33	GEN 2:2	Dbar kjäk (7) ga ba pak shäryara pjir l̈ishko ga woshtonoe. Ga woshtono eshko dbaryo kjĩshko ga l̇l̇ëbo shäryara dbar kjäk (7) l̈i kong pjl̈úe. E iara beno pjang dboye.
118	GEN 5:12	Cainán, e öötong l̈u pjl̈ogl̈o sak kjäkshko (70) ga wa buk kjl̈ara ko Malalel.
131	GEN 5:25	Matusalén, e öötong l̈u pjl̈ogl̈o sak dbäw kjingsho sak kjwong kjingsho kjäkshko (187) ga wa buk kjl̈ara ko Lamec.
136	GEN 5:30	E irgo ga wapga weno obi. Ga l̈u ĩno öötong sak dbäw pjl̈ogl̈o kjäk kjingsho sak kjäk kjingsho kjäkshko (777) ga wol̈onoe.
162	GEN 7:2	Öng ber pjl̈ú bor poshrëkkl̈o wl̈o obl̈ë obl̈ë, sënwa obl̈ë obl̈ë, e sös wl̈ënggl̈a dogl̈o kjäk kjäk (7), popga dogl̈o kjäk kjäk (7). L̇l̇amo sös wl̈ënggl̈a kjl̈ara kjl̈ara, popga kjl̈ara kjl̈ara. Shäryos eni, jer kjok ëre kjing go l̇l̇ëm wl̈o.
170	GEN 7:10	Öötong dbargwo kjäk (7) ga shunyo shrono, kjok ëre pir wl̈o.
171	GEN 7:11	Mok pjök, dbar sak kjwara kjingsho kjäk (17) dbaryo ga Noé l̈u pjl̈ogl̈o sak dbäw pjl̈ogl̈o tjer (600). E dbaryo ga opzrëno jem kjyong l̈i roy, ba boy, ba wapga, ba pjl̈aydoga tjok. Öng, äya kjl̈oshko so, sënwa, e opzrëno jem l̈ok pjök pjök kjyong l̈i roy ba tjok bakoe. Opzrëno jem wl̈ënggl̈a kjl̈ara kjl̈ara, popga kjl̈ara kjl̈ara. L̈ara Sbörë ba kong sorë l̈i shäryara eni. E irgo ga u bäng bängzara Jehovárë beno jong tuke. E dbaryo ga dl̈ung kësbang buk kjok dorong l̈i dl̈oktong, tuktong kjone pogo. Kjok dogo ëmdë ga di börgak tjeng l̈i böptuktonge. Shunyo shrono pjang kjok ëre kjing go dbargwo sak pkëng (40), shkë dbae. Eshkoshko ga di jem poyong l̇l̇ögong l̇l̇ögong, ga kjyong l̈i beno buk di kjing wëng erä.
188	GEN 8:4	Mok kjäk (7), dbar sak kjwara kjingsho kjäk (17) dbaryo ga kjyong l̈i dano beno buk Ararat kjokyo, dl̈up l̈ëkong.
194	GEN 8:10	Koshara dbargwo kjäk (7) irgo ga dunggwo ichara jek kjwara obi.
196	GEN 8:12	Koshara dbargwo kjäk (7) obi irgo ga dunggwo ichara jek kjwara obi, ga shrono ame.
198	GEN 8:14	Öötong mok pjök, dbar sak pjök kjingsho kjäk (27) dbaryo ga kl̈ung dano beno buk kjange.
288	GEN 11:21	E irgo ga l̈u ĩno sak dbäw pjl̈ogl̈o pjök kjingsho kjäk (207) obi, ga wapga weno obi.
293	GEN 11:26	Taré, e l̈u pjl̈ogl̈o sak kjäkshko (70) ga wapga tjeng domerga ko Abram, Najor, Jarán.
303	GEN 12:4	Kuya ga toe. Abram l̈u pjl̈ogl̈o sak kjäk kjingsho shkëngshko (75) ga opshino Jarán kjokyo dwayo.
542	GEN 21:28	E irgo ga öng wl̈ẽp ushko so popga kjara tjeng dboshko dogl̈o kjäk (7).
573	GEN 23:1	Kjok buk kjrina ko Quiriat Arbá. Eeri ga e ko Hebrón, e Canaán kjokyo obi. Eshko ga Sara l̈u ĩno öötong sak dbäw kjingsho sak pjök kjingsho kjäkshko (127) ga wol̈onoe. E kjĩshko ga Abraham sl̈atong, ba boy l̈i soyopora.
