69	GEN 3:13	Chuphat in Pakai Pathen in numeinu jah’a aseiye, “Nang in ipi dinga hitobang pihi nabol hitam!” atile numei nun adonbut’in, “Hiche gul hin eijol jol phat’a kaneh ahi bouve,” ati.
70	GEN 3:14	Hichun Pakai Pathen in gul jah’a, “Nangman hiche nana boldoh jeh in, ganhing jouse lah a nanghi sapset nachan ding na hinkho lhung keiya na oipoh’a na kithol tho ding, chule na hinkho sunga leivui naneh ding ahi.
138	GEN 5:32	Noah chu kum ja nga alhin’in, ama chu Shem, Ham, chule Japheth ahing in ahi.
195	GEN 8:11	Vakhu chu nilhah lang in ama henglam’a ahung kile kit’in, vetau amuh achun athah beh a kiloulha Olive thingna khat ahin pon, hijeh chun Noah in jong leiset chunga twipi akangsoh tai, ti ahedoh pai jin ahi.
205	GEN 8:21	Chuin anam tui maicham ahung kisem jeh chun Pathen alung lhai lheh jengin hitin ama aki houlim in aseiye, “Mihem jeh in keiman leiset hi gaosap kit tapong’e, ajeh chu mihem lung ngaito him him hi aneocha kipat’a hung gilou pan ahi tai; chule ganhing ka semsa ho jong hi sumang kit tapong’e.
244	GEN 10:9	Hiche phat laiya chu vannoiya gamlen hat sakap them pen ahung hin, chule Pathen ging tah mi jong ana hi’e, hijeh chun mihon Nimrod banga gamlen hat sakapthem pen ahi tin aseiuve.
245	GEN 10:10	Hichun Cush chun alenggam chu Babylon khopi sunga Babylonia tin ahin semdoh’in, hiche khopi ho chu Erech, Akkad, chule Calneh ahiuve.
327	GEN 13:8	Achainakeiyin Abram in Lot jah’a hitin aseiye, “Eini kiheto themsel hite nang ma le kei gancha ching ho kahlah’a, ajeh chu eiho hi ucha kinai tah ihi bouve.
356	GEN 14:19	Melchizedek in Abram chu hiti hin phatthei aboh in hitin aseiye, “Van le leiset hin phutdoh a Pathen chungnung pen kom’a, Abram phattheiboh chang hen,
443	GEN 18:18	Ajeh chu Abraham chu len tah le nam hattah chule vannoi ja nam jouse Abraham jeh a phatthei chang ding ahi ngal’in,
478	GEN 19:20	Vetem in khoneo phai-cham khat muthei in aum’e, jamlut nading in abailam in chule naicha bou ahi; ka kihinso na ding in lungsettah in hikom a khun nei jamlut sah tan,” ati.
499	GEN 20:3	Hinlah hiche jan chun Pathen in Abimelech amang in aki musah in hitin aseipeh’e, “Nangma hi athisa nahi ahi tai, ajeh chu numei na kipui hi aji nei numei ahi bouve!”
516	GEN 21:2	Hichun Sarah in nao ahin vop’in, Abraham chu atehset nung in Pathen in atep peh phat don tah in chapa khat ahin pe tan ahi.
583	GEN 23:11	“Hithei ponte ka Pakai,” tin Abraham chu adonbut’e, “Lungset tah in ka thusei hi ngaiyin, keiman ka gam sunga adam lai, atong lai, kapeh ding nahi. Tuhin mipi ho masanga nangma kapeh ding nahi, chule nangman naji nu alongdamsa navui thei ahi.”
606	GEN 24:14	Hichehi kangai chat ahi. Alah uva khatpen pen chu kadoh ding, lungset tah in nakhon a twi chu neidon sahin. Amanun hitia hi ahin donbut leh, heng’e, donin, chule na sangongsao ho jong keiman hin donsah ing’e! Hiche nu chu nangman Isaac inneipi a dinga nalhen doh hiding ahi. Hiche akon a chu keiman ichan geiya kapu chunga guitan lou ngailutna nachan ham ti kahet ding ahi.
