28	GEN 1:28	Eshko ga tjl̈ẽno beno pjl̈ú ba kong. Tjl̈ẽ ga «Pjãy shdärzong ara, tira l̇l̇ëme. Kjok ëre dl̈imia. Pjãy iër ber l̈öng ba ĩga. Mã, sënwa, öng, äya kjl̈oshko so, pjãy iër ber l̈öng ba ĩga bakoe» l̈e.
61	GEN 3:5	Miyde Sbörë pjir ga kjor ëre bo uoromi ga pjãy bokkwo roshwing, ga pjãy ber l̈ong l̇l̇ëbo pjl̈ú, l̇l̇ëbo owa miydë. Eni ga pjãy ber l̈öng Sbö dik» l̈e.
89	GEN 4:9	E irgo ga Jehová tjl̈ẽ ba kong ga «¿Bop l̈ëng Abel kwonl̇l̇o?» «Miydër l̇l̇ëme. ¿Eni l̈i tja iak shäng bor l̈ëng dagare?» l̈e ba kong.
98	GEN 4:18	Enoc, e Irad data. Irad, e Mejuyael data. Mejuyael, e Metusael data. Metusael, e Lamec data.
118	GEN 5:12	Cainán, e öötong l̈u pjl̈ogl̈o sak kjäkshko (70) ga wa buk kjl̈ara ko Malalel.
121	GEN 5:15	Malalel, e öötong l̈u pjl̈ogl̈o sak tjer kjingsho shkëngshko (65) ga wa buk kjl̈ara ko Jared.
127	GEN 5:21	Enoc, e öötong l̈u pjl̈ogl̈o sak tjer kjingsho shkëngshko (65) ga wa buk kjl̈ara ko Matusalén.
131	GEN 5:25	Matusalén, e öötong l̈u pjl̈ogl̈o sak dbäw kjingsho sak kjwong kjingsho kjäkshko (187) ga wa buk kjl̈ara ko Lamec.
171	GEN 7:11	Mok pjök, dbar sak kjwara kjingsho kjäk (17) dbaryo ga Noé l̈u pjl̈ogl̈o sak dbäw pjl̈ogl̈o tjer (600). E dbaryo ga opzrëno jem kjyong l̈i roy, ba boy, ba wapga, ba pjl̈aydoga tjok. Öng, äya kjl̈oshko so, sënwa, e opzrëno jem l̈ok pjök pjök kjyong l̈i roy ba tjok bakoe. Opzrëno jem wl̈ënggl̈a kjl̈ara kjl̈ara, popga kjl̈ara kjl̈ara. L̈ara Sbörë ba kong sorë l̈i shäryara eni. E irgo ga u bäng bängzara Jehovárë beno jong tuke. E dbaryo ga dl̈ung kësbang buk kjok dorong l̈i dl̈oktong, tuktong kjone pogo. Kjok dogo ëmdë ga di börgak tjeng l̈i böptuktonge. Shunyo shrono pjang kjok ëre kjing go dbargwo sak pkëng (40), shkë dbae. Eshkoshko ga di jem poyong l̇l̇ögong l̇l̇ögong, ga kjyong l̈i beno buk di kjing wëng erä.
188	GEN 8:4	Mok kjäk (7), dbar sak kjwara kjingsho kjäk (17) dbaryo ga kjyong l̈i dano beno buk Ararat kjokyo, dl̈up l̈ëkong.
195	GEN 8:11	Kjok ro zar kjwl̈ë ga dunggwo l̈i shrono tek pjang iröng, kjor korga tjagl̈ën söra tjeng kara ba kowo go. Miydara e go ga kl̈ung dogrotkë jeke.
197	GEN 8:13	Noé l̈u pjl̈ogl̈o sak dbäw pjl̈ogl̈o tjer kjingsho kjwarashko (601) ga di beno kl̈ung kjing go ame. Mok kjl̈ara, dbar kjwara dbaryo ga kjyong l̈i kjing, e kjara ga ĩya ga kl̈ung kjing l̈i beno buk dogroe.
