57	GEN 3:1	Dgur, e obl̈ë jyãpgwë äe, äya kjl̈oshko so obl̈ë obl̈ë shäryara Sbö Jehovárë l̈i kjinmo. Pjl̈ara ga tjl̈ẽ wal̈ë l̈i kong ga «¿Jl̈õkoyo ga Sbö tjl̈ẽno bomi kong ga “Kjok ëreshko ga kjor bo uëy uunkong l̇l̇ëme” l̈ara eni jl̈õre?»
65	GEN 3:9	Eshko ga domer l̈i rokara Sbörë. Tjl̈ẽ ga «¿Pja shäng kjone?»
67	GEN 3:11	Kuya ga tjl̈ẽ ba kong ga «¿“Pja shäng kjwor” l̈aga ërë bop kong? ¿Eni l̈i kjor bo uëy l̇l̇ëme l̈oror bop kong l̈i uoropde?»
69	GEN 3:13	Eni ga kjakrokara wal̈ë l̈i kong ga «¿L̇l̇ëye shäryoropdo?» «Tja jyãpgwaga dgurdë. E kjĩshko ga kjor bo l̈i uorore» l̈e ba kong.
89	GEN 4:9	E irgo ga Jehová tjl̈ẽ ba kong ga «¿Bop l̈ëng Abel kwonl̇l̇o?» «Miydër l̇l̇ëme. ¿Eni l̈i tja iak shäng bor l̈ëng dagare?» l̈e ba kong.
369	GEN 15:8	Kuya ga tjl̈ẽ ba kong ga «Tjl̈apga Jehová, ¿kjok ëre ber bor kong jl̈õkoyo miydër sorë?»
390	GEN 16:8	Ga tjl̈ẽ ba kong ga «Agar, ¿pja tek kjone dwayo? ¿Pja to kjone?» «Tja to shäng bor sogo Saray töywë» l̈e ba kong.
415	GEN 17:17	Kuya ga kjök tono, kjujono bokdo kjl̈ay kl̈ung go, ga jar jonge. Wotjl̈ĩk sök ga «¿Domer l̈uyo sak dbäw (100) ga data sorë? ¿E ga Sara l̈uyo sak shkaw (90) ga wa tjok sorë?» l̈e.
434	GEN 18:9	Iono l̈ok pjir ga tjl̈ẽ l̈ok ba kong ga «¿Bop boy Sara kwonl̇l̇o?» «Shäng kjweshko, kjër roy» l̈e ba kong.
435	GEN 18:10	Domerga dogl̈o mya l̈i, kjl̈ara, e Jehová. Tjl̈ẽ Abraham kong ga «L̈u pjl̈ara go ga pja ĩn tjwe obi. Eshko ga bop boy Sara wl̈oshko wa tjeng kjl̈ara domer tjän» l̈e. Kura Sararë kjër pjl̈or go, ba l̈anma kokso l̈ëkong. Eshko dbaryo ga Abraham tjl̈abl̈a, Sara bakoe. Ga Sara, ba dbar mokyo ĩya ame. E kjĩshko ga jar jong, ga wotjl̈ĩk ga «Tja tjl̈abl̈ae. Bor l̈anma tjl̈abl̈a bakoe. ¿Tja wa tjok sorë?» l̈e. Jar shäng l̈i kuya Jehovárë ga tjl̈ẽ Abraham kong ga «¿Sara jar ega? ¿Tjl̈abl̈a kjĩshko ga wa tjok ga äe l̈ere?
453	GEN 18:28	Kjwe shkëng (5) obi äär sak shkëng (50) wl̈o. ¿Shkëng (5) kjĩshko ga kjok pjip jek enire?» Kuya ga tjl̈ẽ ba kong ga «Wl̈ẽnor pjl̈o bek l̈öng sak pkëng kjingsho shkëng (45) wl̈eni ga shdun l̇l̇ëme» l̈e.
