3 | GEN 1:3 | Hotu, Maromak katak naꞌak, “Musti noo kroman.” Katak notu, kroman moos dadi. |
6 | GEN 1:6 | Hotu, Maromak katak tenik naꞌak, “Musti noo fatin mamuk atu hodi keta faꞌe wee, nebee noo wee iha leten no wee iha ohak.” Katak notu, wee moos naketak aan faꞌe baa rua. |
11 | GEN 1:11 | Hotu, Maromak katak tenik naꞌak, “Rai maran musti natubu ai horis mahoo fuan, mahoo musan, no mahoo tahan matak. Nebee ai horis ida-idak nafini, tuir oik duꞌuk.” Katak notu, ai horis moos dadi. |
14 | GEN 1:14 | Hotu, Maromak katak tenik naꞌak, “Iha leten musti noo makroman oi-oik, nebee bele naroma raiklaran! Musti noo makroman baa kalan, no makroman baa loron. Makroman nia sia dadi tadak nebee bele sura loron no tinan.” Katak notu, makroman sia moos dadi. |
20 | GEN 1:20 | Hotu, Maromak katak tenik naꞌak, “Musti noo makmoris iha wee laran. No manu mak semo iha leten.” |
26 | GEN 1:26 | Hotu, Maromak katak tenik naꞌak, “Diꞌak liu, Ita haseꞌi ema tuir Itakaan ilas, nebee sia babilan naꞌan tasi iha tasi laran, manu iha leten, osa no lotuk hakiak no osa no lotuk seluk sia iha rai maran.” |
30 | GEN 1:30 | Haꞌu klatan no ai horis mahoo tahan matak oi-oik bodik osa no lotuk haan. Noo haan bodik osa no lotuk hakiak, osa no lotuk fuik, osa no lotuk maneꞌek no manu ai leten.” Katak notu, hahaak hotu-hotu moos iha. |
48 | GEN 2:17 | Mais noo ai fuan ida mak o la bele maa. Ai fuan nia, nosi ai huun mak foo natene saa mak diꞌak no saa mak aat. Kalo o maa ai fuan nia, o nanis mate.” |
49 | GEN 2:18 | Hotu MAROMAK katak naꞌak, “La furak ema neꞌe moris mesan. Diꞌak liu, Haꞌu kaseꞌi foo maluk ida mak makonak no nia.” |
54 | GEN 2:23 | Naree feto nia, ema nia dale naꞌak, “Haa! Neꞌe lai! Neꞌe foin kona baa haꞌu! Niakaan ruin manesak no haꞌukaan. Niakaan isin moos manesak no haꞌukaan. Haꞌu kanaran nia ‘feto’, tan nia dadi nosi mane.” |
61 | GEN 3:5 | Naꞌi Maromak badu nunia, tan Nia natene kalo emi haa ai fuan nia, emi dadi matenek manesak no Nia! Emi moos bele hatene saa mak diꞌak no saa mak aat.” |
62 | GEN 3:6 | Rona nola nunia, feto nia naree ai huun nia kabaas lo-loos. Fuan moos arumak midar tebes. Nia naneo naꞌak, “Kalo haꞌu kaa ai fuan neꞌe, haꞌu nanis matenek ona.” Hotu, nia kuꞌu nola, naa kedan. Nia moos nodi foo baa laꞌen. Laꞌen moos naa. |
66 | GEN 3:10 | Mane nia nataa naꞌak, “Haꞌu koꞌi rona Naꞌi Maromak lian iha neꞌe. Mais haꞌu kmoe aan, tan kakwalan. Foin, haꞌu kalai baa kakfunin.” |
69 | GEN 3:13 | Rona nola nunia, MAROMAK nusu feto nia naꞌak, “Tan saa o malo nunia?” Feto nia nataa naꞌak, “Tan samea mak beꞌur haꞌu, foin haꞌu kaa ai fuan nia.” |
