40	GEN 2:9	Kɛ̀ ti Yiɛ̀ nKuyie nduɔ́ nkɛ̀ dɛtesɑ̀ɑ̀rɛ̀ dɛbotí dɛbotíi yɛ̀nní, kɛ́mpɛí yɛbɛ kɛ̀ yɛ̀ wenni kɛ nɑɑti. Kɛ̀ kùu soó nkupúú cuokɛ̀ mutie mùù duɔ̀ mmufòmmu nɛ̀ mùù yĩ́ɛ̃́kùnko mɛsɑ̀ɑ̀ ǹnɛ̀ mɛyɛi.
61	GEN 3:5	Kuyie nyɛ̃́mu kɛ tú kɛ̀ di yɛ̀ di dìì yiè, di nuɔ ḿbo wéntɛ́, kɛ̀ di kù nɑɑ́nnɛ̀ kɛ́yĩ́ɛ̃́tɛ́ mɛsɑ̀ɑ̀ ǹnɛ̀ mɛyɛi.
64	GEN 3:8	Kuyuoku mɔ̀nnì kɛ̀ ti Yiɛ̀ nKuyie nní nceǹtì kupúú miɛkɛ kɛ nɑ́ɑ́ nkɛ̀ bɛ̀ yo, kɛ́sɔri titieti miɛkɛ.
68	GEN 3:12	Kòo nitidɔ̀ù dɔ̀: Onitipòkù ɑ mɛ nni nduɔ́ nwè kɛ̀ ti bo, weè ǹ duɔ́ ndɛ kó ditebii kɛ̀ ǹ di.
69	GEN 3:13	Kɛ̀ ti Yiɛ̀ nKuyie mbekɛ onitipòkù kɛ dɔ̀: Dɛ̀ yĩ́mɛ kɑ̀ɑ dɔ̀ɔ̀ mɛmmɛ? Kòò dɔ̀: Fɛwɑ̀ɑ̀fɛ̀ fɛɛ̀ ǹ soutɛ́ kɛ̀ ǹ di ditebii.
94	GEN 4:14	A mɛ nni mbɛ̀timɛ̀ yíe nkɛtensɑ̀ɑ̀kɛ̀, kɛ̀ n yóó dɑ dɛ́tɛ́nɛ̀ kɛ́nfirì tipíìtì timɔu kɛ tú ocièntì, kòò mɔù ǹ yɑ̀ ò yó n kuɔmu.
224	GEN 9:18	Nɔwee bí ì do yɛ̀nnímɛ̀ tɛdɑbɛɛcĩ́ɛ̃̀tɛ̀ iǹyi: Sɛmmu nɛ̀ Kɑmmu nɛ̀ Sɑfɛti. Kɑmmu weè nɑɑ́ nKɑnnɑhɑ̃ɑ̃ kɔbɛ kóo cicɛ.
240	GEN 10:5	Bɛɛ̀ do sũ̀ṹ nkɛ́cíɛ́tɛ́ kɛ́mɑɑ́ dɑ̀mɛ́ɛ̀rì tɑkɛ́ kɛ́cɑ̃́nnɛ́ cɑ̃́nnɛ́ ibotí bɛ nɑ́ɑǹtì dò ndòmmɛ̀.
255	GEN 10:20	Kɑmmu kó ibí nyi ìì do yɑ̀tɛ tinɑɑ̀mùntì, kɛ́kɑri yɛhɛkɛ̀ bɛ nɑ́ɑǹtì cɑ̃̀ɑ̃́ ncɑ̃́ɑ̃́mmɛ̀ nɛ̀ bɛ botí.
266	GEN 10:31	Kɛ̀ Sɛmmu kɔbɛ múnkɛɛ yɛ̀ kɛ́cɑ̃́nnɛ́ yɛhɛkɛ̀, yɛhɛkɛ̀ bɛ nɑ́ɑǹtì dò mmɛ̀ɛ̀ botí.
268	GEN 11:1	Bɛnìtìbɛ̀ bɛmɔu do nɑ́ɑ́ ntinɑ́ɑǹtì timɑ́ɑ̀ ndi, onìtì nɑ́ɑǹtì do í cɑ̃́ɑ̃́.
273	GEN 11:6	Kɛ dɔ̀: Bɛ̀ mɛ̀ ntúmɛ̀ kubotí kùmɑ́ɑ̀ kɔbɛ kɛ nɑ́ɑ́ ntinɑ́ɑǹtì tìmɑ́ɑ̀, dɛ̀mɑrɛ̀ í yóó bɛ̀ dìtínnɛ́ bɛ̀ yóó nɑmu kɛ́dɔɔ̀ bɛ̀ dɔ́mɛ̀.
