23365 | MAT 6:14 | —Vo'oku enepo kutí ixêa ákoti váherexeaku ítukeinopi ne po'inu xâne, kúteanemakamo kixópiku Itukó'oviti. |
23379 | MAT 6:28 | —Ná'ikopo koeti yupíhinovo yónea iséneu ne kixékumo iké'ipovoxopivo? Ivévakapihi koeku payá'iyea ne koati uhé'ekoti hîu itunoêvoti ya mêum, enepone humanévoti. Ako okó'ituke, koane ákomaka ixúxuka kuteâti koeku xâne. |
23436 | MAT 8:22 | Itea hara kíxoa Jesus: —Kiná'akane ingéneke. Síkeane ne kutí koeti ivokóvotinehiko ákoti yuixápu ítuke Itukó'oviti ekóxopeamo ne ivokóvoti —kíxoane. |
23457 | MAT 9:9 | Úkeane ukopóno ne Jesus, yane noíxone hóyeno koéhati Máteu, vaata koyêti xoko kóperaxoku vo'oku itúkeovo koperáxinoti nâti. Ina kixôa Jesus: —Kiná'aka ingéneke. Yane xepú koéne ne Máteu, pihóne hókea Jesus. |
23477 | MAT 9:29 | Ina ipiho vô'u ukékuke neko komítiti xaneâti kíxea: —Vo'oku kívivonu, énomone ákoeneye kuteâti yâha —kíxoane. |
23571 | MAT 12:13 | Ina kixôa neko hóyeno: —Kepáya'akapa ne veô'u. Koáne, itúkoa ne yuhó'inoa Jesus. Yane unátipone. Kutipasí koépokokone ne vô'u. |
23587 | MAT 12:29 | —Maní'ikopo motovâti ápeyea urúkeovoti óvokuke xúnati hóyeno omópea ítukevo ákoti ika'áka inúxotike? Konókoti iká'akea inúxotike, ínamo itâ omópea ítukevo —kíxovokoxoane Jesus, ihókoati xúnati hóyeno ne Satánae, koane kixopóvoti itúkeovo xunané'e ya Satánae. |
23619 | MAT 13:11 | Ina kixovókoxoa Jesus: —Vo'oku enepone koekúti kixoku natíxea ne Íhae Vanúke xapa xâne ákoti po'i exeâti koêku, itínoe porexókono éxea. Kene po'ínuhiko xâne, ako paréxakana éxea koêku. |
23644 | MAT 13:36 | Yane íkopova Jesus neko êno xâne koane pihópea óvokuke. Ina ahi'ókova íhikauhiko. Hara kíxoa: —Keúhapu'ikapinavea kixó'ekone ne yéxetinameku koêku ne úhiti híyeuke nonétihiko. |
23717 | MAT 15:15 | Ina kixôa Pêturu: —Keúhapu'ikinavea kixó'ekone íhekoake ne yihómeku. |
23727 | MAT 15:25 | Yane ipuyuké koéponone ne sêno poké'eke nonékuke Jesus koane kíxea: —Hivá'axanu Unaém. |
23729 | MAT 15:27 | Yane ina yumopâ sêno: —Kaná'uteoxo Unaém, itea enepone kálihunoe tamúku, níkoamaka ne íhone nikokónoti irikóvoti opékuke mesana únae. |
23735 | MAT 15:33 | Ina kixôa íhikauhiko: —Ná'ikopomo vínixoponea pâum yara mêum ákoti apêti motovâti imátaxeovo ra êno xâne? |
23736 | MAT 15:34 | Ina kixovókoxoa Jesus: —Ná'ikopo yé'aye pâum apêti xepákuke? —Seti kôe, yoko kali ye'á koeti kálihunoe hôe —koénehiko. |
23779 | MAT 17:10 | Ina kixôa íhikauhiko: —Ná'ikopo koeti koyúhoinoa éskiriba, enepohikone ihíkaxoti yútoe Muîse, kónokea itúkeovo Îliya ne inuxómo sîmo? |
23780 | MAT 17:11 | Ina yumopâ Jesus: —Kaná'uteoxo símeane Îliya inúxotike kóyuseyea uhá koêti. |