71 | GEN 3:15 | O mo feto neꞌe, funu malu nima-nimak. Emikaan husar-binan moos nunia. Okaan husar-binan atu nadodok ema ain nuban. Mais feto neꞌe niakaan husar-binan ida atu nadodok okaan ulun.” |
75 | GEN 3:19 | O musti serwisu susi ruin, foin rai foo haan baa o. O musti serwisu masai kosar nunia, toꞌo mate. Haꞌu kaseꞌi o kosi rai. Oras o mate, o fila mikar baa rai.” |
81 | GEN 4:1 | Hotu, Adam toba no feen Efa. Efa koꞌus, hotu nahoris oan mane ida. Nia dale naꞌak, “Haꞌu kahoris kasai oan mane ida, tan MAROMAK tulun haꞌu.” Nia tau naran baa oan nia naꞌak, Kain (tan kain lia isin naꞌak ‘hasai’). |
92 | GEN 4:12 | Kalo o malo toꞌos, rai la foo isin baa o. Nahuu baa oras neꞌe, o tablaun lerek hanesan ema susar mak buka moris iha raiklaran.” |
94 | GEN 4:14 | Kalo Naꞌi Maromak teꞌur sai haꞌu kosi fatin neꞌe, haꞌu kdook nanis kosi Naꞌi Maromak tiꞌan. Haꞌu tablaun lerek dei ona. Ema mak nasoru haꞌu, nanis noꞌo haꞌu.” |
104 | GEN 4:24 | Kalo ema noꞌo Kain, netan kastikar dala hitu. Mais, kalo ema nakara rai hirus baa haꞌu, atu netan kastikar dala hitu nulu resin hitu.” |
135 | GEN 5:29 | Hotu nia dale naꞌak, “Oan neꞌe atu nadiꞌak itakaan neon, toꞌo haluꞌa itakaan serwisu todan iha rai mak Maromak kastikar tiꞌan.” Etuk, nanaran oa nia, Noh (tan lia fuan ‘noh’ hanesan lia fuan Ibrani ida naꞌak ‘hadiꞌak neon’). |
141 | GEN 6:3 | Loron ikus, MAROMAK katak naꞌak, “Haꞌu kole resik tiꞌan, tan ema raiklaran moris la loos! Haꞌukaan Kmalar mak foo moris baa sia. Mais oras neꞌe, Haꞌu la koꞌuk sia moris nohuun. Nahuu baa oras neꞌe, sia la bele moris otas naruk ona, mais sia musti mate. Sia bele moris toꞌo otas tinan atus ida rua nulu dei.” |
159 | GEN 6:21 | O moos musti loi matama haan oi-oik bodik emi ho osa no lotuk nia sia.” |
164 | GEN 7:4 | Rona diꞌa-diꞌak! Hela loron hitu dei, Haꞌu atu katuun udan mak la nanawa, toꞌo kalan haat nulu, loron haat nulu! Kodi nunia, Haꞌu koꞌo mohu hotu-hotu mak moris iha rai maran, mak Haꞌu kaseꞌi tiꞌan.” |
201 | GEN 8:17 | Masai osa no lotuk nia sia hotu-hotu. Masai mak hakiak, mak fuik, mak maneꞌek no manu ai leten sia. Mabusik sia, nebee sia bea tuꞌan, nakonu nola raiklaran neꞌe.” |
206 | GEN 8:22 | Oras raiklaran neꞌe sei iha, loro no kalan musti laꞌo bei-beik atu babilan oras furi no oras kuꞌu, oras malirin no oras manas, oras loro falin no oras rai udan.” |
213 | GEN 9:7 | Emi musti hahoris bea hakonu hikar raiklaran neꞌe.” |