666	GEN 25:7	Abraham l̈u ĩno sak dbäw kjingsho sak kjäk kjingsho shkëng (175).
676	GEN 25:17	Ismael l̈u ĩno öötong sak dbäw kjingsho sak mya kjingsho kjäkshko (137) ga wol̈onoe.
814	GEN 29:18	Raquel woydara Jacobdë arae. E kjĩshko ga tjl̈ẽ Labán kong ga «Tja parkë bop kong l̈u pjl̈ogl̈o kjäk (7), ãska bop wa mite Raquel twëp bor kong, tja orkwosmok ba tjok wl̈o» l̈e.
816	GEN 29:20	Eni ga Jacob parkono ba kong l̈u pjl̈ogl̈o kjäk (7), orkwosmok Raquel tjok wl̈o. Gueniyo Raquel woyde ara anmoyõ kuzong ga kuya ga dbar ba kong chira anmoyõ.
823	GEN 29:27	E kjĩshko ga pja orkwosmono Lea tjok. Woydër ga dbar shrëy sondë kjwara. Pjir ga pja orkwosmok Raquel tjok bakoe. Gueniyo pja parkë bor kong äär jong l̈u pjl̈ogl̈o kjäk (7) obi ba ãska» l̈e.
826	GEN 29:30	Eshko ga Jacob pono Raquel tjok bakoe. Ga woydara ara, Lea kjinmo. E irgo ga beno shäng parkë Labán kong l̈u pjl̈ogl̈o kjäk (7) obi.
897	GEN 31:23	Eni ga töno ba pjeyoga tjok, ga irpjana jëktong dbargwo kjäk (7), ga doshara öötong l̈öng Galaad kjokyo dl̈up shwo l̈ëkong, Jacob wl̈o l̈öng l̈ishko. Labán wl̈o sl̈ano, pono l̈öng eshko bakoe. E shkëyo ga Sbö tjl̈ẽno Labán kong yoshko, tjl̈ẽ ga «Tja kuzong. Jacob, e kroyoywëp l̇l̇ëme» l̈e.
964	GEN 33:3	Ga Jacob opshino jek bäm go. Jek shäng ba shjiy shwoy wopro ga jëk jek sira ga kjök tono, kjujono bokdo kjl̈ay kl̈ung go. Jëk sira obi ga kjök tono eni obi. Shäryara eni öötong pjl̈ogl̈o kjäk (7).
1086	GEN 37:2	Ëre Jacob pjeyoga to tek jong sorë, e l̈anyo. José l̈u pjl̈ogl̈o sak kjwara kjingsho kjäkshko (17) ga shäng öng ushko so dë ba shjiyga tjok. Ba shjiyga mekë ko Bilhá, Zilpá, ba data boyga obl̈ë ba parkagaga wl̈eniyo. L̇l̇ëbo shärye ba shjiygarë owa l̈i roy söya tjwe, l̈e ba data kong.
1198	GEN 41:2	Ĩya ga sögl̈a wen tëm di roy dwayo dogl̈o kjäk (7), wol̈ëso, kjl̈o dike. Opshino ga jek tjeng kjl̈o sho uë jonge.
1199	GEN 41:3	E irgo ga sögl̈a wen tëm di roy dwayo dogl̈o kjäk (7) obi, kjl̈o owa, sl̈osl̈oe. Tëm shrono tjeng kjl̈o dik l̈i zl̈ong bäng,
1201	GEN 41:5	pono jek obi. Ga yoĩno jek obi. Ĩya ga dwl̈a weno jong sok kjl̈ara, boryono l̈ok tjung wol̈ëso, pjl̈ogl̈o kjäk (7).
1202	GEN 41:6	E irgo ga weno sok kjl̈ara obi, boryono l̈ok pjl̈ogl̈o kjäk (7) obi, gueniyo owa, pira pjl̈uk kjl̈ikyorë beno kl̈uktënge.
1214	GEN 41:18	Ĩnor ga sögl̈a wen tëm di roy dwayo dogl̈o kjäk (7), wol̈ëso, kjl̈o dike. Opshino ga jek tjeng kjl̈o sho uë jonge.