274	GEN 11:7	Ti cútɛ́nɛ̀ kɛ́kɔkɛ́ bɛ nɑ́ɑǹtì, kɛ̀ bɛ̀ nnɑ́ɑ́ nkɛ í yo bɛtɔbɛ̀ tu mù.
276	GEN 11:9	Dɛɛ̀ te kɛ̀ bɛ̀ yu dɛ kó didènnì kɛ tú Bɑbɛɛdi. Ti Yiɛ̀ nKuyie ndɛ nkɔkɛ́ bɛnìtìbɛ̀ nɑ́ɑǹtì, kɛ́ bɛ̀ cíɛ nkɛtenkɛ̀ kɛmɔu miɛkɛ.
384	GEN 16:2	Kɛ̀ Sɑrɑii nɑ́kɛ́ o dɔù kɛ dɔ̀: A wúómmu ti Yiɛ̀ nKuyie nyí m pɑ̃mɛ̀ ibí. Duɔ́nɛ̀ n kó kudɑɑkù, kɛ̀ dɛ yɛ̀mmɛ̀ ò bo m pɛitɛ́ dɛbirɛ. Kɛ̀ Abɑrɑmmuu yie ndɛ kó tinɑ́ɑǹtì.
396	GEN 16:14	Dɛɛ̀ te kɛ̀ bɛ̀ yu tɛbintɛ tɛ̀ɛ̀ bo Kɑdɛɛsi, nɛ̀ Bedɛdi dɛ cuokɛ̀ kɛ tú: Dɑɑyii-Doyii (dɛ̀ɛ̀ tu: Kuyie kùù ǹ wùó nku kó tɛbintɛ).
451	GEN 18:26	Kɛ̀ ti Yiɛ̀ nKuyie ndɔ̀: Kɛ̀ ǹ yɑ̀ bɛnitisɑ̀ɑ̀bɛ̀ sipísìnùmmù Sodɔmmu miɛkɛ m bo cĩ́ɛ̃́ ndihɛì dimɔu bɛ kpɛ́í.
499	GEN 20:3	Kɛ̀ Kuyie nnɑ́kɛ́ Abimɛdɛki nɛ̀ tidɔuǹtì kɛyènkɛ̀ kɛ dɔ̀: A mɛ ntùótɛ́ wèè nitipòkù ɑ yóó kúmu, ò yemmu.
502	GEN 20:6	Kɛ̀ Kuyie nyíɛ́ kóò bɛ́innɛ̀ tidɔuǹtì kɛ dɔ̀: N yɛ̃́mu kɛ tú ɑ ò tòú kɛ̀ í yĩɛ̃̀kù. N yí dɔ́ ɑ n yetɛ́nɛ̀mu, dɛɛ̀ te kɛ̀ n yí yóu kɑ̀ɑ ò duɔ́nɛ̀.
503	GEN 20:7	Tɛ̃́nnɛ́ dɛ kóo nitipòkù o dɔù. Ò dɔù tu m pɑ̃ɑ̃nɑ́ɑǹtì nɑ́ɑǹtò nwe. Ò bo m bɑ́ntɛ̀ ɑ kpɛ́í kɑ̀ɑ nfòù. Kɑ̀ɑ mɛ nyí ò tɛ̃̀ńnɛ́, ɑ́ nyɛ̃́ kɛ tú ɑ yóó kúmu nɛ̀ ɑ kɔbɛ bɛmɔu.
512	GEN 20:16	Kòo nɑ́kɛ́ Sɑrɑɑ kɛ dɔ̀: N duɔ́mmu ɑ tɑ̃ũ̀ mɛdítíbii ntɛkɔupíítɛ̀ (1000), kɛ̀ dɛ̀ bo bɛnkɛ ɑ kɔbɛ bɛmɔu ɑ í dɔ̀ɔ̀mɛ̀ mmɛ tìmɑtì tinɑ́ɑǹtì tii mmiɛkɛ.
525	GEN 21:11	Kɛ̀ dɛ kó tinɑ́ɑǹtìi yonkɛ Abɑrɑhɑmmu mɛdiɛ̀, kɛ yɛ̃́ Isimɑyɛɛri múnkɛ do túmɛ̀ o birɛ ndɛ.
526	GEN 21:12	Kɛ̀ Kuyie nnɑ́kɛ́ Abɑrɑhɑmmu kɛ dɔ̀: Kudɑɑkù nɛ̀ ku birɛ kó tinɑ́ɑǹtì bɑ́ɑ́ dɑ yonkɛ, yie nSɑrɑɑ dɑ nɑ́ɑ́ ntì. Isɑki kó kufuku miɛkɛ nkɛ ɑ yóó pɛ́tɛ́mɛ̀ iyɑɑ̀bí, kɛ̀ dɛ̀ɛ dɔɔ̀ n dɑ nɑ̀kɛ́ tì.