632	GEN 24:40	Aman ei donbut’in, “Pakai ama umna limnoiya eiumpi pan avantil te nahin solpeh ding na kin jong thupitah a na lolhin sah ding ahi. Adih e! Hijeh a chu ka chapa aloinu ding keima insung miho lah a nahin pui tei ding ahi.
639	GEN 24:47	Hichun keiman ka dong in nangma hi koi chanu nahim katile aman eidonbut’in, “Bethuel chanu kahin Nahor le Milcah chu kapu le kapi ahi, hichea chu keiman anah a sana bilba kaba peh a akhut teni a sana chaojang kabu peh ahi,” ati.
721	GEN 26:28	Ama hon adon but’un, “Keihon Pathen in nangma na umpi hi phatechan kamu chen tauve. Hijeh chun nangho le keiho kikah a kihou cham ding kanom ui, chule ikah uva kitepna khat sem kanom uve.
722	GEN 26:29	Ahi theile ki hou cham na inei thei ding’u dei aum lheh e, keima hon jong nangho chunga imacha bolse pou ving’e, kei hon nang ho ka ngailu jing uve. Chule lung damsel a kasol doh joh nahiuve. Ven! tun nangho Pathen in nasatah in phatthei naboh tauve.
731	GEN 27:3	Hijeh chun tun nangma kigong in lang na man chah nathalpi kigot inlang gamlah a kei ding sa gakap’in,
739	GEN 27:11	Ahin Jacob in anu Rebekah adonbut in ajah’a, “Vetem in ka upa Esau a tichung amul in ahin keima vou nem a timul lou ka hi.
762	GEN 27:34	Chuin Esau in apa thusei jouse chu angai chai sohhel phat’in Esau jong ha kan akap’in hatah in alunghang in apa komma atao kit’in, “Hepa keima jong phatthei nei boh teitei in ong,” ati.
815	GEN 29:19	Laban in adonbut’in, “Hithei nante,” ati. “Ajeh chu keiman midang ho kapeh sanga nangma kapeh ding chu thilphajo ahibouve, Hijeh chun keima koma um jingtan,” ati.
839	GEN 30:8	Hichun Rachel’in, “Keiman ka sopinu toh hatah a kaki set delna lhon a keiman kajou tai,” atin hichun naosen min chu Napthali asah tai.
902	GEN 31:28	Nathil bol hohi ngolna in na dimset’e, ka chanu teni cha katute jong kabeng chop man tapon, kilhahna jong kana bol thei tapoi! ati.
904	GEN 31:30	Nangma lunggel na in lam a nache ding na thanop na chu ka hethem lheh’e, kham thei jong na hipoi, napa insung miho toh kimu to kal nanga lel jong kahe nai, Hinlah ibola ka Pathen houna doiphung chu naguh ham? ati.
938	GEN 32:10	Hichun Jacob ataovin, “Vo kapu Abraham Pathen, kapa Isaac Pathen, O ka Pakai, “Nagam langa ki nungle kit tan, na sopite lah atin neina houlim pin, keiman nang ding in aphat phat nan bol peh nang’e, tia seiya chu nang ma nahi.
996	GEN 34:15	Hinlah kihou cham theina khat vang aum’e, hichu ahileh na pasal ho jouse achep na tan thei diu le atiuve.
1022	GEN 35:10	Pathen in ahoulimpin ajah’a, “Namin hi Jacob ahin tunia patna hi nangma Jacob na kiti talou ding ahi. Amavang ISRAEL kiti ding na hitai,” hichun Pathen in ama pa min chu Israel asah tai.
1194	GEN 40:21	Ju vaihom pachu aju vaihom na ma man apansah kit’in, aman jong jukhon chu Pharaoh khut a agapetai.
1218	GEN 41:22	Hichun keima ka imu lhu kit’in, chule keiman mang khat kaneibe kit’in, hichea kamang achun changvui sagi vetnom umtah phungkhat a ga ka mun ahi.