237	GEN 10:2	Jafet, e wapga domerga ko eni: Gómer, Magog, Maday, Javán, Tubal, Mésec, Tirás.
241	GEN 10:6	Cam, e wapga domerga ko eni: Cus, Misrayin, Fut, Canaán.
248	GEN 10:13	Misrayin, e tjëyo tek beno ba irgo l̈i beno tjëyo kop ara. E Lud tjëyo, Anam tjëyo, Lehab tjëyo, Naftu tjëyo,
258	GEN 10:23	Aram, e wapga domerga ko eni: Uz, Hul, Guéter, Mas.
261	GEN 10:26	Joctán, e wapga domerga ko eni: Almodad, Sélef, Jazar Mávet, Yeraj,
265	GEN 10:30	Ba kjok, e beno buk Mesá kjokyo dwayo äär jong Sefar kjokyo go. Sefar, e ber buk dl̈up l̈ok dl̈o wen tëm shwo l̈ëkong tjrëko.
296	GEN 11:29	Wal̈ë shäng kjl̈ara ko Saray. Abram, e orkwosmono ba tjok. Jarán, e wapga wal̈ëga ko Milca, Iscá. Najor, e orkwosmono Milca tjok.
305	GEN 12:6	jëktong ara ga öötong l̈öng Moré kjokyo, kjor jong kjl̈ara kësbang l̈ishko, Siquén kjokyo ber buk soshko. Eshkoshko ga Canaán sopga l̈öng eshko obi.
310	GEN 12:11	Jek l̈öng ääto Egipto kjokyo ga Abram tjl̈ẽ ba boy kong ga «Miydër pjl̈ú ga pja wol̈ësowa.
337	GEN 13:18	E irgo ga poshäryono ga toe. Domer sök kjl̈ara ko Mamré. E kjor këskës l̈ok arae. Kjok eshko ga Hebrón kjokyo ber buk soshko. Abram wl̈o öötong l̈öng eshko ga akkwo töna Abramdë dl̈uw ëng kjing go kjókshko, Jehová poshrëkkl̈o.
350	GEN 14:13	Gueniyo ga no töktong kjl̈ara, ga Lot roy söra jek öötong Abram, hebreo l̈i kong. Eshkoshko ga Abram sök Mamré kjor këskës l̈ok l̈ishko. Mamré, e amorreo. E l̈ëmga tjeng do pjök, kjl̈ara ko Escol, kjl̈ara ko Aner. Pjl̈ara ga domerga dogl̈o mya l̈i tjl̈õkwo l̈ono ëng kong Abram tjok. Tjl̈ẽno ëng kong jl̈õkoyo ga «Oba ëngkjwë woydë bi tjok wl̈eni ga shji ëng wl̈ikë sharae» l̈ara eni.
355	GEN 14:18	Domer shäng kjl̈ara ko Melquisedec. E Salem so pjl̈uyo. E omwl̈okjrono bakoe. E syõshtaga Sbö Tjwl̈õ Kësbangyo kong ba pjeyoga kjĩshko. Eshko ga pjl̈ung shosho suk pjir shira, twara Abram kong, kjil̇l̇gwo bo dyo dbo ara tjok.
357	GEN 14:20	Pja kjimtara, bop moskwoga iara beno tjeng bop wl̈oshko, ga zanop song erä. E kjĩshko ga e poshrëy kësbang ĩyado» l̈e. Eni ga l̇l̇ëbo wl̈ẽna Abramdë kës l̈i shtara äär ba sakyo (10) go, ba sakyo (10) go, shira kjrina kjrina, ga twara beno Melquisedec kong.
361	GEN 14:24	L̇l̇ëye woydër ber bor kong l̇l̇ëm, dl̈i uara bor nopgarë l̈i döe. Gueniyo ga domerga bor yorkaga Aner, Escol, Mamré, kjwepga wl̈e kongda l̇l̇ëbo twos kjrina kjrinae» l̈e.
