23236	MAT 1:23	‘Eh! Har̃ai maevo matea i pa pangepange, ale i pa vasusui na natuna lamane matea. La pa tau na hijana vara Immanuel.’ R̃aramin hija atu enia, ‘God mo lo toho isar̃a’.
23244	MAT 2:6	‘Bethlehem sei na jara tavera atu Judah, engko ko aulu ko jeu la haratu la lo aulu Judah. Tamlohi aulu matea i pa tai isam i pa tavui sipsip mata i kilau na noku tamlohi Israel.’”
23253	MAT 2:15	moiso, Joseph mo lo toho Egypt mo tikeli na rani Herod mo mate. Hinau nike, mo masese sohena usuri na sava pr̃ovet la verea tuai moiso lara Moli God mo verea mara, ‘Na tovi nar̃ihi natuku Egypt’.
23256	MAT 2:18	‘Na jara atu Ramah, tamlohi la lo tangi, ale la tangtangi tavera, Rachel mo lo tangisi na natuna, ale mo r̃ohu vara tea i nanau isana matan natuna la mate.’
23261	MAT 2:23	Mo vano na taon tavera matea la tovia Nazareth, ale la tohoa atu vara sava pr̃ovet la verea tuai matan Kr̃isto i pa masese lara, ‘La pa tovia vara mara Nazareth’.
23264	MAT 3:3	Matan enia haratu sei pr̃ovet Isaiah mo lo retireti hinia tuai sei mara, ‘Na jara hasetoho leona mo lo ulo mara: Ha tatamahuni na malele na mapumim matan Moli God i pa hahau hinia.’
23270	MAT 3:9	Ha sopo r̃omaulu vara, ‘Kamam kama juri matan tamamam Abraham!’ matan na verea isamim, God i er̃i posi la vatu nike, la mai natun Abraham!
23282	MAT 4:4	Pani Iesu mo r̃aramia mara, “Na Retiulia, God mo verea mara, ‘Tamlohi i sopo er̃i mauri na pereti purongo, pani na reti tari God mo verea.’”
23284	MAT 4:6	ale mo verea isana mara, “Vara engko Natun God o kue, matan na Retiulia God mo verea mara, ‘Mo retileu isana nona angelo matam, matan vara la pa tauriho na limara, ale o pa sopo er̃i vujahi na palom hin te vatu.’”
23285	MAT 4:7	Iesu mo r̃aramia mara, “La mele ulia na Retiulia God mo verea mara, ‘O sopo vaihite nom Moli God.’”
23288	MAT 4:10	Moiso, Iesu mo verea isana mara, “Setan, o vano! Matan na Retiulia God mo verea mara, ‘O pa lotu nom Moli God, ale o volitusi isana hasena purongo!’”
23293	MAT 4:15	‘La haratu na jara Zebulun enia Naphtali, peresi la haratu na tavalun tasi atu, peresi la haratu telesivo na wai Jordan, peresi Galilee jara tamlohi r̃or̃oha la lo toho ea,
23324	MAT 5:21	Ka rongo na sava la verea isana tamlohi tuai lara, ‘Ha sopo vilimatei na tamlohi. Vara tea mo vilimatei te tamlohi i pa turu na aria.’
23330	MAT 5:27	Ka rongo na sava la verea moiso lara, ‘O sopo juruvi peresi te har̃ai mo sopo naroum’.
23336	MAT 5:33	Ka rongoa la verea isana pir̃a tuai lara, ‘O sopo tope na nom retitauhi, ale o pa turu na nom retitauhi ko vaia na hijan Moli’.
23340	MAT 5:37	Vara ha vere na nomim retitauhi ha verea purongo vara ‘io!’ teni ‘mo vono!’ Ha sopo mele vere te hinau i aulu hin haratu matan hinau tinapua mo tai isan Tiapolo.