23789 | MAT 17:20 | Ina kixovókoxoa Jesus: —Vo'oku yupihovó kó'iyea kalîhuyea ne kívivonu. Koati emo'úti ra yunzó'inopinoe: Enepone kívivonu, muhíkovani akutêa itóvoku kalîhuko ake nonéti, enepone mostarda, mani motovâti pehúki ahíkuxeovo xoko óvoku ne koati hána'iti mopôi pihópea po'íke. Koáne, mani ipokóvoti. Eneponi akoéneye kívivonu, ákoni ápahuina koekúti ákoti keusákinakana. |
23791 | MAT 17:22 | Yanekôyoke koeku ho'úxeovohiko ya Ngalíleya, hara kíxovokoxoa Jesus ne íhikauhiko: —Yé'exovone ngurí'okeokonokumo xunako xanéhiko, undi íhae vanúke ikútipasikoponovoti xâne. |
23838 | MAT 19:7 | Yane ina kixôa farîzeuhiko: —Ná'ikopo koeti ápeino yútoe Muîse koyúhoti yusíkea kuríkea yêno ne hóyeno, koane poréxea koyuhópeti kotuyôpeati îha itúkeovo koyenókokoti? |
23961 | MAT 22:20 | Ina kôe ne Jesus: —Kutí'ikopo itukoa nône yoko îha ovâ ra tiûketi? Ina yumopâhiko: |
23984 | MAT 22:43 | Ina kixovókoxopamaka Jesus: —Ná'ikopo koeti “Unaém” kixínoa Ndávi, koyúhoti ya xunákoke Sasá'iti Omíxone Itukó'oviti? Vo'oku hara koé'epepo: |
24178 | MAT 26:55 | Yane hara kíxovokoxoa Jesus neko êno xâne: —Undí'ikopo koati koyuvôrixovoti ísukenati omó kixínekenoe hána'iti pirítau yoko pulô'i isukópeti nemúkoponinunoe? Uhá koeti káxe, koati óvonzeixokunepepo xepákukenoe ya hána'itike imokóvokuti inzíkaxoti, yoko ákonoe iké'akanu. |
24191 | MAT 26:68 | —Mahí'ipepo iti koati Mésiya, enepone páhoe Itukó'oviti koíteovo xâne. Íhexaikopo itukóvotiye ra isukópiti —kíxoanehiko. |
24209 | MAT 27:11 | Yoko xe'ó kóyene ne Jesus nonékuke Pilátu, enepone ngovenâdo. Ina kixôa Pilátu: —Ití'oxo natina jûdeuhiko? Ina yumopâ Jesus: —Enepone yépemonuke, kaúhapu'ikoa indúkeova —kíxoane. |
24221 | MAT 27:23 | —Kutí'ikopo itúko pahúnevo ra hóyeno? —kíxovokoxopanemaka Pilátu. Itea inamá'axo koxunáko vaúkexea neko xanéhiko kónokea kurúhuxeokono ne Jesus. |
24227 | MAT 27:29 | ínamaka itukínoahiko kôroa. Yoko ainóvoti ka'áveti káva'o tikóti veínoa úhekexea, ina ipíhea tutíkuke koane itúkinoahikomaka puló'ina, ómo'ixone éxopeke vô'u kuteâti koeku ómo'ixone nâti, hoénaxovope itúkeovo pahúkoti. Yane ina ipuyúkexinoahiko húndaru koemóke'eati koane kó'iyeahiko: —Iháyu'ikakana ra natina jûdeuhiko —koénehiko koémoke'eyea. |
24343 | MRK 2:14 | Koeku yónea ne Jesus, noíxone Lévi, xé'a Áfeu, enepone koperáxinoti nâti, vaata koyêti xoko kóperaxoku, ina kixôa Jesus: —Kiná'aka ingéneke —kíxoane. Yane xepú koéne ne Lévi, pihóne hókea Jesus. |
24361 | MRK 3:4 | Ina kixovókoxopamaka Jesus neko xanéhiko: —Kutí'ikopo pahúkinovi Ponóvoti Kixovókuti yútoe Muîse vitúkea ya sâputu? vitúkea únati? áko'o vitúkea váhere, koíteovo uti ka'aríneti? áko'o sikó kíxea ûti ivókeovo —kíxovokoxoane. Itea ako ápahuina yumopâti. |