363	GEN 15:2	Kuya ga tjl̈ẽ ba kong ga «Jehová, l̇l̇ëye shäryëp woydë l̈i shäryëp ga pjl̈úe. ¿Tja ber tjwl̈õ ara l̇l̇ëno? Miydëp pjl̈ú ga tja wapga drete. Tja kong wapga tworop l̇l̇ëme. E kjĩshko ga tja wol̈onoshko ga bor l̇l̇ëbo uunkong ber bor parkaga tjwl̈ẽk shäng pjir wl̈eniyo ko Eliezer kong. E bor pjeyo l̇l̇ëm, e Damasco so» l̈e.
426	GEN 18:1	Dbar kjwara ga Abraham sök Mamré kjor këskës l̈ok l̈ishko, ba u zl̈ong bäng. Eni ga dl̈o dl̈uw wl̈eni ga Jehová weno shäng ba kong.
440	GEN 18:15	Kuya Sararë ga bangkjrara ara, ga tjl̈ẽ ga «Tja jatong l̇l̇ëme» l̈e. «Miydër pjir ga pja jatong» l̈e Jehovárë ba kong.
450	GEN 18:25	Nopga pjl̈o bek shdum nopga owa l̈i tjok ga äe. Nopga pjl̈o bek l̇l̇gwep nopga owa l̈i dik ga äe. Rokër bop kong sira ga shäryëp eni l̇l̇ëme. Pja nopga l̈öng kjok ëre kjing go l̈i l̇l̇gwega. Miydër ga pja kjok l̇l̇gwek beke» l̈e.
495	GEN 19:37	E irgo ga ba wa këguëyo wa buk kjl̈ara domer, ga koiara Moab. E beno Moab tjëyo data.
497	GEN 20:1	E irgo ga Abraham wl̈o opshino Mamré kjokyo dwayo, to jongya jong Néguev kjokyo. Eshko ga beno l̈öng Guerar kjokyo, e buk Cades kjokyo, Sur kjokyo, e tjrëko.
502	GEN 20:6	Kuya ga tjl̈ẽ ba kong ga «Miydër pjl̈ú ga pja opshäryë shäng pjl̈ú bor bokso l̈ëp eni bop pjl̈úshko jl̈õe. E kjĩshko ga pja ichoror ba porwë l̇l̇ëm, l̇l̇ëbo owa l̈ër l̈i shäryëp l̇l̇ëm wl̈o.
544	GEN 21:30	«Woydër ga öng ëre kjrëp, ber bop kong wl̈o. Miydëp e go ga di bäng shäryak jong ëre botoya» l̈e ba kong.
550	GEN 22:2	Tjl̈ẽ ga «Isaac, e bop wa kjl̈araso. E woydëp ara. Sös Moria kjokyo. Pja äär eshko ga zröp, ga sho sup, pjë dret bor poshrëkkl̈o, dl̈up jong kjone pin bop kong l̈i goshko» l̈e.
560	GEN 22:12	Tjl̈ẽ ga «Bop wa kjwe wẽyẽ. L̇l̇ëye owa shäryëp ba kong l̇l̇ëme. Miydër ga Sbö bangkjrëp jl̈õkoyo, bop wa kjl̈araso kjwe kiyokorop bor kong l̇l̇ëm kjĩshko» l̈e ba kong.
568	GEN 22:20	Öötong dbar kop ara ga roy shrono Abraham kong ga ba kjl̈ara Najor wapga tjeng ara. Wapga tjeng domerga dogl̈o kjwong (8) ba boy Milca tjok. Ba wa domer bäm ĩyo ko Uz, e irgo Buz, e irgo Quemuel. (Quemuel, e Aram data.) E irgo ga wapga tjeng domerga ko Quésed, Jazó, Pildás, Yidlaf, Betuel. (Betuel, e Rebeca data.)
