22	GEN 1:22	Eshko ga tjl̈ẽ l̇l̇ëbo wena tjeng l̈i kong ga «Pjãy wapga shdärzong dl̈ung kjwang jĩkong, di uunkong roshko bakoe. Sënwa, pjãy wapga shdärzong kjok kjwang jĩkong bebi» l̈e. L̇l̇ëbo shäryara beno pjl̈ú ba kong l̈ok eni.
28	GEN 1:28	Eshko ga tjl̈ẽno beno pjl̈ú ba kong. Tjl̈ẽ ga «Pjãy shdärzong ara, tira l̇l̇ëme. Kjok ëre dl̈imia. Pjãy iër ber l̈öng ba ĩga. Mã, sënwa, öng, äya kjl̈oshko so, pjãy iër ber l̈öng ba ĩga bakoe» l̈e.
42	GEN 2:11	Di bäm go l̈i ko Pisón. E jer pjrĩya buk Javilá kjokyo worbo tjok. Kjok eshko, e dbur sho shõyl̈ṍr ara.
43	GEN 2:12	Dbur sho shõyl̈ṍr kjok eshko so l̈i owa l̇l̇ëm, shõyl̈ṍr anmoyõ. Poshtikkl̈o l̈õ pjl̈ëbl̈ë ko bedelio eshko tjok. Akkwo tjwl̈õ ara ko ónice eshko tjok bakoe.
57	GEN 3:1	Dgur, e obl̈ë jyãpgwë äe, äya kjl̈oshko so obl̈ë obl̈ë shäryara Sbö Jehovárë l̈i kjinmo. Pjl̈ara ga tjl̈ẽ wal̈ë l̈i kong ga «¿Jl̈õkoyo ga Sbö tjl̈ẽno bomi kong ga “Kjok ëreshko ga kjor bo uëy uunkong l̇l̇ëme” l̈ara eni jl̈õre?»
59	GEN 3:3	Gueniyo ga kjor jong kjl̈ara kjok roworbëshko, era uërwa ga äe. Sbö tjl̈ẽno borwa kong ga “Kjwe uëy l̇l̇ëme. Porwëy l̇l̇ëm bakoe. L̇l̇ëm ga pjãy wol̈on” l̈ara eni» l̈e dgur kong.
60	GEN 3:4	Kuya ga tjl̈ẽ ba kong ga «E jyõ. Pjãy wol̈on l̇l̇ëme.
65	GEN 3:9	Eshko ga domer l̈i rokara Sbörë. Tjl̈ẽ ga «¿Pja shäng kjone?»
67	GEN 3:11	Kuya ga tjl̈ẽ ba kong ga «¿“Pja shäng kjwor” l̈aga ërë bop kong? ¿Eni l̈i kjor bo uëy l̇l̇ëme l̈oror bop kong l̈i uoropde?»
70	GEN 3:14	Kuya ga tjl̈ẽ dgur l̈i kong ga «L̇l̇ëbo owa shäryorop. E kjĩshko ga pja shdun pja kjl̈araso, öng, äya kjl̈oshko so l̇l̇amo tjeng l̈ira l̇l̇ëme. Pja eröe. Eeri jek l̈ëkong ga pja iër ber buk dopshik ĩ kl̈ung kjing go, ga kl̈ung sho dwëp bakoe.
71	GEN 3:15	Pja, wal̈ë, pjãy ber l̈öng ëng moskwo, bop tjëyo, ba tjëyo, e ber eni bakoe. Ba tjëyo, pja kä shguiya. Ga pjara omuë ba kjuktushko» l̈e.
72	GEN 3:16	Ga tjl̈ẽ wal̈ë l̈i kong ga «Pja chida buk döröshko ga iër ber bop kong bang ara, woyotjl̈ĩnor bäm go sorë l̈i kjinmo. Ga pja wo pjang bop l̈anma go. Ga e ber bop ichaga» l̈e.
75	GEN 3:19	Eshko ga pja parkë shorya go l̇l̇ëm ga pja ië l̇l̇ëme. Pja tek shäryak kl̈ung sho go, kl̈ung sho l̈i pja. Ga l̇l̇ono ga pja kworkwë jek ber kl̈ung sho iröng obishko ga pja parkë pjir äär ber eshko» l̈e.