540	GEN 21:26	Kɛ̀ Abimɛdɛki dɔ̀: N yí yɛ̃́ dɛ kó tinɑ́ɑǹtì, ɑ í tì nni n nɑ̀kɛ́, yíe nwe n tì kèèmɛ̀.
606	GEN 24:14	M bo mɔɔ wèè sɑpɑ̀ɑ̀ nkɛ dɔ̀: Bíi nhɑ dúù kɛ̀ ǹ yɑ̃̀, kòo n tɛ̃́nnɛ́ kɛ yĩ́: Yɑ̃̀ kɛ̀ n duɔ́ nhɑ yòyóbɛ̀ kɛ̀ bɛ̀ɛ yɑ̃̀. M bo bɑntɛ́ kɛ dɔ̀ weǹwe ɑ tɑ̃ɑ̃tɛ́mɛ̀ ɑ kóo tɔ̃ntì Isɑki kpɛ́í, kɛ dɔ̀ɔ̀ mɛsɑ̀ɑ̀ n yiɛ̀ nhAbɑrɑhɑmmu.
619	GEN 24:27	kɛ́bɛ́i nkɛ dɔ̀: Ti Yiɛ̀ nKuyie, n yiɛ̀ nhAbɑrɑhɑmmu tũ nkù yètìrì ndɛu, kuù ò kuɔ́ mmɛsémmɛ̀ koò dɔ̀ɔ̀ mɛsɑ̀ɑ̀, kɛ n niitɛ́ kɛ̀ ǹ tùɔ̀kɛní o kɔbɛ borɛ̀.
620	GEN 24:28	Kòo sɑpɑ̀ɑ̀ ncokóo tɛcĩ́ɛ̃̀tɛ̀ kɛ́nɑ́kɛ́ o yɔ̃ dɛ kó tinɑ́ɑǹtì.
633	GEN 24:41	Kɛ̀ ǹ kɔ̀tɛ o cĩ́ɛ̃̀tɛ̀ kɔbɛ borɛ̀, kɛ̀ bɛ̀ í yie, ò bɛ́i ndìì nùù bɑ́ m pĩ́.
635	GEN 24:43	n yó mbo tɛbintɛ tɑkɛ́ nkɛ, osɑpɑ̀ɑ̀ nwèè bo tɑnní mudúò kɛ̀ nh ò mɔɔ mɛniɛ nkɛ yĩ́: Yóu kɛ̀ ǹ yɑ̃̀ ɑ dúù kó mɛniɛ nsɑ́m̀pɔ́.
637	GEN 24:45	N kpɑɑ́ mɛ nnɑ́ɑ́ nkɛ̀ Debekɑɑ tùɔ̀kɛní kɛ tɔ didúù kɛ dó tɛbintɛ, kɛ̀ ǹ yĩ́: N dɑ bɑ́ɑ́mmu m pɑ̃ mɛniɛ nkɛ̀ n yɑ̃̀.
644	GEN 24:52	Abɑrɑhɑmmu kóo tɔ̃ntì kèè dìì mɔ̀nnì dɛ kó tinɑ́ɑǹtì, kɛ́nínkú kɛ́sɑ̃ntɛ ti Yiɛ̀ nKuyie nnɛ̀ mutɔ̃mmú,
648	GEN 24:56	Kòo tɔ̃ntì dɔ̀: Ti Yiɛ̀ nKuyie nni nteennɛ̀mu kɛ̀ ǹ yɑ̀ n wɑnti dɛ̀, bɑ́ nni nhɔɔtínɛ̀, yóunɛ̀ kɛ̀ n kò n yiɛ̀ mborɛ̀.
678	GEN 25:19	Ntɛ Abɑrɑhɑmmu birɛ Isɑki kó tinɑ́ɑǹtì, Abɑrɑhɑmmu weè do pɛitɛ́ Isɑki.
689	GEN 25:30	Kɛ̀ Esɑyuu dɔ̀: N dɑ bɑ́ɑ́mmu nh ɔ̀u mɛdiɛ̀ mmɛ, yóu kɛ̀ ǹ cɑ́ɑ́kɛ́ itũ iwũɔ̃ì ii. Dɛɛ̀ te kɛ̀ bɛ̀ɛ ò yu kɛ dɔ̀ Edɔmmu.