220 | GEN 9:14 | Kalo kaloꞌan saꞌe iha laleꞌan, hotu baur tubu, baur nia foo natene baa Haꞌu naꞌak, Haꞌu kameno tiꞌan, motasaꞌe boot la bele nabeꞌo dodok tenik sa-saa mak moris. Baur nia moos dadi tadak naꞌak, Haꞌu kamate menon tiꞌan ko emi no sa-saa hotu-hotu mak moris.” |
233 | GEN 9:27 | Nebee Maromak naluan Yafet rain. Niakaan husar-binan moris dame no Sem husar-binan. Mais, o oan Kanaꞌan atu dadi baa Yafet atan.” |
244 | GEN 10:9 | Nia simu niakaan makaꞌas nia nosi MAROMAK, toꞌo nia dadi baa ema maktama hae matenek kaliuk. Tan lia nia, ema nanis dale naꞌak “Nebee, o dadi ema maktama hae matenek, hanesan Nimrod mak simu makaꞌas nosi MAROMAK.” |
270 | GEN 11:3 | Hotu, sia kabuar lia fuan naꞌak, “Mamaluk sia! Diꞌak liu, ita hariik hola kota boot ida. Ita halo fatuk mean, tunu toꞌo monas. Hotu, ita hada baa malu hodi hanit atu hariik uma tetu ida mak aas toꞌo laleꞌan. Hodi nunia, ita hetan naran boot. Ita bele dadi klubun boot ida, la faꞌe karin malu ona.” |
274 | GEN 11:7 | Diꞌak liu, Ita tuun baa, tokar siakaan lian, nebee sia la bele natene malu lian.” |
312 | GEN 12:13 | Diꞌak liu, o katak baa sia maꞌak, haꞌu neꞌe okaan maun. Hodi nunia, sia la noꞌo haꞌu. Mais sia diꞌa-diꞌak no haꞌu, tan o.” |
328 | GEN 13:9 | Diꞌak liu, ita rua faꞌe malu ona. Rai neꞌe luan. Kalo o boi mola rai iha sorin karuk, haꞌu kola iha sorin kwana. Mais, kalo o boi mola iha sorin kwana, haꞌu kola iha karuk.” |
358 | GEN 14:21 | Nunia hotu, naꞌi Sodom katak baa Abram naꞌak, “Ama Abram! Naha hotu-hotu mak ama nadau nola nosi haꞌukaan funu sia, ama nola dei ona! Haꞌu kusu kikar haꞌukaan ema sia dei.” |
361 | GEN 14:24 | Haꞌu la kbuka sa-saa. Haꞌu ksimu loos saa mak haꞌukaan ema sia netan tiꞌan. Mais habusik haꞌukaan mamaluk naꞌin tolu neꞌe, mak Aner, Eskol no Mamre, ida-idak nola siakaan fafaꞌek.” |
365 | GEN 15:4 | Mais MAROMAK nataa naꞌak, “La nunia! Okaan oan duꞌuk mak netan okaan sasoin nia. Lahoos okaan atan.” |
368 | GEN 15:7 | Hotu, MAROMAK natutan tenik naꞌak, “Haꞌu neꞌe Maromak mak kodi o sai kosi leo Ur iha ema Kasdim rain, nebee Haꞌu klatan rai neꞌe baa o, dadi baa sasoin bodik o mo okaan husar-binan sia.” |
370 | GEN 15:9 | Maromak nataa naꞌak, “Ita halo lahan ida lai, atu hamate lia mak Haꞌu kdale ohin nia. Lahan nia nuneꞌe! O baa mola karau baka inan matan ida, bibi inan matan ida, no bibi malae aman matan ida. Ida-idak musti otas tinan tolu tiꞌan. Hotu, modi tenik mai, manu lakateu matan ida no manu lakateu sina matan ida.” |