86	GEN 4:6	Eni ga Jehová tjl̈ẽ ba kong ga «¿Pja iirkë ara ega?
92	GEN 4:12	Pja parkë ara kl̈ung kjing ëmdë ga l̇l̇ëye botjyë bop kong ame. Pja to shäng jëk kl̈ung kjing kjone pogo ëmdë ga pja shto woshtozl̈ong wl̈o drete» l̈e ba kong.
95	GEN 4:15	Kuya ga tjl̈ẽ ba kong ga «Pja zröga ërë ga e shdun, pja shdunor l̈i kjinmo» l̈e. Eni ga pogl̈o jyã tara, wl̈ẽngga ërë ga zröya l̇l̇ëm wl̈o.
103	GEN 4:23	Pjl̈ara ga Lamec tjl̈ẽ ba boyga kong ga «L̇l̇ëye l̈ër bomi kong l̈i kuzĩ yõtso. Domer zröror kjl̈ara, tja zara kjĩshko. Dwl̈as zröror kjl̈ara bako, tja shpora kjĩshko.
156	GEN 6:18	Gueniyo ga tjl̈õkwo twër bop kong, ber ĩyado wl̈o. Pja jem opzrëk kjyong l̈i roy, bop boy, bop wapga, bop pjl̈aydoga tjok, pjãy wol̈on l̇l̇ëm wl̈o.
200	GEN 8:16	«Pja opshis kjyong wl̈e roy dwayo, bop boy, bop wapga, bop pjl̈aydoga tjok.
207	GEN 9:1	Eshko ga Sbö tjl̈ẽno beno pjl̈ú Noé, ba wapga kong bakoe. Tjl̈ẽ ga «Pjãy wapga wenzong ara, shdär ber l̈öng kjok kjwang jĩkong wl̈o.
220	GEN 9:14	Pjäng ichër ĩmi wen pjang kjok dogo, ga donku wen pjang ba tjrëkoshko ga
227	GEN 9:21	Pjl̈ara ga kjil̇l̇gwo bo dyo dbo ara l̈i iara, ga nel̈õtkonoe. Ga shwong skwono beno buk kjwor ba u shäryak öng kwota go l̈i roshko.
232	GEN 9:26	Ga tjl̈ẽ Jehová kong ga «Jehová, pja tjwl̈õ kësbange. Pja Sem Sbö. Canaán, e ber shäng ba parkaga tjwl̈ẽk shäng pjir wl̈eniyo ga pjl̈úe.
245	GEN 10:10	Kjok tjeng pkëng (4) ko Babel, Érec, Acad, Calné. Pkëng jĩkong, e Sinar kjokyo obl̈ë obl̈ë. Kjrina kjrina kjëryo shäryak ak go pjribri kjókshko. Kjok eshko sopga ichaga Nimroddë bäm go.
249	GEN 10:14	Patrus tjëyo, Caslu tjëyo, Caftor tjëyo. Filisteoga, e Caftor tjëyo obi.
260	GEN 10:25	Éber, e wapga domerga do pjök, kjl̈ara koiara Péleg, eshko dbaryo ga nopga shdöktong beno tjeng dboy dboy kjĩshko. Péleg, e l̈ëng ko Joctán.
270	GEN 11:3	Pjl̈ara ga tjl̈ẽ ëng kong ga «Shji kl̈ung shosho shäryë, piy iök go ber kjang ak dik wl̈o, u shäryëy e go wl̈o, ak ãska. Sho smoy ëng go ba smokkl̈o dishäng kjoyo, gueniyo sho sĩ go, ak smokkl̈o sho ãska. E go ga kjweri shji u ywë kjwöböso, kjëryo shäryëy ak go pjribri kjókshko. Ga u shäryëy kl̈ung akyo go, e shäryëy jem äär jong kjok dogo. E go ga shji shdär l̇l̇ëm, gueniyo shji roy shdär ber kjok kjwang jĩkong. Eni ga shji ber tjwl̈õ ara» l̈e.
283	GEN 11:16	Éber, e l̈u pjl̈ogl̈o sak mya kjingsho pkëngshko (34) ga wa buk kjl̈ara domer ko Péleg.
285	GEN 11:18	Péleg, e l̈u pjl̈ogl̈o sak myashko (30) ga wa buk kjl̈ara domer ko Reú.
300	GEN 12:1	Pjl̈ara ga Jehová tjl̈ẽ Abram kong ga «Bop kjok, bop tjëyo, bop pjeyoga, e rayos ber uunkong, ga pja nom jek kjokyo kjone pin bop kong l̈ishko.