732	GEN 27:4	kɛ́bénnɛ́ n dɔ́ mùù diì kɛ́kɔtɛnɛ̀ní kɛ̀ ǹ di, kɛ́ dɑ pɑ̃ mɛsɑ̀ɑ̀ nkɛ nɛ́ nɑ kɛ́kú.
769	GEN 27:41	Kɛ̀ Esɑyuu miɛkɛɛ pɛikɛ mɛdiɛ̀ nSɑkɔbu o cicɛ o pɑ̃ mɛ̀ɛ̀ kpɛ́í mmɛsɑ̀ɑ̀, kòò nnɑ́ɑ́ nkɛ tú: Dɛ̀ í kpɑɑ́ dɛ́tirì n cicɛ bo kúmɛ̀, kɛ̀ ǹ kuɔ n nɑntɛ̀ Sɑkɔbu.
786	GEN 28:12	kɛ́yɑ̀ tidɔuǹtì mɑtì kɛ̀ kudìɛ̀ti cómmú kɛtenkɛ̀ kɛ kɑ́ɑ́ ntiwɛtì, kɛ̀ Kuyie ntɔ̃rɛ̀ dèkù kɛ cuuti.
788	GEN 28:14	A yɑɑ̀bí bo sṹṹ mmubirímú kɔ̃mɛ kɛ́pitɛ́ tipíìtì timɔu: Diyiè yìɛ̀ní kɛ̀ nɛ̀ dì tɑɑ̀ kɛ̀, kubɑkù cɑ̃̀nku nɛ̀ kuyoú. Fɔ̃́ nnɛ̀ ɑ yɑɑ̀bí díì yó nte kɛ̀ ǹ dɔɔ̀ ibotí imɔu mɛsɑ̀ɑ̀.
795	GEN 28:21	kɛ̀ n wɛ̃̀tɛ kɛ kò n cicɛ cĩ́ɛ̃̀tɛ̀ nɛ̀ kukɔ̃ǹnɑɑtí, ti Yiɛ̀ nKuyie bo ntú n Yiɛ̀.
837	GEN 30:6	Kɛ̀ Dɑsɛɛdi dɔ̀: Kuyie nni ǹ kòńnɛ́, kɛ kèè n sɑ́útìi, kɛ m pɑ̃ dɛnitidɑbirɛ. Kɛ yu dɛ kó dɛbirɛ kɛ dɔ̀ Dɑnni.
844	GEN 30:13	Kɛ̀ Deɑ dɔ̀: Dɛ̀ ǹ nɑrikɛ, di mmɔ̀nnì bɛnitipòbɛ̀ bo nni ntú diwɛ̀ì yiɛ̀. Kòo dɛ̀ yu kɛ dɔ̀ Asɛɛ.
856	GEN 30:25	Dɑsɛɛdi pɛitɛ́ dìì mɔ̀nnì Sosɛfu kɛ́deè, kɛ̀ Sɑkɔbuu nɑ́kɛ́ Dɑmɑɑ kɛ dɔ̀: M pɑ̃ kucɛ kɛ̀ ǹ kò n ciɛ.
861	GEN 30:30	N do yóó tuɔkɛní kɑ̀ɑ wũɔ̃ í sũ, kɛ̀ ǹ tùɔ̀kɛní kɛ̀ ì sũ̀ṹ. Míì te kɛ̀ ti Yiɛ̀ nKuyie ndɑ dɔ̀ɔ̀ mɛsɑ̀ɑ̀. Yóu di mmɔ̀nnì kɛ̀ m pĩ́ n kó mutɔ̃mmú.
884	GEN 31:10	Ipe nɛ̀ sibɔɔ́ dɛ̀ dèkù dìì mɔ̀nnì, kɛ̀ n yɑ̀ nɛ̀ tidɔuǹtì dɛ̀ɛ̀ ɑ̃ sisuɔ nɛ̀ dɛ̀ɛ̀ dò nyɑ̀ùyɑ̀ù dɛɛ̀ dèkùmɛ̀.
898	GEN 31:24	Kɛ̀ Kuyie nnɑ́kɛ́ Dɑmɑɑ, Arɑmu botí kou nɛ̀ tidɔuǹtì kɛ dɔ̀: A bɑ́ɑ́ dɔɔ̀ Sɑkɔbu tìmɑtì.
913	GEN 31:39	Musĩ̀mmù í pĩ nhɑ ɔ̃̀fɛ̀ mɑfɛ̀, kɛ̀ n fɛ̀ tɔní kɛ dɑ bɛnkɛ, nh ɔ̃ɔ̃ fɛ̀ yietímu. Kɑ̀ɑ m békú bɛ̀ yúúkú ì kuyie nnɛ̀ kɛyènkɛ̀, kɛ̀ ǹ dɑ yietí.