1268	GEN 42:15	Hichea hi nangma ho kapatep ding na hiuve, Pharaoh hinlahi sea hiche mun hi nada lhah lou ding’u, chule nasopi pau a lhumpen pa na hinpui kah seuva ati.
1269	GEN 42:16	Nangho lah a mikhat kisol uvin lang amapa chun na sopi pau chu hinpui henlang, chule adangho se hilaiya na um ding’u, na thusei’u hi dihnam tia ka khol chil ding ahi; amavang hichu ahi loule Pharaoh ahin laisea nang ho hi michom, miphalou kiti chu na hiuve.
1289	GEN 42:36	Jacob chu tijatah'in ahoulim in, “Nangho hin ka chate ho neiguh mang peh cheh dingu ahi tai, Joseph jong aum ta pon, Simeon jong aum ta pon, chule tua nang hon Benjamin jong nei puimang peh kigo kit’un, na thil bol jouseu hi keima douna jeng ahi tai!”
1309	GEN 43:18	Joseph insung a akipui lut jengu amudoh phat’ uvin miho chu aki chau vin, “Iche masah uva idip sunguva sum anaki nung hetlut jeh a hikoma hi eipui lut’uva, chutia chu mi khat hin hehset neu neuva, kitaole na einei dingu chuteng le eiho chengse soh a einei uva chule isangan teu aboncha akilah got hiya ahitai,” akiti uve.
1544	EXO 1:11	Hijeh chun Egypt miten Isarel chate jouse soh in amangcha tauvin, achung’uva toh vaipo mikhanse tah tah ho apan sah un, chutobang bolgim na soh natoh akon’a chu suhnem ding akinem’un, namphu chang’in lengpa thilkhol na ding Pithom leh Rameses khopi chu asah sah uvin ahi.
1551	EXO 1:18	Chu in lengpan nao dom teni chu aheng’a akouvin, “Ipi jeh a hiche hi nabol lhon hitam?” tin adong’in, chule “Ipi jeh a naosen pasal ho chu, nahinghoi lhon ham?” tin ajah lhon’a aseiyin ahi.
1561	EXO 2:6	Lengpa chanun jong sinkhup chu ahongdoh in ahile, naocha chu amu in ahi. Chu-in naocha chu akap’in, amanun jong naocha chu avoujang natpi lheh in, “Hiche hi Hebrew mite cha khat hitei ding ahi,” ati.
1564	EXO 2:9	Chuin lengpa chanu’n jong naosen hingnu jah’a aseijin. “Naosen hi lanlang neidon peh’in, Keiman na don man ka peh ding nahi,” ati. Chuin numeinu in jong naosen chu a-inlam’a adom’in amapa chu adon tan ahi.
1565	EXO 2:10	Khonung’in, chapang pa jong akhang len tan ahile, anu in amapa chu Pharaoh chanu henga ahung thah tan, amapa chu lengpa chanu chapa in ahung pang tai. Lengpa chanu in amapa chu amin Mose asah tai, ajeh chu amanun aseijin, “kei man amapa hi twi lah a kon kaloidoh ahi,” ati.
1584	EXO 3:4	Hichu ve dinga Mose in hilam chu anailut jep jep e ti Pakaiyin amuphat’in, Pathen in hamboh lailung akon in, “Mose! Mose!” tin akouvin ahile, Mose in jong a donbut in “Keima hiva ka um’e,” ati.
1587	EXO 3:7	Chuphat in Pakaiyin ahenga aseijin, “Egypt a kamite kibol gimna ka muchen tai. Achung'uva tohvai hom hon asuh gimnau aka awgin’u kaja tan ahi. Heng’e, a thohgim nau abonchan ka hechen tai, ati.
1606	EXO 4:4	Chuin Pakaiyin aheng’a, “nakhut lhangdoh in lang ameiyin man tem’in” ati. Hichun Mosen akhut alhangdoh in aman in ahile, akhut ah kelngoi chinna tenggol ahung kinung soh doh kit tan ahi.