24362 | MRK 3:5 | Ina komomókexoa Jesus xaneâti ímaikinova, koane kotíveyea isóneuke vo'oku tiú'ikohiko omíxone. Ina kixôa neko hóyeno: —Kepáya'akapa ne veô'u —kíxoane. Koane kapáya'akopane, yane unátipone. |
24427 | MRK 4:35 | Yaneko kiyoné'e káxe, hara kíxovokoxoa Jesus ne íhikau: —Pihá'avo ûti poixô'oke ra mar —koéne. |
24456 | MRK 5:23 | Yoko koati koyó'iti ne hóyeno koeku kíxea: —Kahá'atine ivókeovo inzíne. Yaxénapanu, ípihepainana veô'u tutíkuke maka aúnatipone. Yane ákomo ivákapu —kíxoane. |
24501 | MRK 6:25 | Énomone yaneko ókoku ôra, kayú koépone éhakopeovo xokóyoke ne nâti há'axaka, ina kixôa: —Ngaha'âti ne tuti Xuaum Mbátita kó'oyenene utókuke —kíxoane. |
24514 | MRK 6:38 | Ina kixovókoxopamaka Jesus: —Ná'ikopo yé'aye pâum yâyeke? Neíxapana —kíxoane. Exoânehiko yé'akeye, ina etó'okopo Jesus ápeyea singu koeti pâum yoko pi'âti hôe. |
24560 | MRK 7:28 | Ina yumopâ neko sêno: —Kaná'uteoxo Unaém. Itea enepone kálihunoe tamúku opékuke mêsa, níkoamaka ne íhone nika kalivónohiko. |
24561 | MRK 7:29 | Ina kixopâmaka Jesus: —Vo'ókuke ra yiûho, ipúhikopeane ndémoniu ne ihine îti. Motóvane pihépi yóvokuke —kíxoane. |
24573 | MRK 8:4 | Ina kixôa íhikauhiko: —Ná'ikopomo vínixoponea nikokónoti motovâti koímataxeahiko yara mêum ákoti apêti? |
24574 | MRK 8:5 | Ina kixovókoxopamaka Jesus: —Ná'ikopo yé'aye pâum apêti yâyeke? —Seti kôe —kíxoane íhikauhiko. |
24618 | MRK 9:11 | Ina kixohíko Jesus neko íhikau: —Ná'ikopo koeti koyúhoinoa ihíkaxoti yútoe Muîse, enepohikone éskiriba, kónokea itúkeovo Îliya inuxómo símea? |
24619 | MRK 9:12 | Ina yumopâ Jesus: —Kaná'uteoxo símea ne Îliya inúxotike kóyuseyea uhá koêti. Itea na kó'inoaye iséneu ne emo'u Itukó'oviti koyúhoinoake kónokea enó'iyeamo koítoponeovo kotíveti ne íhae vanúke ikútipasikoponovoti xâne koane yupíheovomo púveovokono? |
24638 | MRK 9:31 | vo'oku kahá'ayea íhikaxeako íhikauhiko. Yane hara kíxovokoxoane: —Nguri'ókokonotinemo xunako xanéhiko, undi íhae vanúke ikútipasikoponovoti xâne, yane ínamo kaepékanuhiko, itea mopó'apeke káxe ikénepo, enjepúkopotinemo ungópea xapa ivokóvoti —kíxovokoxoane. |
24656 | MRK 9:49 | Ina kixovókoxopaikomaka Jesus: —Vo'oku uhá ketínoe, konókoti víki tiú'itike koekúti kuteâti koeku tiveko yúku, maka itíkapune kuteâti únati ánahi nikokónoti kuteâti koeku yúki. |
24660 | MRK 10:3 | Ina yumopâ Jesus: —Ná'ikopo kó'eye páhoe Muîse itúkeokono ya yútoeke? |
24683 | MRK 10:26 | Yupihovó koéneoxo iyúpaxeova íhikauhiko ne yuho Jesus koane kíxeokoko: —Kutí'ikopomeamo motovâ itúkeovo koítovone Itukó'oviti koane yonópea xokóyoke? —kixókokone. |
24690 | MRK 10:33 | —Kó'oyene Njeruzálem vonóne, yoko nguri'ókokonoatinemo ne tutíhiko sasedóti inuxínoti viyénoxapa hó'eke, koáne ne éskiriba, enepohikone ihíkaxoti yútoe Muîse. Koati ngixókonokunemo, undi íhae vanúke ikútipasikoponovoti xâne, ínamo pahukáhiko ngoépekeokono, ínamakamo kuri'ákanu xâne ákotihiko itukapu viyénoxapa jûdeu éxoti koeku poké'exa ûti. |