377 | GEN 15:16 | Haꞌu moos kahulin nebee okaan husar-binan dala lima sia, fila nikar mai rai neꞌe. Oras neꞌe, ema Amori sia mak sei nein iha rai neꞌe. Sia moris aat, mais sei la duun resik. Nosi ikus, kalo okaan husar-binan sia fila mai nikar tiꞌan, Haꞌu kodi sia kalaꞌok kastikar, kodi kabeꞌo dodok ema Amori sia, tan baa oras nia, siakaan hahalok aat naksoit liu kladik tiꞌan.” |
382 | GEN 15:21 | rai ema Amori, rai ema Kanaꞌan, rai ema Girgasi no rai ema Yebus sia.” |
383 | GEN 16:1 | Nunia tiꞌan, Abram nein iha Kanaꞌan tinan sanulu. Mais feen Sarai la netan oan dauk. Baa oras nia, Sarai noo ata feto ida nosi Mesir, naran Hagar. Dala ida, Sarai dale no Abram naꞌak, “Ama! MAROMAK sena-natoos haꞌukaan oa fatin tiꞌan. Diꞌak liu, ama toba mo haꞌukaan atan Hagar, nebee nia nahoris oan foo baa haꞌu.” Rona nola nunia, Abram simu feen dalen nia. Sarai latan Hagar, dadi baa Abram feen kiꞌik. |
390 | GEN 16:8 | Makbukar nia dale baa Hagar naꞌak, “Hei! O neꞌe, Hagar mak Sarai atan. Tan saa o iha neꞌe? O mosi nabee, atu baa nabee?” Hagar nataa naꞌak, “Haꞌu kalai kela haꞌukaan ina boot tiꞌan.” |
394 | GEN 16:12 | Mais hanoin! Oan nia boot tiꞌan, nia atu moris nadook aan nosi maun-alin sia! Nia la natene rona ukun, hanesan kuda madaꞌek. Nia sakar se-see dei. Ema hotu-hotu moos atu sakar fila nia.” |
395 | GEN 16:13 | Rona nola nunia, Hagar naneo naꞌak, “Haꞌu karee MAROMAK tiꞌan. Nia mak titu no daka haꞌu.” Nahuu oras nia, Hagar bolu Maromak nodi naran “Maromak Mak Naliku Haꞌu.” |
396 | GEN 16:14 | Tan lia nia, ema nanaran wee matan nia naꞌak, Beer Lahai Roi. Lia isin naꞌak, “wee matan nosi Nia mak moris, mak naliku haꞌu.” Wee matan nia, toꞌo oras neꞌe sei iha leo Kades no leo Beret leet. |
430 | GEN 18:5 | Haꞌu moos kadiꞌa haan bodik ama sia nebee hetan biit oda, foin ama sia laꞌo liu. Haꞌu neon diꞌak, kalo bele kaliku ama sia.” Rona nola nunia, sia nataa naꞌak, “Diꞌak. Ami tuli.” |
431 | GEN 18:6 | Hotu, Abraham nalai baa batane, katak baa Sara naꞌak, “Lai-lais! Mola tubi rahun kabaas kakaluk ida, malo baa tubi.” |
434 | GEN 18:9 | Nunia hotu, sia nusu baa Abraham naꞌak, “O feen Sara iha nabee?” Nia nataa naꞌak, “Iha batane laran.” |
435 | GEN 18:10 | Hotu, bainaka ida naꞌak, “Takseer tinan oin, haꞌu kmai kikar. Baa oras nia, o feen Sara nahoris oan mane ida tiꞌan.” Oras sia dale nunia, Sara nanono nosi batane laran. |
439 | GEN 18:14 | Haꞌu neꞌe, MAROMAK! La noo saa mak Haꞌu la kbele kalo! Manoin diꞌa-diꞌak! Tinan oin Haꞌu kmai kikar neꞌe, Sara nahoris nola oa mane ida tiꞌan.” |
440 | GEN 18:15 | Rona nunia, Sara nataꞌuk. Hotu nia neli naꞌak, “Haꞌu la kanasa!” Mais Maromak nataa naꞌak, “Tebes! Ohin o manasa.” |