455	GEN 18:30	Eshko ga tjl̈ẽ ga «Rokër jek bop kong obi ga pja iirkë bor kong l̇l̇ëm, rokër bop kong ara l̈i kjĩshko. ¿Wl̈ẽnop tjeng sak mya (30) erö wl̈eni ga l̇l̇ëye shäryëp?» Kuya ga tjl̈ẽ ba kong ga «Epga sak mya (30) l̈i kjĩshko ga shdun l̇l̇ëme» l̈e.
456	GEN 18:31	Eshko ga tjl̈ẽ obi ga «Tjl̈apga, pja bangkjrër l̇l̇ëm wl̈eni. ¿Wl̈ẽnop pjl̈o bek l̈öng sak pjök (20) erö wl̈eni ga l̇l̇ëye shäryëp?» Kuya ga tjl̈ẽ ba kong ga «Epga sak pjök (20) l̈i kjĩshko ga shdun l̇l̇ëme» l̈e.
457	GEN 18:32	Eshko ga tjl̈ẽ pjl̈ara obi ga «Tjl̈apga, pja iirkë bor kong l̇l̇ëme. Kjakrokër bop kong pjir ëre döe. Pja barwër ame. ¿Wl̈ẽnop tjeng sak kjwara (10) wl̈eni ga l̇l̇ëye shäryëp?» Kuya ga tjl̈ẽ ba kong ga «Epga sak kjwara (10) l̈i kjĩshko ga shdun l̇l̇ëme» l̈e ba kong.
478	GEN 19:20	Ëreshko kjok buk chira kjrina soye. Tja jek äär eshko ga pjl̈úe. Tja ichozĩ jek eshko, tja ber sök së obi wl̈o. ¿Ĩmi ga chirawa jl̈õ l̇l̇ëmdo?» l̈e.
506	GEN 20:10	¿“Kjwe bor dor” l̈ëp bor kongshko ga pja wotjl̈ĩk shäng l̇l̇ëro?»
540	GEN 21:26	Kuya ga tjl̈ẽ ba kong ga «E miydër eeri jã l̈iro. Shäryaga ërë miydër l̇l̇ëme. L̇l̇ëye l̈opdë bor kong l̇l̇ëme. ¿Eni ga miydër sorë?» l̈e ba kong.
543	GEN 21:29	Ĩya Abimélecdë ga tjl̈ẽ ba kong ga «¿Öng kjorop tjeng kjwe l̇l̇ëno wl̈o?»
555	GEN 22:7	Isaac tjl̈ẽ ba kong ga «¡Data!» «¿L̇l̇ë?» l̈e ba kong. Tjl̈ẽ ga «¿Shji l̈öng tjok, iök tjok, gueniyo öng ushko so l̇l̇gwokl̈ë wl̈eniyo suy wl̈o l̈i sök kjone?»
597	GEN 24:5	Kuya ga tjl̈ẽ ba kong ga «¿Gueniyo kjogl̈o wl̈ẽnor l̈i tek woydë bor tjok l̇l̇ëm wl̈eni ga l̇l̇ëye shäryër? ¿Enira bop wa l̈i sör jongya bop kjok, pja to tek dënashko dwayo l̈ishkore?»
613	GEN 24:21	E wopro ga Abraham parkaga wojeno sök ba ĩk, kjing erä. Wotjl̈ĩk sök jl̈õkoyo ga «¿Tja pak shäryë to shäng l̈i kjimtara Jehovárë beno pjl̈ú l̈ëpde?» l̈e.
615	GEN 24:23	ga tjl̈ẽ ba kong ga «¿Pja data ë? ¿Bop data ushko, shto tjokde? ¿Tjawa pë eshko ga buere?»
646	GEN 24:54	E irgo ga iono ba parkagaga tjok, ga pono l̈öng eshko. Wẽshko ga kojono, ga parkaga l̈i tjl̈ẽ ga «¿Tja to iröng bor kägäyo shwoy ga buere?»
650	GEN 24:58	Eni ga rokara l̈ok tek ba shwoy, ga tjl̈ẽ l̈ok ba kong ga «¿Pja jek woydë domer ëre tjokde?» «Ëng. Tja jeke» l̈e.
