24985	LUK 1:23	Dhahipadduwa egaakwanile malabo a mabasa aaye ahiwelela vade.
24989	LUK 1:27	Oyene ahamunonile mulobwana. Attomeliwe ni mulobwana, eeriwa Zhuuze, aali a nlogo na mwene Davidi.
24994	LUK 1:32	Onaakale mulubale, akopolo. Oneethaniwege Mwaana a Mudhulu-dhulu. Nabwiya Mulugu oneere omvaha othonga wa babaye Davidi.
24996	LUK 1:34	Mariya ahiwoga: “Dhinandeye addi vowi miyo kagimunonile mulobwana?”
25000	LUK 1:38	Vano Mariya omwaakula, wiira: “Gili va, mwiimeleli a Nabwiya. Dhiireye wa miyo dhatedhene mooligana ni madhu eenyu.” Vano mungero ovenyavo vemeliligiiye.
25005	LUK 1:43	Asaa! Dhandeyile a ddi wi amaaye a Nabwiya aaga, egeeddele miyo?
25031	LUK 1:69	Ohunivenyihedha ovulumuwa wa kopolo, odheela vade va Davidi, mwiimeleli aaye.
25046	LUK 2:4	Mwaha wa ela, Zhuuze ahivenya mudhi wo oNazareti, wo oGalileya. Odhowa nluwa no oBetelemi, oZhudeya, wewo wabaliwe kingi Davidi. Vowi oliye aali a nlogo na Davidi.
25053	LUK 2:11	Vuruwanani, muselu ya buula: Muhubaliweliwa peeno veva, muluwani na Davidi, Mvulumusi, Kirixtu, Muthikitheliwi a Mulugu, Nabwiya.
25115	LUK 3:21	Dhahipadduwa athu ateene ebathiziwaga, teto ahibathiziwa Yesu. Alobelaga odhulu wahithuleya.
25125	LUK 3:31	Eliyakimu mwaana a Meleya, Meleya mwaana a Menna, Menna mwaana a Matatha, ola di mwaana a Nathani, mwaana a Davidi,
25126	LUK 3:32	Davidi mwaana a Yese, Yese mwaana a Obeddi, Obeddi mwaana a Bowazi, ola di mwaana a Sala, mwaana a Naaxoni,
25136	LUK 4:4	Mbwenye Yesu ahaakulaga, wiira: “Dhihilebiwa: ‘Kahuwo mukaatheve onamukalihana muthu egumi.’ ”
25140	LUK 4:8	Yesu ahimwaakulaga, wiira: “Dhihilebiwa: ‘Omwebedhe Nabwiya Mulugu aawo, omwiimelela Oliyeeneve, baahi.’ ”
25155	LUK 4:23	Yesu ahawaaddela, wiira: “Mohanganyedha munodha mugiwogele nigano: ‘Nowi we oli ng'anga, wiyilihe wekaawo! Dhatedhene mwiwiliihu mwiirilinyuna oKafaranawu, Mwiirena owaninyu wuno.’”
25173	LUK 4:41	Vaaligi, mineba dhabure dhegi okuma mwa athu ajinji. Dhigakumile, dhookuwaga, dhiiraga: “Nyo Muli Mwaana a Mulugu!” Yesu oohihaga wi dhihiwoge vowi dhahinona wi Oliye di Kirixtu.
25188	LUK 5:12	Dhahipadduwa ayi, Yesu aaligi nluwa nimohinene, mwahikala mulobwana mmohi anna maredda mumwiilini wateene. Agamoonile Yesu, ahikokoraga, oworomihedha kove vati, omuloba, wiira: “Nabwiya, Nyo muhukanna owodha, mwafuna, mugeelihe.”
25199	LUK 5:23	Yoohurusa siivi: wiira, ‘Dhoothega dhaawo dhihileveleliwa,’ naari wiira, ‘Venya weedde’?
25203	LUK 5:27	Dhigeereyile nde, Yesu ahivenyagavo, omoona namakoha-musoko agakaratile vowaakela korowa, eeriwa Levi. Omwiirela: “Giharege.”
25217	LUK 6:2	MaFarizi amohiwa yahimukohaga, yiiraga: “Dhinakooddihiwa nlabo na Sabuddu, muneerelana ddi?”
25218	LUK 6:3	Yesu ahawaakulaga, wiira: “Nyo kamweelengile dheerile Davidi ni akwaaye aganna dala?
25246	LUK 6:31	Dhatedhene dhinafuniinyu wi athu yuwiirelegeni, nyo mwawiirelege aliwa.
25254	LUK 6:39	Vano Oliye ahiwelelaga, owoga vevo vaaligi muthithi mwa musibe, wiira: “Dhili dhoofwaneelela wi muliba ohoona amusogolele muliba ohoona mukwaaye? Kinamorele mmuliddini abiilene?
25257	LUK 6:42	Onanda addi omwiirela ddibilo: ‘Ddibilaaga, mahi givenyihemo ekata eli mwiintonimo,’ ohoonaga emiri eli mwiintoni mwaawo? Namaleketha, vowambeela ovenyihemo ekata eli mwiintoni mwaawo, vano oneerege woona pama wi ovenyihemo ekata eli mwiintoni mwa ddibilo.”