921	GEN 31:47	Kòo dì yu kɛ dɔ̀: Mɛtɑummɛ̀ kó mɛbɛnkùmɛ̀ kó ditɑ̃́cóù. Nɛ̀ Dɑmɑɑ kó tinɑ́ɑǹtì Yekɑɑ-Sɑɑdutɑɑ nɛ̀ Sɑkɔbu kpɛti Kɑdɛdi.
938	GEN 32:10	Kɛ̀ Sɑkɔbuu bɑ́ntɛ̀ Kuyie nkɛ dɔ̀: Kuyie n yɑ̀ɑ̀rì Abɑrɑhɑmmu nɛ̀ n cicɛ Isɑki do tũ nkù, fɔ̃́ɔ̃̀ n nɑ̀kɛ́ kɛ tú: Wɛ̃tɛ ɑ ciɛ, ɑ kɔbɛ borɛ̀ kɛ̀ ǹ dɑ dɔɔ̀ mɛsɑ̀ɑ̀.
979	GEN 33:18	Sɑkɔbu dɛ nyìtɛ́ Mɛsopotɑmii, kɛ́tuɔkɛnɛ̀ kukɔ̃ǹnɑɑtí Sisɛmmu Kɑnnɑhɑ̃ɑ̃ kó kɛtenkɛ̀, kɛ́kɑri dihɛì mɑ̀nku,
999	GEN 34:18	Amɔɔ nɛ̀ o birɛ Sisɛmmu kɛ̀ bɛ̀ɛ pɛ́nsìrì dɛ kó tinɑ́ɑǹtì.
1011	GEN 34:30	Kɛ̀ Sɑkɔbuu nɑ́kɛ́ Simmɛɔ̃ɔ̃ nɛ̀ Defii kɛ dɔ̀: Di n cɑ̀kɛmu, kɛ̀ ǹ nɑɑ́ nhoyɛiwe Kɑnnɑhɑ̃ɑ̃ kɔbɛ nɛ̀ Pedisiibɛ bɛ ììkɛ̀. N kɔbɛ í sũ, bɛ̀ yóó tíímmu kɛ́ n dokɛ́nɛ̀, kɛ́ n nɑ, kɛ́ n kuɔ nɛ̀ n cĩ́ɛ̃̀tɛ̀ tɛmɔu.
1086	GEN 37:2	Ntɛ Sɑkɔbu bí kó tinɑ́ɑǹtì. Sosɛfu do mɔkɛ yɛbie ntɛpíítɛ̀ nɛ̀ yɛ̀yiekɛ̀ ndi, kɛ́nnɛitinɛ̀ o kó bɛkótíbɛ̀ Bidɑɑ nɛ̀ Sidipɑɑ Sɑkɔbu pobɛ̀ bí, kɛ̀ bɛ̀ cɛ̃mmù iwũɔ̃, kɛ̀ Sosɛfu kũũnní kɛ nɑ́ɑ́ nho cicɛ o kó bɛkótíbɛ̀ nɑ́ɑntɛ tìì nɑ́ɑǹyɛiti.
1088	GEN 37:4	Kòo kó bɛkótíbɛ̀ɛ yɑ̀ o cicɛ ò dɔ́mɛ̀ mɛdiɛ̀, kɛ̀ bɛ miɛkɛ nhò pɛ́ì, bɑ́ bɛ̀ í nhò dɔ́nɛ̀ tinɑ́ɑǹtì.
1089	GEN 37:5	Diyiè mɑrì kɛ̀ Sosɛfuu duɔ́ tidɔuǹtì kɛ́nɑ́kɛ́ o kó bɛkótíbɛ̀. Kɛ̀ bɛ miɛkɛ dɔ̀kɛɛ ò pɛikɛ.
1090	GEN 37:6	Ntɛ dɛ kó tidɔuǹtì do tú mù:
1092	GEN 37:8	Kòo kó bɛkótíbɛ̀ dɔ̀: A yɛ̀mmɛ̀ dò nfɔ̃́ɔ̃̀ yóó ti bɑɑtɛ́, kɛ́nɑɑ́ nti kóo kpɑ̀ɑ̀tɑ̀ɑ̀? Kɛ̀ bɛ miɛkɛ dɔ̀kɛɛ ò pɛikɛ nɛ̀ ò yɑ̀u tìì dɔuǹtì kɛ bɛ̀ nɑ̀ɑ́ nti kpɛ́í.
1093	GEN 37:9	Kòo yíɛ́ duɔ́ tidɔuǹtì tɛtì, kɛ́ bɛ̀ nɑ̀kɛ́ kɛ dɔ̀: N yɑ̀ tidɔuǹtì tɛtì nti. Diyiè nɛ̀ otɑ̃̀nkù nɛ̀ siwɑ̃̀ɑ̃ tɛpíítɛ̀ nɛ̀ tɛmɑ́ɑ̀ kɛ̀ dɛ̀ nìńkú n yììkɛ̀.