1215	GEN 41:19	E irgo ga sögl̈a wen tëm di roy dwayo dogl̈o kjäk (7) obi, kjl̈o owa, sl̈osl̈oe. Sögl̈a ĩntë Egipto kjokyo kjl̈o owa eni l̇l̇ëme.
1218	GEN 41:22	tja pono jek obi. Ga tja yoĩno jek obi. Ĩnor ga dwl̈a weno jong sok kjl̈ara, boryono l̈ok tjung wol̈ëso, pjl̈ogl̈o kjäk (7).
1219	GEN 41:23	E irgo ga weno sok kjl̈ara obi, boryono l̈ok pjl̈ogl̈o kjäk (7) obi, owa, pira pjl̈uk kjl̈ikyorë beno kl̈uktënge.
1222	GEN 41:26	Sögl̈a dogl̈o kjäk (7) wol̈ëso l̈i, dwl̈a bo pjl̈ogl̈o kjäk (7) wol̈ëso l̈i, e l̈u pjl̈ogl̈o kjäk (7) l̈okl̈o pjöyĩkong. Pja yoĩno pjl̈ogl̈o pjök l̈i, e l̇l̇ëbo kjrinaso l̈okl̈o döe.
1223	GEN 41:27	Sögl̈a dogl̈o kjäk (7) owa, sl̈osl̈o l̈i, dwl̈a bo pjl̈ogl̈o kjäk (7) owa, pira pjl̈uk kjl̈ikyorë beno kl̈uktëng l̈i, e l̈u pjl̈ogl̈o kjäk (7) pjl̈i tjwe ara l̈okl̈o pjöyĩkong.
1225	GEN 41:29	L̈u pjl̈ogl̈o kjäk (7) ga dl̈i wen tjwe Egipto kjokyo träk l̇l̇ëme.
1226	GEN 41:30	E irgo ga l̈u pjl̈ogl̈o kjäk (7) obi ga pjl̈i tjwe träk l̇l̇ëme. Eshko ga dl̈i ara dbaryo woyojekoba, nopga uunkong l̈öng Egipto kjokyo pjl̈i ara kjĩshko.
1230	GEN 41:34	Era nopga ichos kjl̈öbö, dl̈i töng wl̈o. L̈u pjl̈ogl̈o kjäk (7), dl̈i tjokshko ga dl̈i wen kjöm pogo l̈i kjringgwo shkëng (5) l̈i ship kjrina, kjringgwo sak kjwara (10) l̈i ship kjring pjök, kjringgwo sak kjwara kjingsho shkëng (15) l̈i ship kjringgwo mya. Shäryëp uun eni. Ga dl̈i ëre jnep ber tjeng dboye.
1232	GEN 41:36	L̈u pjl̈ogl̈o kjäk (7), pjl̈i tjwe arashko ga nopga sëm e go, wol̈on l̇l̇ëm wl̈o» l̈e.
1243	GEN 41:47	Egipto kjokyo ga dl̈i weno ara l̈u pjl̈ogl̈o kjäk (7).
1249	GEN 41:53	L̈u to jek kjäk (7), dl̈i ara Egipto kjokyo l̈i dbaryo pjitonge.
1250	GEN 41:54	E irgo ga pjl̈i tjwe l̈u pjl̈ogl̈o kjäk (7) l̈i soyarae. L̈ara Josérë sorë ga shäryono eni. Kjok shto obl̈ë obl̈ë dl̈i pjitong drete. Gueniyo Egipto kjokyo ga dl̈i tjok.
1410	GEN 46:23	Parkaga twara Labándë ba wa Raquel kong ko Bilhá l̈i wapga Jacob tjok ko l̈ok eni. Ba wapga tjok ga beno l̈öng dogl̈o kjäk (7). Dan, e öötong ba wa domer Jusín tjok. Neftalí, e öötong ba wapga domerga Yazel, Guní, Jéser, Silén tjok.
1414	GEN 46:27	José wapga tjeng Egipto kjokyo do pjök. Eshko ga Jacob tjëyoga shrono l̈öng Egipto kjokyo dogl̈o sak kjäk (70).
1449	GEN 47:28	Jacob beno sök eshko l̈u pjl̈ogl̈o sak kjwara kjingsho kjäk (17). L̈u ĩno sak dbäw kjingsho sak pkëng kjingsho kjäk (147).
