52	GEN 2:21	E kjĩshko ga domer l̈i iara Sbörë beno buk pë ronge. Buk pë wopro ga shgl̈ing shira kjwangna, ga sho l̇l̇ira jek iröng obi.
53	GEN 2:22	Ba shgl̈ing l̈i go ga wal̈ë shäryara kjl̈ara. E irgo ga söra, pina ba kong.
54	GEN 2:23	Ĩya domer l̈irë ga tjl̈ẽ ga «¡Ĩzong! Ërera so tja kjoyoe. Ba sho kjwe botoya dik. Ba dbogl̈o kjwe botoya dik. Koiër ber “wal̈ë”, shira domer go dwayo kjĩshko» l̈e.
71	GEN 3:15	Pja, wal̈ë, pjãy ber l̈öng ëng moskwo, bop tjëyo, ba tjëyo, e ber eni bakoe. Ba tjëyo, pja kä shguiya. Ga pjara omuë ba kjuktushko» l̈e.
79	GEN 3:23	E kjĩshko ga domer l̈i shira Edén kjokyo dwayo ba boy tjok. Bäm goshko ga domer l̈i shäryara kl̈ung sho go. Shirashko ga beno shäng parkë kl̈ung sho l̈i kjing go shara.
87	GEN 4:7	L̇l̇ëbo pjl̈ú shäryorop kjwe ga tja ber wopjl̈ú bop tjok. Gueniyo l̇l̇ëbo owa shäryëp ĩyado ga bong kjönma ga pja ber shäng l̇l̇ëbo owa l̈i shäryë l̇l̇ëm ga äe. Bek wl̈o ga l̇l̇ëbo pjl̈ú l̈i shäryëp, l̇l̇ëbo owa l̈i shäryëp ame wl̈o» l̈e.
89	GEN 4:9	E irgo ga Jehová tjl̈ẽ ba kong ga «¿Bop l̈ëng Abel kwonl̇l̇o?» «Miydër l̇l̇ëme. ¿Eni l̈i tja iak shäng bor l̈ëng dagare?» l̈e ba kong.
90	GEN 4:10	Kuya ga tjl̈ẽ ba kong ga «¿L̇l̇ëye shäryoropdo? Bop l̈ëng zrörop. Ba srëng tjeng kl̈ung kjing l̈i ĩnor. E kjĩshko ga pja shdun. Bop l̈ëng srëng kwono kl̈ung kjing go kjĩshko ga pja parkë ber shäng kl̈ung kjing ame.
93	GEN 4:13	Kuya ga tjl̈ẽ ba kong ga «Bor shdunggl̈o ëre ber kjang anmoyõ.
218	GEN 9:12	Tjl̈õkwo ëre twër bomi kong, öng, äya kjl̈oshko so uunkong kong, kjok kjwang jĩkong kong bakoe. E twër bomi kong, ber ĩyado wl̈o. Bor donku ëre iër ber pjang kjok dogo. E ber pjang tjl̈õkwo ëre jyãgl̈o.
223	GEN 9:17	Donku, e ber pjang tjl̈õkwo ëre jyãgl̈o. Ber eni» l̈e.
231	GEN 9:25	tjl̈ẽ ba kong ga «¡Bop wa Canaán, e äyoshtër! ¡E ber shäng bop shjiyga kjwe parkaga tjwl̈ẽk shäng pjir wl̈eniyo!» l̈e.
233	GEN 9:27	Sbö, kjok twos tira l̇l̇ëm Jafet kong. Ba tjëyoga ios ber l̈öng uunkong Sem tjok. Ga Canaán ios ber shäng ba parkaga tjwl̈ẽk shäng pjir wl̈eniyo bakoe» l̈e.
245	GEN 10:10	Kjok tjeng pkëng (4) ko Babel, Érec, Acad, Calné. Pkëng jĩkong, e Sinar kjokyo obl̈ë obl̈ë. Kjrina kjrina kjëryo shäryak ak go pjribri kjókshko. Kjok eshko sopga ichaga Nimroddë bäm go.
254	GEN 10:19	Ba kjok, e ber buk Guerar kjokyo, Sidón kjokyo, e dwayo äär jong Gaza kjokyo go. Sodoma kjokyo, Gomorra kjokyo, Admá kjokyo, Zeboyín kjokyo, e shwo l̈ëkong äär jong Lasa kjokyo go.