23341	MAT 5:38	Ka rongoa la verea tuai moiso lara, ‘Mata matea mata mata matea’ ale ‘Hur̃u matea mata hur̃u matea’.
23346	MAT 5:43	Ka rongoa la verea moiso lara, ‘O opoi na tahisam!’ Ale lara, ‘O r̃ohu na nom meresahi!’
23382	MAT 6:31	Ha sopo r̃omkaka vara, ‘r̃a pa hani te sava hinau?’ teni ‘r̃a pa inu na sava?’ teni ‘r̃a pa ru te sava?’
23389	MAT 7:4	Teni o pa er̃i verea isan voraim sohena sava vara, ‘Tapala o tinar̃ihiau a lavi nar̃ihi na utauta rihirihi matea na matam!’ pani ko sopo hitevosahi na masunga vipahai na matam hasem?
23407	MAT 7:22	Na rani mata aria, tamlohi matuvana la pa toviau vara, ‘Moli! Moli!’ La pa verea lara, ‘Kama lo retivujavujangi na hijam, ale na hijam kama lo titiu na tanume sasati, ale kama lo vai na hina mar̃urahi matuvana hinia.’
23423	MAT 8:9	Matan enau sohem, na lo toho na ruhuruhu suiha aulu tinapua, ale la sileau na suiha vara a aulu na noku tamlohi vuro, vara a vere isan te hatea vara, ‘O vano!’ ale i pa vano, vara a vere isan te tinapua vara, ‘O mai!’ ale i pa mai, vara a verea isana noku volitusi vara, ‘O vai haranike!’ ale i pa vaia.”
23431	MAT 8:17	Ale sava pr̃ovet Isaiah mo verea moiso mo masese sei mara: ‘Mo lavi nar̃ihi na nor̃a rojoa, ale mo vair̃a r̃a r̃uhu.’
23453	MAT 9:5	Sahara mo mele malum vara a verea isan tamlohi papao nike? ‘Enau na r̃omiho mata nom hehe!’ Teni vara a verea vara, ‘O turu! O hahau!’
23461	MAT 9:13	Ha vano ha levosahi na r̃aramin Retiulia sei mo verea vara, ‘Na sopo opoi na malamalai, pani na opoia vara ha r̃omopoi na tinapua.’ Enau na sopo mai vara a tovi la haratu la tataholo moiso vara la mai noku tamlohi, pani na mai vara a tovi la haratu la hehe.”
23538	MAT 11:10	Retiulia mo retireti hin John mara, ‘O lo levosahia vara, a pa r̃ule na noku vahar̃ule matea i tiroma hiniho vara i tatamahuni na hinau matam.’
23545	MAT 11:17	‘Kama roro na pue tangtangi, pani ka sopo velu! Kama lavi na vete mata r̃omi na tamlohi mate, pani ka sopo tangtangi!’
23546	MAT 11:18	Na vere harihi matan John tamlohi paptijo mo sopo vano r̃alihi vara i lo hanhani teni i lo inuinu peresi na tamlohi, pani ka vara, ‘Tamlohi sei tanume sasati matea mo lo toho hinia!’
23547	MAT 11:19	Ale Natun Tamlohi mo lo hahau r̃alihi mo lo hanhani mo lo inu peresi na tamlohi, ale ka vara, ‘Tamlohi sei mo lo hanhani, ale mo lo inu hajavua. Enia tapala tamlohi la lo lavi na mania mata takis peresi la haratu la hehe.’ Vara ha sopo er̃i hitevosahi na lelevosahi kama lo vaia nake, ha pa er̃i hitevosahia na vuana hitahu.”
23565	MAT 12:7	Ale vara ha pa lo levosahi na r̃aramin hinau sei, ‘Na opoi na posposi r̃omopoi, mo sopo malamalai!’ Ha pa sopo ari la haratu la sopo ori.
23576	MAT 12:18	‘O kilau vano! Noku volitusi sei enia noku vir̃oni, enia haratu na opoi jea sei mapuku mo avulahi tavera hinia. A pa tau na Tanumeku hinia, ale enia i pa vereuli na noku posposi tataholo isana tamlohi r̃or̃oha.
23602	MAT 12:44	mo verea mara, ‘A pa mele hilu, a vano na ima na tai ea’. Ale mara mo pala mo tapai ima atu mo vuruvuru, mo hitea vara la tivesia, ale la tau tataholoi na hinau tari na jarara.
23622	MAT 13:14	Varar̃uhu, sava Isaiah mo reti mangovia hinia moiso mo masese hinira vara, ‘Ha pa rongoa, pani ha pa sopo er̃i levosahia, ale ha pa hitea, pani ha pa sopo er̃i rongovosahia.