301	GEN 12:2	Eshko ga bop tjëyo tek ber bop irgo l̈i, e iër ber shdär träk l̇l̇ëm, ber tjëyo kësbang wl̈o. Pja kjimtër, pja ber tjwl̈õ ara wl̈o. Eni ga nopga uunkong kjimtër bebi.
307	GEN 12:8	Pjir ga jëk öötong l̈öng dl̈up shwo l̈ëkong, Betel kjokyo ber buk soshko. Eshko ga ba u shäryak öng kwota go söya jek ba tjok l̈i iara jong Betel kjokyo, Hai kjokyo, e tjrëko. Eshko ga akkwo töna dl̈uw ëng kjing go kjókshko, Jehová poshrëkkl̈o obi. Shäryara pjir ga syõshtono Jehová kong eshko.
311	GEN 12:12	Pja ĩya Egipto sopgarë ga pja bor boy l̈e, ga tja zröya l̈ok bop kjĩshko, pja ber ba kong wl̈o dani.
317	GEN 12:18	E kjĩshko ga Abram rokara pjl̈u l̈irë tek ba shwoy, ga tjl̈ẽ ba kong ga «¿Pja l̇l̇ëbo shäryono bor kong kjweni ega? ¿“Wal̈ë ëre bor boy” l̈orop bor kong l̇l̇ëm ega?
328	GEN 13:9	Rokër bop kong sira ga pja opkjos ber sök dboye. Kjok ëre ĩzong. Woydëp kjone dey ga kjrozong. Pja jek mil̈ëkong ga tja jek kël̈ë. Pja jek kël̈ëkong ga tja jek mil̈ë» l̈e.
334	GEN 13:15	Pja bokkwo dbo äär kjone l̈ishko ga kjok, e twër uunkong ber bop kong, bop tjëyo tek ber bop irgo l̈i kong, ber bomi kong ĩyado wl̈o.
338	GEN 14:1	Eshkoshko ga pjl̈upga dogl̈o pkëng (4), e ëngkjwono pjl̈upga dogl̈o shkëng (5) tjok. Pjl̈upga dogl̈o pkëng (4) l̈i, e Sinar so pjl̈uyo ko Amrafel, Elasar so pjl̈uyo ko Arioc, Elam so pjl̈uyo ko Quedorlaómer, Goyim so pjl̈uyo ko Tidal. Pjl̈upga dogl̈o shkëng (5) l̈i, e Sodoma so pjl̈uyo ko Bera, Gomorra so pjl̈uyo ko Birsá, Admá so pjl̈uyo ko Sinab, Zeboyín so pjl̈uyo ko Semeber, Bela so pjl̈uyo. (Bela kjokyo, e ko Zoar kjokyo bakoe.)
340	GEN 14:3	Eshko dbaryo ga pjl̈upga dogl̈o shkëng (5) l̈i ichaga Pjl̈u Quedorlaómer l̈irë sök l̈u sak kjwara kjingsho pjök (12) tjän. Gueniyo öötong l̈uyo sak kjwara kjingsho myashko (13) ga epga wotjl̈ĩno ëngkjwë ba tjok. Eni ga shkëng (5) jĩkong l̈i ëng töno l̈ok, ga ba ëngkjwagaga söra jek l̈ok Sidín sdamyo, Di Bäng Buk Kësbang Dl̈ek l̈ishko.
342	GEN 14:5	Öötong l̈u pjl̈ara obi ga Pjl̈u Quedorlaómer jongya jong eshko, pjl̈upga l̈öng ba shwo l̈ëkong l̈i tjok, ëngkjwë wl̈o. Jek l̈öng eshko wopro ga refaítaga zana l̈ok Astarot Carnayin kjokyo, zuzitaga zana l̈ok Jam kjokyo, emitaga zana l̈ok Save Quiriatayin kjokyo.
343	GEN 14:6	Horeoga zana l̈ok Seir kjokyo dl̈up shwo l̈ëkong, irpjana l̈ok äär l̈öng Parán kjokyo. E ber buk kjok dogro no l̇l̇ëmshko l̈i worbo go.