1509	GEN 50:2	E irgo ga no dwl̈omnega ichara ba data doyo poshtik, an l̇l̇ëm wl̈o. Shinmo doyo poshtiya l̈ok eshko sorë ga Jacob doyo poshtira l̈ok dbargwo sak pkëng (40) eni. Jacob soyopora Egipto sopgarë dbargwo sak kjäk (70).
1517	GEN 50:10	Dipzono l̈ok Jordán diyo kjwo kal̈ëkong pjir ga öötong l̈öng Atad kjokyo, dwl̈a bo kwota shiya l̈okshko. Eshko ga woydono l̈ok ara, sl̈atong, kjl̈oshtono ara, Jacob soyopora dbargwo kjäk (7) José tjok.
7207	RUT 4:15	Pja woyde bop pjl̈aydorë ara. Bop kong ga tjwl̈õ ara, wapga domerga dogl̈o kjäk (7) kjinmo. Ga chida l̈i weno ba kong. E kjĩshko ga pja ie ber mite wl̈eni, ga pja këguëshko ga pja de» l̈e.
23603	MAT 12:45	Eni ga sëya obl̈ë tö̃ya ba tjok dogl̈o kjäk (7), owa ba kjinmo, ga uunkong l̈i pjë jek äär ber tjeng no l̈i go. Eni ga no l̈i beno shäng owa anmoyõ, shäng bäm go sorë l̈i kjinmo. Eerishko dbaryo sopga, pjãy owa, ga pjãy ber l̈öng domer ëre dik eni» l̈e.
23736	MAT 15:34	Kuya ga tjl̈ẽ ba kong ga «¿Pjãy pjl̈ung shosho suk pjir tjeng kjwobi?» «Tjeng kjwo kjäk (7), mã chilawa tjeng kjwöbö bakoe» l̈e l̈ok ba kong.
23738	MAT 15:36	Pjir ga pjl̈ung shosho suk pjir kjwo kjäk (7) l̈i, mã l̈i, e kjrara, ga tjl̈ẽ Sbö kong ga «Tjawa kong dl̈i tworop ëre. Tjawa ber wopjl̈ú bop tjok e kjĩshko» l̈e. E irgo ga dl̈i l̈i tora, twara ba oppinggaga kong. Ga pjl̈orgara l̈ok nopga tjeng kës l̈i kong.
23739	MAT 15:37	Nopga uunkong iono beno l̈öng bö tjung, wopjl̈úe. E irgo ga dl̈i worbo töna ba oppinggagarë l̈ok shing roshko, beno tjeng shing kjwo kjäk (7), tjung tjunge.
23751	MAT 16:10	¿Domerga sënor dogl̈o sak dbäw dbäw pjl̈ogl̈o pkëng (4,000), pjl̈ung shosho suk pjir kjwo kjäk (7) goshko ga dl̈i beno obi tönomi shingyo kjwobi woyo bomi kong l̇l̇ëm bakoro?
23817	MAT 18:21	Eni ga Pedro shrono shäng Jesús zl̈ong bäng ga tjl̈ẽ ba kong ga «Tjl̈apga, ¿bor kjl̈ara l̇l̇ëbo owa shäryono bor kong l̈i iër ber tjwl̈õ l̇l̇ëm pjl̈obi ga pjl̈ú? ¿Shäryër eni pjl̈ogl̈o kjäk (7) ga pjl̈úre?»
23818	MAT 18:22	«Pjl̈ogl̈o kjäk (7) l̈ër bop kong l̇l̇ëme. L̇l̇ëbo owa shäryara bop kjl̈ararë bop kong l̈i iëp ber tjwl̈õ l̇l̇ëm pjl̈ogl̈o sak kjäk kjingsho kjäk (77).
23966	MAT 22:25	»Pjl̈ara ga borwa tjrëko ëreshko ga domerga l̈öng dogl̈o kjäk (7), epenga döe. Ba këguëyo orkwosmono, ga wol̈ono, ga wapga beno l̇l̇ëm kuzong ga ba l̈ëng orkwosmono ba syã tjok.
23969	MAT 22:28	¿Eni ga domerga dogl̈o kjäk (7) l̈i orkwosmono uunkong wal̈ë l̈i tjok kuzong ga no woshrozl̈ong dbaryoshko ga wal̈ë l̈i ber domerga kjone dey l̈i boy?»