444 | GEN 18:19 | Haꞌu kboi nia tiꞌan, nebee nanorin niakaan oan, no ema seluk sia atu tuir bei-beik Haꞌukaan dalan nodi moris loos no moon. Kalo sia moris nunia, Haꞌu moos kalaꞌo Haꞌukaan mamenon ko Abraham.” |
446 | GEN 18:21 | Tan lia nia, Haꞌu ktuun duꞌuk atu katene lia mak Haꞌu krona nia, tebes ka lale.” |
450 | GEN 18:25 | Keta hadodok. Keta toꞌo ema diꞌak sia moos mate, tan Ama nakara nadodok ema aat. Ama mak Makotu Lia bodik laleꞌan no raiklaran. Ama duꞌuk natene, hahalok nunia la moon.” |
451 | GEN 18:26 | MAROMAK nataa naꞌak, “Kalo Haꞌu ketan ema diꞌak naꞌin lima nulu iha kota Sodom, Haꞌu la kastikar kota nia.” |
453 | GEN 18:28 | Kalo ema diꞌak la toꞌo naꞌin lima nulu, mais Ama netan loos naꞌin haat nulu resin lima dei, nunabee? Kalo la noo ema naꞌin lima dei, Ama sei nadodok kota nia ka?” Maromak nataa naꞌak, “Kalo Haꞌu ketan ema diꞌak, naꞌin haat nulu resin lima iha nia, Haꞌu la kadodok kota nia.” |
454 | GEN 18:29 | Hotu, Abraham namaus tenik naꞌak, “Kalo Ama netan loos ema diꞌak naꞌin haat nulu dei, nunabee?” Maromak nataa naꞌak, “Kalo Haꞌu ketan ema naꞌin haat nulu, Haꞌu la kastikar kota nia.” |
455 | GEN 18:30 | Hotu, Abraham namaus tenik naꞌak, “Ama keta kanarak. Kalo ema diꞌak naꞌin tolu nulu dei, nunabee?” Maromak nataa naꞌak, “Kalo Haꞌu ketan ema naꞌin tolu nulu, Haꞌu la kastikar kota nia.” |
457 | GEN 18:32 | Hotu, Abraham moos taka lia naꞌak, “Ama! Haꞌu kdale dala ida tenik, mais ama keta kanarak haꞌu! Kalo Ama netan loos ema diꞌak naꞌin sanulu dei, nunabee?” Maromak moos nataa naꞌak, “Kalo Haꞌu ketan ema diꞌak naꞌin sanulu iha nia, Haꞌu la kadodok kota nia.” |
460 | GEN 19:2 | Nia moos dale naꞌak, “Ama sia! Tuli heik iha haꞌukaan uman lai! Fasi ain lai, hotu toba iha haꞌukaan uma. Awan seisawan, foin ama sia laꞌo liu.” Mais sia nataa naꞌak, “Lalika! Ami toba iha kota rai molik dei.” |
473 | GEN 19:15 | Awan seisawan, makbukar naꞌin rua nia moos seten Lot sai lai-lais ona. Sia naꞌak, “Lot! Madeer! Modi okaan feen, no oan feto rua nia, halai ona! Halai hela kota neꞌe. Keta toꞌo emi mate butan, dodok ho kota neꞌe.” |
478 | GEN 19:20 | Ama maree lai! Noo leo kiꞌik ida la dook nosi neꞌe! Masik leo nia la noo folin, kalo ama makara, soꞌin baa, ami baa sori aan iha nebaa dei.” |
480 | GEN 19:22 | Lai-lais baa nebaa ona! Tan haꞌu la kbele kalo sa-saa ida, kalo emi sei la toꞌo dauk.” Nahuu baa oras nia, ema nanaran leo nia naꞌak, ‘Soar’. Lia isin naꞌak, ‘kiꞌik’. |