24751 | MRK 12:9 | Ina kixovókoxopamaka Jesus neko kamokénoatihiko: —Ná'ikopomo kíxoaneye únae nonéti neko katarákinoatihiko ne nóne? Pihinoâtimo, ínamo kaepékexa, yane porexópotimo po'ínuhiko xâne kátarakinoa ne nóne. |
24758 | MRK 12:16 | Yane omínoanehiko ne tiûketi. Ina kixovókoxopa Jesus: —Kutí'ikopo itukôa nône yoko îha ovâ ra tiûketike? Ina yumopâhiko: —Sêza. |
24850 | MRK 14:27 | Ina kixovókoxoamaka Jesus ne íhikau: —Hána'itimo poé'ayeanoe iséneunonu, koane uhá ketínoemo kiríkinu, kuteâti koêku ne yuho Itukó'oviti emó'uke, enepone koêti: “Ngoepékoatimo ne koyónoti su'ûso, yane uhá koetímo itóhineheyea ne óyonone” koêti —kíxovokoxoane Jesus, ihókovati ne koyónoti su'ûso. |
24871 | MRK 14:48 | Ina kixôa Jesus neko xanéhiko: —Undí'ikopo koati koyuvôrixovoti ísukenati omó kixínekenoe hána'iti pirítau yoko pulô'i, isukópeti nemúkoponinunoe? |
24888 | MRK 14:65 | Yane ápenehiko apurú'okoti Jesus, koane ikanóneati koeku isúkeahiko xaneâti kíxeahiko: —Mahí'ipepo iti koati porófeta, íhexaikopo itukóvotiye ra isukópiti —kíxoanehiko. Koánemaka neko koyónotihiko, isúkoamaka. |
24897 | MRK 15:2 | Ina kixôa Pilátu ne Jesus: —Ití'oxo natina jûdeu? Ina yumopâ Jesus: —Enepone yépemonuke, koúhapu'ikoa indúkeova —kíxoane. |
24904 | MRK 15:9 | Ina kixovókoxoa Pilátu: —Kehá'anoe nguríkopea ra netína, itínoe jûdeu? —kíxovokoxoane. |
24909 | MRK 15:14 | Ina kixovókoxopamaka Pilátu: —Kutí'ikopo itúko pahúnevo râ'a? —koéne. Itea inamá'axone koxunáko yûho vaúkexea kónokea kurúhuxeokono ne Jesus. |
24913 | MRK 15:18 | itûkovotihiko teyoâti. Yane hara koéhiko: —Iháyu'ikakana ra natina jûdeuhiko! —koénehiko koémoke'eyea, |
25030 | LUK 1:68 | —Viháyu'ika ne Vúnae Itukó'oviti, kuvóvone íhae Izarâe, vo'oku simóne huvó'oxoponeovi, uti xanéna, koane veyópeovi ya vóvoheixea opékuke xunako vanáne. |
25056 | LUK 2:14 | —Iháyu'ikakana ne Itukó'oviti yâkonoye vanúkeke. Kene yâye yara poké'e, itúkapu kásati omixóneti yoko úhepeti isoneûti apê xapákuke xâne kahá'ainoakehiko Itukó'oviti únati —koénehiko. |
25071 | LUK 2:29 | —Kó'oyene Unaém, úhepetinemo inzóneu ivóngeovo vo'oku yéxokonoane ra kixínenuke yanekôyo. |
25104 | LUK 3:10 | Ina kixôa xanéhiko ne Xuâum: —Kutí'ikopo kónoko vitúkea? |
25110 | LUK 3:16 | Ina kixoáhiko Xuâum: —Kaná'uti ánjikeopinoe ya úne iháke Itukó'oviti, itea keno'ókotinemo koati hána'iti teyonéti ya undíke. Muhíkova anjí'okeova ngúxeinoa imo perékatana, ako omóndokea. Énomonemo ahíko xanéhiko haînati ya úne itea ya xunákoke Sasá'iti Omíxone Itukó'oviti. Yoko kutí koetimo otuko yúku ne xunáko kasása'ikea. |