24574	MRK 8:5	Kuya ga tjl̈ẽ ba kong ga «¿Pjãy pjl̈ung shosho suk pjir tjeng kjwobi?» «Tjeng kjwo kjäk (7)» l̈e ba kong.
24575	MRK 8:6	Eni ga nopga l̈i ichara Jesúsdë wl̈ar uunkong töshko. Pjir ga pjl̈ung shosho suk pjir kjwo kjäk (7) l̈i, e kjrara, ga tjl̈ẽ Sbö kong ga «Tjawa kong dl̈i tworop ëre. Tjawa ber wopjl̈ú bop tjok e kjĩshko» l̈e. E irgo ga dl̈i l̈i tora, twara ba oppinggaga kong. Ga pjl̈orgara l̈ok nopga tjeng kës l̈i kong.
24577	MRK 8:8	Eshko ga nopga uunkong iono beno l̈öng bö tjung, wopjl̈úe. E irgo ga dl̈i worbo töna ba oppinggagarë l̈ok shing roshko, beno tjeng shing kjwo kjäk (7), tjung tjunge.
24589	MRK 8:20	Eshko ga tjl̈ẽ ba kong l̈ok obi ga «¿Domerga sënor dogl̈o sak dbäw dbäw pjl̈ogl̈o pkëng (4,000), pjl̈ung shosho suk pjir kjwo kjäk (7) goshko ga dl̈i beno obi tönomi shingyo kjwobi?» «Shingyo dl̈inorwa kjwo kjäk (7)» l̈e l̈ok ba kong.
24762	MRK 12:20	»Pjl̈ara ga domerga l̈öng dogl̈o kjäk (7) epenga döe. Ba këguëyo orkwosmono, ga wol̈ono, ga wapga beno l̇l̇ëme.
24765	MRK 12:23	¿Eni ga domerga dogl̈o kjäk (7) l̈i orkwosmono uunkong wal̈ë l̈i tjok kuzong ga no woshrozl̈ong dbaryoshko ga wal̈ë l̈i ber domerga kjone dey l̈i boy?»
24951	MRK 16:9	Jesús woshrono iröng obi l̈i, e dbaryo sondë. E dbaryo kjok shröng ga Jesús weno shäng María Magdala so kong bäm go. Wal̈ë, e dënashko ga goshko Ä sëya dogl̈o kjäk (7), ga ichara Jesúsdë to drete.
25078	LUK 2:36	Eshko wal̈ë shäng kjl̈ara ko Ana, e Sbö tjl̈õkwo l̈aga. Ba data ko Fanuel, e Aser tjëyo. Ana, e tjl̈abl̈ae. Mite obishko ga orkwosmono, ga beno sök ba l̈anma tjok l̈u pjl̈ogl̈o kjäk (7).
25316	LUK 8:2	wal̈ëga jek l̈öng ba tjok kjl̈öbö bakoe. Wal̈ëga l̈i bäm goshko ga kjone kjone swl̈o obl̈ë obl̈ë, kjone kjone goshko Ä sëyaga, ga poptara Jesúsdë beno pjl̈úe. Kjl̈ara ko María Magdala so. Dämärshko ga Ä sëyaga tjeng ba goshko dogl̈o kjäk (7) l̈i ichara to uunkong.
25433	LUK 10:1	E irgo ga nopga jek l̈öng ba tjok l̈i kjrara Jesúsdë dogl̈o sak kjäk kjingsho pjök (72). To kjok shto obl̈ë obl̈ë l̈e l̈ishko ga epga ichara jek l̈öng pjök pjök ba bäm go.
25449	LUK 10:17	Eni ga nopga dogl̈o sak kjäk kjingsho pjök (72) l̈i toe. Tjl̈õkwo l̈ara l̈ok kjok shto obl̈ë obl̈ë pjir ga tek shrono l̈öng wopjl̈ú iröng obi. Eshko ga tjl̈ẽ l̈ok Jesús kong ga «Tjl̈apga, Ä sëyaga ëmdë ga tjawa bangkjre. Epga ichororwa bop ko goshko ga tjawa kol̈ara» l̈e l̈ok eni.
25500	LUK 11:26	Eni ga sëya obl̈ë tö̃ya ba tjok dogl̈o kjäk (7), owa ba kjinmo, ga uunkong l̈i pjë jek äär ber tjeng no l̈i go. Eni ga no l̈i beno shäng owa anmoyõ, shäng bäm go sorë l̈i kjinmo» l̈e.