23635	MAT 13:27	Moiso volitusi non tamlohi tavera mata ima la mai isana lara, ‘Tamlohi tavera, avei, kama r̃om vara ko hapor̃ahi na piri r̃uhu purongo na isam, pani sohena sava natu, r̃uvu la tuvu hinia?’
23636	MAT 13:28	Ale mo verea isara mara, ‘Noku meresahi matea mo vai hinau sei.’ Ale nona volitusi lara, ‘Ale ko opoia vara kama vano kama saputira?’
23637	MAT 13:29	Pani mo verea mara, ‘Mo vono! Mo sopo r̃uhu vara ha saputira matan ha pa er̃i saputi na wit peresira.
23643	MAT 13:35	Harihi mo mar̃ivisi na sava pr̃ovet la verea tuai sei vara, ‘A pa vujangi na tamlohi na titileu, a pa vereuli na sava la luhu na tapulo varama mo tikeli nake.’
23706	MAT 15:4	Matan God mo retileu mara, ‘O oloolo hin tamam peresi tinam!’ Ale mara, ‘Hare mo reti sati hin tamana teni tinana, i pa mate matana.’
23707	MAT 15:5	Pani ka verea kara, ‘Mo tataholo vara tea i verea isan tamana enia tinana vara sava tuetueni vara i er̃i silea isara, mo pete silea isan God moiso.’
23710	MAT 15:8	‘La tamlohi nike, la lo oloolo hiniau na hurira purongo, pani mapura la lo toho asau hiniau;
23743	MAT 16:2	Iesu mo r̃aramira mara, “Vara mo ravravi, kara ‘Taro i pa r̃uhu matan telangi mo hahara!’
23744	MAT 16:3	Ale na r̃alavuho, ‘Taro i pa sati nohorihi matan telangi mo hahara, ale mo r̃or̃oha!’ Ka lo levosahia vara taro i pa sohena sava matan ka lo kilau na masapa, pani ka sopo er̃i hitevosahi na matamata matan rani nike ka lo toho hinia?
23789	MAT 17:20	Mo verea isara mara, “Matan nomim rasua mo rihirihi! Varar̃uhu na verea isamim, vara nomim rasua mo r̃ilangi sohena piri paka matea, ha pa er̃i verea isan vutivuti nike, vara ‘O juhati o vano sevano!’ Ale i pa juha. Ale sava natu, vara ha pa sopo er̃i vaia?
23822	MAT 18:26	Ale slev atu mo jovi na pauna, mo tangi mara, ‘O r̃omperavu isaku, ale a pa voli vevuhi na noku ave tari isam!’
23824	MAT 18:28	Pani na rani pa slev atu mara mo malue, mo vano mo tapai na slev tinapua matea non tamlohi tavera atu, ale slev sei mo ave isana na mania mo tataholo na voli tamlohi matea mata rani mo ngav sangavulu mo taurilatia, mo tapulo punia mara, ‘O voli na nom ave isaku!’
23825	MAT 18:29	Ale slev atu mo jovi na pauna mo tangi isana mara, ‘O r̃omperavu isaku, a pa voli nar̃ihi na noku ave isam.’
23828	MAT 18:32	Moiso nona tamlohi tavera mo tovi pa slev atu mo mai isana, mo verea isana mara, ‘Engko ko slev sasati matea ko putu tataholo. Na tinar̃ihi vevuhi na nom ave matan ko usia mo r̃ilangi isaku.
23836	MAT 19:5	Ale mo verea mara, ‘Ale matana, tamlohi i pa tinar̃ihi tamana enia tinana, ale i sor̃otahi isan narouna, ale la pa epe matea?’
23850	MAT 19:19	o oloolo hin tamam enia tinam moiso’,ale ‘O opoi na tinapua sohen ko lo opoiho hasem’.”
23868	MAT 20:7	La verea isana lara, ‘Mo sopo tea i usi kamam vara kama voko nona.’ Mo verea isara mara, ‘Kamim sohena, ha vano na isa grape.’ Ale la vano.
