634	GEN 24:42	Dadi, ohin haꞌu toꞌo wee knuuk nia, haꞌu kamulak iha neon laran kaꞌak, ‘MAROMAK, mak haꞌukaan ulun Abraham niakaan Maromak. Tulun loke dalan, nebee haꞌukaan dalan neꞌe netan sotir diꞌak. Nebee kasoru Isak sasudin.
23244	MAT 2:6	‘Hei, emi ema Betlehem iha rai Yudea. Keta hakraik emikaan leo nia, leo kiꞌik mak la noo folin. Tan Ema boot ida atu mosu mai nosi nebaa. Nia atu dadi makbalin bodik Haꞌukaan ema Israꞌel sia.’ ”
23636	MAT 13:28	Ulun nia nataa naꞌak, ‘Nia, funu niakaan hahalok.’ Hotu niakaan ema serwisu katak naꞌak, ‘Ama boot, ami baa hafaho mohu hae nia sia ka?’
23900	MAT 21:5	‘Hei, emi ema Yerusalem sia! Mana lai! Emikaan Naꞌin namaan aan mai. Nia namaan aan mai nodi naraik aan. Nia namaan aan mai saꞌe kuda keledai oan.’ ”
23994	MAT 23:7	Kalo laꞌo baa nabee, sia moos rotus kneter. Sia buka ema sudur baa sia naꞌak, ‘Tabe, Ama Manorik.’
25155	LUK 4:23	Yesus nataa naꞌak, “Noo lia hatetek naꞌak, ‘Hoi, makdook! Malo okaan isin lolon diꞌak uluk lai, foin madiꞌak ema seluk.’ Nanis emi hatene tiꞌan lia hatetek nia. Emi balu hakara hodi lia nia taꞌe fila Haꞌu, hodi husu Haꞌu haꞌak, ‘Tan saa O la maseꞌi tadak blaar bodik ami iha neꞌe, hanesan uluk O maseꞌi iha kota Kapernaum?’
25443	LUK 10:11	‘Hoi, ema leo neꞌe! Rona! Ami mai hodi Maromak Manfatin bodik emi, mais emi la titu netik. Oras neꞌe, ami hisik hela ahukresan leo neꞌe hosi amikaan ain, atu dadi baa tadak naꞌak, emi hatiu dinu duꞌuk. Mais hanoin diꞌa-diꞌak! Naꞌi Maromak oras toꞌo tiꞌan atu babilan Niakaan hutun-renun!’ ”
25536	LUK 12:8	Hotu Yesus dale tenik baa Niakaan maktuir sia naꞌak, “Rona diꞌa-diꞌak! Kalo ema raiklaran temi Haꞌu iha ema lear oin naꞌak ‘Haꞌu neꞌe, Yesus eman,’ Haꞌu moos temi ema nia iha Maromak Niakaan makbukar laleꞌan sia oin kaꞌak, ‘Nia, Haꞌukaan ema.’
25548	LUK 12:20	Hanoin! Masik ema nia naneo nunia moos, Naꞌi Maromak atu katak baa nia naꞌak, ‘Hoi, beik! Ohin kalan neꞌe moos, o mate. Hotu, see mak netan okaan kanaha uman isin hotu-hotu?’
25631	LUK 14:9	Keta toꞌo nia dale baa emi naꞌak, ‘Maluk, keta krakat! Tulun lori baa fatin kotuk lai, tan kadiꞌa fatin neꞌe tiꞌan bodik ema boot sia.’ Hotu emi musti hariik hela fatin nia hodi moe, baa tuur iha kotuk baa.
25679	LUK 15:22	Mais aman naruka kedan ema serwisu sia naꞌak, ‘Hoi, lai-lais! Baa hola faru klobor kabaas ida, tau baa nia. Tau kadeli baa liman fuan, no tau kaso baa ain.