25724	LUK 17:4	Dbar kjwara ga l̇l̇ëbo shäryara bop kong owa pjl̈ogl̈o kjäk (7) ëmdë ga tjwe bop shwoyshko ga tjl̈ẽ bop kong ga “E owa jl̈õe. Shäryër ame” l̈eshko ga owa l̈i ios ber tjwl̈õ l̇l̇ëme» l̈e.
25877	LUK 20:29	»Pjl̈ara ga domerga l̈öng dogl̈o kjäk (7) epenga döe. Ba këguëyo orkwosmono, ga wol̈ono, gueniyo wapga beno l̇l̇ëme.
25881	LUK 20:33	¿Eni ga domerga dogl̈o kjäk (7) l̈i orkwosmono uunkong wal̈ë l̈i tjok kuzong ga no woshrozl̈ong dbaryoshko ga wal̈ë l̈i ber domerga kjone dey l̈i boy?»
26933	JHN 19:39	Domer jëk shäng ba tjok kjl̈ara obi ko Nicodemo. Pjl̈ara ga öör l̈an Jesús tjok shkë. Jek shäng José tjokshko ga dwl̈o poshtikkl̈o shtiya l̈ok shinmo doyo go an mal̈ing l̇l̇ëm wl̈eniyo söra jek ba tjok kjring pjök kwing dunggwo kjwo sak kjäk kjingsho shkëng (75) dik.
27173	ACT 6:3	E kjĩshko ga pjeyoga, domerga kjrozĩ bi tjrëko dogl̈o kjäk (7), miydëmi ga pjl̈ú wl̈eniyo, kjok miydë ara, go Sbö Sëya jl̈õkoyo. E irgo ga kjroromi l̈i ber l̈öng pak l̈i shäryaga.
27199	ACT 7:14	»E irgo ga ba data rokara Josérë tek ba pjeyoga uunkong tjok. Epga dogl̈o sak kjäk kjingsho shkëng (75).
27450	ACT 13:19	E irgo ga öötong l̈öng Canaán kjokyoshko ga kjimtara tjëyoga tjeng eshko kjringgwo kjäk (7) l̈i pjik, kjok l̈i twe ber ba kong wl̈o.
27668	ACT 19:14	Eshko ga domerga l̈öng dogl̈o kjäk (7), Esceva wapga. Esceva, e judío, syõshtaga kägäyo bakoe. Ba wapga dogl̈o kjäk (7) l̈i to l̈öng Ä sëyaga ichë Jesús ko goshko bakoe.
27670	ACT 19:16	Jekdo eshko ga domer goshko Ä sëya pjang l̈i jek zrow pjä ba goshko l̈ok erä. Ba dbo ara go ga tjeng dogl̈o kjäk (7) l̈i shpora ara, shwong l̇l̇ë dwl̈ëra dret, sho l̇l̇ë dwl̈ëra srëng ara, ga zana tjë jĩkong. Eni ga to töktong l̈ok u l̈i roshko dwayo, kjl̈op dret, ba l̇l̇ëmdoe.
27700	ACT 20:6	Tjawa beno l̈öng Filipos kjokyo äär jong pjl̈ung shosho suk pjir shäryak ba uukkl̈o tjok l̇l̇ëm dbaryo l̈i pjitong guing. E irgo ga tjawa opshino jek Filipos kjokyo dwayo äär jong dl̈ung kjako, ga tjawa opyono kjyong kësbang roy, ga tjawa jeke. Öötong dbargwo shkëng (5) ga epga dosharorwa öötong l̈öng Troas kjokyo. Ga tjawa beno l̈öng eshko dbargwo kjäk (7).
27736	ACT 21:4	Eshko ga Jesús tjl̈õkwo kjragaga wl̈ẽnorwa l̈öng kjl̈öbö, ga tjawa beno l̈öng ba tjok eshko dbargwo kjäk (7). Eshko ga Sbö Sëya tjl̈ẽ tjl̈õkwo kjragaga l̈i kong ga «L̇l̇ëbo wen Pablo kong owa Jerusalén kjokyo» l̈e. E irgo ga l̈ano l̈ok Pablo tjok, jem Jerusalén kjokyo l̇l̇ëm wl̈o.