1094	GEN 37:10	Kòo tì nɑ̀kɛ́ o cicɛ, kòo ò kpɑnnɛ̀ kɛ dɔ̀: Bɑ nkó tidɔuǹtì nti? A yɛ̀mmɛ̀ dò mmí nnɛ̀ ɑ yɔ̃ nɛ̀ ɑ kó bɛkótíbɛ̀ ti bo nínkú ɑ ììkɑ̀ɑ̀?
1095	GEN 37:11	Kòo kó bɛkótíbɛ̀ miɛkɛ nhò pɛ́ì, kòo cicɛ yie mɛ ntoti o yɛ̀mmɛ̀ dɛ kó tidɔuǹtì ĩ́nkɛ̀.
1103	GEN 37:19	kɛ́nnɑ́ɑ́ mbɛtɔbɛ̀ kɛ tú: Ntɛnɛ̀ tidɔuǹtì yiɛ̀ nkɛ kéríní.
1104	GEN 37:20	Yóunɛ̀ kɛ̀ tí ò kùɔ kɛ́dootóo tɛbintɛ miɛkɛ, kɛ dɔ̀ musĩ̀mmù muù ò pĩ, nkɛ́yɑ̀ o dɔuǹtì yóó yĩ́mɛ̀.
1136	GEN 38:16	Sudɑɑ í nyɛ̃́ kɛ dò nho cɔ̀kù nwe, kɛ́kétóo o borɛ̀ kɛ dɔ̀: Yóu kɛ̀ n dɑ duɔ́nɛ̀. Kòò dɔ̀: Kɑ̀ɑ ǹ duɔ́nɛ̀ ɑ bo n duɔ́ mbɑ?
1169	GEN 39:19	Kòo dɔùu keè dɛ kó tinɑ́ɑǹtì, kɛ̀ dɛ̀ɛ ò yonkɛ mɛdiɛ̀.
1178	GEN 40:5	Kɛyènkɛ̀ mɑkɛ̀, kɛ̀ wèè bɑkɛ́ okpɑ̀ɑ̀tì nɑɑ̀kɔ̀tìbɛ̀ nɛ̀ wèè bɑkɛ́ pɛ̃́ɛ̃̀ dɔɔ̀rìbɛ̀, kɛ̀ bɛ̀ɛ yɑ̀ tidɔuǹtì, bɑ́ wè kòo kpɛti ncɑ̃́ɑ̃́ ntì dòmmɛ̀.
1181	GEN 40:8	Kɛ̀ bɛ̀ dɔ̀: Ti yɑ̀ tidɔuǹtì nti, òmɔù mɛ nyí bo diɛ nwèè bo ti nɑ́kɛ́ tì tu mù. Kɛ̀ Sosɛfu dɔ̀: Kuyie mbo nɑ kɛ́ di nɑ́kɛ́ tì tu mù. Di nɛ́ tì nni nnɑ́kɛ́.
1184	GEN 40:11	Kɛ̀ ǹ tɔ okpɑ̀ɑ̀tì bòòfɛ̀ kɛ tɔ̃ũ yɛbɛ kɛ niu fɛ miɛkɛ koò duɔ̀.
1185	GEN 40:12	Kɛ̀ Sosɛfu dɔ̀: Ntɛ ɑ kó tidɔuǹtì tu mù: Ibɑkɛ itɑ̃ɑ̃ti tú yɛwe yɛ̀tɑ̃ɑ̃ti ndi.
1188	GEN 40:15	Bɛ̀ ǹ dɛ̀ìtɛní nɛ̀ muwɛ̃rímú mmu Ebedeebɛ tenkɛ̀ kɛ n tɔní diɛ. Bɑ́ bɛ̀ mɛ nni nkpetímɛ̀ n yí cɑ̀ɑ̀rɛ̀ mùmɑmù.
1189	GEN 40:16	Wèè bɑkɛ́ pɛ̃́ɛ̃̀ dɔɔ̀rìbɛ̀ kòo yɑ̀ Sosɛfu nɑ̀kɛ́mɛ̀ otɔù kó tidɔuǹtì kɛ̀ dɛ̀ wenni, kɛ dɔ̀: N duɔ́nɛ̀ tidɔuǹtì kɛ tɔ titòtòòtì tìtɑ̃ɑ̃ti ndi, kɛ̀ pɛ̃́ɛ̃̀bɛ̀ ɑ̃ dɛ miɛkɛ.