25154 | LUK 4:22 | Yoko uhá koêti neko kamokénoti, ínixeahiko úhe'ekea neko yuho Jesus. Koati iyupáxovatihiko éxea koyúhoyea emo'útihiko yupihóvoti unáko kuteâti neko yûho. Hara kixókoko: —Hainá'ikopo xé'a Yûse râ'a? |
25203 | LUK 5:27 | Yanê'e, koêku ukóponea ne Jesus, ápe hóyeno noíxone, koperáxinoti nâti, vaata koyêti xoko kóperaxoku. Lévi koéha. Ina kixôa Jesus: —Kiná'aka ingéneke —kíxoane. |
25225 | LUK 6:10 | Yane pono-ponó kixínoane ûke Jesus uhá koêti neko xâne apêtiya. Ina kixôa ne hóyeno: —Kepáya'akapa ne veô'u —kíxoane. Koáne, kapáya'akopane ne vô'u. Yane unátipone. |
25253 | LUK 6:38 | —Ú'uso yákoye peréxi nókone po'ínuhiko xâne, vo'oku kúteanemakamo kixékonoku. Hanemo koéneye némoepo, kuteâti koêku ísahikea ovâti ne xáku vo'oku ákoyeane yónokuya, enepo yupihóvone yutútukeokono kopuhíkokono, vo'oku kuteâti kíxeaku ne po'íhiko xâne, kúteanemakamo kixékonoku —kíxovokoxoane Jesus. |
25312 | LUK 7:48 | Ina kixoá'ikomaka Jesus neko sêno: —Sesá'ipine ne pehúnevo, ngotúyopinopeane. |
25429 | LUK 9:59 | Ina kixoámaka Jesus ne po'i hóyeno: —Kiná'aka ingéneke. Ina kixopâ hóyeno: —Unaém, sikénuvo engóxeakomo nzá'a inúxotike ivakápune, ínamo nzakâpi. |
25454 | LUK 10:22 | Ina koe'íkomaka ne Jesus: —Kurí'okoponoane Nzá'a ne uhá koeti koekúti. Ako exónuti, undi Xe'exa Itukó'oviti, ákoti itukapu Nzá'a, poéhane exónu. Koane ákomaka exoâti ne Nzá'a ákoti itukapu ûndi, undi Xe'éxa, yoko koêkuti xâne ânja énjokea —koéne. |
25458 | LUK 10:26 | Ina yumopâ Jesus: —Ná'ikopo kó'eye ne Ponóvoti Kixovókuti yútoe Muîse? Na kíxeaye keûrapu'iki enepo ihíkexo? |
25461 | LUK 10:29 | Yane vo'oku kahá'ayea ápeyea pó'onexeovoke neko hóyeno, hara kixópomaka Jesus: —Kutí'ikopo itukóvoxo xâne nóngone ákoyea omótova ongóvo? |
25570 | LUK 12:42 | Ina kixôa Jesus itukínoati po'i íhokoake: —Kutí'ikopomea itukóvo kuteâti ne ahinoêti koati yuixóvoti ítukexeokonoke, koane ponóvoti isóneu ítukeke? Énomone neko poréxoakemaka pátarauxa éxea koêku ne po'ínuhiko ahínoe, motovâti koúsokinoa nókone koatíke kaxénaxeokonoke. |
25611 | LUK 13:24 | Ina yumopâ Jesus, itukínoati íhokoake. —Kéxuna'ixapunoe víki ne kutí koeti kalíkuti pahapéti. Koati ngixópitinoe: Enómo kaha'âti vékea itea ákomo íta —kíxoane. |
25619 | LUK 13:32 | Itea hara kíxoa Jesus yumópeahiko: —Yéta'akapana ne Êrodi, enepone kutí koeti éxeako úkoe, ngópuhikopeakomo ndémoniu xoko xâne ûroevo, yoko ngoíteovoikomo ka'aríneti kó'oyene yoko ihârotike. Yane mopó'apeke káxe, unzéxotinemo índuke. |
25633 | LUK 14:11 | —Vo'oku koteyókokonotimo ne uhá koeti kapayásokopovoti. Kene ne ákoti kapayásakapapu, kahaná'ikokonotimo —koéne. |
25671 | LUK 15:14 | —Uke'éxoane heú koêti neko tiûketina, kenó'okone êno hímakati yaneko poké'e. Yane turíxovone ikónoko'ixeovo neko homoêhou. Épekoanemaka hímakati. |