657	GEN 24:65	ga tjl̈ẽ parkaga l̈i kong ga «¿Domer tek shäng kjl̈oy dwayo bek bi shwo l̈ëkong kjwe ëro?» «Kjwe bor kägäyo» l̈e ba kong. Eni ga bokkwo kjinyokl̈o kjrara kara, ga ba bokkwo kjinyara.
681	GEN 25:22	Miydara ga wapga tjeng do pjök. Gueniyo epga ëngkjwë tjeng ba bö roy. E kjĩshko ga tjl̈ẽ Jehová kong ga «Ëre owa. ¿Tja oto eniro?» l̈e.
702	GEN 26:9	Eni ga Isaac rokara ba shwoy, ga tjl̈ẽ ba kong ga «¡Miydoror pjl̈ú ga kjwe bop boy! ¿Kjwe bop dor l̈orop ega?» «Tja zrökoba ba kjĩshko l̈oror. L̈oror eni e kjĩshko» l̈e ba kong.
720	GEN 26:27	Öötong l̈öng eshko ga Isaac tjl̈ẽ ba kong ga «Tja woydoromi l̇l̇ëme. Tja ichoromi bomi kjokshko dwayo. ¿Eni ga pjãy tek l̈öng bor ĩk l̇l̇ëno?»
746	GEN 27:18	Eni ga Jacob opzrëno jek ba data bukshko, ga tjl̈ẽ ga ba kong ga «Miga data.» «Kjobe. ¿Pja bor wa kjone dey?»
748	GEN 27:20	Kuya ga tjl̈ẽ ba kong ga «¿Wl̈ẽnop mal̈ing sorë?» «Bop Sbö Jehová, tja kjimtara ba wl̈ẽk mal̈inge» l̈e ba kong.
752	GEN 27:24	tjl̈ẽ ba kong jek obi ga «¿Jl̈õkoyo ga pja bor wa Esaúre?» «Ëng. Tja Esaú» l̈e Jacobdë.
760	GEN 27:32	Kuya ga tjl̈ẽ ba kong ga «¿Pja ë?» «Tja Esaú, bop wa këguëyo» l̈e ba kong.
764	GEN 27:36	Kuya ga tjl̈ẽ ba kong ga «Koiak Jacob e kjĩshko. Tja l̈ũyotkara kjwe tjok ga pjl̈ogl̈o pjök. Bor shto, tja ba shjiy këguëyo, e döra bor shjiryo. Ëre, tjl̈õkwo l̈e datagarë ber pjl̈ú ba wapga domerga bäm ĩ wl̈eniyo kong l̈i, e söra bakoe. Data, ¿tjl̈õkwo l̈ëp pjl̈ú jnenop beno bor kong obl̈ë l̇l̇ëmde?»
765	GEN 27:37	«L̇l̇ëme. E ioror beno sök bop ichaga tjän. Ba pjeyoga uunkong ioror beno ba parkaga. Ba dwl̈a dgara l̈i wen träk l̇l̇ëme l̈oror ba kong. ¿Era pja kjwër l̇l̇ong?»
800	GEN 29:4	Eni ga Jacob tjl̈ẽ öng dagaga l̈öng l̈i kong ga «¿Pjãy kjone so?» «Tjawa Jarán so» l̈e ba kong.
802	GEN 29:6	Kuya ga tjl̈ẽ ba kong ga «¿Sök yonde?» «Ëng, sök yone. Ĩzong. Ba wa Raquel kjwe tek shäng ba öng ushko so tjok» l̈e l̈ok ba kong.
803	GEN 29:7	Kuya ga tjl̈ẽ ba kong ga «Kjok dba obi, dl̈o pjang obi. Öng bängzazl̈ong dl̈oyo äätë l̇l̇ëm obi. ¿Kong di twëmi, sömi kjl̈o sho uë obi wl̈o l̇l̇ëm ega?»
821	GEN 29:25	Wẽshko kjok shröngto ga miydara Jacobdë ga pono Lea tjok. Ga l̈ãywara Labán kong, tjl̈ẽ ba kong ga «¿L̇l̇ëye shäryorop bor kongdo? Tja parkono bop kong, tja orkwosmok Raquel tjok wl̈o. ¿Tja jyãpgworop ega?»