25286	LUK 7:22	Oliye ahawaakulaga: “Dhowani, mwamwaaddele Zhuwawu nde dhoniliinyu ni dhiwiliinyu: aliba ohoona enowoona, aliba otopinya enoweedda, aliba maredda enoweelihiwa, aliba ohiiwa enowiiwa, anookwa enovenyihiwa, ni oorabula enolaleyeliwa muselu wapama.
25312	LUK 7:48	Nuwindo, ahiwogaga ni mwihiyana ole, wiira: “Dhoothega dhaawo dhihileveleliwa.”
25362	LUK 8:48	Nuwindo, Yesu omwiirela: “Mwaanaga, nroromelo naawo nihuyiliha! Dhowa ni murenddele.”
25388	LUK 9:18	Dhahipadduwa ayi, Yesu ahipothowaga odhowa vowi ivale, egi olobela ni anamasuuza aaye egali vakuukuvi. Oliye waakohaga, eeraga: “Athu eni Miyo Gili aani?”
25399	LUK 9:29	Alobelagave, mooneyelo a kove yaaye yahisadduwaga. Dhoowara dhaaye dhaaligi dhoweela mbuu, dhegi ozherimela.
25416	LUK 9:46	Dhahipadduwa mudhidhi mmohi anamasuuza yegi ovaanyihana wi aakale oofuneya mwa aliwa baani.
25433	LUK 10:1	Dhigeereye nde, Nabwiya Yesu ahaasakula anamasuuza amohi, makumi matanu nameenddi ni abiili, waaruma abiili-abiili, wi esogole edhowe mmaluwani ni mburo mwafuniiye odhowa.
25434	LUK 10:2	Ahawaaddela, wiira: “Dhohadda dhihinjiva, anamalaba eli vang'ono. Nyo anamasuuza mmulobe Nabwiya mwiinya a dhohadda wi aarume anamalaba omidda waaye.
25435	LUK 10:3	Dhowani dhiinoveva! Miyo Ginowurumani woona mabila vaari va miiji
25454	LUK 10:22	“Dhatedhene Gihivahiwa ni Ababaaga. Kalivo omunonile Mwaana ahili Babe, teto kalivo omunonile Babe ahili Mwaana, ni ayene Enaafuniyena waanoniha.”
25464	LUK 10:32	Dila emohive egi ovira muLevita, agamoonile ni oliyeene, ahimuwereweraga.
25469	LUK 10:37	Oliye ahaakula: “Di ole amukamihedhe.” Yesu ahiira: “Odhowe, weeregena ndo.”
25531	LUK 12:3	Dhatedhene dhinawogelinyu wipipini dhinovuweya mutaneene, dhinawogelinyu vati-vati mba dhinodha olaleyiwa vathaddo.”
25621	LUK 13:34	“Zheruzalemi, Zheruzalemi we, onaapa anamavuhulela, onaavonya ni mabwe ale enarumihiwa wa we, aaa! Dila ngaasi Gifunaga waatugumanya anaawo woona nikolo na mwanaku nnaatugumanya anaaye vati va mompelo aaye, we ohufunaga!
25625	LUK 14:3	Yesu ahaakohaga maFarizi ni ale yatapulela malamulo, eeraga: “Dhinorumedheya naari kadhinarumeedheya oyiliha Sabuddu?”
25639	LUK 14:17	Mudhidhi ogafiyile ahimuruma mwiimeleli aaye wi awaaddele yawiithaniliye: ‘Dhaani vowi dhatedhene dhihaakwanela.’
25651	LUK 14:29	Dhinampadduwele agambelile adhe ahimarihe, mwaha wi keelengele korowadha mowakwanela, ateene enamoonege embeddege,
25679	LUK 15:22	“Babaye ahawaaddelaga anamalaba aaye: ‘Dhaanani mowaaguva yoowara yooriyesesa muwariheni, teto pethe mwimbunoni, sapatho omanyaloni.
25684	LUK 15:27	Oliye omwaakula, wiira: ‘Ddibilawo didhiile, ababo waaruma wi epe mwana-ng'ombe yooruva, mwaha wowi ohumwaakela, aganna egumi.’
25711	LUK 16:22	“Dhahipadduwa muliba oolobaloba agakwile. Angero yahimuthukula, omudhowana wakala Abarahamu. Teto muliba oreela agakwile yahimudhowana omulogoha.
25734	LUK 17:14	Yesu agawoonile, ahiiraga: “Mudhowe mweyoonihe wa anamakutha.” Dhahipadduwa edhowaga mundila yahiyilihiwaga.
25740	LUK 17:20	Dhahipadduwa ayi, maFarizi yahimukohaga Yesu wi Omwene wa Mulugu onadha alini? Yesu ahawaakulaga, wiira: “Omwene wa Mulugu kunadha ni mukalelo wowooneya ni meento,
25746	LUK 17:26	“Dhapadduwile malabo a Nowe, teto sinapadduwe malabo a Mwaana a Muthu.
25748	LUK 17:28	“Dhimohive dhedhi dhahipadduwa malabo a Lothi. Yooja, yoong'wa, yoogula, yooguliha, yoodhala, yoomaga nyuba dhijinji.