1191	GEN 40:18	Kɛ̀ Sosɛfu dɔ̀: Ntɛ ɑ kó tidɔuǹtì tu mù: Titòtòòtì tìtɑ̃ɑ̃ti tú yɛwe yɛ̀tɑ̃ɑ̃ti ndi.
1195	GEN 40:22	kɛ́féútɛ́ wèè bɑkɛ́ pɛ̃́ɛ̃̀ dɔɔ̀rìbɛ̀ kɛ́sɑɑ mmutie, kɛ̀ dɛ̀ɛ dɔ̀ɔ̀ Sosɛfu nɑ̀kɛ́mɛ̀ dɛ kó tidɔuǹtì.
1197	GEN 41:1	Kɛ̀ dɛ̀ mmɔkɛ yɛbie nyɛ̀dɛ́ɛ̀, kòo kpɑ̀ɑ̀tìi duɔ́ kɛ́yɑ̀ tidɔuǹtì kɛ bo kukó ndiɛkù Niidi tɑkɛ́,
1203	GEN 41:7	Kɛ̀ tìi mɑɑ́nko titɛtì tìyiekɛ̀ tìì wenni kɛ ɑ̃ mɛbii. Kòo entɛní kɛ́ nsɔ̃́ ntidɔuǹtì nti.
1204	GEN 41:8	Kɛ̀ dɛ̀ɛ ò di, kɛ̀ dɛ̀ɛ wentɛ́ kòo yú Esibiti ɛì kó bɛnitinɔ̀mbɛ̀ nɛ̀ mɛciì nyɛmbɛ̀, kɛ́ bɛ̀ nɑ̀kɛ́ o dɔuǹtì. Òmɔù mɛ nyí nnɑ kóò nɑ̀kɛ́ dɛ kó tidɔuǹtì tu mù.
1207	GEN 41:11	Kɛ̀ tí yɑ̀ tidɔuǹtì kɛyènkɛ̀ kɛ̀mɑ́ɑ̀ bɑ́ wè kòo kpɛti ncɑ̃́ɑ̃́ ntì bɛnkú mù.
1208	GEN 41:12	Kɛ sɔ̃́ nhodɑpɑ̀ɑ̀ mmɔù dɛ̀ bo, kɛ tú Ebedeebɛ botí kou, wèè bɑkɛ́ bɛhɑ̃ɑ̃pɔ̀mbɛ̀ o kó kudɑɑkù. Kɛ̀ tí ò nɑ̀kɛ́ dɛ kó tidɔuǹtì, kòo nɑ́kɛ́ bɑ́ tì tì tu mù.
1211	GEN 41:15	Kòo kpɑ̀ɑ̀tì dɔ̀: N yɑ̀ tidɔuǹtì mɑtì nti, òmɔù mɛ nyí nɑ kɛ n nɑ̀kɛ́ tì tu mù. Kɛ̀ n kèè kɛ̀ bɛ̀ tu, kɛ̀ bɛ̀ dɑ nɑ̀kɛ́ tidɔuǹtì ɑ ɔ̃ɔ̃ nɑ́kɛ́mu tì tu mù.
1212	GEN 41:16	Kɛ̀ Sosɛfu dɔ̀: Míì í yóó dɑ nɑ́kɛ́, Kuyie nkuù yóó dɑ nɑ́kɛ́ ɑ dɔuǹtì tu mù.
1213	GEN 41:17	Kòo kpɑ̀ɑ̀tì dɔ̀: N yɑ̀ tidɔuǹtì nti kɛ bo kukó ndiɛkù Niidi tɑkɛ́,
1217	GEN 41:21	Kɛ bɑɑ ndò nyì do dòmmɛ̀ kɛ kũɔ̃nnì, mɛm̀mɛ kɛ̀ ǹh entɛní.
1218	GEN 41:22	Kɛ̀ n wɛ̃tɛ kɛ́yɑ̀ tidɔuǹtì tɛtì kɛ̀ kuyòùkù kùmɑ́ɑ̀ òtɛ tiyòùtì tìyiekɛ̀, kɛ̀ tì ɑ̃ mɛbii nkɛ wenni.
1221	GEN 41:25	Kɛ̀ Sosɛfuu nɑ́kɛ́ okpɑ̀ɑ̀tì kɛ dɔ̀: Dɛ kó tidɔuǹtì wɛ̃ ntì tu mù mmu. Kuyie nkuù dɑ bɛnkɛ kù yóó dɔɔ̀mɛ̀.