846	GEN 30:15	Kuya ga tjl̈ẽ ba kong ga «Bor l̈anma dörop bor shjiryo. ¿Ga pja wotjl̈ĩk ga l̇l̇ëbo shäryorop l̈i beno bor kong pjl̈ú l̈ëpde? ¿Era kjor bo söra bor warë ëre ëmdë ga döp woydë bor shjiryo bakore?» «Eni ga kjor bo kjwe ãska, pjesit shkëyo ga pja pë Jacob tjok ga pjl̈úe» l̈e ba kong.
862	GEN 30:31	Kuya ga tjl̈ẽ ba kong ga «¿Woydëp ga pja potjwl̈ẽn kjöm?» «Tja potjwl̈ẽp l̇l̇ëme. L̇l̇ëye rokër bop kong l̈i jl̈õ l̈orop wl̈eni ga tja jek bop öng dë obi.
904	GEN 31:30	Miydër pjl̈ú ga pja jek woydë ara bop data ushko iröng obi. ¿Gueniyo bor sböpga jyãgl̈o l̈ũyotkorop ega?» l̈e.
956	GEN 32:28	Kuya ga tjl̈ẽ ba kong ga «Pjae, ¿ko l̇l̇ë?» «Tja ko Jacob» l̈e.
958	GEN 32:30	Kuya ga tjl̈ẽ ba kong ga «¿Pja e, ko l̇l̇ë?» «¿Tja ko miydëp woydë l̇l̇ëno?» l̈e ba kong, ga tjl̈ẽno beno pjl̈ú Jacob kong eshko.
966	GEN 33:5	E irgo ga Jacob boyga, wapga ĩya Esaúrë ga tjl̈ẽ ba l̈ëng kong ga «¿Ëye tek l̈öng bop tjok kjwe ë?» «Tjl̈apga, kjwe bor wapga twara Sbörë bor kong» l̈e.
969	GEN 33:8	Eshko ga Esaú tjl̈ẽ ba kong ga «¿Öng wl̈ẽnor irbo kjwe l̇l̇ë l̈okl̈o?» «Ichoror jek bop kong, pja ber wopjl̈ú bor tjok wl̈o» l̈e.
1092	GEN 37:8	Kuya l̈ok ga ĩywa l̈ok shjiktëng ara anmoyõ, ga tjl̈ẽ ba kong ga «¿Pja wotjl̈ĩk ga pja ber borwa pjl̈uyo, tjawa ichëp wl̈o l̈ëpde?» l̈e. Eni ga woydara l̈ok l̇l̇ëm jek këgong ara anmoyõ, yoĩno l̈i kjĩshko, l̈ara ba kong l̈i kjĩshko bakoe.
1094	GEN 37:10	L̈ara ba data, ba shjiyga kongshko ga kuya ba datarë ga iirkorgö, ga tjl̈ẽ ba kong dbo go ga «¿Pja yoĩno, e l̇l̇ë l̈okl̈oro? ¿Tja, bop mekë, bop shjiyga, tjawa tjwe l̈öng bop zl̈ong, kjujong bop kong wl̈o l̈ëpde?» l̈e.
1099	GEN 37:15	jeno shäng ey. Eni ga domer weno shäng kjl̈ara, ga tjl̈ẽ ba kong ga «¿L̇l̇ëye wl̈ẽpdë shängdo?»
1100	GEN 37:16	«Tja to shäng bor shjiyga wl̈ẽk. ¿L̈öng öng dë kjone l̈ëp bor kong ga buere?» l̈e ba kong.
1114	GEN 37:30	Jek äär ba l̈ëmga tjeng l̈ishko ga tjl̈ẽ ba kong ga «Bi l̈ëng shäng ame. ¿Era l̇l̇ëye shäryër?» l̈e.
1136	GEN 38:16	Wal̈ë, e ba pjl̈aydo miydara l̇l̇ëm kjĩshko ga jek öötong shäng ba shwoy ga tjl̈ẽ ba kong ga «¿Tja pë bop tjok ga buere?» «¿Pja pë bor tjok wl̈eni ga ãska l̇l̇ëye twëp bor kong?» l̈e.