350	GEN 14:13	Gueniyo ga no töktong kjl̈ara, ga Lot roy söra jek öötong Abram, hebreo l̈i kong. Eshkoshko ga Abram sök Mamré kjor këskës l̈ok l̈ishko. Mamré, e amorreo. E l̈ëmga tjeng do pjök, kjl̈ara ko Escol, kjl̈ara ko Aner. Pjl̈ara ga domerga dogl̈o mya l̈i tjl̈õkwo l̈ono ëng kong Abram tjok. Tjl̈ẽno ëng kong jl̈õkoyo ga «Oba ëngkjwë woydë bi tjok wl̈eni ga shji ëng wl̈ikë sharae» l̈ara eni.
356	GEN 14:19	Ga tjl̈ẽno beno pjl̈ú ba kong. Tjl̈ẽ ga «Pja kjimte Sbö Tjwl̈õ Kësbangyorë ara. E kjok uunkong shäryaga.
357	GEN 14:20	Pja kjimtara, bop moskwoga iara beno tjeng bop wl̈oshko, ga zanop song erä. E kjĩshko ga e poshrëy kësbang ĩyado» l̈e. Eni ga l̇l̇ëbo wl̈ẽna Abramdë kës l̈i shtara äär ba sakyo (10) go, ba sakyo (10) go, shira kjrina kjrina, ga twara beno Melquisedec kong.
368	GEN 15:7	Ga tjl̈ẽ ba kong ga «Jehová l̈i tja. Pja shiror tek Caldea so kjokyo ko Ur l̈i dwayo, kjok ëre twër ber bop kong wl̈o, kjok ëre twër ber bop tjëyo tek ber bop irgo l̈i kong wl̈o bakoe» l̈e.
374	GEN 15:13	Eshko ga Jehová tjl̈ẽ ba kong ga «Pja äär tjl̈abl̈ashko, ga pja wol̈on döröshko ga pja sök wl̈ẽp ĩyado. Gueniyo ga l̈ër bop kong jl̈õkoyo ga bop tjëyo tek ber bop irgo l̈i äär l̈öng kjok shto obl̈ë. Eshko ga ber l̈öng parkagaga tjwl̈ẽk l̈öng pjir wl̈eniyo, ga bokrotkëba, ga opshik ga ä, äär jong l̈u pjl̈ogl̈o sak dbäw pjl̈ogl̈o pkëng (400). Gueniyo ba bokrotkagaga l̈i, e shdungga tjarë. Bop tjëyoga opshik ey dwayoshko ga l̇l̇ëbo tjeng kës l̈i söya l̈ok jek ba tjok pjire.
378	GEN 15:17	Kjok ro zoktongshko ga kjok ro beno yẽt erä. Eshko ga sbi weno pjang kjwara, roshko yõ sho tur jonge. Kjor weno pjang bok kjwara dbo go iök pjë jong ri rie. Pjöyĩkong jëk l̈ok ba öng sho shora tjeng l̈i tjrëko.
383	GEN 16:1	Abram sök Canaán kjokyo l̈u pjl̈ogl̈o sak kjwarashko (10) ga ba boy Saray wapga l̇l̇ëm obi. Gueniyo ga wal̈ë Egipto so shäng kjl̈ara ko Agar, e Saray parkaga tjwl̈ẽk shäng pjir wl̈eniyo. Pjl̈ara ga Saray tjl̈ẽ ba l̈anma kong ga «Tja kuzong. Jehová kjĩshko ga tja kjrong. E kjĩshko ga rokër bop kong ga pja pë Agar tjok. Ba kjĩshko ga tja wapga tjok kjwe» l̈e. Kuya ga «Jöl̈ö» l̈e ba kong. Eni ga Agar twara Abram kong, pë ba tjok wl̈o.
390	GEN 16:8	Ga tjl̈ẽ ba kong ga «Agar, ¿pja tek kjone dwayo? ¿Pja to kjone?» «Tja to shäng bor sogo Saray töywë» l̈e ba kong.
391	GEN 16:9	Kuya ga tjl̈ẽ ba kong ga «Pja nom jek bop pjl̈u Saray ushko iröng obi. L̇l̇ëye l̈e bop kong l̈i kol̈ozong» l̈e.
393	GEN 16:11	Pja shäng kjl̈araso l̇l̇ëme. L̇l̇ono ga pja wa buk kjl̈ara domer, e koiëp Ismael, pja woydë ara l̈i miyde Jehovárë pjir kjĩshko.