23873	MAT 20:12	lara, ‘La haranike la pa mai hitahu la voko mata aoa matelete purongo, ale ko volira sohemam sei, kama slev nom na alo tavera mo tikeli nakerihi.’
23898	MAT 21:3	Ale, vara tea mo vere te hinau isamim matana, ha pa verea vara, ‘Nomam tamlohi tavera mo opoira!’ ale vahatea i pa r̃ulera la mai.”
23900	MAT 21:5	‘Ha verea isan la haratu la lo toho Zion vara: Nomim Supe mo lo mai isamim, mo r̃ommalum, ale mo lo sakele na donki matea, ale ha kilau vano, donki sei mo lo sakele hinia enia natu donki matea!’
23908	MAT 21:13	Mo verea isara mara, “Retiulia mo verea vara, ‘Imaku la pa tovia ima usiusi.’ Pani kamim ka vaia mo mai jara luhu non la haratu sei la tatamahu moiso mata vili na tamlohi mata vavanaho.”
23911	MAT 21:16	Ale la verea isana lara, “Ko rongo na sava la lo verea?” Ale Iesu mo verea isara mara, “He'e! Kamim ka sopo lo evia na Retiulia hin te rani vara, ‘God engko ko tatamahu na nom hasohaso vara i pa malue na jingo natuvarihi peresi na pipi?’”
23916	MAT 21:21	Moiso Iesu mo r̃aramira mara, “Varar̃uhu na verea isamim, vara te nomim rasua, ale ha sopo r̃om rua, kamim ha pa er̃i vaia sohen harihi na vaia isan pulo fig nike, ale ha pa er̃i verea isan vutivuti nike, vara, ‘O hase sauho aulu, o pulahiho na lolo tasi!’ Ale i pa masese.
23920	MAT 21:25	Suiha atu John mo lo paptijo hinia mo tai epu? Mo tai na tuka, teni isana tamlohi?” Ale la lo sorasorahia isara lara, “Vara r̃a verea vara, ‘Mo tai na tuka!’ i pa verea isar̃a vara, ‘Mata sava ka sopo rasua?’
23921	MAT 21:26	Pani vara r̃a verea vara, ‘Mo tai isana tamlohi purongo!’ vao nike la pa parur̃a matan enira la verea vara John enia pr̃ovet varar̃uhu matea non God.”
23924	MAT 21:29	Ale uluvou atu mo r̃aramia mara, ‘Na r̃ohu!’ pani hitahu mo posi na r̃omina, ale mo vano.
23925	MAT 21:30	Ale mo mele vano isan natuna tinapua atu, mo verea sohena. Ale mo r̃aramia mara, ‘A pa vano tata!’ pani mo pa sopo vano.
23932	MAT 21:37	Na isoisona, mo r̃ule natuna mo vano isara mara, ‘Korong la pa oloolo hin natuku!’
23933	MAT 21:38	Pani na rani la tamlohi atu lara la hite natuna, la verea isara hasera lara, ‘Nona korohi nakerihi. Ha mai, r̃a vilia, ale r̃a pa lavi na koruna.’
23937	MAT 21:42	Iesu mo verea isara mara, “Enjora, ka sopo lo evi hinau nike na Retitapu hin te rani? ‘Vatu atu tamlohi voro ima la lo tipahia, enia mo mai tapulo pulo vatu mata ima, haranike Moli God mo vaia, ale mo r̃uhu jea matan r̃a er̃i hitea.’
23945	MAT 22:4	Ale mo mele r̃ule te slev tinapua, ale mo verea isara mara, ‘Ha vano isan la haratu r̃a usira tiroma, ha verea isara vara la mai natu, matan na tatamahuni na noku hanhani moiso, ale ka hitea, la vili na pulaku buluk hai peresi na natu buluk hai sei la r̃avisvis r̃uhu, hinau tari mo tatamahu moiso, ha mai na hanhani tavera mata lahi.’
23949	MAT 22:8	Ale mo verea isana nona slev mara, ‘Hanhani tavera mata lahi mo tatamahu moiso, pani haratu r̃a usira tiroma la sopo r̃uhu.