1608	EXO 4:6	Chuin Pakaiyin Mose heng’ah, “Tunna khut chu na pon ah sung nadip a koijin,” atile, Mose’n jong akhut chu apon ah sung adip a akoijin, akhut chu alah doh kit a ahile, akhut chu avun aphah in buhbang bangin abang jeng'in ahi.
1617	EXO 4:15	Ama chu houlim pin lang, thuho hi akamsung’a mop in. Keiman napao doh na chan lhon'a ka umpi ding, na ni lhon'a nathilbol nachan lhon'a nalamhil lhon nang’e, ati.
1634	EXO 5:1	Hicheng jouse chu Israel upa hole lamkai chengse heng’a asei peh chai lhon phat’in, Pharaoh heng’a Mose le Aaron achelhon in aga sei lhon tai. “Hiche hi ahi Israelte Pakai, Pathen in asei chu: gamthip noiya kami Israelten keima jabol naa kut abolna diuvin soltauvin,” tin amapa henga asei lhon tai.
1682	EXO 6:26	Aaron leh Mose hi hichelaija kimin phah bang’in, Pakaiyin Egypt gamma kon Israelte aloi loija ahinpui lhon dia angensen “Israel mite chu Egypt gamma kon in galsat tebang in ahin lamkai lhon in ahi.”
1705	EXO 7:19	Pakaiyin Mose heng ah asei jin: “Aaron jah a seijin, “Na khut jah inlang, Egypt gam’a luipang jouse, vadung jouse, twinah jouse, luikhuh jouse chunga tenggol chu jah lhatan chuti leh Egypt gam pumpia twi jouse thisan kisoh jeng ding, twi sung’a um songpi ho jousea jong thisan hungpot doh’a, veidim lha jeng ding ahi tai, tin sei jin,” ati.
1740	EXO 8:25	Mose’n a donbut’in, “Na angsung’a konna ka potdoh ding, jing nikho teng leh nangma akon leh namite chule na insung jouse uva akonna thousi vaisi apot doh na ding’a ka tao tei ding ahi, ka gihna ahiye nangma Pharaoh in jong nei joulhep da uvin lang Israel miten jong Pakai dia kilhaina hi boldao hen na tilou beh ding ahi,” ati.
1751	EXO 9:8	Chuin Pakaiyin Mose leh Aaron heng’a asei jin, “lhum sung’a kon in vutdi tampi kiham lhon’in, hichu Pharaoh mitmu chang tah’a Mose’n vanlam’a athe touding ahi,” ati.
1755	EXO 9:12	Ahinlah Pakaiyin Pharaoh lungthim asutah nalaijin, “Pakaiyin Mose heng’a aseidohsa bang’in, Pharaoh in ngainahsa in anei hih laiye.”
1771	EXO 9:28	Pakai henga nei tao peh lhon tan, ajeh chu vanthamjol aging jeng jung’e! gilchang na satah in akhe jing nalaijin ahi. Ka gim val taove. Keiman na soldoh tau ving’e; umjong umsot ta hih’un, ati.
1787	EXO 10:9	Mose’n a donbut’in, “ateh-akhang, kacha pate hou ahin ka chanu teho’u jaona khatcha kidalha lou ding ka hiuve. Ka kelngoi jouseo leh gancha jouse aboncha ka puisoh kei diu, chule keihon kut chu alouthei louva ka gabol teitei ding’u ahi,” ati.
1795	EXO 10:17	“Ka chonset na nei ngaidam lhon’in, Pakai heng’a neitao peh teitei lhon tan, hiche thi gamna huise hi keima angsung’a kon in tolmang jeng lhon tan,” ati.
1817	EXO 11:10	Mose leh Aaron’in jong Egypt gam Pharaoh angsung’a thil kidang melchihna tampi aki lahsah lhon’in, ahinlah Pakaiyin Pharaoh lungthim chu ki dang tah in asutah jing nalaijin ahile, Pharaoh’vin Israel mite chu Egypt gamsung a kon in ana soldoh hih laiye.