399	GEN 17:1	Abram l̈u pjl̈ogl̈o sak shkaw kjingsho shkawshko (99) ga Jehová weno shäng ba kong, ga tjl̈ẽ ba kong ga «Tja ëre Sbö, l̇l̇ëye shäryër woydë l̈i shäryër ga pjl̈úe. Tja kol̈ozong. Pja jëk pjl̈o bek bor bokso bakoe.
402	GEN 17:4	«Tjl̈õkwo twër bop kong, ber ĩyado wl̈o l̈i eni: Pja ber tjëyoga ara data.
403	GEN 17:5	Ga eeri jek l̈ëkong ga pja ko ber Abram ame. Pja ko ber Abraham shara, pja ioror beno tjëyoga ara data kjĩshko.
406	GEN 17:8	Pja sökshko l̈i ko Canaán. Pja kjok ëre so l̇l̇ëm, gueniyo kjok buk kës ëre twër ber bop kong ĩyado wl̈o, epga kong bakoe. Ga tja ber ba Sbö ĩyado» l̈e.
410	GEN 17:12	Eeri jek l̈ëkong ga chidaga domerga wen tjeng bomi tjrëko kjl̈obi l̈i äär dbar kjwongshko (8) ga doyo jyã tëmi pjir eni, bomi wapga, bomi parkagaga tjwl̈ẽk l̈öng pjir wl̈eniyo l̈i wapga bakoe. Bomi parkagaga tjwl̈ẽnomi shto obl̈ë so kong l̈i doyo jyã tëmi pjir bakoe. Pjãy domerga doyo jyã të uunkong. Ba jyãgl̈o ëre ber pjang bomi sho go ĩyado, tjl̈õkwo tworor bomi kong l̈i dik.
418	GEN 17:20	Pja syõshtë sök Ismael kjĩshko l̈i kuror, ga kjimtër bakoe. Ba tjëyo tek ber ba irgo l̈i iër ber shdär träk l̇l̇ëme. Ga iër ber tjëyo kësbange. E tjrëko pjl̈upga wen dogl̈o sak kjwara kjingsho pjök (12).
429	GEN 18:4	Kumi ga pjl̈ú wl̈eni ga tja di rokë bomi kong, pjãy dre shkwë e go wl̈o. Pjir ga pjãy woshtë wop tjok kjor ëre dorko.
430	GEN 18:5	Pjãy l̈öng töshko. Pjãy brikdë l̇l̇ëm obi ga pjãy sën, pjãy jëk ga dbo tjok wl̈o. Pjãy shrono bor ĩk kjĩshko ga tja wopjl̈úe. Bor u ëre bomipjõy bebi» l̈e. Kuya l̈ok ga «Pjl̈úe» l̈e l̈ok ba kong.
431	GEN 18:6	Eni ga Abraham opzrëno jek ba u roy, ga tjl̈ẽ Sara kong ga «Pjl̈ung sho kjros bayo eeje. Sho l̇l̇rus, ga suzong. ¡Shäryos mal̈inge!» l̈e.
450	GEN 18:25	Nopga pjl̈o bek shdum nopga owa l̈i tjok ga äe. Nopga pjl̈o bek l̇l̇gwep nopga owa l̈i dik ga äe. Rokër bop kong sira ga shäryëp eni l̇l̇ëme. Pja nopga l̈öng kjok ëre kjing go l̈i l̇l̇gwega. Miydër ga pja kjok l̇l̇gwek beke» l̈e.
452	GEN 18:27	Eshko ga tjl̈ẽ ba kong obi ga «Tja jnep kësbang, pja bangkjrër l̇l̇ëm wl̈eni. Pja Sbö, tja domer. Tja domer song, tjwl̈õ l̇l̇ëme.
457	GEN 18:32	Eshko ga tjl̈ẽ pjl̈ara obi ga «Tjl̈apga, pja iirkë bor kong l̇l̇ëme. Kjakrokër bop kong pjir ëre döe. Pja barwër ame. ¿Wl̈ẽnop tjeng sak kjwara (10) wl̈eni ga l̇l̇ëye shäryëp?» Kuya ga tjl̈ẽ ba kong ga «Epga sak kjwara (10) l̈i kjĩshko ga shdun l̇l̇ëme» l̈e ba kong.
460	GEN 19:2	ga tjl̈ẽ ba kong ga «Tjl̈apgaga, rokër bomi kong sira ga pjãy ber l̈öng bor ushko shkër kjwara. Bor u, e bomipjõy bebi. Eshko ga pjãy dre shkwë ga pjl̈úe. Pjãy brik bong, kjok shröngto jã» l̈e. Kuya l̈ok ga tjl̈ẽ ba kong ga «L̇l̇ëme. Tjawa ber l̈öng kjoko dey» l̈e.