572	GEN 22:24	Najor boy obl̈ë ba parkaga wl̈eniyo tjok kjl̈ara ko Reumá. Wapga tjeng domerga obi ba tjok ko Tébaj, Gaján, Tajás, Macá.
580	GEN 23:8	Ga tjl̈ẽ ba kong l̈ok ga «L̈ëmi jl̈õkoyo ga bor boy jner ber buk sak jũshko ga pjl̈ú wl̈eni ga tja kjimtëmi eni. Zojar wa Efrón kjok worbo go ga guëng jong ööng kjwara, Macpela kjokyo buk l̈ishko. Woydër ga kjakrokëmi ba kong ga soyneya bor kong. Tjwl̈õ ie kjöm ga tjwl̈ẽn ba kong eni. Eni ga kjok tjwl̈ẽnor l̈i ber buk bor kong kjok ëre kjing go» l̈e.
588	GEN 23:16	Kuya ga tjl̈ẽ ba kong ga «Jöl̈ö» l̈e. Eni ga Het tjëyoga bokshto ga kjok l̈i tjwl̈ẽna Abrahamdë, dburyo shte l̈öng pjl̈uk jonge. Efrón kjok, e Macpela kjokyo obi, e ber buk Mamré kjokyo, dl̈o wen tëm shwo l̈ëkong. Eerishko ga Mamré kjokyo ko Hebrón, e Canaán kjokyo obi. Efrón kjok l̈i tjwl̈ẽna Abrahamdë, guëng jong ööng l̈i tjok, kjor l̈ok eshko tjok bakoe. E irgo ga ba boy Sara jnena beno buk eshko.
606	GEN 24:14	Rokër bop kong sira ga tja kjimtos eni. “Tja kong di shis sira, iër wl̈o” l̈ër kjogl̈o kong eni ga woydër ga kjogl̈o kjrorop bop parkaga Isaac kong l̈i tjl̈ẽ bor kong ga “Di iozong. Bop öng ëmdë ga kong di twër bakoe” l̈e. Miydër e go ga pja wotjl̈ĩk pjl̈ú bor kägäyo kong» l̈e.
607	GEN 24:15	Syõshtë sök obi wopro ga ĩya ga Rebeca tek shäng di bapkwo söya jong ba dbopdo. Rebeca, e Betuel wa. Betuel, e Najor wa, ba boy Milca tjok. Najor, e Abraham kjl̈arayo.
616	GEN 24:24	«Tja data Betuel. E data Najor, mekë Milca.
639	GEN 24:47	»E irgo ga tja tjl̈ẽ ba kong ga “¿Pja data ë?” »“Tja data Betuel. E data Najor, mekë Milca” l̈e bor kong. »Eshko ga ne iokl̈o ioror pjang ba ne go, ga orkwo iokl̈o ioror l̈ok ba orkwo go.
661	GEN 25:2	Wapga tjeng domerga ba tjok ko Zimrán, Jocsán, Medán, Madián, Isbac, Súaj.
663	GEN 25:4	Madián, e wapga tjeng domerga ko Efá, Éfer, Janoc, Abidá, Eldá. Ëre Cetura tjëyoga uunkong.
668	GEN 25:9	Eshko ga iara ba wapga Isaac, Ismaeldë beno buk guëng jong ööng Macpela kjokyo l̈i roshko. E ber buk Efrón kjokyo, Mamré kjokyo, dl̈o wen tëm shwo l̈ëkong. Efrón, e data Zojar. Zojar, e Het tjëyo.
671	GEN 25:12	Ismael, e Abraham wa, Sara parkaga tjwl̈ẽk shäng pjir wl̈eniyo Egipto so ko Agar l̈i tjok. Ismael, e wa buk domer bäm ĩyo ko Nebayot. E irgo tek eni, Cedar, Adbel, Mibsán,
673	GEN 25:14	Mismá, Dumá, Masá,
681	GEN 25:22	Miydara ga wapga tjeng do pjök. Gueniyo epga ëngkjwë tjeng ba bö roy. E kjĩshko ga tjl̈ẽ Jehová kong ga «Ëre owa. ¿Tja oto eniro?» l̈e.