499 | GEN 20:3 | Mais kalan ida, Maromak natadu aan baa Abimelek tuir meꞌi naꞌak, “O makara buka mate mak neꞌe! Tan o mola ema seluk feen.” |
510 | GEN 20:14 | Rona nola nuneꞌe, naꞌi Abimelek foo fila Sara nodi katak baa naꞌak, “Oras neꞌe, haꞌu kselu baa okaan naan osan murak tomak rihun ida, dadi tadak naꞌak, haꞌu la kalo sala saa ida ko o! Nebee, ema hotu-hotu natene!” Hotu, naꞌin dale baa Abraham naꞌak, “Abraham! Haꞌukaan rai neꞌe, luan bodik o. O makara mein iha nabee dei moos, bele.” Hotu, naꞌin latan baa Abraham, karau baka, bibi no bibi malae. Naꞌin moos latan ata feto, ata mane. |
515 | GEN 21:1 | Nosi ikus, MAROMAK moos natuun matak-malirin baa Sara, tuir Niakaan mamenon. Baa oras Abraham katuas tiꞌan, Sara moos koꞌus. Toꞌo niakaan oras, Sara nahoris nola oa mane ida. Hotu, Abraham nanaran oa nia, Isak (tan ‘isak’ lia isin naꞌak ‘hanasa’.) Baa oras Sara nahoris Isak nia, Abraham otas tinan atus ida ona. Sara katak naꞌak, “Maromak nalo haꞌu kanasa. Haꞌu neon diꞌak. Ema naneo naꞌak, haꞌu la kbele ketan oan baa otas ferik nuneꞌe. Haꞌukaan laꞌen moos katuas basuk tiꞌan, mais haꞌu ksei bele kahoris oan bodik nia! Dadi, oras neꞌe, se-see dei mak rona lia neꞌe, sia moos nanasa bele-bele no haꞌu.” Baa oras lawarik nia otas loron walu, Abraham moos nalo hamane aan baa nia, tuir Maromak ukun. |
530 | GEN 21:16 | tan nia naneo naꞌak, “Haꞌu la kterus karee oan neꞌe mate.” Hotu, Hagar nakiduk takseer roꞌa lima nulu nosi oan nia, hotu tuur, tanis nadeꞌun aan. |
532 | GEN 21:18 | Mariik, baa maliku nia! Makbiit niakaan neon, tan Haꞌu atu kalo niakaan husar-binan dadi ema klubun boot.” |
537 | GEN 21:23 | Oras neꞌe, haꞌu kusu o mameno modi marai aan iha Maromak oin maꞌak, o la beꞌur haꞌu ko haꞌukaan husar-binan. Haꞌu diꞌak ko o tiꞌan, dadi o moos musti diꞌak mo haꞌu ko haꞌukaan renun rai neꞌe.” |
538 | GEN 21:24 | Abraham moos simu naꞌak, “Diꞌak! Haꞌu karai aan.” |
539 | GEN 21:25 | Mais la kleur, Abraham nasaꞌe lia baa Naꞌi Abimelek naꞌak, “Ama naꞌi eman sia nadau nola haꞌukaan wee knuuk ida tiꞌan.” |
540 | GEN 21:26 | Rona nola nunia, Naꞌi Abimelek naꞌak, “Hei! Haꞌu kfoin rona lia neꞌe. Tan saa o la masara kedan lia nia? Haꞌu la katene see mak nadau.” |
544 | GEN 21:30 | Abraham nataa naꞌak, “Ama naꞌi simu bibi malae matan hitu neꞌe ona, atu dadi tadak naꞌak, ama naꞌi simu haꞌu mak keꞌe wee knuuk nia.” |
550 | GEN 22:2 | Hotu Maromak naruka naꞌak, “Rona diꞌa-diꞌak! Mola okaan oan mane mesak mak o madomi tebe-tebes nia, modi baa rai Moria, malo nia baa sera tunun bodik Haꞌu. Toꞌo nebaa, foin Haꞌu katudu sera fatik iha foho ida.” |