467	GEN 19:9	Kuya l̈ok ga tjl̈ẽ ba kong ga «¡Pja opkjos ëre dwayo! Pja na so l̇l̇ëme. Tjawa ichëp woydë kuzong ga pja kong l̇l̇ëbo owa shäryërwa, l̇l̇ëbo owa shäryërwa ba kong l̈ok l̈i kjinmo» l̈e l̈ok ba kong eni, ga jek ri ri ba kjing go, u bäng l̈i dl̈oya wl̈o.
470	GEN 19:12	Eshko ga domerga do pjök l̈i tjl̈ẽ Lot kong ga «Sodoma sopga ëre l̇l̇ëbo shäryë l̈öng owa anmoyõ, ga roy öötong Jehová sök kjok dogo l̈i kong. E kjĩshko ga tjawa ichara kjok ëre pjik. Pja opshis na dwayo, pja nom pjolae. Pja pjeyo obl̈ë na tjok ga jek sös bop tjok uunkong, bop wapga, bop kwosga, bop pjeyo obl̈ë tjeng kjok ëreshko bako, kjok ëre pjirwa kjĩshko» l̈e.
472	GEN 19:14	Eni ga Lot opshino jek ba kwosga ĩni rokë, tjl̈ẽ ba kong ga «Kjok ëre pjiya Jehovárë. E kjĩshko ga pjãy wl̈ẽp l̇l̇ëme. Pjãy tökzong pjolae» l̈e. Gueniyo tjl̈õkwo kjrara l̈ok l̇l̇ëme. Wotjl̈ĩk l̈ok ga «Shäng tjötoro» l̈e.
473	GEN 19:15	Wẽshko kjok shröngto ga Sbö parkagaga kjok dogo so l̈i tjl̈ẽ Lot kong ga «Pja kojõs mal̈ing, bop boy, bop wapga wal̈ëga do pjök, e jek sös bop tjok. L̇l̇ëm ga kjok ëre shdunwashko ga pjãy wol̈on jek kjok ëre sopga tjok» l̈e.
475	GEN 19:17	Shira l̈ok pjir ga kjl̈ara tjl̈ẽ ba kong ga «Pjãy zronzong. Iröng ĩmi l̇l̇ëme. Pjãy sl̈an kjok ëreshko l̇l̇ëm bakoe. Pjãy tökzong dl̈up l̈ëkong, pjãy wol̈on woydë l̇l̇ëmda eni» l̈e.
477	GEN 19:19	tja kjimtoromi ara. Pjãy pjl̈ú bor tjok. Tja shiromi kjĩshko ga tja sök së obi. Gueniyo ga tja tök dl̈up go ga äe. Kjok pjimishko ga tja doshaya irbo, ga tja wol̈on.
479	GEN 19:21	Kuya l̈ok ga kjl̈ara tjl̈ẽ ba kong ga «Pja kuror. L̇l̇ëye rokorop bor kong l̈i shäryër eni. Kjok buk l̈ëp l̈i pjir l̇l̇ëme.
480	GEN 19:22	Pja jëkzong mal̈ing kjweshko. Pja äätë kjweshko l̇l̇ëm obishko ga l̇l̇ëye shäryër ga äe» l̈e. Kjok buk eshko chira l̈i, e kowaraba beno Zoar e kjĩshko.
489	GEN 19:31	Pjl̈ara ga ba wa këguëyo tjl̈ẽ ba l̈ëng kong ga «Bi data kjwe tjl̈abl̈ae. Kjok kjwang jĩkong ga oba orkwosmok ĩyado. Gueniyo jũshko ga domerga shji orkwosmok ba tjok wl̈o drete.
509	GEN 20:13	“Pja opshis bop data ushko dwayo” l̈ara Sbörë bor kongshko ga tja tjl̈ẽ bor boy kong ga “Tja kjimtëp sira. Shji äär kjone pogo ga tja bop sing l̈ëp eni” l̈ër ba kong» l̈e Abrahamdë eni.