1138	GEN 38:18	Kuya ga tjl̈ẽ ba kong ga «¿L̇l̇ëye woydëp?» «Bop ko jyãgl̈o pjang bop bëngshko ba kjiyo go kjwe twos bor kong. Bop kjorkung kjwe twos bor kong bakoe» l̈e. Kuya ga twara ba kong, pono ba tjok, ga beno shäng kjl̈araso l̇l̇ëme.
1141	GEN 38:21	Eni ga kjakrokara domerga eshko so kong ga «Wal̈ë Enayin so shäng kjl̈ara, to shäng opsoynek domerga obl̈ë obl̈ë kong wl̈eniyo. L̈unashko ga sök irbo ëre sor go. ¿E kwonl̇l̇o?» «Wal̈ë eniyo jũshko drete» l̈e l̈ok ba kong.
1149	GEN 38:29	Gueniyo orkwo shino jem iröng ga ba kjl̈arawa orkwo pjrik l̇l̇ëm l̈i buk bäm go. Eshko ga ba kjimtaga tjl̈ẽ ba kong ga «¿Pja buk bäm go sorë?» l̈e. E kjĩshko ga koiara Fares.
1180	GEN 40:7	Eni ga tjl̈ẽ ba kong ga «¿Pjãy woydë ara ega?»
1260	GEN 42:7	E José miydara ba shjiygarë l̇l̇ëme. Era ommiydono ga ba shjiyga tjwayde l̈öng. Gueniyo tjl̈ẽno ba kong oba obl̈ë wl̈eni, kjang kjange. Tjl̈ẽ ba kong ga «¿Pjãy kjone so?» «Tjawa tek Canaán kjokyo dwayo, dl̈i tjwl̈ẽga» l̈e l̈ok ba kong.
1262	GEN 42:9	Eshko ga yoĩno dënashko ba shjiyga tjok sorë ga woyo tjwe kjl̈ay ba kong. Ga tjl̈ẽ ba kong ga «¿Pjãy tek l̈öng borwa kjok ëre buk sorë ĩga l̇l̇ëmdo?»
1281	GEN 42:28	Ga tjl̈ẽ ba pjeyoga kong ga «Bor dburwa twara l̈ok tek bor kong iröng. ¡Ĩzĩa! Buk bor dl̈i sho kjing go» l̈e. Kuya l̈ok ga bangkjrara l̈ok ara, opshgawono l̈öng dete erä. Ga tjl̈ẽ ëng kong ga «¿L̇l̇ë shäryayde Sbörë bi kong jũni?» l̈e.
1297	GEN 43:6	Kuya ga tjl̈ẽ ba kong ga «¿L̇l̇ëbo shäryëmi bor kong owa ara ega? ¿Pjãy l̈ëng shäng kjl̈ara l̈ëmi domer e kong l̇l̇ëno?»
1318	GEN 43:27	Eshko ga José tjl̈ẽ ba kong ga «¿Pjãy yonde? Pjãy tjl̈ẽ bor kong ga bomi data tjl̈abl̈ae. ¿Sök yonde?»
1320	GEN 43:29	Ba shjiyga kjing ĩya Josérë. Benjamín, ba l̈ëng data, mekë kjl̈araso l̈i ĩya ga tjl̈ẽ ga «¿Bomi l̈ëng l̈ëmi kjupä kjwere?» l̈e. Ga tjl̈ẽ Benjamín kong ga «Pja miydaga ber Sbörë» l̈e ba kong.
1340	GEN 44:15	Eshko ga José tjl̈ẽ ba kong ga «¿L̇l̇ëye shäryoromiro? ¿Tja ëre l̇l̇ëbo miydokl̈o tjok miydëmi l̇l̇ëmdo?» l̈e.