702	GEN 26:9	Eni ga Isaac rokara ba shwoy, ga tjl̈ẽ ba kong ga «¡Miydoror pjl̈ú ga kjwe bop boy! ¿Kjwe bop dor l̈orop ega?» «Tja zrökoba ba kjĩshko l̈oror. L̈oror eni e kjĩshko» l̈e ba kong.
730	GEN 27:2	Tjl̈ẽ ga «Miydëp pjl̈ú ga tja tjl̈abl̈a tjän, tja wol̈on döröe.
746	GEN 27:18	Eni ga Jacob opzrëno jek ba data bukshko, ga tjl̈ẽ ga ba kong ga «Miga data.» «Kjobe. ¿Pja bor wa kjone dey?»
780	GEN 28:6	Miydara Esaúrë ga ba data tjl̈ẽno beno pjl̈ú Jacob kong, ga ichara to Padán Aram kjokyo orkwosmok eshko wl̈o. Eshko ga Jacob ichara orkwosmok wal̈ë Canaán so tjok l̇l̇ëme.
782	GEN 28:8	Miydara Esaúrë ga ba boyga Canaán so woyde ba datarë l̇l̇ëme.
783	GEN 28:9	E kjĩshko ga öör shäng Ismael ĩk, e Abraham wa. Eshko ga wal̈ë shäng kjl̈ara ko Majalat. Majalat, e Nebayot dor, Ismael wa, Abraham tjër. Ga Esaú orkwosmono ba tjok. Boyga mya l̈i beno l̈öng ba tjok eni.
840	GEN 30:9	Miydara Learë ga wa ame kuzong ga ba parkaga Zilpá twara Jacob kong, ber ba boy obl̈ë ba parkaga wl̈eniyo wl̈o. Ga Jacob pono ba tjok,
858	GEN 30:27	Gueniyo kuya ga tjl̈ẽ ba kong ga «Rokër bop kong sira ga pja ber sök borwa tjok obi. Miydoror bor l̇l̇ëbo miydokl̈o go ga tja kjimtara Jehovárë bop kjĩshko.
860	GEN 30:29	Kuya ga tjl̈ẽ ba kong ga «Miydëp pjl̈ú ga tja parkono bop kong pjl̈ú, bop öng doror owa l̇l̇ëme.
875	GEN 31:1	Miydara Jacobdë ga Labán wapga to l̈öng tjl̈ẽ ëng kong ga «Bi data l̇l̇ëbo kjrara Jacobdë drete. E go ga beno dbur ara» l̈e.
879	GEN 31:5	ga tjl̈ẽ ba kong ga «Miydër ga bomi data, tja woyde dämär dik l̇l̇ëme. Gueniyo bor data Sbö, era shäng bor tjok ĩyado.
880	GEN 31:6	Miydëmi pjl̈ú ga tja parkono shäng bomi data kong pjl̈úe.
904	GEN 31:30	Miydër pjl̈ú ga pja jek woydë ara bop data ushko iröng obi. ¿Gueniyo bor sböpga jyãgl̈o l̈ũyotkorop ega?» l̈e.
923	GEN 31:49	Ga Labán tjl̈ẽ ba kong obi ga «Shji l̈öng pjola, shji ëng ĩk ame ga shji ĩga, daga ber Jehovárë» l̈e. E kjĩshko ga kjok eshko kowara beno Mizpa bakoe.