1222	GEN 41:26	Inɑ̀ɑ̀kɛ ìyiekɛ̀ ìì wenni nɛ̀ tiyòùtì tìyiekɛ̀ tìì wenni dɛ̀ tu yɛbie nyɛ̀yiekɛ̀ ndi, tidɔuǹtì tìmɑ́ɑ̀ ndi.
1228	GEN 41:32	A yɑ̀ dɛ kó tidɔuǹtì kucɛ mɛ̀dɛ́mɛ̀ kɛ̀ dɛ̀ bo bɛnkɛ kɛ dò nKuyie nkuù dɔ́ kɛ́ dɛ̀ dɔ̀ɔ̀, kù mɛ nyí yóó ɔɔtɛ kù bo dɛ̀ dɔ̀ɔ̀mɛ̀.
1233	GEN 41:37	Dɛ mɔ̀nnì okpɑ̀ɑ̀tì nɛ̀ o tũ̀mbɛ̀ kɛ̀ bɛ̀ɛ pɛ́nsìrì dɛ kó tinɑ́ɑǹtì.
1262	GEN 42:9	Kɛ̀ Sosɛfuu dentɛní ò do yɑ̀ tìì dɔuǹtì, kɛ́ bɛ̀ nɑ̀kɛ́ kɛ dɔ̀: Di tú bɛnitiyɛibɛ mbɛ, kɛ kɔ̀tɛní kɛ bo yɑ̀ dihɛì cĩĩnnì kùù píkù.
1275	GEN 42:22	Kɛ̀ Dubɛnni dɔ̀: N do di nɑ̀kɛ́mu kɛ̀ ǹ dɔ̀, ti bɑ́ɑ́ dɔɔ̀ mɛyɛi ndɛbirɛ, kɛ̀ dí yetɛ. Mɛɛ̀ yɛi nkó tiyeti tiì tùɔ̀kɛní.
1281	GEN 42:28	kɛ́nɑ́kɛ́ o tebìí kɛ dɔ̀: Bɛ̀ ǹ tɛ̃̀ńnɛ́ idíítí! Ntɛ i kuyɔ̀rìkù miɛkɛ. Kɛ̀ kufɔ̃wɑɑ́ mbɛ̀ pĩ nkɛ̀ bɛ kɔ̃̀ntì nhɑu. Kɛ̀ bɛ̀ dɔ̀: Kuyie nti dɔ̀ɔ̀ bɑ!
1298	GEN 43:7	Kɛ̀ bɛ̀ dɔ̀: Weè ti bìékɛ́ tinɑ́ɑǹtì pɛ́u ti cĩ́ɛ̃̀tɛ̀ kpɛti kɛ tú: Di cicɛ kpɑɑ́ boɑ̀? Di yɔ̃fũ̀ɔ̃̀ kou mɔù boɑ̀? Kɛ̀ ti tɛ̃̀ńnɛ́ ò ti bekɛ tì. Ti do yɛ̃́mu kɛ dò nhò bo yĩ́ tí tɔní ti nɑntɑ̀ɑ̀?
1359	GEN 44:34	M bɑ́ɑ́ nɑ kɛ́wɛ̃tɛ n cicɛ borɛ̀ kɛ í tɔ dɛbirɛ, n yí dɔ́ n yɑ̀ o yɛǹcɑɑ̀rìmɛ̀.
1361	GEN 45:2	kɛ́kuɔ́ mmɛdiɛ̀ nkɛ̀ Esibiti kɔbɛɛ kèè, kɛ̀ tinɑ́ɑǹtìi tuɔkɛ okpɑ̀ɑ̀tì cĩ́ɛ̃̀tɛ̀.
1366	GEN 45:7	Kuyie nkuù ǹ niinní kɛ̀ m̀ bo di dɛɛtɛ́, kɛ̀ di kó kubotí bɑ́ɑ́ kú.
1367	GEN 45:8	Díì í n duɔnní diɛ, Kuyie nkuù ǹ duɔ́nní, kɛ̀ n tũ̀ nhokpɑ̀ɑ̀tì kɛ ni o cĩ́ɛ̃̀tɛ̀ nɛ̀ Esibiti omɔu.
1385	GEN 45:26	kɛ́ ò nɑ̀kɛ́ kɛ dɔ̀: Sosɛfu kpɑɑ́ fòùmu, kɛ̀ weè ni Esibiti omɔu. Dɛ̀ mɛ nyí nnɑmpɛ bɛ cicɛ, ò í nyie ndɛ kó tinɑ́ɑǹtì.
1451	GEN 47:30	Kɛ̀ ǹ kú ɑ n tɔ kɛ́yɛ̀nnɛ̀ Esibiti kɛ́ n kũnnɛ́ n yɛmbɛ̀ kó kufɔ̃ti. Kɛ̀ Sosɛfuu yie.