1360	GEN 45:1	Eshko ga José sl̈arwõ, ga tjl̈ẽ ba parkagaga l̈öng l̈i kong ga «¡Pjãy opshis uunkong na dwayo!» l̈e, ga beno shäng tjoksa ba pjeyoga tjok, ga sl̈atong jl̈õkoyo. Kuya Egipto sopga l̈öng kjoko l̈irë ga roy shdöra öötong uunkong kong, öötong Egipto so pjl̈uyo ushko bakoe. Eshko ga José tjl̈ẽ ba pjeyoga kong ga «Tja José. ¿Bor data sök sëre?» l̈e. Kuya l̈ok ga beno l̈öng sëya l̇l̇ëme. Dborye l̈ok ga äe. Tjl̈õkwo drete.
1424	GEN 47:3	Eni ga pjl̈u tjl̈ẽ ba kong ga «¿Pjãy pak l̇l̇ë?» «Tjl̈apga, tjawa tek chilawa obishko dwayo ga tjawa pak, e öng daga, borwa tjëyoga dëna ĩ dik.
1429	GEN 47:8	Ga pjl̈u tjl̈ẽ ba kong ga «¿Pja l̈u pjl̈obi?»
1460	GEN 48:8	Eshko ga Jacob tjl̈abl̈a, kjok ĩgö pjl̈ú ame. E kjĩshko ga José wapga miydara l̇l̇ëme. Eni ga tjl̈ẽ José kong ga «¿Kjwepga kjwe ë?» «Kjwe bor wapga twara Sbörë bor kong na Egipto kjokyo» l̈e ba kong. Kuya ga tjl̈ẽ ba kong ga «Tek sös bor zl̈ong bäng, tjl̈õkwo l̈ër ber pjl̈ú ba kong wl̈o» l̈e. Eni ga ba wapga söra jek ba kjokë zl̈ong. Eshko ga popjl̈ura Jacobdë, ga l̈õ shira.
7148	RUT 1:19	Eni ga jek l̈ok pjöyĩkong. Öötong l̈öng Belén kjokyo ga nopga shdöktong tjl̈ẽ ara. Wal̈ëga eshko so tjl̈ẽ l̈ok ëng kong ga «¿Kjwe Noemí l̇l̇ëmdo?» l̈e l̈ok eni.
7150	RUT 1:21	Tja opshino na dwayoshko ga l̇l̇ë pogo woydër l̈i tjok. Gueniyo tja söra Jehovárë tek iröng or rorëe. Opyono shäng bor wl̈oyo. ¿Eni ga tja kowëmi Noemí sorëro?» l̈e.
7156	RUT 2:5	Eshko ga tjl̈ẽ ba parkagaga tjeng l̈i kägäyo kong ga «¿Wal̈ë shäng kjwe ë pjeyo?»
7161	RUT 2:10	Kuya ga kjök tono, kjujono bokdo kjl̈ay kl̈ung go, tjl̈ẽ ga «Tja shto obl̈ë so. ¿Bop bokso ga tja pjl̈úe l̈ëp ega?»
7183	RUT 3:9	ga tjl̈ẽ ba kong ga «¿Pja ëro?» «Tja bop parkaga Rut. Tja kjimte bor pjeyoga soshko kjl̈ara jũni l̈irë kjl̈uwe. Ga kjl̈ara jũni, e pja. Woydër ga pja orkwosmok bor tjok» l̈e ba kong.
7190	RUT 3:16	Rut öötong shäng ba ëm shwoy ga Noemí tjl̈ẽ ba kong ga «Toguë, ¿pja öör sorë?» l̈e. Kuya ga l̇l̇ëye l̈ara Boozdë ba kong l̈i l̈ara ba kong pjire.
22608	JON 1:8	Eni ga tjl̈ẽ l̈ok ba kong ga «L̈os borwa kong ga ¿l̇l̇ëbo owa tjwe borwa kong ega? ¿Pja pak l̇l̇ë? ¿Pja tek kjone dwayo? ¿Pja kjone so? ¿Pja tjëyo kjone dey?»
22609	JON 1:9	«Tja hebreo. Jehová, e bangkjrotë. E Sbö, kjok uunkong shäryaga, dl̈ung ëre shäryaga bakoe. Tja ëre to shäng ba töywë» l̈e ba kong. Kuya l̈ok ga bangkjrara ara, tjl̈ẽ ba kong ga «¿Shäryëp eni ega?» l̈e.