265	GEN 10:30	Ba kjok, e beno buk Mesá kjokyo dwayo äär jong Sefar kjokyo go. Sefar, e ber buk dl̈up l̈ok dl̈o wen tëm shwo l̈ëkong tjrëko.
276	GEN 11:9	Kjok eshko ga tjl̈õkwo kjl̈opswara Jehovárë beno wẽl̈ë l̇l̇ëmshko ga nopga shdöktong to beno l̈öng dboy dboy kjok kjwang jĩkong. E kjĩshko ga kjok ëre kowëba Babel.
294	GEN 11:27	Ëre Taré tjëyo tek beno ba irgo. Ba wapga ko Abram, Najor, Jarán. Jarán, e wa kjl̈ara ko Lot.
300	GEN 12:1	Pjl̈ara ga Jehová tjl̈ẽ Abram kong ga «Bop kjok, bop tjëyo, bop pjeyoga, e rayos ber uunkong, ga pja nom jek kjokyo kjone pin bop kong l̈ishko.
302	GEN 12:3	Ëye wotjl̈ĩk pjl̈ú bop kong ga tja wotjl̈ĩk pjl̈ú ba kong bebi. Ëye wotjl̈ĩk owa bop kong ga tja wotjl̈ĩk owa ba kong bebi bakoe. Bop kjĩshko ga tjëyoga l̈öng kjok ëre kjing go kjimtër uunkong» l̈e.
304	GEN 12:5	Ba boy Saray, ba shtop Lot, ba l̇l̇ëbo uunkong, ba parkagaga l̈öng ba tjok, e söra jek uunkong Canaán kjokyo. Öötong l̈öng eshko ga
307	GEN 12:8	Pjir ga jëk öötong l̈öng dl̈up shwo l̈ëkong, Betel kjokyo ber buk soshko. Eshko ga ba u shäryak öng kwota go söya jek ba tjok l̈i iara jong Betel kjokyo, Hai kjokyo, e tjrëko. Eshko ga akkwo töna dl̈uw ëng kjing go kjókshko, Jehová poshrëkkl̈o obi. Shäryara pjir ga syõshtono Jehová kong eshko.
313	GEN 12:14	Eni ga öötong l̈öng Egipto kjokyo ga kjok eshko sopga tjl̈ẽ ëng kong ga «Ba boy kjwe wol̈ësowa» l̈e.
318	GEN 12:19	“Kjwe bor dor” l̈orop bor kong kuzong ga sirashko ga kjwe kjwe kjroror bor boy. Bop boy shäng ëre. ¡Sös bop tjok, ga pjãy nomo!» l̈e.
322	GEN 13:3	E irgo ga jek l̈öng shtor shtor, irbo jek jong äär Betel kjokyo shwo l̈ëkong. Dëna sök l̈ishko ga akkwo töna dl̈uw ëng kjing go kjókshko, Jehová poshrëkkl̈o. Kjok eshko, e buk Betel kjokyo, Hai kjokyo, e tjrëko. Öötong l̈öng eshko iröng obi ga syõshtono Jehová kong obi.
325	GEN 13:6	Ba kjok l̈öng l̈ishko ga öng ara anmoyõ kjĩshko ga ba öng dl̈i pjitënge. E kjĩshko ga ber l̈öng eshko uunkong ga äe.
327	GEN 13:8	Eni ga pjl̈ara ga Abram tjl̈ẽ Lot kong ga «Shji epenga döe. E kjĩshko ga shji iirkë ëng tjok kar kar ga äe. Bi parkagaga ëngkjwë ëng tjok ga ä bakoe.
335	GEN 13:16	Bop tjëyo l̈i iër shdär l̈ok träk l̇l̇ëm, shtëy ga äär l̇l̇ëm, kl̈ung pjl̈ungyo wl̈eni.
338	GEN 14:1	Eshkoshko ga pjl̈upga dogl̈o pkëng (4), e ëngkjwono pjl̈upga dogl̈o shkëng (5) tjok. Pjl̈upga dogl̈o pkëng (4) l̈i, e Sinar so pjl̈uyo ko Amrafel, Elasar so pjl̈uyo ko Arioc, Elam so pjl̈uyo ko Quedorlaómer, Goyim so pjl̈uyo ko Tidal. Pjl̈upga dogl̈o shkëng (5) l̈i, e Sodoma so pjl̈uyo ko Bera, Gomorra so pjl̈uyo ko Birsá, Admá so pjl̈uyo ko Sinab, Zeboyín so pjl̈uyo ko Semeber, Bela so pjl̈uyo. (Bela kjokyo, e ko Zoar kjokyo bakoe.)