931	GEN 32:3	Ĩya Jacobdë ga tjl̈ẽ ga «Ëre ëngkjwagaga Sbö ĩ» l̈e. E kjĩshko ga kjok eshko koiara beno Majanayin.
954	GEN 32:26	Miydara ga Jacob zãya ga äshko ga porwara ba kworboshko, ga ba kworbo jöktëng erä.
1033	GEN 35:21	E irgo ga Jacob wl̈o irbo shano to öötong l̈öng Migdal Edar kjokyo pjl̈or kal̈ëkong.
1034	GEN 35:22	L̈öng kjok eshko wopro ga Rubén öör pono ba data boy obl̈ë ba parkaga wl̈eniyo ko Bilhá tjok. Miydara ba datarë ga iirkono tira l̇l̇ëme. Jacob wapga domerga dogl̈o sak kjwara kjingsho pjök (12).
1039	GEN 35:27	Era Jacob öör ba data Isaac ĩk, Abraham, Isaac dënashko ga l̈öngshko l̈i kjokyo ko Mamré. Mamré kjokyo, e ko Arbá, ko Hebrón bakoe.
1050	GEN 36:9	Esaú, e Edom tjëyoga data. E beno l̈öng Seir kjokyo dl̈up shwo l̈ëkong. Ëre ba tjëyo tek beno ba irgo. Esaú boyga dogl̈o mya: Ada, Basemat, Aholibama. Ada tjok ga Esaú wa domer kjl̈ara ko Elifaz. Elifaz, e wapga domerga ko eni: Temán, Omar, Zefo, Gatán, Cenaz. Elifaz boy obl̈ë ba parkaga wl̈eniyo ko Timná tjok ga wa domer kjl̈ara ko Amalec. Basemat tjok ga Esaú wa domer kjl̈ara ko Reuel. Reuel, e wapga domerga ko eni: Najat, Zera, Sama, Mizá. Aholibama tjok ga Esaú wapga domerga dogl̈o mya: Jeús, Jalán, Coré. Aholibama, e Aná wa. Aná, e Zibeón wa. Zibeón, e heveo.
1058	GEN 36:17	Esaú wa Basemat tjok Reuel l̈i tjëyo tek beno ba irgo l̈i tjëyoga ëre: Najat, Zera, Sama, Mizá. Epga l̈öng Edom kjokyo.
1064	GEN 36:23	Sobal, e wapga domerga ko eni: Alván, Manajat, Ebal, Sefó, Onam.
1076	GEN 36:35	Jusán wol̈onoshko ga beno Hadad, e Avit so, Bedad wa. Nopga Madián so zana Bedaddë Moab kjokyo.
1077	GEN 36:36	Hadad wol̈onoshko ga beno Samla, e Masreca so.
1080	GEN 36:39	Baal Janán wol̈onoshko ga beno Hadar, e Pau so, boy ko Mehitabel. Mehitabel, e mekë ko Matred. Matred, e mekë ko Mezab.
1081	GEN 36:40	Edom tjëyoga ko eni: Timná, Alvá, Jetet, Aholibama, Elá, Pinón, Cenaz, Temán, Mibzar, Magdiel, Iram. Epga beno l̈öng kjok kjrina kjrina baĩya om go. Esaú beno Edom tjëyoga uunkong data.
1129	GEN 38:9	Miyde Onándë ga wapga tjengshko ga epga ber baĩya l̇l̇ëm kuzong ga pë ba tjok pjl̈obi go ga opdë Tamar ber shäng kjl̈araso l̇l̇ëm wl̈o, wapga tjeng ba shjiy kong l̇l̇ëm wl̈o.
1143	GEN 38:23	Kuya ga tjl̈ẽ ba kong ga «Eni ga ber tjeng wẽyẽ ba tjok, shji joywëba l̇l̇ëm wl̈o. Miydëp ga shwl̈ing ushko so ichoror jek ba kong, gueniyo wl̈ẽnop l̇l̇ëme» l̈e.
1247	GEN 41:51	Ba wa domer bäm ĩyo bukshko ga José tjl̈ẽ ga «Tja kjimtara Sbörë, l̇l̇ëbo weno bor kong owa kjöme woyojeror pjir, bor pjeyoga woyojeror bakoe. E kjĩshko ga koiër Manasés» l̈e.