27737	ACT 21:5	Gueniyo ga jl̈õ l̈ara l̇l̇ëme. Öötong dbargwo kjäk (7) ga tjawa opshino to ey dwayo. Eshko ga epga, tjawa yorkara jer l̈öng dl̈ung kjako, ba boyga, ba wapga tjok. Eshko ga tjawa kjök tono tjë jĩkong, ga tjawa syõshtono Sbö kong.
27740	ACT 21:8	Wẽshko ga tjawa opshino eshko dwayo, ga tjawa jek öötong l̈öng Cesarea kjokyo. Domer shäng kjl̈ara eshko ko Felipe, e kowëba Jesús tjl̈õkwo roy pjl̈ú l̈aga l̈ëba. Dl̈i pjl̈orgaga kjrak dogl̈o kjäk (7) dënashko l̈i, kjl̈ara l̈i e. Ga tjawa beno l̈öng ba tjok ba ushko.
27759	ACT 21:27	Eni ga dbargwo kjäk (7) koshe l̈öng l̈i pjitoe. Eshko ga Pablo öötong shäng Sbö u zl̈ong bäng. Eshko ga judíoga l̈öng kjl̈öbö Asia so. Pablo ĩya l̈ok ga öö l̈e l̈ok ara, ga nopga l̈öng eshko l̈i shdöra l̈ok jong träk l̇l̇ëm, ga jek rish Pablo kjing go.
27825	ACT 23:23	Eshko ga ëngkjwaga kägäyoga rokara do pjök, ga tjl̈ẽ ba kong ga «Pjãy poshäryozong. Pjesit shkëyo ga pjãy to jongya Pablo sök Cesarea kjokyo. Ëngkjwagaga jëk l̈ok dre go wl̈eniyo sömi jer bomi tjok dogl̈o sak dbäw pjl̈ogl̈o pjök (200), ëngkjwagaga jëk l̈öng kwomgl̈a go wl̈eniyo sömi dogl̈o sak kjäk (70), ga ëngkjwagaga ëngkjwë könkowo go wl̈eniyo sömi dogl̈o sak dbäw pjl̈ogl̈o pjök (200) bakoe.
27960	ACT 27:37	Tjawa l̈öng kjyong l̈i roshko uunkong ga dogl̈o sak dbäw pjl̈ogl̈o pjök kjingsho sak kjäk kjingsho tjer (276).
28281	ROM 11:4	Kuya Sbörë ga tjl̈ẽ ba kong ga «Beno pjarö l̇l̇ëme. Nopga botoya ioror beno tjeng dogl̈o sak dbäw dbäw pjl̈ogl̈o kjäk (7,000). Epga Baal poshrëydë l̈ok l̇l̇ëm obi» l̈e.
30084	HEB 4:3	Shji äär ba woshtozl̈ong kjokyo wl̈o ga woyde ga shji mär ba go, l̈ara Sbörë sorë l̈i eni. Tjl̈ẽno beno eni: «E kjĩshko ga Sbö iirkono ara ba kong, ga tjl̈ẽ jl̈õkoyo ga “Epga äär l̈öng bor woshtozl̈ong kjokyo l̇l̇ëme” l̈e.» Gueniyo l̇l̇ëbo tak pjang Sbö tjl̈õkwo go. Tjl̈ẽ ga «Dbar kjäk (7) ga ba pak shäryara pjirshko ga woshtonoe.» E irgo ga tjl̈ẽ ga «Epga äär l̈öng bor woshtozl̈ong kjokyo l̇l̇ëme» l̈e. Miydëy e go ga kjok shäryara Sbörë pjirshko ga woshtozl̈ong kjokyo l̈ara l̈i, e shäryak pjir tjän.
30090	HEB 4:9	Miydëy e go ga l̇l̇ono ga ba nopga kong dbar twe Sbörë kjwara obi, woshtë jl̈õkoyo wl̈o, Sbö woshtono dbar kjäk (7) l̈ishko sorë ga eni.
30269	HEB 11:30	Ga Israel tjëyoga mär Sbö go kjĩshko ga dbar kjwobi go ga Jericó kjokyo kopjrina l̈ok pjribri shtök öötong dbargwo kjäk (7). E irgo ga kjok l̈i kjëryo shäryak ak go l̈i dl̈oktong, sho ter l̈öno töshko.
30572	2PE 2:5	Dënashko ga nopga l̇l̇ëbo owa shäryono kjĩshko ga shduna, pira di go drete. Gueniyo Noé, era Sbö tjl̈õkwo bek l̈i l̈aga. E kjĩshko ga döra beno ba pjeyoga dogl̈o kjäk (7) l̈i tjok.