340	GEN 14:3	Eshko dbaryo ga pjl̈upga dogl̈o shkëng (5) l̈i ichaga Pjl̈u Quedorlaómer l̈irë sök l̈u sak kjwara kjingsho pjök (12) tjän. Gueniyo öötong l̈uyo sak kjwara kjingsho myashko (13) ga epga wotjl̈ĩno ëngkjwë ba tjok. Eni ga shkëng (5) jĩkong l̈i ëng töno l̈ok, ga ba ëngkjwagaga söra jek l̈ok Sidín sdamyo, Di Bäng Buk Kësbang Dl̈ek l̈ishko.
353	GEN 14:16	Eni ga l̇l̇ëbo kjrara, söra tjeng ba tjok l̈i döra Abramdë ba shjiryo drete. Ba shtop Lot, ba l̇l̇ëbo, ba wal̈ëga, ba nopga uunkong, e döra eni.
365	GEN 15:4	Kuya ga tjl̈ẽ ba kong ga «Bop l̇l̇ëbo uunkong ber ba kong l̇l̇ëm, e ber bop wa domer onmo l̈i kong» l̈e.
366	GEN 15:5	Eshko ga Abram söra jek kjoko, ga tjl̈ẽ ba kong obi ga «Kjok dogo ĩs yõtso. Dbala shtozong, shtëp ga pjl̈úre ĩp wl̈o. Bop tjëyo tek ber bop irgo l̈i ber träk l̇l̇ëm kjweni bakoe» l̈e.
372	GEN 15:11	Ba öng sho shora, iara tjeng l̈ishko ga l̈ä̃ tjwe l̈ok träk l̇l̇ëm ba kjing go, gueniyo shgawe Abramdë shäng eshko.
373	GEN 15:12	Kjok ro zar wl̈eni ga Abram sjeno, opbuno, ga pono rong anmoyõ. Buk pëshko ga ĩya yoshko go ga kjok ro beno yẽt, ga bangkjrara ara.
374	GEN 15:13	Eshko ga Jehová tjl̈ẽ ba kong ga «Pja äär tjl̈abl̈ashko, ga pja wol̈on döröshko ga pja sök wl̈ẽp ĩyado. Gueniyo ga l̈ër bop kong jl̈õkoyo ga bop tjëyo tek ber bop irgo l̈i äär l̈öng kjok shto obl̈ë. Eshko ga ber l̈öng parkagaga tjwl̈ẽk l̈öng pjir wl̈eniyo, ga bokrotkëba, ga opshik ga ä, äär jong l̈u pjl̈ogl̈o sak dbäw pjl̈ogl̈o pkëng (400). Gueniyo ba bokrotkagaga l̈i, e shdungga tjarë. Bop tjëyoga opshik ey dwayoshko ga l̇l̇ëbo tjeng kës l̈i söya l̈ok jek ba tjok pjire.
383	GEN 16:1	Abram sök Canaán kjokyo l̈u pjl̈ogl̈o sak kjwarashko (10) ga ba boy Saray wapga l̇l̇ëm obi. Gueniyo ga wal̈ë Egipto so shäng kjl̈ara ko Agar, e Saray parkaga tjwl̈ẽk shäng pjir wl̈eniyo. Pjl̈ara ga Saray tjl̈ẽ ba l̈anma kong ga «Tja kuzong. Jehová kjĩshko ga tja kjrong. E kjĩshko ga rokër bop kong ga pja pë Agar tjok. Ba kjĩshko ga tja wapga tjok kjwe» l̈e. Kuya ga «Jöl̈ö» l̈e ba kong. Eni ga Agar twara Abram kong, pë ba tjok wl̈o.
387	GEN 16:5	Eni ga Saray tjl̈ẽ ba l̈anma kong ga «¡Bop kjĩshko ga tja bangkjre ame! Twak tjarë bop kong, bop boy wl̈o. Era wl̈oshko dörö kjĩshko ga wotjl̈ĩk ga e tjwl̈õ ara, bor kjinmo l̈e. Ëye diktong l̈i ë, pjare, de tja miydaga ber Jehovárë» l̈e.