22611	JON 1:11	Eshko ga dl̈ung poyong dbo kjrë jek këgong këgong, ga tjl̈ẽ l̈ok ba kong ga «¿L̇l̇ëye shäryërwa bop tjok, dl̈ung ëre sl̈an ber buk tjëkso wl̈o?»
22641	JON 4:4	Kuya ga tjl̈ẽ ba kong ga «¿Pja iirkë kjweni ga pjl̈úre?» l̈e.
22646	JON 4:9	Kuya Sbörë ga tjl̈ẽ ba kong ga «¿Pja iirkë kji sho dano l̈i kjĩshko ga pjl̈úre?» «Ëng. Bor kong ga pjl̈úe. Tja sök ëreshko wol̈on iirdë» l̈e.
22648	JON 4:11	Nínive kjokyora nopga ara, sak dbäw dbäw pjl̈ogl̈o sak dbäw kjingsho sak dbäw dbäw pjl̈ogl̈o sak pjök (120,000) kjinmo. L̇l̇ëye pjl̈úre, de oware, e miyde l̈ok l̇l̇ëme. Eshko ga öng ara bakoe. ¿Eni ga songe l̈ër l̇l̇ëm sorë?» l̈e.
23242	MAT 2:4	Eshko ga syõshtaga kägäyoga, no pinggaga kjok l̇l̇gwekkl̈o tara Moisésdë l̈i go, e rokara pjl̈urë uunkong, ga tjl̈ẽ ba kong l̈ok ga «¿No pjl̈uyo iche l̈e Sbörë l̈i wen buk kjone?»
23459	MAT 9:11	Ĩya fariseogarë ga tjl̈ẽ Jesús oppinggaga l̈öng l̈i kong ga «¿Bomi pingga kjwe ië nopga owa wl̈eniyo tjok kjweni ega?» l̈e.
23462	MAT 9:14	Dbar kjwara ga Juan oppinggaga tek shrono l̈öng Jesús shwoy ga tjl̈ẽ ba kong ga «Tjawa ië l̇l̇ëm Sbö kong dbar kop ara. Fariseoga omshäryë eni bakoe. ¿Bop oppinggagara omshäryë eni l̇l̇ëm ega?»
23476	MAT 9:28	Ga Jesús jek öötong shäng ushko ga nopga kjok ĩgö l̇l̇ëm wl̈eniyo l̈i jek äär l̈öng ba irgo. Eshko ga Jesús tjl̈ẽ ba kong l̈ok ga «¿Woyotjl̈ĩmi ga pjãy bokkwo poptër ga pjl̈úe l̈ëmire?» «Ëng, Tjl̈apga» l̈e l̈ok ba kong.
23531	MAT 11:3	l̇l̇ëbo kjakrokë Jesús kong. Öötong l̈öng Jesús shängshko ga tjl̈ẽ l̈ok ba kong ga «¿No pjl̈uyo iche l̈e Sbörë koshërwa l̈öng l̈i pjare, de obl̈ë koshorwarë?»
23568	MAT 12:10	Domer shäng kjl̈ara eshko orkwo kjwara sl̈osl̈oe. Fariseoga l̈öng eshko kjl̈öbö, l̇l̇ëbo wl̈ẽya l̈öng ara, Jesús rote e go wl̈o. Eni ga tjl̈ẽ l̈ok ba kong ga «¿Woshtozl̈ong dbaryo ga no poptëy ga pjl̈úre?»
23572	MAT 12:14	Gueniyo ga fariseoga opshino jek l̈ok ey dwayo, ga tjl̈ẽ l̈ok ëng kong ga «¿Jesús, e zröy sorë ga pjl̈ú?» l̈e.
23581	MAT 12:23	Nopga l̈öng eshko l̈i beno l̈öng yëy l̈e erä. Ga tjl̈ẽ ëng kong ga «¿Ëre David tjëyo shrono shäng bi dögaro l̇l̇ëm?» l̈e l̈ok eni.