1290	GEN 42:37	Eshko ga Rubén tjl̈ẽ ba data kong ga «Benjamín ichos jek bor tjok. Miydaga ber tjarë. Sör tjwe bop kong iröng obi. Sör tjwe l̇l̇ëm ga bor wapga do pjök zröp ga pjl̈úe» l̈e.
1352	GEN 44:27	»Kuya ga tjl̈ẽ borwa kong ga “Miydëmi pjl̈ú ga bor boy, e wapga do pjök bor tjok.
1353	GEN 44:28	Kjl̈ara to bor shjiryo dwayo, ga sök bor tjok ame. Miydër ga uara äya kjl̈oshko sorë.
1371	GEN 45:12	»Miyde bor l̈ëng Benjamíndë, pjãy ommiydë bebi ga tja José jl̈õkoyo. Tja tjl̈ẽno l̈i kuromi uunkong.
1395	GEN 46:8	Jacob tjëyo tek beno ba irgo l̈i öötong l̈öng Egipto kjokyo ko l̈ok eni. Epga beno l̈öng Israel tjëyoga. Lea wapga Jacob tjok, e weno tjeng Padán Aram kjokyo, e ko l̈ok eni. Ba tjëyo tek beno ba irgo l̈i tjok ga beno l̈öng dogl̈o sak mya kjingsho mya (33). Rubén, e ba wa domer bäm ĩyo. Rubén, e öötong ba wapga domerga Janoc, Falú, Jezrón, Carmí tjok. Simeón, e öötong ba wapga domerga Jemuel, Jamín, Oad, Jaquín, Zojar, Saúl tjok. Saúl, e mekë Canaán so. Leví, e öötong ba wapga domerga Guersón, Coat, Merari tjok. Judá, e öötong ba wapga domerga Selá, Fares, Zera tjok. Ba wapga domerga Er, Onán, e wol̈ono beno l̈öng Canaán kjokyo. Fares, e öötong ba wapga domerga Jezrón, Jamul tjok. Isacar, e öötong ba wapga domerga Tola, Fuvá, Job, Simrón tjok. Zabulón, e öötong ba wapga domerga Séred, Elón, Yalel tjok. Jacob wa wal̈ë Dina, e öötong bakoe.
1403	GEN 46:16	Parkaga twara Labándë ba wa Lea kong ko Zilpá l̈i wapga Jacob tjok ko l̈ok eni. Ba tjëyo tek beno ba irgo l̈i tjok ga beno l̈öng dogl̈o sak kjwara kjingsho tjer (16). Gad, e öötong ba wapga domerga Zefón, Jaguí, Ezbón, Suni, Erí, Arodí, Arelí tjok. Aser, e öötong ba wapga domerga Imná, Isvá, Isví, Beriá tjok, ba wa wal̈ë Sera tjok bakoe. Beriá, e öötong ba wapga domerga Héber, Malquiel tjok.
1406	GEN 46:19	Raquel wapga Jacob tjok ko l̈ok eni. Ba wapga tjok ga beno l̈öng dogl̈o sak kjwara kjingsho pkëng (14). José, e sök Egipto kjokyo ga wapga tjeng domer do pjök ba boy Asenat tjok ko Manasés, Efraín. Asenat, e Potifera wa. Potifera, e sök On kjokyo. E syõshtaga Egipto so sböpga kong. Benjamín, e öötong ba wapga domerga Bela, Béquer, Asbel, Guerá, Naamán, Ehí, Ros, Mupín, Jupín, Ard tjok.
1453	GEN 48:1	E irgo ga oba tjl̈ẽ José kong ga «Bop data swl̈o ara» l̈ëba ba kong. Eni ga José jek ba ĩk, ba wapga Manasés, Efraín tjok.
1457	GEN 48:5	Bop wapga Efraín, Manasés, e weno tjeng na Egipto kjokyo, tja tjwayde töntë bop tjok l̇l̇ëm obishko. Epga ber bor wapga onmo wl̈eni, Rubén, Simeón dik.