1836	EXO 12:19	“Ni sagi sungse’a vang chu nangma nangma insung cheh’a, chol sosa changlhah khat jeng cha jong kilah lou ding ahiye. Kholjin mi ahin agamsung cheng den miho hijong leochun cholsosa changlhah nekha tapou chu, Israel khompi akonna ki sumang jeng ding ahi,” ati.
1841	EXO 12:24	“Geldoh jing’un, thupeh hichengse hi nangho jouse ding leh nachateo khang geija chonna dan ahi tia na jui jing ding’u ahi,” ati.
1917	EXO 14:27	Nisa ahung sodoh toh ki lhon’in, Pakaiyin a thupeh bang in Mose’n Twipilen chung vumma akhut ajah tan ahile, Twipilen jong angai ja bang bang in ahung um doh kit tai.
1972	EXO 16:24	Mose’n athupeh bang’un, changlhah phabep chu achom in jingkah khovah chan in akoi jun ahi. Jingkah’in changlhah hochu ima ati tapon than jong chu louvin hoitah’in ana um’e.
1994	EXO 17:10	Mose thupeh bang’in, Joshua’n jong Galsat ding pasal phabep alheng doh tan Amalek mite chu gal akisat pi tauvin ahi. Chuin Mose, Aaron leh Hur amaho cheng chu gam lah molsang lam’a akal tou tauvin ahi.
2002	EXO 18:2	Mose’n jong anupa pa, Jethro heng’a ajinu Zipporah le achapateni chu asol’in, chuin amahon insung’a apuilut uvin ahi.
2015	EXO 18:15	Mose’n adonbut’in ajah’a, “Ajeh chu mipiho hi kaheng’a hung uva Pathen akon kavai hopna hi akilah mang kigot uva ahi.”
2094	EXO 21:16	“Mihem gumang aum’a, amiguhpa bang chu ana johdoh tah’a chule akomma ana um nah laiya, akomma aum pet hichu amatoh kimudoh khom hijong leh, akimu doh pachu tha jeng ding ahiye.”
2120	EXO 22:5	Chule Loulai meiyin ahinkah khah’a ling le khao leilah ahin kah jeng’a, chang aki at-lai leh a ki-at loulai mun lah chule loulai chu akah vam lhah jeng tah’a ahile, meihal kong pen pen chun akahvam cheng se aboncha ale sah cheh cheh ding ahiye.
2573	EXO 36:6	Chuin Mose’n jong aum nau ngahmun achun thu athot tauvin ahi: “Muntheng na toh na ding’in pasal hile numei hile thil ima hin peh be dajeng taovin, tia thu ahil’uvin, ajeh chu thil ijakai aning lhing’e tin aseiyin ahi!” Chuin mipi’n jong thil ijakai ahin choiyu chu angataovin ahi.
2675	EXO 39:10	Amahon song-mantam chu golli’n akoi jun. Amasan Carnelian song-san apansah’uvin, pale-green, chule emerald song ahi.
2684	EXO 39:19	Chuin ama hon sana kol-ni asemkit’vin, ompho geilam hichu konggah toh chun akaimat uvin ahi.
2696	EXO 39:31	Ama hon lukhuh chu adum khat Aaron delkop ding’in asem’uvin, hichu Pakaiyin Mose athupeh bang’a abol ahi.
4205	NUM 16:10	Korah! Pathen in hi tobang kintheng tongdia na sopite’u Levite toh na ngense jing lai’uva, Themputna jong na holbe uva na ngaichat nahlai di’u ham? ati.
4225	NUM 16:30	Ahinlah Pathen, thilsoh thah khat abol ding, Leiset in akam akah’a amaho chu anei agou jouse’u toh avel lhum di’u, chuleh kotong sung’a chu khelut ding’u ahi. Chuteng chu leh hite ho hin Pathen asu lunghang tauve tihi na het doh thei diu ahitai ati.
4255	NUM 17:25	Hichun Pathen in Mose ahin houlimpi’n: Aaron Tenggol chu Kitepna Thingkong chung’a chu a-itih’a na tun jing ding ahi, Hiche chu miphalou ho hilna a pang’a, Pathen douna’a akiphin’u ajom ngam tahlou nadiu leh a thilham jina’u akon ahuidoh na diuva, hettohsah a pang jing ding ahi.