25788 | LUK 18:31 | Yane ahikú kíxoa Jesus ne nduse koeti íhikau koane kíxovokoxea: —Kó'oyene Njeruzálem vonóne. Simané'e utíya, kousókovotinemo uhá koêti ne yutoxóvoti yútoeke porófetahiko vo'ónguke, undi íhae vanúke ikútipasikoponovoti xâne. |
25809 | LUK 19:9 | Ina kôe ne Jesus: —Kó'oyene sasá'ipone ya pahúnevo ra ko'óvokuti. Koáhati ámoriponomaka Âbraum râ'a. |
25838 | LUK 19:38 | Hara kóyehiko vaúkexea: —Viháyu'ika rakene nâti páhoenovi Vúnae Itukó'oviti koúsokinokonoke xanéhiko úhepeko kóyeku ya vanúkeke. Koati hána'iti ihayú'iuti ne Itukó'oviti yâkonoye vanúkeke —koéhiko. |
25842 | LUK 19:42 | Hara koe yûho vo'ókuke ne xanéhiko ovâti ne pitivóko: —Ehá'ani yéxinoe kó'oyene ne mani nékone, motovâti ápeyea koati únati kêku ikéneke Itukó'oviti. Itea ako imíhe'aka iséneu motovâti yéxi. |
25863 | LUK 20:15 | Yane kópuhikopeanehiko meúkeke yane kavâne, ínahiko koepékoa —koe éxetina. Ina kixovókoxopamaka Jesus neko kamokénoati: —Ná'ikopomo kíxoaneye únae nonéti neko katarákinoatihiko nóne? |
25865 | LUK 20:17 | Yane pono-ponó kixínoane ûke Jesus, ina kixovókoxopamaka: —Kutí'ikopo kixó'eko ne yutoéti emó'uke Itukó'oviti, enepone koêti? “Enepone mopôi, noívokoxine itúkotihiko péti, ainovó koe itukóvo koati turíxeovoku uhá koêti, kuteâti koêku koati inúxoti mopôi turíxeokonoke péti” kôe ne yutoéti —kíxoane Jesus, ihókopovati ne mopôi noivókoxineti. |
25889 | LUK 20:41 | Ina kixovókoxoa Jesus: —Ná'ikopo koeti koyúhoinokono itúkeovo ámoripono Ndávi ne Mésiya, enepone páhoe Itukó'oviti koíteovo xâne? |
25943 | LUK 22:10 | Ina kixôa Jesus: —Ehá'axomo siménoe pitivókoke, tekópotimo hóyeno koínoti póte puhí koati úne. Hekápamo ne hóyeno xokóyoke ne ovokúti ûrukopovokumo |
25985 | LUK 22:52 | Ina kixôa Jesus ne tutíhiko inuxínoti jûdeu hó'eke, koáne ne tuti xanéhiko koyónoti hána'iti imokóvokuti, yóko'omaka ne po'ínuhiko payásoti xapa tuti jûdeu ika'ákoponoatihiko: —Undí'ikopo koati koyuvôrixovoti ísukenati omó kixínekenoe hána'iti pirítau yoko pulô'i, isukópeti nemúkoponinu? |
25997 | LUK 22:64 | yoko ikauké kíxoanehiko, ínamaka kixôa: —Mahí'ipepo iti porófeta. Íhexaikopo itukóvotiye ra isukópiti —kíxoanehiko. |
26003 | LUK 22:70 | Ina kixoáhiko uhá koêti neko tutíyehiko: —Ití'ikopo Xe'exa Itukó'oviti? Ina yumopâ Jesus: —Enepone yépemonuke, koúhapu'ikoa indúkeova —kíxoane. |
26007 | LUK 23:3 | Ina kixôa Pilátu ne Jesus: —Ití'oxo natina jûdeuhiko? Ina yumopâ Jesus: —Enepone yépemonuke, koúhapu'ikoa indúkeova —kíxoane. |
26026 | LUK 23:22 | Ina kixovókoxopamaka Pilátu. Yoko mopó'apene káyukinoa neko yûho: —Kutí'ikopo itúko pahúnevo ra hóyeno? Koati ákoti ininjêa váhere ítuke mani évotikinokonoke koépekeokono. Mbahukoâtimo yehépoke'exeokono ínamo ngurikápa —kíxovokoxoane. |