523	GEN 21:9	Ismael, e Egipto so Agar l̈i wa Abraham tjok. Pjl̈ara ga shäng tjör Isaac tjok. Ĩya Sararë ga
524	GEN 21:10	tjl̈ẽ ba l̈anma kong ga «Bi parkaga tjwl̈ẽk shäng pjir wl̈eniyo l̈i ichos jek na dwayo, ba wa kjwe tjok. Pja wol̈onoshko ga bop l̇l̇ëbo tjeng kës ber Isaac kong eröe. L̇l̇ëye ber bi parkaga wa kjwe kong l̇l̇ëme» l̈e.
526	GEN 21:12	Gueniyo ga Sbö tjl̈ẽ ba kong ga «Pja woydë kjwozir l̈i kjĩshko l̇l̇ëm, bop parkaga kjĩshko l̇l̇ëm bakoe. L̇l̇ëye roke Sararë bop kong l̈i shäryos eni. Isaac tjëyo tek ber ba irgo l̈i ber bop tjëyo jl̈õkoyo eröe.
528	GEN 21:14	Wẽshko kjok shröngto ga dl̈i, di, e iara Abrahamdë ba bapkwo roshko, twara Agar kong, ga iara pjang ba kokso. Eshko ga «Pja nome» l̈e ba kong, ga ichara to ey dwayo, ba wa l̈i tjok. Kuya ga to jek kjok dogro no l̇l̇ëmshko kjokyo ko Berseba. Eshko ga jëktong l̇l̇aw pogo, to jongya shäng kjone miyde l̇l̇ëme.
534	GEN 21:20	Ismael kunoshko ga beno shäng kjok dogro no l̇l̇ëmshko kjokyo ko Parán. Eshkoshko ga kjimtara Sbörë. Öötong këguë ga swl̈ë dbuk owa l̇l̇ëme. Ga orkwosmona ba mekërë wal̈ë Egipto so tjok.
537	GEN 21:23	Woydër ga eeri dbaryo ga l̈os bor kong jl̈õkoyo Sbö bokso ga l̇l̇ëye owa shäryëp bor kong l̇l̇ëm, bor tjëyo tek ber bor irgo l̈i kong l̇l̇ëm bakoe. Pja na so l̇l̇ëm, gueniyo pja sök jũshkoshko ga tja wotjl̈ĩno bëy bop kong. E kjĩshko ga woydër ga shäryëp bor kong eni bako, bor pjeyoga kong eni bakoe. ¿Kuropde?»
550	GEN 22:2	Tjl̈ẽ ga «Isaac, e bop wa kjl̈araso. E woydëp ara. Sös Moria kjokyo. Pja äär eshko ga zröp, ga sho sup, pjë dret bor poshrëkkl̈o, dl̈up jong kjone pin bop kong l̈i goshko» l̈e.
551	GEN 22:3	Wẽshko kjok shröngto ga kojono, öng so kwomgl̈a kjoyo dre töshko poshäryara, wl̈argl̈o iara ba kjing go. E irgo ga l̈öng zara, ber Sbö poshrëkkl̈o l̈i sho suya wl̈o. Pjir ga söra to ba wa tjok, ba parkagaga do pjök tjok bakoe. Eni ga jek kjok kjone l̈ara Sbörë ba kong l̈ishko.
553	GEN 22:5	Eshko ga tjl̈ẽ ba parkagaga kong ga «Pjãy ber l̈öng na borwa koshë, bor öng tjok. Tja jek këgong kjwozir ëre tjok. Sbö poshrërorwa pjir ga tjawa tjwe iröng obi» l̈e.
557	GEN 22:9	Öötong l̈ok kjokyo kjone l̈ara Sbörë l̈ishko ga Abraham akkwo töno dl̈uw ëng kjing go kjókshko, ga l̈öng iara ba kjing go. Pjir ga ba wa orkwo pjrira, dre pjrira, ga poyona buk l̈öng l̈i kjing go.
568	GEN 22:20	Öötong dbar kop ara ga roy shrono Abraham kong ga ba kjl̈ara Najor wapga tjeng ara. Wapga tjeng domerga dogl̈o kjwong (8) ba boy Milca tjok. Ba wa domer bäm ĩyo ko Uz, e irgo Buz, e irgo Quemuel. (Quemuel, e Aram data.) E irgo ga wapga tjeng domerga ko Quésed, Jazó, Pildás, Yidlaf, Betuel. (Betuel, e Rebeca data.)