23954	MAT 22:13	Moiso supe atu mo verea isana nona slev mara, ‘Ha pesi pulutahi na palona peresi na limana, ha pulahia hin jara r̃or̃oha atu mata talai. Hin jara atu la pa tangtangi, ale la pa ngar̃ngar̃ori na hur̃ura mata rongohaji ea.’
23965	MAT 22:24	lara, “Tija, Moses mara, ‘Vara te tamlohi mo mate mo sopo te natuna, tasina i pa lavi narouna mata i korohi te natun tavaina.’
23973	MAT 22:32	‘Enau God non Abraham, God non Isaac, ale God non Jacob!’ God mo sopo verea vara enia God non la haratu la mate, pani non la haratu la mauri.”
23980	MAT 22:39	Haruana mo sohen harihi, ‘O opoi na tahisam sohen ko lo opoiho hasem’.
23985	MAT 22:44	‘Moli God mo verea isan noku Moli: O sakele na matuaku na jara oloolo nike, i tikeli pongi atu a tau na nom meresahi na ruhuruhu palom.’
24017	MAT 23:30	kara, ‘Vara kama pa lo toho na pongi non la nomam tata, kama pa sopo tuenira vara la vili na pr̃ovet.’
24026	MAT 23:39	Matan na verea isamim, ha pa sopo mele hiteau vavano i tikeli rani atu ha pa verea vara, ‘Ler̃uhu hin haratu mo lo mai na hijan Moli God’.”
24049	MAT 24:23	Moiso vara tea mo verea mara, ‘Ha kilau mai nike! Kr̃isto atu enia nahai, teni enia natu, sevano’ — mo vono, ha sopo rasua.
24052	MAT 24:26	Ale vara la verea isamim lara, ‘Ha kilau vano, enia natuvano na jara tano koru!’ — ha sopo vano atu! Teni vara la verea lara, ‘Ha kilau mai nike, enia nahai mo lo toho na lolo ima nike!’ — ha sopo rasua!
24055	MAT 24:29	La hinau r̃ilangi atu vara la vano moiso, ‘Vahatea purongo mera alo i pa tihai, vitu i pa sopo mele sile na memerana, vitusarasara la pa jovjovi na masapa, ale God i pa hutehi na suiha tari na tuka’.
24074	MAT 24:48	Pani vara volitusi sasati matea mo lo hase r̃omr̃omia vara, ‘Noku tamlohi tavera i pa sopo mai vila sei!’
24083	MAT 25:6	Pani na livuha vutepongi la rongo na leo matea mo ulo mara, ‘Tamlohi i pa lahi nahai. Ha mai ha tapaia.’
24085	MAT 25:8	Pani la haratu la rongorongo vono, la verea isan la haratu la lelevosahi lara, ‘Ha sile te nomim wel makomona isamam matan nomam lamu potele la lo tapulo mate.’
24086	MAT 25:9	Pani la haratu la lelevosahi la r̃aramira lara, ‘Wel mo sopo tataholo hinir̃a mo isoiso. Ha vano na stoa ha voli te nomim!’
24088	MAT 25:11	Mo sopo tuai la har̃ai maevo tinapua atu la pala lara, ‘Tamlohi tavera! Tamlohi tavera, o roi isamam!’
24089	MAT 25:12	Pani mo r̃aramira mara, ‘Varar̃uhu na verea isamim, na sopo levosahi kamim.’”
24097	MAT 25:20	Ale haratu mo lo lavi na selen mo lima mo juha mai isana, mo lavi na selen mo lima tinapua hin la haratu mo lo lavira tiroma mo verea mara, ‘Tamlohi tavera, ko sileau na selen mo lima; ale na mele vai na selen mo lima tinapua.’
24098	MAT 25:21	Ale nona tamlohi tavera mo verea isana mara, ‘Ko vai na voko r̃uhu. Ko r̃omturu r̃ilangi na nom makomo hinau, ale nake a pa tauho o aulu na hinau mo mar̃ivi. O unu na avulahi tavera non nom tamlohi tavera.’
24099	MAT 25:22	Ale haratu mo lo lavi na selen mo rua mo juha mai isana, mo lavi na selen mo rua tinapua hin la haratu mo lo lavira tiroma mo verea mara, ‘Tamlohi tavera, ko sileau na selen mo rua; ale na mele vai na selen mo rua tinapua.’