25770	LUK 18:13	Mais ema maksisi bea nia nariik dook iha kotuk baa. Nia la naksakar aan foti oin atu titu baa laleꞌan. Nia namulak sudur ulun nodi neon dodok naꞌak, ‘Aaa, Naꞌi Maromak. Madomi haꞌu ema sala neꞌe! Foo pardua baa haꞌu lai!’ ”
25820	LUK 19:20	Mais ata nomer tolu, nodi nikar niakaan osan mai. Nia nasara naꞌak, ‘Neꞌe, ama naꞌi osan! Haꞌu kfalun kodi subar diꞌa-diꞌak, nebee keta lakon.
25862	LUK 20:14	Mais baa oras ema serwisu sia titu-naree oan nia mai, sia dale baa malu naꞌak, ‘Hoi, haree lai! Ama katuas solok oan duꞌuk mai tiꞌan. Nia neꞌe mak atu simu katuas sasoin hotu-hotu. Diꞌak liu ita hoꞌo nia, nebee hola toꞌos neꞌe bodik ita.’
27471	ACT 13:40	Tan nunia, emi musti hanoin diꞌa-diꞌak. Keta toꞌo lia saa mak Maromak makoꞌan sia katak tiꞌan nia, kona baa emi. Tan sia nakerek nela naꞌak, ‘Sintidu, ema mak naleuk Haꞌu! Tan Haꞌu neꞌe, Maromak. Haꞌu kalo lia mak nalo ema blaar. Masik ema nalore tiꞌan lia nia baa emi moos, emi la simu. Sintidu! Nosi ikus emi hetan kastikar toꞌo mate.’ Tan lia nia, hanoin diꞌa-diꞌak mamaluk sia. Lia mak haꞌu katak neꞌe, keta firuk lakon, hanesan ema maleuk teen sia. Haꞌukaan dalen, toꞌo neꞌe dei.”
27620	ACT 17:28	Dala ida, ema dale naꞌak, ‘Nia, itakaan nawan huun. Nia, itakaan moris abut.’ Emikaan ema matenek kananuk moos dale tiꞌan naꞌak, ‘Ita moris, tan nia. Tan nunia, ita dadi niakaan husar-binan.’
27782	ACT 22:10	Hotu haꞌu kataa kaꞌak, ‘Kalo nunia, oras neꞌe haꞌu kmusti kalo saa?’ Lia maliak nia katak tenik naꞌak, ‘Madeer, tama baa kota ona. Iha nia, foin Haꞌu katak saa mak o musti malo.’
27791	ACT 22:19	Mais haꞌu la ksimu. Hotu haꞌu kdale kaꞌak, ‘Lale, Ama Boot! Haꞌu mak fatan kanorin sia iha neꞌe, tan ema hotu-hotu natene hori hirak nia, haꞌu mak tama-sai uma hamulak sia atu kohi no taꞌe ema mak fiar baa Ama Boot.
31076	REV 18:14	Ema maksauk sia atu sadiꞌa naꞌak, ‘Adeei, Babel! Adeei, kota boot! Naha kabaas sia mak okaan ema sia beer kaliuk, la noo tiꞌan. Hotu-hotu lakon ona. Ema sia mukit karin tiꞌan toꞌo taka karas baa rai.’
31080	REV 18:18	Sia nobun dubun sai nosi haꞌi. Hotu, sia natene nola naꞌak kota nia namotuk mohu tiꞌan. Sia moos dale naꞌak, ‘Adeei, susar! La noo kota seluk mak atu boot nuꞌu Babel tenik. Adeei, susar! La noo kota seluk mak atu kabaas manesak no nia tenik.’
31082	REV 18:20	Hotu, haꞌu krona kola lia maliak boot ida dale nuneꞌe: ‘Hei, emi mak moris iha laleꞌan! Emi lalika neon kiꞌik tenik ona. Hei, emi mak dadi Naꞌi Maromak eman sia, emi lalika neon susar tenik ona. Emi, mak dadi Naꞌi Maromak klosan sia, neon boot baa ona. Emi, mak dadi Maromak makoꞌan sia, neon diꞌak baa ona. Uluk, ema Babel nasusar emi. Uluk, ema kota nia naloot emi. Mais oras neꞌe, Naꞌi Maromak selu emikaan susar nia tiꞌan. Oras neꞌe, Nia selu nikar kota nia niakaan aꞌaat tiꞌan.’ ”