30769	REV 1:4	Kjibokwo ëre taga tja Juandë. Jesús tjl̈õkwo kjragaga kjringgwo kjäk (7) tjeng kjok shto obl̈ë obl̈ë Asia kjokyo, kjibokwo ëre ichër jek bomi kong. Rokër Sök Ĩyado l̈i kong, sëyaga dogl̈o kjäk (7) tjeng ba pjl̈u sökkl̈o jong l̈i bokshto l̈i kong, Jesucristo kong ga ba wopjl̈ú l̈i kjĩshko ga pjãy kjimte l̈ok ara, pjãy ie ber l̈öng wl̈ẽp bakoe. Jesucristo, e Sbö tjl̈õkwo kura l̈i l̈aga jl̈õkoyo, woshrara bäm go l̈i e, pjl̈upga l̈öng kjok ëre kjing go ichaga l̈i e bakoe. Shji woyde ara, owa pjang bi go l̈i l̈öna beno dret, ba srëng kwona l̈i go,
30776	REV 1:11	Tjl̈ẽ bor kong ga «L̇l̇ëye ĩp l̈i tos ber pjang kjibokwo go. E irgo ga ichos jek Jesús tjl̈õkwo kjragaga kjringgwo kjäk (7) tjeng kjok shto obl̈ë obl̈ë Asia kjokyo l̈i kong. Ichos jek Éfeso kjokyo, Esmirna kjokyo, Pérgamo kjokyo, Tiatira kjokyo, Sardis kjokyo, Filadelfia kjokyo, Laodicea kjokyo bakoe» l̈e.
30777	REV 1:12	Eshko ga tja bojongö ĩn iröng, ëye ybö kuror tjl̈ẽ l̈i ë miydër wl̈o. Eshko ga ĩn ga iök shjiy bapkwo shäryak dbur sho shõyl̈ṍr go tjeng kjwo kjäk (7),
30781	REV 1:16	Orkwo kël̈ëkong dbala tjeng kjwo kjäk (7). Dröng tur jong ba kjak roy kjwangna, kowo stek kar kar. Ba bokkwo kãl̈ã l̇l̇etl̇l̇et, dl̈o wl̈eni.
30785	REV 1:20	Dbala ĩnop tjeng kjwo kjäk (7) bor orkwo kël̈ëkong ëre, iök shjiy bapkwo shäryak dbur sho shõyl̈ṍr go tjeng kjwo kjäk (7) ëre, e l̇l̇ë l̈okl̈o l̈ër bop kong. Iök shjiy bapkwo kjwo kjäk (7) ëre, e bor tjl̈õkwo kjraga kjringgwo kjäk (7) tjeng kjok shto obl̈ë obl̈ë l̈i jyãgl̈o. Dbala kjwo kjäk (7) ëre, e roy sögaga kjok dogo so dogl̈o kjäk (7), parkë l̈öng bor tjl̈õkwo kjraga kjringgwo kjäk (7) kong l̈i jyãgl̈o bakoe.
30786	REV 2:1	»Roy söga kjok dogo so shäng kjl̈ara, bor tjl̈õkwo kjragaga l̈öng Éfeso kjokyo l̈i kong. Kong kjibokwo tos kjwara, söya jek ba kong wl̈o. Kjibokwo l̈i tos eni: »“Shäng kjl̈ara, orkwo kël̈ëkong dbala tjeng kjwo kjäk (7), jëk shäng iök shjiy bapkwo shäryak dbur sho shõyl̈ṍr go tjeng kjwo kjäk (7) l̈i tjrëko. E tjl̈ẽ bomi kong ga
30815	REV 3:1	»Roy söga shäng kjl̈ara obi, bor tjl̈õkwo kjragaga l̈öng Sardis kjokyo l̈i kong. Kong kjibokwo tos kjwara, söya jek ba kong wl̈o. Kjibokwo l̈i tos eni: »“Shäng kjl̈ara, wl̈oshko tjeng Sbö Sëyaga dogl̈o kjäk (7), dbala kjwo kjäk (7) bakoe. E tjl̈ẽ bomi kong ga ‘Pjãy jëk l̈öng sorë, e miydër. Pjãy l̈öng së l̈ëba, gueniyo pjãy wol̈ono l̈öng wl̈eni.