24100	MAT 25:23	Ale nona tamlohi tavera mo verea isana mara, ‘Ko vai na voko r̃uhu. Ko r̃omturu r̃ilangi na nom makomo hinau, ale nake a pa tauho o aulu na hinau mo mar̃ivi. O unu na avulahi tavera non nom tamlohi tavera.’
24101	MAT 25:24	Ale haratu mo lo lavi na selen matea mo juha mai isana mo verea mara, ‘Tamlohi tavera, na levosahia vara engko tamlohi r̃ilangi matea, ko lo lavi na vua pahai engko ko sopo lavoa. Ko lo takonahi na wit na jara engko ko sopo hapor̃ahi tea ea,
24103	MAT 25:26	Pani nona tamlohi tavera mo r̃aramia mara, ‘Engko tamlohi sasati, ko slev maloko vari. Ko r̃omi vara enau tamlohi r̃ilangi matea, ale na lo lavi na vua pahai na sopo lavoa, ale na lo takonahi na wit na jara na sopo hapor̃ahi tea ea?
24105	MAT 25:28	Ale mo verea isan te nona slev tinapua mara, ‘Ha lavi nar̃ihi selen atu isana, ha silea isan haratu mo lavi na selen mo sangavulu,
24111	MAT 25:34	Ale i pa verea isan la haratu na matuana vara, ‘Ha mai, kamim sei Tamaku mo ler̃uhu hin kamim! Ha lavi mauri atu God mo aulu hinia sei mo tau mamahunia matamim tuai tiroma moiso mo pa vai na varama.
24117	MAT 25:40	Ale Supe i pa r̃aramira, vara ‘Varar̃uhu na verea isamim, na rani ko vaia te hinau mo r̃uhu isan te voraiku teni te vevorai rihirihi hatea, ko lo vaia isaku.’
24118	MAT 25:41	Ale i pa verea isan la haratu na marauna vara, ‘Ha malue na nahoku, kamim ka lo toho na ruhuruhu lesati, ha unu na hapu matan tui tui atu na tatamahunia matan Tiapolo peresi na nona angelo sati,
24122	MAT 25:45	Ale i pa r̃aramira vara, ‘Varar̃uhu na verea isamim, matan ka sopo vai te hinau r̃uhu isan te voraiku rihirihi hatea ka sopo vaia isaku.’
24141	MAT 26:18	Mo verea mara, “Ha unu na taon tavera, ale ha hite na tamlohi matea, ale ha verea isana vara, ‘Tija mo verea mara, noku rani mo mai mariviti, a pa hani na hanhani mata Passover peresi na noku tamlohi usuri na imam.’”
24154	MAT 26:31	Ale Iesu mo verea isara mara, “Kamim mo isoiso ha pa rovo hiniau nohorihi na vutepongi. Matan la ulia na Retiulia moiso vara, ‘A pa vilijovi na tavui sipsip ale sipsip la pa rovorovo.’
24184	MAT 26:61	lara, “Tamlohi akerihi mo verea mara, ‘Enau a er̃i komo na Temple non God, ale a mele voroa na rani i tolu purongo.’”
24205	MAT 27:7	Ale la matavuhi la hatihia vara la pa lavi mania atu, la voli na lepa matea la tovia ‘Lepa non Potter’ matan vara la pa lo tavuni na tamlohi la sopo Jew hinia.
24206	MAT 27:8	Matana, lepa atu la tovi ‘Lepa mata R̃ae’ mo tikeli nake.
24207	MAT 27:9	Ale sava reti pr̃ovet Jeremiah mo verea mo masese mara, ‘Ale la lavi na silver selen mo ngavulu tolu, voli mauri sei tatua natun Israel la hatihia vara mo tataholo hinia,
24241	MAT 27:43	Enia mo tau na nona rasu hin God, mo r̃uhu vara God i pa juria nakerihi vara na masalona, matan mo lo verea mara, ‘Enau Natun God.’”
24244	MAT 27:46	mariviti na matan alo mo tolu na ravravi, Iesu mo ulo aulu na leo r̃ilangi matea mara, “Eli, Eli, lema sabatani?” R̃aramina, ‘Noku God, noku God, mata sava ko rovo hiniau?’