26077 | LUK 24:17 | Ina kixôa Jesus: —Kutí'oxoya ne itíkonoe yónoku iséneu ixómoinoke yího'ixokoko koeku yéni? —kíxoane. Xe'okó koénehiko neko pi'âti, koati ikaxú'itihiko okóvo. |
26089 | LUK 24:29 | Itea ako akáha'ainoa pi'âti xánena itávokea. Hara kíxoahiko: —Yavá'avoneye xoko ûti vo'oku kiyóne káxe, kahá'ane yotíxea —kíxoanehiko. Yane xanépoane Jesus motovâti ókea xokóyokehiko. |
26134 | JHN 1:21 | Ina kixopâmaka pahoétihiko: —Kutí'ikopo îti? Itímea Îliya, enepone koyúhoti emo'u Itukó'oviti mekúke? —Áko'o —kíxoanehiko Xuâum. Ina koepóhikomaka: —Ití'ikopomea neko porófeta koyúhoti emo'u Itukó'oviti, kúxone ûti símeamo? Yane hara kixópahikomaka Xuâum: —Haina ûndi nê'e. |
26138 | JHN 1:25 | Ina kixo'íkohikomaka Xuâum: —Ná'ikopo koeti yáhikino xâne iháke Itukó'oviti enepo hákoti itukovo iti Mésiya, simóya Îliya, simóyamaka neko porófeta koyúhoti emo'u Itukó'oviti, enepone kúxone ûti símeamo? |
26139 | JHN 1:26 | Ina yumopâhiko Xuâum: —Kaná'uti ánjikea ya úne, itea anêkone xapa xâne kîrivokoevo âvoti yexâ. |
26152 | JHN 1:39 | Ina yumopâ Jesus: —Kiná'aka ingéneke, neíxapana óvongu —kíxoanehiko. Yane xanépoane komomóponeati óvoku. Ôvanehiko óvokuke yaneko káxe vo'oku yé'exeovone koáturu ôra ya kiyakáxe. |
26156 | JHN 1:43 | Poéhapoa káxe ikéne, koúsokovone Jesus yóneamo ya Ngalíleya. Yane tokópone Filípi, ina kixôa Jesus: —Kiná'aka ingéneke —kíxoane. |
26163 | JHN 1:50 | Ina kixôa Jesus: —Vo'oku ngoyúhoinopi noínjeopi opékuke ne xuve fîgu, ene kutí'inoke kitipónuti? Koati neíxotikomo koekúti hána'iti yarâ'a —kíxoane. |
26244 | JHN 4:19 | Ina kôe neko sêno: —Kutí'inonu iti porófeta, páhoe Itukó'oviti koyúhoyea emó'u. |
26285 | JHN 5:6 | Noixoâne Jesus ya xoko tunúkuheixovoku, hara kíxoa: —Kehá'a ítivoa ne yaríne? —kíxoane. Yoko éxoane mekú'iyeane ká'arine. |
26291 | JHN 5:12 | Ina kixopâmaka tutíhiko jûdeu: —Kutí'ikopo itukóvoye neko pahukópiti kíxineye? —kíxoanehiko. |
26354 | JHN 6:28 | Ina kixôa xanéhiko: —Kutí'ikopo kónoko vitúkea motovâti vitúkea ahá'inovi Itukó'oviti? |
26386 | JHN 6:60 | Kamoánehiko neko yûho Jesus, êno xâne xapákuke neko hokoâti koêti: —Tiú'iti emo'úti yûho râ'a. Kutí'ikopomo itôa kámokenoyea? —kíxoanehiko. |
26432 | JHN 7:35 | Ina kixokóko ne tutíhiko jûdeu: —Ná'ikopomeamo yonópo râ'a ákoinokenemo vínixapana? Yonópotiperameamo xapákuke viyénoxapa kurivókoxopovoti xâne po'íkehiko poké'e motovâti íhikaxeamaka xâne ákoti itukapu viyéno jûdeu? |
26449 | JHN 7:52 | Ina yumopâ po'ínuhiko farîzeu: —Ití'ikopomaka íhae Ngalíleya, ketíxinoake? Íhikexapa ne yutoéti emó'uke Itukó'oviti, yane neixoâtimo ákoyea ápahuina porófeta koyúhoti emo'u Itukó'oviti ukeâti Ngalíleya —kíxoanehiko. ( |