4320	NUM 20:8	Nang le Aaron in na tenggol chu na choi lhon ding Israel mipi chu aboncha nakhop tup ding, mipi hon na um chan, na khan chan avet ding’u, songpi chu na thu’a na nunsah’a na koudoh tho ding ahi. Chu teng tui don ding hung put doh ding ahi. Nangman song chunga patna tui mipi te don ding kham na putdoh sah ding, mipi jouse chu na don va sah cheh diu ahi.
4394	NUM 22:18	Ahinlah Balaam in Balak chu hitin a donbut in Balaam in alenggam toh ei peh tha henlang sana dangka toh kikoi dimset hita jongle ka Pathen lungdei lou ahikhah le keiman imacha ka bol theina ding’a, thilbol theina neilou ka hi ding ahiye, ati.
4500	NUM 26:9	Eliab chate thum Dathan,Abiram, chule Nemuel amaho cheng hi nampi phungpi lah a afel pentah hochu ahiuvin chule Dathan le Abiram hi Korah toh kiloikhom uva Mose le Aaron ana doudal’uva, Pakai jeng jong nahsah louva anadoudal u ahi.
4656	NUM 30:7	Amavang hiche numei nu hin khonung ding gel louva kitepna asem jeng’a, ama le ama aki hen-oh tah a, kitepna anei sung’a hi pasal khat touvin a kichenpi tah’a ahija.
4985	DEU 3:8	Amor mite lengpa lalna gam lhumlam Jordan vadung jong ilo’uvin, hichu Arnon Gorge apat Hermon molsang changei ahi.
5464	DEU 21:15	Koi tobang pasal khat chun numei ji ni akop a, khatnu adeiya khatnu vang chu adeimo joh’a, ahivanga ani gel lhona cha ahin lhon tah a, adeimo nu chun cha pasal ahin khat tah a ahileh,
5605	DEU 27:18	Lamlhahna dunga mitcho elbai sugim ham, puicha vai ham khat chu gaosapna chang jeng ding ahi. Hiche jong chu mipin a donbut’a, Amen! atipeh diu ahi.
5606	DEU 27:19	Kholjin miho leh chaga meithai kikah a thu adih louva tan mihem chu, gaosapna chang jeng ding ahi. Hitia ahinsei teng mipin adonbut’a, Amen! ati sohkei diu ahi.
5676	DEU 28:63	Pakaiyin nachunga thilpha ahin lhunsah a alung oi ji bang’a, hitobang gimna ahung lhun teng jongleh lungoi ding ahi. Na chenna gamsunga kona nadel mang jeng diu ahi.
5860	JOS 1:7	Hatninlang hangpou pouvin, Kalhacha Mose kanapeh danthu jouse nanit jouna dingin, hichea konhin jetlang hihen veiling hijongleh kiheimang hihbeh’in, chutileh nachena channa nakhantou theiding ahi.
5862	JOS 1:9	Keiman thupeh kahinpeh louva nabol ham? Hatninlang hangin, kicha hihbeh’in, tijatna jong neihih in ajeh chu na Pakai na Pathennin nachena chan’uva nalhonpi jing dingu ahi,” ati.
5864	JOS 1:11	“Ponbuh sunga khun cheuvin lang mipiho khu anehdiu akigot toh dingun gaseipeh’un, ajeh chu nithum sunga hi Jordan luipi khu nagalkaijuva Pakai na Pathen in napeh’u gamkhu galotauvin.
5866	JOS 1:13	Pakai lhacha Mose’n nakom uva aseichu sumil hih’un, Pakai na Pathennun nakicholdosah tauvin, chuleh hiche gamhi napeh’u ahitai.