553 | GEN 22:5 | Hotu, nia katak baa klosan rua nia naꞌak, “Emi naꞌin rua hein heik iha neꞌe, hodi daka kuda keledai. Haꞌu ko haꞌukaan oan baa loꞌu-sudur baa Maromak iha leten nebaa. Loꞌu-sudur tiꞌan, ami fila hikar mai.” |
556 | GEN 22:8 | Abraham nataa naꞌak, “Oa! Maromak duꞌuk mak atu foo Niakaan bibi malae oan, nebee halo baa sera.” Sia rua moos saꞌe liu, |
560 | GEN 22:12 | Hotu lia maliak nia moos nataa naꞌak, “Keta moꞌo oan nia! Keta malo sa-saa baa nia! Oras neꞌe, Haꞌu katene tiꞌan kaꞌak, o tuir tebe-tebes Haꞌukaan hakaran modi madiꞌa aan tiꞌan, latan okaan oan mane mesak nia, dadi baa sera bodik Maromak.” |
562 | GEN 22:14 | Tan lia nia, Abraham nanaran fatin nia Yahofa Yire, tan lia isin naꞌak ‘Maromak atu nadiꞌa saa mak ita buka’. Etuk, toꞌo oras neꞌe moos, ema naꞌak, “Iha MAROMAK foho leten, Nia atu nadiꞌa saa mak ita buka.” |
576 | GEN 23:4 | “Haꞌu neꞌe, ema maktabar dei iha emikaan leet. Haꞌu la koo rai atu kakoi haꞌukaan feen. Dadi, kalo bele, haꞌu ksosa kola emikaan rai rohan ida, bodik kakoi haꞌukaan feen.” |
578 | GEN 23:6 | “Nuneꞌe, ama! Hori wain neꞌe, ami filak ama, hanesan ema matas mak ami hakneter. Dadi, ama boi duꞌuk dei rai kabaas mak ama nakara. Ami nanis simu dei. La noo ida dudu.” |
581 | GEN 23:9 | Emi husu, kalo bele, nia faꞌan fatuk kuak naran Makpela iha niakaan toꞌos diꞌin. Nusu folin hira-hira, nanis haꞌu kselu. Haꞌu kakara selu kotu iha emikaan oin, nebee rai nia dadi baa haꞌukaan rai duꞌuk. Haꞌu atu kalo baa amikaan rate fatik.” |
585 | GEN 23:13 | Hotu, nia moos dale no Efron naꞌak, “Nunia moos diꞌak, mais emi hotu-hotu rona haꞌu lai. Haꞌu kakara sosa kotu rai nia, nebee haꞌu kbele kakoi haꞌukaan ema sia iha nia.” |
586 | GEN 23:14 | Rona nola nunia, Efron moos nataa naꞌak, “Rai nia folin, osan murak tomak atus haat dei! Halo saa, ita rua hatuun folin baa-mai tan osan oan nia? Ama baa makoi o feen iha nebaa ona.” |
596 | GEN 24:4 | Mais, o musti baa haꞌukaan familin sia iha haꞌukaan uma huun. Buka mola feto ida iha nia bodik haꞌukaan oan.” |
600 | GEN 24:8 | Mais, kalo feto nia la noꞌuk mai, o makbois mosi harai aan neꞌe. Surak o la modi haꞌukaan oan baa.” |
606 | GEN 24:14 | Dadi, haꞌu kakroꞌan nuneꞌe: kalo haꞌu kdale ko feto ida kaꞌak, ‘Bete! Tulun matuun okaan lolo, foo haꞌu kemu lai.’ Kalo feto nia nataa naꞌak, ‘Ama memu ona! Haꞌu moos karoo okaan kuda unta sia,’ lia nia dadi tadak naꞌak, feto nia mak Naꞌi Maromak boi dadi baa Isak feen! Tuir tadak nunia, haꞌu kbele katene kaꞌak, Naꞌi Maromak natudu dadiꞌak bodik haꞌukaan ulun Abraham.” |