388	GEN 16:6	Kuya ga tjl̈ẽ ba kong ga «Tja kuzong. Bop parkaga l̈i shäng bop wl̈oshko. L̇l̇ëye shäryëp woydë ba tjok l̈i miydaga ber pjarë» l̈e. Eshko jek l̈ëkong ga Agar bokrotke Saraydë ara. E kjĩshko ga töktong to ey dwayo.
392	GEN 16:10	Ga tjl̈ẽ ba kong obi ga «Bop tjëyo tek ber bop irgo l̈i iër ber shdär träk l̇l̇ëm, shtëy ga äär l̇l̇ëme.
394	GEN 16:12	Bop wa, e ber shäng tjëkso l̇l̇ëm, sëgro äya kjl̈oshko so wl̈eni. E ber nopga uunkong moskwo. Ëye wotjl̈ĩk pjl̈ú ba kong l̇l̇ëme. E ber shäng ëngkjwë ba pjeyoga tjok ĩyado» l̈e.
395	GEN 16:13	Kuya ga wotjl̈ĩk ga «Tja ĩna Sbörë, ga tja sök së obi» l̈e. E kjĩshko ga Jehová, e tjl̈ẽno ba tjok l̈i kowara Sbö, Bor Ĩga.
396	GEN 16:14	E kjĩshko ga di bäng buk Cades kjokyo, Béred kjokyo, e tjrëko l̈i kowëba Sbö Sök Ĩyado, Bor Ĩga l̈i di bäng.
404	GEN 17:6	Bop tjëyo tek ber bop irgo l̈i iër ber shdär träk l̇l̇ëme. E tjrëko pjl̈upga wen. Epga ber l̈öng tjëyoga obl̈ë obl̈ëe.
407	GEN 17:9	Ga tjl̈ẽ Abraham kong obi ga «Tjl̈õkwo twër bop kong l̈i shäryos eni ĩyado. Bop tjëyo tek ber bop irgo l̈i omshäryë eni bakoe.
410	GEN 17:12	Eeri jek l̈ëkong ga chidaga domerga wen tjeng bomi tjrëko kjl̈obi l̈i äär dbar kjwongshko (8) ga doyo jyã tëmi pjir eni, bomi wapga, bomi parkagaga tjwl̈ẽk l̈öng pjir wl̈eniyo l̈i wapga bakoe. Bomi parkagaga tjwl̈ẽnomi shto obl̈ë so kong l̈i doyo jyã tëmi pjir bakoe. Pjãy domerga doyo jyã të uunkong. Ba jyãgl̈o ëre ber pjang bomi sho go ĩyado, tjl̈õkwo tworor bomi kong l̈i dik.
413	GEN 17:15	Eshko ga tjl̈ẽ ba kong obi ga «Bop boy kjwe ko ber Saray ame. Eeri jek l̈ëkong ga ko ber Sara shara.
414	GEN 17:16	L̇l̇ëbo shäryër ber pjl̈ú ba kong. Bop kong wa twër kjl̈ara domer ba tjok. Sara, e ber tjëyoga ara mekë. Ba tjëyo tek ber ba irgo l̈i tjrëko pjl̈upga wen» l̈e.
418	GEN 17:20	Pja syõshtë sök Ismael kjĩshko l̈i kuror, ga kjimtër bakoe. Ba tjëyo tek ber ba irgo l̈i iër ber shdär träk l̇l̇ëme. Ga iër ber tjëyo kësbange. E tjrëko pjl̈upga wen dogl̈o sak kjwara kjingsho pjök (12).
430	GEN 18:5	Pjãy l̈öng töshko. Pjãy brikdë l̇l̇ëm obi ga pjãy sën, pjãy jëk ga dbo tjok wl̈o. Pjãy shrono bor ĩk kjĩshko ga tja wopjl̈úe. Bor u ëre bomipjõy bebi» l̈e. Kuya l̈ok ga «Pjl̈úe» l̈e l̈ok ba kong.
