kou mɔù boɑ̀? Kɛ̀ ti tɛ̃̀ńnɛ́ ò ti bekɛ tì. Ti do yɛ̃́mu kɛ dò nhò bo yĩ́ tí tɔní ti nɑntɑ̀ɑ̀?
1328	GEN 44:3	Kɛ̀ dɛ̀ɛ wentɛ́ dikṹnweńnì sɛ̀ì kɛ̀ bɛ̀ɛ duɔ́ nkɛ̀ bɛ̀ɛ kétɛ́ nɛ̀ bɛ sɑ̃mmɑrímúbɛ̀. Kɛ̀ bɛ̀ nkũnti,
1332	GEN 44:7	Kɛ̀ bɛ̀ɛ ò tɛ̃̀ńnɛ́ kɛ dɔ̀: Ti yiɛ̀ ndɛ̀ yĩ́mɛ kɑ̀ɑ nɑ̀ɑ́ mmɛmmɛ? Ti bɑ́ɑ́ yie nkɛ́dɔɔ̀ mɛmmɛ kóò botí.
1362	GEN 45:3	Kɛ̀ Sosɛfuu nɑ́kɛ́ o tebìí kɛ dɔ̀: Míì tu Sosɛfu, n cicɛ kpɑɑ́ fòùɑ̀? Kɛ̀ dɛ̀ɛ bɛ̀ di kɛ́ bɛ̀ kpeí bɑ́ bɛ̀ í nnɑ kóò tɛ̃̀ńnɛ́ tìmɑtì.
1374	GEN 45:15	Kɛ̀ Sosɛfu ńhɔrì o kó bɛkótíbɛ̀ tɔbɛ̀ kɛ kuɔ̀, ndɛ mɔ̀nnì ndi bɛ̀ dɑ̀ɑ́tímɛ̀ kóò bɛ́innɛ̀.
1416	GEN 46:29	Kɛ̀ Sosɛfuu túótɛ́ o nɑɑsɑ̃ntɛ̀ kɛ́kɔtɛ kóò co, kóò yɑ̀ kɛ́cokóo kóò ɔrí kɛ̀ diwɛ̀ìi ò ɑutɛ́ kòo ńkuɔ̀ nkɛ̀ dɛ̀ɛ mɔntɛ.
1438	GEN 47:17	Kɛ̀ bɛ̀ ńtɔuní bɛ wũɔ̃, sisɛ̃ĩ́ nɛ̀ ipe nɛ̀ inɑ̀ɑ̀kɛ nɛ̀ sɑ̃mmɑrímúbɛ̀, kɛ̀ Sosɛfu bɛ̀ duɔ̀ ntidiitì dɛ kó dibenni.
1455	GEN 48:3	kɛ́nɑ́kɛ́ Sosɛfu kɛ dɔ̀: Kuyie nkpeńnìmu kɛ m bɛnkɛ kumɑ́ɑ̀ Duusi, Kɑnnɑhɑ̃ɑ̃ kó kɛtenkɛ̀ kɛ m pɑ̃ mɛsɑ̀ɑ̀,
1468	GEN 48:16	Kuyie nkùù ǹ dɛɛrí nɛ̀ mɛyɛi mmɛmɔu, kùu dɔɔ̀ ì mbí mɛsɑ̀ɑ̀, nɛ̀ dɛ kpɛ́í nkɛ̀ n yètìrì ńsɔkɛ́, kɛ́dònnɛ̀ n yɑ̀ɑ̀rì Abɑrɑhɑmmu nɛ̀ n cicɛ Isɑki bɛ kpɛyɛ.
1480	GEN 49:6	N yí kɔkɛ́ di kpɛti miɛkɛ, n yí di wɛ̃ńnɛ̀, di kùɔ bɛnìtìbɛ̀ mbɛ nɛ̀ kɛmiɛkɛ, kɛ kèkɛ́ yɛnɑɑdɑkɛ̀ duɔti dɛtetìrɛ̀.
1481	GEN 49:7	Di bɑ́ɑ́ pɛ́tɛ́ mɛsɑ̀ɑ̀, di kùɔ bɛnìtìbɛ̀ mbɛ nɛ̀ kɛmiɛkɛ, di tɛ̃́nkɛ í yó nwɛ̃ńnɛ̀ Isidɑyɛɛribɛ. N yóó di cíɛmmu Isidɑyɛɛribɛ ɛì dimɔu miɛkɛ.
1488	GEN 49:14	Isɑkɑɑ, ɑ tú sɑ̃mmɑrímú nwe, wèè kpeńnì, kɛ nɛ́ dɔ́ mɛdɛ́ɛ̀.
1498	GEN 49:24	Kɑ̀ɑ còḿmú tei tei, kɛ tɔ ɑ tɑ̃mmù, Kuyie mmí nSɑkɔbu n tũ nkù kpeńnìmu kɛ dɑ ni kɛ dɑ kɑ̃nkɛ́ kɛ tú ɑ kó muwɛ̃rímú.