23606	MAT 12:48	Kuya ga tjl̈ẽ ba kong ga «¿Bor mekë, e ë? ¿Bor l̈ëmga, e ë?» l̈e.
23618	MAT 13:10	E irgo ga ba oppinggaga tek shrono l̈öng ba zl̈ong bäng ga tjl̈ẽ ba kong ga «¿Pja tjl̈ẽ oba kong l̇l̇ëbo jyãgl̈o go erä ega?»
23659	MAT 13:51	Eshko ga Jesús tjl̈ẽ ba kong l̈ok ga «¿Tjl̈õkwo l̈ër shäng l̈i l̇l̇ë l̈okl̈o miydëmi l̈öngde?» «Ëng, miydërwa» l̈e l̈ok ba kong.
23664	MAT 13:56	¿Dorga l̈öng na bi tjok bako l̇l̇ëmdo? ¿Kjok miydë ara kjwe wl̈ẽya kjone?» l̈e l̈ok ëng kong eni.
23697	MAT 14:31	Eshko ga shara Jesúsdë jekdo ba orkwo go, ga tjl̈ẽ ba kong ga «Pja mär bor go jl̈õkoyo l̇l̇ëme. ¿Pja kjimtër l̇l̇ëme l̈orop ega?» l̈e.
23714	MAT 15:12	Wop tjok ga ba oppinggaga tek shrono l̈öng ba zl̈ong bäng ga tjl̈ẽ ba kong ga «L̇l̇ëye l̈orop l̈i kjĩshko ga fariseoga iirkono ara. ¿E miydëpde?»
23735	MAT 15:33	Kuya l̈ok ga tjl̈ẽ ba kong ga «¿Nopga träk l̇l̇ëm kjwe së̃y sorë? ¿Kjok no l̇l̇ëmshko ëre dl̈i wl̈ẽy kjone?» l̈e.
23736	MAT 15:34	Kuya ga tjl̈ẽ ba kong ga «¿Pjãy pjl̈ung shosho suk pjir tjeng kjwobi?» «Tjeng kjwo kjäk (7), mã chilawa tjeng kjwöbö bakoe» l̈e l̈ok ba kong.
23754	MAT 16:13	Jesús jek öötong Filipo Cesarea kjokyo ga tjl̈ẽ ba oppinggaga kong ga «¿No to ter kjok dogo dwayo ëre, e ë l̈ëba?» l̈e.
23756	MAT 16:15	Kuya ga tjl̈ẽ ba kong ga «E ga pjãy e, ¿tja ë l̈ëmi?» l̈e.
23779	MAT 17:10	Kuya l̈ok ga tjl̈ẽ ba kong ga «No pinggaga kjok l̇l̇gwekkl̈o tara Moisésdë l̈i go tjl̈ẽ l̈ok ga “Borwa pjl̈uyo iche l̈e Sbörë l̈i tjwe ber nopga uunkong pjl̈uyo wl̈o. Gueniyo ga Elías tjwe bäm go” l̈e. ¿L̈e l̈ok eni ega?»
23788	MAT 17:19	Döni ga ba oppinggaga l̈öng tjoksa Jesús tjokshko ga tjl̈ẽ l̈ok ba kong ga «¿Ä sëya l̈i to ichororwa l̇l̇ëm ega?»
23793	MAT 17:24	Jesús, ba oppinggaga, e öötong l̈öng Capernaúm kjokyoshko ga kä potjwl̈ẽkkl̈o dburyo l̈i töngga Sbö u kong l̈öng eshko l̈i tjl̈ẽ Pedro kong ga «¿Bop pingga kjwe kä potjwl̈ẽk l̇l̇ëmdo?»
23794	MAT 17:25	«Ëng, potjwl̈ẽya» l̈e ba kong. Döni ga Pedro opzrëno jek u roshko. Ga l̇l̇ëye l̈ayde Pedrorë ba kong l̇l̇ëm obishko ga Jesús tjl̈ẽ ba kong ga «¿“Pjãy kä potjwl̈ẽk bor kong” l̈e pjl̈upgarë ë kong? ¿Ba wapga kongde, de oba obl̈ë kong?»