434	GEN 18:9	Iono l̈ok pjir ga tjl̈ẽ l̈ok ba kong ga «¿Bop boy Sara kwonl̇l̇o?» «Shäng kjweshko, kjër roy» l̈e ba kong.
435	GEN 18:10	Domerga dogl̈o mya l̈i, kjl̈ara, e Jehová. Tjl̈ẽ Abraham kong ga «L̈u pjl̈ara go ga pja ĩn tjwe obi. Eshko ga bop boy Sara wl̈oshko wa tjeng kjl̈ara domer tjän» l̈e. Kura Sararë kjër pjl̈or go, ba l̈anma kokso l̈ëkong. Eshko dbaryo ga Abraham tjl̈abl̈a, Sara bakoe. Ga Sara, ba dbar mokyo ĩya ame. E kjĩshko ga jar jong, ga wotjl̈ĩk ga «Tja tjl̈abl̈ae. Bor l̈anma tjl̈abl̈a bakoe. ¿Tja wa tjok sorë?» l̈e. Jar shäng l̈i kuya Jehovárë ga tjl̈ẽ Abraham kong ga «¿Sara jar ega? ¿Tjl̈abl̈a kjĩshko ga wa tjok ga äe l̈ere?
460	GEN 19:2	ga tjl̈ẽ ba kong ga «Tjl̈apgaga, rokër bomi kong sira ga pjãy ber l̈öng bor ushko shkër kjwara. Bor u, e bomipjõy bebi. Eshko ga pjãy dre shkwë ga pjl̈úe. Pjãy brik bong, kjok shröngto jã» l̈e. Kuya l̈ok ga tjl̈ẽ ba kong ga «L̇l̇ëme. Tjawa ber l̈öng kjoko dey» l̈e.
486	GEN 19:28	ga ĩya ga sdam kjwang jĩkong pjë jong träk l̇l̇ëm obi äär jong Sodoma kjokyo, Gomorra kjokyo bebi. Beno yõbor erä.
489	GEN 19:31	Pjl̈ara ga ba wa këguëyo tjl̈ẽ ba l̈ëng kong ga «Bi data kjwe tjl̈abl̈ae. Kjok kjwang jĩkong ga oba orkwosmok ĩyado. Gueniyo jũshko ga domerga shji orkwosmok ba tjok wl̈o drete.
496	GEN 19:38	Ga ba l̈ëng wa buk kjl̈ara domer bebi, ga koiara Ben Amí. E beno Amón tjëyo data.
513	GEN 20:17	Sara kjĩshko ga wal̈ëga l̈öng Abimélec ushko kjl̈obi l̈i shduna Jehovárë, beno l̈öng wapga ame. Gueniyo ga Abraham syõshtono Jehová kong. E kjĩshko ga Abimélec poptara Sbörë. Ba boy, ba parkaga wal̈ëga poptara bako, wapga tjok obi wl̈o.
521	GEN 21:7	¿Tja wa tjeng Abraham tjok kjl̈ara l̈aga ëro? ¡Tjl̈abl̈a ëmdë ga ĩzong! Ba tjok ga tja wa buk kjl̈ara domer» l̈e.
524	GEN 21:10	tjl̈ẽ ba l̈anma kong ga «Bi parkaga tjwl̈ẽk shäng pjir wl̈eniyo l̈i ichos jek na dwayo, ba wa kjwe tjok. Pja wol̈onoshko ga bop l̇l̇ëbo tjeng kës ber Isaac kong eröe. L̇l̇ëye ber bi parkaga wa kjwe kong l̇l̇ëme» l̈e.
527	GEN 21:13	Bop parkaga wa l̈i, e bop wa kjĩshko ga e iër ber tjëyo obl̈ë, kësbang bakoe» l̈e.
528	GEN 21:14	Wẽshko kjok shröngto ga dl̈i, di, e iara Abrahamdë ba bapkwo roshko, twara Agar kong, ga iara pjang ba kokso. Eshko ga «Pja nome» l̈e ba kong, ga ichara to ey dwayo, ba wa l̈i tjok. Kuya ga to jek kjok dogro no l̇l̇ëmshko kjokyo ko Berseba. Eshko ga jëktong l̇l̇aw pogo, to jongya shäng kjone miyde l̇l̇ëme.
529	GEN 21:15	Ba diwa söra l̈i pjitongshko ga ba wa l̈i iara beno sök tjoksa, kjor chirawa jong eshko l̈i dorko.
530	GEN 21:16	Ga wotjl̈ĩk ga «Bor wa kjwe wol̈on ĩn woydë l̇l̇ëme» l̈e. E kjĩshko ga opkwono, sirkeno sök pjola, ga beno sök tjoksa, ga sl̈ar träk l̇l̇ëme.
531	GEN 21:17	Eshko ga ba wa sl̈ar jong bebi. Kuya Sbörë ga Agar rokara Sbö parkaga kjok dogo sorë tjl̈ẽ ter kjok dogo dwayo ga «Agar, ¿pja oto? L̇l̇ëye bangkjrëp l̇l̇ëme. Bop wa kjl̈oshtono l̈i kura Sbörë.