25750	LUK 17:30	“Dhinadha dhiireye ndala nlabo noodha wiyooneyiha Mwaana a Muthu.
25757	LUK 17:37	Vano, anamasuuza aaye yahimukohaga: “Dhineereye waani dhedhi, Nabwiyani?” Yesu ahaakulaga, wiira: “Vevo vinaakale muruthu, fivevo teto vinatugumane mibidha.”
25781	LUK 18:24	Yesu agamoonile [wi ohukukumuwa vajinji], ahiiraga: “Dhili dhoorusa vajinji oreela wi evolowe muMweneni wa Mulugu!
25783	LUK 18:26	Ale yeewilege yahiiraga: “Dheera ndo, ki onavulumusiwe baani?”
25784	LUK 18:27	Yesu ahawaakulaga: “Dhihinandeya ni athu, dhinandeya ni Mulugu.”
25791	LUK 18:34	Anamasuuza ale kayeewelelagamo yego mwa dhatedhene. Dhatapulelaga madhu ala yaaligi oowipiteya, kayanonelagamo dhawogigiye.
25792	LUK 18:35	Dhahipadduwa Yesu aaddamelaga oZheriko, wahikala muliba ohoona akaratilege waaddamela mundila, alobaga wa athu yowikamihedhana.
25795	LUK 18:38	Vano oliye ahikuwaga: “Yesu, Mwaana a Davidi, mugeeddiwele thagaraga!”
25796	LUK 18:39	Ale yadhowaga osogolo wa Yesu yomwihihaga wi amaale, mbwenye ookuwagave ni ntidi: “Mwaana a Davidi, mugeeddiwele thagaraga!”
25817	LUK 19:17	“Nabwiye ahimwaakulaga, wiira: ‘Dhihikala pama, oli mwiimeleli apama; mwaha wi ohooneyiha ororomeleya ni dhooyeva, onodha waathonge maluwa kumi.’
25829	LUK 19:29	Dhahipadduwa wi yaaddamelaga oBetifazha ni oBetaniya, vakuukuvi ni Mwango wa Olivera, ahaarumaga anamasuuza aaye abiili, ahawiirelaga:
25830	LUK 19:30	“Dhowani mmavade a mmiganoni mwemule, mwavolowaga, munomfwanya buuru agamageleliwe ohunagweliwege ni muthu. Mmutapule, mmudhena.
25846	LUK 19:46	Ahawaaddelaga: “Dhihilebiwa: ‘Nyuba yaaga enakale nyuba ya malobelo.’ Mbwenye nyo muhusaddula okala nikungu na ambava.”
25864	LUK 20:16	Oliye onodha, aatolose anamalima ale, aavahe amoheene muddaya.” Athu egeewile nda, yahiiraga: “Dhi kadhinapadduwa!”
25870	LUK 20:22	Dhinorumedheya, naari kadhinarumeedheya wi nipelekege musoko wa Sezari?”
25889	LUK 20:41	Vano Yesu ahaakohaga, wiira: “Dhinawogeliwa ddi wi Kirixtu di mwaana a Davidi?
25890	LUK 20:42	Vowi mwinyeene Davidi ohuwoga mManiivuruni a Masaalimu wiira: “‘Nabwiya ohuwoga wa Nabwiya aaga: Okaraati omoononi-waaga-wooja,
25892	LUK 20:44	Ki akala Davidi onowiithana ‘Nabwiya.’ Onadha addi okala mwaanaye?”
25907	LUK 21:12	“Dhihineereye dhego dhatedhene nda, enodha yuhiddegeni ni wurabulihani. Yuuthukulelegeni omuladduni munyuba dha malobelo ni wufugelani mukaambura. Munodha mpelekiwege vameentoni va amwene ni makuminadoro, mwaha wa ndina naaga.
25925	LUK 21:30	Dhambeela opwedheya, nyo munonona wi elimwe ehaaddamela.
26042	LUK 23:38	Vadhulu vamuraddi vahilebiwa: OLA DI MWENE A AZHUDEWU.
26079	LUK 24:19	Oliye ahaakohaga aliwa: “Epadduwile ddi?” Vano, yahimwaaddelagamo dhende: “Dhampadduwele Yesu muNazareti. Oyene aali mulobwana namavuhulela owodha mmabasani ni mmadhuni vameentoni va Mulugu ni vameentoni va athu ateene.
26099	LUK 24:39	Moone madada aaga, ni manyalo aaga. Di Miyeene. Mugaababele, mugoone. Vowi ntowa kannakanna mwiili, naari makuva, munagoneliinyu Miyo Gihikanna.”
26106	LUK 24:46	Wawaaddela, wiira: “Dhilebiwe sowi; Kirixtu oneere orabulihiwa, ni ovenyihiwa muukwani nlabo na nethaaru.