5867	JOS 1:14	Najiteule nachateu, chuleh naganchateu chu Mose’n napehnao hiche Jordan solam gamkaiyah hin umsah’un, ahinlah nalah’uva gal-hat hole mihangsan chengse chun galmanchah akipat uva asopihou masanga hi gal lamkaija pangdiu,
5881	JOS 2:10	Ajeh chu Egypt gamma konna nahung potdoh’u chun Pakaiyin nangho dingin twikhanglen san Achansah’in, chuleh Jordan luigal langa um Amor lengteni Sihor le Og nasuhmang hellu jongchu kana jauvin ahi.
5892	JOS 2:21	Amanun “Nasei lhonchu kapomme,” ati. Hitichun amani chu asoldoh’in, khaosan chu bangkotna chun akhaitan ahi.
5901	JOS 3:6	Chuleh Joshua thempuho kommachun aseijin, “Kitepna thingkong chu pu-uvin lang mipiho masang langa chun cheuvin,” ati. Hichun amaho akipatdoh’un, kitepna thingkong chu apu-uvin mipiho masanga chun acheuvin ahi.
5903	JOS 3:8	Kitepna thingkongpua thempuho komma chun hiche thupeh hi seipeh’in, nangho Jordan vadung pang nalhun tenguleh Jordan vadung chu gahchonlutnun lang ding dennun,” ati.
5915	JOS 4:3	Jordan vadung lailung nadinnauva kon in song somleni hinchoidoh’un, hichu choijunlang tunilhah’a nagenadiu munnachun sekhommun,” ati.
5916	JOS 4:4	Hitichun Joshua’n Israel phungtinna konna alhendoh somleni hochu akoukhom’in,
5961	JOS 6:10	Joshua’n thu ahinpen, “Koimachan kholhang samhih’un, paojong paopoh hih’un, keiman sammun kati tokah’in thu chengkhatcha jong nakammuva kon in gindohsah hih’un,” ati.
5969	JOS 6:18	Suhmang dinga um thilho chu khatcha suloh hihbeh’un, achutilouleh nangho jong nakisuhmang tha dingu ahi, chuleh Israel ngahmunna hi hamsetna nahin lhutkhumlo diu ahi.
5977	JOS 6:26	Hichun, Joshua’n Jericho khopi chu anagaosap’in, “Koi hileh hiche Jericho khopi sapha go chanchu Pakai sapset changhen, tungdohgoa chu acha masapen’in loulo hen, akelkot tungdohgoa chu achapa lhumpen chaanlo hen,” ati.
5997	JOS 7:19	Hichun Joshua’n Achan kommachun hitin aseije, “Kachapa, Israel Pathen loupina hi jana penlang thudihtah seijin, ipi bepseu nanabol hitam phongdoh’in lang, neiseipeh’in, imacha imhihbeh’in” ati.
6005	JOS 8:1	Hichejou chun Pakaiyin Joshua kommah chun aseije, “Kicha hih’in, lungthoina jong neihih’in, nasepai hochu puijinlangAi khopi khu gadelkhumtan, ajeh chu Ai lengpa le amipite, akhopi le agamchu nangma khutna kapehdoh ahitai.
6007	JOS 8:3	Hitichun Joshua leh asepaite chu Ai khopi gadelkhum dingin akontouvun ahi. Joshua’n asepaite lah’a galsat hatcheh sangsom thum alhengdoh’in jannin asoldoh’in,
6043	JOS 9:4	Amaho kihuhdohna dingin lungthim chomkhat agongtauvin ahi. Amahon Joshua komma palai asol’uvin, sakhao luile asesa, jupeng luile akibehthu ho, sangan chunga aheng’un,
6047	JOS 9:8	Amahon, “Keiho hi nasohte kahiuve” tin adonbutnun ahi. Ahin Joshua’n, “Nangho koi nahiuva, hoiya konna hung nahiuham?”ati.
6050	JOS 9:11	Hijeh chun kaupa houle kamipite jousen eihin thulhah’un, kholgamla tah jotna dingin nehle chah kipoh’un, Israel mipite chu gakimupiuvin lang hitihin seijun, ‘keiho nasohte kahiuve keihotoh kitepna neineipiuvin,’ tin gaseijun” atiuve.