532	GEN 21:18	To kjrëba jeke. Rayëp ber tjoksa ame. Ba tjëyo tek ber ba irgo l̈i iër ber tjëyo kësbange» l̈e.
536	GEN 21:22	Eshkoshko ga Guerar so pjl̈uyo Abimélec öör l̈an Abraham tjok. Ba ëngkjwaga kägäyo ko Ficol, e söra öör ba yorkë. Öötong l̈öng eshko ga Abimélec tjl̈ẽ Abraham kong ga «Ĩn ga l̇l̇ë pogo shäryëp ga pja kjimte Sbörë ara.
545	GEN 21:31	Tjl̈ẽno ëng kong jl̈õkoyo kjĩshko ga kjok eshko kowara beno Berseba.
547	GEN 21:33	Abrahamda syõshtono Jehová kong eshko Berseba kjokyo. Jehová, e ko Sbö Sök Ĩyado bakoe. Eshko ga Abraham kjor dgono kjl̈ara ko tamarisco, syõshtono eshko kjĩshko.
560	GEN 22:12	Tjl̈ẽ ga «Bop wa kjwe wẽyẽ. L̇l̇ëye owa shäryëp ba kong l̇l̇ëme. Miydër ga Sbö bangkjrëp jl̈õkoyo, bop wa kjl̈araso kjwe kiyokorop bor kong l̇l̇ëm kjĩshko» l̈e ba kong.
564	GEN 22:16	Tjl̈ẽ ga «Jehová tjl̈ẽ ga “Bop wa kjl̈araso kiyokorop bor kong l̇l̇ëm kjĩshko ga l̈ër bop kong om go jl̈õkoyo ga
565	GEN 22:17	pja kjimtër ara. Bop tjëyo tek ber bop irgo l̈i iër ber shdär träk l̇l̇ëm, dbala l̈ok kjopkwo go wl̈eni, l̈a sho tjeng dl̈ung kjako wl̈eni bakoe. Epga ber l̈öng kjok kjone pogo ga ba moskwoga zãya song ĩyado.
567	GEN 22:19	Kura pjir ga to tek iröng obi ba wa tjok, ba parkagaga beno l̈öng l̈ishko. E irgo ga opshino to iröng Berseba kjokyo ba tjok. Ga beno sök eshko.
568	GEN 22:20	Öötong dbar kop ara ga roy shrono Abraham kong ga ba kjl̈ara Najor wapga tjeng ara. Wapga tjeng domerga dogl̈o kjwong (8) ba boy Milca tjok. Ba wa domer bäm ĩyo ko Uz, e irgo Buz, e irgo Quemuel. (Quemuel, e Aram data.) E irgo ga wapga tjeng domerga ko Quésed, Jazó, Pildás, Yidlaf, Betuel. (Betuel, e Rebeca data.)
578	GEN 23:6	«Tjl̈apga, tjawa kuzong. Pja borwa kong ga tjwl̈õ ara, pjl̈u wa dik. Bop boy jnes borwa sak pjl̈ú, owa l̇l̇ëm wl̈eniyoshko. Kjakrokëp ë pogo kong wl̈eni ga “¡Jöl̈ö!” l̈e bop kong» l̈e.
583	GEN 23:11	Tjl̈ẽ ba kong ga «¡L̇l̇ëme, Tjl̈apga! Guëng jong ööng l̈ëp l̈i twër ber bop kong bop sënggl̈o, kjok buk eshko l̈i tjok bakoe. Bor pjeyoga kjok ëre so ber l̈öng ba miydaga. Eni ga tworor bop kong bop sënggl̈o kjĩshko ga bop boy to jnep eshko» l̈e.
598	GEN 24:6	«¡L̇l̇ëme! Bor wa, e söp eshko l̇l̇ëme.
599	GEN 24:7	Jehová, e Sbö sök kjok dogo. Tja shira bor data uy dwayo, bor pjeyoga kjokshko dwayo bakoe. Ga tjl̈ẽno bor kong jl̈õkoyo ga kjok ëre twe ber bor kong, bor tjëyo tek ber bor irgo l̈i kong bakoe. Ba parkaga kjok dogo so iche jek bop bäm go kjl̈ara, pja kjimte kjogl̈o wl̈ẽk kjl̈ara, tek söp bor wa kong wl̈o.