575	GEN 23:3	Pjir ga opshino eshko dwayo, ga öör jek shäng l̈an Het tjëyoga tjok. Epga kjok eshko sopga.
578	GEN 23:6	«Tjl̈apga, tjawa kuzong. Pja borwa kong ga tjwl̈õ ara, pjl̈u wa dik. Bop boy jnes borwa sak pjl̈ú, owa l̇l̇ëm wl̈eniyoshko. Kjakrokëp ë pogo kong wl̈eni ga “¡Jöl̈ö!” l̈e bop kong» l̈e.
594	GEN 24:2	Pjl̈ara ga ba parkaga shäng këguë wl̈eniyo rokara. E parkë shäng ba l̇l̇ëbo tjeng kës l̈i daga. Tjl̈ẽ ba kong ga «Woydër ga tjl̈õkwo l̈os bor kong jl̈õkoyo. Pja kä dos, orkwo ios bor kworbo kjing go, e ber ba jyãgl̈o wl̈o. Jehová, e Sbö sök kjok dogo, kjok uunkong shäryaga l̈i e. L̈os bor kong jl̈õkoyo ba ko go ga bor wa Isaac, e ichëp orkwosmok wal̈ë Canaán so tjok l̇l̇ëme.
596	GEN 24:4	Pja jongya bor kjokshko, bor pjeyoga l̈öng l̈ishko. Eshko ga kong boy wl̈ẽp kjl̈ara, bor pjeyoga wapga tjrëko» l̈e.
604	GEN 24:12	Eshko ga syõshtono Jehová kong. Tjl̈ẽ ga «Jehová, pja bor kägäyo Abraham Sbö. Pja wotjl̈ĩk pjl̈ú bor kägäyo l̈i kong kuzong ga tja kjimtos sira, l̇l̇ëbo shäryër shäng ëre ber pjl̈ú wl̈o.
615	GEN 24:23	ga tjl̈ẽ ba kong ga «¿Pja data ë? ¿Bop data ushko, shto tjokde? ¿Tjawa pë eshko ga buere?»
617	GEN 24:25	Borwa ushko ga shto tjok. Pjãy pë eshko ga pjl̈úe. Bop öng kjwe ië wl̈o ga tjawa kjl̈o sho tjok bakoe» l̈e ba kong eni.
619	GEN 24:27	Tjl̈ẽ ga «Jehová, pja bor kägäyo Abraham Sbö. Pja tjwl̈õ kësbange. Pja wotjl̈ĩk pjl̈ú ba kong, ga kjimtëp ara. Tja sörop tek bek irbo bäng äär jong ba pjeyoga l̈öng l̈ishko» l̈e.
623	GEN 24:31	tjl̈ẽ ba kong ga «Pjãy tegö. Pjãy kjimtara Jehovárë. Pjãy ber l̈öng kjoko l̇l̇ëme. U wl̈ẽnor bomi kong tjän. Bop öng kjwe shto wl̈ẽnor bakoe» l̈e.
630	GEN 24:38	Pja jongya bor kjokshko, bor pjeyoga l̈öng l̈ishko. Eshko ga kong boy wl̈ẽp kjl̈ara, bor pjeyoga wapga tjrëko” l̈e.
639	GEN 24:47	»E irgo ga tja tjl̈ẽ ba kong ga “¿Pja data ë?” »“Tja data Betuel. E data Najor, mekë Milca” l̈e bor kong. »Eshko ga ne iokl̈o ioror pjang ba ne go, ga orkwo iokl̈o ioror l̈ok ba orkwo go.
643	GEN 24:51	Ĩzong. Kjogl̈o shäng kjwe. Sözong. Pjãy nomo. Orkwosmok bop kägäyo wa l̈i tjok ga pjl̈ú, l̈ara Jehovárë sorë l̈i eni» l̈e.
650	GEN 24:58	Eni ga rokara l̈ok tek ba shwoy, ga tjl̈ẽ l̈ok ba kong ga «¿Pja jek woydë domer ëre tjokde?» «Ëng. Tja jeke» l̈e.
664	GEN 25:5	Pjl̈ara ga Abraham tjl̈ẽ ga «Tja wol̈onoshko ga bor l̇l̇ëbo tjeng kës l̈i iër ber Isaac kong» l̈e. Ba boyga obl̈ë l̈i wapga sëna Abrahamdë l̇l̇ëbo sira sira, ga ichara to Isaac shwoy dwayo, jek öötong l̈öng kjok shto obl̈ë, dl̈o wen tëm shwo l̈ëkong.