1501	GEN 49:27	Bɛnsɑmɛɛ ɑ tú kumuntũnkù nku, kɛ kɔù dikṹnweńnì nɛ̀ kuyuoku kɛ cɑ́ɑ́.
1528	GEN 50:21	Bɑ́ nyĩɛ̃̀kùnɛ̀ n yó ndi tɔmu díndi nɛ̀ di bí. Mɛm̀mɛ, ò bɛ̀ bɑ̀ńtɛ̀mɛ̀, kɛ́nɑ́ríkùnnɛ bɛ yɛ̀mmɛ̀.
1550	EXO 1:17	Bɛnitipòbɛ̀ bɛ̀ɛ̀ pɛinko kɛ̀ bɛ̀ɛ depɛ Kuyie nkɛ́yetɛ okpɑ̀ɑ̀tì bɛ̀ nɑ̀kɛ́ tì, kɛ níí yóu initidɑbí kɛ̀ ì ńfòù.
1552	EXO 1:19	Kɛ̀ bɛ̀ dɔ̀: Ebedeebɛ kó bɛnitipòbɛ̀ í dònnɛ̀ Esibiti kɔbɛ, bɛ̀ kpeńnìmu kɛ ɔ̃ nyóó pɛitɛ́ kɛ̀ wèè pɛinko kòò mu nyí tùɔ̀koo.
1559	EXO 2:4	Kɛ̀ dɛbirɛ tɑ̃ũ̀ ńsɔri mɛkɛntímɛ̀ kɛ bo yɑ̀ dɛ̀ɛ̀ yóó tuɔkɛní dɛbirɛ.
1560	EXO 2:5	Kòo kpɑ̀ɑ̀tì kóo sɑpɑ̀ɑ̀ ńtɑ kukó mmuhɔ̀rìmù kɛ nɛínɛ̀ o dúɔ̀bɛ̀. Kòo dúɔ̀bɛ̀ ńcentì kukó ntɑkɛ́, kòo yɑ̀ dikũ̀mɑ̀nnì, kɛ́tɔ̃ nho kóo tɔ̃ntì kòo dì tùótɛ́ní.
1562	EXO 2:7	Kɛ̀ dɛbirɛ tɑ̃ũ̀ũ ò bekɛ kɛ dɔ̀: A dɔ́ kɛ̀ ń kɔtɛ kɛ́ dɑ wɑɑnní Ebedee kóo nitipòkù mɔù kòò ndɛ̀ ndɑ yɑ̃ɑ̃nkoɑ̀ɑ̀?
1569	EXO 2:14	Kòo ò tɛ̃̀ńnɛ́ kɛ dɔ̀: We ndɑ pĩ ntikpɑ̀tì kɑ̀ɑ bo nti bekùnɛ̀? A dɔ́ kɛ́ n kuɔ ɑ wee kùɔmɛ̀ mmɛ Esibiti kouɑ̀? Kɛ̀ Mɔyiisi kɔ̃m̀bùɔ̀tìi do, kòò dɔ̀: Bɛnìtìbɛ̀ kèèmu ti nnɑ́ɑǹtɑ̀ɑ̀?
1581	EXO 3:1	Mɛm̀mɛ kɛ̀ Mɔyiisi ńcɛ̃mmú o cɔ̀kù Mɑndiyɑ̃ɑ̃bɛ kuɔ́ nìùtì Setidoo wũɔ̃, kɛ́kɔtɛnɛ̀ dikpɑ́ɑ̀, kɛ́tuɔkɛ Odɛbu, Kuyie ntɑ̃rì.
1620	EXO 4:18	Kɛ̀ Mɔyiisii kò nho cɔ̀kù Setidoo borɛ̀, kóò nɑ̀kɛ́ kɛ dɔ̀: N dɔ́ kɛ́kɔtɛ n kɔbɛ borɛ̀ ndɛ Esibiti kɛ́yɑ̀ bɛ̀ bo nkpɑɑ́ fòù. Kɛ̀ Setidoo dɔ̀: Kɔtɛ kɛ̀ dɛ̀ ńnɑɑti.
1633	EXO 4:31	kɛ́yie. Kòo bɛ̀ nɑ̀kɛ́ ti Yiɛ̀ nKuyie nyɑ̀mɛ̀ bɛ̀ fɛ̃́ũ̀rìmɛ̀ kɛ dɔ́ kɛ́ bɛ̀ dɛɛtɛ́, kɛ̀ bɛ̀ɛ do kɛ́nínkú Kuyie n yììkɛ̀ kɛ́ kù bɑ̀ńtɛ̀.
1640	EXO 5:7	Di tɛ̃́nkɛ bɑ́ nduɔ̀ nyIsidɑyɛɛribɛ timúkpetì kɛ̀ bɛ̀ piikunɛ̀ yɛdombiɛ. Bɛ̀ ńkɔrì bɛ mɔ́mmɔmbɛ kɛ tì wɑɑ̀.
1659	EXO 6:3	M bɛnkɛmu m mɑ́ɑ̀ Abɑrɑhɑmmu nɛ̀ Isɑki nɛ̀ Sɑkɔbu n túmɛ̀ di Yiɛ̀ nKuyie nkɛ̀ kpeńnì. Bɛ̀ nɛ́ do í yɛ̃́ kɛ dò mmíì tu bɛ Yiɛ̀ nKuyie.
1701	EXO 7:15	Túótɛ́ kupɑ̀ɑ̀ti kùù do nɑɑ́ nfɛwɑ̀ɑ̀fɛ̀ kɛ́kɔtɛ dikṹnweńnì sɛ̀ì okpɑ̀ɑ̀tì tɑɑ̀ dìì mɔ̀nnì kukó nNiidi, kɛ̀ dí ḿmɑ̀.