611 | GEN 24:19 | Nemu notu tiꞌan, Ribka dale naꞌak, “Mabusik haꞌu mak kuru wee bodik kuda unta sia, nebee sia nemu toꞌo bosu.” |
617 | GEN 24:25 | Iha amikaan uman, noo toba fatik bodik ama sia. Hae moos waꞌin bodik kuda unta sia.” |
619 | GEN 24:27 | nodi nakroꞌan naꞌak, “Tonu-kaboot Naꞌi Maromak! Nia loke dalan baa haꞌu, toꞌo haꞌu kbele kasoru haꞌukaan ulun Abraham familin sia. Hodi nunia, Maromak nalaꞌok tiꞌan Niakaan mamenon bodik haꞌukaan ulun Abraham.” |
623 | GEN 24:31 | Hotu, Laban dale baa klosan nia naꞌak, “Ama! MAROMAK nalaꞌo ama diꞌa-diꞌak toꞌo neꞌe tiꞌan! Keta mariik iha luan dei! Mai tama ona. Ami hadiꞌa keꞌan tiꞌan. Hahaak bodik kuda unta sia moos, waꞌin basuk.” |
625 | GEN 24:33 | Oras sia nadiꞌa haan tiꞌan, klosan nia katak naꞌak, “Ita atu haa ona, mais haꞌu kusu leet ida atu katak sain lia ida neꞌe lai.” Laban nataa naꞌak, “Ama katak baa dei.” |
641 | GEN 24:49 | Dadi, oras neꞌe, kalo ama sia nadomi haꞌukaan ulun Abraham, katak malorek baa haꞌu. Kalo lale moos, katak malorek. Nebee haꞌu kbele katene, haꞌu kmusti kalo saa.” |
643 | GEN 24:51 | Bete Ribka iha neꞌe. Mola nia modi baa. Nebee dadi bei Abraham oa feen, tuir MAROMAK babilan.” |
646 | GEN 24:54 | Hotu, sia hotu-hotu tuur naa dahur. Abraham klosan no niakaan ema sia moos toba iha nia. Awan seisawan, sia nadeer. Hotu, klosan nia katak baa ema uma naꞌin sia naꞌak, “Kalo bele, oras neꞌe ami fila baa amikaan ulun ona.” |
647 | GEN 24:55 | Mais Ribka inan no Ribka naan katak naꞌak, “Hakara fila lai-lais baa saa? Habusik Ribka nein no ami loron sanulu sia lai! Foin hodi nia baa.” |
648 | GEN 24:56 | Mais klosan nia nataa naꞌak, “Adeei! Keta saseni haꞌu! MAROMAK tulun haꞌu tiꞌan, toꞌo kasoru tiꞌan haꞌukaan ulun oan feen. Dadi, ina sia habusik ami ona, nebee ami fila baa hasara lia baa haꞌukaan ulun lai.” |
657 | GEN 24:65 | Nia nusu baa Abraham klosan nia naꞌak, “Ama! Ema mak laꞌo nebaa nia, see ida?” Klosan nia nataa naꞌak, “Nia, mak haꞌukaan ulun oan.” Rona nola nunia, Ribka foti nola tais oan, taka sara oin. |
682 | GEN 25:23 | MAROMAK moos nataa naꞌak, “Iha okaan notak nia, noo ema klubun rua. Sia atu funu malu nohuun! Oan ikun biit liu oan ulun. Maun atu serwisu bodik alin.” |
689 | GEN 25:30 | Naree alin Yakob noꞌi daꞌan fore, nia moos nusu naꞌak, “Ali! Foo okaan fore mean daꞌan oan ida lai, nebee atu kaa, tan haꞌu ksalaen mate ona.” (Tan baa nia, ema moos bolu Esau naꞌak, Edom, tan edom neꞌe, lian hanesan lia fuan Ibrani ida naꞌak ‘mean laak’.) |