606	GEN 24:14	Rokër bop kong sira ga tja kjimtos eni. “Tja kong di shis sira, iër wl̈o” l̈ër kjogl̈o kong eni ga woydër ga kjogl̈o kjrorop bop parkaga Isaac kong l̈i tjl̈ẽ bor kong ga “Di iozong. Bop öng ëmdë ga kong di twër bakoe” l̈e. Miydër e go ga pja wotjl̈ĩk pjl̈ú bor kägäyo kong» l̈e.
607	GEN 24:15	Syõshtë sök obi wopro ga ĩya ga Rebeca tek shäng di bapkwo söya jong ba dbopdo. Rebeca, e Betuel wa. Betuel, e Najor wa, ba boy Milca tjok. Najor, e Abraham kjl̈arayo.
611	GEN 24:19	Iara pjir ga tjl̈ẽ ba kong obi ga «Bop öng kjwe ëmdë ga kong di shir, twër, ie l̈ok wl̈o bakoe. Ie äär bayo kjöm ga eni» l̈e.
615	GEN 24:23	ga tjl̈ẽ ba kong ga «¿Pja data ë? ¿Bop data ushko, shto tjokde? ¿Tjawa pë eshko ga buere?»
616	GEN 24:24	«Tja data Betuel. E data Najor, mekë Milca.
617	GEN 24:25	Borwa ushko ga shto tjok. Pjãy pë eshko ga pjl̈úe. Bop öng kjwe ië wl̈o ga tjawa kjl̈o sho tjok bakoe» l̈e ba kong eni.
621	GEN 24:29	Ba sing shäng kjl̈ara ko Labán. Ba dor l̈i ne iokl̈o, orkwo iokl̈o l̈ok l̈i ĩna, ga domer l̈i tjl̈ẽno sorë l̈i roy kura. Jekdo eshko ga jek öötong shäng di bäng shäryak jong l̈ishko, Abraham parkaga l̈i wl̈okjre wl̈o. Öötong shäng eshko ga ĩya ga domer l̈i shäng di bäng l̈i zl̈ong, ba öng tjok ga
623	GEN 24:31	tjl̈ẽ ba kong ga «Pjãy tegö. Pjãy kjimtara Jehovárë. Pjãy ber l̈öng kjoko l̇l̇ëme. U wl̈ẽnor bomi kong tjän. Bop öng kjwe shto wl̈ẽnor bakoe» l̈e.
627	GEN 24:35	Bor kägäyo, e kjimte Jehovárë ara. Iara beno sök l̇l̇ëbo ara. Kong öng ushko so, sögl̈a, dbur sho shõyl̈ṍr, dbur sho pjl̈ubl̈ún, parkagaga tjwl̈ẽk l̈öng pjir wl̈eniyo, öng jëkkl̈o sok këskës, öng so kwomgl̈a kjoyo dre töshko, e twara ba kong ara.
629	GEN 24:37	Kjupäbäshko ga bor kägäyo tjl̈ẽ bor kong ga “Woydër ga tjl̈õkwo l̈os bor kong jl̈õkoyo. Bor wa Isaac, e ichëp orkwosmok wal̈ë Canaán so tjok l̇l̇ëme.
635	GEN 24:43	Tja sök di bäng ëre zl̈ong wopro ga ‘Tja kong di shis sira, iër wl̈o’ l̈ër kjogl̈oga tjwe l̈öng di kjrë l̈i kong. Eshko ga woydër ga kjogl̈o kjrorop bor kägäyo wa kong l̈i tjl̈ẽ bor kong ga ‘Di iozong. Bop öng ëmdë ga kong di twër bakoe’ l̈e bor kong” l̈oror Jehová kong eni.
638	GEN 24:46	»Kuya ga ba di bapkwo l̈ona töshko, ga tjl̈ẽ bor kong ga “Iozong, Tjl̈apga. Bop öng kjwe ëmdë ga kong di twër bakoe” l̈e. Ga tja di iono, ga di twara bor öng kong bakoe.
639	GEN 24:47	»E irgo ga tja tjl̈ẽ ba kong ga “¿Pja data ë?” »“Tja data Betuel. E data Najor, mekë Milca” l̈e bor kong. »Eshko ga ne iokl̈o ioror pjang ba ne go, ga orkwo iokl̈o ioror l̈ok ba orkwo go.